తిప్పతీగ ఉపయోగాలు -

 తిప్పతీగ ఉపయోగాలు - 

చేలల్లో చెట్లల్లో కంచల్లో విరివిగా పెరిగేటువంటి తీగలలో తిప్పతీగ ఒకటి కొంచెం ఆయుర్వేద పరిజ్ఞానం ఉన్న వాళ్ళు ఎవరైనా తిప్పతీగను గుర్తించవచ్చు తిప్పతీగ ఆకులని నమిలితే కొంచెం చేదుగా ఉంటాయి తిప్పతీగ వల్ల చాలా ఉపయోగాలు ఉన్నాయి మనకు తెలుసు కరోనా అప్పుడు ఆనందయ్య గారు కరోనాకు మందు తయారు చేశారు ఆ మందు వల్ల చాలామంది వ్యాధిగ్రస్తులు వ్యాధి నుంచి విముక్తి పొంది జీవించాలన్నది సత్యం ఆనందయ్య గారు తయారు చేసిన మందు లో ప్రధానమైన మూలిక తిప్పతీగానే మనలో ఎంతమందికి తెలుసు నిజానికి తిప్పతీగ వల్ల అనేక రకాల వ్యాధులు నివారణ చెందటమే కాకుండా మనలోపడా వ్యాధి నిరోధక శక్తి అంటే ఇమ్యూనిటీని బాగా బలపరుస్తుందని అంటారు ఇప్పుడు తిప్పతీగ మాత్రలు కూడా మనకు పతంజలి ఆయుర్వేదం నుండి లభిస్తున్నాయి వాటిని వాడు విధానము అందులో పొందుపరిచి ఉంది దాని ప్రకారం ఆ మాత్రలను తీసుకొని సభ్యులు ఇమ్యూనిటీని పెంపొందించుకోవాలని ఆశిస్తున్నాను

      తిప్పతీగ అనునది ప్రతి వూరు డొంకలలో పెరుగుతుంది . దీనిని సంస్కృతంలో " గుడూచీ" అని పిలుస్తారు . దీనికి అర్థం వ్యాధుల నుండి రక్షించునది అని అర్థం.  " అమృత" అనే పేరు కూడా దీనికి కలదు. అనగా అమృతమునకు సమానం అయినది అని అర్థం.

            ఇప్పుడు మీకు దీనిలోని ఔషధ గుణముల గురించి మీకు వివరిస్తాను. 

  తిప్పతీగ యందలి ఔషధ గుణములు  - 

 *  ఇది వాత , పిత్త , కఫ దోషముల మూడింటి మీద పనిచేస్తుంది . బలకరము , ఆకలిని పెంచుతుంది . మెదడుకు మంచిది . నేత్రములకు బలాన్ని ఇచ్చును. పాండు , కామెర్లు , జ్వరము , మూత్రవ్యాధులు , కుష్ఠు , దగ్గు మొదలగు వ్యాధులను పోగొట్టును . కడుపులోని నులిపురుగులను నశింపచేయును . తల్లిపాలను శుద్ధిచేయును . 

 *  జ్వరములలో తిప్పతీగ కషాయం 20ml ఉదయము , సాయంత్రం ఇచ్చిన జ్వరములు తగ్గును. 

 *  మూత్రసంబంధ వ్యాధులలో తిప్పతీగ రసములో తేనె కలిపి ఇవ్వాలి. కామెర్ల యందు కూడా తిప్పతీగ రసములో ప్రతిరోజూ తేనె కలిపి ఇచ్చిన కామెర్ల సమస్య తగ్గును. 

 *  కీళ్లనొప్పుల యందు తిప్పతీగ , శొంఠి కలిపి ఇచ్చిన కీళ్లనొప్పులు తగ్గును. 

 *  ప్రతిరోజూ తిప్పతీగ రసం తాగించి రోగి బలానుసారం కందికట్టులో నెయ్యి చేర్చిన అన్నము తినుచున్న కుష్ఠు వ్యాధి తగ్గును. 

 *  తిప్పతీగ రసమును ప్రతిరోజూ ఉదయం , సాయంత్రం ఒక నెలరోజుల పాటు సేవిస్తే ఏ వ్యాధులు రాకుండా , ముసలితనం రాకుండా మానవుడు ఆరోగ్యముగా ఉండును. 

 *  తిప్పతీగ చూర్ణము , బెల్లం , నెయ్యి , తేనె కలిపి ముద్దగా చేసి ఉండలా చేసి రోజూ ఒక ఉండ తింటే మానవుడు ఆరోగ్యముగా 100 సంవత్సరాలు జీవిస్తాడు. 

 *  తిప్పతీగ రసం కొద్దిగా నూనెలో కలిపి తాగిన బోదకాలు తగ్గును. 

 *  తిప్పతీగ కషాయంలో పిప్పలి చూర్ణం కలిపి ఇచ్చిన చాలా రోజుల నుంచి వేధిస్తున్న జీర్ణజ్వరం తగ్గును. 

 *  తిప్పతీగ కషాయం ప్రతిరోజూ సేవించిన మధుమేహం తగ్గును. మూత్రాశయపు రాళ్లు కూడా కరిగిస్తుంది. 

 *  మొలల సమస్య ఉన్నవారు తిప్పతీగ స్వరసాన్ని మజ్జిగతో కలిపి వాడవలెను .