నేటి మాట

 *నేటి మాట*

 *🪔🪔 బంధాలు-బలాలు 🪔🪔*

*🍁చరాచర జగత్తులో అన్ని జన్మల కన్నా మానవ జన్మ దుర్లభమైంది' అంటారు వేదాంతులు.*🙏🙏🙏

 దానికి కారణం ఉంది. మరే ఇతర ప్రాణులకూ లేని బంధాలు, మమకారాలు, కుటుంబ వ్యవస్థ లాంటివన్నీ మనుషులకు మాత్రమే ఉన్నాయి. 

వాటి ఫలితంగా ప్రతి మనిషి జీవితంలోనూ

 *అమ్మ, నాన్న, అన్న, అక్క, భార్య, పిల్లలు... ఇలా ఎన్నో బంధాలు జీవితంలోని అనేక దశల్లో పెనవేసుకుని ఉంటాయి.*

 వదలడానికి, మరిచిపోవడానికి, కనీసం తలవకుండా ఉండటానికి వీలు లేనంతగా వాటి ప్రభావం జీవన గమనం మీద నిరంతరం పడుతూ ఉంటుంది.. అన్నింటినీ అనుసరిస్తూనే మనిషి కుటుంబ జీవనంలో మమేకమై అహరహం జీవన గమనాన్నిసాగిస్తాడు.

*🍁రాముడి చేతిలో మరణిస్తూ రావణాసురుడు* 

*'రామా! నేను వయసు, బలం, వైభవం, రాజ్య సంపద.... ఇలా అన్ని విషయాల్లో నీకంటే శ్రేష్ఠుణ్ని, గొప్పవాడినికానీ, నీకు నాకు మధ్య ఉన్న బలాల్లో పెద్ద తేడా బాంధవ్యం.*

 *నీకు బాంధవ్య బలం ఉంది. నాకు అది లేదు. ఎందుకంటే దాన్ని నేను పెంచుకోలేక. పోయాను. నీ వెనక రాజ్యంలోని ప్రజలతో పాటు నీ సోదరులు, బంధుగణం అంతా అండగా ఉన్నారు. కానీ నా విషయంలో స్వయానా నా తమ్ముడే నన్ను వదిలి వెళ్ళిపోయాడు. ఆ బంధాలను నిలబెట్టుకోలేక | పోయాను. అదే నా పరాజయానికి ఒక కారణం' అని చెప్పినట్లు కొన్ని పురాణ కథల ద్వారా తెలుస్తోంది.*

*🍁ఎన్ని కష్టాలు ఎదురైనా వాటన్నింటినీ పాండవులు అయిదుగురూ కలిసే అనుభవించారు.*

 *ధర్మరాజుకు పెద్దరికం ఇచ్చి ఆయన మాటకు కట్టుబడే ఉన్నారు. జూదంలో ఓడి అరణ్యవాసానికి వెళ్ళినా, అజ్ఞాతవాసంలో ఎన్నో ఇబ్బందులు ఎదురైనా ఒక్కతాటిపై నిలిచారు. తల్లిమాట ప్రకారం భిక్షనైనా, స్వయంవరంలో దక్కించుకున్న పడతి చెలిమినైనా అందరూ సమానంగా పంచుకున్నారు. ఆ పనులన్నీ తమ సచివుడు, స్నేహితుడు, బాంధవుడు అయిన శ్రీకృష్ణ పరమాత్మ చేసిన దిశానిర్దేశాన్ని అనుసరించే చేశారు. అదే అనుబంధంలో ఉన్న గొప్పతనం.*

*🍁భార్యాభర్తల అనుబంధానికి ఆదర్శంగా సీతారామ శివపార్వతులను చెబుతారు.*

 *మొదటి జంట పేరు భాషకు ఒక జాతీయంగా మారితే, రెండో జంట దేహాలు సగమై జగానికే నిండుదనాన్ని ఇచ్చింది.*🙏🙏🙏

 *స్నేహ బంధానికి నిలువెత్తు విలువనిచ్చిన కర్ణుడు. ఎన్ని కష్టాలేమురైనా దుర్యోధనుడిని వీడలేదు.*

 *ముక్కిపోయిన అటుకులు ఇచ్చినా బాల్యంలోని స్నేహబంధాన్ని మదిలో నిలుపుకొని కుచేలుడికి అంతులేని సంపదలనిచ్చాడు కృష్ణుడు.*

*తండ్రిమాట . కాదంటే తండ్రీబిడ్డల బంధానికి విలువ ఉండదని రాజ్యాన్ని, సంపదల్ని తృణప్రాయంగా విడిచి అడవులు బాటపట్టాడు రాముడు.*🙏🙏🙏

*🍁రాముడి కోసం జీవితాంతం వేచి ఉండి, చివరి దశలో దర్శనం పొందిన మహా భక్తురాలు శబరి.*

 *రంగనాథుణ్నే తన భర్తగా భావించి అనుబంధాన్ని పెంచుకుని ఆయనలో లీనమైన కథ గోదాదేవిది.*

 *మీరాబాయి, సక్కుబాయి లాంటి భక్తురాళ్లు, అనేకమంది భక్తులు రకరకాల బాంధవ్యాలతో భగవంతుడిలో ఐక్యం చెందాలని తపన పడి సాయుజ్యం పొందారు.*

*చెరసాలలో పుట్టి, యశోదమ్మ చెంతకు చేరి కుమారుడిగా అనుబంధాన్ని పెనవేసి తన బాల్య క్రీడలతో తల్లిని మురిపించాడు కృష్ణ పరమాత్మ.*🙏🙏🙏

*🍁బంధాలను నిలుపుకొంటే* *కుటుంబం మన వెంటే*

*ఉంటుంది.* 

*🍁అప్పుడు ఎంత కష్టంలోనైనా ఎలాంటి యుద్ధంలోనైనా గెలుపు మనదే అవుతుంది.*

*🍁 కుటుంబం దూరమైతే ఈ విశాల ప్రపంచంలో ఒంటరిగా మిగిలిపోతారు.*

*🍁 బతుకు భారం అవుతుంది.* 

*🍁బంధాలకు విలువనిచ్చి ముందుకు సాగితే ప్రపంచమే వసుధైక కుటుంబం అవుతుంది.*🙏🙏🙏

🕉 శుభమస్తు 🕉

కార్తిక పురాణం – 22

 *కార్తిక పురాణం – 22వ అధ్యాయం*🙏🕉️🌺🪷

*కార్తిక మహాత్యం-విష్ణు పూజ*🕉️🕉️🕉️🪔🌸🪷

అత్రిమహాముని ఇట్లు పల్కెను.  సుశీలుని మాట విని పురంజయుడు విష్ణ్వాలయమునకు బోయి పుష్పముల చేతను, ఫలముల చేతను, చిరుటాకులచేతను, దళములచేతను, షోడశోపచారపూజల చేతను హరిణి పూజించి ప్రదక్షిణ నమస్కారములను నాట్యమును జేసి హరిమూర్తిని బంగారముతో చేయింది ప్రదక్షిణ నమస్కారాదులచే పూజించెను. పురంజయుడు కార్తిక పూర్ణిమ నాడు రాత్రి హరిని పూజించి గోవింద భృత్యుడై హరినామ స్మరణ జేయుచు ప్రాతఃకాలమందు తిరిగి యుద్ధమునకు బయలుదేరెను. ఇట్లు పురంజయుడు రథమెక్కి ధనుర్బాణములను, కత్తిని, తూణీరములను ధరించి కంఠమందు తులసీమాలను ధరించి కవచమును ధరించి తలగుడ్డ పెట్టుకొని త్వరగా బయలుదేరి యుద్ధభూమికి వచ్చెను. వచ్చి నారీటంకారధ్వనిని చేసెను. ఆ ధ్వని విని రాజులందరూ యుద్ధమునకై తిరిగి వచ్చిరి. వచ్చి సింహ ధ్వనులు జేయుచు బాణ వర్షములను కురిపించుచు పూర్వమువలె జయింతమను తలంపుతో పురంజయునిపైకి దుమికిరి. పిమ్మట పరస్పరము పిడుగుల వంటి బాణములతోను, వజ్రముల వంటి కత్తులతోను, ఐరావతము వంటి ఏనుగుల తోను, ఆకాశమునకు ఎగురు గుర్రములతోను, త్వరగా నడిచెడి రథములతోను, అన్యోన్య జయ కాంక్షతో భయంకరమయిన సంకుల యుద్ధము జేసిరి. ఆయుద్ధమందు రాజులందరూ మదములుడిగి గుర్రములు హతములై ఏనుగులు ధరణి గూలి, బాణ శరాసనములు జారిపడి, కవచములు జీర్ణములై, అంగములు ఖండితములై రథ, గజ, సాది, పదాతులు నశించెను. పురంజయుని భటులు సైతము మమ్ములను రక్షించుడు, రక్షించుడు అని ప్రార్థించుచుండిరి.

కాంభోజరాజు తన సైన్యమంతయు హతమగుట జూచి పురంజయునకిప్పుడు జయమని తలంచి యుద్దమును చాలించి మిగిలిన సేనలతో తనపురమును జేరెను. పురంజయుడు జయలక్ష్మీ ప్రసాదము వలన జయమొందెను. హరి అనుకూలముగా ఉండిన యెడల శత్రువు మిత్రడగును. అధర్మము ధర్మమగును. ఆ  హరిచెప్పినట్లే  ఆయనే ప్రతికూలముగా ఉన్న మిత్రుడే శత్రువగును. ధర్మమే అధర్మమగును. కార్తికవ్రతమును జేయుచు సమస్త కష్టములను నశింపజేయువాడును, సమస్త ప్రాణులకు రక్షకుడును అగు హరిని సేవించిన యెడల సమస్త దుఃఖములు తొలగిపోవును. విష్ణువు తేజోవంతుడు ఇది సత్యము. అందును కార్తిక వ్రతమునందు కోరిక యుండుట మరీ దుర్లభము గదా! కలియుగమందు హరిభక్తులై కార్తికవ్రత పరాయణులైన వారు శుద్ధ వైష్ణవులని తెలుసుకొనవలెను. కార్తిక వ్రతమును జేయుచు హరిభక్తి గలిగిన శూద్రులు కూడా వైష్ణవోత్తములన బడుదురు. బ్రాహ్మణులై వేదములు చదివినను హరిభక్తి లేని వారు శూద్ర సమానులగుదురు. వేదాభ్యాసము చేసి హరిభక్తి గలిగి కార్తిక వ్రత పరాయణుడైన వాడు వైష్ణవోత్తముడు. అట్టి వానియందు హరి నివసించును. ఏ జాతివాడు గాని దుస్తర సంసార తరణేచ్ఛ గలిగెనేని హరిభక్తి చేయవలెను. అట్లయినచో వానిని విష్ణుమూర్తి అప్పుడే తరింపజేయును.

అగస్త్య మునీంద్రా! హరిభక్తి పరాక్రమము ఏమని వర్ణింతును. పరాశరాదులు వశిష్టాదులు అంబరీషాదులు సగరాదులు హరినాశ్రయించి పరమపదమొందిరి. హరిభక్తి యందు నిత్య వ్రతము గలవారై తానూ స్వతంత్రుడైనను అన్య తంత్రుడైనను హరి పూజాసక్తుడు గావలయును. హరిభక్తి ప్రియుడును, భక్తులును హరికి ప్రియులు. హరి తన భక్తులకు ఐహికాముష్మిక సుఖములనిచ్చి కాపాడును. భగవంతుడును, సమస్థ చరాచర ప్రభువును అగు హరి అంతయు నిండియున్నాడు. అట్టి హరియందు భక్తీ గలవానికి కార్తిక వ్రతము సులభమని తలచెదను. కార్తిక వ్రతముతో సమానమైన వ్రతము, హరితో సమానమైన దేవుడు, సూర్యునితో సమానమైన తేజోవంతుడును, రావిచెట్టుతో సమానమైన చెట్టును లేవు. ఓ విప్రా! కాబట్టి కార్తిక వ్రతము ఇష్టార్ధములనిచ్చును. సర్వ వ్రతోత్తమోత్తమము. ఇది సర్వ శాస్త్ర సారము. సర్వవేద సమ్మతము. కార్తిక మహాత్మ్య బోధకమైన యీ అధ్యాయమును నిత్యమూ వినువాడు విగత పాతకుడై అంతమందు హరిణి జేరును. ఈ అధ్యాయమును శ్రాద్ధకాలమందు పఠించిన యెడల పితృ దేవతలకు కల్పాంతము వరకు తృప్తి గలుగును.

*ఇతి శ్రీ స్కాంద పురాణే కార్తిక మహాత్మ్యే ద్వావింశాధ్యాయ స్సమాప్తః!!*