లక్ష్మీదేవి

 లక్ష్మీదేవి

౼౼౼౼౼

తండ్రి పోలికనందు తనయనా, క్షీరాబ్ధి౼

       సిత దీధితులతోడ చెలగుతల్లి,

సహజన్ముల కొక లక్షణమునా, చందురు౼

        వెన్నెలల్, స్మేరమై వెలుగుతల్లి,

పతికిష్టసతి, సౌఖ్యవతియౌనునా, విష్ణు౼

        హృదయ వాసమ్మునం దెసగుతల్లి,

నడలె యశోదీప్తినిడునునా, జగములే

        సతతమ్ము కొలువగాజాలు తల్లి,

కాలుసేతులు కన్నులు కడకు నుండె

డాసనము లబ్జములెగాగ యలరుతల్లి

సిరులు కురిపించు లక్ష్మిగా వరలుతల్లి

కనకదుర్గా!ప్రణామ సౌమనసు, లివియె.

రాయప్రోలు సీతారామశర్మ, భీమవరం.