శివానందలహారీ

 🙏శివానందలహారీ 🙏

ఫలద్వా పుణ్యానాం మయి కరుణాయా నా త్వయి విభో !

ప్రసన్నే2పి స్వామిన్ !  భవ దమల పాదాబ్జయుగళమ్

కథం ? పశ్యేయం మాం స్థగయతి నమస్సం భ్రమజుషా మ్

నిలింపానాం శ్రేణి ర్నిజ కనక మాణిక్య మకుటై :

నాపుణ్య ఫలమోకో ! నాపైని కరుణయో !

          మన్నించితివి నన్ను నిన్నుజూడ

పరమేశ ! భవదీయ పాదపద్మంబులన్

           దర్శింతు నేరీతి దరికి జేరి ?

వరుసగా నచ్చోట వసియింతు రమరులున్

           భవదీయ పదసుమ స్పర్శ కొఱకు

మహనీయు లగువారి మకుటంబు లందున

           వెల్గెడి మాణిక్య విమల కాంతి

సురుల మకుటపు మణిమయ  శోభ లెల్ల

విభవ మొప్పగ దిశలను వెల్గు చుండ

నడ్డుగా నుండ మన్నయనాబ్జములకు ,

నెట్లు నిను గాంతు నీశ్వరా ! యేమి సేతు ?     17 #

త్వ మేకో లోకానాం పరమఫలదో , దివ్యపదవీమ్

వహంత స్త్వన్మూలాం పున రపి భజంతే హరిముఖా:

కీయద్వా ? దాక్షిణ్యం తవ ,శివ ! మాదాశా చ కియ తీసి

కదా వా మద్రక్షా0 వహతి కరుణా పూరిత దృశా

పరమ ఫలములిచ్చు భగవాను డరయంగ

           నీ వొక్కరుండవే నిఖిలమందు

పరమేశ ! నీవిచ్చు పదవులు పొందియు

           విష్ణు డాదిగనున్న విమలబుద్ధు

లత్యున్నతి పదవు లాశించు చుందురు

           నిరతంబు యీశ్వరా ! నిన్ను నమ్మి

నీ దయ నెంచంగ నిక్క మెవ్వరి కైన

           చర్చించి చూడగా సాధ్య మౌనె

యైన నా యాశ కేమాత్ర మంతులేదు

విమలపూరిత కారుణ్య వీక్షణమున

నన్ను రక్షింప వేడుదు సన్నుతించి

దివ్యమానస సంస్థితా ! దేవ ! దేవ !     18 #

✍️ గోపాలుని మధుసూదన రావు🙏