కొత్త కవులు

ఇక్కడ మీరు వ్రాసిన  కవితలను పోస్ట్ చేయవచ్చును. 

కవులకు విజ్ఞప్తి:

 మీరు వ్రాసే కవితలు స్వతంత్రయినవిగా ఉండాలి.  ఒకవేళ ఏదైనా ఇతర భాషా కవితకు అనువాదం ఐ ఉంటే దాని మూలం పేర్కొనాలి.  ఆ మూల కవినుండి వచ్చే సమస్యలకు మీరే బాధ్యత వహిస్తానని హామీ ఇవ్వాలి.

మీరు వ్రాసే కవితలు బ్లాగర్ పరిశీలన అనంతరం పబ్లిష్ చేయ బడును.  ఒక వేళ మీ కవిత పబ్లిష్ కాలేదంటే అది బ్లాగర్ నిరాకరించినట్లు తెలుసుకోండి.  మీ కవిత పబ్లిష్ చేసే లేక పబ్లిష్ నిరాకరించే హక్కుతో పాటు  పబ్లిష్ చేసిన కవితను ఎప్పుడైనా ఈ బ్లాగునుండి ఎలాంటి కారణం చూపకనే తొలగించే హక్కు బ్లాగరికి కలదు.  మీకు ఎలాంటి క్లెయిమ్ చేసే అధికారము లేదు. ఈ నిబంధలకి లోబడే మీరు కవితలను పంపుతున్నట్లు భావించాలి. మీ కవితలకు ఎలాంటి పారితోషకం ఇవ్వ బడదు కాబట్టి మీరు ఇక్కడ పబ్లిష్ ఐన కవితలను మరెక్కడైనా పబ్లిష్ చేసుకోవచ్చు. మీ కవితపై ఎవరికైనా ఏమైనా అభ్యన్తరాలువున్న అది మీకు ఆ వ్యక్తికీ మధ్య వివాదంగా  పరిగణించబడును. ఈ బ్లాగ్ ఎలాంటి సంబంధం కలిగి ఉండదు.  

కవిత ఎలా పంపాలి: 

మీరు తెలుగు, हिंदी, ಕನ್ನಡ, मराठी, English బాషలలో ఏదయినా భాషలో కవితను పంప వచ్చు, మీ కవిత చెందోబద్ధంగా ఉండొచ్చు, వచన కవిత కావచ్చు, గేయ కవిత కావచ్చు, ఏదయినా స్కెచ్, కధ కూడా కావచ్చు, అంతే కాక హిందూ ఆత్యాత్మిక, ధార్మిక పరమైన వ్యాసం కావచ్చు.  నాస్తిక వాద కవితలు, రాజకీయ పార్టీల సంబంధ కవితలు ఇక్కడ ప్రచురించబడవు, గమనించగలరు.  

మీ కవిత యెంత నిడివి వున్నా సందర్భానుసారంగా స్వీకరించబడును.  ఈ బ్లాగర్ మీ కవితను కుదించే, పెంపుచేసే, మార్పు చేసే హక్కు కలిగి వున్నారు.
ముందుగా మీరు మీ ఇమెయిల్ను Follow by Email Box లో పేర్కొని తరువాత Followers ని Click చేసి follower కండి  తరువాత

మీ కవితలను మీరు post a comment Box లో టైపు చేసి publish ను నొక్కండి. 

.

   *రెప్ప వాల్చని రేయి*

           --------

*ఎం* తసేపయిందో..

రాత్రినలా నిశ్శబ్దంగా చూస్తుండిపోయాను

కంటిరెప్పలపై సుతారంగా కదులుతున్న

నిన్నటి తాలూకు ఊసులు

నేల ఒడిలో ఒదుగుతున్న

నులివెచ్చని గాలులు

ఆకు చాటున ఒంటరి పిట్ట

గొంతు దాటని ఆర్తిరాగాన్ని

గుండె తీరా ఆలపిస్తోంది

మల్లె కొమ్మన విరిసిన లేతచివుళ్లు

వాడిపోతున్న దిగులు వాసన

నల్లదుప్పటి కప్పుకున్న నీలాకాశం

నీటి కళ్లతో నిరాశగా నవ్వుతుంది

మనసు పిడికిట్లోంచి

భారంగా ఒడుస్తున్న ఒక్కోక్షణం..

పెదవిచివర సన్నని జాలినవ్వు

మిత్రమా! కాసేపు దూరమవ్వు..

చెంప చెమరింతను

పైటకొంగుతో అద్దుకుంటాను

నీవు లేని శూన్యం లో

ఈ రాత్రిని కరగనివ్వు

మదిని వీడిన జ్ఞాపకాలను

తొలి పొద్దున వెతుక్కుంటాను

               ***

*సునీత గంగవరపు* -

                -------

*ఎండమావులు*

****************

చిన్నప్పుడు

ఏ పండక్కో..పబ్బానికో

కొత్త గౌను కుట్టిస్తే..

ఎంత ఆనందమో...

ఎప్పుడు పండగ

వస్తుందా, ఎప్పుడు

వేసేసుకుందామా

అన్న ఆతృతే...

ఇంటికి చుట్టాలొచ్చి

వెళ్తో వెళ్తూ.. చేతిలో

రూపాయో... అర్ధ

రూపాయో పెడితే

ఎంత వెర్రి ఆనందమో...

చుట్టాలొచ్చి వెళ్లిపోతుంటే

దుఃఖం తన్నుకు వచ్చేది...

ఇంకా ఉంటే బాగుండు

అన్న ఆశ...

ఎంత ఆప్యాయతలో...

సినిమా వచ్చిన ఏ

పదిహేను రోజులకో

ఎంతో ప్లాన్ చేసి

ఇంట్లో ఒప్పించి

అందరం కలిసి

నడిచి వెళ్లి..

బెంచీ టికెట్

కొనుక్కుని సినిమా

చూస్తే ఎంత ఆనందమో...

ఇంటికొచ్చాకా ఒక గంటవరకూ

ఆ సినిమా కబుర్లే...

మర్నాడు స్కూల్ లో

కూడా...

ఆ ఆనందం ఇంకో పది

రోజులుండేది...

అసలు రేడియో విచిత్రం..

అందులోకి మనుషులు

వెళ్లి మాట్లాడతారా అన్న

ఆశ్చర్యం...అమాయకత్వం..

పక్కింట్లో వాళ్లకి రేడియో

ఉంటే..ఆదివారం

మధ్యాహ్నం వాళ్ళ గుమ్మం

ముందు కూర్చుని 

రేడియో లో సంక్షిప్త

శబ్ద చిత్రం (ఒక గంట కి

కుదించిన) సినిమాని

వింటే ఎంత ఆనందం...

మనింట్లో కూడా రేడియో

ఉంటే...అన్న ఆశ...

కాలక్షేపానికి లోటే లేదు...

స్నేహితులు

కబుర్లు, కధలు

చందమామలు

బాలమిత్రలు...

సెలవుల్లో మైలు దూరం

నడిచి లైబ్రరీ కి వెళ్లి

గంటలు గంటలు

కథల పుస్తకాలు

చదివి ఎగురుకుంటూ

ఇంటికి రావడం....

సర్కస్ లు, 

తోలు బొమ్మలాటలు

లక్కపిడతలాటలు...

దాగుడు మూతలు...

చింత పిక్కలు

వైకుంఠ పాళీ

పచ్చీసు..

తొక్కుడు బిళ్ళలు..

ఎన్ని ఆటలో...

మూడు గదుల రైలుపెట్టి

లాంటి ఇంట్లో అంతమంది

ఎంత సంతోషంగా ఉన్నాం...

వరుసగా కింద చాపేసుకుని

పడుకున్నా ఎంత హాయిగా

సర్వం మరిచి నిద్రపోయాం...

అన్నంలో కందిపొడి..

ఉల్లిపాయ పులుసు

వేసుకుని తింటే

ఏమి రుచి...

కూర అవసరమే లేదు..

రెండు రూపాయలు తీసుకెళ్లి

నాలుగు కిలోల 

బియ్యం తెచ్చేది...

ఇంట్లో, చిన్నా చితకా

షాపింగ్ అంతా నేనే...

అన్నీ కొన్నాకా షాప్

అతను చేతిలో గుప్పెడు

పుట్నాల పప్పో, పటికబెల్లం

ముక్కో పెడితే ఎంత

సంతోషం...

ఎంత బరువైనా

మోసేసేవాని..

ఎగురుతున్న విమానం

కింద నుండి 

కళ్ళకు చెయ్యి అడ్డం

పెట్టి చూస్తే ఆనందం...

తీర్థం లో ముప్పావలా

పెట్టి కొన్న ముత్యాల దండ 

చూసుకుని మురిసి

ముక్కలైన రోజులు...

కొత్త పుస్తకం కొంటే

ఆనందం...వాసన

చూసి మురిపెం..

కొత్త పెన్సిల్ కొంటే

ఆనందం...

రిక్షా ఎక్కితే...

రెండు పైసల

ఇసుఫ్రూట్ తింటే

ఎంత ఆనందం..?

రిక్షా ఎక్కినంత తేలికగా... 

ఇప్పుడు విమానాల్లో 

తిరుగుతున్నాం...

మల్టీప్లెక్స్ లో ఐమాక్స్

లో సినిమా చూస్తున్నాం.

ఇంటర్వెల్ లో

ఐస్ క్రీం తింటున్నాం..

బీరువా తెరిస్తే మీద పడి

పోయేటన్ని బట్టలు...

చేతినిండా డబ్బు...

మెడలో ఆరు తులాల

నగ....

పెద్ద పెద్ద ఇళ్ళు, కార్లు...

ఇంట్లో పెద్ద పెద్ద టీవీలు...

హోమ్ థియేటర్లు...

సౌండ్ సిస్టమ్స్, అరచేతిలో

ఫోన్లు...అరచేతిలో

స్వర్గాలు...

అనుకోవాలే గానీ క్షణంలో

మన ముందు ఉండే 

తిను బండారాలు.. 

సౌకర్యాలు...

అయినా చిన్నప్పుడు

పొందిన ఆ ఆనందం

పొందలేకపోతున్నాం

ఎందుకు నేస్తం...?

ఎందుకు...?ఎందుకు...?

చిన్నప్పుడు కోరుకున్నవి

అన్నీ ఇప్పుడు  

పొందాము కదా...

మరి ఆనందం లేదేం...

ఎందుకంత మృగ్యం

అయిపోయింది...

ఎండమావి 

అయిపోయింది..

మార్పు ఎందులో...?

మనలోనా...?

మనసుల్లోనా...?

కాలంలోనా...?

పరిసరాల్లోనా...?

ఎందులో... ఎందులో...?

ఎందులో నేస్తం...?

చెప్పవా తెలిస్తే....!!

-----_----------------------------

శీర్షిక: *బతికిద్దాంభద్ర0గా బతుకుకాలాల్ని.* డా.శిరీష.

*ఉత్తేజమేమో గానీ సరదా లకు,

ఉస్సూరు మన్పిస్తూ సంసారాల్ని ,

ఉప్ మని ఊదేస్తూరి0గులపొగ.

రి0గుల్లో ఆలోచనలేమోగానీ  బుగ్గిచేయుబుసలపాములౌతు,

నిగ్గుతేల్చేనిజ0-నిషాలేమోగాని,

ఆరోగ్యంకిముప్పు,ఆయువుకపాయమే.

ఊహాఉపాయ0 మేఘాలనిమురియకు,

ఊపిరితిత్తుల్ని ఉరేస్తూ మరణం ద్వారం తెరుస్తుంది.

పొగలూ పగబట్టకమానవు, 

పొగాకూ పామైకాటేయకమానదు.

వేలికొనల్లో ధూమపానం కొరివై,

కుటుంబం ఆన0దాల్నిదూర0చేసే,

చెడు చిచ్చు చాపకింద చేటుచిత్రమే.

శ్వాసకోశ ధ్యాసలమవుతూ గురైన గు0డెగాన0,

శాంతి మహాయజ్ఞం కా0తులకోరుతూ,

కాలాన్నిపోగాల0 కానీయక,

కర్తవ్యం గా పొగాకుదూరమై, జీవకాలాల్ని జీవి0పజేద్దా0.

*ధూమపాన వ్యతిరేక దినోత్సవం నేడు.*

*డా.వేదులశ్రీరామశర్మ'శిరీష'.

*స్నేహం అంటే..* శీర్షిక :

 *ఎదరూపు మనసు చూపు.* dr.Vedula'sirisha'.

*స్నేహం అంటే కానేకాదు కాలక్షేపం,

సవ్యగతుల నవ్య జీవన కాల నిక్షేపం.

అల్లాటప్ప ఆటవిడుపు పిచ్చాపాటూ కాదు.

కల్మషమెరుగని భరోసా బాసటశ్వాస స్నేహం.

*విశ్వమంత విశ్వాసం గాలిపటాలయి,

విశాలభావ అక్షర కాంతి పతా కాలుగా,

ఎల్లల్లేని నమ్మకాల ఉల్లాసపు నింగిలై,

కల్లల్లేని ఆకాంక్షల అంకురాల నేలనూ స్నేహమే.

*జీవితం గీటురాయి బతుక్కి కలికితురాయి,

హృదయాలఉదయ పరాగం- రేయి రాగం స్నేహం.

మనసు చూపుల ఎదకి ఆత్మీయం రూపై,

మనుగడ చెలిమి మనోబాట కలిమినే.

*నాకు నువ్వు నీకూ నేననే బాసటభావనై,

నిస్వార్థం త్యాగాల అనుబంధం స్నేహసుగంధం.

సుధాస్వర్గం సువర్గ అనర్గం, స్నేహదుర్గమై,

ఆత్మీయత వర్షమై, ఆత్మస్థైర్య అమృతమే.

*కష్టం-ఇష్టంలో సమిష్టి పాటవం పల్లవమై,

చేతల చేతుల చేదోడు చైత్ర చిత్రమై,

నేస్తం బలిమి సమస్తం నిబద్ధతా హస్తమయ్యేది,

ఆదర్శమార్గమధురిమల మనోఉత్తేజం స్నేహమే.

*dr. వేదుల శ్రీరామ శర్మ 'శిరీష ',66-5-20, అశోక్ నగర్, కాకినాడ-3.,9866050220

------+-----