వర్షాకాలం వచ్చేసింది.

 

🔯

 వర్షాకాలం వచ్చేసింది. నైఋతి ఋతుపవనాలు రెండు తెలుగు రాష్ట్రాలను తాకాయి.

🔯  వర్షాకాలం లో సాధారణంగా ఇన్ ఫ్లో, ఔట్ ఫ్లో , TMC మరియు Cu Sec మొదలగు పదాలు, వినిపిస్తూ ఉంటాయి. వాటి గురించి   చాలా మందికి తెలియదు. 

🔯  ముందుగా క్యూబిక్ ఫీట్ ( ఘనపుటడుగు )అంటే తెలుసుకుందాం. పొడవు, వెడల్పు, లోతు ఒక్కొక్క అడుగు చొప్పున ఉన్న ఒక పాత్రలో ఎంత నీరు పడుతుందో , దాన్ని ఒక క్యూబిక్ ఫీట్ అంటారు.

🔯 

1 క్యూబిక్ ఫీట్. = 28.3168 లీటర్లు.

🔯   జలాశయాలలో నిల్వ ఉన్న నీటి పరిమాణం చెప్పటానికి ఉపయోగించే  ప్రమాణము టీ.ఎం.సీ.  TMC - THOUSAND MILLION CUBIC FEET  అని అర్థం.

 ఒక టి .ఎం. సి .   విలువ 2,832 కోట్ల లీటర్లు ఉంటుంది.

🔯   క్యూసెక్ అనేది నీటి ప్రవాహ వేగాన్ని కొలిచే ప్రమాణం.CU SEC - CUBIC FEET PER SECOND అని అర్థము. బ్యారేజ్ గేట్ల ద్వారా లక్ష క్యూసెక్కుల నీరు విడుదల చేశారు  అంటే  ఒక  సెకను కాలంలో గేట్ల ద్వారా 28.3168 లక్షల లీటర్ల నీరు విడుదలైంది అని అర్థం.

🔯  సాంకేతిక సమాచారం ప్రకారం        1 TMC నీరు, సుమారు 10,000 ఎకరాలు సాగు చేయడానికి సరిపోతుంది.

🔯  విచారించ దగ్గ విషయం ఏమిటంటే - గడిచిన నాలుగు సంవత్సరాల కాలంలో ఒక్కొక్క సంవత్సరం సుమారు 20 లక్షల క్యూసెక్కుల నీరు కృష్ణానది ద్వారా హంసలదీవి వద్ద బంగాళా ఖాతం లో కలిసిపోవడం . 

🔯 ఈ నీటిని మనం నిల్వ చేయగలిగితే కొన్ని సంవత్సరాల పాటు సరియైన వర్షాలు కురవకపోయినా సాగునీటికి, త్రాగునీటికి లోటు లేకుండా మనం జీవించగలం.

🔯 ఢిల్లీ, బెంగళూరు వంటి మహానగరాల్లో వేసవి కాలంలో ఏర్పడే నీటి కటకట అందరికీ తెలిసిందే. నీటి సమస్య రాకుండా ఉండాలంటే ప్రతి ఇంటి వద్ద ఇంకుడు గుంతలు యేర్పాటు చేసుకోవాలి. నీటి వృధా ను అరికట్టాలి.

🔯 అందరికీ ఈ రెండు పదాల అర్థము వివరించాలని నా ఆలోచన. ధన్యవాదములు.

  ఇట్లు

   మీ 

భోగాది సుబ్రహ్మణ్యేశ్వరరావు, 

రిటైర్డ్ వైస్ ప్రిన్సిపాల్.