💧 *వానను దేనితో కొలుస్తాం*
〰️〰️〰️〰️〰️〰️〰️〰️〰️
వానను దేనితో కొలుస్తాం ---
మునిగి ఇంకా తేలలేని
ఇండ్ల లెక్కతో కొలుస్తాం!
కోసుకు కోసుకు పోయిన రహదారుల లెక్క పత్రాలతో
కట్టకట్టి కొలుస్తాం!
వానను దేనితో కొలుస్తాం -
బాధితుల లెక్కకు రాని
కన్నీళ్లతో కొలుస్తాం!
కట్ట తెగి బట్టబయలైన
మన రారాజుల నవాబుల నాటి
చెరువులతో కొలుస్తాం !
వానను దేనితో కొలుస్తాం ---
చేతికి రాబోయి చేజారిన
రైతు వేదనల పంటతో కొలుస్తాం!
కలం నుండి వరద ఊటైన
కవుల కవితలతో కొలుస్తాం !
- కందాలై రాఘవాచార్య
కామెంట్‌లు లేవు:
కామెంట్‌ను పోస్ట్ చేయండి