ఉ.జాతి యొసంగు దాఖ్యముల స్వార్థ విశేష కుయుక్తి తోడ సం
ప్రీతిగ స్వీకరించియును వ్యర్థములైన కుతర్క వాద సం
జాత విష ప్రచారముల సంగతి మాటున ధ్వంస మార్గపున్
రీతుల నెంచు వారల భరించి సహింపగనేల? భారతీ!౹౹ 67
(దాఖ్యము=నేర్పరి తనము)
మ.మహి నీ జాతికి సత్త్వ హేతువులు సన్మార్గంపు సంధాతలై
బహుళార్థమ్ములొసంగుసంపదలరూపమ్ముల్ లతాంగుల్ తగన్
సహధర్మార్ధ శరీరులై అలరు సత్సాంగత్య సామ్రాజ్ఞులు
ద్వహనమ్మైన సుభాషిణుల్ శిఖరిణుల్ ధన్యుల్ సదా భారతీ!౹౹68
కామెంట్లు లేవు:
కామెంట్ను పోస్ట్ చేయండి