మహాభాగవతం

 *15.5.2024 సాయంకాల సందేశము*

*వేదవ్యాసుల వారి సంస్కృత మహాభాగవతం*

*దశమస్కంధము - పూర్వార్ధము -  నలుబది ఒకటవ అధ్యాయము*

*బలరామకృష్ణులు మథురలో ప్రవేశించుట*

🕉🕉🕉🕉🕉🕉🕉🕉🕉🕉🕉🕉

*41.43 (నలుబది రెండవ శ్లోకము)*

*తతః సుదామ్నో భవనం మాలాకారస్య జగ్మతుః|*

*తౌ దృష్ట్వా స సముత్థాయ ననామ శిరసా భువి॥9860॥*

అనంతరము వారు (ఉభయులు) సుదాముడను మాలాకారుని గృహమునకు చేరిరి. వారిని చూచినంతనే ఆ సుదాముడు లేచి నిలబడి, వినమ్రతతో వారికి సాష్టాంగముగా ప్రణమిల్లెను.

*41.44 (నలుబది నాలుగవ శ్లోకము)*

*తయోరాసనమానీయ పాద్యం చార్ఘ్యార్హణాదిభిః|*

*పూజాం సానుగయోశ్చక్రే స్రక్తాంబూలానులేపనైః॥9861॥*

అంతట ఆ మాలాకారుడు వారిని ఉచితాసనములపై కూర్చుండబెట్టి బలరామకృష్ణులకును, వారి అనుచరులైన గోపాలురకును, భక్తిశ్రద్ధాపూర్వకముగా అర్ఘ్యపాద్యములను సమర్పించెను. పిమ్మట వారిని పూలహారములు, చందన తాంబూలములు, అనులేపనములు మొదలగు సముచితములైన పూజాద్రవ్యములతో అర్చించెను.

*41.45 (నలుబది ఐదవ శ్లోకము)*

*ప్రాహ నః సార్థకం జన్మ పావితం చ కులం ప్రభో|*

*పితృదేవర్షయో మహ్యం తుష్టా హ్యాగమనేన వామ్॥9862॥*

పిమ్మట ఆ మాలాకారుడు ఇట్లు విన్నవించుకొనెను- "ప్రభూ! మీ ఇరువురి శుభాగమనమువలన నా జన్మ సార్థకమైనది. మా వంశము ఫునీతమైనది. మా క్షేమములను గోరెడి పితృదేవతలు, దేవతలు, ఋషులు సంతుష్టులైరి.

*41.46 (నలుబది ఆరవ శ్లోకము)*

*భవంతౌ కిల విశ్వస్య జగతః కారణం పరమ్*

*అవతీర్ణావిహాంశేన క్షేమాయ చ భవాయ చ॥9863॥*

"మీరు ఈ సమస్త జగత్తునకు మూలకారణము. ఈ ప్రపంచముయొక్క అభ్యుదయము కొఱకును, సాధుపురుషుల యోగక్షేమముల కొఱకును మీ జ్ఞాన, బల, ఐశ్వర్యాది అంశములతో సంకల్పమాత్రమున మీరు ఈ లోకమునందు అవతరించిన మహాత్ములు".

*41.47 (నలుబది ఏడవ శ్లోకము)*

*న హి వాం విషమా దృష్టిః సుహృదోర్జగదాత్మనోః|*

*సమయోః సర్వభూతేషు భజంతం భజతోరపి॥9864॥*

*41.48 (నలుబది ఎనిమిదవ శ్లోకము)*

*తావాజ్ఞాపయతం భృత్యం కిమహం కరవాణి వామ్|*

*పుంసోఽత్యనుగ్రహో హ్యేష భవద్భిర్యన్నియుజ్యతే॥9865॥*

"మీరు ఈ అఖిల జగత్తునకు ఆత్మస్వరూపులు, హితైషులు. మిమ్ములను సేవించెడివారిపై మీకుగల అనుగ్రహము అపారము. ఐనను మీరు ఎవ్వరియెడలను ద్వేషభావమును వహింపక సకలప్రాణులపట్లను సమదృష్టినే కలిగియుందురు. నేను మీ సేవకుడను. నేను మీకు ఎట్టి సేవలు చేయవలెనో ఆజ్ఞాపింపుడు. జీవులను ఏదైనను కార్యమునందు నియోగించుటయనగా మీరు వారిని అనుగ్రహించుటయే యగును".

*41.49 (నలుబది తొమ్మిదవ శ్లోకము)*

*ఇత్యభిప్రేత్య రాజేంద్ర సుదామా ప్రీతమానసః|*

*శస్తైః సుగంధైః కుసుమైర్మాలా విరచితా దదౌ॥9860॥*

పరీక్షిన్మహారాజా! ఇట్లు విన్నవించిన పిమ్మట సుదాముడు వారి అభిమతములను గ్రహించి, పరిమళభరితములగు పుష్పములతో సిద్ధపఱచబడిన మాలలను మిగుల భక్తిశ్రద్ధలతో ఆ మహానుభావులకు సమర్పించెను.

*41.50 (ఏబదియవ శ్లోకము)*

*తాభిః స్వలంకృతౌ ప్రీతౌ కృష్ణరామౌ సహానుగౌ|*

*ప్రణతాయ ప్రపన్నాయ దదతుర్వరదౌ వరాన్॥9857॥*

సుదాముడు ప్రేమానురాగములతో సమర్పించబడిన పూలమాలలను బలరామకృష్ణులు తమ అనుచరులతో సహా ధరించిరి. అతని సేవలకు వారు మిగుల సంతృప్తులైరి. భక్తులకు కోరిన వరములను ప్రసాదించెడి ఆ మహాపురుషులు తమకు ప్రపత్తితో ప్రణమిల్లిన ఆ సుదామునకు పెక్కు వరములను అనుగ్రహించిరి. 

*41.51 (ఏబది ఒకటవ శ్లోకము)*

*సోఽపి వవ్రేఽచలాం భక్తిం తస్మిన్నేవాఖిలాత్మని|*

*తద్భక్తేషు చ సౌహార్దం భూతేషు చ దయాం పరామ్॥9868॥*

అప్పుడు ఆ మాలాకారుడు కృష్ణప్రభువును ఇట్లు అర్ధించెను- 'స్వామీ సకల చరాచరాత్మకమైన జగత్తునకు ఆత్మస్వరూపుడవైన నీయందు (నీ పాదారవిందములయందు) అచంచలమైన భక్తిని నాకు ప్రసాదింపుము. నేను నీ భక్తులయందు ప్రగాఢమైన మైత్రియు సకల ప్రాణులయెడ అహేతుక దయను కలిగియుండునట్లు అనుగ్రహింపుము,

ఈ సందర్భమున పోతనమహాకవి  రచించిన ఈ పద్యము తెలుగువారి నాల్కలపై నాని నాని, వారి హృదయములలో అమృతపుసోనలను నింపినది.

*కంద పద్యము*

నీ పాద కమల సేవయు , 

నీ పాదార్చకులతోడి నెయ్యమును నితాం

తాపార భూత దయయను ,

తాపస మందార నాకు దయసేయగదే

*భావము*

"ప్రభూ! నీవు తాపసులకు కల్పవృక్షమువంటివాడవు. నీ పాదకమలములను సేవించుచుండెడి భాగ్యమును నాకు ప్రసాదింపుము. నిన్ను సేవించెడి భక్తులతో మైత్రిని అనుగ్రహింపుము (నన్ను నీ దాసానుదాసునిగా ఆదరింపుము). నాకు ప్రాణులయెడలను అపారమైన దయయుండునట్లుగా చూడుము".

(దశమస్కంధము, పూర్వార్ధము)

*41.52 (ఏబది ఒకటవ శ్లోకము)*

*ఇతి తస్మై వరం దత్త్వా శ్రియం చాన్వయవర్ధినీమ్|*

*బలమాయుర్యశఃకాంతిం నిర్జగామ సహాగ్రజః॥9869॥*

ఇట్లు సుదాముడు వేడుకొనగా, అతడు కోరుకొనిన వరములను ఇచ్చుటయేగాక- శ్రీకృష్ణుడు అతనికి వంశాభివృద్ధికరములైన సకలసంపదలను, చక్కని బలమును, దీర్ఘాయువును, యశస్సును, ఘనమైన తేజస్సును ఒసంగెను. పిమ్మట ఆ స్వామి బలరామునితోగూడి అతని గృహమునుండి బయలుదేఱి వెళ్ళెను.

*ఇతి శ్రీమద్భాగవతే మహాపురాణే పారమహంస్యాం సంహితాయాం దశమస్కంధే పూర్వార్ధే పురప్రవేశో నమైకచత్వారింశోఽధ్యాయః (41)*

ఇది భాగవత మహాపురాణమునందలి దశమస్కంధము, పూర్వభాగమునందలి *బలరామకృష్ణులు మథురలో ప్రవేశించుట* యను నలుబది ఒకటవ అధ్యాయము (41)

🙏🙏సర్వం శ్రీకృష్ణార్పణమస్తు🙏🙏

*పసుమర్తి వేంకట దుర్గా సుబ్రహ్మణ్యం*

7702090319

కొత్త టమాటో పచ్చడి

 

రోజు వారీ పచ్చళ్ళు తిని బోరు కొడుతోంద ఐతే ఇవాళే తయారు ఇన మన కొత్త టమాటో పచ్చడిని రుచి చూసి మనసారా ఆస్వాదించండి. ఇది కచ్చితంగా 6 నెలలు వరకు నిలువ ఉంటుంది ఎందుకంటే వీటిల్లో ఆర్టిఫిసియల్ కలర్స్ ఉండవు, ప్రెజర్వేటివ్స్ ఉండవు అలాగే ఎటువంటి హానికరిక రసాయనాలు ఉండవు. 

సంప్రదించగలరు:

తంగిరాల విశ్వనాథ్

శ్రీ గాయత్రి ఎంటర్ ప్రైసెస్

7416223176

ధర్మం పట్టుకొనేటట్లు చేస్తాడు.

 మన బలహీనత పరమేశ్వరుడికి చెప్పగలిగితే శరణాగతి. ఎందఱో పెద్దలు వెళ్ళి భగవంతుడి AA దగ్గర చెప్పుకున్నారు. ఈశ్వరా! నాకు చిత్తశుద్ధిని ఇవ్వు. దుర్మార్గపు బుద్ధి వద్దు. పైకి ఒకలా కనబడుతూ చెరువులో నిలబడిన కొంగ ఒంటికాలి మీద నిలబడి తెల్లగా ఉండి జపం చేస్తున్నట్లుగా ఉండి చేపపిల్ల కనబడితే చటుక్కున ఎత్తుకు పోయినట్లు నేను ఏ పంచ కడితేనేం? ఏ లాల్చీ కడితేనేం? ఎంత విభూతి పెడితేనేం? ఎంత బొట్టు పెడితేనేం? ఈశ్వరా! లోపల మనస్సు శుద్ధం కావట్లేదు. నన్ను ఈడ్చేస్తోంది. పరమేశ్వరా! జోక్యం చేసుకొని కాపాడాలి నన్ను నువ్వు అని అడిగితే నీ సాధనలో నువ్వు ఉంచుకోలేకపోతే ధర్మాన్ని నువ్వు పట్టుకోలేకపోతే అప్పుడు ఈశ్వరుడు జోక్యం చేసుకుంటాడు. నిజంగా నిన్ను బాధ పెడుతున్నది ఏదో ఎందుకు ధర్మాన్ని పట్టుకోలేకపోతున్నావో ఏది నిన్ను ఈడ్చేస్తుందో అది భగవంతుడితో చెప్పు. నీకు మనస్సు ఇచ్చిన వాడు, బుద్ధిని ఇచ్చినవాడు, ఇంద్రియములను ఇచ్చిన వాడు, శాస్త్రమును ఇచ్చినవాడు, గురువును ఇచ్చినవాడు, వేదములు ఇచ్చిన వాడు, ధర్మమును చెప్పినవాడు, వాడు. ఆయన చెప్పింది పట్టుకోలేకపోతే ఆయనకి చెప్పు. ఆయన జోక్యం చేసుకుంటాడు. నీ మనస్సును శుద్ధి చేస్తాడు. నీ మనస్సు మారుస్తాడు, నువ్వు ధర్మం పట్టుకొనేటట్లు చేస్తాడు.

వైశాఖ పురాణం🚩*_ _*7

 🌷 *గురువారం - మే 16, 2024*🌷

   _*🚩వైశాఖ పురాణం🚩*_

      _*7 వ అధ్యాయము*_

🕉🕉🕉🕉🕉🕉🕉🕉🕉

  *వైశాఖమాస దానములు*

☘☘☘☘☘☘☘☘☘

అంబరీష మహారాజు నారదమహర్షికి నమస్కరించి యిట్లనెను. మహర్షీ ! నేను చూచినది సత్పురుషుల చరిత్రవలె మహాశ్చర్యకరముగ నున్నది. ఇక్ష్వాకు మహారాజగు హేమాంగదుడు ముక్తినందిన ధర్మమును మరింత వివరముగ తెలిసికొన గోరుచున్నాను. దయయుంచి నాకు వివరింపగోరుచున్నాను. శ్రుతకీర్తిని మాటలను విని శ్రుత దేవమహాముని నాయనా నీవడిగినది మంచి విషయము తప్పక చెప్పదగినది. బాగు బాగు వినుమని యిట్లు వివరింపసాగెను.

రాజర్షీ శ్రీ మహావిష్ణువునకు ప్రీతికరములగు ధర్మములను వినవలయునను కోరిక యుక్తమైనది. నీ బుద్దికి గల సదాసక్తిని తెలుపుచున్నది. ఎన్నో జన్మల పుణ్యమున్నప్పుడే శ్రీ మహావిష్ణు కథాప్రసంగము నందాసక్తి కలుగును. నీవు యువకుడవు రాజాధిరాజువు. నీకిట్టి విష్ణుకధాసక్తి ధర్మజిజ్ఞాస కలుగుటచే నీవు పరిశుద్దుడవైన ఉత్తమ భాగవతుడవని తలచుచున్నాను. కావున జన్మసంసార బంధములను విడిపించి ముక్తిని కలిగించు శుభకరములగు భాగవత ధర్మములను వివరింతును వినుము. యధోచితములగు శుద్ది, మడి, స్నానము, సంధ్యావందనము, దేవతలకు ఋషులకు పితృదేవతలకు తర్పణములు, అగ్నిహోత్రము, పితృ శ్రాద్దము మానకుండుట, వైశాఖవ్రతాచరణము ఇవి మిక్కిలి పుణ్యప్రదములు. వైశాఖమాస ధర్మముల నాచరింపనివానికి ముక్తి లేదు.

సర్వధర్మములయందును వైశాఖవ్రత ధర్మముత్తమము సాటిలేనిది. రాజులేని రాజ్యప్రజలవలె పెక్కు ధర్మములున్నవి. కాని అవి దుఃఖప్రదములు అనగా కష్టములను కలిగించును. సుఖసాధ్యములు కావు. వైశాఖధర్మములు సులభములు , సువ్యవస్థితమగు రాజు పరిపాలనలో నున్న ప్రజలకువలె సుఖశాంతి ప్రదములు. అన్ని వర్ణములవారికి , అన్ని ఆశ్రమములవారికి సులభములు ఆచరణ సాధ్యములు పుణ్యప్రదములు. నీటితో నిండిన పాత్రను ఇచ్చుట , మార్గమున చెట్లనీడలో చలివేండ్రము నేర్పరచుట , చెప్పులను, పావుకోళ్లను దానమిచ్చుట, గొడుగును, విసనకఱ్ఱలను దానమిచ్చుట, నువ్వులతో కూడిన తేనెను దానమిచ్చుట, ఆవుపాలు, పెరుగు, మజ్జిగ, నెయ్యి, వెన్న వీనిని దానము చేయుట, ప్రయాణము చేయువారికి సౌకర్యముగ మార్గముల యందు బావులు, దిగుడుబావులు, చెరువులు త్రవ్వించుట, కొబ్బరి, చెరకు గడల రసము, కస్తూరి వీనిని దానము చేయుట, మంచి గంధమును పూయుట, మంచము, పరుపు దానమిచ్చుట, మామిడిపండ్ల రసము, దోసపండ్ల రసము దానముచేయుట, దమనము, పుష్పములు, సాయంకాలమున గుడోదకము(పానకము) పూర్ణిమయందు పులిహోర మొదలగు చిత్రాన్నముల దానము ప్రతిదినము దధ్యోదనము దానము చేయుట, తాంబూల దానము వైశాఖ అమావాస్య నాడు వెదురుకొమ్మలదానము ముఖ్యములు. ఆ కాలమున వచ్చు సర్వవిధములగు ఫల పుష్పములను వివిధ వస్తువులను దానము చేయవలెను.

ప్రతిదినమున సూర్యోదయమునకు ముందుగా స్నానము చేయవలయును. శ్రీమహావిష్ణు పూజ తరువాత విష్ణుకథాశ్రవణము చేయవలయును. అభ్యంగస్నానము వైశాఖమున చేయరాదు. ఆకులో భుజింపవలెను. ఎండలో ప్రయాణములో అలసిన వారికి విసనకఱ్ఱతో విసరుట, సుగంధ పుష్పములతో ప్రతి దినము విష్ణుపూజ, పండ్లు, పెరుగన్నము నివేదించుట ధూపదీపముల సేవ, గోవులకు ప్రతి దినము గడ్డిని పెట్టుట, సద్బ్రాహ్మణుల పాదములను కడిగి ఆ నీటిని తనపై జల్లుకొనుట, ముఖ్యకర్తవ్యములు. బెల్లము, శొంఠి, ఉసిరిక, పప్పు, బియ్యము, కూరగాయలు వీనిని దానము చేయవలెను. ప్రయాణీకులను ఆదరించి కుశలప్రశ్నలడిగి కావలసిన ఆతిధ్యము నీయవలెను. ఇవి వైశాఖమాసమున తప్పక చేయవలసిన ధర్మములు. పుష్పములతో చిగుళ్లతో విష్ణుపూజ  విష్ణువును తలచుకొని పుష్పములను దానమిచ్చుట దధ్యన్న నివేదనము మున్నగునవి సర్వపాపములను హరించును. అఖండ పుణ్యమునిచ్చును.

పుష్పములతో శ్రీమహావిష్ణువు నర్చింపక, విష్ణుకథాశ్రవణము చేయక వ్యర్థముగ కాలమును గడుపు స్త్రీ పతి సౌఖ్యమును, పుత్రలాభమును పొందదు. ఆమె కోరిక లేవియును తీరవు. శ్రీమహావిష్ణువు వివిధరూపములలో జనులను పరీక్షించుటకై పవిత్ర వైశాఖమాసమున సంచరించు సపరివారముగ మహామునులతో సర్వదేవతలతో వచ్చి ప్రతిగృహమున నివసించును. అట్టి పవిత్ర సమయమున వైశాఖ పూజాదికములను చేయని మూడుఢు శ్రీహరి కోపమునకు గురియగును. రౌరవాది నరకములను పొంది రాక్షస జన్మనైదుమార్లు పొందును. ఇట్టి కష్టములు వలదనుకొన్న వారు యధాశక్తిగ వైశాఖవ్రతము నాచరించుచు ఆకలిగలవారి కన్నమును, దప్పిక కలవారికి జలమును ఈయవలెను. జలము, అన్నము సర్వప్రాణుల ప్రాణములకును ఆధారములు కదా. అట్టి దానములచే సర్వప్రాణుల యందున్న సర్వాంతర్యామియగు శ్రీమహావిష్ణువు. సంతోషించి వరములనిచ్చును. శ్రేయస్సును సర్వసుఖ భోగములను, సంపదలను, కలిగించి ముక్తినిచ్చును. జల దానము చేయనివారు పశువులై జన్మింతురు. అన్నదానము చేయనివారు పిశాచములగుచున్నారు. అన్నదానము చేయక పిశాచత్వమునందిన వారి కథను చెప్పుచున్నాను వినుము. ఇది నాకు తెలిసిన ఆశ్చర్యకరమగు విషయము సుమా !

   *వైశాఖ పురాణం ఏడవ*    

   *అధ్యాయం సంపూర్ణం*

        🌷 *సేకరణ*🌷

      🌹🌷🌹🌹🌷🌹

        *న్యాయపతి వేంకట*

       *లక్ష్మీ నరసింహా రావు*

🙏🕉️🙏🕉️🙏🕉️🙏🕉️🙏

దృగ్గణిత పంచాంగం*

 *卐ॐ ఓం శ్రీ 🌹 గురుభ్యోనమః ॐ卐*

         🌹 *గురువారం*🌷

       🌷 *మే 16, 2024*🌷     

      *దృగ్గణిత పంచాంగం*                   

*స్వస్తి శ్రీ క్రోధినామ సంవత్సరం* 

*ఉత్తరాయణం - వసంతఋతౌః* *వైశాఖమాసం - శుక్లపక్షం*

*తిథి     : అష్టమి* ఉ 06.22 వరకు ఉపరి *నవమి*

వారం :*గురువారం* (బృహస్పతివాసరే)

*నక్షత్రం : మఖ* *సా 06.14* వరకు ఉపరి *పూర్వఫల్గుణి* (పుబ్బ)

*యోగం  : ధృవ* *ఉ 08.23* వరకు ఉపరి *వ్యాఘాత*

*కరణం   : బవ* సా 06.22 *బాలువ* రా 07.33 ఉపరి *కౌలువ* 

*సాధారణ శుభ సమయాలు*

 *ఉ 11.00 - 12.00  సా 04.00 - 05.00* 

అమృత కాలం :*మ 03.33 - 05.20*

అభిజిత్ కాలం : *ప 11.38 - 12.30*

*వర్జ్యం : రా 03.17 - 05.04 తె*

*దుర్ముహుర్తం : ఉ 09.55 - 10.46 మ 03.05 - 03.56*

*రాహు కాలం : మ 01.41 - 03.18*

గుళిక కాలం :*ఉ 08.50 - 10.27*

యమ గండం :*ఉ 05.36 - 07.13*

సూర్యరాశి : *వృషభం* 

చంద్రరాశి : *సింహం*

సూర్యోదయం :*ఉ 05.36*  సూర్యాస్తమయం :*సా 06.31*

*ప్రయాణశూల  :‌ దక్షిణ* దిక్కుకు ప్రయాణం పనికిరాదు

*వైదిక విషయాలు*

ప్రాతః కాలం :*ఉ 05.36 - 08.11*

సంగవ కాలం :*08.11 - 10.46*

మధ్యాహ్న కాలం :*10.46 - 01.21*

అపరాహ్న కాలం :*మ 01.21 - 03.56*

*ఆబ్ధికం తిధి  : వైశాఖ శుద్ధ నవమి*

సాయంకాలం :*సా 03.56 - 06.31*

ప్రదోష కాలం :*సా 06.31 - 08.44*

నిశీధి కాలం :*రా 11.42 - 12.26*

బ్రాహ్మీ ముహూర్తం :*తె 04.08 - 04.52*

_________________________

      🌷 *ప్రతినిత్యం*🌷

         *_గోమాతను 🐄 పూజించండి_* 

          *_గోమాతను 🐄 సంరక్షించండి_*

🌹🙏 *ఓం సాయి శ్రీ సాయి* 

*జయ జయ సాయి*🌹🙏

 🌴🪷🌹🛕🌹🌷🪷🌷🌴

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

          🌷 *సేకరణ*🌷

      🌹🌷🌹🌹🌷🌹

        *న్యాయపతి వేంకట*

       *లక్ష్మీ నరసింహా రావు*

      🌷🌹🌷🌹🌷🌹

🌹🍃🌷🌹🌷🌹🍃🌹

గురువారం, మే 16, 2024*

 卐ఓం శ్రీ గురుభ్యోనమః卐

*గురువారం, మే 16, 2024*

       *శ్రీ క్రోధి నామ సంవత్సరం*

 *ఉత్తరాయణం - వసంత ఋతువు*

      *వైశాఖ మాసం - శుక్ల పక్షం*   

🔔తిథి      : *అష్టమి* ఉ7.20 వరకు

               తదుపరి నవమి

🔯వారం   : *గురువారం* (బృహస్పతివాసరే )

⭐నక్షత్రం  : *మఖ* రా7.10 వరకు

✳️యోగం : *ధృవం* ఉ9.41 వరకు

🖐️కరణం  : *బవ* ఉ7.20 వరకు

            తదుపరి *బాలువ* రా8.14 వరకు

😈వర్జ్యం   :          *ఉ6.03 - 7.48*

             మరల *తె3.59 - 5.44*

💀దుర్ముహూర్తము : *ఉ9.47 - 10.39*

                మరల *మ2.55 - 3.46* 

🥛అమృతకాలం    :  *సా4.32 - 6.17*  

👽రాహుకాలం       : *మ12.00 - 1.30*

👺యమగండ/కేతుకాలం : *ఉ6.00 - 7.30*

🌞సూర్యరాశి: *వృషభం* || 🌝చంద్రరాశి: *సింహం*

🌅సూర్యోదయం: *5.32* || 🌄సూర్యాస్తమయం:*6.20*

సర్వేజనా సుఖినో భవంతు 

ఇరగవరపు రాధాకృష్ణ🙏

Thoughts

 

Panchaag

 

వైద్యుణ్ని సంప్రదించాలి.

 *🔊IDIOT Syndrome: ఇడియట్‌ సిండ్రోమ్‌.. ‘ఇంటర్నెట్‌ వైద్యాన్ని’ ఆశ్రయించొద్దు*

*🔶IDIOT Syndrome: ఇంటర్నెట్‌లో అన్ని రకాల సమాచారం అందుబాటులో ఉండటంతో చాలామంది అనారోగ్య సమస్యల నిర్ధరణకూ దాన్నే ఆశ్రయిస్తున్నారు. ఇది ఒక్కోసారి ప్రాణాలకే ప్రమాదం తేవొచ్చు.*

*🍥IDIOT Syndrome | ఇంటర్నెట్‌ డెస్క్‌: ఏ సమాచారం కావాలన్నా ఒక్క క్లిక్‌తో తెలిసిపోతున్న కాలమిది. ఇంటర్నెట్‌ తెచ్చిన విప్లవాత్మక మార్పిది. వాస్తవానికి దీనివల్ల మానవాళికి ఎంత లబ్ధి జరిగిందో చెప్పాల్సిన అవసరం లేదు. కానీ, అధిక సమాచారం వల్ల కొన్ని రంగాల్లో దుష్పరిణామాలూ తలెత్తాయి. అందులో వైద్యారోగ్యం ఒకటి. ఇక్కడి నుంచి పుట్టుకొచ్చిందే ఇడియట్‌ సిండ్రోమ్‌ (IDIOT Syndrome). ఇంతకీ ఏంటిది? ఎలాంటి పరిణామాలుంటాయి? ఎలా బయటపడొచ్చో చూద్దాం..*

*💥ఏంటీ సిండ్రోమ్‌..*

*🌀ఆరోగ్యంపై ఆందోళనతో అనవసరంగా పదే పదే ఆన్‌లైన్‌లో శోధించడాన్నే ఇడియట్‌ సిండ్రోమ్‌గా చెప్పొచ్చు. ‘ఇంటర్నెట్‌ డెరైవ్డ్‌ ఇన్ఫర్మేషన్‌ అబ్‌స్ట్రక్షన్‌ ట్రీట్మెంట్‌’ సిండ్రోమ్‌నే (IDIOT Syndrome) వైద్య పరిభాషలో సైబర్‌కాండ్రియా అని కూడా అంటారు. చాలామంది ఈ మధ్య తమకున్న లక్షణాల ఆధారంగా ఆన్‌లైన్‌లో సెర్చ్‌ చేసి జబ్బు ఏంటో నిర్ధరించుకుంటున్నారు.వైద్యుడిని సంప్రదించకుండానే* *చికిత్స చేసుకుంటున్నారు.*

*ఇంటర్నెట్‌లో వివిధ రకాల వ్యాధులు, అనారోగ్య సమస్యలకు సంబంధించిన సమాచారానికి కొదవే లేదు. అయితే, వీటిలో తప్పుడు సమాచారమూ ఉంటుంది.కొన్నిసార్లు పూర్తి వివరాలు అందుబాటులో ఉండవు.ఇడియట్‌ సిండ్రోమ్‌తో (IDIOT Syndrome) బాధపడేవారు వాటిపై ఆధారపడి తప్పుడు నిర్ణయానికి వచ్చే ప్రమాదం ఉంది. ఒక్కోసారి వారికి లేని సమస్యకు చికిత్స చేసుకోవచ్చు. లేదా నిజంగా ఆందోళన చెందాల్సిన వ్యాధి ఉన్నా గుర్తించలేకపోవచ్చు.*

*💥ఇడియట్‌ సిండ్రోమ్‌ లక్షణాలు..*

*♦️ఈ సిండ్రోమ్‌తో బాధ పడేవారు తీవ్ర ఆందోళనలో ఉంటారు.*

*♦️చిన్నపాటి లక్షణాలకే తీవ్రమైన అనారోగ్యం ఉన్నట్లు ఆందోళన చెందడం.*

*♦️వైద్య సమాచారం కోసం గంటలతరబడి అనవసరంగా ఆన్‌లైన్‌లో శోధించడం.*

*♦️ఆన్‌లైన్‌లో లభించిన సమాచారం ఆధారంగా దిగులు చెందడం.*

*♦️ఆన్‌లైన్‌లో సెర్చ్‌ చేస్తున్నప్పుడు చెమటలు పట్టడం, గుండె వేగంగా కొట్టుకోవడం.*

*♦️ఇప్పటికే ఉన్న అనారోగ్య సమస్యలకు సంబంధించి విపరీత నిర్ణయాలు తీసుకోవడం.*

*♦️వైద్యులు ఇచ్చే సమాచారాన్ని విశ్వసించకపోవడం.*

*💥ఎలాంటి ప్రభావం ఉంటుంది*

*💠పూర్తిగా ఆన్‌లైన్‌ సెర్చ్‌పై ఆధారపడితే జబ్బును తప్పుగా నిర్ధరించే ప్రమాదం ఉంది. ఫలితంగా ఒక వ్యాధికి మరో చికిత్స తీసుకుంటే మొదటికే మోసం వస్తుంది. పరిస్థితి మరింత దిగజారిపోవచ్చు. ఉన్న వ్యాధి మరింత ముదిరి ప్రాణానికే ముప్పు రావొచ్చు. పైగా పదే పదే ఇంటర్నెట్‌లో సెర్చ్‌ చేస్తూ తీవ్ర ఆందోళనకు గురై మానసికంగానూ దెబ్బతినొచ్చు. ఆన్‌లైన్‌లో సాధారణంగా అందరిలో కనిపించే లక్షణాలకు సంబంధించిన సమాచారం అందుబాటులో ఉంటుంది. అవి ఉన్నంతమాత్రాన కచ్చితంగా అదే జబ్బని నిర్ధరించాల్సిన అవసరం లేదు.*

*💥ఎలా బయటపడాలి..*

*◾చిన్నపాటి లక్షణాలున్నంత మాత్రాన కొంతమంది వారికి వారే ఏదో పెద్ద అనారోగ్యం ఉన్నట్లు కుంగిపోతుంటారు. ఇది మరింత ఆందోళన, మానసిక సమస్యలకు దారితీస్తుంది. ఈనేపథ్యంలో వైద్యులు ధ్రువీకరించకుండా ఎవరూ ఎలాంటి నిర్ణయానికి రావొద్దు. ఎట్టి పరిస్థితుల్లోనూ తమని తాము తక్కువ చేసుకోవద్దు.*

*◾ఆందోళన నుంచి బయటకు రావడానికి కొన్ని రిలాక్సేషన్‌ టెక్నిక్‌లను పాటించొచ్చు. దీర్ఘశ్వాస, ధ్యానం, కండరాలను వదులు చేసే వ్యాయామాల వంటి వాటిని ప్రయత్నించొచ్చు.*

*◾ఇంటర్నెట్‌లో ఉన్న సమాచారమంతా నిజం కాదనే వాస్తవాన్ని గుర్తించాలి. పైగా ఒక అనారోగ్య సమస్యను మీకు మీరే నిర్ధరించుకునే నిపుణులు కాదనే స్పృహలో ఉండాలి. ఆ దిశగా వచ్చే అన్ని ప్రతికూల ఆలోచనలకు దూరంగా ఉండాలి.*

*◾ఒకవేళ ఎంత ప్రయత్నించినా ఆందోళన నుంచి బయటకు రాకపోతే వెంటనే వైద్యుణ్ని సంప్రదించాలి.*

*◾టెక్నాలజీ మెరుగవుతున్నకొద్దీ ఇడియట్‌ సిండ్రోమ్‌ మరింత విస్తరిస్తోంది. అనారోగ్య సమస్యలపై అవగాహన ఉండడం మంచిదే అయినప్పటికీ.. ఇంటర్నెట్‌లోని సమాచారం ఆధారంగా నిర్ణయాలకు రావడం మాత్రం ప్రాణాంతకంగా మారే ప్రమాదం ఉంది. అందుకే నిజంగానే మీకు ఆరోగ్య సమస్య ఉందా? లేక ఇంటర్నెట్‌లో సమాచారం ఆధారంగా ఆందోళన చెందుతున్నారా? గుర్తించాలి. ఏదైనా ఒక నిర్ణయానికి రావడానికి ముందు వైద్యులను సంప్రదించడం మేలు.*

ఆణిముత్యం

 *💎  ఆణిముత్యం 💎*

తరువ దరువ బుట్టు దరువునందనలంబు

దరువదరువ బుట్టు దధి ఘృతంబు

తలపదలప బుట్టు తలపున తత్త్వంబు

విశ్వదాభిరామ వినురవేమ

*తాత్పర్యం:*

పూర్వకాలంలో అగ్గిపెట్టెలు లేనప్పుడు నిప్పు పుట్టించటానికి రెండు కర్రలను తీసుకుని వాటిని బాగా రుద్దేవారు. అడవిలో అలాగే దానంతటదే నిప్పు పుడుతుంది. దాన్ని దావానలం అంటారు. ఇప్పటికీ యఙయాగాదుల్లో నిప్పు రాజేయటానికి ప్రత్యేకమైన కర్రలనే వాడుతారు. వాటిని అరణి అంటారు. వాటిలోంచి వచ్చే నిప్పు రవ్వలను దూదిమీదకు వచ్చి మండేటట్టుగా చేసి యఙానికి వాడుతారు. 

అలా, ఒక కర్రతో మరోదాన్ని బాగా రుద్ది నిప్పు పుట్టిస్తాం, పెరుగుని బాగా చిలికి నెయ్యి వచ్చేట్టుగా చేస్తాం. అలా, మథనం చేసినప్పుడే వెన్న వస్తుంది. పాలు, పెరుగు, నెయ్యి, వెన్న, జున్ను, చీజ్, విడివిడిగా ప్యాకెట్స్ లోదొరుకుతున్న ఈ కాలంలో అవన్నీ పాల ఉత్పాదనలేనని పిల్లలకు ప్రత్యేకంగా చెప్పవలసివస్తుంది. అదే విధంగా మనసులో కూడా మథనం జరిగినప్పుడే కొత్త ఆలోచనలు పుడతాయి. అందుకే విద్వత్తుల చర్చలను మేధో మథనం అంటారు. మనసులో వచ్చిన ఒక మంచి ఆధ్యాత్మిక ఆలోచనను మథించి మథించి చివరకు దాని సారాన్ని కనుగొనటం జరుగుతుంది. దాన్నే తత్త్వం అంటారు- ఒక ధర్మ సూక్ష్మం! 

అలా, మనసులో మెదిలే ఆలోచనలను సక్రమంగా ఒక పంథాలో సాగిస్తూ దాని సూక్ష్మంలోకి పోవటాన్ని ఙానయఙమంటారు.

*🎣సేకరణ:సొంటేల ధనుంజయ🎣*

ఎలా మాట్లాడాలి?

 

ఎవరితో ఎలా మాట్లాడాలి?

న తల్లితో- ప్రేమగా మాట్లాడు

తండ్రితో- గౌరవంగా మాట్లాడు

భార్యతో- నిజాయితీగా మాట్లాడు

సోదరులతో- సహృదయంతో మాట్లాడు

తోబుట్టువులతో- అభిమానంతో మాట్లాడు

పిల్లలతో- ఉత్సాహంగా మాట్లాడు

స్నేహితులతో- సరదాగా మాట్లాడు

అధికారులతో- హుందాగా మాట్లాడు

వ్యాపారులతో- ఖచ్చితత్వంతో మాట్లాడు

వినియోగదారులతో- నిజాయితీగా మాట్లాడు

కార్మికులతో- సౌమ్యంగా మాట్లాడు

రాజకీయ నేతలతో- జాగ్రత్తగా మాట్లాడు

భగవంతుడితో- మౌనంగా మాట్లాడు

మీతోనువ్వు.. ఆత్మవిశ్వాసంగా మాట్లాడు

మానవ ధర్మములు

 

మనిషిని జీవింపచేసేవి:

నిగ్రహం, ప్రేమ, తృప్తి, త్యాగము

మనిషిని దహింపచేసేవి:

అసూయ, అత్యాశ, ద్వేషం, పగ

జీవితానికి చెడు తెచ్చేవి:

కోపం, అహంకారం, అనాలోచన

జీవితంలో ఆశించకూడనివి: అప్పు, యాచన

నేర్పరికి కావలసినవి:

లక్ష్యం, సహనం, వినయం, విధేయత

పరువు, ప్రతిష్ఠలకు భంగం కలిగించేవి:

వ్యామోహం, స్వార్ధము

గురుబోధ

 *🕉️గంగామాత అవతరణము, శ్రీ భగీరథ జయంతి, వైశాఖ సప్తమి, శర్కరాసప్తమి, నర్మదానదిలో గంగామాత ప్రవేశిస్తుంది (శ్రీ స్కాందపురాణము)*🕉️

*గురుబోధ*

👉వైశాఖశుక్లసప్తమీ తిథినాడు, జహ్నుమహర్షి గంగాదేవిని కుడిచెవి నుండి విడిచిపెట్టాడు. ఈ రోజు నర్మదా నదిలో గంగ ప్రవేశిస్తుంది. ఈ తిథినాడు పంచదారతో చేసిన పిండివంటలు సూర్యునికి నివేదిస్తే, సకల దుఃఖాలు నశిస్తాయి. పుత్రసంతానం కలుగుతుంది.

👉ఈరోజు బాణలింగాన్ని ఆవుపాలతో పూజిస్తే, ఆ క్షీరాన్ని నెత్తిపై చల్లుకోవడం వల్ల సకల శుభాలు కలుగుతాయి. , వేల జన్మల పాపాలు తొలగుతాయి. 

👉ఈరోజు నర్మదా నదములో 3 కోట్ల నదులు చేరుతాయి. కావున ఈరోజు ఓంకారేశ్వరం లో ఉన్న నర్మదా నదములో స్నానం చేయాలి. లేదా శ్రీశైలం లో మల్లికార్జున స్వామి కి అభిషేకం చేసిన జలములు స్వీకరించినా వేల జన్మల పాపాలు పోతాయి.

👉శివ సంబంధమయిన విషయములలో చాలా పరమ పవిత్రమయిన ఘట్టంగా మనం భావించేది గంగావతరణం. దానితో సామానమయిన ఘట్టం మరొకటి లేదు. ఈశ్వర కారుణ్యమునకు హద్దు లేదని చూపించేవాటిలో గంగావతరణం ఒకటి.

నేడు  సమీప నదిలో గంగాస్మరణతో స్నానం చేయాలి. నది లభ్యం కానప్పుడు వాపీకూప తటాకాదులు వేటిలోనైనా, లేదా ఇంట్లో స్నానం చేసేటప్పుడైనా గంగా నామస్మరణ చేయాలి.

ఉత్తమం

 *🔔   _శుభోదయం_    🔔*

       *_నిజాయితీ  లేని నూరు మంది వెనుక నడవడం కవ్నా_*

          *_నిజాయితీ ఉన్న ఒక్కడి వెనుక నడవడం ఉత్తమం !_*

🌞🌅🌞🌅🌞🌅🌞🌅🌞🌅🌞

గురుబోధ

 *గురుబోధ:*

కఠినంగా మాట్లాడడము, పెద్దలను అగౌరవపరచడం, ఇతరుల చేసిన తప్పులు పదేపదే చెప్పడం, అసత్యం పలకడం వంటివి చేయడం వల్ల మనం చేసిన పుణ్యము క్షీణిస్తుంది. సదాచారాలు పాటించేవారికి సకలశుభాలు దేవతలు ప్రసాదిస్తారు. ఆచారాలు పాటించకుండా ఎన్ని పూజలు, జపములు చేసినా దేవతలు అనుగ్రహించరు.

వారణసిలోశంకరులు

 🌸🌸🌸🌸🌸🌸🌸🌸🌸

*వారణసిలోశంకరులు*

గుర్వాజ్ఞతో శంకరులు వారాణసి చేరుకొని పవిత్ర గంగా నదిలో పుణ్యస్నానమాచరించి, విశ్వేశ్వరుని సన్నిధిలో కొంతకాలం గడిపారు. అయస్కాంతం ఇనుపరజనును ఆకర్షించినట్లు, వేదసూక్ష్మాలు శంకరులకు వారణాసిలో బాగా అవగతమయ్యాయి. వారణాసిలోనే సదానందుడు అనే బ్రహ్మచారి శంకరులకు ప్రథమ శిష్యుడయ్యాడు.

*మనీషా పంచకం*

ఒకరోజు మాధ్యాహ్నికం (మధ్యాహ్నకాలకృత్యాలు) తీర్చుకోవడానికి గంగా నది వైపు వెళ్తుండగా మార్గమధ్యంలో నాలుగు శునకాలతో ఒక చండాలుడు అడ్డుపడినాడు. అప్పుడు శంకరులు, ఆయన శిష్యులు అడ్డు తప్పుకోమనగా ఆ చండాలుడు ఈ విధంగా అడిగాడు.

అన్నమయాత్ అన్నమయం అథవా చైతన్యమేవచైతన్యాత్

ద్విజవర దూరీకృతం వాజ్చసి కిం బ్రూహి గచ్ఛ గచ్ఛతి

సర్వానికి మూలమైన అన్నం నుండి నిర్మితమైన ఈ శరీరం ఛండాలుడిలోనైనా, బ్రాహ్మణుడి లోనైనా ఒకేవిధంగా పనిచేస్తుంది. మీరు అడ్డు తప్పుకోమన్నది కనిపిస్తున్న ఈ శరీరాన్నా, లేక లోపలనున్న ఆత్మనా? ఆవిధంగా అయితే అది ద్వంద్వం అవుతుంది కాని అద్వైతం కాదు

ఆ మాటలువిన్న వెంటనే శంకరులు అంతరార్థం గ్రహించి సాక్షాత్తు పరమశివుడే నాలుగు వేదాలతో వచ్చాడని గ్రహించి మహాదేవుడిని మనీషా పంచకం అనే ఐదు శ్లోకాలతో స్తోత్రం చేశారు. శంకరులకు పరమశివుడు ఆయన తదుపరి కర్తవ్యాన్ని ఈవిధంగా వివరించాడు: "వేదవ్యాసుడు క్రమబద్ధీకరించిన నాలుగు వేదాలకు అనుసంధానంగా ఉండే బ్రహ్మసూత్రాలకు భాష్యాలు వ్రాయాలి. ఆ భాష్యాలు, అప్పటివరకు బ్రహ్మసూత్రాలకు ఉన్న తప్పుడు అర్థాలను సరిదిద్దేటట్లు ఉండాలి. వాటిని ఇంద్రుడు కూడా పొగిడేటట్లు ఉండాలి. తరువాత ఆ సిద్ధాంతం వ్యాప్తికి, సంరక్షణకు దేశం నలు మూలలకూ శిష్యులను పంపాలి." ఇలా కర్తవ్యాన్ని బోధించి, ఆ పనులు అయ్యాక, నన్ను చేరుకుంటావు అని చెప్పి, శివుడు అంతర్ధానమయ్యాడు.

🌸🌸🌸🌸🌸🌸🌸🌸🌸

అహం ఉన్న వ్యక్తికి

 *అహం ఉన్న వ్యక్తికి ఎన్ని తెలివితేటలు ఉన్నా పరాభవం తప్పదు*  

🔹🔹🔹🔹🔹🔹🔹🔹

ఒక మహానగరం లో ఒక గొప్ప శిల్పి వుండేవాడు. ఆయన శిల్పాలను ఎంత గొప్పగా చెక్కేవాడంటే, పేరు ప్రఖ్యాతులున్న విమర్శకులు కూడా ఆయన శిల్పాల్లో ఏ చిన్న తప్పునూ పట్టలేక పోయేవారు. ఆయన చెక్కిన శిల్పాలున్న పెద్ద గది లోకి వెళితే, అవన్నీ ప్రాణమున్న వాటివిగా, మన పక్కన వున్నట్టు, మనకు చేయి అందిస్తున్నట్టు, మనతో మాట్లాడుతున్నట్టు ... సజీవంగా వుండేవి.. ఎటూవంటివారైనా మంత్రముగ్ధులు కావాల్సిందే! ఆ అసాధారణ ప్రతిభ, నైపుణ్యం నెమ్మదిగా అతనిలో అహంభావాన్ని *[ Ego ]* నింపాయి.

ఇదిలావుండగా, ఒకరోజు ఒక జ్యోతిష్కుడు ఆయన చేతిని, జన్మ నక్షత్ర వివరాలను పరిశీలించి  'మీరు ఫలానా రోజు చనిపోతారు సుమా!" అని చెప్పాడు.

శిల్పికి చెమటలు పట్టాయి, ఆయన ఇలా అనుకొన్నాడు, నేను బ్రహ్మ లాంటివాడిని కదా! ఆయన [ బ్రహ్మ ] మనుషులను సృష్టిస్తే, ఆ రూపాలకు నేను ప్రతిరూపాలా.... అనిపించే శిల్పాలు సృష్టిస్తాను... కాబట్టి, నేను అపర బ్రహ్మ అవుతాను. మృత్యువు వచ్చిన రోజున నాలాగే వున్న మరో ఏడు శిల్పాలను చెక్కి వుంచుతాను. అపుడు మృత్యు దేవత ప్రాణమున్న శిల్పి ఎవరో, బొమ్మ ఏదో కనుక్కోలేక  వెళ్ళిపోతుంది. నేను మృత్యువుకు దొరకను అని ఉపాయం పన్నాడు. 

అచ్చు తనలాగా వున్న శిల్పాలు ఏడు చెక్కి, మృత్యు దేవత వచ్చే రోజున ఒక దాని వెనుక దాక్కొన్నాడు. 

మృత్యుదేవత ఆ గది లోకి వచ్చింది. శిల్పి శ్వాసను పూర్తిగా నియంత్రించి కదలకుండా నిలుచున్నాడు. దేవత వెతుకుతూ వస్తోంది. ఊపిరి బిగపట్టి చూస్తున్నాడు శిల్పి. ఇక కనుక్కోలేదులే అని అనుకొన్నాడు.  శిల్పి ప్రతిభకు మృత్యు దేవత ఆశ్చర్య పోయింది.  ఎంత ప్రయత్నం చేసినా జీవి ఎవరో... శిల్పమేదో... కనుక్కోలేక పోయింది. 

ఇక తనవల్ల కాదని వచ్చిన దారినే వెళ్ళి పోవాలనుకొని  వెనుతిరిగింది. శిల్పి ఆనందనాకి అవధులు లేవు. తన తెలివితేటలను తన కళా నైపుణ్యాన్ని తనలో తానే పొగుడుకుంటున్నాడు. ఇంతలో దేవత మళ్ళీ శిల్పాల వైపు తిరిగి "ఈ శిల్పి" ఎవరోకానీ, ఎంత అద్భుతంగా శిల్పాలు చెక్కాడు ! కానీ ఈ ఒక్క శిల్పంలోనే అతను ఒక చిన్న తప్పు చేసాడు! అంది. 

*అంతే !* మన అపరబ్రహ్మకు అహం దెబ్బతింది. తన వృత్తి జీవితంలో ఇప్పటివరకు హేమాహేమీలు  ఒక్కరుకూడా వంక పెట్టలేదు. అలాంటిది ఈరోజు తప్పు జరిగింది అంటుందా! ఈ దేవత... అనుకున్నాడు. వెంటనే తాను దాక్కొన్నాడు అన్న సంగతి కూడా మరచి కోపంతో  '' *ఏది ? ఎక్కడుంది తప్పు చూపించు? అంతా చక్కగావుంది. ఏ తప్పూ లేదు!"* అనేసాడు.

అపుడు మృత్యుదేవత నవ్వుతూ.... నాకు తెలుసు అందులో ఏ తప్పూ లేదని. కానీ నిన్ను గుర్తించడానికి  చెప్పానంతే. నేనేమీ నిన్ను పట్టుకోలేదు, నీకు నువ్వే పట్టుబడ్డావు!  *"ప్రాణాధార మైన నీ శ్వాసను కూడా నియంత్రించ గలిగావు కానీ, నీ అహంభావాన్ని మాత్రం నియంత్రించ లేకపోయావు, చివరకు అదే నిన్ను పట్టించింది"* అని ఆయన్ను తీసుకెళ్ళి పోయింది.

మనం పెంచుకొనే అహంభావం *[ Ego ]* అంత ప్రమాదకరమైనది. అది సత్యాన్ని చూడనివ్వదు, వాస్తవాన్ని తెలుసుకోనివ్వదు, మనం అనుకొన్నదే సరైంది, ఇతరులదే తప్పు అని మనం అనుకొనేలాగా చేస్తుంది. నెమ్మదిగా అది స్వార్థానికి దారి తీసి ''నేను బాగుంటే చాలు, నా కుటుంబం బాగుంటే చాలు'' అనుకొంటాము. స్వార్థం ప్రకృతి విరుద్ధం, దైవం నుండి మనకు అందాల్సిన అనుగ్రహన్ని అడ్డుకొనే దెయ్యం స్వార్థం. 

మీరు గమనించారా ? 

'' *అహంభావం* '' అనే పదం లోంచి *' అహం '* తీసేస్తే మిగిలేది *' భావం '* అంటే  ' అర్థం ' *అర్థమైతే అనర్థం జరగదు*

అర్ధం అయితే మానవుడు కాకపోయినా అర్ధం అయ్యింది అని మోసం చేసుకుంటే 'మని'షి' 🤣

ఇంతకీ మీరేదో.. మీకు మీరైనా తెలుసుకోండి..! 🥳

ఆదిగురువు_దక్షిణామూర్తి

 #ఆదిగురువు_దక్షిణామూర్తి...

దక్షిణామూర్తి విగ్రహాన్ని పరిశీలిస్తే కుడిచెవికి మకరకుండలం ఎడమ చెవికి "తాటంకం' అలంకారాలుగా కనిపిస్తాయి. మకరకుండలం పురుషుల శ్రవణాలంకారం. తాటంకం స్త్రీల అలంకృతి, దక్షిణామూర్తిగా సాక్షాత్కరించినది శివశక్తుల సమైక్య రూపమేనని తెలియజేస్తాయి.

సనకసనందనాదులకు ముందు రెండుగా కనబడిన శివశక్తులే  ఏకాకృతిగా దర్శనమిచ్చాయి. అందుకే దక్షిణామూర్తి అయ్యరూపమే కాక, అమ్మమూర్తి కూడా ఈ విషయాన్నే లలితాసహస్రంలో "దక్షిణామూర్తి రూపిణీ  సనకాదిసమారాధ్యా శివజ్ఞాన ప్రదాయినీ" అని వివరిస్తోంది.

ఏ దయవలన దుఃఖం పూర్తిగా నిర్మూలనమవుతుందో ఆ 'దయ'ను 'దాక్షిణ్యం' అంటారు. ఈ లోకంలో శాశ్వతంగా దుఃఖాన్ని నిర్మూలించగలిగే శక్తి (దాక్షిణ్యం) భగవంతునికి మాత్రమే ఉంది. ఆ దాక్షిణ్య భావం ప్రకటించిన రూపమే దక్షిణామూర్తి

పరమ జ్ఞానమూర్తియైన ఈ ఆది గురువును స్తుతిస్తూ ఆదిశంకరులు రచించిన దక్షిణామూర్తి సోత్రము బహుళ ప్రసిద్ది చెందింది. దక్షిణామూర్తి సకల జగద్గురు మూర్తి కనుక - స్వామి ఆరాధన సకల విద్యలను ప్రసాదిస్తుంది. ఐహికంగా - బుద్ధి శక్తిని వృద్ధి చేసి విద్యలను ఆనుగ్రహించే ఈ స్వామి పారమార్థికంగా తత్త్వ జ్ఞానాన్ని ప్రసాదించే దైవం.

               🚩 సర్వేజనా సుఖినోభవంతు 🚩

యోగవాశిష్ఠమ్

 💎🌅  *_-|¦¦|శుభోదయమ్|¦¦|-_* 🌄🪔

🪔 ॐ卐  *_-|¦¦|సుభాషితమ్|¦¦|-_* ॐ卐 💎

 శ్లో𝕝𝕝 వాసనాయా స్తథా వహ్నేః ఋణ వ్యాధి ద్విషామపి|

      రాగ వైర విషాణాం చ శేషః స్వల్పోఽపి బాధతే||

              *--- యోగవాశిష్ఠమ్ ---*

తా𝕝𝕝 *చిత్తవాసనలు, అగ్ని, ఋణము, వ్యాధి, శత్రువు, రాగము, ద్వేషము, విషము ఈ ఎనిమిది ఏ కొంచెము శేషించి ఉన్ననూ తరువాత బాధించునవే అవుతున్నాయి సుమా*...

     👇 //---------- ( *భజగోవిందం* )---------// 👇

శ్లో𝕝𝕝 *యోగరతో వా భోగరతో వా సంగరతో వా సంగవిహీనః |* 

 *యస్య బ్రహ్మణి రమతే చిత్తం నందతి నందతి నందత్యేవ ||19||*

భావం: ఒకడు యోగిగా జీవించవచ్చు, భోగిగా జీవించవచ్చు; ఈ ప్రపంచంలో అందరితో కలిసి మెలిసి జీవించవచ్చు లేదా ఒంటరిగా అందరికీ దూరంగా జీవించవచ్చు. కాని ఎవరైతే తమ మనసును బ్రహ్మతత్వమునందే నిలిపి తమను తాము బ్రహ్మగా భావిస్తూ ఉంటారో అట్టివారే ఆనందిస్తారు. ముమ్మాటికీ అట్టివారికే ఆనందం.

సంస్కృత మహాభాగవతం

 *15.5.2024 ప్రాతఃకాల సందేశము*

*వేదవ్యాసుల వారి సంస్కృత మహాభాగవతం*

*దశమస్కంధము - పూర్వార్ధము -  నలుబది ఒకటవ అధ్యాయము*

*బలరామకృష్ణులు మథురలో ప్రవేశించుట*

🕉🕉🕉🕉🕉🕉🕉🕉🕉🕉🕉🕉

*41.29 (ఇరువది తొమ్మిదవ శ్లోకము)*

*ప్రాసాదశిఖరారూఢాః ప్రీత్యుత్ఫుల్లముఖాంబుజాః|*

*అభ్యవర్షన్ సౌమనస్యైః ప్రమదా బలకేశవౌ॥9846॥*

శ్రీకృష్ణదర్శనానందముతో ఆ నగరస్త్రీల ముఖారవిందములు చక్కగా వికసించెను. మేడలపై చేరియున్న ఆ ముదితలు హర్షముతో బలరామకృష్ణులపై పూలను వర్షించిరి.

*41.30 (ముప్పదియవ శ్లోకము)*

*దధ్యక్షతైః సోదపాత్రైః స్రగ్గంధైరభ్యుపాయనైః|*

*తావానర్చుః ప్రముదితాస్తత్ర తత్ర ద్విజాతయః॥9847॥*

ఆ పరమ పురుషులను దర్శించుటకై అచ్చటచ్చట చేరియున్న ద్విజులు (బ్రాహ్మణ, క్షత్రియ, వైశ్యులు) పెఱుగు, అక్షతలు, జలపాత్రలు, పూలహారములు, చందనములు మొదలగు వానిని, తదితరములగు కానుకలను సమర్పించుచు, సంతోషముతో ఆ మహాత్ములను అర్చించిరి.

*41.31 (ముప్పది ఒకటవ శ్లోకము)*

*ఊచుః పౌరా అహో గోప్యస్తపః కిమచరన్ మహత్|*

*యా హ్యేతావనుపశ్యంతి నరలోకమహోత్సవౌ॥9848॥*

అప్పుడు పురజనులు తమలో తాము ఇట్లనుకొనిరి- 'గోపికలు నిజముగా ఎంత ధన్యాత్మలోగదా! మానవాళికి పరమానంద దాయకములైన ఈ మహానుభావులను నిత్యము దర్శించెడి భాగ్యమునకు నోచుకొనిన ఆ గోపవనితలు ఎంతటి తపస్సులను ఆచరించిరోయేమో?"

*41.32 (ముప్పది రెండవ శ్లోకము)*

*రజకం కంచిదాయాంతం రంగకారం గదాగ్రజః|*

*దృష్ట్వాయాచత వాసాంసి ధౌతాన్యత్యుత్తమాని చ॥9849॥*

*41.33 (ముప్పది మూడవ శ్లోకము)*

*దేహ్యావయోః సముచితాన్యంగ వాసాంసి చార్హతోః|*

*భవిష్యతి పరం శ్రేయో దాతుస్తే నాత్ర సంశయః॥9850॥*

ఇంతలో వస్త్రములను శుభ్రముగా ఉతికెడువాడు, వాటికి రంగులు అద్దెడు వాడైన  ఒక చాకలి శ్రీకృష్ణునకు కనబడెను. అప్పుడు ఆ స్వామి, 'మేలైన ఉతికిన వస్త్రములను ఇమ్ము' అని అడుగుచు అతనితో ఇట్లనెను - "మిత్రమా! అర్హులమైన మా ఉభయులకును కొన్ని మంచి వస్త్రములను ఇమ్ము. గుడ్డలను ఇచ్చినందున నీకు చక్కని శ్రేయస్సు కలుగును. ఇది ముమ్మాటికిని నిజము".

*41.34 (ముప్పది నాలుగవ శ్లోకము)*

*స యాచితో భగవతా పరిపూర్ణేన సర్వతః|*

*సాక్షేపం రుషితః ప్రాహ భృత్యో రాజ్ఞః సుదుర్మదః॥9851॥*

పరీక్షిన్మహారాజా! అన్నివిధములుగా పరిపూర్ణుడైన (ఆప్తకాముడైన) కృష్ణభగవానుడు ఇట్లడుగగా, కంసరాజునకు భృత్యుడు మిగుల గర్వితుడు ఐన ఆ రజకుడు ఎంతయు క్రుద్ధుడై ఆ నందనందనుని ఆక్షేపించుచు ఇట్లు నుడివెను-

*41.35 (ముప్పది ఐదవ శ్లోకము)*

*ఈదృశాన్యేవ వాసాంసీ నిత్యం గిరివనేచరాః|*

*పరిధత్త కిముద్వృత్తా రాజద్రవ్యాణ్యభీప్సథ॥9852॥*

*41.36 (ముప్పది ఆరవ శ్లోకము)*

*యాతాశు బాలిశా మైవం ప్రార్థ్యం యది జిజీవిషా|*

*బధ్నంతి ఘ్నంతి లుంపంతి దృప్తం రాజకులాని వై॥9853॥*

గుట్టలలో, అడవులలో తిరుగుచుండెడి గోపాలులారా! మీరు నిత్యము ఇట్టి మేలైన వస్త్రములనే ధరించుచుందురా? మీరు మిగుల మదించియున్నట్లు కనుబడుచున్నారు. మీ కనులు నెత్తికెక్కినవా? రాజుగారు ధరించుచుండెడి ఈ వస్త్రములను కోరుకొనుటకు మీకు ఎన్ని గుండెలు? మూర్ఖులారా! ప్రాణములపై ఆశయున్నచో మీరు ఇట్లు అడుగదగదు. వెంటనే ఇక్కడినుండి పాఱిపొండు. లేనిచో రాజభటులు దుష్టులైన మిమ్ము పట్టి బంధించెదరు. చావగొట్టెదరు. అంతేగాదు, మీ వస్తువులను అన్నింటిని లాగుకొనెదరు".

*41.37 (ముప్పది ఏడవ శ్లోకము)*

*ఏవం వికత్థమానస్య కుపితో దేవకీసుతః|*

*రజకస్య కరాగ్రేణ శిరః కాయాదపాతయత్॥9854॥*

చాకలి యుక్తాయుక్తములను మఱచి ఇట్లు వదరుచున్నందులకు శ్రీకృష్ణుడు మిక్కిలి కుపితుడయ్యెను. వెంటనే ఆ ప్రభువు తన కరాగ్రముతో (చేతి ముందుభాగముతో) ఆ చాకలి శిరస్సు తెగిపడునట్లుగా కొట్టెను.

*41.38 (ముప్పది ఎనిమిదవ శ్లోకము)*

*తస్యానుజీవినః సర్వే వాసః కోశాన్ విసృజ్య వై|*

*దుద్రువుః సర్వతో మార్గం వాసాంసి జగృహేఽచ్యుతః॥9855॥*

అంతట ఆ చాకలియొక్క అనుచరులు తమ గుడ్డలమూటలను అక్కడనే పడవేసి, ఎటువారటు కాలికి బుద్ధిచెప్పిరి. పిదప శ్రీకృష్ణుడు తనకు అనువగు వస్త్రములను ఆ చాకలి మూటలనుండి తీసికొనెను.

*41.39 (ముప్పది తొమ్మిదవ శ్లోకము)*

*వసిత్వాఽఽత్మప్రియే వస్త్రే కృష్ణః సంకర్షణస్తథా|*

*శేషాణ్యాదత్త గోపేభ్యో విసృజ్య భువి కానిచిత్॥9856॥*

అనంతరము శ్రీకృష్ణబలరాములు తమకు బాగుగా నచ్చిన వస్త్రములను ధరించిరి. మిగిలిన వాటిలో కొన్నింటిని తమ అనుచరులగు గోపాలురకు పంచియిచ్చిరి. తక్కిన గుడ్డలను అక్కడనే వదలివేసిరి.

*41.40 (నలుబదియవ శ్లోకము)*

*తతస్తు వాయకః ప్రీతస్తయోర్వేషమకల్పయత్|*

*విచిత్రవర్ణైశ్చైలేయైరాకల్పైరనురూపతః॥9857॥*

*41.41 (నలుబది ఒకటవ శ్లోకము)*

*నానాలక్షణవేషాభ్యాం కృష్ణరామౌ విరేజతుః|*

*స్వలంకృతౌ బాలగజౌ పర్వణీవ సితేతరౌ॥9858॥*

రామకృష్ణులు కొంతముందునకు నడువగా ఒక నేతవాడు వారికి ఎదురయ్యెను. అప్పుడు అతడు వారి దర్శనమునకు ఎంతయు సంతష్టుడయ్యెను. పిదప అతడు, తాను స్వయముగా నేసిన వస్త్రములతో వారి రూపములకు అనువగు రంగురంగుల వస్త్రములతో వారిని అలంకరించెను. అంతట బలరామకృష్ణులు వివిధములగు రంగుల వస్త్రములను దాల్చి, ఉత్సవసమయములయందు బాగుగా అలంకరింపబడిన తెలుపు నలుపువన్నెలుగల ఏనుగు గున్నలవలె శోభిల్లిరి.

*41.42 (నలుబది రెండవ శ్లోకము)*

*తస్య ప్రసన్నో భగవాన్ ప్రాదాత్సారూప్యమాత్మనః|*

*శ్రియం చ పరమాం లోకే బలైశ్వర్యస్మృతీంద్రియమ్॥9859॥*

నేతవాని సేవలకు శ్రీకృష్ణపరమాత్మ ఎంతయు ప్రసన్నుడయ్యెను. పిమ్మట ఆ స్వామి అతనికి ఈ లోకమున (జీవితకాలమున) చక్కని సిరిసంపదలను, బలమును, ఐశ్వర్యమును, భగవద్భక్తిని, జితేంద్రియత్వమును ప్రసాదించెను. అంతేగాక, దేహాంతమున అతనికి తన సారూప్యముగూడ ప్రాప్తించునట్లు అనుగ్రహించెను.

(శ్రీ వేదవ్యాసప్రణీత శ్రీమద్భాగవతమందలి దశమ స్కంధములోని పూర్వార్ధమునందలి     నలుబది ఒకటవ అధ్యాయము ఇంకను కొనసాగును)

🙏🙏సర్వం శ్రీకృష్ణార్పణమస్తు🙏🙏

*పసుమర్తి వేంకట దుర్గా సుబ్రహ్మణ్యం*

7702090319

శ్రీలలితా సహస్రనామ భాష్యము*

 15.5.2024 బుధవారం

*శ్రీమాత్రేనమః*

*శ్రీలలితా సహస్రనామ భాష్యము*

*371వ నామ మంత్రము* 

*ఓం వైఖరీరూపాయై నమః*

విశేషముగా కఠినమైన రూపము గలిగిన పరమేశ్వరికి నమస్కారము.

చెవులకు స్పష్టముగా వినిపించు వాగ్రూపిణి యైన జగన్మాతకు నమస్కారము.

శ్రీలలితా సహస్ర నామావళి యందలి *వైఖరీరూపా* యను ఐదక్షరముల (పంచాక్షరీ)  నామ మంత్రమును *ఓం వైఖరీరూపాయై నమః* అని ఉచ్చరించుచూ, ఆ పరమేశ్వరిని అత్యంత భక్తిశ్రద్ధలతో ఆరాధించు భక్తులకు ఆ తల్లి చక్కని మాటకారితనమును అనుగ్రహించి పలువురి మన్ననలందునటులు ప్రవర్తింపజేయును.

జగన్మాత మిక్కిలి కఠినరూపము గలిగినది. నాలుగు వాగ్రూపములలో (పరా, పశ్యంతి, మధ్యమ, వైఖరీ) నాలుగవది అయిన వైఖరీవాగ్రూపిణి. ఈ నాలుగవ స్థితిలో వాక్కు స్పష్టముగా చెవులకు సోకుతుంది. అందుచే అమ్మవారు *వైఖరీరూపా* యని అనబడినది. యోగశాస్త్రంలో విఖరము అనే వాయువుచేత ప్రేరేపింపబడిన వైఖరీ వాగ్రూపిణి. పరా, పశ్యంతి, మధ్యమ అను స్థితులనుండి వైఖరీ స్థితికి వచ్చిన వాక్కు స్పష్టత కలిగియుండును. వైఖరీ వాక్కు నాలుక, దంతాలు, పెదవులు మొదలైన స్థానములను తాకుతూ, స్పష్టత సంతరించుకొని, వాయువు ఆధారంగా వెలికివచ్చి, ధ్వనితరంగమై, కర్ణములకు చేరి స్పష్టత పొందియుంటుంది. అకారాది క్షకారాంతము వరకు గల వివిధ అక్షరములు, అట్టి అక్షరముల కూర్పుతో మాటలు మరియు అట్టి మాటలకు జోడింపబడిన సంగీతముతో కూడిన గానము - ఇది అంతయు ఆ పరమేశ్వరి స్వరూపము గనుకనే ఆ తల్లి *వైఖరీరూపా* యని అనబడినది.

జగన్మాతకు నమస్కరించునపుడు *ఓం వైఖరీరూపాయై నమః* అని యనవలెను.

🌹🌹🌹🌹🌹🌹🌹🌹🌹🌹🌹

మహాగణపతి, బాల, శక్తిపంచాక్షరీ, పంచదశీ మంత్రోపదేశము, ఆంగ్లభాషలో అనర్గళ వాక్పటిమను ప్రసాదించినవారు, నా జీవన వృత్తికి, ప్రవృత్తికి మార్గదర్శకులైన, కుర్తాళం మౌనస్వామి వారి ప్రియశిష్యులు, నాతొలిగురువర్యులు అయిన కీ.శే కొండాకోటయ్య మహనీయుల అనుగ్రహముతోను, ఎనిమిది నెలలు(1977లో) తన పాదసేవాభాగ్యంతో నన్ను పునీతులను చేసిన జిల్లెళ్ళమూడి అమ్మ అనుగ్రహముతోను భాస్కరరాయలు వారి సౌభాగ్యభాస్కరము, మరియు కొందరు ఆధ్యాత్మికవేత్తల వ్యాఖ్యానముల పరిశీలనతోను  అక్కడక్కడ భాస్కరరాయలు వారి శ్లోకములు మరియు ఆది శంకరాచార్యుల సౌందర్యలహరి శ్లోకములు తీసుకుంటూ, నా స్వీయ వివరణతో ఈ వ్యాఖ్యాన పుష్పాన్ని  జగజ్జనని ఇచ్చిన ప్రసాదంగా భావిస్తూ అందరికీ పంచుతున్నాను.  

 *పసుమర్తి వేంకట దుర్గా సుబ్రహ్మణ్యం* 7702090319, 9505813235

🌹🌹🌹🌹🌹🌹🌹🌹🌹🌹🌹

మీకు, మీకుటుంబ సభ్యులకు శుభోదయ శుభాభి వందనములు🌹🌹🌹🌹🌹🌻🌻🌻🌻🌸🌸🌸🌸💐💐💐

పిల్లలకు నేర్పినచో

 **

*కం*

ఓర్పున సంస్కారంబుల

నేర్పినచో పిల్లలటుల నేరిచి నెగడున్.

నేర్పకనే చెడు బుధ్ధులు

కూర్పుగ చిన్నారుల మది కూడును సుజనా.

*భావం*:-- ఓ సుజనా! ఓపిక తో సంస్కారములను పిల్లలకు నేర్పినచో అవి నేర్చుకొని పిల్లలు వర్ధిల్లును(బాగుపడును). ఏమీ నేర్పకపోతే పిల్లల మనస్సులకు చెడ్డ బుధ్ధులు వాటంతట అవే వచ్చి చేరును.

*సందేశం*:-- పిల్లలకు మంచి సంస్కృతీ సంప్రదాయాలు నేర్పకపోతే చెడులక్షణాలు పొంది వారు చెడిపోయే ప్రమాదం ఉంటుంది.

*** *కొంపెల్ల శ్రీనివాస శర్మ*

కుటుంబ దినోత్సవ

 *అంతర్జాతీయ కుటుంబ దినోత్సవ శుభాకాంక్షలు( ఇంటర్నేషనల్ ఫ్యామిలీ డే)*..

*కుటుంబం.....దేవుడు ఏరి,కూర్చి, ఇచ్చిన వరం,ఒక అద్భుతం*..

*తాతయ్య,నానమ్మ,అమ్మమ్మ,పెద్దమ్మ,*

*పెదనాన్న,తల్లి,తండ్రి,కొడుకు,కూతురు,కోడలు ,అల్లుడు,బాబాయ్,పిన్ని,బావ,మరదలు, ఒదిన,అన్న,తమ్ముడు,చిన్నోడు,పెద్దోడు, మనవడు,మనవరాలు,ముని మనవడు,ముని మనవరాలు*....... ఏ పేరు కా పేరు ఒక మంత్రపుష్పం( మంత్ర ముగ్ధం)...

*తియ్యటి పిలుపులో తేనేలూరే మాధుర్యం, మందారమకరందం*

నలుగురు కలసి ఒకచోట నివసిస్తేనే విలువ,గౌరవం.

ఉమ్మడి కుటుంబాలు ప్రేమ,అనురాగం,ఆప్యాయత లకు పెట్టింది పేరు.

గౌరవ మర్యాదలు,పెద్దల యందు వినయ విధేయతలు,సంస్కారం,మమకారం అబ్బేవి కూడా ఉమ్మడి కుటుంబం లోనే.

*కుటుంబ వ్యవస్థ వర్ధిల్లాలి*....

*మూర్తి's* కలం నుండి...✒️

( సీనియర్ ఫిజిక్స్ లెక్చరర్, కాలమిస్ట్)

నోటుకి ఓటూ

 *నోటుకి ఓటూ ఒక ముందడుగే!*

  అరవై ఏళ్ళ నాటిది 'మాటకి ఓటు.' ఆ తర్వాతది 'హామీకి ఓటు.' ఆ పిమ్మట 'జులుం కి ఓటు.' ఆ తర్వాతే 'మత్తుకి ఓటు.' చివరకు 'నోటుకి ఓటు.'

భారత ఎన్నికల వ్యవస్థ పరిణామ క్రమం ఈ ఆఖరి దశకు చేరడానికి అరవై ఏళ్ళు పట్టింది.

 అది 'నోటుతో ఓటు' దగ్గరే ఆగలేదు. జీతంతో ఎన్నికల కూలీలు కూడా ఉనికిలోకి వచ్చారు. ఈ 'ఓటుకు నోటు' దశలో ఉపదశలు వున్నాయి. ఆఖరి ఉపదశ ముఖ్యమైనది. 

మొదట ఒకే పార్టీ నుంచి నోటు తీసుకొని, అదే పార్టీకి ఓటు వేసే పద్ధతి అమలులో వుండేది. ఆనాడు 'తిన్నింటి‌ వాసాలు లెక్క పెట్టకూడదు' అనే ఖర్మ భావన ఓటర్ల మనస్సుల్లో వుండేది.

అన్ని పార్టీల నుంచి నోటు తీసుకొని, తమకు నచ్చిన ఒకే పార్టీకి ఓటు వేయడమనే కొత్త పద్ధతి తర్వాత ఉపదశలో ఉనికిలోకి వచ్చింది.

*నాకు నోట్లు యివ్వడం అన్ని పార్టీల విధి. నా ఇష్ట ప్రకారం ఓటు వేసుకోవడం నా విధి* అనేది నేటి సగటు ఓటరు మనోభావన! 

  నిన్నటి ఖర్మ భావన నుంచి బయటపడి ఓటరు యిలా "స్వేచ్ఛ" ప్రదర్శించడం కూడా ముమ్మాటికీ ఓ ముందడుగే!

  ఈసారి ఎన్నికలలో మా కుటుంబానికి ఫలానా మొత్తం డబ్బు వచ్చిందని నేడు సగటు ఓటర్లు కలుసుకున్నప్పుడు పరస్పరం నిర్మొహమాటంగా చెప్పుకునే పరిస్థితి వచ్చింది. అలాగే ఈసారి ఎన్నికల్లో నాకు ఫలానా మొత్తం కూలి వచ్చిందని చెప్పుకోవడం దినసరి ఎన్నికల కూలీల అలవాటుగానూ మారింది. ఎలాంటి అపరాధ భావం లేకుండా ఇలా సగర్వంగా సాధారణ ప్రజలు చెప్పుకునే పరిస్థితి రావడం యాదృచ్ఛిక పరిణామం కాదు. ఓటు ఒక సరుకుగా, ఎన్నికల వ్యవస్థ ఒక మార్కెట్ గా మారిన నూతన పరిస్థితికి ఇది అద్దంపడుతుంది. 

 మున్నెన్నడూ లేనంత స్దాయిలో ధన ప్రవాహంతో ముంచెత్తిన తాజా 16వ లోక్ సభ ఎన్నికలు యీ ప్రక్రియని పూర్తి చేశాయి. అంతేకాకుండా 'కూలికి ప్రచారం' 'ఓటుకి నోటు' లకు సగటు ప్రజల చేత ఆమోద ముద్ర వేయించాయి. తద్వారా సమాజంలో నూతన ఎన్నికల ఆచారాన్ని కూడా ఆవిష్కరింపజేశాయి.

సమాజంలో ఏ కాలంలో సగటు ప్రజలు ఏ ఆచరణను అనుసరిస్తే, అదో ఆచారమే! సారంలో సాంప్రదాయమది. అది సదాచారం కావచ్చు. దురాచారం కావచ్చు. అది సత్సంప్రదాయం కావచ్చు. దుస్సంప్రదాయం కావచ్చు. సగటు ప్రజల ఆచరణకి ఆలంబనగా అది మారితే చాలు! ప్రజల ఆదరణ లేకుండా ఏదీ ఆచారంగా మారదు. నిన్నటి సదాచారం నేడు దురాచారంగా, నేటి సదాచారం తిరిగి రేపటి దురాచారంగా కూడా మారే పరిస్థితులు సామాజిక గమనంలో సహజమైనవి!

'ఓటుకు నోటు' అనే పద్ధతికి అతీతంగా మిగిలిపోయిన ఓటర్లు నేటికీ లేరని కాదు. ముఖ్యంగా క్లాసుగా పిలిచే మధ్యతరగతి, మేధో వర్గాలు వున్నాయి. మాస్ లో కూడా మరికొంత శాతం మిగిలారు. కానీ నేడు సమాజంలో వారు అల్పసంఖ్యాకులుగా మారుతున్నారు. రానున్న కాలంలో యిది మరింత విస్తరిస్తుంది. నేడు మన సమాజంలో ఏది పెరిగే ధోరణి, ఏది తరిగే ధోరణి అన్నదే ముఖ్యమైనది. ఈ పరిణామం ఒక నూతన రాజకీయ సంస్క్రతిని ఏర్పరుస్తున్నది. అదో సహజ సంస్కృతిగా మారాక ప్రజల ప్రవ్రృత్తిని అవినీతి అందామా? ఇది ప్రగతిశీల శక్తులుగా మనం వేసుకోవాల్సిన ప్రశ్న! 

 ఇదే నిజమైతే, నూటికి ఎనభై లేదా తొంభై మంది ప్రజలు అవినీతి పరులే! కోట్లాది మంది ప్రజల్ని గంపగుత్తగా మనం అవినీతిపరులుగా భావించాలి. ఐనప్పుడు సమాజ పురోగతి ఎవరితో సాధించగలం? ఇదే నిజమైతే ఇలాంటి అవినీతిపరులతో సమాజ పురోగతి సాధ్యమా? నేడు ప్రగతిశీల, ప్రజాతంత్ర, పురోగామి రాజకీయ శక్తులకు  ఎదురవుతున్న ప్రశ్నలివి!

 ఈ 'ఓటుకు నోటు' అనే కొత్త ఆచారం మీద సర్వులూ నేడు నిప్పులు చెరుగుతున్నారు. ఈ ఆచారం పాటిస్తున్న సగటు ఓటర్లు (ప్రజలు) సైతం నేడు ఈ విమర్శకులతో గొంతు కలుపుతున్నారు. నిజానికి ఈ విమర్శను ఖండించేవాళ్ళు సమాజంలో మిగలడం లేదు. అయినా ఈ కొత్త ఆచారం క్రమంగా బలపడుతున్నది. దీన్ని ఎలా విశ్లేషించాలి?

లోతుగా పరిశీలిస్తే ఇది ఈ క్రింది రెండు ఆచారాల కలయికగా భావించాలి. 

 *నోటుతో ఓటు పొందడం ధనస్వామ్య పార్టీల ఆచారం.*

 *ఓటుతో నోటు పొందడం సామాన్య ఓటర్ల ఆచారం!*

 పార్టీల లక్ష్యం దీర్ఘకాలిక అధికార సాధన.

 ప్రజల ఆశ, ఆకాంక్షలు తక్షణ ఉపశమనం మాత్రమే. 

  పైన పేర్కొన్న రెండు పరస్పర విరుద్ధ వర్గాల ఆచారాల పొందిక ఫలితమే నేడు *ఓటుకు నోటు* ఒక విధానంగా వర్ధిల్లడం! 

నేడు ఓటు హక్కు అంగట్లో సరుకుగా మారిందని కొత్త ఆచారం నిరూపించుతోంది.

  పైపైన చూస్తే ఒకే ఆచారమని అర్ధమౌతుంది. లోతుగా చూస్తే రెండు ఆచారాల మిశ్రమమిది.

 ఎన్నికల వ్యవస్థ ఓ సరుకుల మార్కెట్ గా మారింది. రెండు పరస్పర విరుద్ధ వర్గాలతో ఎన్నికల మార్కెట్ వ్యవస్థ సహజీవనం చేస్తుంది. ఈ ఆచారాలను ఆచరించడానికి రెండు పరస్పర విరుద్ధ వర్గాలు ఉనికిలోకి వచ్చాయి. *ఒకటి ఓటును కొనుగోలు చేసే వర్గం కాగా, రెండవది ఓటును అమ్ముకునే వర్గం.*

  ఉత్పత్తిదార్లతో పాటు మార్కెట్లో కొనుగోలు దార్లూ, అమ్మకందార్లూ వుంటారు. ఎన్నికల వ్యవస్థ కూడా ఒక మార్కెట్ వ్యవస్థే! సహజంగా ఓటుహక్కు అనే సరుకుకు కూడా కొనుగోళ్లు, అమ్మకాలు వుంటాయి. అవి లేకుండా ఎన్నికల మార్కెట్ వుండదు. ఇది మానవ సంబంధాల స్వరూప, స్వభావాలను మార్చివేస్తుంది. ఈ మార్పుకు గల మూలాలతో సంబంధం లేకుండా ఓటర్లని నిందించడం న్యాయం కాదు. 

కళలూ, సంస్కృతులైనా; నీతి, నియమాలైనా; న్యాయ, ధర్మాలైనా; ఆచార, సంప్రదాయాలైనా,‌ రాజకీయ వ్యవహారాలైనా; విలువలు, ఆదర్శాలైనా నిరంతరం చలనంలో వుంటాయి. ఇవేవీ  జడపదార్ధాలు కాదు. పారే నదీ జలం వంటివే! సామాజిక పురోగమనం క్రమంలో నిత్యం మార్పుకు లోనవుతున్నవే. స్థల, కాలాదుల్ని బట్టే విశ్వంలోని ప్రతివస్తువుకి ఉనికి ఉంటుంది. ఇది ఐన్ స్టీన్ సాపేక్షిక సిద్ధాంత సారం. అది ఎన్నికల వ్యవస్థకి కూడా వర్తిస్తుంది. ఈ సాపేక్షిక దృష్టితో చూస్తే, నేడు ఓటర్లు 'ఓటుకు నోటును' ఆశించడం అవినీతి కాజాలదు. అది‌ దారి తప్పిన ధిక్కార చైతన్యంగా చూడాలి. నిరంతర సామాజిక పురోగమన దారిలో కూడా అదో ముందడుగే! 

  ప్రజల ఆలోచనలూ, భావాలూ, నమ్మకాలూ ఆకాశం నుంచి హఠాత్తుగా ఊడిపడవు. ఈ అన్నిటికీ పునాది ఈనాటి సామాజిక, ఆర్ధిక, రాజకీయ వ్యవస్ధే! అవి వ్యవస్థ పునాదుల్లో వస్తోన్న మార్పులకు అనుగుణంగా నిరంతరం మారుతుంటాయి. ఫలితమే ఆచారాలూ, అలవాట్లూ, అభిరుచులూ, సాంప్రదాయాలూ, నీతి నియమాలు, న్యాయ ధర్మాలూ ఎప్పటికప్పుడు మారుతుండటం! అవి ఒకేలా శిలా శాసనాలుగా వుండాలని కోరుకునే ' యధాతథవాదుల' కోరికలు వట్టి భ్రమలుగానే మిగులుతాయి. 

ఎన్నికల మార్కెట్ వ్యవస్థతో సంబంధం లేకుండా పాత ఆలోచనలూ, భావాలూ యదాతధంగా కొనసాగవు. నేడు ఓటుకు 'నోటు' ఆశించే  సామాన్య ఓటర్ల ఆలోచనలు, స్పందనల్ని నేరంగా భావించి విమర్శించడం చారిత్రక దృష్టి కాజాలదు. నిజానికి మొన్నటి విలువలూ, నీతి నియమాలే యధాతధంగా కొనసాగుతూ వుండాలనుకునే స్వీయాత్మక యధాతధవాదం ఆచరణలో నిలబడేది కాదు. మొదట ఈ భౌతిక సత్యాన్ని ప్రగతిశీల శక్తులు గ్రహించాల్సివుంది.

సతి సక్కుబాయి,‌ సావిత్రి, అనసూయలను నేటికీ ప్రజలు ఆరాధిస్తారు. కానీ వారిని  ఆచరించరు. తాను కట్టుకున్న ఆలిని అప్పు తీర్చడం కోసం అమ్మిన హరిశ్చంద్రుణ్ణి మన ప్రజలు ఆరాధిస్తారు. కానీ ఏ పరిస్థితుల్లో అనుసరించరు. నేడు ఆచరించకపోవడమే సరైనది. ఆదర్శంగా భావించి ఆరాధించడం సరైనది కాదు. ఇది ఓటర్లకు కూడా వర్తించే నియమమే.

 మొన్నటి ఓటరు తన గ్రామ పెత్తందార్లు గుద్దమన్న పార్టీ గుర్తు మీద తన ఓటు ముద్రని గ్రుడ్డిగా గుద్దాడు. అతణ్ణి ప్రతిఫలాపేక్ష లేని *ఉత్తమ ఓటరు* గా నేటి సమాజం ఆరాధిస్తోంది. అలా గుడ్డిగా గుద్దననే ఈనాటి ఓటరుని విమర్శిస్తోంది. ఒక చెడ్డదారి నుంచి ఓ సరైన దారిలోకి వచ్చేముందు కొన్నిసార్లు ఒకింత ప్రక్కదారుల్లో సైతం నడవాల్సిన స్థితి రావచ్చు. బానిసత్వం నుంచి స్వేచ్చలోకి అడుగుపెట్టే సంధిదశలోనూ సహజంగా తప్పటడుగులు పడుతుంటాయి. జనం కొత్తగా వేసే తప్పటడుగులపై ఉండే వ్యతిరేకత గత బానిస ధర్మానికి బలం చేకూర్చేదిగా మారకూడదు. ఈ శాస్త్రీయ సామాజిక దృక్కోణంతో ఎన్నికల వ్యవస్థలో వస్తోన్న పరిణామక్రమాన్ని శాస్త్రీయ దృష్టితో పరిశీలించాల్సి ఉంది. 

  గత అరవై ఏళ్ళ ఎన్నికల వ్యవస్థకి తాత, తండ్రి, కొడుకు అనే మూడు తరాలకి చెందిన ఓ పేద కుటుంబాన్ని సాక్ష్యంగా తీసుకొని ఓటు హక్కుపై ఎలా స్పందించారో ఉదహరిద్దాం. 

 మొన్నటి తరానికి చెందిన తాత తన ఓటు తనది కాదని మానసికంగానే నమ్మాడు.  *దొరా, మీ బాంచన్, మీ కాల్మొక్తా! ఇది మీ ఓటు, మీ ఇష్టమే* అని గ్రామదొరతో చెప్పాడు. ఓటు దొరదేనని చెప్పిన ఓటరు యొక్క ఓటు కోసం ఆ దొర పైసా ప్రతిఫలం చెల్లించే అవసరం రాలేదు. ఆ తాత స్వార్ధం లేని "ఆదర్శ ఓటరు" గా పేరొందాడు.

 గ్రామదొరతో నిన్నటి తరానికి చెందిన తండ్రి *బాబూ, ఇది నా ఓటే, కానీ మీ‌ ఇష్టం* అన్నాడు. *నీ ఓటును నా యిష్ట ప్రకారం వేసినందుకు ఈ మందూ, ఓ విందూ ఇస్తున్నా* అన్నాడు నిన్నటి తరం తండ్రితో గ్రామబాబు.

 ఈరోజు మూడో తరానికి చెందిన కొడుకు *నా ఓటు- నా యిష్టం* అంటున్నాడు. పైగా *నా ఓటు కావాలంటే నాకు మీరేమిస్తారో కూడా చెప్పండి* అని సంకోచం లేకుండా ప్రశ్నిస్తున్నాడు. 

 ప్రతిఫలం ఆశించకుండా బానిస ధర్మంతో ఓటు వేసి, తమ ఉచిత ఓటుతో దొరను గెలిపించడమే కాకుండా ఆ విజయానికి మురిసి స్వంత డబ్బుతో త్రాగి దొర ఎదుట జైకొట్టాడు మొన్నటి ఓటరు. ఆయనే మొన్నటి తాత.

 అందుకు భిన్నంగా ఆ బాబు ఇచ్చే నోటుతో మందు త్రాగి ఓటు వేసిన వాడు నిన్నటి ఓటరు. ఆయనే కొడుకు.

 పై రెండు తరాల ఓటర్లకు భిన్నంగా నేటి ఓటరు స్పృహ ఉండడం గమనార్హం. అది దారితప్పినా ఓ ముందడుగు వేసినట్లే! ఒక కుటుంబంలో మూడు తరాలలో వచ్చిన పరిణామక్రమాన్ని శాస్త్రీయ దృష్టితో విశ్లేషించాలి.

 ఈ వ్యవస్థ మనుగడకి అవసరమైన ఉత్పత్తుల్ని సృష్టించే కార్మిక, కర్షక, కూలీ వర్గాల ప్రజలే నేడు పేదరికం, దారిద్ర్యం, ఆకలి, నిరుద్యోగం, నిరక్షరాస్యత, అజ్ఞానం, వెనుకబాటు తనాలకి చిరునామాగా వున్నారు. ఈ పునాది వర్గాల ప్రజలలో కూడా అత్యధికులు దళిత, బహుజన, ఆదివాసీ, మైనార్టీ  ప్రజలే! వీరికి తరతరాల అణిచివేత, దోపిడీ, పీడన, వివక్షతలను అనుభవించిన దుర్భర నేపథ్యం వుంది. తనకి నచ్చిన అభ్యర్థికి ఓటు వేసే స్పృహ సైతం లేని తాత, తండ్రుల దుర్భరస్థితితో పోల్చితే ఏదో మేరకు మార్పు వచ్చింది. నేటి తరం కొంతైనా సంతృప్తి పొందడంలో ఒకింత న్యాయం ఉంది. దీనిని మరో కోణంలో చూస్తే అదో ధిక్కార చైతన్యంగా కూడా చెప్పొచ్చు. అది సరైన రాజకీయ చైతన్యం కాకపోవచ్చు. దారితప్పిన చైతన్యమే కావచ్చు. కానీ అది దారి తప్పినంత మాత్రాన ఆ ధిక్కారతలోని సానుకూల అంశాన్ని చూడకపోవడం సముచితం కాదు. 

 *కార్పొరేట్ పార్టీలు గడ్డి పెడతాయి. ప్రజలెందుకు తింటున్నారు* అనే వ్యాఖ్య విజ్ఞులు, వివేకవంతుల నుంచి నేడు బాగా వినిపిస్తోంది. ఇది తెలిసో, తెలియకో ప్రగతిశీల, ప్రజాతంత్ర శక్తులను కూడా కొంత ప్రభావితం చేయడం విచారకరమైనది. సమాజ మనుగడకి కర్తలైన అట్టడుగు శ్రామిక ప్రజలను గడ్డితినే అవినీతిపరులుగా భావించి ప్రతికూల దృష్టితో విమర్శ చేయడం అవగాహనా రాహిత్యంతో కూడిందే. 

 ఓటుకి నోట్లు విసిరే ఈనాటి కార్పొరేట్ రాజకీయ వ్యవస్ధే ప్రజల జీవితాలపై తీవ్ర దాడి సాగిస్తున్నది. తమ జీవితాల్ని ఛిద్రం చేస్తున్న అలాంటి శక్తులే ఓటుకు నోట్ల పంపిణీని ఒక దురాచారంగా మార్చాయి. ఈ సత్యాన్ని ప్రజలచే గ్రహింప చేయడం ఓ ముఖ్య కర్తవ్యం. అది ప్రగతిశీల, ప్రజాతంత్ర సంస్థలు, శక్తుల రాజకీయ బాధ్యత! 

ప్రజలతో మమేకమై, వారిని ఈనాటి దోపిడీ వ్యవస్ధపై ధర్మయుద్ధానికి సిద్ధం చేసే కర్తవ్యాన్ని వారు చేపట్టాలి.  అట్టడుగు సామాజిక పునాది వర్గాల ప్రజలలో ఒకసారి ప్రజాతంత్ర చైతన్యం వెల్లివిరిస్తే, 'ఓటుకి కోటి' యిచ్చినా గడ్డి పరకలా తిరస్కరిస్తారు. వారు ఈనాటి మధ్యతరగతి, విద్యాధిక మేధో వర్గాలకంటే వందరెట్లు దృఢంగా నిలుస్తారు. ఆ పని చేపట్టకుండా, కోట్లాదిమంది సామాన్య ప్రజల బలహీనతని అవినీతిగా జమకట్టితే చరిత్ర క్షమించదు. 

'ఓటుకు నోటు' ఆశిస్తున్న నేటి సామాన్య ప్రజలే రేపటి చరిత్ర నిర్మాతలనే చారిత్రక సత్యాన్ని ప్రగతిశీల, లౌకిక, ప్రజాతంత్ర పురోగామి శక్తులు గుర్తించాలి. ఈ అవగాహనా వెలుగులో కొత్త చరిత్ర  నిర్మాణం కోసం పునరంకితం కావడానికి ఎన్నికలు కూడా ఓ సందర్భం అవుతుందని ఆశిద్దాం!

వైశాఖ పురాణం*_🚩 _*6

 🪷 *బుధవారం - మే 15, 2024*🪷

  🚩_*వైశాఖ పురాణం*_🚩 

      _*6 వ అధ్యాయము*_

🕉🕉🕉🕉🕉🕉🕉🕉🕉

_*జలదాన మహత్మ్యము - గృహగోధికా కథ*_

☘☘☘☘☘☘☘☘☘

నారదుని మాటలను వినిన అంబరీష మహారాజు నారదునకు నమస్కరించి, మహర్షీ ! వైశాఖమాస విశిష్టతను వివరించిన మీకు కృతజ్ఞుడను. వైశాఖమాస విశిష్టతను మరింతగా వివరింపగోరుచున్నానని ప్రార్థించెను. అప్పుడు  నారదమహర్షి యిట్లనెను. మహారాజా !  వినుము మాసవ్రతములన్నిటిలో నుత్తమమగు వైశాఖమాసమున మార్గాయాసమున దప్పిక పడిన వారికి నీటినీయనివారు పశు పక్ష్యాది జన్మముల నందుదురు. ఈ విషయమున ఒక బ్రాహ్మణునకు పూర్వము జరిగిన సంవాదమును వినుము. ఈ కథ మిక్కిలి ఆశ్చర్యమును కలిగించును. ఈ కథ వైశాఖమాస దాన మహిమకు తార్కాణమైన ఉదాహరణ.

పూర్వము ఇక్ష్వాకురాజ వంశమున హేమాంగుడను రాజు కలడు. అతడు గోదానముల ననేకములగావించెను. భూమియందు రేణువులను లెక్కించుట , నీటిబొట్టులను గణించుట , ఆకాశామునందలి నక్షత్రములిన్నియని లెక్కించుట యెంత కష్టమో ఆ రాజు చేసిన గోదానములను లెక్కించుట అంత కష్టము. అనేక యజ్ఞములను చేసెను. గోదానము , భూదానము , తిలదానము మున్నగు దానములను గూడ లెక్కింపరాని అంత సంఖ్యలో చేసి చాలామంది బ్రాహ్మణులను సంతోషపరచెను. అతడు చేయని దానమే లేదని ప్రసిద్దినందెను. అందరకు సులభముగ దొరుకునది జలము. అది దైవదత్తము సులభము. అట్టి జలమును దానమిచ్చుటయేమని తలచి జల దానమును మాత్రము చేయలేదు. బ్రహ్మపుత్రుడగు వశిష్ఠుడు ఆ మహారాజునకు గురువు, పురోహితుడు. అతడును జలదానము చేయుమని పెక్కుమార్లు ఆ రాజునకు చెప్పెను. నీరు అమూల్యమైనది అట్టిదానిని దానమిచ్చినచో విలువైన ఫలితమేమి వచ్చును. ఎవరికిని సులభము కాని దానిని దానమిచ్చిన పుణ్యము కలుగునని అట్టి వస్తువులను దానమిచ్చెను. అట్లే యెవరును గౌరవింపని వారిని ఆదరించుటయే యుక్తమని తలచి అంగవైకల్యము కల బ్రాహ్మణులను , దరిద్రులను , ఆచారహీనులను ఆదరించి గౌరవించెను. ఆచారవంతులను , పండితులను , సద్బ్రాహ్మణులను ఆదరింప లేదు గౌరవింపలేదు. అందరును ప్రసిద్దులను , ఉత్తములను మాత్రమే గౌరవించినచో అనాధులు , విద్యాహీనులు అయిన బ్రాహ్మణులకు , దరిద్రులకు ఆదరణ చేయు వారెవ్వరు ? నేను అట్టివారినే గౌరవింతునని అట్టివారిని మాత్రమే గౌరవించెను ఆదరించెను. ఈ విధముగ అపాత్రులకు మాత్రమే దానముల నిచ్చెను.

ఇట్టి దోషముచే నా రాజు యొకప్పుడును జలదానము చేయకపోవుట వలన చాతక పక్షిగా ముమ్మారు జన్మించెను. ఒక జన్మలో గ్రద్దగను , కుక్కగ నేడుమార్లు జన్మించెను. అటు పిమ్మట మిధిలాదేశమును పాలించు శ్రుతకీర్తి మహారాజు  గృహమున గోడపైనుండు బల్లిగా జన్మించెను. అచట వ్రాలు కీటకములను భక్షించుచు బల్లియై హేమాంగద మహారాజు జీవనము గడుపుచుండెను. ఈ విధముగ ఎనుబదియేడు సంవత్సరముల కాలముండెను.

మిధిలాదేశ రాజగృహమునకు శ్రుతదేవమహాముని ప్రయాణముచే అలసిపోయి మధ్యాహ్నకాలమున వచ్చెను. మహారాజు అగు శ్రుతకీర్తి ఆ మునిని జూచి సంభ్రమముతో ఆ మునికి యెదురు వెళ్ళి సగౌరవముగ ఇంటిలోనికి దీసికోవచ్చెను. వానిని మధుపర్కము మున్నగువానితో పూజించి వాని పాదములను కడిగి యా నీటిని తన తలపై జల్లుకొనెను. అట్లు జల్లుకొనుటలో తలపై జల్లుకొన్న నీటి తుంపురులు కొన్ని యెగిరి గోడమీదనున్న బల్లిపై దైవికముగా పడినవి. ఆ పవిత్ర జలస్పర్శ కలుగగనే ఆ బల్లికి పూర్వజన్మస్మృతి కలిగి తన దోషమును తెలిసికొని పశ్చాత్తాపము కలిగెను. నన్ను రక్షింపుము నన్ను రక్షింపుమని మానవునివలె ఆ మునిని ప్రార్థించెను. అప్పుడా ముని బల్లి మాటలకు విస్మయపడి ఓ బల్లీ ! నీవెందులకిట్లు దుఃఖించుచున్నావు. నీవు యేపని చేసి యిట్టి దశనందితివి ? ఇట్లేల అరచుచున్నావు ? నీవు దేవజాతివాడవా, రాజువా, బ్రాహ్మణుడవా ? నీవెవరవు ? నీకీ దశయేల వచ్చెనో చెప్పుము. నేను నీకు సాయపడుదునని ప్రశ్నించెను.

శ్రుతదేవుని మాటలను విన్న బల్లిరూపమున నున్న హేమాంగద మహారాజు మహాత్మా ! నేను ఇక్ష్వాకు కులమున జన్మించిన హేమాంగదుడను ప్రభువును. వేదశాస్త్ర విశారదుడను. భూమియందలి రేణువులెన్ని యుందునో, నీటియందు జలబిందువు లెన్నియుండునో, ఆకాశమున నెన్ని నక్షత్రములుండునో అన్ని గోవులను అసంఖ్యాకముగ దానమిచ్చితిని. అన్ని యజ్ఞములను చేసితిని. చెరువులు మున్నగువానిని త్రవ్వించితిని. సర్వవిధములగు దానములను చేసితిని. ధర్మముగా రాజ్యమును పాలించితిని. నేనెన్ని సత్కర్మల నాచరించినను, ముమ్మారు చాతక పక్షిగను, గ్రద్దగను, యేడుమార్లు కుక్కగను, ప్రస్తుతము బల్లిగను జన్మించితిని. ఈ మహారాజు నీ పాదములను కడిగిన పవిత్ర జలమును తనపై జల్లుకొనుచుండగా కొన్ని నీటితుంపురలు నా పైబడి నాకు పూర్వజన్మ స్మరణము కలిగినది. నా పాపభారము తగ్గినట్లనిపించుచున్నది. కాని నేనింకను ఇరువది యేడుమార్లు బల్లిగా జన్మించవలసి యున్నట్లుగ నాకు తోచుచున్నది. నాకీవిధమైన బల్లిగా జన్మపరంపరయెట్లు తొలగునాయని భయము కలుగుచున్నది. నేను చేసిన పాపమేమియో నాకీ జన్మయేల కల్గెనో యెరుగజాలను. దయయుంచి నాకీ జన్మలు కలుగుటకు కారణము అయిన పాపమును, ఆపాపము పోవు విధానమును చెప్పగోరుచున్నానని ప్రార్థించెను.

శ్రుతదేవ మహాముని హేమాంగదుని మాటలను తన దివ్యదృష్టితో పరిశీలించి యిట్లనెను. రాజా ! నీవు శ్రీమహావిష్ణువునకు ప్రియమైన వైశాఖమాసమున జలమునెవనికిని దానమీయలేదు. జలము సర్వజన సులభము. దానిని దానమిచ్చుట యేమి అని తలచితివి. ప్రయాణమున అలసినవారికిని జలదానమైనను చేయలేదు. వైశాఖమాస వ్రతమును గూడ పాటింపలేదు. హోమము చేయదలచినవారు మంత్రపూరితమగు అగ్నియందే హోమము చేయవలయును. అట్లుగాక బూడిద మున్నగువాని యందు హోమము చేసిన ఫలమెట్లు కలుగును ? అట్లే నీవును యోగ్యులగువారికి దానమీయక అయోగ్యులగువారికి దానముల నిచ్చితివి. అపాత్రులకెన్ని దానము లిచ్చినను ప్రయోజనము లేదు కదా ! వైశాఖమాస వ్రతమును చేయలేదు. జలదానమును చేయలేదు. యెంతయేపుగ పెరిగినను, సుగంధాది గుణములున్నను ముండ్లుకల వృక్షము నెవరాదరింతురు ? అట్టి వృక్షము వలన ప్రయోజనమేమి ? వృక్షములలో రావిచెట్టు ప్రశస్తమైనది. అందువలన అది పూజార్హమైనది. తులసియు మిక్కిలి పవిత్రమైనదే. ఇట్టి రావిచెట్టును, తులసిని వదలి వాకుడు చెట్టునెవరైన పూజింతురా ? అట్టి పూజలవలన ఫలితముండునా ? అనాధలు, అంగవైకల్యము కలవారు దయజూపదగినవారు, వారిపై దయను చూపుట ధర్మము. కాని వారు మాన్యులు పూజ్యులు కారు. అట్టివారిని పూజించుట ఫల దాయకము కాదు. వారిపై దయ, జాలి చూపవచ్చును. కాని గౌరవింపరాదు. తపము, జ్ఞ్ఞానము, వేదశాస్త్ర పాండిత్యము, సజ్జనత్వము కలవారు శ్రీమహావిష్ణు స్వరూపులు. అట్టివారినే పూజింపవలయును. వీరిలో జ్ఞానవంతులు శ్రీమహావిష్ణువునకు మిక్కిలి ఇష్టమైనవారు. అట్టివారిని పూజించినచో తనను పూజించినట్లుగ భావించి శ్రీహరి వరములనిచ్చును. కావున జ్ఞానులైనవారు సర్వాధికులు, సర్వోన్నతులు అట్టివారిని గౌరవింపక పోవుట వారిని అనగా శ్రీమహావిష్ణువును అవమానించుటయే యగును. ఈ విధముగ చేయుట ఇహలోకమున పరలోకమున దుఃఖమును కలిగించును. మానవుడు పురుషార్థములను సాధింపవలెనన్నచో జ్ఞానుల సేవ, వారిని గౌరవించుట ముఖ్య కారణము. జ్ఞానులు కానివారు, అంధులు - ప్రజ్ఞాజ్ఞాన నేత్రములు లేనివారు. అట్టి అంధుల నెంతమందిని పూజించినను ఫలముండునా? గ్రుడ్డివానికేమి కనిపించును ? అతడేమి చెప్పగలడు ? కావున జ్ఞానహీనులైన వారి నెంతమందిని యెంత పూజించినను, వారిని సేవించినను అవి నిష్ఫలములు, నిష్ప్రయోజనములు. అంతేకాక కష్టములను, దుఃఖములను కలిగించును. పురుషార్థములగు ధర్మార్థ కామ మోక్షములెట్లు సిద్దించును ?

తీర్థములు కేవలం జలములు కావు. దేవతలు శిలారూపులు కారు. చిరకాలము తీర్థస్నానము, సేవ చేసినచో శిలారూపముననున్న దైవమును చిరకాలము పూజించినచో వారియనుగ్రహము కలుగును. కాని జ్ఞానులగు సజ్జనులను దర్శించినంతనే వారు ప్రసన్నులగుదురు. ఇష్టఫలప్రాప్తిని కలిగింతురు. కావున జ్ఞానులగు వారిని సేవించినచో వారి ఉపదేశములను పాటించినచో విషాదముండదు. ఇష్టప్రాప్తిచే సంతోషము కలుగును. అమృతమును సేవించినచో జన్మ , మృత్యువు , ముసలితనము మున్నగువానిని వలని బాధయుండదు. అమృతత్వసిద్ది కలుగును. హేమాంగద మహారాజా ! నీవు వైశాఖమాస వ్రతము నాచరింపలేదు. జలదానము చేయలేదు. జ్ఞానులగువారిని సేవింపలేదు. కావున నీకిట్టి దుర్గతి కలిగినది. నీకు ఈ వైశాఖమాస వ్రతము నాచరించి నేను సంపాదించిన పుణ్యమును కొంత నీకిత్తును. దీని వలన దుర్దశ శాంతించుటకై భవిష్యద్వర్తమాన కాలములలోని నీ పాపములను వాని ఫలములను పోగొట్టుకొని విజయము నందగలవు. అని పలికి శ్రుతదేవ మహాముని నీటిని స్పృశించి బల్లి రూపముననున్న హేమాంగద మహారాజునకు తాను చేసిన వైశాఖమాస వ్రతములోని కొన్ని దినముల పుణ్యమును ధారపోసెను.

ఆ పుణ్యఫలమును పొందినంతనే హేమాంగద మహారాజు బల్లి రూపమును విడిచి దివ్యరూపమును పొందెను. శ్రుతకీర్తి మహారాజునకు , శ్రుతదేవమహామునికి నమస్కరించెను. వారి యనుజ్ఞతో శ్రీహరి పంపిన దివ్య విమానము నెక్కి పుణ్యలోకములకు పోయెను. దేవతలందరును హేమాంగదుని అదృష్టమును మెచ్చిరి. హేమాంగదుడును పుణ్యలోకమున పదివేల సంవత్సరములుండెను. దివ్యలోక భోగములను అనుభవించెను. అటు పిమ్మట ఇక్ష్వాకు కులమున కాకుత్స్థ మహారాజుగ జన్మించెను. ఏడు ద్వీపముల భూమిని సజ్జనులు , జ్ఞానులు మెచ్చునట్లు పరిపాలించెను. శ్రీమహావిష్ణువు అంశను పొంది ఇంద్రునికి స్నేహితుడై యుండెను. కులగురువగు వశిష్ఠ మహాముని ఉపదేశమును పాటించెను. వైశాఖమాస వ్రతమును సంపూర్ణముగ ఆచరించెను. అందు చేయవలసిన దానధర్మముల నన్నిటిని శ్రద్దాసక్తులతో భక్తి పూర్వకముగ చేసెను. సర్వపాపములను పోగొట్టుకొనెను. దివ్యజ్ఞానము నందెను. శ్రీమహావిష్ణువు సాయుజ్యము నందెను. కావున వైశాఖమాస వ్రతము సర్వపాపహరము. అనంత పుణ్యప్రదము. ప్రతి మానవుడును వైశాఖమాసవ్రతమును , వ్రతాంగములగు దాన ధర్మాదులను పాటించి శ్రీహరియనుగ్రహము నందవలెను. అని నారదుడు అంబరీషునకు వైశాఖమాసవ్రత విశిష్టతను వివరించుచు గృహగోధికావృత్తాంతమును వివరించెను.

_*వైశాఖ పురాణం  ఆరవ  అధ్యాయం సంపూర్ణం*_ 

        🌷 *సేకరణ*🌷

      🌹🌷🕉️🕉️🌷🌹

        *న్యాయపతి వేంకట*

       *లక్ష్మీ నరసింహా రావు*

🙏🕉️🙏🪷🙏🪷🙏🕉️🙏

రాశిఫలాలు

 ☘️🙏🕉️శ్రీ గురుభ్యోనమః🕉️🙏☘️

•••••┉━•••••┉━ •••••┉━•••••┉━•••••┉━•••••┉━

*15-05-2024 / బుధవారం / రాశిఫలాలు*

•••••┉━•••••┉━ •••••┉━•••••┉━•••••┉━•••••┉━

మేషం

ఊహించని శుభకార్య ఆహ్వానాలు అందుతాయి. ఆదాయం పెరుగుతుంది. కుటుంబ సభ్యులతో కొన్ని కీలక విషయాలపై చర్చలు చేస్తారు. నూతన వ్యాపారాలు వృద్ధి చెందుతాయి. వృత్తి ఉద్యోగాలలో మరింత అనుకూల వాతావరణం ఉంటుంది. శత్రువులు కూడా మిత్రులుగా మారి సహాయపడతారు.

---------------------------------------

వృషభం

వ్యాపారాలలో స్వంత ఆలోచనలు కలసిరావు. ఇంటా బయట బాధ్యతలు పెరుగుతాయి. చేపట్టిన పనులు మధ్యలో విరమిస్తారు. సమాజంలో కొత్త మిత్రుల పరిచయాలు పెరుగుతాయి. వృత్తి ఉద్యోగాలలో నిరుత్సాహ వాతావరణం ఉంటుంది. సంతాన పరమైన ఇబ్బందులు బాధిస్తాయి.

---------------------------------------

మిధునం

కుటుంబంలో గందరగోళ పరిస్థితులుంటాయి. ఆధ్యాత్మిక విషయాలపై దృష్టి సారిస్తారు. చేపట్టిన పనులలో కొంత జాప్యం తప్పదు. దీర్ఘకాలిక వివాదాలకు సంభందించి సన్నిహితుల నుండి ఆసక్తికర సమాచారం అందుతుంది. వ్యాపారాలు నిరుత్సాహ పరుస్తాయి. వృత్తి ఉద్యోగాలు కొంత ఇబ్బందికర వాతావరణం ఉంటుంది.

---------------------------------------

కర్కాటకం

ఆర్థిక పరిస్థితి ఆశాజనకంగా ఉంటుంది. గృహమునకు దూరపు బంధువుల ఆగమనం ఆనందం కలిగిస్తుంది. అనుకొన్న పనులు నూతనోత్సాహంతో పూర్తిచేస్తారు. నూతన వ్యాపారాలకు పెట్టుబడులు అందుతాయి. నిరుద్యోగులకు నూతన అవకాశములు అందుతాయి. పుణ్యక్షేత్రాలు సందర్శిస్తారు.

---------------------------------------

సింహం

చేపట్టిన పనుల్లో ఊహించని ఆటంకాలు కలుగుతాయి. దూర ప్రయాణాలు వాయిదా వేయడం మంచిది. చిన్ననాటి మిత్రులతో వివాదాలు కలుగుతాయి. కుటుంబ వాతావరణం చికాకు కలిగిస్తుంది. ధార్మిక సేవ కార్యక్రమాలలో పాల్గొంటారు. వ్యాపారాలు అంతంత మాత్రంగా సాగుతాయి. ఉద్యోగాలు స్థిరత్వం ఉండవు.

---------------------------------------

కన్య

కొన్ని వ్యవహారాలు ఆకస్మికంగా విజయం సాధిస్తారు. గృహమున బంధు మిత్రులతో ఆనందంగా గడుపుతారు. దీర్ఘకాలిక ఋణ సమస్యలు తీరి ఊరట పొందుతారు. వ్యాపారాలలో ఆశించిన లాభాలు అందుకుంటారు. వృత్తి ఉద్యోగాలు సంతృప్తికర వాతావరణం ఉంటుంది. ఆర్థికంగా పురోగతి సాధిస్తారు.

---------------------------------------

తుల

దూరప్రయాణాలలో వాహన అవరోధాలు కలుగుతాయి. చేపట్టిన పనులలో శ్రమ పెరుగుతుంది. నూతన వ్యాపార ప్రారంభ ప్రయత్నాలు వాయిదా వేస్తారు. బంధు మిత్రులతో కలహా సూచనలున్నవి. నూతన రుణయత్నాలు చేస్తారు. వ్యాపారాలు కొంత మందగిస్తాయి. ఉద్యోగాలు అధికారులనుండి ఒత్తిడి పెరుగుతుంది.

---------------------------------------

వృశ్చికం

ఆర్థికంగా స్థిరమైన ఆలోచనలు చేస్తారు. నూతన వ్యక్తుల పరిచయాలు భవిష్యత్తులో ఉపయోగకరంగా ఉంటాయి. కీలక వ్యవహారాలలో ఆశించిన పురోగతి లభిస్తుంది. కుటుంబమున దీర్ఘ కాలిక సమస్యలు తీరతాయి. నిరుద్యోగులకు శుభవార్తలు అందుతాయి. వ్యాపారాలు స్వల్పంగా లాభిస్తాయి.

---------------------------------------

ధనస్సు

నిరుద్యోగుల శ్రమ ఫలించి నూతన ఉద్యోగ అవకాశాలు అందుకుంటారు. వ్యాపారాలలో నూతన లాభాలు అందుకుంటారు. స్థిరాస్తి కొనుగోలు చేస్తారు. చేపట్టిన పనులలో కార్యసిద్ధి కలుగుతుంది. సమాజంలో పలుకుబడి పెరుగుతుంది. కుటుంబ సభ్యులతో దైవదర్శనాలు చేసుకుంటారు. ఉద్యోగాలలో అధికారుల ఆదరణ పెరుగుతుంది.

---------------------------------------

మకరం

వృధా ఖర్చులు పెరుగుతాయి. ముఖ్య వ్యవహారాలలో తొందరపాటు నిర్ణయాలు చెయ్యడం మంచిది కాదు. ముఖ్యమైన పనులు వ్యయప్రయాసలతో కానీ పనులు పూర్తికావు. బంధువర్గంతో అకారణంగా వివాదాలు కలుగుతాయి. వ్యాపారాలు నిదానంగా సాగుతాయి. వృత్తి ఉద్యోగాలలో అనుకూలత పెరుగుతుంది.

---------------------------------------

కుంభం

ఇంటా బయట బాధ్యతలు మరింత చికాకు కలిగిస్తాయి. సోదర వర్గం నుండి కీలక సమాచారం అందుతుంది. సన్నిహితులతో కొన్ని విషయాలలో మాటపట్టింపులు ఉంటాయి. ధన పరమైన చికాకులు పెరుగుతాయి. నిరుద్యోగ యత్నాలు ముందుకు సాగక నిరాశ కలిగిస్తాయి. వ్యాపారాలు స్వల్ప నష్ట సూచనలున్నవి. 

---------------------------------------

మీనం

దూర ప్రయాణాలు లాభసాటిగా సాగుతాయి. దైవ సేవ కార్యక్రమాలలో పాల్గొంటారు. ఆకస్మిక ధనలాభ సూచనలున్నవి. స్థిరాస్తి వివాదాలు పరిష్కార దిశగా సాగుతాయి. నూతన వ్యాపారాలు ప్రారంభించిన లాభాలు అందుకుంటారు. ఉద్యోగాలు ఆశ్చర్యకర సంఘటనలు చోటుచేసుకుంటాయి.

•••••┉━•••••┉━ •••••┉━•••••┉━•••••┉━•••••┉━

🍁 *శుభం భూయాత్* 🍀

ఓ కృష్ణా

 💎🌅 *_-|¦¦|శుభోదయమ్|¦¦|-_* 🌄🪔

🪔 ॐ卐 *_-|¦¦|సుభాషితమ్|¦¦|-_* ॐ卐 💎

శ్లో𝕝𝕝 *బోధితోఽపి బహుసూక్తి విస్తరైః*

     *కిం ఖలో జగతి సజ్జనో భవేత్* |

    *స్నాపితోఽపి బహుశో నదీజలైః*

   *గర్దభః భవతి కిం హయః క్వచిత్* ||

*....మధురకవి శ్రీ హనుమంతాచార్యులు….*

తా𝕝𝕝 "*నీచుడికి ఎన్ని మంచిమాటలు చెప్పిననూ సజ్జనుడు కాడు*.....గాడిదను పుణ్యనదీజలాలతో స్నానం చేయించిననూ అది గుర్రము కాదు కదా"....

     👇 //------ ( *మోహముద్గరం* )-----// 👇

శ్లో𝕝𝕝 

*పునరపి జననం పునరపి*

*మరణం*౹

*పునరపి జననీ జఠరే శయనం*

*ఇహ సంసార బహు దుస్తారే*

*కృపయా పారే పాహి మురారే* ॥21॥

భావం: మళ్ళీ మళ్ళీ పుట్టడం, మళ్ళీ మళ్ళీ చావడం; మళ్ళీ మళ్ళీ తల్లి గర్భంలో ప్రవేశించి అక్కడ ఉండడం - ఈ అంతులేని సంసార జనన మరణ చక్రబంధం నుండి తప్పించుకోవడం కష్టమైన పని. కనుక ఓ కృష్ణా! దయచేసి మమ్ములను రక్షించుము.

మీరు భాగస్వాములు కండి

 

మీరు భాగస్వాములు కండి 

ఈ బ్లాగును ప్రపంచవ్యాప్తంగా అనేక దేశాలలోని తెలుగువారు చూస్తున్నారు.  మనలో ఎంతోమంది, కవులు, పండితులు, ఫొటోగ్రాఫరులు ఇంకా ఇతర కళాకారులు ఉండి వుంటారు. వారందరికీ ఇదే మా సాదర ఆహ్వానం. మీరు మీ రచనని లేదా మీరు ఈ బ్లాగులో ప్రచురించదలచిన అంశం ఏదైనా కానీ అందరకు ఉపయోగపడుతుందని తలుస్తే దాని మీద "తెలుగు పండిత కవులలో ప్రచురణార్ధం" అని వ్రాసి మీ పేరు, చిరునామా, ఫోను నెంబరు పేర్కొంటూ 9848647145 కు వాట్సాప్ చేయండి.  దానిని మేము మన బ్లాగులో ప్రచురిస్తాము. మీరు పంపిన అంశాలు (content ) ప్రపంచమంతా చూస్తారు. 

ఈ బ్లాగును మరింత సుందరంగా తీర్చి దిద్దే దిశలో మీ వంతు భాగస్వామ్యంగా విరాళాలు 9848647145 ఫోను నెంబరుకు ఇవ్వగలరు  

ఇట్లు 

మీ బ్లాగరు

వైశాఖ పురాణం*_🚩 _*6

 🪷 *బుధవారం - మే 15, 2024*🪷

  🚩_*వైశాఖ పురాణం*_🚩 

      _*6 వ అధ్యాయము*_

🕉🕉🕉🕉🕉🕉🕉🕉🕉

_*జలదాన మహత్మ్యము - గృహగోధికా కథ*_

☘☘☘☘☘☘☘☘☘

నారదుని మాటలను వినిన అంబరీష మహారాజు నారదునకు నమస్కరించి, మహర్షీ ! వైశాఖమాస విశిష్టతను వివరించిన మీకు కృతజ్ఞుడను. వైశాఖమాస విశిష్టతను మరింతగా వివరింపగోరుచున్నానని ప్రార్థించెను. అప్పుడు నారదమహర్షి యిట్లనెను. మహారాజా ! వినుము మాసవ్రతములన్నిటిలో నుత్తమమగు వైశాఖమాసమున మార్గాయాసమున దప్పిక పడిన వారికి నీటినీయనివారు పశు పక్ష్యాది జన్మముల నందుదురు. ఈ విషయమున ఒక బ్రాహ్మణునకు పూర్వము జరిగిన సంవాదమును వినుము. ఈ కథ మిక్కిలి ఆశ్చర్యమును కలిగించును. ఈ కథ వైశాఖమాస దాన మహిమకు తార్కాణమైన ఉదాహరణ.

పూర్వము ఇక్ష్వాకురాజ వంశమున హేమాంగుడను రాజు కలడు. అతడు గోదానముల ననేకములగావించెను. భూమియందు రేణువులను లెక్కించుట , నీటిబొట్టులను గణించుట , ఆకాశామునందలి నక్షత్రములిన్నియని లెక్కించుట యెంత కష్టమో ఆ రాజు చేసిన గోదానములను లెక్కించుట అంత కష్టము. అనేక యజ్ఞములను చేసెను. గోదానము , భూదానము , తిలదానము మున్నగు దానములను గూడ లెక్కింపరాని అంత సంఖ్యలో చేసి చాలామంది బ్రాహ్మణులను సంతోషపరచెను. అతడు చేయని దానమే లేదని ప్రసిద్దినందెను. అందరకు సులభముగ దొరుకునది జలము. అది దైవదత్తము సులభము. అట్టి జలమును దానమిచ్చుటయేమని తలచి జల దానమును మాత్రము చేయలేదు. బ్రహ్మపుత్రుడగు వశిష్ఠుడు ఆ మహారాజునకు గురువు, పురోహితుడు. అతడును జలదానము చేయుమని పెక్కుమార్లు ఆ రాజునకు చెప్పెను. నీరు అమూల్యమైనది అట్టిదానిని దానమిచ్చినచో విలువైన ఫలితమేమి వచ్చును. ఎవరికిని సులభము కాని దానిని దానమిచ్చిన పుణ్యము కలుగునని అట్టి వస్తువులను దానమిచ్చెను. అట్లే యెవరును గౌరవింపని వారిని ఆదరించుటయే యుక్తమని తలచి అంగవైకల్యము కల బ్రాహ్మణులను , దరిద్రులను , ఆచారహీనులను ఆదరించి గౌరవించెను. ఆచారవంతులను , పండితులను , సద్బ్రాహ్మణులను ఆదరింప లేదు గౌరవింపలేదు. అందరును ప్రసిద్దులను , ఉత్తములను మాత్రమే గౌరవించినచో అనాధులు , విద్యాహీనులు అయిన బ్రాహ్మణులకు , దరిద్రులకు ఆదరణ చేయు వారెవ్వరు ? నేను అట్టివారినే గౌరవింతునని అట్టివారిని మాత్రమే గౌరవించెను ఆదరించెను. ఈ విధముగ అపాత్రులకు మాత్రమే దానముల నిచ్చెను.

ఇట్టి దోషముచే నా రాజు యొకప్పుడును జలదానము చేయకపోవుట వలన చాతక పక్షిగా ముమ్మారు జన్మించెను. ఒక జన్మలో గ్రద్దగను , కుక్కగ నేడుమార్లు జన్మించెను. అటు పిమ్మట మిధిలాదేశమును పాలించు శ్రుతకీర్తి మహారాజు గృహమున గోడపైనుండు బల్లిగా జన్మించెను. అచట వ్రాలు కీటకములను భక్షించుచు బల్లియై హేమాంగద మహారాజు జీవనము గడుపుచుండెను. ఈ విధముగ ఎనుబదియేడు సంవత్సరముల కాలముండెను.

మిధిలాదేశ రాజగృహమునకు శ్రుతదేవమహాముని ప్రయాణముచే అలసిపోయి మధ్యాహ్నకాలమున వచ్చెను. మహారాజు అగు శ్రుతకీర్తి ఆ మునిని జూచి సంభ్రమముతో ఆ మునికి యెదురు వెళ్ళి సగౌరవముగ ఇంటిలోనికి దీసికోవచ్చెను. వానిని మధుపర్కము మున్నగువానితో పూజించి వాని పాదములను కడిగి యా నీటిని తన తలపై జల్లుకొనెను. అట్లు జల్లుకొనుటలో తలపై జల్లుకొన్న నీటి తుంపురులు కొన్ని యెగిరి గోడమీదనున్న బల్లిపై దైవికముగా పడినవి. ఆ పవిత్ర జలస్పర్శ కలుగగనే ఆ బల్లికి పూర్వజన్మస్మృతి కలిగి తన దోషమును తెలిసికొని పశ్చాత్తాపము కలిగెను. నన్ను రక్షింపుము నన్ను రక్షింపుమని మానవునివలె ఆ మునిని ప్రార్థించెను. అప్పుడా ముని బల్లి మాటలకు విస్మయపడి ఓ బల్లీ ! నీవెందులకిట్లు దుఃఖించుచున్నావు. నీవు యేపని చేసి యిట్టి దశనందితివి ? ఇట్లేల అరచుచున్నావు ? నీవు దేవజాతివాడవా, రాజువా, బ్రాహ్మణుడవా ? నీవెవరవు ? నీకీ దశయేల వచ్చెనో చెప్పుము. నేను నీకు సాయపడుదునని ప్రశ్నించెను.

శ్రుతదేవుని మాటలను విన్న బల్లిరూపమున నున్న హేమాంగద మహారాజు మహాత్మా ! నేను ఇక్ష్వాకు కులమున జన్మించిన హేమాంగదుడను ప్రభువును. వేదశాస్త్ర విశారదుడను. భూమియందలి రేణువులెన్ని యుందునో, నీటియందు జలబిందువు లెన్నియుండునో, ఆకాశమున నెన్ని నక్షత్రములుండునో అన్ని గోవులను అసంఖ్యాకముగ దానమిచ్చితిని. అన్ని యజ్ఞములను చేసితిని. చెరువులు మున్నగువానిని త్రవ్వించితిని. సర్వవిధములగు దానములను చేసితిని. ధర్మముగా రాజ్యమును పాలించితిని. నేనెన్ని సత్కర్మల నాచరించినను, ముమ్మారు చాతక పక్షిగను, గ్రద్దగను, యేడుమార్లు కుక్కగను, ప్రస్తుతము బల్లిగను జన్మించితిని. ఈ మహారాజు నీ పాదములను కడిగిన పవిత్ర జలమును తనపై జల్లుకొనుచుండగా కొన్ని నీటితుంపురలు నా పైబడి నాకు పూర్వజన్మ స్మరణము కలిగినది. నా పాపభారము తగ్గినట్లనిపించుచున్నది. కాని నేనింకను ఇరువది యేడుమార్లు బల్లిగా జన్మించవలసి యున్నట్లుగ నాకు తోచుచున్నది. నాకీవిధమైన బల్లిగా జన్మపరంపరయెట్లు తొలగునాయని భయము కలుగుచున్నది. నేను చేసిన పాపమేమియో నాకీ జన్మయేల కల్గెనో యెరుగజాలను. దయయుంచి నాకీ జన్మలు కలుగుటకు కారణము అయిన పాపమును, ఆపాపము పోవు విధానమును చెప్పగోరుచున్నానని ప్రార్థించెను.

శ్రుతదేవ మహాముని హేమాంగదుని మాటలను తన దివ్యదృష్టితో పరిశీలించి యిట్లనెను. రాజా ! నీవు శ్రీమహావిష్ణువునకు ప్రియమైన వైశాఖమాసమున జలమునెవనికిని దానమీయలేదు. జలము సర్వజన సులభము. దానిని దానమిచ్చుట యేమి అని తలచితివి. ప్రయాణమున అలసినవారికిని జలదానమైనను చేయలేదు. వైశాఖమాస వ్రతమును గూడ పాటింపలేదు. హోమము చేయదలచినవారు మంత్రపూరితమగు అగ్నియందే హోమము చేయవలయును. అట్లుగాక బూడిద మున్నగువాని యందు హోమము చేసిన ఫలమెట్లు కలుగును ? అట్లే నీవును యోగ్యులగువారికి దానమీయక అయోగ్యులగువారికి దానముల నిచ్చితివి. అపాత్రులకెన్ని దానము లిచ్చినను ప్రయోజనము లేదు కదా ! వైశాఖమాస వ్రతమును చేయలేదు. జలదానమును చేయలేదు. యెంతయేపుగ పెరిగినను, సుగంధాది గుణములున్నను ముండ్లుకల వృక్షము నెవరాదరింతురు ? అట్టి వృక్షము వలన ప్రయోజనమేమి ? వృక్షములలో రావిచెట్టు ప్రశస్తమైనది. అందువలన అది పూజార్హమైనది. తులసియు మిక్కిలి పవిత్రమైనదే. ఇట్టి రావిచెట్టును, తులసిని వదలి వాకుడు చెట్టునెవరైన పూజింతురా ? అట్టి పూజలవలన ఫలితముండునా ? అనాధలు, అంగవైకల్యము కలవారు దయజూపదగినవారు, వారిపై దయను చూపుట ధర్మము. కాని వారు మాన్యులు పూజ్యులు కారు. అట్టివారిని పూజించుట ఫల దాయకము కాదు. వారిపై దయ, జాలి చూపవచ్చును. కాని గౌరవింపరాదు. తపము, జ్ఞ్ఞానము, వేదశాస్త్ర పాండిత్యము, సజ్జనత్వము కలవారు శ్రీమహావిష్ణు స్వరూపులు. అట్టివారినే పూజింపవలయును. వీరిలో జ్ఞానవంతులు శ్రీమహావిష్ణువునకు మిక్కిలి ఇష్టమైనవారు. అట్టివారిని పూజించినచో తనను పూజించినట్లుగ భావించి శ్రీహరి వరములనిచ్చును. కావున జ్ఞానులైనవారు సర్వాధికులు, సర్వోన్నతులు అట్టివారిని గౌరవింపక పోవుట వారిని అనగా శ్రీమహావిష్ణువును అవమానించుటయే యగును. ఈ విధముగ చేయుట ఇహలోకమున పరలోకమున దుఃఖమును కలిగించును. మానవుడు పురుషార్థములను సాధింపవలెనన్నచో జ్ఞానుల సేవ, వారిని గౌరవించుట ముఖ్య కారణము. జ్ఞానులు కానివారు, అంధులు - ప్రజ్ఞాజ్ఞాన నేత్రములు లేనివారు. అట్టి అంధుల నెంతమందిని పూజించినను ఫలముండునా? గ్రుడ్డివానికేమి కనిపించును ? అతడేమి చెప్పగలడు ? కావున జ్ఞానహీనులైన వారి నెంతమందిని యెంత పూజించినను, వారిని సేవించినను అవి నిష్ఫలములు, నిష్ప్రయోజనములు. అంతేకాక కష్టములను, దుఃఖములను కలిగించును. పురుషార్థములగు ధర్మార్థ కామ మోక్షములెట్లు సిద్దించును ?

తీర్థములు కేవలం జలములు కావు. దేవతలు శిలారూపులు కారు. చిరకాలము తీర్థస్నానము, సేవ చేసినచో శిలారూపముననున్న దైవమును చిరకాలము పూజించినచో వారియనుగ్రహము కలుగును. కాని జ్ఞానులగు సజ్జనులను దర్శించినంతనే వారు ప్రసన్నులగుదురు. ఇష్టఫలప్రాప్తిని కలిగింతురు. కావున జ్ఞానులగు వారిని సేవించినచో వారి ఉపదేశములను పాటించినచో విషాదముండదు. ఇష్టప్రాప్తిచే సంతోషము కలుగును. అమృతమును సేవించినచో జన్మ , మృత్యువు , ముసలితనము మున్నగువానిని వలని బాధయుండదు. అమృతత్వసిద్ది కలుగును. హేమాంగద మహారాజా ! నీవు వైశాఖమాస వ్రతము నాచరింపలేదు. జలదానము చేయలేదు. జ్ఞానులగువారిని సేవింపలేదు. కావున నీకిట్టి దుర్గతి కలిగినది. నీకు ఈ వైశాఖమాస వ్రతము నాచరించి నేను సంపాదించిన పుణ్యమును కొంత నీకిత్తును. దీని వలన దుర్దశ శాంతించుటకై భవిష్యద్వర్తమాన కాలములలోని నీ పాపములను వాని ఫలములను పోగొట్టుకొని విజయము నందగలవు. అని పలికి శ్రుతదేవ మహాముని నీటిని స్పృశించి బల్లి రూపముననున్న హేమాంగద మహారాజునకు తాను చేసిన వైశాఖమాస వ్రతములోని కొన్ని దినముల పుణ్యమును ధారపోసెను.

ఆ పుణ్యఫలమును పొందినంతనే హేమాంగద మహారాజు బల్లి రూపమును విడిచి దివ్యరూపమును పొందెను. శ్రుతకీర్తి మహారాజునకు , శ్రుతదేవమహామునికి నమస్కరించెను. వారి యనుజ్ఞతో శ్రీహరి పంపిన దివ్య విమానము నెక్కి పుణ్యలోకములకు పోయెను. దేవతలందరును హేమాంగదుని అదృష్టమును మెచ్చిరి. హేమాంగదుడును పుణ్యలోకమున పదివేల సంవత్సరములుండెను. దివ్యలోక భోగములను అనుభవించెను. అటు పిమ్మట ఇక్ష్వాకు కులమున కాకుత్స్థ మహారాజుగ జన్మించెను. ఏడు ద్వీపముల భూమిని సజ్జనులు , జ్ఞానులు మెచ్చునట్లు పరిపాలించెను. శ్రీమహావిష్ణువు అంశను పొంది ఇంద్రునికి స్నేహితుడై యుండెను. కులగురువగు వశిష్ఠ మహాముని ఉపదేశమును పాటించెను. వైశాఖమాస వ్రతమును సంపూర్ణముగ ఆచరించెను. అందు చేయవలసిన దానధర్మముల నన్నిటిని శ్రద్దాసక్తులతో భక్తి పూర్వకముగ చేసెను. సర్వపాపములను పోగొట్టుకొనెను. దివ్యజ్ఞానము నందెను. శ్రీమహావిష్ణువు సాయుజ్యము నందెను. కావున వైశాఖమాస వ్రతము సర్వపాపహరము. అనంత పుణ్యప్రదము. ప్రతి మానవుడును వైశాఖమాసవ్రతమును , వ్రతాంగములగు దాన ధర్మాదులను పాటించి శ్రీహరియనుగ్రహము నందవలెను. అని నారదుడు అంబరీషునకు వైశాఖమాసవ్రత విశిష్టతను వివరించుచు గృహగోధికావృత్తాంతమును వివరించెను.

_*వైశాఖ పురాణం ఆరవ అధ్యాయం సంపూర్ణం*_ 

        🌷 *సేకరణ*🌷

      🌹🌷🕉️🕉️🌷🌹

        *న్యాయపతి వేంకట*

       *లక్ష్మీ నరసింహా రావు*

🙏🕉️🙏🪷🙏🪷🙏🕉️🙏

కాశీలో ఆశ్రమాల వివరాలు*

 *కాశీలో ఆశ్రమాల వివరాలు*

(. వివరాలు తెలుసుకుని వెళ్ళండి)

(సేకరణ)

*శ్రీరామ తారక ఆంధ్రాశ్రమమం* : 

110 గదులు కలిగి విశాలమైన వరండాలతో నాలుగువైపుల మొట్లు కలిగి అన్ని సదుపాయాలతో ఉంటుంది. యాత్రికులతో ఎప్పుడూ కిటకిటలాడుతుంది. వర్ణభేదాలు లేకుండా హిందువులందరికీ వసతి సౌకర్యం కల్పిస్తారు. 

*అడ్రస్* : శ్రీరామ తారక ఆంధ్రాశ్రమం, బి.14-92, మానస సరోవర్, బెంగాలీ టోలా, పాండేహవేలీ, వారణాసి. ఫోన్ : 0542-2450418

*భోజన సదుపాయం* : 

ఆశ్రమంలో దిగిన వారందరికీ పగలు 12 గంటలకు భోజనం రాత్రి 7 గంటల నుండి 8 గంటలలోపు అల్పాహార పాకెట్లు ఉచితంగా ఇస్తారు. ఇందు కోసం ఉదయం 9 గంటలలోపు పేర్లు నమోదు చేయించు కోవాలి. విరాళాలు ఇవ్వవచ్చు. ఇతర వివరాలకు సత్రంలో ఉన్న ఆశ్రమం లోని ఉద్యోగస్తులను సంప్రదించటం మంచిది. 

*భోలానంద సన్యాస ఆశ్రమం* 

D.28 -181, పాండేహవేలి, వారణాసి ఫోన్ : 0542-2450416, 

సెల్ : 9450707921 

అటాచ్డ్ బాత్రూంలతో 10 రూములు, కామన్ బాత్ రూంలతో 8 రూములు కలవు.

*శ్రీ శృంగేరి శంకర్ మఠ్* 

ది శృంగేరి జగద్గురు సంస్థానానికి చెందిన మఠం. కేదార్ ఘాట్ కుఎదురుగా కలదు. కామన్ బాత్రూంలతో 10 ఫర్నిష్ తో ఉన్న గదులు కలవు. రూముకు నలుగురు ఉండవచ్చు. రూములకు అద్దెలుండవు కానీ విరాళాలు స్వీకరిస్తారు. భోజనవసతి లేదు. ముందుగా ఫోన్ చేసి రూములు రిజర్వేషన్ చేసుకోవచ్చు. 

బి 14.111 కేదార్ ఘాట్, వారణాసి 

ఫోన్ : 0542-2452768 

*ట్రావెన్ కోర్ సత్రం* 

శృంగేరి మఠాన్ని ఆనుకొని ఉంది. కింద ఆరు, పైన ఆరు గదులు కలవు. పాతభవనం, పైన నీటివసతి లేదు. కింద మున్సిపల్ నీరు 8 గంటలు మాత్రమే వస్తుంది. 

*సత్సంగ శివనామ సంకీర్తనా సదనం* 

కామన్ బాత్ రూంలతో 9 గదులలో నలుగురు, చిన్నగదులలో ఇద్దరు ఉండవచ్చు. చాపలు, బల్లలు, కుర్చీలు మాత్రమే ఉంటాయి. లాకర్ సౌకర్యం కలదు. బెంగాలీ టోలా గల్లీలోనికి వెళితే వెల్లంపలి రాఘవయ్య, రాఘవమ్మ అన్నసత్రం దగ్గర ఈ సత్రానికి సంబంధించిన బోర్డు తెలుగులో కనబడుతుంది. 

*మార్కండేయ ఆశ్రమం*

కేదార్ ఘాట్ లో, కేదారేశ్వరాలయానికి దగ్గరలో కలదు. ఆటోలు రిక్షాలు ఆశ్రమం దాకా వెళతాయి. 15 రూములు కలవు. నెలవారీగా లేక రోజువారీగా అద్దె ఉంటుంది. 

అడ్రస్ : డి7-187 కేదార్ ఘాట్, వారణాసి డి7-187, కేదార ఘాట్ 

*అన్నపూర్ణా ప్రాంతీయ ఆశ్రమం* 

కేదార్ ఘాట్ లో గుడి దగ్గరలో కలదు. హెడ్ ఆఫీస్, హైదరాబాద్ లో కలదు. అటాచ్డ్ బాత్ రూంల సౌకర్యాలతో రెండు రూములు, కామన్ బాత్ రూం ల సౌకర్యంతో రెండురూములు మాత్రమే కలవు. 15 మంది యాత్రికులు ఒకేసారి బసచేయవచ్చు. 

అడ్రస్ : డి 6-112 కేదార్ ఘాట్, సోనార్ పురా, వారణాసి, 

ఫోన్ : 0542-5535002. 

సెల్ : 9839605344 

*కాశీ వైశ్వసత్ర సంఘం* 

ఈ సత్రం కేవలం వైశ్యులకు మాత్రమే. క్షేమేశ్వరఘాట్ కు అతి దగ్గరలో, శ్రీ శృంగేరీ మఠం, కేదార్ఘాట్ పోస్ట్ ఆపీస్ కు ఎదురుగా గలదు. మూడు నుండి అయిదు రోజుల వరకు ఉచిత భోజన వసతి సౌకర్యాలు పొందవచ్చును. 2 గదులు పర్నిచర్ తో సహా కలవు. 

*అడ్రస్* : డి14-15 క్షేమేశ్వరఘాట్, కేదార్ ఘాట్ పోస్టాఫీస్ ఎదుట వయా సోనాపురా, వారణాసి. 

*ఆంధ్ర క్షత్రీయ సంఘం* 

శ్రీ తారకరామ నిలయం, బి5-281 హనుమాన్ ఘాట్ పోస్టాఫీస్ ఎదురుగా మెయిన్రోడ్డులో కలదు. 

హిందూ యాత్రికులందరికి వసతి కల్పిస్తారు. 

*గంగా స్నాన ఘట్టాలకు ఒక కిలో మీటరు దూరంలో ఉన్న వసతి గృహాలు* 

*శ్రీ నిర్మలానంద ఆశ్రమం* : 

బెంగాలి టోలా ఇంటర్ కాలేజి పక్క మదన్ పురా పోస్టాఫీస్ ఎదురుగా మెయిన్ రోడ్డులో కలదు. హిందూ యాత్రికులందరికీ వసతి కల్పస్తారు 

ఫోన్ : 0542-2450178, 

సెల్ : 98390 36093. 

అటాచ్డ్ బాత్ రూంలతో 6, కామన్ టాయ్ లెట్లతో 14 గదులు, 1 హాలు కలవు. 

*కాశీజంగం మఠ్* : 

గోదోలియా చౌరాహ్ నుండి బి.హెచ్. యు వైపు పోతుంటే సుమారు 150-200 మీటర్ల దగ్గరలో ఎడమచేతి పైపు పెద్ద గేటున్న విశాలమైన పురాతన మఠం ఇది. రైల్వే స్టేషన్ నుండి 6-7 కిలో మీటర్ల దూరంలో మెయిన్ రోడ్డులో కలదు. భారతదేశంలోని హిందువులందరికీ ప్రపవేశం కలదు. 

*జంగమవాడి మఠ్* : 

డి 35-77 వారణాసి. 

75 రూములు కలవు. 

ఒకేసారి వేయిమందికి సరిపోను వసతి కలదు అద్దెలు లేవు. విరాళాలు స్వీకరిస్తారు. బ్యాంకులు ఎటియం లు దగ్గరలో కలవు. 

*హరసుందరి ధర్మశాల* : 

గోధోలియా చౌరాహ నుంచి గిరిజాఘర్ చైరాహాకు వెళ్ళే  దారిలో 30 అడుగుల దూరంలో భట్టాచార్య వారి హోమియోపతి మందుల షాపుల కలదు. అందరికీ ప్రవేశం కలదు. 

*అడ్రస్*: హరసుందరి ధర్మశాల, గోదౌలియా, వారణాసి. 

ఫోన్ 0542-2452446. 40 

రూములు, 6 హాల్స్, అన్నిటికి కామన్ బాత్ రూంలు. సామాన్యులకు అందుబాటులో గల ధర్మశాల. 

*వీరేశ్వర్ పాండే ధర్మశాల* : 

గోదౌలియా చౌరాహాకు పడమరగా కొద్ది దూరంలో కనిపించే గిరిజాఘర్ చౌరాహాలో కార్పోరేషన్ బ్యాంక్ కు దగ్గరగా ఉన్న తరుణ్ గుప్తా హాస్పటల్ కు ఎదురుగా లక్సారోడ్ లో కలదు. 22 రూములు, కామన్ బాత్ రూంలు, 8 రూములు అటాచ్డ్ బాత్ రూంలతో కలవు. 

అడ్రస్ : 47-200 అస్సి, వారణాసి. 

ఫోన్ : 0542-245527. 

*చౌడేశ్వర్ పాండే ధర్మశాల* : 

47-200, పి. దూరంలో మెయిన్ రోడ్ మీద కాశీపట్టణానికి దక్షిణం వైపు అసీ ఘాట్ దగ్గర కలదు. 5 ఎకరాల విశాలమైన స్థలంలో ఉంది. అందరికీ ప్రవేశం కలదు.

*కాశీ ముముక్షు భవన్ సభ* : 

రైల్వే స్టేషన్ కు 10కి.మీ దూరంలో మెయిన్ రోడ్ మీద కాశీపట్టణానికి దక్షిణం వైపు అసీ ఘాట్ దగ్గర కలదు. 5 ఎకరాల విశాలమైన స్ధలంలో ఉంది. అందరికీ ప్రవేశం కలదు. 150 నుండి 200 మందికి సరిపడు హాలు, 50 గదులు (కొన్నింటికి మాత్రమే అటాచ్డ్ బాత్ రూంలు కలవు) 

*ఈశ్వర్ మఠం*

 దండిస్వాములకు 150 రూములు ప్రత్యేకంగా కలవు. కాశీలో చరమదశ గడపాలన్న వారికి 60 రూములు కలవు. రూములకు అద్దెలుండవు. స్వచ్ఛందంగా ఇచ్చే విరాళాలు స్వీకరిస్తారు. ప్రతి రోజూ బీదలకు అన్నసంతర్పణ జరుగుతుంది. దగ్గరలోనే స్టేట్ బ్యాంక్, బరోడా బ్యాంక్, సెంట్రల్ బ్యాంకులు కలవు. యజ్గ్నయాగాదులు జరుపుకునే సౌకర్యం కలదు.

*అడ్రస్* : కాశీ ముముక్షు భవన్ సభ (అన్నక్షేత్ర) గౌడిలియా చౌరాహ్ నుంచి బి హెచ్ యుకు వెళేళ దారిలో తులసీఘాట్ సమీపంలో మెయిన్ రోడ్ లో ముముక్షు భవన్ కు అరకిలోమీటరు దూరంలో కలదు. 

*శ్రీ మార్వాడి సేవాసంఘ్*, భదైనీ (తులసి ఘాట్ దగ్గర) వారణాసి

*న్యూ హోటల్ బ్రాడ్ వే* : 

రైల్వే స్టేషన్ నుండి 8 కి.మీ దూరంలో బి హెచ్ యు వెళ్ళే దారిలో విజయా సినిమా క్రాసింగ్ దగ్గర ఉన్నది. శివాలా ఘాట్ కు అరకిలోమీటర్ దూరంలో ఉంది. 

*అడ్రస్* : విజయా సినిమా క్రాసింగ్ దగ్గర భేలుపూర్, వారణాసి. 

ఫోన్ : 0542-2277097, 3090284

*షేర్ ఆనందరామ్ జైపురియా స్మృతిభవన్ సొసైటి (జైపురియా భవన్)* :

గదొలియా సెంటర్ నుండి జ్గ్నానవాసికి వెళ్ళే మెయిన్ రోడ్ లో ప్యాలెస్ హోటల్ క్లాక్ టవర్ దాటిన తరువాత మొదటి ఎడమ గల్లీలో ఉన్నది. మొత్తం 35 రూములు కలవు. 

ఫోన్ : 0542-2412766, 24127709, 24122674

*శ్రీ కాశీ అన్నపూర్ణ వాసవీ ఆర్యవైశ్య వృద్దాశ్రమమం మరియు నిత్యాన్నదాన సత్రం*: 

ఈ సత్రం ఆర్యవైశ్యులకు మాత్రమే. రెండు సత్రాలు కలవు. మొదటిది అక్నా రోడ్డులో కెనరాబ్యాంక్ ఉన్న సందులో ఉన్నది. 5 అంతస్తుల భవనంలో లిఫ్ట్ తో సహా ఆధునిక సౌకర్యాలు కలవు.

ఫోన్: 0542-2400076, 2455087. 

*రెండవ సత్రం ఇదేరోడ్ లో రామకృష్ణ మిషన్ హాస్పటల్ దగ్గర*

ఫోన్ : 0542-2411829. 

*వీరు మూడు రోజుల పాటు ఉచిత వసతి,భోజన సౌకర్యం కల్పిస్తారు.

ప్రతిరోజూ యిదే ప్రశ్న

 ప్రతిరోజూ యిదే ప్రశ్న!! రిటైర్ అయ్యావుగా టైంపాస్ ఎలా అవుతోంది? 

అసలు ఇదేం ప్రశ్న?! 

టెలివిజన్ చూస్తాను... 

పుస్తకాలు చదువుతాను. 

నా తెలివితేటలకు యిదో పెద్ద పనా ? ఇంకా కావలస్తే వివరంగా నిన్న జరిగిన సంఘటన వివరిస్తాను. 

బంగారం షాపుకి నేను నా భార్యతో బజారుకు వచ్చాం.

షాపులో పనైపోయి అక్కడే పక్కనున్న కారుదగ్గర ఆగాము.. నన్ను చూసిన పోలీస్ కారు దగ్గరకు వచ్చి నన్ను చూస్తూ...

పోలీస్ : ఇక్కడ కారు పార్కింగ్ చేయకూడదు వెయ్యి రూపాయలు ఫైన్ కట్టండి.

నేనూ : మేము లోపలికి వెళ్ళి ఐదు నిమిషాలు కూడా గడవలేదండీ

పోలీస్ : ప్రతి ఒక్కరూ అలానే చెపుతార్లేవయ్యా

నేను : సార్ నేను రిటైర్డ్ బ్యాంకు మేనేజర్. కనీసం నా వయసుకైనా మర్యాద యివ్వండి. 

పోలీస్ : సరే ఒక రెండు వందలు యివ్వండి

నేను : రశీదు యిస్తారా?

పోలీస్ : అదెలా కుదురుతుంది

నేను : యివ్వకపోతే ఎలా? చట్ఠప్రకారం రశీదు యివ్వాలి కదా

పోలీస్ : (బాగా ఇరిటేట్ అయ్యాడేమో) చట్టంగురించి నాకే చెప్తారా ! సరే చూడు ఈ కారుకి లెప్ట్ రేర్ వ్యూ మిర్రర్ పగిలి పోయింది. వెనుక నెంబర్ ప్లేటు సరిగా లేదు.. మొత్తం నాలుగు వేలు కట్టు.

నేను నిస్సహాయంగా నా భార్య వైపు చూసాను. 

ఆమె వాదులాట మొదలు పెట్టింది. 1/2 గంటకు పైగా అన్నిరకాలుగా వాదన జరుగుతూనే వుంది. 

అప్పుడు వచ్చింది మేం ఎక్కవలసిన సిటీ బస్సు. 

వెంటనే ఆ బస్ ఎక్కేశాం..

😀

పోలీస్ అలాగే మావైపు బిత్తరచూపులు చూస్తున్నాడు..

కారు నాది కాకపోయినా టైంపాస్ ఎంత బాగా అయిందో చూశారుగా! 

😁

ఇలాంటివి కొన్ని వందలుంటాయి.

రిటైర్ అయ్యాక టైంపాస్ కాదని ఎవరూ చెప్పింది ... 

😄😆😂🤣

—ఒక రిటైర్డ్ ఉద్యోగి...

సేకరణ

మనస్సున్నట్టు

 *సుభాషితం*

*---------------*

🌺 *యథా చిత్తం తథా వాచః*

*యథా వాచస్తథా క్రియాః ౹*

     *చిత్తే వాచి క్రియాయాం చ*

     *సాధూనామేకరూపతా ౹౹*

       *భావం: మనస్సున్నట్టు మాటలు, మాటలుగా చేతలు, మనస్సు మరియు మాటల్లో చేతలలో మంచివారు  ఏ కాలంలోనైనా ఓకే రకంగా ఉంటారు.*

🌺✍🏽🌷🪷

విద్యా దదాతి వినయం

 విద్యా దదాతి వినయం

వినయా దాయతి పాత్రతాం

పాత్రత్వ ధన మాపోనతి

 ధనత ధర్మం ,

విద్యా ధనం సర్వ ధనాత ప్రధానం...

నచోర హరణం 

నచ భర్తృ భాగ్యం 

నచ భార కారీ..

వ్యయే కృతే వర్ధత ఏవ నిత్యం 

విద్యా ధనం సర్వ ధనాత ప్రధానం..

కృతజ్ఞతలు 

మిశ్రెయోభిలాషి 

ప్రభాకర భట్ట

*శ్రీ శృంగేరి శారదా దేవాలయం

 🕉 *మన గుడి : నెం 317*

⚜ *కర్నాటక*  :- 

*శృంగేరి - చిక్కమగళూరు*

⚜ *శ్రీ శృంగేరి శారదా దేవాలయం*

💠 శృంగేరి అంటే తెలీని హిందువు వుండడు.

వేదపాఠశాల అంటే ముందుగా శృంగేరీ జ్ఞాపకం వస్తుంది, మన దేశంలోనే కాదు విదేశాలలో కూడా మందిరాలలో పూజారులైనా, పౌరోహిత్యం చేసుకుంటున్నవారైనా శృంగేరీలోని వేదపాఠశాలలో చదువుకున్నవారే అయి వుంటారు. ఆది శంకరాచార్యుల వారు స్థాపించిన శారదాపీఠం కూడా యిక్కడే వుందనీ మనకు తెలుసు.

💠 నిజానికి ఇది శ్రీ ఆదిశంకరులు ఒక రాతిపై చెక్కిన శ్రీ చక్రంపై ప్రతిష్టించబడిన చందనంతో చేసిన శారదా మూర్తితో ఒక మందిరం.

శ్రీ భారతీ కృష్ణ తీర్థ చందనం విగ్రహం స్థానంలో ప్రస్తుతం ఉన్న బంగారు విగ్రహం పెట్టారు.

💠 మరోవైపు దక్షిణ భారతదేశంలో ప్రాచుర్యములో ఉన్న కృష్ణ యజుర్వేదము ఈ శృంగేరి శారద మఠానికి ప్రధాన వేదం. 

ఈ మఠానికి పీఠాధిపతిని స్వయంగా శంకరాచార్యులతో సమానంగా భావిస్తారు.

💠 శారదాదేవి జ్ఞానానికి , విజ్ఞాన సర్వస్వానికి తల్లి. ఈ దేవాలయంలో ఉన్న అమ్మవారిని శంకరాచార్యులు నెలకొల్పారని చెబుతారు.  మండన మిశ్రుని భార్య అయిన ఉభయ భారతి ఇక్కడ విగ్రహంగా మారిపోయిందని స్థలపురాణం.

💠 శ్రీ శారదాంబ యొక్క మూల విగ్రహం, ఇప్పుడు శృంగేరిలోని శ్రీ విద్యాశంకర దేవాలయంలో ఉంది.

మహామండపంలో దుర్గ, రాజ రాజేశ్వరి, ద్వారపాలకులు మరియు దేవీ దేవతలతో అద్భుతంగా చెక్కబడిన భారీ రాతి స్తంభాలు ఉన్నాయి.

💠 మనకి తెలిసి ఆదిశంకరులు శారదాపీఠం స్థాపించడం వల్ల శృంగేరీ ప్రసిధ్ది పొందిందనుకుంటే తప్పే. 

శృంగేరీ పట్టణం వున్న పర్వతాన్ని ఋష్యశృంగగిరి మీద నిర్మింపబడింది. ఋష్యశృంగగిరి కాలాంతరాన శృంగేరిగా మారింది. ఋష్యశృంగ మహర్షిని గురించిన వివరణ మనకి వాల్మీకి రామాయణంలో వుంది, విభకంతన మహర్షి పుతృడు ఋష్యశృంగ మహర్షి, అతను తపస్సు చేసుకున్న పర్వతమే ఋష్యశృంగగిరిగా పిలువబడసాగింది.

💠 ఆది గురువు శంకరాచార్యులవారు పీఠాలను స్థాపించాలని సంకల్పించుకుని సరైన ప్రదేశం కొరకు దేశాటన చేసేరట, ఆ సమయంలో భద్రానదీ తీరాన అతను ఓ వింతను చూసేరట.

ఓ కప్ప వర్షంలో ప్రసవ వేదన పడుతూ వుంటే నాగుపాము జాతివైరం మరచి కప్పకు తన పడగతో వర్షం నుంచి కాపాడుతూ వుందట, కప్ప నిశ్చింతగా వుందట. అది చూసిన శంకరులు జాతివైరుల మధ్య యింత స్నేహభావం కలగడం అన్నది ఆ ప్రదేశం గొప్పతనమని గుర్తించి అక్కడ 12 సంవత్సరాలు గడిపి శారదా పీఠాన్ని స్థాపించి గురుకులం ప్రారంభించేరట. ఇక్కడే మొదటిసారి ఆదిశంకరులు తన శిష్యులకు అధ్వైతం గురించి బోధించారట.

💠 శారదాపీఠం గురించిన మరో కథ కూడా 

చెప్తారు అదేమిటంటే శంకరులవారు దేశాటనచేస్తూ ఓ సారి తర్కశాస్త్ర చర్చలో పాల్గొన్నారట, శంకరుల ధాటికి యెవరూ ఆగలేకపోయేరట, ఆఖరుగా మండన మిశృనితో (ముండన మిశృడు) చర్చ సాగుతుంది, యెవరు ఓడిపోతే వారు గెలిచినవారికి దాసుడవాలనే షరతు కూడా వుంటుంది.

శంకరులవారు మండనమిశృని ఓడిస్తారు. షరతు ప్రకారం మండనమిశృడు శంకరులను దాసునిగా అనుసరిస్తాడు. 

💠 అప్పటికే శంకరులవారికి భారతి, మండనమిశృడు సరస్వతీ బ్రహ్మ అవతారాలనే జ్ఞానం కలుగుతుంది? మండనమిశృని యెంత వారించినా అతను శంకరుల దాసునిగా తనను తాను అర్పించుకుంటాడు, మహాసాధ్వియైన భారతి పతిని అడుగుజాడలలో వారిని అనుసరిస్తుంది. 

💠 శంకరులవారు మొదటి పీఠాన్ని శారదాంబ పీఠంగా భారతికి అంకితమిచ్చి తన ఉత్తరాధికారిగా మండనమిశృని నియమించి హిమాలయాలకి వెళ్లి కేదార్ నాధ్ లో కేదారునిలో యైక్యం అయిపోయేరు.

💠 స్ఫటిక చంద్రమౌళీశ్వర లింగాన్ని శివుడు శ్రీ ఆదిశంకరాచార్యులకు కానుకగా ఇచ్చాడని ప్రతీతి. ఇప్పటికీ ఈ లింగాన్ని దర్శించవచ్చు మరియు లింగానికి చంద్రమౌళీశ్వర పూజను ప్రతిరోజూ రాత్రి 8:30 గంటలకు శృంగేరి శారద పీఠం జగద్గురువులు, శ్రీమద్ జగద్గురు శ్రీ భారతీ తీర్థ మహాసన్నిధానం మరియు శ్రీమద్ జగద్గురువులు శ్రీ విధుశేఖర భారతి సన్నిధానం, గురు నివాసంలో నిర్వహిస్తారు. 

💠 శారదాంబిక దేవి ఉభయ భారతిగా భూమిపైకి వచ్చిన సరస్వతీ దేవి అవతారమని నమ్ముతారు. ఆమెను పూజించడం ద్వారా పార్వతి, లక్ష్మి మరియు సరస్వతితో పాటు బ్రహ్మ, శివ, మరియు విష్ణువుల ఆశీస్సులు లభిస్తాయని సాధారణ విశ్వాసం. ఇక్కడ నిర్వహించే అక్షరాభ్యాస వ్రతం పవిత్రమైనది మరియు సార్ధకమైనదిగా పరిగణించబడుతుంది.

🔆 *శృంగేరిలోని ముఖ్య దేవాలయాలు.*

💠 శృంగేరిలో 40కి పైగా ఆలయాలు ఉన్నాయి. ముఖ్యమైనవి మల్లప్ప బెట్ట అని పిలువబడే చిన్న కొండపై ఉన్న మలహానికరేశ్వర ఆలయం.

శ్రీ శారదాంబ ఆలయం పక్కనే ఉన్న శ్రీ విద్యాశంకర ఆలయం.

జనార్దన ఆలయం, 

హరిహర ఆలయం, 

విద్యా శంకర ఆలయం, 

తోరణ గణపతి, 

శంకర కొండ, 

శ్రీ శంకర భగవత్పాద సన్నిధి,

తూర్పున కాలభైరవ ఆలయం, 

దక్షిణాన దుర్గ ఆలయం, 

పశ్చిమాన ఆంజనేయ ఆలయం కొన్ని ముఖ్యమైన ఆలయాలు.

💠 నవరాత్రి ఉత్సవాలు ప్రతి సంవత్సరం ఘనంగా నిర్వహిస్తారు.

కార్తీక పూర్ణిమ రోజున శ్రీ శారదా పుణ్యక్షేత్రంలో దీపోత్సవాలు నిర్వహిస్తారు.

మాఘ శుద్ధ తృతీయ నాడు శ్రీ శారదాంబ రథోత్సవం జరుగుతుంది.

 

💠 బెంళూరునుంచి 335 కిమీ దూరంలోనూ, ఉడిపికి సుమారు 85 కిమీ దూరంలోనూ వుంది.

శంకర జయంతి ప్రత్యేకం

 ॐ శంకర జయంతి ప్రత్యేకం       

          ( ఈ నెల 12వతేదీ వైశాఖ శుక్ల పంచమి - శంకర జయంతి ) 

                           భాగం 4/10

శంకరుల అవతారం 

3. జాతీయ సమైగ్రత 

    భారతదేశం అనేక రాజ్యాలుగా ఉండేదనీ, ఆంగ్లేయుల పరిపాలనా, అనంతరం రాజ్యాల విలీకరణ పేరుతోనూ ఒకే దేశం అయిందని చరిత్రకారులు ఒక బలమైన అభిప్రాయాన్ని జనబాహుళ్యంలో నిలబెట్టారు. 

ఛప్పన్ రాజ్యాలు 

    వివాహాలలో మహా సంకల్పంలో స్థానం గూర్చి చెప్పేడప్పుడు, 56 రాజ్యాలను పేర్లతో ఉటంకిస్తూ, 

    భారతదేశం అంటే ఈ రాజ్యాలు కలిగియున్న అఖండ భారతం అని పేర్కొంటారు. 

కాశీ - రామేశ్వరం యాత్ర 

     పూర్వకాలం నుంచీ, మన దేశంలో కాశీ విశ్వేశ్వరని దర్శించి, గంగను సంగ్రహించి, రామేశ్వరం చేరుకుని ఆ గంగని సముద్రంలో కలిపేవారు. అక్కడి సముద్ర ఇసుకను తీసికొని, మళ్ళీ కాశీ చేరి, దాన్ని కాశీలో గంగలో కలిపి, ఇంటికి చేరుకొని, యాత్ర పూర్తిచేసుకోవడం అనాదిగా వస్తున్న ఆచారం కదా! 

    మధ్యలో అనేక రాజ్యాలున్నా, పాస్పోర్టు - వీసాలేవీ లేకనే ప్రయాణాలు సాగేవి. అంటే, ఎన్ని రాజ్యాలుగా ఉన్నా, భారతదేశమంతా ఏక ఖండమనే కదా! 

భారతదేశము - ఒక యాగశాల 

    ఆదిశంకరుల కాలంలో రహదారి వ్యవస్థ సక్రమంగా ఉండేదికాదు. అటువంటి సమయంలోనే, వారు అతి తక్కువ కాలంలో, దేశం నలుమూలలా నాలుగు వేదాలకి సంబంధించి నాలుగు పీఠాలు స్థాపించారు. 

    వాటిని చతురామ్నాయ పీఠాలుగా పేర్కొంటారు. 

     తూర్పున పూరీలో ఋగ్వేదానికి, 

    దక్షిణాన శృంగేరిలో యజుర్వేదానికీ, 

    పశ్చిమాన ద్వారకలో సామవేద సంబంధమైనదీ, 

    ఉత్తరాన బదరీనాథ్ సమీపంలో అథర్వవేదానికీ సంబంధించి వారేర్పరచిన నాలుగు పీఠాలూ ఇప్పటికీ మనం చూస్తునే ఉంటున్నాము కదా! 

     వీటిని చూస్తే, యజ్ఞాలలో యాగశాల నలుదిశలలో, నాలుగు వేదాలకీ నాలుగు ద్వారాలు ఏ విధంగా ఉంటాయో, 

    ఆవిధంగానే దేశమే ఒక యాగశాలగా, ఈ దేశ ప్రజలందరూ ఒకే సమూహంగా/కుటుంబంగా/ బంధువర్గంగా చూపే గొప్ప సంకల్పాన్ని ఏర్పరచి, భారతదేశ అఖండతను శాశ్వతంగా నిలిపారు. 

భారతీయ దేవాలయాలు - అర్చక వ్యవస్థ 

     అంతేకాక ఆదిశంకరులు 

  - హిమాలయాలలోని కేదారనాథ్, పశుపతినాథ్(నేపాల్ ) ఆలయాలలో కర్ణాటక అర్చకులనీ, 

  - హిమాలయాలలోనే ఉన్న బదరీనాథ్ లో కేరళ అర్చకులనీ, 

  - పూర్తి దక్షిణాన గల రామేశ్వరంలో మహారాష్ట్ర అర్చకులనీ ఏర్పాటు చేశారు. 

     ఈ రోజుకీ అదే వ్యవస్థ కొనసాగడం మనం చూస్తునే ఉన్నాం. 

    తద్వారా జాతీయ సంస్కృతి - సమైగ్రతలకి, ఆయన వేసిన పునాది ఎంత గొప్పదో తెలుస్తుంది కదా! 

    ఈ చారిత్రక సత్యాలు - మన జాతి ఔన్నత్యం,ఐక్యత అనే విషయాలకి నిర్ద్వందంగా ఋజువు చూపేవే కదా! 

                            కొనసాగింపు 

                   =x=x=x= 

    — రామాయణం శర్మ 

             భద్రాచలం

ఆరోగ్యానికి ముప్పు*

 *🔊(ICMR) హెచ్చరిక : నాన్ స్టిక్ వంట పాత్రలతో  ఆరోగ్యానికి ముప్పు*

*♦️గీతలు పడితే విష వాయువులు,*

*🔶రసాయనాలు వెలువడే ప్రమాదం*

*♦️ఒక్క గీత నుంచి 9 వేల*

*🔹మైక్రోప్లాస్టిక్‌ రేణువులు: ఐసీఎంఆర్‌*

*🍥న్యూఢిల్లీ, మే 14: నాన్‌స్టిక్‌ వంటపాత్రలతో తీవ్రమైన ఆరోగ్యసమస్యలు తలెత్తే ప్రమాదం ఉందని 'ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌' (ఐసీఎమ్మార్‌) హెచ్చరించింది*

*✡️నాన్‌స్టిక్‌ వంటపాత్రలపై చిన్న గీత పడినా దాని మీద ఉన్న టెఫ్లాన్‌ పైపూత (కోటింగ్‌)లో నుంచి విష వాయువులు, హానికారక రసాయనాలు వెలువడి ఆహారంలో కలుస్తాయని తెలిపింది*

*🌀ఒక్క గీత నుంచి కనీసం 9,100 మైక్రోప్లాస్టిక్‌ రేణువులు విడుదలవుతాయని పేర్కొంది. గీతలు పడిన నాన్‌స్టిక్‌ వంటపాత్రల్లో 170 డిగ్రీల సెల్సియస్‌ కన్నా అధిక ఉష్ణోగ్రత వద్ద వంట చేసినప్పుడు ఈ ప్రమాదం ఉందని తెలిపింది. కడిగేటప్పుడు నాన్‌స్టిక్‌ పాత్రలపై బోలెడన్ని గీతలు పడుతుంటాయి. ఈ లెక్కన వీటి నుంచి కొన్ని లక్షల మైక్రోప్లాస్టిక్స్‌ విడుదలయ్యే ప్రమాదం ఉంది*

*💥వీటి వల్ల హార్మోన్లలో అసమతుల్యత, క్యాన్సర్‌, సంతానోత్పత్తి సమస్యలు వంటివి తలెత్తవచ్చని ఐసీఎమ్మార్‌ పేర్కొంది. నాన్‌ స్టిక్‌ వంటపాత్రల బదులు మట్టిపాత్రల్లో వండుకోవటం అత్యంత సురక్షితమని తెలిపింది. మరో ప్రత్యామ్నాయంగా గ్రానైట్‌ పాత్రలను కూడా సూచించింది. అయితే, వాటిపై ఎటువంటి రసాయన పూతలు ఉండవద్దని పేర్కొంది. ఫుడ్‌ గ్రేడ్‌ స్టెయిన్‌లె్‌స స్టీల్‌ పాత్రలు కూడా మంచివేనని తెలిపింది. 'భారతీయులకు ఆహార మార్గదర్శకాలు' పేరుతో ఐసీఎమ్మార్‌ ఈ సూచనలను ఇటీవల విడుదల చేసింది*

రాశి ఫలితాలు 15-05-2024

 15-05-2024 

బుధవారం సౌమ్య వాసరః 

రాశి ఫలితాలు

------------------

మేషం

ఊహించని శుభకార్య ఆహ్వానాలు అందుతాయి. ఆదాయం పెరుగుతుంది. కుటుంబ సభ్యులతో కొన్ని  కీలక  విషయాలపై చర్చలు చేస్తారు. నూతన  వ్యాపారాలు వృద్ధి చెందుతాయి. వృత్తి ఉద్యోగాలలో మరింత అనుకూల వాతావరణం ఉంటుంది. శత్రువులు కూడా మిత్రులుగా మారి సహాయపడతారు.

---------------------------------------

వృషభం

వ్యాపారాలలో స్వంత ఆలోచనలు కలసిరావు. ఇంటా బయట  బాధ్యతలు పెరుగుతాయి. చేపట్టిన  పనులు మధ్యలో విరమిస్తారు. సమాజంలో కొత్త  మిత్రుల పరిచయాలు పెరుగుతాయి. వృత్తి ఉద్యోగాలలో నిరుత్సాహ వాతావరణం ఉంటుంది. సంతాన పరమైన ఇబ్బందులు బాధిస్తాయి

---------------------------------------

మిధునం

కుటుంబంలో గందరగోళ పరిస్థితులుంటాయి. ఆధ్యాత్మిక విషయాలపై దృష్టి సారిస్తారు. చేపట్టిన  పనులలో కొంత జాప్యం తప్పదు. దీర్ఘకాలిక వివాదాలకు సంభందించి సన్నిహితుల నుండి ఆసక్తికర సమాచారం అందుతుంది.  వ్యాపారాలు నిరుత్సాహ పరుస్తాయి. వృత్తి ఉద్యోగాలు కొంత ఇబ్బందికర వాతావరణం ఉంటుంది.

---------------------------------------

కర్కాటకం

ఆర్థిక పరిస్థితి ఆశాజనకంగా ఉంటుంది. గృహమునకు  దూరపు బంధువుల ఆగమనం ఆనందం కలిగిస్తుంది. అనుకొన్న పనులు నూతనోత్సాహంతో పూర్తిచేస్తారు. నూతన వ్యాపారాలకు పెట్టుబడులు అందుతాయి. నిరుద్యోగులకు నూతన అవకాశములు అందుతాయి. పుణ్యక్షేత్రాలు సందర్శిస్తారు.

---------------------------------------

సింహం

చేపట్టిన  పనుల్లో ఊహించని ఆటంకాలు కలుగుతాయి. దూర  ప్రయాణాలు వాయిదా వేయడం మంచిది. చిన్ననాటి మిత్రులతో వివాదాలు కలుగుతాయి. కుటుంబ వాతావరణం చికాకు కలిగిస్తుంది. ధార్మిక సేవ కార్యక్రమాలలో పాల్గొంటారు. వ్యాపారాలు అంతంత మాత్రంగా సాగుతాయి. ఉద్యోగాలు స్థిరత్వం ఉండవు.

---------------------------------------

కన్య

కొన్ని వ్యవహారాలు ఆకస్మికంగా విజయం  సాధిస్తారు. గృహమున బంధు మిత్రులతో ఆనందంగా గడుపుతారు. దీర్ఘకాలిక ఋణ సమస్యలు తీరి ఊరట పొందుతారు. వ్యాపారాలలో ఆశించిన లాభాలు అందుకుంటారు. వృత్తి  ఉద్యోగాలు సంతృప్తికర వాతావరణం ఉంటుంది. ఆర్థికంగా పురోగతి సాధిస్తారు.

---------------------------------------

తుల

దూరప్రయాణాలలో వాహన అవరోధాలు కలుగుతాయి. చేపట్టిన పనులలో శ్రమ పెరుగుతుంది. నూతన వ్యాపార ప్రారంభ ప్రయత్నాలు వాయిదా వేస్తారు. బంధు మిత్రులతో కలహా సూచనలున్నవి. నూతన రుణయత్నాలు చేస్తారు.  వ్యాపారాలు కొంత మందగిస్తాయి. ఉద్యోగాలు అధికారులనుండి ఒత్తిడి పెరుగుతుంది.

---------------------------------------

వృశ్చికం

ఆర్థికంగా స్థిరమైన ఆలోచనలు చేస్తారు. నూతన  వ్యక్తుల పరిచయాలు భవిష్యత్తులో ఉపయోగకరంగా ఉంటాయి. కీలక వ్యవహారాలలో ఆశించిన  పురోగతి లభిస్తుంది.  కుటుంబమున దీర్ఘ కాలిక సమస్యలు తీరతాయి.  నిరుద్యోగులకు శుభవార్తలు అందుతాయి. వ్యాపారాలు స్వల్పంగా లాభిస్తాయి.

---------------------------------------

ధనస్సు

నిరుద్యోగుల శ్రమ ఫలించి నూతన ఉద్యోగ అవకాశాలు అందుకుంటారు.  వ్యాపారాలలో నూతన లాభాలు అందుకుంటారు. స్థిరాస్తి కొనుగోలు చేస్తారు. చేపట్టిన పనులలో  కార్యసిద్ధి కలుగుతుంది. సమాజంలో పలుకుబడి పెరుగుతుంది. కుటుంబ సభ్యులతో దైవదర్శనాలు చేసుకుంటారు. ఉద్యోగాలలో అధికారుల ఆదరణ పెరుగుతుంది.

---------------------------------------

మకరం

వృధా ఖర్చులు పెరుగుతాయి. ముఖ్య వ్యవహారాలలో తొందరపాటు నిర్ణయాలు చెయ్యడం మంచిది కాదు. ముఖ్యమైన పనులు వ్యయప్రయాసలతో కానీ పనులు పూర్తికావు. బంధువర్గంతో అకారణంగా వివాదాలు కలుగుతాయి. వ్యాపారాలు నిదానంగా సాగుతాయి. వృత్తి ఉద్యోగాలలో అనుకూలత పెరుగుతుంది.

---------------------------------------

కుంభం

ఇంటా బయట బాధ్యతలు మరింత చికాకు కలిగిస్తాయి. సోదర వర్గం నుండి  కీలక సమాచారం అందుతుంది. సన్నిహితులతో కొన్ని విషయాలలో మాటపట్టింపులు ఉంటాయి. ధన పరమైన చికాకులు పెరుగుతాయి. నిరుద్యోగ యత్నాలు  ముందుకు సాగక నిరాశ కలిగిస్తాయి. వ్యాపారాలు స్వల్ప నష్ట సూచనలున్నవి. 

---------------------------------------

మీనం

 దూర ప్రయాణాలు లాభసాటిగా సాగుతాయి. దైవ సేవ కార్యక్రమాలలో పాల్గొంటారు. ఆకస్మిక ధనలాభ సూచనలున్నవి. స్థిరాస్తి వివాదాలు పరిష్కార దిశగా సాగుతాయి. నూతన వ్యాపారాలు ప్రారంభించిన లాభాలు  అందుకుంటారు. ఉద్యోగాలు ఆశ్చర్యకర సంఘటనలు చోటుచేసుకుంటాయి.

****************

Note:-

శ్రీ పద్మావతి శ్రీనివాస వివాహ సమాచార సంస్థ

*(రి.జి.నెం.556/2013) *

వనస్థలిపురం,హైదరాబాద్* - 500070

*వారి* 

బ్రాహ్మణ వధూవరుల పరిచయ వేదిక

*పరిచయం - పరిణయం*

26/05/2024(ఆదివారం) రోజు వనస్థలిపురం లో

ఏర్పాటు చేయటం జరిగినది. రిజిస్ట్రేషన్ లు  జరుగుతున్నాయి ఇతర వివరాలకై సంప్రదించండి.

98487 51577 / 80195 66579.

విరాళాలు

 విరాళాలు ఇవ్వగలరు 

రోజు మన బ్లాగుని 1000 నుండి 2000 మంది ప్రేక్షకులు ప్రపంచ వ్యాప్తంగా వివిధ దేశాలనుండి చూస్తున్నారని తెలుపుటకు సంతోషిస్తున్నాము. ముఖ్యంగా అమెరికా నుంచి చూస్తున్న వారి సంఖ్య భారత దేశ వీక్షకులను మించి కొన్ని రోజులు వున్నాయి అంటే అతిశయోక్తి లేదు. బ్లాగును ఆదరిస్తున్న ప్రేక్షకులకు ధన్యవాదాలు.  మీరు చూపే ఆదరణే ఈ బ్లాగు పురోగవృద్దికి పునాది. ఈ బ్లాగులో వివిధ అంశాలు మన హిందూ ధర్మానికి చెందినవి, విద్య వైజ్ఞానికమైనవి, రోజు పోస్టు చేస్తుంటే వాటిని మీరు తిలకిస్తున్నారు. ఈ బ్లాగులో సాహిత్య, సాంస్కృతిక, హిందుత్వ ముఖ్యంగా ఆధ్యాత్మికమైన విషయాలకు విశేష స్థానాన్ని కల్పిస్తున్నాము. ఈ బ్లాగును ఇంతకంటే మెరుగుగా తీర్చి దిద్దాలని కోరుకుంటున్నాము. 

 

ఈ రోజుల్లో ఏ పని చేయాలన్న ధనంతో కూడుకున్నదని  మనకు తెలుసు " ధనమ్ములం మిదం జగత్" ఏ కొత్త గాడ్జెట్ కొనాలన్నా ఎంతో ఖరీదులో ఉంటున్నాయి. మారుతున్న ప్రపంచంతో పాటు మనం కూడా మారక పొతే ఆధునికతలో వెనక పడి ఉంటాము అన్నది అక్షర సత్యం. కాబట్టి ప్రేక్షకులను కోరేది ఏమిటంటే మీరు మీకు తోచినంత విరాళాన్ని ఇచ్చి ఈ బ్లాగు అభివృద్ధికి తోడ్పడగలరు. క్రింది మొబైలు నంబరుకు జీ పే, పెటియం, లేక ఫోనుపే చేయగలరు. మీరు పంపే విరాళాలను కృతజ్ఞతతో స్వీకరించి బ్లాగు అభివృద్ధికి వినియోగించ బడును. 

9848647145