Mantra - 30

 Mantra - 30 ARUNAM 4 anuvaakam

ఇప్పుడు మనం మూడవ అనువాకం పూర్తి చేసుకుని నాలుగవ అనువాకం లోకి ప్రవేశిస్తున్నాము.

ఈ మంత్రం కంటి ఆరోగ్యం మరియు ఇంద్రియాల ప్రసన్నత గురించి వివరిస్తుంది.

"అక్షిదుఃఖోత్థితస్యైవ |

విప్రసన్నే కనీనీకే। 

ఆంక్తే చాద్గణం నాస్తి| 

ఋభూణాం తన్నిబోధత॥”

“అక్షిదుఃఖోత్థితస్యైవ” - కంటి వ్యాధుల (ex. కళ్ల కలక) వల్ల గానీ, శారీరక క్లేశం వల్ల గానీ కలిగే 'అక్షిదుఃఖం' (కళ్ళ బాధ) నుండి విముక్తి పొందిన వాడికి

"విప్రసన్నే కనీనీకే” - కనుపాపలు (కనీనీకలు) అత్యంత నిర్మలంగా, ప్రకాశవంతంగా మారుతాయి.

“ఆంక్తే చాద్గణం నాస్తి” - కళ్ళకు అంజనం (దివ్యమైన కాటుక లేదా రక్షణ) ఉన్నప్పుడు, అక్కడ 'అద్గణం' (మలినం లేదా లోపం) ఏమీ ఉండదు. అంటే దృష్టి దోషాలు తొలగిపోతాయి.

“ఋభూణాం తన్నిబోధత” - జ్ఞానోదయం పొందిన ఋభువుల (జ్ఞానుల) స్థితి అలా ఉంటుందని తెలుసుకోండి. ఈ రహస్యాన్ని 'ఋభువుల' (దేవతా శిల్పులు లేదా దివ్యమైన మేధస్సు గల దేవతలు) ద్వారా తెలుసుకోండి.

కనీనీక (Pupil) - వేద మంత్రాలలో శరీరంలోని సూక్ష్మ భాగాల ప్రస్తావన రావడం విశేషం. కనుపాప ప్రసన్నంగా ఉండటం అనేది కేవలం చూపుకే కాదు, మనిషి యొక్క మానసిక ప్రశాంతతకు మరియు ఉత్సాహానికి కూడా సంకేతం.

ఋభువులు - వేదాలలో ఋభువులను నైపుణ్యం కలిగిన దేవతలుగా వర్ణిస్తారు. వారు ముసలివారిని యవ్వనవంతులుగా మార్చగలరని, ఇంద్రియాలకు కొత్త శక్తిని ఇవ్వగలరని ప్రతీతి. అందుకే వారిని స్మరించడం ద్వారా దృష్టి దోషాలు తొలగుతాయని ఈ మంత్రం చెబుతోంది.

అరుణప్రశ్నలోని ఈ భాగాన్ని చక్షుష్య మంత్రాలుగా పరిగణిస్తారు. పురుష సూక్తం ప్రకారం ‘చక్షోః సూర్యో అజాయత’, ఐతరేయోపనిషత్ ప్రకారం ‘ఆదిత్యశ్చక్షుర్భూత్వాక్షిణీ ప్రావిశత్’ మొదలైన ప్రమాణముల ద్వారా సూర్యుడు నేత్రం (కన్ను) కి అధిదేవత కాబట్టి, సూర్యారాధన ద్వారా కంటి చూపు మెరుగుపడుతుందని మరియు బుద్ధి వికాసం కలుగుతుందని మంత్ర భావం.

తత్వ విచారణలో..

అద్వైత వేదాంతం ప్రకారం, ఈ మంత్రం మన అంతర్గత దృష్టి (Inward Vision) ఎలా ఉండాలో వివరిస్తుంది:

అక్షిదుఃఖం - అజ్ఞానం (The Disease of Ignorance) - కంటికి జబ్బు చేసినప్పుడు వస్తువులు సరిగ్గా కనిపించవు, మసకగా ఉంటాయి లేదా అసలు కనిపించవు. అద్వైతంలో 'అజ్ఞానం' (Avidya) అనేది ఒక మానసిక నేత్ర వ్యాధి వంటిది. ఈ అజ్ఞానం వల్లనే మనం ఒకే ఆత్మను అనేక జీవులుగా, జగత్తుగా భ్రమపడుతున్నాం (రజ్జు-సర్ప భ్రమ వలె). ‘అక్షిదుఃఖోత్థితః’ అంటే - గురువు ఉపదేశం వల్ల, విచారణ వల్ల అజ్ఞానమనే వ్యాధి నుండి మేల్కొన్న సాధకుడు అని అర్థం.

‘విప్రసన్నే కనీనీకే - చిత్త శుద్ధి (Purification of Intellect) - జబ్బు నయమయ్యాక కన్ను ఎంత నిర్మలంగా (Clear) మారుతుందో, అజ్ఞానం తొలగాక బుద్ధి అంత ప్రసన్నంగా మారుతుంది. కంటి పాప (కనీనిక) ఎంత స్వచ్ఛంగా ఉంటే దృష్టి అంత స్పష్టంగా ఉంటుంది. అలాగే, మనస్సులోని రాగద్వేషాలనే మాలిన్యాలు తొలగిపోయినప్పుడు, అది ఆత్మ చైతన్యాన్ని యథాతథంగా ప్రతిబింబిస్తుంది. దీనినే 'అంతఃకరణ శుద్ధి' అంటారు.

అద్గణం నాస్తి - అద్వైత స్థితి (State of Non-Duality) - కన్ను ప్రసన్నమైనప్పుడు దృష్టిలో అస్పష్టత (అద్గణం) ఉండదు. అదేవిధంగా, జ్ఞాని దృష్టిలో 'భేదం' అనే మాలిన్యం ఉండదు. అక్కడ "నేను-నీవు", "మంచి-చెడు" అనే విభజనలు కనిపించవు. అంతా ఏకైక చైతన్యంగానే గోచరిస్తుంది.

మాయ పొరలు తొలగిపోయిన తర్వాత కనిపించే ఆ నిర్మలత్వమే బ్రహ్మానుభూతి.

జ్ఞానుల అనుభవం - 'ఋభువులు' అంటే అత్యున్నతమైన జ్ఞాన స్థితిని పొందిన వారు.

సూర్యుడు ప్రకాశిస్తున్నా కంటి జబ్బు ఉన్నవాడు చూడలేనట్లు, పరమాత్మ సర్వవ్యాపి అయి ఉన్నా అజ్ఞాని గుర్తించలేడు. కానీ, ఋభువుల వంటి జ్ఞానులు తమ ప్రసన్నమైన జ్ఞాననేత్రంతో ఆ సత్యాన్ని నిరంతరం దర్శిస్తుంటారు. ఆ స్థితిని పొందుమని ఈ మంత్రం మనల్ని ప్రోత్సహిస్తోంది.

మంత్ర సందేశం:

అజ్ఞానమనే పొర నీ కంటిని కప్పి ఉంచినంత కాలం నీకు సత్యం కనిపించదు. సాధన ద్వారా ఆ పొరను తొలగించుకున్నప్పుడు, నీ బుద్ధి నిర్మలమై (విప్రసన్నే), నీవు ఏకత్వాన్ని దర్శిస్తావు. అప్పుడు నీ దృష్టిలో ఎక్కడా దోషం (ద్వైతం) ఉండదు. అదే పరమ శాంతి.

05-05-2026 మంగళవారం రాశి ఫలితాలు

 శ్రీ గురుభ్యోనమః 🙏

05-05-2026 మంగళవారం రాశి ఫలితాలు

మేషం

సన్నిహితులతో వివాదాలు పరిష్కార దిశగా సాగుతాయి. బంధు మిత్రుల నుండి శుభకార్య ఆహ్వానం అందుకుంటారు. వ్యాపార వ్యవహారాలలో పురోగతి సాధిస్తారు. ఇంటా బయట మరింత ప్రోత్సాహకర వాతావరణం ఉంటుంది. ఆర్థిక పరిస్థితి గతం కంటే మెరుగవుతుంది. ఉద్యోగ వాతావరణం సంతృప్తికరంగా ఉంటుంది. 

---------------------------------------

వృషభం

కీలక నిర్ణయాలలో సన్నిహితుల సలహా తీసుకొని ముందుకు సాగడం మంచిది. చేపట్టిన పనుల్లో చికాకులు పెరుగుతాయి. సోదరుల నుంచి శుభకార్య ఆహ్వానాలు అందుకుంటారు. ఆర్థిక ఇబ్బందులు ఉన్నప్పటికీ అవసరానికి తగిన సహాయం లభిస్తుంది. వృత్తి, వ్యాపారాలలో సమస్యలు తెలివిగా పరిష్కరించుకుంటారు.

---------------------------------------

మిధునం

కుటుంబ సభ్యులతో స్వల్ప మాటపట్టింపులు ఉంటాయి. వృధా ఖర్చులు పెరుగుతాయి. వ్యాపార వ్యవహారాలలో సొంత ఆలోచనలు చేయడం మంచిది కాదు. ఇంటాబయట బాధ్యతలు చికాకు పరుస్తాయి. ఆధ్యాత్మిక చింతన పెరుగుతుంది. వ్యాపార, ఉద్యోగాలలో నిరుత్సాహకర వాతావరణం ఉంటుంది.

---------------------------------------

కర్కాటకం

కుటుంబ సమస్యలు మరింత నిరాశ కలిగిస్తాయి. వృత్తి వ్యాపారాలలో ఆలోచనలు స్థిరంగా సాగవు. ముఖ్యమైన పనులలో ప్రతిబంధకాలు తప్పవు. ఆర్థిక పరిస్థితి అంతంత మాత్రమే ఉంటుంది. ఉద్యోగ ప్రయత్నాలు మందగిస్తాయి. నూతన ప్రయత్నాలు అంతగా కలిసిరావు. 

---------------------------------------

సింహం

చిన్ననాటి మిత్రుల కలయిక ఆనందం కలిగిస్తుంది. సమాజంలో ప్రముఖుల నుండి అరుదైన ఆహ్వానాలు అందుకుంటారు. వ్యాపార, ఉద్యోగాలలో ఆశించిన పురోగతి లభిస్తుంది. ముఖ్యమైన వ్యవహారాలు సకాలంలో పూర్తి చేస్తారు. ఆర్థిక విషయాలు సంతృప్తినిస్తాయి. కుటుంబ సభ్యులతో దైవ సేవా కార్యక్రమాలలో పాల్గొంటారు.

---------------------------------------

కన్య

ఇతరులతో వివాదాలకు వెళ్లకపోవడం మంచిది. కుటుంబ సభ్యులతో ఆస్తి వివాదాలు కలుగుతాయి. ఆర్థిక పరిస్థితి మరింత నిరాశ కలిగిస్తుంది. చేపట్టిన పనులు శ్రమతో కొన్ని పూర్తవుతాయి. వ్యాపార, ఉద్యోగాలలో గందరగోళ పరిస్థితులు ఉంటాయి. కుటుంబ సభ్యులతో పుణ్యక్షేత్రాలు దర్శించుకుంటారు.

---------------------------------------

తుల

ముఖ్యమైన వ్యవహారాలు ఆశాజనకంగా సాగుతాయి. ఆర్థిక పరిస్థితి కొంత మెరుగ్గా ఉంటుంది. నూతన వాహన యోగం ఉన్నది. దూర ప్రయాణాలు లాభసాటిగా సాగుతాయి. సన్నిహితుల నుంచి వివాదాలపై కీలక సమాచారం అందుతుంది. ఉద్యోగ విషయంలో ఆలోచించి నిర్ణయాలు తీసుకోవాలి.

---------------------------------------

వృశ్చికం

ఇంటాబయట పని ఒత్తిడి అధికమై సమయానికి నిద్రాహారాలు ఉండవు. బంధువులతో ఊహించని విభేదాలు కలుగుతాయి. ఆర్థిక పరిస్థితులు కొంత మందగిస్తాయి. వృత్తి, వ్యాపారాలు ఇబ్బంది కలిగిస్తాయి. నిరుద్యోగులు అధిక శ్రమతో అల్ప ఫలితాలు పొందుతారు. 

---------------------------------------

ధనస్సు

ప్రముఖులతో పరిచయాలు పెరుగుతాయి. చేపట్టిన పనులు జాప్యం అయినప్పటికీ నిదానంగా పూర్తి చేస్తారు. దైవదర్శనాలు చేసుకుంటారు. సంతానం విద్యా విషయాలలో శుభవార్తలు అందుతాయి. ఆకస్మిక ప్రయాణ సూచనలు ఉన్నవి. వృత్తి, వ్యాపారాలలో ఆటంకాలు తొలగుతాయి. అధికారులతో చర్చలు ఫలిస్తాయి.

---------------------------------------

మకరం

నిరుద్యోగుల యత్నాలు ఓ కొలిక్కి వస్తాయి. సోదరుల నుండి అవసరానికి ధన సహాయం లభిస్తుంది. చిన్ననాటి మిత్రుల నుండి ఆహ్వానాలు అందుతాయి. నూతన కార్యక్రమాలకు శ్రీకారం చుడతారు. వ్యాపార, ఉద్యోగాలు సాఫీగా సాగుతాయి. విలువైన గృహోపకరణాలు కొనుగోలు చేస్తారు.

---------------------------------------

కుంభం

కుటుంబ బాధ్యతలు పెరుగుతాయి. ముఖ్యమైన వ్యవహారాలలో సొంత ఆలోచనలు చెయ్యటం మంచిది కాదు. చేపట్టిన పనులలో తొందరపాటు మంచిది కాదు. వ్యాపార, ఉద్యోగాలలో అధికారుల నుంచి ఒత్తిడి పెరిగి విశ్రాంతి ఉండదు. దైవ కార్యక్రమాలపై దృష్టి సారిస్తారు.

---------------------------------------

మీనం

కుటుంబ సభ్యులతో చిన్నపాటి వివాదాలు ఉంటాయి. ఆకస్మిక ప్రయాణాలు చేయవలసి వస్తుంది. ముఖ్యమైన వ్యవహారాలలో శ్రమాధిక్యత కలుగుతుంది. ఆర్థిక పరిస్థితి కొంత మందకొడిగా సాగుతుంది. ధన వ్యవహారాలలో మరింత అప్రమత్తంగా వ్యవహరించాలి. వృత్తి, వ్యాపారాలలో నిరుత్సాహకర వాతావరణం ఉంటుంది.

---------------------------------------

మంగళవారం,మే.5,2026

 శ్రీ గురుభ్యోనమః🙏🏻

మంగళవారం,మే.5,2026

శ్రీ పరాభవ నామ సంవత్సరం

ఉత్తరాయణం - వసంత ఋతువు

వైశాఖ మాసం - బహుళ పక్షం

తిథి:చవితి తె4.51 వరకు

వారం:మంగళవారం(భౌమవాసరే)

నక్షత్రం:జ్యేష్ఠ ఉ10.41 వరకు 

యోగం:శివం రా10.17 వరకు

కరణం:బవ మ3.50 వరకు

తదుపరి బాలువ తె4.51 వరకు

వర్జ్యం:రా7.33 - 9.19

దుర్ముహూర్తము:ఉ8.07 - 8.58

మరల రా10.48 - 11.33

అమృతకాలం:లేదు

రాహుకాలం:మ3.00 - 4.30

యమగండ/కేతుకాలం:ఉ9.00 - 10.30

సూర్యరాశి:మేషం

చంద్రరాశి:వృశ్చికం     

సూర్యోదయం: 5.38

సూర్యాస్తమయం:6.15

సంకష్టహర చతుర్థీ

సర్వేజనా సుఖినోభవంతు

శుభమస్తు

గోమాతను పూజించండి

గోమాతను సంరక్షించండి🙏🏻

పంచాంగము

 

మాగాయ ఆవకాయ మధ్య

 *మాగాయ ఆవకాయ మధ్య గల భేదము ఏమిటని అడిగారు*. ఇలా చెప్పా రు😌

మాగాయ:-

భార్యా బిడ్డలు భవబంధాలు అన్నీ త్యజించిన విరాగిలా లోపలి టెంకను, బయటి తొక్కనూ "తొక్కలే" అని వదిలించుకుని....

అరణ్యాలకో హిమాలయాలకో పోయిన సాధకుని లాగా ఆరుబయటకో డాబా మీదకో పోయి...

పంచాగ్నుల మధ్య తపస్సును చేసిన మునిలా సూర్యాగ్నిలో ఎండి... 

సిద్ధిని పొందిన ఋషిలా ముక్కలు ఎండి స్థిరత్వాన్ని పొందాక...

బయటకు నిర్లేపుడు, నిర్మోహుడులా కనిపించినా అంతరాంతరాలలో మాత్రం  

నరుల పట్ల కరుణను కలిగిన నవనీత హృదయుడైన అవధూతలా...

 బయటకు ఎండిపోయి రంగుమారి గట్టిగా ఒరుగై పోయినా లోపల మాత్రం మామిడికాయ రుచినంతా దాచుకుని... 

అరిషడ్వర్గాలతో అల్లాడుతున్న మానవుల ఉద్ధరణ కోసం తను వదిలిపెట్టిన సమాజంలోకి మళ్ళీ తానే ప్రవేశించిన యతిలా, తను విడిచి వెళ్లిన ఊటలోకి మళ్ళీ తానే దూకి,

మఠం పెట్టిన స్వామీజీ శిష్య గణాన్ని, భక్త జనులనూ కలుపుకున్నట్లు

ఉప్పూ కారం మెంతిపిండీ, ఆవపిండి తదితరాలను కలుపుకుని...

ఆ స్వామీజీ ప్రవచనాలు, మంత్రోపదేశాలూ, శక్తిపాతాలూ లాంటి విశేషాలతో విరాజిల్లినట్లుగానే...

నూనె, ఇంగువ, కరివేపాకు వంటి తిరగమోత విశేషాలతో తానూ గుబాళిస్తూ...

'మానవసేవే మాధవసేవ' అని మనుషుల్లో కలిసిన మహర్షి లాంటిది మాగాయ!

****

ఆవకాయ:-

"సాధన చేయటానికి ఆలుబిడ్డలను త్యజించక్కరలేదు, వారితో కలిసే సాధన మార్గంలో పయనిస్తా" అనుకునే వివాహితునిలా...తొక్క టెంకె ఏవీ త్యజించకుండా.. పైగా వాటినీ తనతో పాటు పచ్చడి మార్గంలో ప్రవేశపెట్టి,

"సిద్ధిని పొందటానికి ఎక్కడెక్కడికో పోనక్కర్లేదు" అనుకుని పూజా మందిరంలోనే ధ్యానం చేసుకునే గృహస్థులా...

ఇంట్లో నీడ పట్టునే ఉండి, ఉన్న బేసిన్లోనే ఉప్పూ కారం, నూనె, ఆవపిండి , మెంతిపిండి కలుపుకుని, 

బంధు మిత్ర పరివార గణాన్ని కలుపుకుపోతూ వారి సహకారం తాను అందుకుంటూ, వారికీ తన సద్గుణాలు నేర్పిస్తూ సన్మార్గంలో ముందుకు పోయే సద్వ్యక్తిలా... 

తనతోపాటు శనగలు, వెల్లుల్లి వంటి వాటినీ కలుపుకుని, వాటికి తన రుచినీ తనకు వాటి రుచినీ ఆపాదించుకుంటూ ...

"నేను నేనుగానే ఉండి, ఉన్నచోట నుండే సాధన చేసి మానవసేవా, మాధవసేవ రెండూ చేయగలను" అని....

చతుర్విధ పురుషార్థాలనూ గృహస్థాశ్రమం ద్వారానే సాధించి చూపించే సంసారి లాంటిది ఆవకాయ.

సౌజన్యం : అజ్ఞాతవాసి

మంగళవారం🍁* *🌹05, మే, 2026🌹* *దృగ్గణిత పంచాంగం*

  *卐ॐ ఓం శ్రీ 🌹గురుభ్యోనమః ॐ卐*      

     *🍁మంగళవారం🍁*

     *🌹05, మే, 2026🌹*  

     *దృగ్గణిత పంచాంగం* 

                  

      *సంకష్టహర చతుర్థి*   

   *చంద్రోదయం రా 09.43*

           *స్వస్తి శ్రీ పరాభవ* 

          *నామ సంవత్సరం* 

*ఉత్తరాయణం - వసంత ఋతౌః*

*వైశాఖమాసం - కృష్ణపక్షం* 

*తిథి : చవితి* పూర్తిగా రోజంతా *రాత్రితో సహా*

*వారం    : మంగళవారం* (భౌమవాసరే)

*నక్షత్రం  : జ్యేష్ఠ* మ 12.55 వరకు ఉపరి *మూల*

*యోగం : శివ* రా 12.17 వరకు ఉపరి *సిద్ధ*

*కరణం  : బవ* సా 06.37 *బాలువ* పూర్తిగా రాత్రంతా

*సాధారణ శుభ సమయాలు*

             *-ఈరోజు లేవు-*       

అమృత కాలం  : *ఈరోజు లేదు*

అభిజిత్ కాలం  : *ప 11.39 - 12.30*

*వర్జ్యం    : రా 09.54 - 11.42*

*దుర్ముహూర్తం  : ఉ 08.14 - 09.05 రా 10.57 - 11.42* 

*రాహు కాలం :మ 03.16- 04.52*

గుళికకాళం      : *మ 12.04 - 01.40*

యమగండం    : *ఉ 08.52 - 10.28*

సూర్యరాశి : *మేషం*                                

చంద్రరాశి : *వృశ్చికం/ధనస్సు*

సూర్యోదయం :*ఉ 05.48*  

సూర్యాస్తమయం :*సా 06.38*

*ప్రయాణశూల   : ఉత్తర దిక్కుకు పనికిరాదు*

*వైదిక విషయాలు:*

ప్రాతః కాలం     :*ఉ 05.41 - 08.14*

సంగవ కాలం        :*08.14 - 10.48*

మధ్యాహ్న కాలం    :*10.48 - 01.21*

అపరాహ్న కాలం  :*మ 01.21- 03.54*

*ఆబ్ధికం తిధి  :వైశాఖ బహుళ చవితి*

సాయంకాలం   :*సా 03.54- 06.28*

ప్రదోష కాలం     :*సా 06.28- 08.42*

రాత్రి కాలం        :*రా 08.42 - 11.42*

నిశీధి కాలం       :*రా 11.42- 12.26*

బ్రాహ్మీ ముహూర్తం :*తె 04.11 - 04.55*

¤¤¤¤¤¤¤¤¤¤¤¤¤¤¤¤¤¤¤¤

        *🌷ప్రతినిత్యం🌷*

        *_గోమాతను 🐄 పూజించండి_* 

        *_గోమాతను 🐄 సంరక్షించండి_*

    *🍁 హనుమకృత🍁*

*🍁సీతారామ స్తోత్రమ్🍁*

*సూర్య వంశ సముద్భూతమ్* 

*సోమ వంశ సముద్భవాం*

            🍁 *ఓం శ్రీ*🍁

🌹 *ఆంజనేయాయ నమః*🌹

🍁🪷🌹🛕🌹🌷🪷🌷🍁

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><>

         🌷 *సేకరణ*🌷

      🌹🌿🍁🍁🌿🌹

        *న్యాయపతి వేంకట*

       *లక్ష్మీ నరసింహా రావు*

      🌷🍃🍁🍁🍃🌷

 🌹🌷🍁🍁🍁🍁🌷🌹

శతమానం భవతి

 🌹🌷🪷🙌🛕🙌🪷🌷🌹

     *శతమానం భవతి✋*               

```

శుభకార్యాలలో మరియు ఆశీర్వచన సమయాలలో పఠించే ఆశీర్వాద మంత్రం

```

   *శతమానం భవతి మంత్రం*```

“శతమానం భవతి శతాయుః పురుషశ్శతేంద్రియ ఆయుష్యేవేంద్రియే ప్రతితిష్ఠతి|”```

ఈ మంత్రం ఒక వ్యక్తి, సమూహం సంపూర్ణమైన, ఆరోగ్యకరమైన జీవితాన్ని గడపాలని కోరుకుంటూ చేసే ప్రార్థన. 

“శతమానం భవతి” - ‘నీవు వంద సంవత్సరాల కాలం జీవించు గాక!’ (శతము అంటే వంద).

 “శతాయుః పురుషః” - ‘వందేళ్ల ఆయుష్షు కలిగి ఉండు గాక!’

 

“శతేంద్రియ” - ‘వంద జ్ఞానేంద్రియ శక్తులు, వ్యాపారములు (చూపు, వినికిడి, శారీరక బలం … మొదలైనవి) కలిగి ఉండు గాక!’

“ఆయుష్యేవేంద్రియే ప్రతితిష్ఠతి” -  ‘ఇటువంటి సుదీర్ఘమైన ఆయుష్షు మరియు ఇంద్రియ శక్తిని పొంది, జీవితంలో సుస్థిరంగా నిలదొక్కుకో!’ అని భావం.

పుట్టినరోజులు, పెళ్లిళ్లు మరియు ఉపనయనాల సమయంలో పెద్దలు ఈ మంత్రాన్ని పఠిస్తూ అక్షింతలు వేసి దీవిస్తారు. కేవలం వందేళ్లు బ్రతకడమే కాకుండా, కళ్లు, చెవులు వంటి ఇంద్రియాలన్నీ వృద్ధాప్యంలో కూడా సరిగ్గా పనిచేయాలనేది ఈ మంత్రం వెనుక ఉన్న గొప్ప ఉద్దేశ్యం. ‘వందేళ్ల సంపూర్ణ ఆరోగ్యవంతమైన జీవితం’ అందరికీ లభించాలని కోరుకునే అత్యంత శక్తివంతమైన వైదిక మంత్రం ఇది.

అయితే..

నూరు సంవత్సరాలు ఇంద్రియ పటుత్వం తో  ఉండడమంటే దేహాభిమానమును ప్రోత్సహించటమా?  ఇట్టి దేహాభిమానమును వేదం ఎందుకు చెపుతుంది? జ్యోతిశ్శాస్త్రం 120 సంవత్సరాలు ఆయుష్షు చెపుతుంది కదా! జపనీయులు మరియు అనేకులు 100, 120 సంవత్సరాలు పైగా జీవిస్తున్నారు కదా! అంటే వేద ప్రమాణమును ఏ విధంగా అర్ధం చేసుకోవాలి అన్న ప్రశ్న వస్తుంది.

దీనికి అద్వైత విచారణ సమాధానం చూపిస్తుంది. అద్వైత వేదాంత దృక్పథంలో (Non-dualism) ఏ మంత్రాన్నైనా కేవలం లౌకికమైన ఆయుష్షు లేదా ఆరోగ్యానికి పరిమితం చేయకుండా, ఆత్మ తత్వంతో ముడిపెట్టి చూస్తారు. 

శతమానం (వంద సంఖ్య - పూర్ణత్వం) - అద్వైతంలో 'వంద' అనేది కేవలం ఒక అంకె మాత్రమే కాదు, అది పూర్ణత్వానికి (Completeness) చిహ్నం. ‘శతమనంతం భవతి’ అన్నట్లు శతం అంటే అనంత వాచకం. పరి పూర్ణ వాచకం. 

“ఓం పూర్ణమదః పూర్ణమిదమ్” అన్నట్లుగా, జీవుడు తనను తాను పరిమితమైన దేహంగా కాకుండా, అనంతమైన, పూర్ణమైన బ్రహ్మముగా గుర్తించడమే అసలైన 'శతమానం'.

“శతాయుః” (నిత్యత్వం) - సాధారణంగా ఆయుష్షు అంటే పుట్టుకకు, మరణానికి మధ్య ఉండే కాలం. కానీ అద్వైత పరిభాషలో ఆత్మకు చావు పుట్టుకలు లేవు. అది 'కాలాతీతం'.  కాలానికి కట్టుబడని నిత్యమైన ఆత్మ స్థితిని పొందడం. అంటే, దేహం నశించినా నేను (ఆత్మ) శాశ్వతమైనవాడిని అనే ఎరుకతో ఉండటమే నిజమైన దీర్ఘాయుష్షు.

“శతేంద్రియః” (ఇంద్రియాల ఉపసంహరణ) - మంత్రంలో 'వంద ఇంద్రియాలు' అని ఉన్నప్పటికీ, అద్వైత సాధనలో ఇంద్రియాలను బయటి ప్రపంచం వైపు బహిర్ముఖం కాకుండా అంతర్ముఖం చేయడం ముఖ్యం. బాహ్య ప్రపంచంలోని శబ్ద, స్పర్శ, రూప, రస, గంధాల పట్ల వ్యామోహం వీడి, అన్ని ఇంద్రియ శక్తులను ఏకం చేసి 'సాక్షి చైతన్యం' (Witness Consciousness) లో నిలపడమే ఇంద్రియ జయం.

“ప్రతితిష్ఠతి” (స్థితప్రజ్ఞత) - మంత్రం చివరలో 'ప్రతితిష్ఠతి' అంటే 'ప్రతిష్ఠితం కావడం' లేదా 'స్థిరపడటం' అని అర్థం. స్థితప్రజ్ఞతను సూచిస్తుంది. మాయా ప్రపంచంలోని హెచ్చుతగ్గులకు లోనుకాకుండా, “అహమ్ బ్రహ్మాస్మి” (నేనే బ్రహ్మమును) అనే నిశ్చలమైన జ్ఞానంలో స్థిరపడటమే ఈ మంత్రం యొక్క పరమార్థం.

ఈ మంత్రం ఒక వ్యక్తిని “నీవు పరిమితమైన జీవివి కాదు, నీవు అనంతుడవు" అని గుర్తుచేసే *మహావాక్య సదృశ్యం*

లౌకిక అర్థంలో ఈ మంత్రం వందేళ్ల ఆరోగ్యకరమైన జీవితాన్ని కోరుకుంటే, అద్వైత అర్థంలో ఇది‘జీవన్ముక్తి’ని కోరుకుంటుంది. నేను కేవలం ఈ శరీరాన్ని కాదు, సర్వవ్యాప్తమైన చైతన్యాన్ని అని తెలుసుకోవడమే ఈ మంత్రం ఇచ్చే అద్వైత ఆశీర్వచనం.```

         *🌷సేకరణ🌷*

      🌹🌷🙌🙌🌷🌹

        *న్యాయపతి వేంకట*

       *లక్ష్మీ నరసింహా రావు*

🙏🕉️🙏🕉️🙏🕉️🙏🕉️🙏

పౌష్టికాహారం

 పౌష్టికాహారం తీసుకునే వారి లక్షణాలు -

• శరీర నిర్మాణము -అంగసౌష్టవమగు శరీరము .

• బరువు -ఎత్తుకు తగిన బరువు .

• కండరాలు -పుష్టిగా , గట్టిగా ఉండటం.

• చర్మము -చక్కగా , కొద్ది తేమను కలిగి ఉండటం .

• వెంట్రుకలు -మృదువుగా నిగనిగలాడుతూ ఉండటం.

• కళ్లు -తేజోవంతమైన కళ్లు , కళ్ళ కింద చారలు లేకుండా ఉండటం .

• మనిషితీరు -ఛాతి ముందుకు , చదునైన భుజాలు , పొట్ట లోపలికి లాగినట్లు ఉండే సరియగు తీరు .

• నిద్ర -కలతలు లేని సుఖనిద్ర.

• జీర్ణశక్తి -జీర్ణశక్తి బాగా ఉండి , సునాయాసంగా మలవిసర్జన చేయుట .

• ఆకలి -వేళకు సరియగు ఆకలి.

. పైకి కనిపించే తీరు -చలాకీగా , ఉల్లాసముగా , అలసట లేకుండా ఉండటం . పైన చెప్పిన లక్షణాలు ఏ కొన్ని లేకుండినను మనం మన శరీరానికి అవసరం అయిన పౌష్టిక ఆహారం తీసుకోవడం లేదనే విషయాన్ని గుర్తుంచుకొని మన ఆహారంలో మార్పులు చేసుకోవాలి .   

ఆయుర్వేదములోని ఎన్నొ రహస్య మూలికల అనుభవ యోగాల గురించి నా గ్రంథాల యందు సంపూర్ణముగా , అందరికి అర్థమయ్యే సులభ భాషలో వివరించాను . వాటిని చదివి మరింత విజ్ఞానాన్ని పొందగలరు .

 

శరణాగతికి మార్గం

 🌹════❀🌻🌿❀══🌻══❀🌿🌻❀════🌹

*శరణాగతికి మార్గం - శ్రీ చంద్రమౌళీశ్వర స్తవము (శివ రహస్యము)*

     *శివ రహస్య గ్రంథంలోని "శ్రీ చంద్రమౌళీశ్వర స్తవము" అత్యంత శక్తివంతమైన స్తుతి. సాక్షాత్తు శివగణాలే పరమేశ్వరుని కీర్తిస్తూ చేసిన గానం ఇది. ఇందులో కేవలం శివుని రూపాన్నే కాకుండా, ఆయన ఈ సృష్టిలో 'తిలేషు తైలం' (నువ్వులలో నూనె) వలె ఎలా వ్యాపించి ఉన్నారో అద్భుతంగా వర్ణించారు.*

     *మనలోని అజ్ఞానాన్ని తొలగించి, సచ్చిదానంద స్థితిని పొందడానికి, ఆ చంద్రమౌళీశ్వరుని శరణు కోరడమే మార్గమని ఈ స్తోత్రం తెలియజేస్తుంది. కైలాసవాసుని కృప మనందరిపై ఉండుగాక!*

🌷 *శ్రీ చంద్రమౌళీశ్వర స్తవః* 🌷

 *యస్మిన్ జగత్సర్వమిదం విభాతి యశ్చాప్యనన్యః సకలప్రపంచాత్ తిలేషు తైలోపమమాస్థితం త్వాం శ్రీచంద్రమౌళీశ్వరమాశ్రయామః  1 *

ఎవరి యందైతే ఈ సమస్త జగత్తు ప్రకాశిస్తోందో, ఎవరు ఈ సకల ప్రపంచము కంటే వేరు కాకుండా ఉన్నారో (అనగా జగత్తు అంతా ఆయన స్వరూపమే అయి ఉన్నదో), నువ్వుల గింజలలో నూనె ఏవిధంగా అంతర్లీనంగా ఉంటుందో, అదే విధంగా సృష్టి అణువణువునా నిండి ఉన్న శ్రీ చంద్రమౌళీశ్వరుని మేము ఆశ్రయిస్తున్నాము.

 *అణోరణీయాన్ మహతో మహీయాన్ ఆత్మా గుహాయాం నిహితోస్య జంతోః త్వం సర్వభూతస్థితమాత్మరూపం శ్రీచంద్రమౌళీశ్వరమాశ్రయామః  2 * 

అణువు కంటే చిన్నవానిగా (సూక్ష్మంగా), మహత్తు కంటే గొప్పవానిగా (విరాట్ స్వరూపునిగా) ఉంటూ, సమస్త జీవరాశుల హృదయ గుహలో ఆత్మగా నిలిచి ఉన్నావో, సర్వభూతాలలో ఆత్మరూపంగా వెలుగొందుతున్నావో, అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *యః సర్వసాక్షి తమసః పరస్తాత్ విభాతి సర్వం కిల యస్య భాసా త్వామాగమాంతైరపి దుర్నిరూపం శ్రీచంద్రమౌళీశ్వరమాశ్రయామః  3 * 

ఎవరు సమస్తానికి సాక్షిగా ఉన్నారో, ఎవరు అజ్ఞానానికి (చీకటికి) ఆవల ఉన్నారో, ఎవరి ప్రకాశం చేతనే ఈ జగత్తంతా ప్రకాశిస్తోందో, ఉపనిషత్తుల చేత కూడా నిర్వచించడానికి సాధ్యం కాని అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *పుమానవిజ్ఞాయ శివం కదాచిత్ దుఃఖస్య నాంతం సముపైతి ధీరః త్వాం సచ్చిదానందమయం ప్రశాంతం శ్రీచంద్రమౌళీశ్వరమాశ్రయామః  4 * 

మంగళకరుడైన శివుని తెలుసుకోకుండా మానవుడు (ఎంత ధీరుడైనప్పటికీ) తన దుఃఖానికి అంతం చూడలేడు. సత్ (ఉనికి), చిత్ (జ్ఞానం), ఆనంద (సంతోషం) స్వరూపుడు, పరమ శాంతమూర్తి అయిన అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *అజం పురాణం పురుషం మహాంతం అనశ్వరం వాఙ్మనసాతిదూరమ్ జ్ఞానాత్మనాం హృద్యవభాసమానం శ్రీచంద్రమౌళీశ్వరమాశ్రయామః  5 * 

పుట్టుక లేనివాడు, సనాతనుడు, మహాపురుషుడు, నాశనం లేనివాడు, వాక్కుకు మరియు మనసుకు అందనివాడు, జ్ఞానుల హృదయాలలో నిరంతరం ప్రకాశించేవాడు అయిన అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *వదంత్యమీ యత్పదమేవ వేదా జ్ఞాతే తు యాస్మిన్ సకలం విబుద్ధమ్ త్వాం ప్రత్యగాత్మనమచింత్యశక్తిం శ్రీచంద్రమౌళీశ్వరమాశ్రయామః  6 * 

వేదాలు ఎవరి స్థానాన్ని కీర్తిస్తాయో, ఎవరిని తెలుసుకుంటే ఈ సమస్తం తెలుసుకున్నట్లవుతుందో, ప్రత్యగాత్మ (అంతరాత్మ) స్వరూపుడు, ఊహించలేనంతటి శక్తి గలవాడు అయిన అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *యం నిర్వికల్పేన సమాధినైవ తపస్వినశ్చేతసి వీతరాగాః ధ్యాయంతి తేజోమయమద్భుతం త్వాం శ్రీచంద్రమౌళీశ్వరమాశ్రయామః  7 * 

రాగద్వేషాలు విడిచిన తపస్వినులు తమ చిత్తంలో నిర్వికల్ప సమాధి స్థితిలో ఎవరిని ధ్యానిస్తారో, తేజోమయమైన, అద్భుతమైన స్వరూపం గల అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *త్రిలోచనం చంద్రకలావతంసం గంగాతరంగోల్లసదుత్తమాంగమ్ స్మేరాస్యమిష్టప్రదమష్టమూర్తిం శ్రీచంద్రమౌళీశ్వరమాశ్రయామః  8 * 

మూడు కన్నులు గలవాడు, చంద్రవంకను శిరోభూషణంగా ధరించినవాడు, గంగా తరంగాలతో ప్రకాశించే శిరస్సు గలవాడు, చిరునవ్వు చిందించే ముఖం గలవాడు, భక్తులు కోరిన వరాలిచ్చేవాడు, అష్టమూర్తి స్వరూపుడైన అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *అపారసచ్చిత్సుఖరాశిమేకం అనాదిమధ్యాంతమనంతరూపమ్ త్రిలోచనం నీలగలం ప్రశాంతం శ్రీచంద్రమౌళీశ్వరమాశ్రయామః  9 * 

అంతులేని సచ్చిదానంద సుఖరాశి (ఆనంద సముద్రం), ఏకైకడు, ఆది-మధ్య-అంతము లేనివాడు, అనంత రూపాలు గలవాడు, మూడు కన్నులు గలవాడు, నీలకంఠుడు, శాంతస్వరూపుడైన అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *కైలాసశైలేంద్రశిరస్తటేషు నగేంద్రపుత్ర్యా సహ సంవసంతమ్ విభూతిరుద్రాక్షవిభూషితాంగం శ్రీచంద్రమౌళీశ్వరమాశ్రయామః  10 * 

కైలాస పర్వత శిఖరంపై పర్వతరాజ పుత్రిక అయిన పార్వతీ దేవి సమేతంగా నివసించేవాడు, విభూతి మరియు రుద్రాక్షలతో అలంకరింపబడిన దివ్యమైన శరీరం గలవాడు అయిన అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

 *పశ్యంతి యన్న శ్రుతయః శిరస్థం శిరఃస్థితం వస్త్వివ సర్వలోకాః త్వామాత్మభూతం జగతాం త్రయాణాం శ్రీచంద్రమౌళీశ్వరమాశ్రయామః  11 *

తలపై ఉన్న వస్తువును మనిషి ఎలాగైతే చూడలేకపోతాడో (అది తనతోనే ఉన్నా గుర్తించలేడో), అలాగే వేదాలు సైతం ఎవరిని పూర్తిగా దర్శించలేకపోతున్నాయో, మూడు లోకాలకు ఆత్మస్వరూపుడై ఉన్న అట్టి శ్రీ చంద్రమౌళీశ్వరుని మేము ఆశ్రయిస్తున్నాము.

*ఇతి శివరహస్యాంతర్గతే గణైః కృత శ్రీ చంద్రమౌళీశ్వర స్తుతిః ||*

*ఈ విధంగా "శివ రహస్యం" అనే గ్రంథం అంతర్గతంలో ఉన్న, శివగణాలచే రచింపబడిన (గానం చేయబడిన) "శ్రీ చంద్రమౌళీశ్వర స్తుతి" సమాప్తమైనది.*

🙏🙏🙏🙏🙏🙏🙏🙏🙏🙏

మార్జాల కిశోర న్యాయం:*

   *మార్జాల కిశోర న్యాయం:* 

 మార్జాలం అంటే పిల్లి.కిశోరం అంటే పిల్ల.పిల్లి తన పిల్లల్ని తనే రక్షించు కొంటుంది. పిల్లి కనిన తరువాత ఆపిల్లల్ని నోటితో పట్టుకొని వేరు వేరు ప్రదేశాలలో ఉంచుతూ అవి పెద్ద అయ్యేదాకా కాపాడుతూ ఉంటుంది.అలాగే మనం ముందుగ భగవంతుని ఆశ్రయించి ఉంటే  ఆస్వామి ఎందరినో కాపాడినట్లు “మార్జాల కిశోర న్యాయంలా”భక్తులను కాపాడుతాడు అని ఈన్యాయం తెల్పుతుంది .

 *మర్కట కిశోర న్యాయం:*  

కోతి పిల్ల తల్లి పొట్టని పట్టుకొనే ఉంటుంది .తల్లి కోతి,చెట్ల మించి ఎగిరి దూకేటప్పుడు పిల్ల కోతి తన రక్షణ తనే చూసుకొంటూ ఉంటుంది.అని తెల్పేదే “మర్కట కిశోర న్యాయం”  సదా ఆ స్వామినే పిల్లకోతి తల్లిని పట్టుకొని ఉన్నట్లు మనం ఆశ్రయించి ఉండాలి అనితెల్పేదే “మర్కట కిశోరన్యాయం.

 *భ్రమర కీటక న్యాయం* 

దీన్ని  గురించి క్లుప్తంగా.... భ్రమరం (తుమ్మెద) కీటకాన్ని (ఒక రకమైన పురుగు) తనతో తెచ్చుకొని  దానిచుట్టూ ఝుంకారం చేసుకుంటూ పదే పదే తిరుగుతుంది.అలా తిరిగేటప్పుడు మొదట భయంగా,తర్వాత ఏకాగ్రతగా,అటుపై తనను తానే  పూర్తిగా మరచిపోతుంది కీటకం.ఆ మైమరపులో కొద్దిరోజుల తర్వాత తానే భ్రమరంగా మారిపోతుంది కీటకం. ఇదే భ్రమర కీటకన్యాయం!అదే భావనతో భక్తుడు కూడా భగవంతుని మైమరచి తలుస్తే ,భక్తుడు సగుణరూపంలో ఉన్న భగవంతుడు అవుతాడని వేదాంతం తెలుపుచున్నది.

సోమవారం,మే.4,2026

  🕉️ శ్రీ గురుభ్యోనమః🙏🏻సోమవారం,మే.4,2026

శ్రీ పరాభవ నామ సంవత్సరం

ఉత్తరాయణం - వసంత ఋతువు

వైశాఖ మాసం - బహుళ పక్షం

తిథి:తదియ రా2.50 వరకు

వారం:సోమవారం(ఇందువాసరే)

నక్షత్రం:అనూరాధ ఉ8.04 వరకు 

యోగం:పరిఘము రా9.40 వరకు

కరణం:వణిజ మ1.50 వరకు తదుపరి భద్ర రా2.50 వరకు

వర్జ్యం:మ2.16 - 4.03

దుర్ముహూర్తము:మ12.21 - 1.12

మరల మ2.53 - 3.44

అమృతకాలం:రా12.55 - 2.42

రాహుకాలం:ఉ7.30 - 9.00

యమగండ/కేతుకాలం:ఉ10.30 -12.00

సూర్యరాశి:మేషం

చంద్రరాశి:వృశ్చికం     

సూర్యోదయం:5.38

సూర్యాస్తమయం:6.15

డొల్లు కర్తరి ప్రారంభం

సర్వేజనా సుఖినోభవంతు

శుభమస్తు

గోమాతను పూజించండి

గోమాతను సంరక్షించండి🙏🏻

.

వేద ఆశీర్వచనం

  *నమస్తే సదా వత్సలే మాతృ భూమే*

*కలియుగాబ్ది 5126*

*శ్రీ శాలివాహన శకం 1948 స్వస్తి శ్రీ చాంద్రమాన పరాభవ నామ సంవత్సరం ఉత్తరాయణము - వసంత ఋతువు - వైశాఖ మాసం - కృష్ణ పక్షం - తృతీయ అనూరాధ -‌‌ ఇందు వాసరే* (04.05.2026)

ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, ఈ 9440091234)* గారి నేటి వేద ఆశీర్వచనం

 

.🙏🙏 

భవదీయుడు

దశిక ప్రభాకరశాస్త్రి 

9849795167

---------------------------------------------

*పిల్లలకి బతుకుతో పాటు భారతీయత కూడా నేర్పండి*

వానప్రస్థ ధర్మం అంటే ఏమిటి

*వానప్రస్థ ధర్మం అంటే ఏమిటి?*

(Life of Retirement)

గతంలో పెద్దలు కుటుంబానికి మార్గదర్శకులు, సంస్కారాలకు ప్రతీకలు, అనుభవానికి నిలయాలుగా ఉండేవారు. కానీ నేటి పరిస్థితి అందుకు భిన్నంగా కనిపిస్తోంది. నా బాధ్యతలు నేను నిర్వహించాను. ఇక ఎవరి కుటుంబాల వారివి. నా శేష జీవితాన్ని నాకు అనుకూలంగా, ఎవరికీ అడ్డం లేకుండా నా అభిరుచులకు అనుగుణంగా జీవిస్తాను అన్న దృక్పథం ఎక్కువగా కనిపిస్తోంది. ఇది ఆధునిక కాలంలో వానప్రస్థంగా భావించబడుతున్నప్పటికీ, శాస్త్రాలు చెప్పిన వానప్రస్థ ధర్మం ఇదికాదు. ఇది ఆధునిక కాలం తనకు అనుకూలంగా నిర్వచించుకున్న వానప్రస్థం. బాధ్యతారాహిత్యానికి వేసుకున్న ఒక చక్కని ముసుగు.

 మన ధర్మశాస్త్రాలు నిర్వచించిన చతుర్వర్ణ ఆశ్రమాల్లో వానప్రస్థం ఒకటి. భౌతిక ఆసక్తుల (ధనం, కుటుంబం) నుంచి విముక్తి‌. అంటే ఎవరు గదిలో వారు కూర్చొని "కృష్ణా రామా" అనుకోవడం కాదు. శాస్త్రాలు అంతవరకే నిర్వచించలేదు, సమాజానికి మార్గదర్శకత్వం వహించడం, తదుపరి తరానికి విలువలను అందించడం, అనుభవాన్ని పంచుకోవడం అనే పవిత్ర కర్తవ్యం వానప్రస్థం. అంటే సమాజం పట్ల పెరిగిన మరింత బాధ్యత. అది సమాజంలో ఆధ్యాత్మిక మరియు సంస్కార చైతన్యం తీసుకురావడానికి ప్రయత్నించే బాధ్యత. మన పరిధిలో కూర్చుని ఉండటం కంటే, మనం సమాజానికి అందించిన రేపటి తరాన్ని (పిల్లలు, యువత) సరైన సంస్కార మార్గంలో పెట్టడానికి ప్రయత్నించాలి. సనాతన ధర్మం ప్రకారం, కుటుంబంలో పెద్దవారు (వృద్ధులు) కుటుంబానికి, సమాజానికి ఎలా ఉపయోగపడాలో ఆలోచించాలి. ఒక్క మాటలో చెప్పాలంటే *లోకాన్ని వదిలేయడం కాదు, లోకానికి మార్గం చూపడం వానప్రస్థం.*

Mantra - 29

 Mantra - 29 ARUNAM 3 anuvaakam

కాలచక్రంతో లేదా ప్రకృతి నియమాలతో పొత్తు కుదరని ప్రాణులు క్రమంగా క్షీణిస్తాయని నిన్నటి మంత్రం చెపితే ఈ రోజు అవే జీవనాధారం అవుతున్నాయి అని అరుణం చెపుతోంది.

"యాః ప్రతితిష్ఠన్తి|

సంవథ్సరే తాః ప్రతితిష్ఠన్తి। 

వర్షాభ్య ఇత్యర్థః||”

“యాః ప్రతితిష్ఠన్తి” - ఏ ప్రజా సమూహాలు లేదా జీవరాశులు అయితే ఈ భూమిపై సుస్థిరంగా నిలదొక్కుకుంటాయో,

"సంవథ్సరే తాః ప్రతితిష్ఠన్తి” - అవి ఆ 'సంవత్సర' స్వరూపమైన కాలంలోనే ప్రతిష్ఠితమై ఉన్నాయి. అంటే కాలక్రమం తప్పకుండా జరిగే ప్రకృతి మార్పులకు లోబడి ఉండటమే వాటి మనుగడకు రహస్యం.

“వర్షాభ్య ఇత్యర్థః” - ఇక్కడ 'సంవత్సరం' అంటే ‘వర్షం’ అని అర్థం. అంటే వర్షం వల్లే సర్వ ప్రాణులు ప్రతిష్ఠను (సుస్థిరతను) పొందుతున్నాయి. వేద పరిభాషలో ‘సంవత్సరము’ అనే పదానికి, ‘వర్షము’ (Rain/Monsoon) అనే పదానికి విడదీయలేని సంబంధం ఉంది. 'వర్షం' అనే మాటకు ఒక ఏడాది అని కూడా అర్థం (ఉదాహరణకు: 60 ఏళ్ళను 60 వర్షాలు అంటాం). వర్షం కురిస్తేనే ఆహారం, ఆహారం ఉంటేనే ప్రాణికి ఉనికి. అందుకే "వర్షాభ్య ఇత్యర్థః" అని స్పష్టం చేయబడింది.

అరుణప్రశ్నలోని ఈ భాగాలు సూర్యుడు ఏ విధంగా నీటిని ఆవిరిగా మార్చి, తిరిగి వర్షంగా కురిపించి, ఈ లోకంలోని జీవులన్నింటికీ "ప్రతిష్ఠ" (స్థిరత్వం) కల్పిస్తున్నాడో వివరిస్తాయి. సూర్యుడు తన కిరణాల ద్వారా (చక్షుషీ) లోకాన్ని రంజింపజేస్తూ, కాలచక్రం ద్వారా ప్రాణుల పెరుగుదలకు, స్థితికి కారకుడవుతున్నాడు. ఆ కాలచక్రమే వర్ష రూపంలో మనకు జీవనాధారాన్ని ఇస్తోంది.

తత్వాన్ని విచారిస్తే…

అద్వైత దృష్టిలో ఈ మంత్రం ఇచ్చే అంతరార్థం ఏమిటంటే - సంవత్సరమే బ్రహ్మ (Time as Brahman). ఉపనిషత్తులు "అన్నం బ్రహ్మేతి వ్యజానాత్" (అన్నమే బ్రహ్మమని తెలుసుకో) అని చెప్పినట్లుగా, ఇక్కడ కాలాన్ని లేదా సంవత్సరాన్ని బ్రహ్మగా ఉపాసించమని చెబుతున్నాయి.

లోకంలో ప్రతి వస్తువుకు ఒక ఆధారం ఉండాలి. తరంగాలకు సముద్రం, నగలకు బంగారం ఎలా ఆధారమో, ఈ చరాచర జగత్తుకు కాలము (సంవత్సరము) ఆధారము.

అద్వైత పరంగా, కాలాతీతమైన బ్రహ్మమే మనకు కాల స్వరూపంగా కనిపిస్తోంది. మనం దేనినైతే 'ఉనికి' (Existence) అని పిలుస్తున్నామో, అది ఆ పరమాత్మ యొక్క ప్రతిష్ఠయే.

ప్రతిష్ఠా తత్వం (The Foundation of Being) - 

‘ప్రతితిష్ఠన్తి’ అంటే నిలబడటం. ఏ వస్తువూ శూన్యంలో నిలబడదు. ఈ ప్రాణులన్నీ కాలము అనే చైతన్య ప్రవాహంలోనే పుట్టి, పెరిగి, నిలబడుతున్నాయి.

అద్వైత సాధకులు ఇక్కడ గమనించవలసింది ఏమిటంటే - కనిపించే ప్రాణులు (దృశ్యం) మారుతూ ఉండవచ్చు, కానీ అవి దేని మీద నిలబడ్డాయో ఆ 'సంవత్సరము' లేదా 'కాలము' (అధిష్ఠానం) సత్యమైనది. ‘సర్వం బ్రహ్మమయం’ అన్నట్లు, ప్రతి వస్తువులోనూ ఉన్న 'ఉనికి' ఆ పరమాత్మదే.

వర్షాల వల్ల ఇవన్నీ నిలబడుతున్నాయి అని చెప్పడంలో ఒక భౌతికమైన మరియు ఆధ్యాత్మికమైన అర్థం ఉంది. భౌతికంగా - వర్షం వల్ల అన్నం, అన్నం వల్ల జీవుల ఉనికి సాధ్యం. ఆధ్యాత్మికంగా - వర్షం అనేది పరమాత్మ యొక్క అనుగ్రహానికి (Grace) సంకేతం. బ్రహ్మ కేవలం సృష్టికర్త మాత్రమే కాదు, అది సర్వవ్యాపకమై ఉండి ప్రతి ప్రాణిని పోషిస్తోంది. ఆ పోషణ (Sustenance) లేనిదే ఏదీ నిలబడదు. వర్షాభ్యః అంటే అనుగ్రహ శక్తి (The Grace of Sustenance).

అభేదత్వం (Non-duality) - ప్రాణులు వేరు, సంవత్సరం వేరు కాదు. సంవత్సరం లోపలే ప్రాణులు ఉన్నాయి. అలాగే బ్రహ్మ కంటే వేరుగా ఈ జగత్తుకు ఉనికి లేదు. ఒక కుండ మట్టిలో ఎలా ప్రతిష్ఠితమై ఉంటుందో (మట్టి లేనిదే కుండ లేదు), అలాగే ఆత్మ చైతన్యం లేనిదే ఏ ప్రాణీ ప్రతిష్ఠితం కాలేదు.

ఈ విశ్వంలో మనకు కనిపించే స్థిరత్వం (ప్రతిష్ఠ) అంతా ఆ పరమాత్మ స్వరూపమైన కాలచక్రం మీదనే ఆధారపడి ఉంది. వర్షం ఎలాగైతే ప్రాణకోటికి ఆధారమో, ఆ పరమాత్మ చైతన్యమే నీ ఉనికికి ఆధారం. ఆ మూలాన్ని (సంవత్సరాన్ని/బ్రహ్మాన్ని) గుర్తించినవారు అచంచలమైన శాంతిని పొందుతారు.

సోమవారం*🕉️ *🌹04, మే, 2026🌹* *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐*   

    🕉️ *సోమవారం*🕉️

   *🌹04, మే, 2026🌹*  

   *దృగ్గణిత పంచాంగం* 

                 

           *స్వస్తి శ్రీ పరాభవ* 

          *నామ సంవత్సరం* 

*ఉత్తరాయణం - వసంత ఋతౌః*

*వైశాఖమాసం - కృష్ణపక్షం* 

*తిథి       : తదియ* పూర్తిగా రోజంతా *రేపు తె 05.24 వరకు*

*వారం    :సోమవారం* (ఇందువాసరే)

*నక్షత్రం   : అనూరాధ* ఉ 09.58 వరకు ఉపరి *జ్యేష్ఠ*

*యోగం  : పరిఘ* రా 11.20 వరకు ఉపరి *శివ*

*కరణం   : వణజి* సా 04.12 *భద్ర* రా.తె 05.24 ఉపరి *బవ*

*సాధారణ శుభ సమయాలు:*

*ఉ 06.00 - 07.00 & 11.00 - 12.00*       

అమృత కాలం  :*రా 03.02 - 04.49*

అభిజిత్ కాలం  : *ప 11.39 - 12.30*

*వర్జ్యం       : సా 04.15 - 06.03*

*దుర్ముహూర్తం  : మ 12.30 - 01.21 & 03.03 - 03.54* 

*రాహు కాలం   :ఉ07.17 - 08.53*

గుళికకాళం      : *మ 01.40 - 03.16*

యమగండం    : *ఉ 10.29 - 12.04*

సూర్యరాశి : *మేషం*                   

చంద్రరాశి : *వృశ్చికం*

సూర్యోదయం :*ఉ 05.49*  

సూర్యాస్తమయం :*సా 06.37*

*ప్రయాణశూల   : తూర్పు దిక్కుకు పనికిరాదు*

*వైదిక విషయాలు:*

ప్రాతః కాలం   :*ఉ  05.42 - 08.14*

సంగవ కాలం      :*08.14 - 10.48*

మధ్యాహ్న కాలం    :*10.48 - 01.21*

అపరాహ్న కాలం  :*మ 01.21-03.54*

*ఆబ్ధికం తిధి        :  వైశాఖ బహుళ తదియ*

సాయంకాలం    :*సా 03.54- 06.27*

ప్రదోష కాలం    :*సా 06.27- 08.42*

రాత్రి కాలం       :*రా 08.42- 11.42*

నిశీధి కాలం      :*రా 11.42 - 12.27*

బ్రాహ్మీ ముహూర్తం :*తె 04.11 - 04.56*

¤¤¤¤¤¤¤¤¤¤¤¤¤¤¤¤¤¤¤¤

        *🌷ప్రతినిత్యం🌷*

         *_గోమాతను 🐄 పూజించండి_* 

          *_గోమాతను 🐄 సంరక్షించండి_*

*🕉️శివాపరాధ క్షమాపణ స్తోత్రం🔯* 

                    *సమాప్తం*

      *జయ జయ కరుణాబ్ధే* 

        *శ్రీమహాదేవ శంభో*

    🕉️ *ఓం నమః శివాయ*🕉️

🕉️🪷🌹🛕🌹🌷🪷🌷🕉️

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><>

         🌷 *సేకరణ*🌷

      🌹🌷🕉️🕉️🌷🌹

        *న్యాయపతి వేంకట*

       *లక్ష్మీ నరసింహా రావు*

      🌷🌹🕉️🕉️🌹🌷

🌹🍃🌿🕉️🕉️🌿🍃🌹

కంచి కామకోటి...... పీఠం

 కంచి కామకోటి...... పీఠం 

పీఠం ప్రకారం, మఠంలోని గురు పరంపర కాలక్రమ జాబితా ఇలా ఉంది: 

1.శ్రీ ఆది శంకరాచార్య (482 BCE–477 BCE)

2.శ్రీ సురేశ్వరాచార్య (477 BCE–407 BCE)

3.శ్రీ సర్వజ్ఞాత్మనేంద్ర సరస్వతి (407 BCE–367 BCE) [ 27 ]

4.శ్రీ సత్యబోధేంద్ర సరస్వతి (367 BCE–268 BCE) [ 28 ]

5.శ్రీ జ్ఞానేంద్ర సరస్వతి (268 BCE–205 BCE)

6.శ్రీ శుద్ధానందేంద్ర సరస్వతి (205 BCE–124 BCE)

7.శ్రీ ఆనందఘనేంద్ర సరస్వతి (124 BCE–55 BCE)

8.శ్రీ కైవల్యానంద యోగేంద్ర సరస్వతి (55 BCE–28 CE)

9.శ్రీ కృపాశంకరేంద్ర సరస్వతి (28 CE–69 CE)

10.శ్రీ సురేశ్వర సరస్వతి (69 CE–127 CE)

11.శ్రీ శివానంద చిద్ఘనేంద్ర సరస్వతి (127 CE–172 CE)

12.శ్రీ చంద్రశేఖరేంద్ర సరస్వతి I (172–235)

13.శ్రీ సచ్చిద్ఘనేంద్ర సరస్వతి (235–272)

14.శ్రీ విద్యాఘనేంద్ర సరస్వతి (272–317)

15.శ్రీ గంగాధరేంద్ర సరస్వతి (317–329)

16.శ్రీ ఉజ్వల శంకరేంద్ర సరస్వతి (329–367)

17.శ్రీ సదాశివేంద్ర సరస్వతి (367–375)

18.శ్రీ శంకరానంద సరస్వతి (375–385)

19.శ్రీ మార్తాండ విద్యాఘనేంద్ర సరస్వతి (385–398)

20.శ్రీ ముఖశంకరేంద్ర సరస్వతి (398–437)

21.శ్రీ చంద్రశేఖరేంద్ర సరస్వతి II (437–447)

22.శ్రీ బోధేంద్ర సరస్వతి I (447–481)

23.శ్రీ సచ్చిసుఖేంద్ర సరస్వతి (481–512)

24.శ్రీ చిత్సుఖేంద్ర సరస్వతి (512–527)

25.శ్రీ సచ్చిదానందఘనేంద్ర సరస్వతి (527–548)

26.శ్రీ ప్రజ్ఞానేంద్ర సరస్వతి (548–565)

27.శ్రీ చిద్విలాసేంద్ర సరస్వతి (565–577)

28.శ్రీ మహాదేవేంద్ర సరస్వతి I (577–601)

29.శ్రీ పూర్ణభోధేంద్ర సరస్వతి (601–618)

30.శ్రీ భోధేంద్ర సరస్వతి II (618–655)

31.శ్రీ బ్రహ్మానందఘనేంద్ర సరస్వతి (655–668)

32.శ్రీ చిదానందఘనేంద్ర సరస్వతి (668–672)

33.శ్రీ సచ్చిదానంద సరస్వతి (672–692)

34.శ్రీ చంద్రశేఖరేంద్ర సరస్వతి III (692–710)

35.శ్రీ చిత్సుఖేంద్ర సరస్వతి (710–737)

36.శ్రీ చిత్సుఖానందేంద్ర సరస్వతి (737–758)

37.శ్రీ విద్యాఘనేంద్ర సరస్వతి III (758–788)

38.శ్రీ అభినవ శంకరేంద్ర సరస్వతి (788–840)

39.శ్రీ సచ్చిద్విలాసేంద్ర సరస్వతి (840–873)

40.శ్రీ మహాదేవేంద్ర సరస్వతి II (873–915)

41.శ్రీ గంగాధరేంద్ర సరస్వతి II (915–950)

42.శ్రీ బ్రహ్మానందఘనేంద్ర సరస్వతి (950–978)

43.శ్రీ ఆనందఘనేంద్ర సరస్వతి (978–1014)

44.శ్రీ పూర్ణభోధేంద్ర సరస్వతి II (1014–1040)

45.శ్రీ పరమశివేంద్ర సరస్వతి I (1040–1061)

46.శ్రీ చంద్రానందభోధేంద్ర సరస్వతి (1061–1098)

47.శ్రీ చంద్రశేఖరేంద్ర సరస్వతి IV (1098–1166)

48.శ్రీ అద్వైతానందబోధేంద్ర సరస్వతి (1166–1200)

49.శ్రీ మహాదేవేంద్ర సరస్వతి III (1200–1247)

50.శ్రీ చంద్రచూడేంద్ర సరస్వతి I (1247–1297)

51.శ్రీ విద్యాతీర్థేంద్ర సరస్వతి (1297–1385)

52.శ్రీ శంకరానందేంద్ర సరస్వతి (1385–1417)

53.పూర్ణానంద సదాశివేంద్ర సరస్వతి (1417–1498)

54.వ్యాసాచల మహాదేవేంద్ర సరస్వతి (1498–1507)

55.చంద్రచూడేంద్ర సరస్వతి II (1507–1524)

56.శ్రీ సర్వజ్ఞ సదాశివబోధేంద్ర సరస్వతి (1524–1539)

57.శ్రీ పరమశివేంద్ర సరస్వతి II (1539–1586)

58.ఆత్మబోధేంద్ర సరస్వతి (1586–1638)

59.బోధేంద్ర సరస్వతి II (1638–1692)

60.శ్రీ అద్వైతాత్మ ప్రకాశేంద్ర సరస్వతి (1692–1704)

61.శ్రీ మహాదేవేంద్ర సరస్వతి IV (1704–1746)

62.శ్రీ చంద్రశేఖరేంద్ర సరస్వతి వి (1746–1783)

63.శ్రీ మహాదేవేంద్ర సరస్వతి V (1783–1813)

64.శ్రీ చంద్రశేఖరేంద్ర సరస్వతి VI (1813–1851)

65.సుదర్శన మహాదేవేంద్ర సరస్వతి (1851–1891)

66.శ్రీ చంద్రశేఖరేంద్ర సరస్వతి VII (1891 – 7 ఫిబ్రవరి 1907)

67.శ్రీ మహాదేవేంద్ర సరస్వతి V (7 ఫిబ్రవరి 1907 – 13 ఫిబ్రవరి 1907)

68.శ్రీ చంద్రశేఖరేంద్ర సరస్వతి VIII (జననం 20 మే 1894; 1907 - 8 జనవరి 1994)

69.శ్రీ జయేంద్ర సరస్వతి (జననం 18 జూలై 1935; వారసుడిగా 1954; 3 జనవరి 1994 - 28 ఫిబ్రవరి 2018)

70.శ్రీ శంకర విజయేంద్ర సరస్వతి (జననం 13 మార్చి 1969; వారసుడిగా నియమితులయ్యారు 29 మే 1993; ఫిబ్రవరి 2018 - ప్రస్తుతం) 

71.శ్రీ సత్య చంద్రశేఖరేంద్ర సరస్వతి (జననం 2001; వారసుడిగా నియమితులైన 30 ఏప్రిల్ 2025)

🙏🏾🙏🏾🙏🏾🙏🏾

పంచాంగము

సుభాషితమ్

 🌅 *_-|¦¦|శుభోదయమ్|¦¦|-_* 🌄🍀

🪔 ॐ卐 *_-|¦¦|సుభాషితమ్|¦¦|-_* ॐ卐 💎

    కం. *తనుజులనుం గురు వృద్దుల*

              *జననీజనకులను సాధుజనుల నెవడు దా*

              *ఘనుడయ్యు బ్రోవడో యా*

              *జనుడే జీవన్ మృతుడగు జగతి కుమారా*

                        ( *కుమార శతకం* )

 

   తా𝕝𝕝 *ఓ కుమారా ! తన కుమారులను, గురువులను, పెద్దవారిని, తల్లిదండ్రులను, సజ్జనులైన వారిని తగిన సమయమున రక్షింపడో అతడు బతికి యున్నను చచ్చిన వానితో సమానము*.

✍️🪷💐🌹🙏

పంచాంగం 03.05.2026 Sunday,

 ఈ రోజు పంచాంగం 03.05.2026 Sunday,

స్వస్తి శ్రీ చాంద్రమాన పరాభవ నామ సంవత్సరః ఉత్తరాయణం వసంత ఋతువు వైశాఖ మాస కృష్ణ పక్ష ద్వితీయ తిథి భాను వాసర విశాఖ నక్షత్రం వరీయాన్ యోగః తైతుల తదువరి గరజి కరణం.

రాహుకాలం : సాయంత్రం 04:30 నుండి 06:00 వరకు.

 

యమగండం: మధ్యాహ్నం 12:00 నుండి 01:30 వరకు.

  

శ్రాద్ధ తిథి: ద్వితీయ

 

నమస్కారః , శుభోదయం

భగవద్గీత

  --------------------------భగవద్గీత. ------------------------

                       చతుర్దోధ్యాయః

               జ్ఞాన కర్మ సన్యాస యోగము

యస్య సర్వే సమారంభాః కామసంకల్పవర్జితాః ।

జ్ఞానాగ్నిదగ్ధకర్మాణం తమాహుః పండితం బుధాః ।। 19 ।।

ప్రతిపదార్థ:

 

యస్య — ఎవరైతే; సర్వే — సమస్త; సమారంభాః — క్రియాకలాపములు; కామ — భౌతిక సుఖముల వాంఛ; సంకల్ప — సంకల్పము; వర్జితాః — రహితములై (త్యజించినవారై); జ్ఞాన — ఆధ్యాత్మిక జ్ఞానమనే; అగ్ని — అగ్నిలో; దగ్ధ — కాలి భస్మమై; కర్మాణం — కర్మలు; తం — వానిని; ఆహుః — అందురు; పండితం — పండితుడని; బుధాః — జ్ఞానులు.

తాత్పర్యము : 

ఎవరి యొక్క సమస్త కర్మలు భౌతిక సుఖాల వాంఛలకు అతీతంగా ఉంటాయో మరియు ఎవరైతే తమ సమస్త కర్మల ప్రతిక్రియలను జ్ఞానాగ్నిలో భస్మం చేసారో అట్టివారు, జ్ఞానోదయమైన మునులచే, పండితులు అనబడుతారు.

వివరణ:

జీవాత్మ అనేది, ఆనంద సముద్రమైన భగవంతుని యొక్క అణు-అంశము కాబట్టి, సహజంగానే తనుకూడా ఆనందం కోసం అన్వేషిస్తుంటుంది. కానీ, భౌతిక శక్తితో ఆవరింపబడిన జీవాత్మ, తనను తాను ఈ భౌతిక శరీరమే అనుకుంటుంది. ఈ అజ్ఞానంలో, భౌతిక జగత్తు నుండి ఆనందం పొందటానికి కర్మలు చేస్తుంటుంది. ఈ వ్యవహారములు మనోఇంద్రియ సుఖాల కోసం చేసేవి కాబట్టి జీవాత్మను కర్మ బంధములలో పెనవేస్తాయి.

కానీ, జీవాత్మ దివ్య ఆధ్యాత్మిక జ్ఞానంలో స్థితమై ఉన్నప్పుడు, తను కోరుకునే ఆనందం ఇంద్రియ వస్తు-విషయముల ద్వారా లభించదని, ప్రేమ పూర్వక భగవత్ సేవ ద్వారా దొరుకుతుందని తెలుసుకుంటుంది. అప్పుడు తన ప్రతి కార్యమును భగవత్ ప్రీతి కోసమే చేస్తుంది. ‘నీవు ఏం చేసినా, ఏం తిన్నా, యజ్ఞ హోమంలో ఏమి సమర్పించినా, ఏది బహుమతిగా ప్రసాదించినా, ఏ వ్రతాలు చేసినా, ఓ కుంతీ పుత్రుడా, వాటన్నిటిని నాకు అర్పితముగా చేయుము.’ (భగవత్ గీత 9.27). ఈ విధంగా జ్ఞానోదయమైన జీవాత్మ భౌతిక సుఖాల కోసం స్వార్థంతో కూడిన పనులు త్యజించి, అన్ని కర్మలను భగవంతుడికే అంకితం చేస్తుంది, ఈ పనులు ఎలాంటి కర్మ బంధనాలను కలుగచేయవు. ఆ కర్మలు ఆధ్యాత్మిక జ్ఞానాగ్నిలో కాలిభస్మమై పోయాయని చెప్పబడుతాయి.

ఆర్యా శతకం - 1*

 *శ్రీ మూకశంకర విరచిత*

*మూక పంచశతి*

*ఆర్యా శతకం - 1*

*శ్లోకము - 100*

*జయ జయ జగదంబ శివే*

*జయ జయ కామాక్షీ* 

*జయ జయ జయాద్రిసుతే।*

*జయ జయ మహేశదయితే* 

*జయ జయ చిత్ గగన కౌముదీధారే॥*

*భావము :*

*ఓ జగన్మాతా! సర్వ మంగళస్వరూపిణీ, పర్వతరాజ పుత్రీ, ఈశ్వరీప్రియా, చిదాకాశములోని వెన్నెల కాంతి స్వరూపమా, నీకు నిరంతరము జయ జయ ధ్యానములు పలుకుతున్నాను.*

🙏🙏🙏 *శ్రీమాత్రే నమః* 🙏🙏🙏

03-05-2026 ఆదివారం రాశి ఫలితాలు

  శ్రీ గురుభ్యోనమః 🙏

03-05-2026 ఆదివారం రాశి ఫలితాలు

మేషం

కుటుంబ సభ్యులతో శుభకార్య విషయమై చర్చలు జరుగుతాయి. ఆదాయ మార్గాలు పెరుగుతాయి. నూతన వ్యాపారాలు విస్తరణ ప్రయత్నాలు ఫలిస్తాయి. చేపట్టిన పనులు సకాలంలో పూర్తి చేస్తారు. వృత్తి ఉద్యోగాలలో మరింత అనుకూల వాతావరణం ఉంటుంది. నిరుద్యోగులకు శుభవార్తలు అందుతాయి. 

---------------------------------------

వృషభం

వృత్తి వ్యాపారాలలో స్వంత ఆలోచనలు కలసిరావు. ఇంటా బయట బాధ్యతలు పెరుగుతాయి. ఉద్యోగస్తులు అధికారుల ఆగ్రహానికి గురికావల్సి వస్తుంది. చేపట్టిన పనులు మధ్యలో విరమిస్తారు. సంతాన ఆరోగ్య విషయాలలో మరింత అప్రమత్తంగా వ్యవహరించాలి. ఆర్థిక అనుకూలత కలుగుతుంది.

---------------------------------------

మిధునం

ఆధ్యాత్మిక విషయాలపై దృష్టి సారిస్తారు. చేపట్టిన పనులలో జాప్యం తప్పదు. వృత్తి వ్యాపారాలు అంతంత మాత్రంగా సాగుతాయి. గృహమున గందరగోళ పరిస్థితులు ఉంటాయి. ఉద్యోగమున అదనపు బాధ్యతలు వలన తగిన విశ్రాంతి ఉండదు. సంతానం విద్యా విషయాలపై దృష్టి సారించడం మంచిది.

---------------------------------------

కర్కాటకం

బంధుమిత్రులతో గృహమున సంతోషంగా గడుపుతారు. నూతన వ్యాపారాలకు పెట్టుబడులు అందుతాయి. నిరుద్యోగులకు నూతన అవకాశములు లభిస్తాయి. చేపట్టిన పనులలో శ్రమకు తగిన ఫలితం లభిస్తుంది. ఆర్థిక పరిస్థితి ఆశాజనకంగా ఉంటుంది. వృత్తి ఉద్యోగాలలో మీ పనితీరుతో అందరినీ ఆకట్టుకుంటారు. 

---------------------------------------

సింహం

చేపట్టిన పనులు మందగిస్తాయి. దూర ప్రయాణాలు వాయిదా వేయడం మంచిది. ఇంటాబయట చికాకులు పెరుగుతాయి. ధార్మిక సేవా కార్యక్రమాలలో పాల్గొంటారు. చిన్ననాటి మిత్రులతో స్వల్ప విభేదాలు కలుగుతాయి. వ్యాపారాలు నత్తనడకన సాగుతాయి. వృత్తి ఉద్యోగాలలో అదనపు పనిభారం ఉంటుంది.

---------------------------------------

కన్య

చేపట్టిన వ్యవహారాలలో ఆకస్మికంగా విజయం సాధిస్తారు. గృహమున బంధు మిత్రులతో ఆనందంగా గడుపుతారు. వ్యాపారాలలో ఆశించిన లాభాలు అందుకుంటారు. దీర్ఘకాలిక ఋణ సమస్యల నుండి బయటపడతారు. వృత్తి ఉద్యోగాలలో సంతృప్తికర వాతావరణం ఉంటుంది. ఆర్థిక అనుకూలత కలుగుతుంది.

---------------------------------------

తుల

దూరప్రయాణాలు వాయిదా వేయడం మంచిది. చేపట్టిన పనులలో అధిక శ్రమతో అల్ప ఫలితాలు పొందుతారు. నూతన వ్యాపార విస్తరణ ప్రయత్నాలు వాయిదా వేస్తారు. వృధా ఖర్చులు పెరుగుతాయి. నూతన ఋణయత్నాలు చేస్తారు. వృత్తి వ్యాపారాలు మందగిస్తాయి. ఆధ్యాత్మిక చింతన పెరుగుతుంది. 

---------------------------------------

వృశ్చికం

కుటుంబ సభ్యులతో దీర్ఘకాలిక వివాదాలు పరిష్కారమవుతాయి. నూతన వ్యక్తుల పరిచయాలు భవిష్యత్తుకు ఉపయోగపడే విధంగా ఉంటాయి. చేపట్టిన వ్యవహారాలలో ఆశించిన పురోగతి సాధిస్తారు. నిరుద్యోగులకు శుభవార్తలు అందుతాయి. వృత్తి వ్యాపారాలు స్వల్పంగా లాభిస్తాయి. 

---------------------------------------

ధనస్సు

స్థిరాస్తి క్రయవిక్రయాలలో నూతన లాభాలు అందుకుంటారు. చేపట్టిన పనులలో కార్యసిద్ధి కలుగుతుంది. సమాజంలో గౌరవ మర్యాదలు పెరుగుతాయి కుటుంబ సభ్యులతో దైవదర్శనాలు చేసుకుంటారు. నిరుద్యోగులకు చాలాకాలంగా ఎదురుచూస్తున్న అవకాశాలు లభిస్తాయి. ఉద్యోగాలలో అధికారుల ఆదరణ పెరుగుతుంది.

---------------------------------------

మకరం

బంధువర్గంతో అకారణంగా మాటపట్టింపులు కలుగుతాయి. వృధా ఖర్చుల విషయంలో పునరాలోచన చేయటం మంచిది. వ్యాపార వ్యవహారాలలో తొందరపాటు నిర్ణయాలు చేసి నష్టాలు ఎదుర్కొంటారు. చేపట్టిన పనులు వ్యయప్రయాసలతో కానీ పూర్తికావు. ఉద్యోగమున గందరగోళ పరిస్థితులు ఉంటాయి.

---------------------------------------

కుంభం

ఆర్థికపరంగా ఒడిదుడుకులు అధికం అవుతాయి. ఇంటా బయట బాధ్యతలు మరింత చికాకు కలిగిస్తాయి. సోదరులతో స్థిరాస్తి వివాదాలు కలుగుతాయి. సన్నిహితులతో కొన్ని వ్యవహారాలలో మాట పట్టింపులు కలుగుతాయి. నిరుద్యోగ యత్నాలు ముందుకు సాగక నిరాశ కలిగిస్తాయి. వృత్తి వ్యాపారాలలో స్వల్ప నష్ట సూచనలున్నవి.

---------------------------------------

మీనం

మిత్రుల నుంచి అరుదైన ఆహ్వానాలు అందుకుంటారు. ఆకస్మిక ధనలాభ సూచనలున్నవి. దూర ప్రయాణాలు లాభసాటిగా సాగుతాయి. దైవ సేవా కార్యక్రమాలలో పాల్గొంటారు. స్థిరాస్తి వివాదాలు పరిష్కార దిశగా సాగుతాయి. నూతన వ్యాపారాలు ప్రారంభించిన లాభాలు అందుకుంటారు. కొన్ని సంఘటనలు ఆశ్చర్యం కలిగిస్తాయి.

---------------------------------------

ఆదివారం*🌞 *🌹03, మే, 2026🌹* *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐*

      🌞 *ఆదివారం*🌞

    *🌹03, మే, 2026🌹*

    *దృగ్గణిత పంచాంగం* 

               

           *స్వస్తి శ్రీ పరాభవ* 

          *నామ సంవత్సరం* 

*ఉత్తరాయణం - వసంత ఋతౌః*

*వైశాఖమాసం - కృష్ణపక్షం* 

*తిథి : విదియ* రా 03.01 వరకు ఉపరి *తదియ*

*వారం    : ఆదివారం* (భానువాసరే)

*నక్షత్రం  : విశాఖ* ఉ 07.10 వరకు ఉపరి *అనూరాధ*

*యోగం : వరీయాన్* రా 10.28 వరకు ఉపరి *పరిఘ*

*కరణం  : తైతుల* మ 01.54 *గరజి* రా 03.01 ఉపరి *వణజి*

*సాధారణ శుభ సమయాలు:*

*ఉ 07.00 - 09.30 మ 02.00 - 04.30*       

 అమృత కాలం  : *రా 10.21 - 12.08*

 అభిజిత్ కాలం  : *ప 11.39 - 12.30*

*వర్జ్యం    : ప 11.38 - 01.25*

*దుర్ముహూర్తం :సా 04.45- 05.36* 

*రాహు కాలం  :సా 04.51- 06.27*

గుళికకాళం      : *మ 03.16 - 04.51*

యమగండం    : *మ 12.04 - 01.40*

సూర్యరాశి : *మేషం*                       

చంద్రరాశి : *వృశ్చికం*

సూర్యోదయం :*ఉ 05.49*

సూర్యాస్తమయం :*సా 06.37*

*ప్రయాణశూల   : పడమర దిక్కుకు పనికిరాదు*

*వైదిక విషయాలు:*

ప్రాతః కాలం    :  *ఉ 05.42- 08.15*

సంగవ కాలం      :*08.15 - 10.48*

మధ్యాహ్న కాలం    :*10.48 - 01.21*

అపరాహ్న కాలం   :*మ 01.21- 03.54*

*ఆబ్ధికం తిధి  :వైశాఖ బహుళ విదియ*

సాయంకాలం    :*సా 03.54- 06.27*

ప్రదోష కాలం       :*సా 06.27- 08.42*

రాత్రి కాలం        :*రా 08.42 - 11.42*

నిశీధి కాలం       :*రా 11.42 - 12.27*

బ్రాహ్మీ ముహూర్తం :*తె 04.11 - 04.56*

¤¤¤¤¤¤¤¤¤¤¤¤¤¤¤¤¤¤¤¤

        *🌷ప్రతినిత్యం🌷*

        *_గోమాతను 🐄 పూజించండి_* 

        *_గోమాతను 🐄 సంరక్షించండి_*

*పూష్ణే నమః వామపాదే మాం రక్షతు*

*🙏 ఓం నమో సూర్యదేవాయ నమః* 

          

🌞🪷🌹🛕🌹🌷🪷🌷🌞

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><>

         🌷 *సేకరణ*🌷

      🌹🌿🌞🌞🌿🌹

        *న్యాయపతి వేంకట*

       *లక్ష్మీ నరసింహా రావు*

      🌷🍃🌞🌞🍃🌷

 🌹🌷🌞🌞🌞🌞🌷🌹

శ్రీ మహావిష్ణు పురాణం

  🌹🌷🪷🐚🛕🐚🪷🌷🌹

*శనివారం 2 మే 2026*

       *శ్రీ మహావిష్ణు పురాణం*

               *75వ భాగము*

*సగర చక్రవర్తి నూరవ అశ్వమేధ యజ్ఞం - ఇంద్రుని చేత అశ్వం అపహరణ - సగర చక్రవర్తి అరవై వేల పుత్రుల మరణం:*```

శాస్త్ర విద్యలు, యుద్ద విద్యలు నేర్చి మహా బలవంతుడు, పరాక్రముడు అయిన సగరుడు తన తల్లి ఎల్లపుడు దుఖంతో ఉండటం గమనించి కారణం అడిగాడు. సగరుని తల్లి దుఖిస్తూ “కుమారా! హైహయులు ఆకస్మాత్తుగా అన్యాయంగా చెప్పకుండా రాజ్యంపై దాడిచేసి ఆక్రమించారు. మీ తండ్రి గర్భవతి అయిన నాతో అడవుల్లోకి వచ్చి ఔర్వ మహర్షి ఆశ్రమంలో శరణు పొందారు. నా సవతి నాకు విషం పెట్టి నిన్ను పుట్టకుండానే చంపాలని చూసింది. మీ తండ్రిగారు రాజ్యం పోయిన దిగులుతో మరణించారు. ఔర్వ మహర్షి దయ వలన నీవు జన్మించి మహావీరుడివి అయ్యావు” అని జరిగినదంతా చెప్పింది.

సగరుడు “అమ్మా! హైహయులను సంహరించి రాజ్యం గెలిచి మరణించిన తండ్రిగారిఆత్మకు శాంతి చేకూరుస్తాను”అని ప్రతిజ్ఞచేసి సేనలను సమకూర్చుకుని హైహయులపై యుద్దానికి వెళ్లాడు. యుద్ధంలో హైహయులను ఓడించి నిర్దాక్షిణ్యంగా ముక్కలుముక్కలు గా ఖండించి సంహరించాడు.

సగరుని బలపరాక్రమాలకు, జరిగిన మారణకాండకు శక యవన కాంభోజాది రాజులు భయపడి పారిపోయి సూర్యవంశ కులగురువైన వసిష్ట మహర్షిని శరణు కోరారు. వసిష్టుడు ఆలోచించి వారిని కులాచారాలు పాటించని వారిగా, బ్రతికినా చచ్చినవారిగా ప్రకటించి సగరుడి దగ్గరకు వెళ్లాడు.

“సగరా!నేను మీవంశ కులగురువుని. నా మాట వినుము. హైహయులను ఓడించి నీ తండ్రి మరణానికి ప్రతీకారం తీర్చుకున్నావు. మిగిలిన రాజులందరు భూమండలానికి నిన్నుచక్రవర్తిగా అంగీకరించి సామంతులైనారు. ప్రాణభయంతో రక్షించమని శక యవన కాంభోజాదులు నన్ను శరణు వేడారు. వీరు బ్రతికుండ గా చచ్చినవారితో సమానంగా ప్రటించాను. అలాగే వైదిక కులా చారాలు పాటించనివారు అవుతారు. వీరిని ప్రాణాలతో వదిలేయుము” అని చెప్పాడు. 

సగరుడు కులగురువు మాటను గౌరవించి ఆ రాజులతో “మీమీ రాజ్యాలకు వెళ్లి నిర్భయంగా జీవించండి. నేను అభయం ఇస్తున్నాను” అని పంపివేశాడు. ఆనాటి నుండి యవనులు,శకులు, పారదులు, ప్లవులు, కాంభోజులు కులాచారాలు వదలి బ్రాహ్మణులకు దూరమై మ్లేచ్ఛులయ్యారు.

సప్త ద్వీప వసుంధరకు సగరుడు చక్రవర్తి అయ్యాడు. తన రాజ్యానికి వెళ్లి అభిషిక్తుడు అయ్యాడు. కశ్యపుని కుమార్తె సుమతి, విదర్భ రాజ పుత్రిక సుకేశిని వివాహం చేసుకుని రాజ్యభోగాలు అనుభవించ సాగాడు. చాలాకాలం సంతానం కలుగక పోవడంతో భార్యలను తీసుకుని ఔర్వ మహర్షి ఆశ్రమానికి వెళ్లాడు.

ఔర్వ మహర్షి వారి చేత యజ్ఞం చేయించి మంత్రించిన యాగ జలం ఇస్తూ “మీలో ఒకరికి వంశాన్ని ఉద్దరించే సంతతి గల పుత్రుడు కలుగుతాడు. మరొకరికి అమితమైన బలం గల అరవై వేల మంది పుత్రులు కలుగుతారు. ఎవరికి ఏమి కావాలో కోరుకుని మంత్రజలం స్వీకరించండి” అని అన్నాడు.

సుకేశిని ఒక్క కుమారుడు పుట్టాలని మంత్రజలం తీసుకుంటే, సుమతి అరవై వేల వీరులైన పుత్రులని కోరుకుంటూ మంత్రజలం తీసుకుంది. ఔర్వ మహర్షి ఆశీర్వచనం, అనుమతి తీసుకుని నగరానికి తిరిగి వచ్చారు. కొంతకాలానికి సుకేశి నికి ఒక పుత్రుడు, సుమతికి అరవై వేల మంది పుత్రులు కలిగారు.

సుకేశినికి కలిగిన పుత్రునికి అసమంజసుడు అని నామకరణం చేశారు. పేరుకు తగ్గట్టే పెద్దవాడైన అసమంజసుడు బలవంతులైన తమ్ముళ్ళను తీసుకుని దుష్ట కార్యాలు చేస్తూ ప్రజలకు, మునులకు, బ్రాహ్మ ణులకు ఇబ్బందులు, కష్టాలు కలిగించసాగారు.యజ్ఞయాగాదులు అర్ధాంతరంగా ఆగిపోయాయి. సగరుడు తెలిసినా పుత్రప్రేమతో కొంతకాలం ఊరకున్నాడు. 

అసమంజసునికి పెళ్లి అయ్యి అంశుమంతుడు అనే కుమారుడు పుట్టాడు. మనవడు పుట్టాక, సగరచక్రవర్తి మారని అసమంజసుని నాయకత్వం తీసేసి బహిష్కరిస్తే మిగిలిన పుత్రులందరు మంచి మార్గానికి వస్తారు అని తలచి అసమంజసుని రాజ్యం నుంచి బహిష్కరించాడు. అరవై వేల మంది కుమారులు భయపడి జాగ్రత్తగా ఉండసాగారు.

ఆగిపోయిన యజ్ఞయాగాదులు చేసి దేవతలను, మునులను, బ్రాహ్మణులను సగరుడు సంతృప్తి చేయదలచాడు. అరవైవేలమంది కుమారులు, మనవడు అంశుమం తుడు సహాయంగా ఉండగా సగర చక్రవర్తి వరుసగా తొంభై తొమ్మిది అశ్వమేధ యాగాలు చేసాడు. నూరవ ఆశ్వమేధ యాగం చేయ సంకల్పించి సగరుడు యాగదీక్షలో కూర్చున్నాడు.

నూరు యాగాలు చేస్తే సగర చక్రవర్తికి ఇంద్రపదవి పొందడానికి అర్హత లభిస్తుంది. సగరకుమారుల బలపరాక్రమాల వలన యాగం నిర్విఘ్నంగా జరుగుతుంది. ఇంద్రుడు తెలుసుకుని సగరుడి నూరవ అశ్వమేధ యాగం భగ్నం చేయదలచాడు. భూపరిక్రమణకు వెళ్లిన యాగాశ్వాన్ని అపహరించి దొరకకుండా పాతాళంలో గల కపిల ముని ఆశ్రమంలో చెట్టుకి కట్టేసి వెళ్లి పోయాడు. కపిలముని ధ్యానంలో ఉండి చూడలేదు.

యాగాశ్వం కనపడటం లేదన్న సంగతి తెలిసిన సగరుడు, యాగ దీక్షలో ఉన్న తాను వెళ్లకూడదని, అరవైవేల మంది పుత్రులను అశ్వాన్ని వెదికి తీసుకు రమ్మని పంపాడు. భూమండలమంతా వెతికినా సగర పుత్రులకి యాగాశ్వం పాతాళంలో ఉన్నదని తెలిసింది. భూమిని తవ్వుకుంటూ మార్గం చేసుకుని సగరపుత్రులు పాతాళానికి వెళ్లారు.

పాతాళ లోకంలో వెతుకుతున్న సగరపుత్రులకు యాగాశ్వం కపిల మహర్షి ఆశ్రమంలో చెట్టుకి కట్టివేయబడి కనిపించింది. సమీపంలోనే కపిల మహర్షి తపోముద్రలో ధ్యానం చేస్తూ కనపడ్డాడు. అరవై వేల మంది సగర పుత్రులు కపిల మహర్షే యాగాశ్వాన్ని దొంగిలించి ఆశ్రమంలో కట్టేసి దొంగ తపస్సు చేస్తున్నాడని భావించారు.

ఇతనిని చంపి యాగాశ్వం తీసుకెళదాం అని ఆయుధాలతో కపిల మహర్షి పై దాడి చేయబోయారు. కన్నుల తెరిచిన కపిల మహర్షి దివ్యదృష్టితో జరిగింది గ్రహించి, ఆగ్రహించి సగర పుత్రుల వంక తీక్షణంగా చూసాడు. మహర్షి కన్నుల నుండి అగ్ని కణాలు వెలువడి అరవై వేల సగర పుత్రులను క్షణంలో కాల్చి బూడిద చేసాయి.

కుమారుల మరణ వార్త నారదుని ద్వారా తెలుసుకున్న సగరుడు బాధపడ్డాడు. యాగదీక్షలో ఉన్నందున మనవడు అంశుమంతుని పిలిచి కపిల మహర్షికి కుమారులు చేసిన దుష్కార్యానికి క్షమాపణలు చెప్పి యాగాశ్వం తీసుకురమ్మని పంపాడు. అంశుమంతుడు పాతాళానికి వెళ్లి కపిల మహర్షిని దర్శించి, వినయంతో నమస్కరించి స్తుతించాడు.

కపిల మహర్షి అంశుమంతుని భక్తి శ్రద్థలకు, వినయ విధేయతలకు ప్రసన్నుడై "అంశుమంతా! యాగాశ్వం తీసుకువెళ్లి మీ తాతగారి యాగం పూర్తి చేయించు" అని యాగాశ్వాన్ని చూపించాడు. 

అంశుమంతుడు ప్రణమిల్లి "మహర్షీ! మా తండ్రులు చేసిన దుష్కర్మలు క్షమించి, మరణించిన వారికి సద్గతులు పొందే మార్గం చెప్పండి. లేదంటే వారి ప్రేతాత్మలు ఇక్కడే ఉండిపోతాయి" అని పలికాడు.

కపిల మహర్షి కరుణించి "వత్సా! శ్రీహరి పాదాల నుండి ఉద్భవించిన ఆకాశగంగ దివి నుండి ఇక్కడకు వచ్చి ఈ చితాభస్మాలపై ప్రవహిస్తే మీ తండ్రులకు స్వర్గవాస ప్రాప్తి కలుగుతుంది. మీరు, మీ వంశజులు భూమి మీదకు ఆకాశ గంగను తెచ్చే ప్రయత్నం చేయండి" అని దీవించాడు.

అంశుమంతుడు "మహర్షీ! ఆకాశగంగను తీసుకు రావడానికి నేను తప్పక ప్రయత్నం చేస్తాను. ముందుగా ఆ పవిత్ర గంగాదేవి గురించి తెలుసుకోవాలని ఉంది" అని అడిగాడు.

*తరువాత కధ రేపటి భాగంలో చదువుదాం*

*శ్రీకాంత్ గంజికుంట కరణంగారి సౌజన్యంతో*

*ఆధ్యాత్మిక బృందం నుండి వచ్చింది*                     

                *సేకరించి*

*భాగస్వామ్యం చేయడమైనది*

 *న్యాయపతి నరసింహారావు*

🙏🌷🪷🪔🛕🪔🪷🌷🙏

వైశాఖ పురాణం🚩*_ *15వ అధ్యాయము*

 *🐚శనివారం 2 మే 2026🐚*

_*🚩వైశాఖ పురాణం🚩*_ 

     *15వ అధ్యాయము*

🕉🕉🕉🕉🕉🕉🕉🕉️🕉️

        

*వైశాఖవ్రత మహిమ*```

నారదమహర్షి అంబరీష మహారాజునకు వైశాఖ మహత్మ్యమును వివరించుచు నిట్లనెను. శ్రుతదేవుని మాటలను విని శ్రుతకీర్తి మహారాజు ‘శ్రుతదేవమునీ! వైశాఖ ధర్మములు సులభములు, అఖండ పుణ్యప్రదములు, విష్ణుప్రీతికరములు, ధర్మాధి ధర్మార్థపురుషార్థ సాధకములు. ఇట్టియుత్తమ ధర్మములు శాశ్వతములు వేదనిరూపితములు కదా! ఇట్టి యుత్తమధర్మములు లోకమున నెందుకని ప్రసిద్ధములు కాలేదు? రాజస, తామస ధర్మములు కష్టసాధ్యములు అధికధనసాధ్యములు అట్టి ధర్మములు లోకమున ప్రసిద్దములైనవి. కొందరు మాఘమాసమును మెచ్చుకొందురు. కొందరు చాతుర్మాస్యముల నుత్తమములనియందురు. వ్యతీపాతాది ధర్మములను మరికొందరు ప్రసంసింతురు. వీనిని వివరించి సరియగు వివేకమును కలిగింపగోరుచున్నా’నని యడిగెను.

శ్రుతదేవుడును ‘మహారాజా! వైశాఖ ధర్మములెందుకని ప్రసిద్ధములు కాలేదో యితర ధర్మములకెందుకు ప్రసిద్ధి కలిగెనో వివరింతును వినుము.. లోకములోని జనులు చాలమంది ఐహికభోగములను, పుత్రపౌత్రాది సంపదలను కోరుచుందురు. వారు రాజస తామస గుణప్రధానులు. ఇంతమందిలో నెవడోయొకడు యేదో యొక విధముగ స్వర్గము కావలయునని యజ్ఞాది క్రతువులను చేయుచున్నాడు. ఆ యజ్ఞాది క్రియలు కష్టసాన్నిధ్యములైనను స్వర్గవ్యామోహముతో వానినే అతికష్టముపై చేయగోరుచున్నాడు. కాని ఒక్కడును మోక్షమునకై ప్రయత్నించుటలేదు. చాలామంది జనులు క్షుద్ర ప్రయోజనములకై ఆశపడి అధికకర్మలు చేయుచు కామ్యసాధనకై యత్నించుచున్నారు. కావున రాజసతామస ధర్మములు లోకమున ప్రసిద్ధములైనవి. విష్ణుప్రీతికరములగు సాత్త్విక ధర్మములు ప్రసిద్ధములు కాలేదు. సాత్త్వికకర్మలు నిష్కామకర్మలు. కాని ఐహికమును ఆయుష్మికమును అగు సుఖమునిచ్చునవి. దేవమాయా మోహితులు కర్మపరతంత్రులునగు మూఢులు యీ విషయము నెరుగురు. ఆధిపత్యము,ఉన్నతపదవి సిద్దించినచో వాని మనోరధమ్ములన్నియు తీరినవనియనుకొనుచున్నారు. వ్యామోహనమే ప్రయోజనముగా కల కర్మలను చేసినచో సంపదలు క్షీణింపవు. వృద్ధినందును. ఆధిపత్య ప్రయోజనముతో వారి 

పురుషార్థసాధన ఆగిపోవును.

వైశాఖ ధర్మములు సాత్త్వికములు. అవి నిగూఢములుగ యెవరికిని దెలియకయున్న కారణమును వినుము. పూర్వము కాశీరాజు కీర్తిమంతుడనువాడు కలడు. అతడు నృగమహారాజు కుమారుడు. ఇక్ష్వాకు వంశరాజులలో నుత్తముడు. కీర్తిశాలి. అతడు యింద్రియములను జయించినవాడు. కోపము నెరుగనివాడు. బ్రహ్మజ్ఞాని. అతడొకనాడు వేటాడుటకై అడవికి పోయెను. వశిష్ఠ మహర్షి యాశ్రమ ప్రాంతమును చేరెను.

అతడు వెళ్లిన కాలము వైశాఖమాసము. వశిష్టమహర్షి శిష్యులు వైశాఖమాస ధర్మములను ఆచరించుచుండిరి. కొందరు చలివేంద్రములను, మరికొందరు నీడనిచ్చు చెట్టును, మరికొందరు దిగుడు బావులను, యేర్పాటు చేయుచుండిరి. బాటసారులకు చెట్ల నీడలయందు కూర్చుండబెట్టి విసనకఱ్ఱలతో విసురుచుండిరి. చెరకుగడలను, గంధములను, ఫలములను యిచ్చుచుండిరి. మధ్యహ్నకాలమున ఛత్రదానమును, సాయంకాలమున పానకమును, తాంబూలమును, కన్నులు చల్లబడుటకు కర్పూరమును యిచ్చుచుండిరి. చెట్లనీడలయందు, యింటి ముంగిళ్లయందు మండపములయందు యిసుకను పరచి కూర్చుండుటకు వీలుగచేయుచుండిరి. చెట్ల కొమ్మలకు ఉయ్యాలలను కట్టుచుండిరి. రాజు వారిని జూచి యిదేమని ప్రశ్నించెను. వారును వైశాఖమాసమున చేయవలసిన ధర్మములివి. మానవులకు సర్వపురుషార్థములను కలిగించును. మా గురువుగారైన వశిష్టులచే ఆజ్ఞాపింపబడి వీనిని చేయుచున్నాము అని పలికిరి. 

మరింత వివరించి చెప్పుడని రాజు వారిని అడిగెను. 

మేమీ పనులను గురువుల యాజ్ఞననుసరించి చేయుచున్నాము. మీకింకను వివరములు కావలసినచో మా గురువులనడుగుడని సమాధానమిచ్చిరి. రాజు వారి మాటలను విని పవిత్రమగు వశిష్టుని యాశ్రమమునకు వెళ్లెను.

అట్లు వచ్చుచున్న రాజును వాని పరివారమును జూచి వశిష్ఠ మహర్షి సాదరముగ రాజును వాని పరివారమును అతిధి సత్కారములతో నాదరించెను. రాజు మహాముని యిచ్చిన ఆతిధ్యమును స్వీకరించి నమస్కరించి సంతోషాశ్చర్యములతో చేయునిట్లడిగెను. మహర్షీ! మార్గమున మీ శిష్యులు బాటసారులకు చేయు అతిధిసత్కారములు ఉపచారములు నాకు మిక్కిలి ఆశ్చర్యమును కలిగించినవి. ఇట్లెందులకు చేయుచున్నారని నేను వారి నడిగితిని. వారును మహారాజా! దీనిని వివరించునవకాశము లేదు. మా గురువుల యాజ్ఞననుసరించి శుభకరములగు వీనిని చేయుచున్నాము. మీరు మా గురువులనడిగిన వారు మీకు వివరింపగలరు. నేనును వేటాడి అలసితిని. అతిధి సత్కారమును కోరు పరిస్థితిలోనుంటిని. ఇట్టి స్థితిలో మీ శిష్యులు బాటసారులకు చేయు ఆతిధి సత్కారములు విస్మియమును కలిగించినవి. నీవు మునులందరిలో మొదటివాడవు. శ్రేష్ఠుడవు. సర్వధర్మములనెరిగినవాడవు. నేను మీకు శిష్యుడను దయయుంచి నాకీ విషయము నెరిగింపుడని ప్రార్థించెను.

వశిష్ఠ మహర్షియు రాజునకు గల ధర్మజిజ్ఞాసకు వినయవిధేయతలకు సంతసించెను. రాజా! నీ బుద్ధికిగల క్రమశిక్షణ మెచ్చదగినది. విష్ణుకధా ప్రసంగమునందు విష్ణుప్రీతికరములగు ధర్మములనెరుగుటయందు ఆసక్తి కలుగుట సామాన్య విషయము కాదు. నీవడిగిన విషయమును వివరింతును. వినుము. వైశాఖమాస వ్రత ధర్మ విషయములను వినిన సర్వపాపములును నశించును. ఇతర ధర్మముల కంటె వైశాఖ ధర్మములు మిక్కిలి యుత్తమములు. వైశాఖమాసమున బహిస్నానము చేసినవారు శ్రీమహావిష్ణువునకు ప్రియమైనవారు అన్ని ధర్మముల నాచరించి స్నానదానార్చనములెన్ని చెసినను వైశాఖమాస ధర్మముల నాచరింపనిచో అట్టివారికి శ్రీహరి దూరముగ నుండును. వారు శ్రీహరికి ప్రియులుకారని భావము. వైశాఖమాసమున స్నానదానములు, పూజాదికములు మానినవారెంత గొప్ప కులమున జన్మించిననువారు కర్మననుసరించి మిక్కిలి నీచ జన్మకలవారని యెరుగుము. వైసాఖమాస వ్రత ధర్మముల నాచరించి శ్రీహరిని పూజించినచో శ్రీహరి సంతసించి వారి కోరికల నిచ్చి రక్షించును. శ్రీపతియు జగన్నాధుడునగు శ్రీమహావిష్ణువు సర్వపాపముల నశింపజేయువాడు సుమా! వ్యయ ప్రయాసలు కల వ్రతము చేతను ధర్మ సూక్ష్మముల చేతను ధనములచేతను శ్రీహరి సంతసింపడు. భక్తి పూర్వకముగ నారాధింపబడిన శ్రీహరి భక్తిపూర్వకమైన స్వల్పపూజకైనను స్వల్పకర్మకైనను సంతసించును. భక్తిలేని కర్మయెంత పెద్దదైనను అతడు సంతసించును సుమా. అధిక కర్మకు అధికఫలము, స్వల్పకర్మకు స్వల్పఫలము అని శ్రీహరి లెక్కింపడని భక్తియధికమైనచో స్వల్పకర్మకైనను అధికఫలమునిచ్చును. భక్తిలేని కర్మయే అధికమైనను ఫలితముండదు. కర్మమార్గమును దాని ఫలమును నిర్ణయించుట చాలా కష్టము సుమా! వైశాఖమాస వ్రత ధర్మములు స్వల్పములైన వ్యయప్రయాసలు చేయబడినను భక్తిపూర్ణములైనచో శ్రీహరికి మిక్కిలి సంతోషమును కలిగించును కావున రాజా! నీవును వైశాఖమాస ధర్మములను యెక్కువ తక్కువలనాలోచింపక భక్తిపూర్ణముగ నాచరింపుము. నీ దేశప్రజలచేతను చేయింపుము. వారికిని శుభము కలుగును. వైశాఖధర్మములనాచరింపని నీచుని అతడెవరైనను తీవ్రముగ శిక్షింపుము అని వశిష్ఠమహర్షి శాస్త్రోక్తములగు శుభకరములగు వైశాఖమాసవ్రత ధర్మములు వానియంతరార్థమును మహారాజునకు విశదపరచెను. రాజు మహర్షికి నమస్కరించి తన రాజ్యమునకు పోయెను.

ఆ రాజు వశిష్ఠమహర్షి చెప్పిన మాటలను పాటించెను. వైశాఖధర్మములను పాటించుచు 

శ్రీ మహావిష్ణువును మిక్కిలి భక్తితో సేవించుచుండెను. ఏనుగుపై భేరీ వాద్యమునుంచి దానిని మ్రోగించి భటులచే గ్రామ గ్రామమున ప్రజలారా వినుడు. ఎనిమిది సంవత్సరముల వయసు దాటిన వారు యెనుబది సంవత్సరముల లోపువారు ప్రాతఃకాలమున స్నానము చేసి వైశాఖమాసమున వైశాఖమాసవ్రత ధర్మము నాచరింపవలెను. అట్లాచరింపని వారిని దండించి వధింతును. లేదా దేశమునుండి బహికరింతునని చాటించెను. వైశాఖవ్రతము నాచరింపని వారు తండ్రియైనను, పుత్రుడైనను, భార్యయైనను, ఆత్మబంధువైనను తీవ్రదండన కర్హులేయనియు ప్రకటించెను. వైశాఖమున ప్రాతఃకాలస్నానము చేసి సద్బ్రాహ్మణులకు జలము మున్నగు వానిని యధాశక్తిగ దానము చేయవలయును. చలివేంద్రములు మున్నగు వాని నేర్పాటు చేయవలయును అని వైశాఖ ధర్మములను పాటింపని వారిని తెలిసికొనుటకై ధర్మవక్తను నియమించెను. వైశాఖవ్రతమును పాటింపని వారిని సిక్షించుటకై అయిదు గ్రామముల కోక ధర్మాధికారిని నియమించెను. వాని అధీనమున పది మంది అశ్వికులనుంచెను. ఈ విధముగ నా మహారాజు ఆజ్ఞచే వాని దేశమున వైశాఖమాస వ్రతము సుస్థిరమయ్యెను. ఈ రాజు ప్రారంభించిన నాటిన వైశాఖ ధర్మవృక్షము సుస్థిరమయ్యెను. ఆ రాజు రాజ్యమున మరణించిన స్త్రీలు, బాలురు, పురుషులు అందరును యిహలోక సుఖములనందిన వారై విష్ణులోకమును చేరుచుండిరి. వైశాఖమాసమున ఏ కారణముచే ప్రాతఃకాలస్నానము చేసినను పాపవిముక్తులై శ్రీహరి లోకమును చేరుచుండిరి.

ఇట్లు ఆ రాజ్యము దేశములోని ప్రజలందరును వైశాఖ మహత్మ్యమున శ్రీహరి లోకమునకు పోవుటచే యమ ధర్మరాజ్యమునకు(నరకమునకు) పోవువారెవరును లేకపోయిరి. ప్రతిప్రాణియు లోగడ చేసిన పాపములన్నిటిని చిత్రగుప్తుడు వ్రాసినను కొట్టివేయవలసి వచ్చెను. ఈ విధముగ చిత్రగుప్తునికి జనుల పాపములను వ్రాయుట కొట్టివేయుట జరిగి అతడూరకనుండవలసి వచ్చెను. ఏ పనులు చేసిన వారైనను వారు నరకమునకు పోవలసినవారైనను వైశాఖస్నాన మహిమచే విష్ణులోకమునకు పోవుటచే నరకలోకములన్నియు వచ్చు వారు లేక శూన్యములై యుండెను. అంతే కాదు స్వర్గలోకమునకై యజ్ఞయాగాదుల నెవరును చేయక వైశాఖమాస వ్రతములను ధర్మముల నాచరించుచుండుటచే వారును విష్ణులోకమును చేరుటచే స్వర్గలోకములును శూన్యములై యుండెను. ఈ విధముగ యమధర్మరాజు లోకము నరకము, ఇంద్రుని దేవలోకము స్వర్గము వచ్చువారెవరును లేక శూన్యములై యుండెను.```

*వైశాఖపురాణం పదిహేనవ అధ్యాయం సంపూర్ణం*

         🌷 *సేకరణ*🌷

      🌹🌷🕉️🕉️🌷🌹

        *న్యాయపతి వేంకట*

       *లక్ష్మీ నరసింహా రావు*

🙏🕉️🙏🕉️🙏🕉️🙏🕉️🙏

*శ్రీ మహావిష్ణు పురాణం*

 2.5.f4;

🍀🌺🍀🌺🍀🕉️🍀🌺🍀🌺🍀7️⃣4️⃣

     *శ్రీ మహావిష్ణు పురాణం*

             ➖➖➖✍️

     (డెభ్బై నాలుగవ భాగం)

*మాధాంత వంశము - సగర చక్రవర్తి జననం```

మాంధాత కుమారుడు అంబరీషుడు. అంబరీషుడి కుమారుడు యువనాశ్వుడు. యువనాశ్వుడి కుమారుడు హరిషుడు. వీరి సంతతి అంతా అంగిరసులు అనే ఆరు కోట్ల గంధర్వులుగా వృద్ధి చెందారు. వీరు పాతాళానికి వెళ్లి నాగజాతితో యుద్ధం చేసి చెదరకొట్టి వారి వద్ద నున్న రత్నాలు మణులు అపహరించారు.

నాగులు శ్రీమన్నారాయణుడి వద్దకు వెళ్లి అంగిరసులు అనే గంధర్వులు తమ లోకం పై దాడి చేసి తమ రత్నాలు మణులు అపహరించడం గురించి విన్నవించి రక్షించమని ప్రార్ధించారు. విష్ణువు వారికి అభయమిస్తూ "నాగులారా! భూమి పైన పురుకుత్సుడు అనే రాజు రాజ్యం చేస్తున్నాడు. అతనికి నా శక్తి రక్షణగా ఉంది. మీరు వెళ్ళి ఆ రాజుని ప్రార్ధించండి గంధర్వులను సంహరించి మీకు రక్షణ ఇస్తాడు" అని ఉపాయం చెప్పాడు.

నాగులు తమలోకం తిరిగి వెళ్లి పురుకుత్సుడు దగ్గరకు ఎవరిని పంపుదాము అని చర్చిస్తుండగా అక్కడ తపస్సు చేస్తున్న ముని వచ్చి "పురుకుత్సుడికి నర్మద (నది) అంటే చాలా ఇష్టం. నర్మదకు కూడా పురుకుత్సుడి పై ప్రేమ ఉంది. నర్మద చెబితే పురుకుత్సుడు కాదనడు. మీ పక్షాన యుద్దం చేసి శత్రువులను సంహరిస్తాడు. మీరు ఆమెను ప్రార్ధించండి" అని సూచించాడు.

నాగులు నర్మదానది వద్దకు వెళ్లి ప్రార్ధించగా ఆమె దివ్యకాంతగా దర్శనమిచ్చింది. నాగులు శ్రీమహావిష్ణువు పురుకుత్స మహారాజు గురించి చెప్పినది చెప్పి ఆ రాజుని తమకు సహాయం చేసేటట్టు చేయమని ప్రార్ధించారు. 

నర్మద అంగీకరించి పురుకుత్సునికి విషయం చెప్పి నాగుల వద్దకు తీసుకువచ్చింది. 

నాగులు స్వాగతించి సత్కరించి "మహారాజా! మహావిష్ణువు వాక్కుని నిజం చేయండి. మాకు సహాయంగా యుద్ధం చేసి శత్రువులైన గంధర్వులను సంహరించండి" అని ప్రార్ధించారు.

నర్మద కూడా నాగులకు సహాయం చేయమని చెప్పింది.   

నర్మద చెప్పడంతో వెంటనే పురుకుత్సుడు గంధర్వులతో యుద్ధం చేసి వారిని సంహరించి నాగులకు భయం తొలగించాడు. 

తమకు ఉపకారం చేసిన నర్మదకు నాగులు "ఎవరైతే "ఓం నర్మదా నమః" అని ఉభయ సంధ్యలలో భక్తితో స్మరిస్తారో వారికి సర్పవిషం సోకదు. నర్మద నామం పలికి భోజనం చేసేవారికి విషము పెట్టినా అమృతం అవుతుంది" అని వరం ఇచ్చారు. 

నర్మద వరం తీసుకుని ఆనందంగా తన మాట నిలబెట్టిన పురుకుత్సుని వరించి వివాహం చేసుకుంది.

పురుకుత్సునికి నర్మదకు త్రసదస్యుడు అనే కుమారుడు కలిగాడు. అతని కుమారుడు అనరణ్యుడు యజ్ఞం చేస్తుండగా రావణుడు వచ్చి యజ్ఞం భగ్నం చేసి అనరణ్యుని చంపి వెళ్లి పోయాడు. 

అనరణ్యుని కుమారుడు హర్యాక్షుడు. హర్యాక్షుని కుమారుడు ప్రియారణుడు. ప్రియారణుని కుమారుడు సత్యవత్రుడు.

సత్యవ్రతుడు వసిష్టుని శాపం పొంది త్రిశంకుడు అనే నామంతో ఛండాలుడై అడవుల్లో ఉండసాగారు. విశ్వామిత్రుడు కుటుంబాన్ని ఆశ్రమంలో వదలి తపస్సుకి వెళ్లినప్పుడు భయంకరమైన కరువు వచ్చింది. తినడానికి తిండి, త్రాగడానికి నీరు లేక జనులు చనిపోసాగారు. త్రిశంకుడు అడవిలో మృగాలను చంపి మాంసం తెచ్చి ఇచ్చి విశ్వామిత్రుడి భార్య పిల్లలు మరణించకుండా కాపాడాడు.

విశ్వామిత్రుడు వచ్చిన తర్వాత విషయం తెలుసుకుని, తన కుటుంబాన్ని కాపాడిన త్రిశంకుడు కోరినట్లు యాగం చేసి సశరీరంగా స్వర్గానికి పంపాడు. 

ఇంద్రుడు క్రిందకు తోసివేస్తే త్రిశంకుడు స్వర్గం మధ్యలో సృష్టించి ఉంచటంతో ఇంద్రుడు భయపడి స్వర్గంలోకంలో ఉండటానికి అనుమతించారు.

త్రిశంకుడి కుమారుడు హరిశ్చంద్రుడు. హరిశ్చంద్రుడు విశ్వామిత్రుడికి వచ్చిన కలలో ఇచ్చిన మాటకు కట్టుబడి విశ్వామిత్రునికి సకల సంపదలు, రాజ్యం ఇచ్చేసి భార్య కుమారుడితో కాశికి వెళ్లి పోయాడు. అక్కడ భార్యాబిడ్డలను అమ్మి కాటికాపరిగా పని చేసి విశ్వామిత్రుడి ఋణం తీర్చాడు. సత్య పరీక్షకు నిలబడి గెలిచి సత్య హరిశ్చంద్రుడు అయ్యాడు. స్వర్గలోకంలో ఇంద్రునితో సమానంగా సింహాసనం అధిష్టించాడు.

హరిశ్చంద్రుని కుమారుడు లోహితాస్యుడు. అతని కుమారుడు హరిషుడు. హరిషుని కుమారుడు చంచుడు. చంచునికి విజయుడు, వసుదేవుడు అనే ఇద్దరు కుమారులు. విజయుని కుమారుడు రురుడు. రురుని కుమారుడు వృకుడు. వృకుని కుమారుడు బాహుడు.

బాహుడు రాజ్యం చేస్తున్న సమయంలో హైహయులు ఆకస్మత్తుగా దాడి చేసి రాజ్యం ఆక్రమించారు. బాహుడు భార్యలతో కలిసి అడవులలో గల ఔర్వ మహర్షి ఆశ్రమానికి వెళ్లి శరణు కోరి ఆశ్రయం పొందారు. అప్పుడు పట్టపురాణి గర్భవతిగా ఉంది. సవతి అసూయ చెంది పట్టపురాణికి భోజనంలో విషం కలిపి పెట్టింది. ఆ విషము గర్భాన్ని స్తంభింప చేసింది.

అలా ఏడు సంవత్సరాలు గడచిపోయాయి. రాజ్యం కోల్పోయిన విచారంతో బాహుడు మరణించాడు. గర్భవతియై గర్భం రాని పట్టమహిషి భర్తతో కలిసి సహగమనం చేయాలని చితి మీద కూర్చుంది. ఔర్వ మహర్షి తెలిసి అక్కడకు వచ్చి పట్టపు రాణిని వారిస్తూ "తల్లీ! నీ గర్భం నుంచి బలపరాక్రములు కలిగిన మహావీరుడు జన్మిస్తాడు. శత్రువులను ఓడించి చక్రవర్తిగా రాజ్యం చేస్తాడు. సహగమనం విరమించు" అని పలికాడు.

పట్టపురాణి మహర్షి మాటలు గౌరవించి సహగమనం మాని భర్తకు అంత్యక్రియలు చేసింది. ఔర్వ మహర్షి చెప్పినట్లు కొంతకాలం తరువాత గరముతో (విషముతో) కుమారుడు కలిగాడు. విషము భరించి పుట్టాడు కనుక ఔర్వ మహర్షి ఆ బిడ్డకు "సగరుడు" అని పేరు పెట్టాడు. జాతకర్మాదులు చేసి, ఉపనయనం చేసి విద్యాభ్యాసం ప్రారంభించాడు. అస్త్రాశస్త్రాలు, ధనుర్విద్యలు నేర్పించాడు.✍️సశేషం 

*తరువాత కధ రేపటి భాగంలో చదువుదాం..

*శ్రీకాంత్ గంజికుంట కరణంగారి సౌజన్యంతో..

-సేకరణ:పెండ్యాల ఉపేంద్ర రావు```

. *సర్వం శ్రీకృష్ణార్పణమస్తు*

                    🌷🙏🌷```

 🙏లోకా సమస్తా సుఖినోభవన్తు!🙏

🍀🌺🍀🌺🍀🕉️🍀🌺🍀🌺🍀

*రేపటి తరానికి బతుకు, భద్రతలతో పాటు భారతీయత కూడా నేర్పండి.

          ➖▪️➖

తిరుపతి వెంకన్న దర్శనం

 114f5;

🍀🌺🍀🌺🍀🕉️🍀🌺🍀🌺🍀

*తిరుపతి వెంకన్న దర్శనం 24×365 చాలా రద్దీగా ఉంటుంది. మిగతా దేవాలయాల్లో అలా ఉండదు, ఎందుకు?*

            ➖➖➖✍️

```

తిరుపతి వెంకన్న దర్శనం 24×365 రద్దీగా ఉండడానికి కారణం ఒక్క మాటలో చెప్పాలంటే - “నమ్మకం + ప్రకృతి + సౌకర్యం = తిరుమల మహాత్మ్యం.”

ఒక ఉదాహరణ తీసుకుంటే, రాహు-కేతు పూజ అన్ని గుళ్లల్లో చేసినా కాళహస్తి అంటేనే ఒక ఫీలింగ్.దుర్గమ్మ అనగానే విజయవాడ దుర్గగుడి గుర్తొస్తుంది. అలాగే ‘కలియుగ దైవం’ అనగానే తిరుమల వెంకన్నే. ఎందుకు..?```

*1. స్థల మహిమ - భూమి ఎంపిక:*```

శంకరాచార్యులు, రామానుజులు లాంటి మహానుభావులు ఏ కొండ పడితే ఆకొండ ఎక్కి గుడి కట్టలేదు. తిరుమల సప్తగిరులు సాక్షాత్తు ఆదిశేషుడి అవతారం అని పురాణం. వాయు పురాణంలో ‘వేంకటాద్రి సమం స్థానం బ్రహ్మాండే నాస్తి కించన’ - ఈ విశ్వంలో వెంకటాద్రికి సమానమైన స్థలం లేదు అని ఉంది. 

అంటే ఆ కొండ మీద అడుగు పెడితేనే వైబ్రేషన్ మారిపోతుంది. సైన్స్‌లో చెప్పాలంటే ‘జియోమాగ్నెటిక్ ఫీల్డ్’ ఎక్కువ ఉన్న ప్రదేశాలు. అక్కడ ధ్యానం చేస్తే మనసు తొందరగా శాంతిస్తుంది.

*. సంకల్ప బలం - కోట్లాది మంది నమ్మకం:

ఒక దీపం వెలుగుతుంది, కోటి దీపాలు కలిస్తే సూర్యుడే అవుతుంది. తిరుమలకి 2000 ఏళ్లుగా కోట్లాది మంది ‘గోవిందా,గోవిందా’ అని మొక్కుతున్నారు. ఆ సంకల్పం, ఆ కన్నీళ్లు, ఆ మొక్కులు అన్నీ ఆ గాల్లోనే ఉన్నాయి. అందుకే కొత్తగా వెళ్లిన వాడికి కూడా గుండె బరువు దిగిపోయినట్టు ఉంటుంది. దీన్నే మన పెద్దలు ‘క్షేత్ర మహాత్మ్యం’ అన్నారు. నువ్వు నమ్మినా నమ్మకపోయినా, అక్కడి ఎనర్జీ నిన్ను పట్టుకుంటుంది.

*. సర్వం సిద్ధం - ప్రకృతి + సౌకర్యం: 

అక్కడ అనేకమైన ప్రత్యేకతలు ఉంటాయి అందులో జపాలి ఆంజనేయుడు, పాపవినాశనం, ఆకాశగంగ, శిలాతోరణం - ఒక గుడి కాదు, ఒక లోకం. పైన కొండలు, కింద మేఘాలు, చుట్టూ అడవి. నగరం గోల వినపడదు. పైగా TTD వాళ్లు అన్నదానం, బస్సు, క్యూ లైన్, లడ్డూ - భక్తుడు తిన్నాడా, పడుకున్నాడా అని చూసుకుంటారు. 

‘కలియుగంలో ప్రత్యక్ష దైవం’ అంటే భయం వేయకూడదు కదా, భరోసా ఇవ్వాలి. తిరుమల అదే చేస్తుంది!```

*2. జియోగ్రఫీ - అందరికీ అందుబాటు:*```

AP, తెలంగాణ, తమిళనాడు, కర్ణాటక, మహారాష్ట్ర - అన్ని రాష్ట్రాలకు 1 రాత్రి జర్నీ. "వీకెండ్‌లో వెళ్లొద్దాం పద" అనేంత దగ్గర. అది కూడా ఒక కారణం.

మరి మిగతా గుళ్లల్లో ఎందుకు లేదు?

ప్రతి గుడికీ శక్తి ఉంటుంది. కానీ కొన్ని గుళ్లు "పవర్ హౌస్" లాంటివి. కరెంట్ అన్ని ఇళ్లల్లో ఉన్నా, పవర్ స్టేషన్ దగ్గరే లోడ్ ఎక్కువ. తిరుమల అలాంటి పవర్ స్టేషన్. 

కలియుగంలో మనిషి అరిషడ్వర్గాలతో, టెన్షన్లతో సతమతం అవుతున్నాడు. "ఎవరైనా ఉన్నారా నన్ను కాపాడేవారు?" అని ఏడ్చినప్పుడు "నేనున్నాను" అని ఆ కొండ మీద నుంచి ఒక భరోసా వినిపిస్తుంది. ఆ భరోసా పేరే వెంకటేశ్వరుడు.

అందుకే 24×365 క్యూ ఉంటుంది. అది రద్దీ కాదు, కోట్ల గుండెల నమ్మకం లైన్‌గా నిలబడింది. నువ్వు వెళ్లేది రాయితో చేసిన విగ్రహం దగ్గరికి కాదు, నీ కోసం ఎదురుచూస్తున్న తండ్రి దగ్గరికి. అందుకే ఎంత రద్దీ ఉన్నా కాలు లాగుతూ అయినా వెళ్తాం.

‘వేంకటేశ సమో దేవో న భూతో న భవిష్యతి’ - వెంకన్న లాంటి దేవుడు లేడు, రాడు. అందుకే ఆ క్యూ ఎప్పటికీ తగ్గదు. గోవిందా!

ఇవి నాతో చూసినట్టు అంశాలు మిగిలినవి మీకు తోస్తే వాటిని కూడా చెప్పొచ్చు …ఎవరి నమ్మకం వారిది✍️``` - TMS Rao.

. *సర్వం శ్రీకృష్ణార్పణమస్తు*

                    🌷🙏🌷```

 🙏లోకా సమస్తా సుఖినోభవన్తు!🙏

🍀🌺🍀🌺🍀🕉️🍀🌺🍀🌺🍀

*రేపటి తరానికి బతుకు, భద్రతలతో పాటు భారతీయత కూడా నేర్పండి.

          ➖▪️➖

గుండె Heart*

 2.5f8;

🍀🌺🍀🌺🍀🩺🍀🌺🍀🌺🍀🍇M.A.225.

*మన ఆరోగ్యం…!

            *🫀గుండె Heart*

                  ➖➖➖✍️

*🫀గుండె ఆరోగ్యం కేవలం ఆహారం మీద మాత్రమే కాదు.. మీ మనస్సు మీద కూడా ఆధారపడి ఉంటుంది!* ```

*ఇటీవలి కాలంలో గుండెపోటు (Heart Attack) కేసులు విపరీతంగా పెరుగుతున్నాయి. 

*అయితే, దీనికి కారణం కేవలం కొలెస్ట్రాల్ లేదా శారీరక శ్రమ లేకపోవడం మాత్రమే కాదు.. మన మానసిక ఆరోగ్యం కూడా అని ఒక సంచలన అధ్యయనం వెల్లడించింది.

```

 *షాకింగ్ నిజాలు & గణాంకాలు:* ```

*సుమారు 2.2 కోట్ల మందిపై జరిపిన పరిశోధనలో తేలింది ఏమిటంటే.. డిప్రెషన్, యాంగ్జైటీ (ఆందోళన), మరియు నిద్రలేమితో బాధపడేవారికి గుండెపోటు వచ్చే ప్రమాదం 3 రెట్లు (300%) ఎక్కువగా ఉంది!```

 *ఇది గుండెను ఎలా దెబ్బతీస్తుంది ?* ```

*1️⃣హార్మోన్ల ప్రభావం :

ఒత్తిడి వల్ల రక్తంలో 'కార్టిసాల్' వంటి హార్మోన్లు పెరిగి రక్తపోటు (BP) అధికమవుతుంది.

*2️⃣ధమనుల నష్టం:

దీర్ఘకాలిక ఆందోళన వల్ల రక్తనాళాలు దెబ్బతిని, రక్తం గడ్డకట్టే అవకాశం పెరుగుతుంది.

*3️⃣జీవనశైలి: 

మానసిక కుంగుబాటులో ఉన్నప్పుడు సరైన నిద్ర లేకపోవడం, వ్యాయామం చేయకపోవడం గుండెను మరింత బలహీనపరుస్తాయి.

*❓మనం ఏం చేయాలి? 

✅ మానసిక ఆరోగ్యంపై దృష్టి పెట్టండి: డిప్రెషన్ లేదా ఆందోళనను చిన్నచూపు చూడకండి. అవసరమైతే నిపుణుల సలహా తీసుకోండి.

*✅నిద్రకు ప్రాముఖ్యత :

రోజుకు కనీసం 7-8 గంటల నిద్ర గుండెకు రక్షణ కవచం.

*✅చిన్న వ్యాయామం :

కేవలం 20 నిమిషాల నడక లేదా ధ్యానం మీ ఒత్తిడిని తగ్గించి, గుండెను పదిలంగా ఉంచుతాయి.

*గుర్తుంచుకోండి...❗️

ఆరోగ్యకరమైన శరీరానికి ప్రశాంతమైన మనస్సు పునాది!✍️(-సేకరణ)```

. *సర్వం శ్రీకృష్ణార్పణమస్తు*

                    🌷🙏🌷```

 🙏లోకా సమస్తా సుఖినోభవన్తు!🙏

🍀🌺🍀🌺🍀🕉️🍀🌺🍀🌺🍀

*రేపటి తరానికి బతుకు, భద్రతలతో పాటు భారతీయత కూడా నేర్పండి.

          ➖▪️➖

వైశాఖ పురాణం - 15.*

 2.5f9;

🍀🌺🍀🌺🍀🕉️🍀🌺🍀🌺🍀

        *వైశాఖ పురాణం - 15.*

                 ➖➖➖✍️

             15 వ అధ్యాయము

*వైశాఖవ్రత మహిమ*```

నారదమహర్షి అంబరీష మహారాజునకు వైశాఖ మహత్మ్యమును వివరించుచు నిట్లనెను. శ్రుతదేవుని మాటలను విని శ్రుతకీర్తి మహారాజు ‘శ్రుతదేవమునీ! వైశాఖ ధర్మములు సులభములు, అఖండ పుణ్యప్రదములు, విష్ణుప్రీతికరములు, ధర్మాధి ధర్మార్థపురుషార్థ సాధకములు. ఇట్టియుత్తమ ధర్మములు శాశ్వతములు వేదనిరూపితములు కదా! ఇట్టి యుత్తమధర్మములు లోకమున నెందుకని ప్రసిద్ధములు కాలేదు? రాజస, తామస ధర్మములు కష్టసాధ్యములు అధికధనసాధ్యములు అట్టి ధర్మములు లోకమున ప్రసిద్దములైనవి. కొందరు మాఘమాసమును మెచ్చుకొందురు. కొందరు చాతుర్మాస్యముల నుత్తమములనియందురు. వ్యతీపాతాది ధర్మములను మరికొందరు ప్రసంసింతురు. వీనిని వివరించి సరియగు వివేకమును కలిగింపగోరుచున్నా’నని యడిగెను.

శ్రుతదేవుడును ‘మహారాజా! వైశాఖ ధర్మములెందుకని ప్రసిద్ధములు కాలేదో యితర ధర్మములకెందుకు ప్రసిద్ధి కలిగెనో వివరింతును వినుము.. లోకములోని జనులు చాలమంది ఐహికభోగములను, పుత్రపౌత్రాది సంపదలను కోరుచుందురు. వారు రాజస తామస గుణప్రధానులు. ఇంతమందిలో నెవడోయొకడు యేదో యొక విధముగ స్వర్గము కావలయునని యజ్ఞాది క్రతువులను చేయుచున్నాడు. ఆ యజ్ఞాది క్రియలు కష్టసాన్నిధ్యములైనను స్వర్గవ్యామోహముతో వానినే అతికష్టముపై చేయగోరుచున్నాడు. కాని ఒక్కడును మోక్షమునకై ప్రయత్నించుటలేదు. చాలామంది జనులు క్షుద్ర ప్రయోజనములకై ఆశపడి అధికకర్మలు చేయుచు కామ్యసాధనకై యత్నించుచున్నారు. కావున రాజసతామస ధర్మములు లోకమున ప్రసిద్ధములైనవి. విష్ణుప్రీతికరములగు సాత్త్విక ధర్మములు ప్రసిద్ధములు కాలేదు. సాత్త్వికకర్మలు నిష్కామకర్మలు. కాని ఐహికమును ఆయుష్మికమును అగు సుఖమునిచ్చునవి. దేవమాయా మోహితులు కర్మపరతంత్రులునగు మూఢులు యీ విషయము నెరుగురు. ఆధిపత్యము,ఉన్నతపదవి సిద్దించినచో వాని మనోరధమ్ములన్నియు తీరినవనియనుకొనుచున్నారు. వ్యామోహనమే ప్రయోజనముగా కల కర్మలను చేసినచో సంపదలు క్షీణింపవు. వృద్ధినందును. ఆధిపత్య ప్రయోజనముతో వారి 

పురుషార్థసాధన ఆగిపోవును.

వైశాఖ ధర్మములు సాత్త్వికములు. అవి నిగూఢములుగ యెవరికిని దెలియకయున్న కారణమును వినుము. పూర్వము కాశీరాజు కీర్తిమంతుడనువాడు కలడు. అతడు నృగమహారాజు కుమారుడు. ఇక్ష్వాకు వంశరాజులలో నుత్తముడు. కీర్తిశాలి. అతడు యింద్రియములను జయించినవాడు. కోపము నెరుగనివాడు. బ్రహ్మజ్ఞాని. అతడొకనాడు వేటాడుటకై అడవికి పోయెను. వశిష్ఠ మహర్షి యాశ్రమ ప్రాంతమును చేరెను.

అతడు వెళ్లిన కాలము వైశాఖమాసము. వశిష్టమహర్షి శిష్యులు వైశాఖమాస ధర్మములను ఆచరించుచుండిరి. కొందరు చలివేంద్రములను, మరికొందరు నీడనిచ్చు చెట్టును, మరికొందరు దిగుడు బావులను, యేర్పాటు చేయుచుండిరి. బాటసారులకు చెట్ల నీడలయందు కూర్చుండబెట్టి విసనకఱ్ఱలతో విసురుచుండిరి. చెరకుగడలను, గంధములను, ఫలములను యిచ్చుచుండిరి. మధ్యహ్నకాలమున ఛత్రదానమును, సాయంకాలమున పానకమును, తాంబూలమును, కన్నులు చల్లబడుటకు కర్పూరమును యిచ్చుచుండిరి. చెట్లనీడలయందు, యింటి ముంగిళ్లయందు మండపములయందు యిసుకను పరచి కూర్చుండుటకు వీలుగచేయుచుండిరి. చెట్ల కొమ్మలకు ఉయ్యాలలను కట్టుచుండిరి. రాజు వారిని జూచి యిదేమని ప్రశ్నించెను. వారును వైశాఖమాసమున చేయవలసిన ధర్మములివి. మానవులకు సర్వపురుషార్థములను కలిగించును. మా గురువుగారైన వశిష్టులచే ఆజ్ఞాపింపబడి వీనిని చేయుచున్నాము అని పలికిరి. 

మరింత వివరించి చెప్పుడని రాజు వారిని అడిగెను. 

మేమీ పనులను గురువుల యాజ్ఞననుసరించి చేయుచున్నాము. మీకింకను వివరములు కావలసినచో మా గురువులనడుగుడని సమాధానమిచ్చిరి. రాజు వారి మాటలను విని పవిత్రమగు వశిష్టుని యాశ్రమమునకు వెళ్లెను.

అట్లు వచ్చుచున్న రాజును వాని పరివారమును జూచి వశిష్ఠ మహర్షి సాదరముగ రాజును వాని పరివారమును అతిధి సత్కారములతో నాదరించెను. రాజు మహాముని యిచ్చిన ఆతిధ్యమును స్వీకరించి నమస్కరించి సంతోషాశ్చర్యములతో చేయునిట్లడిగెను. మహర్షీ! మార్గమున మీ శిష్యులు బాటసారులకు చేయు అతిధిసత్కారములు ఉపచారములు నాకు మిక్కిలి ఆశ్చర్యమును కలిగించినవి. ఇట్లెందులకు చేయుచున్నారని నేను వారి నడిగితిని. వారును మహారాజా! దీనిని వివరించునవకాశము లేదు. మా గురువుల యాజ్ఞననుసరించి శుభకరములగు వీనిని చేయుచున్నాము. మీరు మా గురువులనడిగిన వారు మీకు వివరింపగలరు. నేనును వేటాడి అలసితిని. అతిధి సత్కారమును కోరు పరిస్థితిలోనుంటిని. ఇట్టి స్థితిలో మీ శిష్యులు బాటసారులకు చేయు ఆతిధి సత్కారములు విస్మియమును కలిగించినవి. నీవు మునులందరిలో మొదటివాడవు. శ్రేష్ఠుడవు. సర్వధర్మములనెరిగినవాడవు. నేను మీకు శిష్యుడను దయయుంచి నాకీ విషయము నెరిగింపుడని ప్రార్థించెను.

వశిష్ఠ మహర్షియు రాజునకు గల ధర్మజిజ్ఞాసకు వినయవిధేయతలకు సంతసించెను. రాజా! నీ బుద్ధికిగల క్రమశిక్షణ మెచ్చదగినది. విష్ణుకధా ప్రసంగమునందు విష్ణుప్రీతికరములగు ధర్మములనెరుగుటయందు ఆసక్తి కలుగుట సామాన్య విషయము కాదు. నీవడిగిన విషయమును వివరింతును. వినుము. వైశాఖమాస వ్రత ధర్మ విషయములను వినిన సర్వపాపములును నశించును. ఇతర ధర్మముల కంటె వైశాఖ ధర్మములు మిక్కిలి యుత్తమములు. వైశాఖమాసమున బహిస్నానము చేసినవారు శ్రీమహావిష్ణువునకు ప్రియమైనవారు అన్ని ధర్మముల నాచరించి స్నానదానార్చనములెన్ని చెసినను వైశాఖమాస ధర్మముల నాచరింపనిచో అట్టివారికి శ్రీహరి దూరముగ నుండును. వారు శ్రీహరికి ప్రియులుకారని భావము. వైశాఖమాసమున స్నానదానములు, పూజాదికములు మానినవారెంత గొప్ప కులమున జన్మించిననువారు కర్మననుసరించి మిక్కిలి నీచ జన్మకలవారని యెరుగుము. వైసాఖమాస వ్రత ధర్మముల నాచరించి శ్రీహరిని పూజించినచో శ్రీహరి సంతసించి వారి కోరికల నిచ్చి రక్షించును. శ్రీపతియు జగన్నాధుడునగు శ్రీమహావిష్ణువు సర్వపాపముల నశింపజేయువాడు సుమా! వ్యయ ప్రయాసలు కల వ్రతము చేతను ధర్మ సూక్ష్మముల చేతను ధనములచేతను శ్రీహరి సంతసింపడు. భక్తి పూర్వకముగ నారాధింపబడిన శ్రీహరి భక్తిపూర్వకమైన స్వల్పపూజకైనను స్వల్పకర్మకైనను సంతసించును. భక్తిలేని కర్మయెంత పెద్దదైనను అతడు సంతసించును సుమా. అధిక కర్మకు అధికఫలము, స్వల్పకర్మకు స్వల్పఫలము అని శ్రీహరి లెక్కింపడని భక్తియధికమైనచో స్వల్పకర్మకైనను అధికఫలమునిచ్చును. భక్తిలేని కర్మయే అధికమైనను ఫలితముండదు. కర్మమార్గమును దాని ఫలమును నిర్ణయించుట చాలా కష్టము సుమా! వైశాఖమాస వ్రత ధర్మములు స్వల్పములైన వ్యయప్రయాసలు చేయబడినను భక్తిపూర్ణములైనచో శ్రీహరికి మిక్కిలి సంతోషమును కలిగించును కావున రాజా! నీవును వైశాఖమాస ధర్మములను యెక్కువ తక్కువలనాలోచింపక భక్తిపూర్ణముగ నాచరింపుము. నీ దేశప్రజలచేతను చేయింపుము. వారికిని శుభము కలుగును. వైశాఖధర్మములనాచరింపని నీచుని అతడెవరైనను తీవ్రముగ శిక్షింపుము అని వశిష్ఠమహర్షి శాస్త్రోక్తములగు శుభకరములగు వైశాఖమాసవ్రత ధర్మములు వానియంతరార్థమును మహారాజునకు విశదపరచెను. రాజు మహర్షికి నమస్కరించి తన రాజ్యమునకు పోయెను.

ఆ రాజు వశిష్ఠమహర్షి చెప్పిన మాటలను పాటించెను. వైశాఖధర్మములను పాటించుచు 

శ్రీ మహావిష్ణువును మిక్కిలి భక్తితో సేవించుచుండెను. ఏనుగుపై భేరీ వాద్యమునుంచి దానిని మ్రోగించి భటులచే గ్రామ గ్రామమున ప్రజలారా వినుడు. ఎనిమిది సంవత్సరముల వయసు దాటిన వారు యెనుబది సంవత్సరముల లోపువారు ప్రాతఃకాలమున స్నానము చేసి వైశాఖమాసమున వైశాఖమాసవ్రత ధర్మము నాచరింపవలెను. అట్లాచరింపని వారిని దండించి వధింతును. లేదా దేశమునుండి బహికరింతునని చాటించెను. వైశాఖవ్రతము నాచరింపని వారు తండ్రియైనను, పుత్రుడైనను, భార్యయైనను, ఆత్మబంధువైనను తీవ్రదండన కర్హులేయనియు ప్రకటించెను. వైశాఖమున ప్రాతఃకాలస్నానము చేసి సద్బ్రాహ్మణులకు జలము మున్నగు వానిని యధాశక్తిగ దానము చేయవలయును. చలివేంద్రములు మున్నగు వాని నేర్పాటు చేయవలయును అని వైశాఖ ధర్మములను పాటింపని వారిని తెలిసికొనుటకై ధర్మవక్తను నియమించెను. వైశాఖవ్రతమును పాటింపని వారిని సిక్షించుటకై అయిదు గ్రామముల కోక ధర్మాధికారిని నియమించెను. వాని అధీనమున పది మంది అశ్వికులనుంచెను. ఈ విధముగ నా మహారాజు ఆజ్ఞచే వాని దేశమున వైశాఖమాస వ్రతము సుస్థిరమయ్యెను. ఈ రాజు ప్రారంభించిన నాటిన వైశాఖ ధర్మవృక్షము సుస్థిరమయ్యెను. ఆ రాజు రాజ్యమున మరణించిన స్త్రీలు, బాలురు, పురుషులు అందరును యిహలోక సుఖములనందిన వారై విష్ణులోకమును చేరుచుండిరి. వైశాఖమాసమున ఏ కారణముచే ప్రాతఃకాలస్నానము చేసినను పాపవిముక్తులై శ్రీహరి లోకమును చేరుచుండిరి.

ఇట్లు ఆ రాజ్యము దేశములోని ప్రజలందరును వైశాఖ మహత్మ్యమున శ్రీహరి లోకమునకు పోవుటచే యమ ధర్మరాజ్యమునకు(నరకమునకు) పోవువారెవరును లేకపోయిరి. ప్రతిప్రాణియు లోగడ చేసిన పాపములన్నిటిని చిత్రగుప్తుడు వ్రాసినను కొట్టివేయవలసి వచ్చెను. ఈ విధముగ చిత్రగుప్తునికి జనుల పాపములను వ్రాయుట కొట్టివేయుట జరిగి అతడూరకనుండవలసి వచ్చెను. ఏ పనులు చేసిన వారైనను వారు నరకమునకు పోవలసినవారైనను వైశాఖస్నాన మహిమచే విష్ణులోకమునకు పోవుటచే నరకలోకములన్నియు వచ్చు వారు లేక శూన్యములై యుండెను. అంతే కాదు స్వర్గలోకమునకై యజ్ఞయాగాదుల నెవరును చేయక వైశాఖమాస వ్రతములను ధర్మముల నాచరించుచుండుటచే వారును విష్ణులోకమును చేరుటచే స్వర్గలోకములును శూన్యములై యుండెను. ఈ విధముగ యమధర్మరాజు లోకము నరకము, ఇంద్రుని దేవలోకము స్వర్గము వచ్చువారెవరును లేక శూన్యములై యుండెను.✍️```

*వైశాఖపురాణం పదిహేనవ అధ్యాయం సంపూర్ణం*.

. *సర్వం శ్రీకృష్ణార్పణమస్తు*

                    🌷🙏🌷```

 🙏లోకా సమస్తా సుఖినోభవన్తు!🙏

🍀🌺🍀🌺🍀🕉️🍀🌺🍀🌺🍀

*రేపటి తరానికి బతుకు, భద్రతలతో పాటు భారతీయత కూడా నేర్పండి.

          ➖▪️➖

*సంపూర్ణ మహాభారతము

 *సంపూర్ణ మహాభారతము**సరళ వ్యావహారిక భాషలో...!*

*729 వ రోజు*

అశ్వమేధ పర్వము తృతీయాశ్వాసము

ఉదంకుడి ఆగ్రహం

ఈ మాటలకు ఉదంకుడు కోపంతో ఊగిపోతూ " కృష్ణా ! దీనికంతా నువ్వే కారణం. నువ్వు తలచు కుంటే సంధి కుదిరేది. నీకు శక్తి ఉండి కూడా ప్రయత్నించక నీ మోసంతో కౌరవులను సమూలంగా నాశనం చేసావు. ఇంత ఘోరము నీ వలననే జరిగింది కనుక నేను నిన్ను శపిస్తున్నాను " అని కోపంతో పలికాడు. ఆ మాటలు విన్న కృష్ణుడు " మహర్షీ ! నేను చెప్పబోవు మాటలు విని తరువాత మీ ఇష్టము వచ్చిన విధముగా చెయ్యండి. మహర్షీ మునులకు కోపంము తగదు. కనుక శాంతం వహించి ప్రశాంత చిత్తముతో నేను చెప్పేది వినండి. అనవసరంగా నాకు శాపం ఇచ్చి తమరి అమూల్యమైన తపోబలం వ్యర్ధము చేసుకోకండి " అని అన్నాడు. ఉదంకుడు శాంతించి " సరే నువ్వు చెప్పదల్చుకుంది ఏదో చెప్పు శాంతంగా వింటాను " అని అన్నాడు. శ్రీకృష్ణుడుచిరునవ్వు నవ్వి " ఉదంకా ! నేనెవరో నీకు తెలియచెప్తాను. సత్వరజోతమో గుణములు నా యందే ఉండి నా ఆజ్ఞానుసారం ప్రవర్తిస్తాయి. మరుత్తులు, వసువులు మొదలైన దేవతాగణములన్ని నా అందే ఉద్భవించాయి. ఈ విశ్వమంతా నేను వ్యాపించి ఉన్నాను. ఈ సృష్టి అంతా నా అందే వ్యాపించి ఉంది. పర, అపర తత్వములు నేనే. ఓంకారము, వేదములు, నాలుగు వర్ణములు , నాలుగు విధములైన ఆశ్రమాలు, వాటికి సంబంధించిన సమస్త కర్మలు, స్వర్గము, మోక్షము అన్నీ నేనే నా రూపాలే. యజ్ఞయాగాలలో నన్ను స్థుతించి యజ్ఞఫలమును పొందుతుంటారు. పాపములు చేసిన వారు కూడా నన్ను భజించి వారి పాపములకు ప్రాయశ్చితము చేసుకుంటారు. ఈ లోకములో అధర్మము పెచ్చుపెరిగి పోయనప్పుడు నేను అవతరించి అధర్మమును రూపుమాపి ధర్మమును రక్షిస్తాను. నేను బ్రహ్మగా, ఈశ్వరుడుగా, విష్ణువుగా ఆయా విధులు నిర్వహిస్తూంటను. అంటే సృష్టి, స్థితి, లయములను నేను మూడు రూపములలో నిర్వర్తిస్తుంటాను. ధర్మముకు హాని జరిగినప్పుడు అధర్మవర్తకులను రూపు మాపి ధార్మికులను రక్షించి లోకోపకారము చేస్తాను. ఉదంకా నేను సర్వసమర్ధుడిని అయినా అధర్మవర్తనులైన కౌరవులతో ధర్మవర్తనులైన పాండవులను కలపడానికి ఎంతో ప్రయత్నము చేసాను. నేను చేసిన ప్రయత్నమును వ్యాసుడు, మొదలైన మహా మునులు కూడా ప్రశంసించారు. కాని దుర్మదులైన కరవులకు నా మాటలు రుచించ లేదు. అందువలన యుద్ధమే శరణ్యం అయినది. అధర్మవతనులైన కౌరవులు సమూలంగా నాశనం అయ్యారు. జరిగిన విషయం నీకు చెప్పాను. ఇక నీవు చెయ్యతలచినది చెయ్యి " అన్నాడు. ఉదంకుడు " శ్రీకృష్ణా ! నీవు ఎవరో నీ మహిమలు ఏమిటో నాకు ముందే తెలుసు. కాని నేను తాత్కాలిక కోపానికి గురి అయ్యాను. అందుకే నిన్ను నిందించాను. నీ అమృతతుల్యమైన వాక్కులతో నా మనసులోని మాలిన్యాలను కడిగివేసావు. కాని నాకు ఒక కోరిక ఉంది. మహోన్నతమైన నీ విశ్వరూపము చూడాలని కోరికగా ఉంది. నేను అందుకు అర్హుడిని అనుకుంటే నాకు నీ విశ్వరూపము చూపించు " అని ప్రార్థించాడు. ఉదంకుడి మాటలు మన్నించిన శ్రీకృష్ణుడు నాడు యుద్ధభూమిలో అర్జునుడికి చూపించిన విశ్వరూపమును ఉదంకుడికి చూపించాడు. అనిర్వచనము, అద్భుతమైన ఆవిశ్వరూపమును చూసిన ఉదంకుడు ఏకకాలమున భయము ఆనందము ఆశ్చర్యముకు లోనై చేతులు జోడించి శ్రీకృష్ణుడిని ఇలా స్తుతించాడు. " పుండరీకాక్షా ! ఈ భూమి అంతా నీ పాదపద్మములతో నిండి పోయింది. ఆకాశమంతా నీ శిరస్సులతో నిండి పోయింది. నీ యొక్క నడుము అంతరిక్షము అంతా నిండి పోయింది. నీ భుజములు, చేతులు అన్నిదిక్కులను ఆక్రమించాయి. లెక్క లేనన్ని శిరస్సులతో చేతులతో కాళ్ళతో ఈ విశ్వం అంతా నీవే నిండి ఉన్నావు. మహాత్మా ! నీ విశ్వరూపమును కళ్ళారా చూసి ధన్యుడిని అయ్యాను. నా మనస్సు తృప్తి చెందింది. లోకోత్తరమైన ఈ విశ్వరూపమును ఉపసంహరించి నీ జగన్మోహనాకారమైన నీ సహజరూపమును ధరించమని ప్రార్ధిస్తున్నాను కృష్ణా ! " అని ఉదంకుడు ప్రార్థించాడు.

*రేపు *

*భారతంలో ఉండేది భూమిపై ఎక్కడైనా ఉంటుంది భారతంలో లేనిది భూమిపై ఎక్కడా లేదు*

*రోజూ భారతం చదవండి భగవద్ అనుగ్రహం పొందండి*

శ్రీ కులిత్తలై కదంబవనేశ్వరర్ ఆలయం

  🕉 మన గుడి : నెం 1465

⚜  తమిళనాడు : కరూర్ 

⚜  శ్రీ కులిత్తలై కదంబవనేశ్వరర్ ఆలయం 

💠 కులి తలై కదంబూర్ ఆలయం తమిళనాడులోని కులితలైలో ఉన్న ఒక పురాతన దేవాలయం, ఇది శివుడికి అంకితం చేయబడింది. 

💠 ఈ ఆలయాన్ని కదంబవనేశ్వరర్ ఆలయం అని కూడా పిలుస్తారు, ఎందుకంటే శివుడిని ఇక్కడ కదంబవనేశ్వరర్ అని పూజిస్తారు, అంటే "కదంబ అడవికి ప్రభువు" అని అర్థం. 

💠 అతని భార్యను బాలకుసంబల్ మరియు ముత్తిల ములైఅమ్మాయి అని కూడా పిలుస్తారు. 

దీని అర్థం యువ స్తనాలు కలిగినది. అంబికకు ఇద్దరు కుమారులు ఉన్నప్పటికీ, దేవత వారిని తన గర్భంలో భరించలేదు, కాబట్టి ఆమె స్తనాలు చిన్నవని చెబుతారు.

🪔 స్థల చరిత్ర

💠 పురాణాల ప్రకారం, దుర్గాదేవి దూమలోచనుడు అనే రాక్షసుడితో భీకర యుద్ధం చేసింది. 

అతను చాలా బలవంతుడు కాబట్టి, శివుడు సప్తమాత్రులందరినీ అతనిపై యుద్ధం చేయడానికి పంపాడు. సప్తమాత్రులను ఎదుర్కోలేక, అతను యుద్ధభూమి నుండి పారిపోయి కాత్యాయన మహర్షి ఆశ్రమంలో దాక్కున్నాడు. 

💠 సప్తమాత్రులు కాత్యాయన మహర్షిని రాక్షసుడిగా తప్పుగా భావించి, అతన్ని చంపారు.

దీని కారణంగా, సప్తమాత్రులకు బ్రహ్మహత్యా దోషం వచ్చింది. 

దోషం నుండి బయటపడటానికి, వారు అనేక దేవాలయాలను సందర్శించి, చివరికి ఈ ఆలయానికి చేరుకున్నారు. 

💠 దోషం నుండి విముక్తి పొందమని వారు శివుడిని ప్రార్థించారు. 

శివుడు వారిని ఆశీర్వదించి పాపం నుండి విముక్తి పొందాడు. 

శివుడు సప్తమాత్రుల రక్షకుడని నమ్ముతారు. 

చాముండిని దుర్గగా భావిస్తారని కూడా నమ్ముతారు. 

💠 దుర్గ మరియు శివుడు ఇద్దరికీ రాహు కాల పూజ చేస్తారు. సప్తమాత్రులకు శివుని రక్షణను గుర్తుచేసుకుంటూ, శివుడు మరియు పార్వతి తల్లి కావేరీ నదిని సందర్శిస్తారు. 

ఆ సందర్భంగా, ఈ ప్రదేశం చుట్టూ ఉన్న 7 శివాలయాల ఊర్చవర్లు కూడా తీర్థవారిలో పాల్గొంటారు.

8 దేవాలయాల ఊర్చవర్లను ఒకేసారి దర్శనం చేసుకునే అరుదైన అవకాశం భక్తులకు లభిస్తుంది. 

💠 ఈ ఆలయానికి పరమనాథర్ కాపలా దేవుడు. కుడి చేయి నమస్కరించే భంగిమలో ఉంటుంది. భక్తులు తేనెతో అభిషేకం చేస్తారు,  మొక్కజొన్నతో చేసిన గంజిని నైవేద్యంగా పెడతారు మరియు వారి ఇళ్లను కూడా రక్షించమని ప్రార్థిస్తారు.

💠 మరొక పురాణంలో, సోముగాసురన్ 4 వేదాలను దొంగిలించి సముద్రంలో దాక్కున్నాడు. 

మహా విష్ణువు ఈ ఆలయానికి వచ్చి శివుడిని పూజించి 4 వేదాలను తిరిగి పొందాడు. 

శివుని ఆశీర్వాదంతో, మహా విష్ణువు మచావతారాన్ని తీసుకొని సోముగన్‌ను చంపిన తర్వాత 4 వేదాలను తిరిగి పొందాడు.

💠 శివాలయాలు సాధారణంగా తూర్పు లేదా పడమర వైపు ఉంటాయి. 

అయితే, ఈ ఆలయం ఉత్తరం వైపు ఉన్నందున, దీనిని కాశీతో పోల్చదగిన ప్రదేశంగా పూజిస్తారు.

 

💠 గర్భగుడిలో లింగం వెనుక సప్తకన్యలు (ఏడుగురు కన్యలు) ఉండటం ఒక ప్రత్యేక లక్షణం.

 

💠 కృతయుగంలో బ్రహ్మదేవుడు పూజించబడ్డాడు, అందుకే బ్రహ్మస్వరుడు అని పేరు వచ్చింది. త్రేతాయుగంలో సప్త కన్నికలు ఆయనను పూజించి ఆశీస్సులు పొందారు. 

ద్వాపర యుగంలో అగస్త్య మహర్షి ఆయనను పూజించి ఆశీస్సులు పొందారు. 

💠 కదంబ అడవిలో కణ్వ ఋషి కోసం శివుడు కనిపించాడని నమ్ముతారు , అందుకే ఈ ప్రదేశం కదంబంతురై అని పిలువబడింది. కావేరి నది ఒడ్డున ఉన్న అనేక ఆలయాలలో ఇది కూడా ఒకటి 

💠 ఇది 275 పాదల్ పెట్రా స్థలాలలో ఒకటి . తిరునావుక్కరసర్ ఈ ఆలయాన్ని స్తుతిస్తూ శ్లోకాలు పాడారు.

💠 ఈ ఆలయం హిందూ పురాణాల నుండి అనేక ఇతిహాసాలతో ముడిపడి ఉందని నమ్ముతారు. కైలాస పర్వతంలో శివుని దివ్య వివాహం జరిగినప్పుడు భూమి యొక్క వంపును సమతుల్యం చేయడానికి అగస్త్య మహర్షి ఇక్కడ శివుడిని పూజించాడని చెబుతారు.

💠 ద్రవిడ శైలిలో నిర్మించబడిన ఈ ఆలయంలో గంభీరమైన రాజగోపురం ఉంది. గర్భగుడిలోని శివలింగం స్వయంభు (స్వయంగా వ్యక్తమైన) విగ్రహం అని నమ్ముతారు.

💠 ఈ ఆలయంలో సౌందర్యనాయకి (పార్వతి) దేవతకు ప్రత్యేక మందిరం కూడా ఉంది.

💠 ఈ ఆలయం మహా శివరాత్రి, పంగుని ఉత్తిరం మరియు ఆది పెరుక్కులను ఎంతో ఉత్సాహంగా జరుపుకుంటుంది.

💠 ఇక్కడ ప్రార్థనలు చేయడం వల్ల కష్టాలను అధిగమించి శాంతి లభిస్తుందని భక్తులు నమ్ముతారు.

💠 కరూర్ నుండి 35 కి.మీ దూరం

రచన

©️ Santosh Kumar

Mantra - 28

 Mantra - 28 ARUNAM 3 anuvaakam

నిన్నటి మంత్రంతో ఆరు ఋతువుల వర్ణన ద్వారా పరమాత్మ తత్వాన్ని వివరించే ప్రక్రియ ఒక సంపూర్ణతకు వస్తుంది. సృష్టిలోని వైవిధ్యంలో ఏకత్వాన్ని దర్శించడమే ఈ అరుణప్రశ్న మంత్రాల లక్ష్యం.

ఈ రోజు మంత్రం సూర్యుని యొక్క ఉభయ రూపాలను (తీక్షణత మరియు సౌమ్యత) మరియు కాలం (సంవత్సరం) యొక్క శక్తిని వివరిస్తుంది.

"హ్లాదయతే జ్వలతశ్చైవ|

శామ్యతశ్చాస్య చక్షుషీ|

యా వై ప్రజా భ్రగ్గ్ శ్యంతే|

సంవథ్సరాత్తా భ్రగ్గ్ శ్యంతే||" 

“హ్లాదయతే జ్వలతశ్చైవ” - ‘జ్వలతః’ - ప్రకాశిస్తున్నప్పుడు (తీక్షణమైన ఎండలో), ‘హ్లాదయతే చ ఏవ’ - ఆయన ప్రాణులకు ఆహ్లాదాన్ని కూడా కలిగిస్తాడు. సూర్యుడు మండే ఎండను ఇస్తూనే, ఈ లోకానికి అవసరమైన శక్తిని, వెలుగును ఇచ్చి జీవరాశిని ఉత్సాహపరుస్తాడు.

“శామ్యతశ్చాస్య చక్షుషీ” - ‘శామ్యతః’ ఉపశమనం పొందుతున్నప్పుడు (అంటే సూర్యాస్తమయ సమయంలో లేదా సౌమ్యంగా ఉన్నప్పుడు), ‘అస్య చక్షుషీ’ - ఆయన కన్నులు (కిరణాలు) లోకానికి శాంతిని, చల్లదనాన్ని ఇస్తాయి.

“యా వై ప్రజా భ్రగ్గ్ శ్యంతే | సంవథ్సరాత్తా భ్రగ్గ్ శ్యంతే” - 

 ‘యా వై ప్రజాః:’ - ఏ ప్రాణులైతే, ‘భ్రంశ్యంతే’ - మార్గం తప్పుతాయో లేదా నశిస్తాయో, ‘సంవథ్సరాత్ తాః’ - అవి ఆ 'సంవత్సరం' (కాలం) నుండి విడిపోవడం వల్లనే అలా జరుగుతుంది. ఇక్కడ 'సంవత్సరం' అంటే కాల స్వరూపుడైన సూర్యుడు. కాలచక్రంతో లేదా ప్రకృతి నియమాలతో పొత్తు కుదరని ప్రాణులు క్రమంగా క్షీణిస్తాయని దీని అంతరార్థం.

ఈ మంత్రానికి అద్వైత తత్వ విచారము చేస్తే..

అద్వైతము ప్రకారం, ఈ మంత్రం సృష్టి-స్థితి-లయల వెనుక ఉన్న ఏకైక సత్యాన్ని ఇలా వివరిస్తుంది.

హ్లాదయతే (ఆహ్లాదం) మరియు జ్వలతః (దహించడం/తపింపజేయడం) అనేవి విరుద్ధ లక్షణాలు. కాలము ఒకరికి సుఖాన్నిస్తే, మరొకరికి దుఃఖాన్ని ఇస్తుంది. అద్వైతంలో, ద్వంద్వాతీత తత్వం (Beyond Dualities) లో, ఈ సుఖదుఃఖాలు మనస్సు యొక్క వికారాలే తప్ప ఆత్మకు సంబంధించినవి కావు. సూర్యుడు ఒకే కాంతిని ఇస్తున్నా, అది ఒకరికి వెచ్చదనాన్ని, మరొకరికి తాపాన్ని ఇచ్చినట్లుగా - బ్రహ్మ ఒక్కటే అయినా మాయ వల్ల అది అనేక రకాలుగా అనుభూతి చెందబడుతుంది.

కళ్లు మూసుకుంటే ప్రపంచం కనిపించదు. అలాగే, పరమాత్మ తన దృష్టిని (చైతన్యాన్ని) ఉపసంహరించుకున్నప్పుడు (లయ కాలంలో), ఈ దృశ్య ప్రపంచమంతా మాయమైపోతుంది. అంటే, ఈ జగత్తు ఉనికి అంతా ఆ 'ద్రష్ట' (Observer) దృష్టి మీదనే ఆధారపడి ఉంది. ద్రష్ట లేనిదే దృశ్యం లేదు (దృష్టి-సృష్టి వాదం). అదే చక్షుషీ శామ్యతః.

భ్రంశ్యంతే → భ్రగ్గ్ శ్యంతే. 'భ్రంశం' అంటే స్థానం నుండి పడిపోవడం లేదా చలించడం. పుట్టడం, పెరగడం, చనిపోవడం అనే మార్పులన్నీ ఈ 'భ్రంశం' కిందకే వస్తాయి. అద్వైత ప్రకారం, ఏది నిరంతరం మారుతూ ఉంటుందో అది సత్యం కాదు, అది 'మిథ్య'. ఈ ప్రాణులన్నీ కాలచక్రంలో పడి కొట్టుకుపోతుంటాయి, కానీ వీటన్నింటికీ మూలమైన అధిష్ఠానం మాత్రం స్థిరంగా ఉంటుంది. భ్రంశం - మిథ్యాత్వం (The Fall/Change)

వేదాల్లో కాలాన్ని (సంవత్సరాన్ని) పరమాత్మగా వర్ణిస్తారు. "సంవత్సరో వై ప్రజాపతిః". 

అన్ని భూతాలు ఎక్కడి నుండి పుడుతున్నాయో, ఎందులో జీవిస్తున్నాయో, తిరిగి ఎక్కడ లీనమవుతున్నాయో - అదే బ్రహ్మ. ఈ మంత్రంలో ఆ బ్రహ్మమే 'సంవత్సర' రూపంలో వర్ణించబడింది. సముద్రం నుండి పుట్టిన తరంగాలు మళ్లీ సముద్రంలోనే కలిసినట్లు, కాలం నుండి వచ్చిన ప్రజాకోటి కాలంలోనే కలిసిపోతుంది. సంవత్సరం - బ్రహ్మ స్వరూపం.

సుఖదుఃఖాలు, జననమరణాలు అనేవి కాలచక్రంలో సహజమైన మార్పులు. ఈ మార్పులన్నీ (భ్రంశం) ఒకే ఒక్క కాలాతీత పరమాత్మ (సంవత్సర) లో జరుగుతున్నాయి. నీవు ఈ మారుతున్న ప్రాణివి (ప్రజ) కాదు, ఈ మార్పులన్నింటినీ ప్రకాశింపజేస్తున్న స్థిరమైన చైతన్యానివి.

ఈ మంత్రం మనల్ని అనిత్యమైన లౌకిక విషయాల నుండి నిత్యమైన ఆత్మతత్వం వైపు మళ్ళిస్తుంది. కాలం ఇచ్చే సుఖానికి పొంగిపోకుండా, దుఃఖానికి కుంగిపోకుండా, రెండింటికీ సాక్షిగా ఉండటమే ఆత్మ జ్ఞాని లక్షణం అని బోధిస్తుంది. ఇదే భావన భగవద్గీత లో కూడా కనిపిస్తుంది.(గీత 2.56). అందుకే భగవద్గీతని వేద సారం అని అంటారు.

వేద ఆశీర్వచనం

 *నమస్తే సదా వత్సలే మాతృ భూమే*

*కలియుగాబ్ది 5126*

*శ్రీ శాలివాహన శకం 1948 స్వస్తి శ్రీ చాంద్రమాన పరాభవ నామ సంవత్సరం ఉత్తరాయణము - వసంత ఋతువు - వైశాఖ మాసం - కృష్ణ పక్షం - ద్వితీయ - విశాఖ / అనూరాధ -‌‌ భాను వాసరే* (03.05.2026)

ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, ఈ 9440091234)* గారి నేటి వేద ఆశీర్వచనం

 

.🙏🙏 

భవదీయుడు

దశిక ప్రభాకరశాస్త్రి 

9849795167

---------------------------------------------

*పిల్లలకి బతుకుతో పాటు భారతీయత కూడా నేర్పండి*

శ్రీ కంచి పరమాచార్యులవారు

 శ్రీరామ (133)

ఈరోజు (2-5-'26) వైశాఖ కృష్ణ పాడ్యమి, శ్రీ కంచి పరమాచార్యులవారు, శ్రీ శ్రీ శ్రీ చంద్రశేఖరేంద్ర సరస్వతీ స్వామి 

(1894 మే 20 - 1994 జనవరి 8)

వారి జయంతి.

శ్లో//ఆపదామపహర్తారం దాతారం సర్వ సంపదామ్/

లోకాభిరామం శ్రీరామం భూయో భూయో నమామ్యహమ్//

(సమస్తమైన ఆపదలూ పోగొట్టేవాడు, సమస్త సంపదలూ ఇచ్చేవాడు, సమస్త జీవులను ఆనందపెట్టేవాడు,అయిన శ్రీరామచంద్ర ప్రభువునకు నమస్కరిస్తున్నాను, మరల మరల నమస్కరిస్తున్నాను).

                               ------

  

" శివోహం" ( ఆనంద స్వరూపుడనైన శివుణ్ణి నేను)

 అన్న స్థితిని సాధించి,

జీవన్ముక్తులై, "నడిచే దేవుడు" అని అందరూ పిలిచే శ్రీ కంచి పరమాచార్యులవారి ఒక దివ్య లీలను ఈరోజు వారి జయంతి సందర్భంగా స్మరిద్దాం.

బ్రహ్మాది దేవతలకు కూడా సాధ్యంకాని "అద్వైత స్థితి" మానవులకు సాధ్యం అని ఉపదేశించి, 

శ్రీ శంకర భగవత్పాదాచార్యులవారు, "జగద్గురువులు" అయినారు.

ఈ అద్వైత స్థితి సాధించడం మానవ జాతి అంతిమ లక్ష్యం. 

అయితే ఈ స్థితి భగవంతుని అనుగ్రహం వలన మాత్రమే వస్తుంది అని ఉపదేశించారు శ్రీ శంకర భగవత్పాదులవారు. 

శ్లో// ఈశ్వరానుగ్రహాదేవ పుంసామద్వైత వాసనా/

మహాభయ కృత త్రాణా ద్విత్రాణాం యది జాయతే//

(జన్మ,మరణాది రూప సంసారం గురించిన మహాభయం పోగొట్టి,మోక్షస్థితి కలిగించే అద్వైత భావన, ఏ ఇద్దరు, ముగ్గురికో కలిగిందంటే అది కేవలం ఈశ్వరుని అనుగ్రహం వల్లనే).

అయితే ఆ పరమేశ్వరుని అనుగ్రహం ఎలా లభిస్తుంది ?

 ఆయన ఆజ్ఞలను పాటిస్తే లభిస్తుంది.

ఆ ఆజ్ఞలు ఏవి ? అవి ఎలా పాటించాలి ?

 "సత్యం వద(ఎల్లప్పుడూ సత్యమునే చెప్పుము),

"ధర్మం చర"(ధర్మమునాచరింపుము),

"మాతృదేవో భవ" (తల్లిని దైవముగా పూజింపుము),

"పితృదేవో భవ" (తండ్రిని దైవముగా పూజింపుము)

మొదలైన సత్కర్మానుష్ఠానమే ఆయన ఆజ్ఞలను పాటించడం.

ఈ విధమైన వేద బోధలన్నింటినీ సమన్వయపరిచి మానవజాతి మీద ఉన్న పరమ కారుణ్యంతో,

జగద్గురువులు శ్రీ శంకర భగవత్పాదులవారు ,

సంసారసాగరంలో మునిగి గమ్యం తెలియని మనకు మోక్షం అనబడే శాశ్వత సుఖాన్ని ప్రసాదించే సన్మార్గాన్ని అనుగ్రహించారు.

అలా సన్మార్గాన్ని ఉపదేశించిన

శ్రీ భగవత్పాదులవారి అపరావతారమే శ్రీ కంచి పరమాచార్యులవారు.

శ్రీ పరమాచార్యస్వామివారు,

 శ్రీ భగవత్పాదులవారి "అద్వైత" ఉపదేశం పరమ సత్యమని ఉపదేశిస్తూ, అందుకు తామే ఉదాహరణగా నిలిచారు. 

 శ్రీ స్వామివారు బందరులో చాతుర్మాస్యం (1967) చేస్తున్నప్పుడు, అక్కడి ఎల్. ఐ. సి. ఉద్యోగులు ఇతర భక్తులతో కలిసి ఎన్నో ఆధ్యాత్మిక కార్యక్రమాలు నిర్వహించారు.

ఆ కార్యక్రమాలలో శ్రీ స్వామి వారు పాల్గొని తమ మధుర భాషణలతో అనేక వేలమంది భక్తులకు ధర్మబోధ చేశారు. 

వారిలో భక్తి భావాలను కలిగించారు.

విశేషంగా " రామ "నామం,

 " శివ " నామం, 

" శ్రీరామ జయరామ జయజయ రామ " అనే శ్రీరామ త్రయోదశాక్షరీ మహామంత్రము,

తాము బిగ్గరగా అంటూ, భక్తులచేత అనిపించేవారు.

" రామకోటి " పుస్తకాలతో తమకు స్వాగతం ఇవ్వటానికి బందరు పట్టణం పొలిమేరకు వచ్చిన భక్తులను చూసి, ఫర్లాంగు దూరంలోనే పల్లకీ దిగి, వారివద్దకు నడిచి వచ్చి,ఆ రామకోటి పుస్తకాలకు నమస్కరించారు.

రెండు పుస్తకములను శిరస్సు మీద పెట్టుకొని,ఆ పుస్తకాలు ఉన్న పల్లకీ వెంబడి, గొడుగు పేటలోని శంకర మఠం దాకా మూడు మైళ్లు,ఆ వయసులో నడిచి వెళ్లారు.

ఆ విధంగా కేవలం ఉపన్యాసాల ద్వారానే కాకుండా,ఆచరణపూర్వకంగా శ్రీ స్వామి వారు భక్తులకు బోధ చేసే వారు.

శ్రీ స్వామివారు, బందరులో చాతుర్మాస్యం ముగించుకుని, కంచికి తిరుగుప్రయాణం మొదలు పెట్టారు.

అక్కడి ఎల్. ఐ. సి. ఉద్యోగులు ఈ కార్యక్రమాలన్నీ చక్కగా నిర్వహించి,శ్రీ స్వామివారి అనుగ్రహానికి పాత్రులయ్యారు.

వారందరూ వారి ప్రతినిధిగా తమ సహ ఉద్యోగి

 శ్రీ ఎ.అనంతరావుగారిని స్వామివారి వద్దకు పంపి, తమకు శ్రీ స్వామివారి వీడ్కోలు సందేశం ఇమ్మని ప్రార్థించారు.

శ్రీ స్వామివారు చిరునవ్వు నవ్వుతూ,

 " నేను సర్వత్రా ఉంటూనే ఉన్నాను " అని మీ వాళ్లందరికీ చెప్పండి అన్నారు.

శ్రీ స్వామివారు సర్వజ్ఞులు,సర్వవ్యాపకులు, సాక్షాత్తూ పరమేశ్వరుని అవతారం అని పరోక్షంగా తామే స్వయంగా చెప్పారు.

' అద్వైతం ' సత్యం అనడానికి ఇంతకంటే వేరే తార్కాణం ఏముంటుంది ?

87 చాతుర్మాస్యాలు చేసిన ఒకే ఒక్క యతి శ్రేష్ఠులు శ్రీ కంచిపరమాచార్యులవారు.

వారు సాక్షాత్తూ పరమశివుని అవతారము అని కీర్తిస్తూ వారి ముఖ్యశిష్యులు, శ్రీ జనార్దనానంద సరస్వతీస్వామివారు  

 "శంభోర్మూర్తిః "అనే పేరుతో తాము రచించిన గ్రంధంలో, 

శ్రీ పరమాచార్యులవారిని,ఈ విధంగా స్తుతించారు:

శ్లో౹౹ నమస్త్విషే౽స్తు కస్మై చిన్నమజ్జన తమో ముషే౹

శ్రీ చంద్రశేఖరేంద్ర శ్రీ సరస్వత్యభిధా జుషే౹౹

(నమస్కరించే వారి అజ్ఞానాంధకారాన్ని పోగొట్టే శ్రీ చంద్రశేఖరేంద్రసరస్వతీ స్వామి అనే జ్ఞానరూపమైన తేజస్సుకు నమస్కరిస్తున్నాను)

శ్లో౹౹వృత్తైః స్వీయై ర్మధుర మధురై వాఙనిగుమ్భైర్జనానాం/

ధర్మే మార్గే పరమసుఖదే బోధముత్పాదయన్తీ/

ముక్త్వా మోనం వటవిటపినో మూలతో నిఃసరన్తీ/

శమ్భోర్మూర్తిః చరతి భువనే దేశి కేంద్ర స్వరూపా//

(ధర్మాన్ని ఉద్ధరించాలనుకున్న పరమేశ్వరుడు మౌనాన్ని చాలించాడు. తాను కూర్చున్న వటవృక్షాన్ని విడిచి, శ్రీ చంద్రశేఖరేంద్ర సరస్వతీ స్వామి వారి రూపాన్ని ధరించాడు.

దివ్యమైన తన నడవడి చేతను, మధురాతి మధురమైన తన వాక్కుల చేతను, సమస్త జీవులకు సుఖాన్ని ఇచ్చే ధర్మమార్గమునందు ప్రజలకు జ్ఞానము కలుగజేస్తూ, చంద్రశేఖరేంద్ర సరస్వతీ జగద్గురు రూపంలో ఆ పరమశివుని మూర్తి ఈ భూమి మీద సంచరించింది).

శ్లో//శంభోర్మూర్తి శ్చరతి భువనే ధర్మ సంస్థాపనాయ//

( చంద్రశేఖరేంద్ర సరస్వతీ స్వామి రూపంలో, పరమశివుడు ధర్మ సంస్థాపన కోసం భూమిమీద సంచరించాడు).

శ్లో//శంభోర్మూర్తిర్హ్యవతరతి సా లోకరక్షార్ధ మద్య//

(లోకరక్షణార్ధం చంద్రశేఖరేంద్ర సరస్వతీ స్వామి రూపంలో ఆ పరమేశ్వరుడుభూమి మీద అవతరించాడు).

శ్లో//శంభోరుమూర్తిర్హ్యధివసతి సా శాంకరం పీఠమగ్ర్యం//

( శంకరభగవత్పాదులవారు స్థాపించిన అత్యున్నతమైన జగద్గురుపీఠం మీద ఆ పరమశివుడుఅధివశించాడు).

శ్లో//శమ్భోర్మూర్తిర్హ్యధివసతి సా శాంకరం కాంచిపీఠం//

(ఆ పరమశివుని మూర్తి కంచి కామ కోటి శంకర పీఠాన్ని అధిష్టించింది).

శ్లో//శంభోర్మూర్తిః సదయ మధునా భ్రాజతే కాంచిపీఠే//

(ఆ పరమశివుని మూర్తి భక్తుల మీద దయతో కంచి కామకోటి శంకర పీఠం మీద దివ్యమైన తేజస్సుతో ప్రకాశిస్తున్నది).

శ్లో//శంభోర్మూర్తేః స్మరత వివిధా భావుకా భవ్య లీలాః//

(చంద్రశేఖరేంద్ర సరస్వతీ రూపంలో వున్న ఆ శివుని మంగళప్రదమైన లీలలు నిత్యము స్మరించండి)

శ్లో//శంభొర్మూర్తి ర్హ్యభయ వరదా భ్రాజతాం మే హృదబ్జే//

(హస్తములలో అభయ ముద్రా,వరముద్రా, ధరించిన ఆ శంభుని మూర్తి నా హృదయ పద్మంలో ప్రకాశించు గాక).

🙏శ్రీ జగద్గురువులకు సాష్టాంగ ప్రణామములు🙏

శుభమస్తు.

తూములూరి మధుసూదనరావు.

2-5-'26.