ఆద్యాత్మిక సాధన

 

ఆద్యాత్మిక సాధన చేసే వారు,  

వారిని వారు పరిశీలించు కుంటూ, 

కావలసిన మార్పులు చేసుకుంటు, 

వారిని వారు సంస్కరించుకుంటారు. 

దీనికి కావలసినది

శ్రద్ద, స్వప్రయత్నం, 

స్వయంక్రమశిక్షణ, స్వయంపరీశీలిన.  

మనకి ఏడూ శక్తి చక్రాలు ఉన్నయి. 

అవి వరసగా 

మూలాధారం, స్వాదిష్టానము, 

మణిపురకం, అనాహతం, 

విశుద్ది, ఆజ్ఞా సహస్రారము.

ఆరు చక్రాల స్థితి బట్టి, ఏడవ చక్రం స్థితి ఉంటుంది. పూర్తిగా ఈ ఆరు చక్రాలు శక్తివంతమైతే, అప్పుడు సహస్రారము శక్తివంతంగా ఉండి. ఆరుచక్రాలలో ఉన్న స్వభావం సహస్రారంలో కనిపిస్తుంది. అలాంటి వారిని Multi dimensional personality అంటాము.

ఈ శక్తి చక్రాలలో, శక్తి నిల్వ సమముగా ఉంటే ఒక లాగా, లేకపోతె ఇంకోలాగా ఉంటాము. 

దిని వల్ల మన శక్తి క్షేత్రాలలో శక్తి నిల్వలు ఏమాత్రం ఉంటాయో తెలుస్తుంది.

1) మూలాధార చక్రము

శక్తి నిల్వ లేక పోతే ఇలా ఉంటుంది

నాకు రక్షణ కావాలి, నా భౌతిక అవసరాలు ఎలా తీరుతాయో ఏమో అన్న భయం భయంగా ఉంటుంది. ఇదే స్వభావంగా ఉంటుంది.

 

శక్తి నిల్వ సమముగా ఉంటే ఇలా ఉంటుంది

నేను సరైన రక్షణలో ఉన్నాను. నా అవసరాలన్నీ చక్కగా సమకూరుతున్నాయి. నాకెలాంటి భయం లేదు' అన్నది స్వభావంగా ఉంటుంది.

2) స్వాదిష్టానము చక్రము

శక్తి నిల్వ లేక పోతే ఇలా ఉంటుంది

నా ఆరోగ్యం బాగుండదు. ఎప్పుడు విచారంగా నెగటివ్ ఆలోచనలతో ఉండడము అన్నది స్వభావంగా ఉంటుంది.

శక్తి నిల్వ సమముగా ఉంటే ఇలా ఉంటుంది 

'ఆరోగ్యాన్ని, ఆనందాన్ని పంచే స్థితిని ఆహ్వానిస్తాను. వాటిని ఆసాంతం అనుభవిస్తాను' అన్నది స్వభావంగా ఉంటుంది.

3) మణి పురక చక్రము

శక్తి నిల్వ లేక పోతే ఇలా ఉంటుంది

నా వైఫల్యాలలకి బయట వ్యక్తులను బాధ్యత చేస్తాను. నామీద నాకు నియంత్రణ ఉండదు అన్నది స్వభావంగా ఉంటుంది.

శక్తి నిల్వ సమముగా ఉంటే ఇలా ఉంటుంది

నేను చేసే ప్రతి పనికీ నేనే బాధ్యుడను. నన్ను నేను అదుపు చేసుకోగలను' అన్నది స్వభావంగా ఉంటుంది.

4) అనాహతం చక్రము

శక్తి నిల్వ లేక పోతే ఇలా ఉంటుంది

ఎవ్వరిని ప్రేమించలేను, నా చుట్టు ఉన్నవారు నాకు ఎదో ఎదో ఇవ్వాలి అని తాపత్రయం ఉంటుంది. మంచి చెడుల పై నిర్లక్ష్యం ఉంటుంది అన్నది స్వభావంగా ఉంటుంది.

శక్తి నిల్వ సమముగా ఉంటే ఇలా ఉంటుంది

నేను అందరి ప్రేమనూ పొందగలను. నా చుట్టు ఉన్నవారికి ప్రేమను పంచుతాను. మంచి చెడులను ఏకరీతిన జీవితంలోకి ఆహ్వానిస్తాను అన్నది స్వభావంగా ఉంటుంది.

5) విశుద్ది చక్రము

శక్తి నిల్వ లేక పోతే ఇలా ఉంటుంది

ఆలోచనలలో స్పష్టత ఉండదు. గందరగోళంగా ఉంటుంది. చెప్పాలని ఉంటుంది కానీ చెప్పేది ఎదుటి వారికే కాదు, నాకు కూడా అర్థం కాదు అన్నది స్వభావంగా ఉంటుంది.

శక్తి నిల్వ సమముగా ఉంటే ఇలా ఉంటుంది

నేను ఏ విషయాన్నైనా కొత్తగా ఆలోచిస్తాను. దాన్ని నలుగురికీ ఆసక్తి కలిగేలా చెప్పగలను' అన్నది స్వభావంగా ఉంటుంది.

6) ఆజ్ఞా చక్రము

శక్తి నిల్వ లేక పోతే ఇలా ఉంటుంది

అనవసర బ్రమలలో ఉంటాను. అంతర్ సంభాషణని దివ్యాత్మల ప్రభోదం అని ప్రచారం చెయ్యాలి అన్నది స్వభావంగా ఉంటుంది.

శక్తి నిల్వ సమముగా ఉంటే ఇలా ఉంటుంది

అంతర్బుద్దిని, ఊహాశక్తిని పెంచుకొంటాను అన్న స్వభావంగా ఉంటుంది.

ఇలా మన స్వభావాలని గమనిస్తూ ఏ చక్రానికి శక్తి నిల్వ లేదో మనకు మనం పరీక్షించుకోవాలి.

చక్రాలు శుద్ధి చేసుకోవడానికి వేలైనంత వరకు ఉప్పు నీటితో (వేడినీటిలో రాళ్ళ ఉప్పు వేసుకొని) తల స్నానం చేయాలి. 

 ఆ తరువాత గుడ్డతో తుడుచుకోకండా దానంతట అది ఆరిపోవడానికి ఎదురు చూడాలి. 

ఇందువల్ల చక్రాలు శుద్ధి అయి ప్రకాశవంతంగా ఉంటాయి.

వీటికి అంటుకున్న నెగటివ్ వైబ్స్ లోపలికి చొరబడవు.

ఇతరుల దృష్టి మనని చేరదు. (దిష్టి తగిలింది అంటాం కదా) ఆ దిష్టి తగలదు. 

ఇదండీ ఆద్యాత్మిక సాధన.

ఏమంటారు