శ్రీకాళహస్తీశ్వరమ్
కలుగవే ఫలములు కందమూలంబులు
విరివిగా సలిలంబు విపిన మందు
నుండవే బిలములు నుండంగ వసతిగా
యేరులు పాఱవే నీరు తోడ
చిరు పల్లవంబులు చిగురు టాకులు పెక్కు
వనమందు నుండవే మనము పొంగ
యనయంబు మనమందు యాశీనువై నీవు
వైరాగ్య మిచ్చేవు వరము గాను
నిరత రక్షణ మోక్షంబు నీయ నీవు
మోహ మందున మునిగియు మూఢ జనులు
యేల పోవలె సేవించ యేలికలను ?
రమ్య శ్రీకాళహస్తీశ్వరా ! నమోస్తు 46
✍️ గోపాలని మధుసూదన రావు 🙏
కామెంట్‌లు లేవు:
కామెంట్‌ను పోస్ట్ చేయండి