విటమిన్ల ఉపయోగాలు

 వ్యాధుల నివారణలో విటమిన్ల ఉపయోగాలు - 

  ప్రస్తుత సమాజంలో ప్రతి మనిషి ఏదో ఒక అనారోగ్యముతో ఇబ్బందిపడుతున్నారు . ఈ అనారోగ్యాలకు ముఖ్యకారణం సరైన ఆహారం తీసుకోకపోవడమే . మనం తీసుకునే ఆహారం పురుగుమందులతో కలిసి ఎప్పుడో విషంగా మారిపోయింది . ఇలాంటి విషపూరిత ఆహారం మరియు సరైన పోషకాలు లేని ఆహారం తీసుకోవడం లేదో అప్పుడే శరీరం రోగగ్రస్తం అయిపోతుంది . 

     మన శరీర ఆరోగ్యం అనేది విటమిన్ల పైన ఆధారపడి ఉంటుంది. విటమిన్ల లోపం ఏర్పడినప్పుడు ఆయా రోగాలు సంభవిస్తాయి. రోగగ్రస్తం అయిన శరీరము నందు రోగాన్ని పారదోలుటకు ఒక్క ఔషధం వాడటమే కాదు ఆ రోగం రావడానికి ఏ విటమిన్ తక్కువ అయ్యిందో గమనించి ఆ విటమిన్ కలిగిన ఆహారాన్ని లోపలికి తీసుకోవడం వలన ఆ జబ్బు నుంచి త్వరగా బయటపడవచ్చు . 

 ఈ విషయము గురించి రోగికి చికిత్స చేయు వైద్యుడికి సంపూర్ణ అవగాహన ఏర్పరుచుకోవాలి . 

   ఇప్పుడు ఆ విటమిన్ల లోపం వలన కలుగు సమస్యల గురించి మీకు వివరిస్తాను . వీటి గురించి నా గ్రంధాలలో సంపూర్ణ వివరణ ఇచ్చాను . 

 •  విటమిన్ D - 

  సాధారణంగా మన శరీరం విటమిన్లను తయారుచేసుకోలేదు . వాటిని ఆహార రూపంలో బయట నుంచి లోపలికి తీసుకోవాలి . D విటమిన్ మన శరీరంలో తయారగును . దీన్ని మన శరీరం సూర్యరశ్మి నుంచి తయారుచేసుకుంటుంది . ఎముకలు బలంగా ఉండుటకు ఈ విటమిన్ అత్యంత ముఖ్యమైనది . రోగనిరోధక శక్తిని బలోపేతం చేస్తుంది . రక్తనాళాలు బలంగా ఉండుటకు తోడ్పడును . ఇన్సులిన్ ఉత్పత్తి సవ్యముగా జరిగేలా చూస్తుంది . అలానే ఇన్సులిన్ శరీరం గ్రహించేలా చూస్తుంది . శరీరంలో కణవిభజన నియంత్రిస్తుంది ఫలితముగా క్యాన్సర్ రాకుండా కాపాడును . 

            విటమిన్ D లోపము వలన ప్రేగు క్యాన్సర్ , రొమ్ము క్యాన్సర్ , ప్రోస్టేట్ గ్రంధి క్యాన్సర్ , క్లోమ క్యాన్సర్ సంభవించును . ఉదయం 6 నుంచి 7 సమయములో వచ్చు సూర్యరశ్మిలో విటమిన్ D ఎక్కువుగా ఉండును. ఈ సమయములో సూర్యనమస్కారాలు చేయుట ఉత్తమం . D విటమిన్ లోపిస్తే పిల్లల ఎదుగుదల లోపిస్తుంది . 

    ఈ D విటమిన్ పాలు , గోధుమలు మరియు దేశీవాళీ ఆవునెయ్యిలో ఎక్కువుగా ఉండును . బాదంలో కూడా ఈ విటమిన్ లభ్యం అగును. మెగ్నీషియం కూడా ఉండును . ఈ మెగ్నీషియం లోపించిన తలవెంట్రుకలు ఊడును . 

 • C విటమిన్ - 

    C విటమిన్ మన శరీరానికి యాంటిబయాటిక్ గా పనిచేస్తుంది . జీర్ణశక్తిని పెంచుతుంది . ఈ విటమిన్ లోపిస్తే ఐరన్ ను ప్రేగులు శోషించుకోలేవు . ఐరన్ లోపిస్తే రక్తహీనత ఏర్పడును . C విటమిన్ ఎక్కువుగా నిమ్మకాయ , ఉసిరికాయ , కొత్తిమీర , కలబంద , వెల్లుల్లి , ముల్లంగి , పైనాపిల్ , కొబ్బరిబోండాలలో , మునగ ఆకులలో పుష్కలంగా లభ్యం అగును . 

 • A విటమిన్ - 

    ముఖ్యముగా ఈ విటమిన్ కంటిదృష్టి స్పష్టంగా కనిపించుటకు సహాయపడును . మునగాకు, మునగపువ్వు , మునగకాయ A విటమిన్ సమృద్ధిగా ఉండును . పైనాపిల్ , ముల్లంగి , ఆవునెయ్యి , గోధుమగడ్డి రసంలో , పచ్చిబఠాణీలో , క్యారెట్ లో ఈ A విటమిన్ సమృద్దిగా లభించును . 

 • E విటమిన్ - 

    A ,C విటమిన్ లను , ప్రోటీయాసిడ్స్ ను శరీరం నుండి నశించకుండా రక్షించే గుణం పైనాపిల్ లో ఉన్న విటమిన్ E లో ఉంది . వేరుశెనగ , బాదం , కాయగింజలలో , సోయాచిక్కుడులో , గట్టిగా ఉండు గింజలలో E విటమిన్ లభ్యం అగును . 

 • K విటమిన్ - 

    K విటమిన్ రక్తం త్వరగా గడ్డ కట్టుటకు ఉపయోగపడును . K విటమిన్ లోపించడం వలన రక్తం గడ్డకట్టదు . ఈ విటమిన్ పచ్చి బఠాణి , ఆవునేయ్యిలో అధికముగా ఉండును . 

 • B6 విటమిన్ - 

    ఈ విటమిన్ తెల్ల రక్త కణాల తయారీకి ఉపయోగపడును . అరటిపండులో , పచ్చటి ఆకుకూరలలో , పప్పుదినుసులలో , చిక్కుడు , బంగాళాదుంపలలో ఈ B6 విటమిన్ ఎక్కువుగా ఉండును. 

 • B12 విటమిన్ - 

    విటమిన్ B12 లోపిస్తే పెదవులలో పగుళ్లు వస్తాయి . ఎర్రరక్త కణాలు ఏర్పడుటకు , నాడీమండల వ్యవస్థకు , నీరసం , జ్ఞాపకశక్తి తగ్గడం , నోటిపూత , నరాల కణాలు నశించిపోవడం వంటి సమస్యలు వస్తాయి . విటమిన్ B12 పాలఉత్పత్తులలో , సోయాచిక్కుడు పాలలో ఎక్కువుగా ఉండును .  

  

   మరిన్ని అనుభవపూర్వక ఆయుర్వేద ఔషధ చిట్కాల కొరకు మరియు సంపూర్ణ సమాచారం కొరకు నేను రచించిన గ్రంధాలు చదవగలరు . .

  

  గమనిక  -

      నేను రాసిన " ప్రాచీన ఆయుర్వేద ఔషధాలు " మరియు " ఆయుర్వేద మూలికా రహస్యాలు " రెండు గ్రంథాలలో ఎన్నొ రహస్య చిట్కాలు , మా కుటుంబపరంగా  గత 250 సంవత్సరాల నుంచి మా పెద్దవారు మాకు అందించిన ఎంతో అనుభవసారాన్ని ఈ గ్రంథాలలో అందరి అర్థం అయ్యే విధంగా సామాన్య బాషలో వివరించాను. ఇంట్లో ఉండి మరియు అందుబాటులో ఉన్న వాటితోనే పెద్ద పెద్ద రోగాలు నయం చేసుకునే విధంగా అత్యంత సులభయోగాలు మన ప్రాచీన భారతీయులు రచించిన చెట్లను బట్టి భూమిలో నీటిని కనుక్కునే విధానాలు , వృక్షాలకు ఆయుర్వేద మూలికల ఉపయోగించి దిగుబడి పెంచే వృక్షాయుర్వేద చిట్కాలు , రైతులకు ఉపయోగపడే విధంగా ఏయే నక్షత్రాలలో పంటలు వేస్తే ఫలితాల ఎక్కువుగా ఉంటాయో తిథి, నక్షత్ర, వారాలతో సహా ఇవ్వడం జరిగింది. ఆయుర్వేదం నేర్చుకోవాలి అనుకునేవారికి ఇది మంచి దిక్సూచిలా ఉపయోగపడును. 

            నా మూడొవ గ్రంథము నందు 50 రకాల మొక్కల గురించి అత్యంత విపులంగా ఇవ్వడం జరిగింది . ఈ మొక్కలన్నియు ప్రతి ఒక్కరికి తెలిసినవి మరియు మన ఇంటి చుట్టుపక్కల ఉన్నటువంటివే . ఈ గ్రంధములలో మీకు లభ్యమయ్యే సమాచారం మరే గ్రంథములలో లభ్యం అవ్వదని చెప్పగలను . మొక్కలను సులభముగా గుర్తించుటకు రంగుల చిత్రములు కూడా ఇవ్వడం జరిగినది . ఏయే జబ్బులకు ఎటువంటి ఆహారపదార్థాలు తీసుకోవలెనో , తీసుకోకూడదో కూడా సంపూర్ణముగా మీకు ఇందులో లభ్యం అగును . ఔషధాలు మరియు తీసుకోవాల్సిన ఆహారవిహారాలు  ఒకేదగ్గర లభ్యం అగును . 

   ప్రాచీన ఆయుర్వేద ఔషధాలు గ్రంథము 288 పేజీలతో ఉండును . దీని విలువ 400 రూపాయలు , ఆయుర్వేద మూలికా రహస్యాలు గ్రంథము 384 పేజీలతో ఉండి 500 రూపాయలు , సర్వమూలికా చింతామణి గ్రంథము 352 పేజీలతో ఉండును . దీని విలువ 550 రూపాయలు . అందరికి అర్ధమయ్యేలా సులభ బాషలో ఉండును. గ్రాంథిక భాష ఉపయోగించలేదు .  

  

                ఈ గ్రంథములు కావలసిన వారు  9885030034 నంబర్ కు Phonepay or Googlepay or Paytm కు డబ్బు పంపించి ఇదే నంబర్ కు Whatsup నందు screenshot పెట్టి మీ పూర్తి Adreass ఇవ్వగలరు . కొరియర్ చార్జీ 100 రూపాయలు అదనం .

      ఈ గ్రంథాలు కావలసినవారు క్రింద ఇచ్చిన నంబర్ కి ఫోన్ చేయగలరు .

     కాళహస్తి వేంకటేశ్వరరావు  

 అనువంశిక ఆయుర్వేద వైద్యులు 

         9885030034

*07, అక్టోబర్, 2024*🌹 *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐* 

      🕉️ *సోమవారం*🕉️

🌹 *07, అక్టోబర్, 2024*🌹

     *దృగ్గణిత పంచాంగం*                  

*స్వస్తి శ్రీ క్రోధినామ సంవత్సరం*

*దక్షిణాయణం - శరత్ఋతౌః*

*ఆశ్వీయుజ మాసం - శుక్లపక్షం*

*తిథి : చవితి* ఉ 09.47 వరకు ఉపరి *పంచమి*

*వారం:సోమవారం*(ఇందువాసరే)

*నక్షత్రం : అనూరాధ* రా 02.25 వరకు ఉపరి *జ్యేష్ఠ*

*యోగం  : ప్రీతి* ఉ 06.40 వరకు ఉపరి *ఆయుష్మాన్*

*కరణం : భద్ర* ఉ 09.47 *బవ* రా 10.36 ఉపరి *బాలువ*

*సాధారణ శుభ సమయాలు* 

*ఉ 09.00 - 12.00 సా 04.00 - 06.00*

అమృత కాలం :*మ 03.03 - 04.48*

అభిజిత్ కాలం  : *ప 11.31 - 12.19*

*వర్జ్యం : శేషం ఉ 06.18 వరకు*

*దుర్ముహూర్తం : మ 12.19 - 01.06 & 02.41 - 03.29*

*రాహు కాలం: ఉ 07.28 - 08.57*

గుళికకాళం : *మ 01.24 - 02.53*

యమగండం : *ఉ 10.26 - 11.55*

సూర్యరాశి : *కన్య*

చంద్రరాశి : *వృశ్చికం*

సూర్యోదయం :*ఉ 05.58*

సూర్యాస్తమయం :*సా 05.52*

*ప్రయాణశూల : తూర్పు దిక్కుకు పనికిరాదు*

*వైదిక విషయాలు*

ప్రాతః కాలం   :  *ఉ 05.58 - 08.21*

సంగవ కాలం :*08.21 - 10.44*

మధ్యాహ్న కాలం :*10.44 - 01.06*

అపరాహ్న కాలం:*మ 01.06 - 03.28*

*ఆబ్ధికం తిధి   : ఆశ్వీయుజ శుద్ధ పంచమి*

సాయంకాలం  :  *సా 03.29 - 05.52*

ప్రదోష కాలం   :  *సా 05.52 - 08.17*

రాత్రి కాలం : *రా 08.17 - 11.31*

నిశీధి కాలం      :*రా 11.31 - 12.19*

బ్రాహ్మీ ముహూర్తం :   *తె 04.22 - 05.10*

________________________________

           🌷 *ప్రతినిత్యం*🌷

         *_గోమాతను 🐄 పూజించండి_* 

          *_గోమాతను 🐄 సంరక్షించండి_*

   🕉️ *శ్రీ శివ తాండవ స్తోత్రం*🕉️

ధరాధరేంద్ర నందినీ విలాస బంధుబంధుర

స్ఫురద్దిగంత సంతతి ప్రమోద మానమానసే 

కృపాకటాక్ష ధోరణీ నిరుంద దుర్ధరాపది

క్వచిద్దిగంబరే మనో వినోదమేతు వస్తుని 

    🕉️ *ఓం నమః శివాయ*🕉️

🕉️🪷🌹🛕🌹🌷🪷🌷🕉️

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><><><>

          🌷 *సేకరణ*🌷

      🌹🌷🕉️🕉️🌷🌹

        *న్యాయపతి వేంకట*

       *లక్ష్మీ నరసింహా రావు*

      🌷🌹🕉️🕉️🌹🌷

🌹🍃🌿🕉️🕉️🌿🍃🌹

*శ్రీ ఆది శంకరాచార్య చరితము 35

 *శ్రీ ఆది శంకరాచార్య చరితము 35 వ భాగము*

💐💐💐💐💐💐💐💐💐💐💐💐

అంతలో ఉన్మత్త భైరవుడు శ్రీశంకరులతోమాటాడతలంచాడు.

*ఉన్మత్త భైరవుడు:*

కాపాలికుల దురవస్థ చూచాడు. తన మతమును నిలువ బెట్టుకొను నుద్దేశం కలిగి ఉన్మత్త భైరవుడు మెల్లగ శ్రీ శంకరా చార్యస్వామిని సమీపించి,"యతి వరా! నా మాటలు తామువినాలి. విన కుండ నన్ను కాదని గెంటివేయ కండి! తాము అంగీకరించినా తమ శిష్యులు అంగీకరించక పోవచ్చు. అందుకు నా కభయమిస్తే నాగోడు పూర్తిగా వినిపించెదను. అప్పుడాలకించెదరు గాక !” అని చెప్పగా శ్రీ శంకరాచార్య స్వామి వల్లె యని భైరవుని పలుక మన్నారు. అంతటాతడు, "యతీ శ్వరా! లోకంలో మా మతమే నీచమైతే మరి యే మతమునకు గొప్పతనమున్నది? ఇతర మతములలో ఫలితముంది అనెదరా?బ్రాహ్మణమతం చాల గొప్పదని కొందరు తలంచి వాళ్ళ మతం విడచిపెట్టి నాశనం కాలేదా! బాహ్మణ జాతి యనగా మంచిదని భావించకండి. అందుమాకేమి లాభం కన్పించడం లేదు. శరీరములన్నీ పంచ భూతములతో తయారు కాబడ్డవే. బ్రాహ్మణ శరీరములు ప్రత్యేకం బంగారంతో తయారు కాలేదే! పక్షపాత బుద్ధితో జాతులు లేవదీసినాడెవడో! ఏనాడూ లోకంలో ఇన్ని జాతులు లేవు. రెండే రెండు జాతులున్నవి. పురుషులని, స్త్రీలని అంతే. ఇవి ఎందుకొర కేర్పడ్డవి? ఆనందము ను అనుభవించుటకు మాత్రమే ఏర్పడినవి. స్త్రీపురుషులసంయోగ క్రీడలో ఆనందం ఉద్భవిస్తుంది. అందులో స్త్రీలకు ప్రత్యేకప్రాధాన్య  ము ఏర్పడింది. ఈ విషయం ఔనా కాదా యని తర్కించనవసరం లేదు. స్త్రీ పురుషులకు విధి నిషేధము లుండ కూడదు. ఉంటే స్వేచ్ఛకు భంగమే కదా! స్వేచ్ఛ తీసివేసి ప్రతి బంధకములు సృష్టిస్తే మేమందులకు అంగీక రించము. స్వేచ్ఛ లేనినాడు ఆనందము ననుభవించుటకు అంతరాయమే కదా! ఇందు  తప్పుపట్టుకొను టకు ఏమున్నది?  కావలసినది ఆనందా నుభవం. అట్టి ఆనందమును అనుభవించ చడమే మోక్షమను చున్నారము. ఈ శరీరం విడచిన వెంటనే కాలభైరవుణ్ని కలిసి కొనుచున్నాము. అదే పూర్తి మోక్షం, ఇందులో అంతా సత్యమే' అని వివరించాడు. 

ఉన్మత్తభైరవుడు ఆడిన మాటలు శ్రీ శంకరా చార్యులు విని,

'భైరవా! ఆడతగ్గ మాటలు ఆడితివి. నిజం చెప్పెదను  ఆల కించుము.  ఆడవాళ్ళ ను గురించి ఏవేవో నోటికి వచ్చినట్లెల్ల పేలావు. మీ అమ్మ ఎవరికి పుట్టింది' అని ప్రశ్నించారు. 'మా తల్లి దీక్షితుని కూతురు.' భైరవుడన్నాడు.

'సరే! మీతండ్రికి దీక్షిత్వం ఎట్లావచ్చింది? శంకరుల ప్రశ్న.

'మాతండ్రికి మద్యము అనగా  చాలా ప్రీతి. తనంతట తానుగ తాగడు. మంచిరకం తాటికల్లు తెచ్చి అమ్ము చుండును. అట్టి తాటి కల్లు అమ్ముచుండును కనుక దీక్షితుడన్నారు. అతని కూతురే మా తల్లి. మా మతంలో మద్య పానానికి దోషం లేదు. సోమ యాగం చేస్తే సోమయాజి అయినట్లు మద్యపానం చేసే వానిని దీక్షితుడని యందురు. ఇదేమీ  తప్పుగాదు. ఎవరికి వప్పచెప్పినను వారిని అందరిని ఆనంద సాగరంలో ముంచెత్తి స్తుంది మాయమ్మ. ఇవి తప్పుగా భావించరు.  నా పేరు ఉన్మత్త భైరవుడు. మాతండ్రి సురాకరుడు. ఆయనకు గొప్ప పేరు గలదు.

మా తండ్రి కడకు జ్ఞానులు వచ్చుచుందురు. మద్యం వాసన వాళ్ళకేమీ  అసహ్య ముండదు. మద్యపాన మనగా మిక్కిలి ప్రీతి గల కులములో పుట్టితిని. మీకు పూజనీయుడను. ఇందు ఇసు మంతైనా సంశయం లేదు.' అని తన గొప్పను వెల్లడించాడు.

శ్రీశంకరాచార్యులు ఉన్మత్త భైరవుని కథను  అంతా విని, 'ఉన్మత్త భైరవా! నీవిచట నుండతగవు! నీవంటి వారలకు ఉపదేశము చేయరాదు. నీ యిచ్ఛ చొప్పున సంచరించు! బయటకు పొమ్ము!' అని చెప్పి పంపించారు.

*చార్వాకుడు:*

చార్వాకుడొకడు తన దారిని పోతూండగా శ్రీ శంకరాచార్యులు ప్రక్క గ్రామంలో నున్నటుల దెలిసి ఈ క్రింది విధముగ తలపోసాడు.

'ప్రత్యక్షముగ కనుపిం చునవి దేహము, ఇంద్రియములు. వీటి కంటె అతీతమైనది ఏదో గలదని, పైగా అది కనబడదని, దానిని గురించి ఏవేవో ఉపన్యాసము లిచ్చు వారు కొల్లలుగ బయలు దేరుచున్నారు. అట్టి వాళ్ళ వలలో మూఢులు చిక్కుకొని పోవు చున్నారు.చూడగ మాకు కొంప మునిగే పరిస్థితి దాపురించునా యేమి? ఇక్కడెవరో యతి యున్నాడట! అతడేమైన తెలివిగల వాడేమొ చవి చూచి కాస్సేపచ్చట ఉండి మాటాడెదను. అతడు తెలివిలేని వాడైన నాదారి నాదియే.' అట్లు తలపోయుచు శ్రీశంకర పాదులున్న నిండు సభలో ప్రవేశించాడు.

ఒకించుకసేపైన తరువాత లేచి శ్రీశంకరపాదులను సమీపించి, నమస్క రించి, మాటాడుట కనుమతి పొంది, ‘యతీశ్వరా! నిజమైన తత్త్వమేదైన యున్నచో నాకు తెల్పెదరా? ముక్తి యన నేమియో వివరించుడు. అదెట్లుండునో, ఎట్లు దొరుకునో వివరంగా చెప్పెదరా? మొదట నేను తెలుపునది వినుడు ఆపైని తాము చెప్పునది చెప్పెదరు గాక!' చార్వాకుడు ఉపస్యసించుటకు అనుమతి పొంది ఇలా అంటాడు.

'శంకరా! మొదట ఈ శరీరము పుట్టినది. జీవుడుకూడ ఆరూపములోనే యున్నాడు. ఇంత కన్న జీవుడు వేరుగ లేడు గదా! ఇది పరమ ప్రత్యక్షమైనది. ఇట్టి ప్రత్యక్షప్రమాణము గల దానిని విడనాడి కనబడనిదానిని పట్టు కొని ప్రాకులాడడం తెలివి తక్కువ గదా! జీవుడు దేహ రూపము లోనే ఉండి లయ మొందడమే మోక్షమనినారు. మరి యొకటి ఎన్నటికి కాదు,లేదు, నదులన్ని యు పోయి సముద్ర ములో కలియుచున్నవి. తిరిగి వచ్చుచున్నవా? ఎన్నటికి రావు. రాబోవు.

అట్లే చచ్చి పోయిన జీవుడు తిరిగి రావడం కల్ల.

చావు అనగనే ముక్తి. ఈ రహస్యం మూఢులు తెలిసికొనజాల కున్నారు. చచ్చిన వాళ్ళకు శ్రాద్ధాలు ఆచరించడం, తద్దినాలు పెట్టడం ఎంత బుద్ధిహీనతగా నున్నదో యోచించుడు! నిజంగా చచ్చిన వాళ్ళు వచ్చి తింటారా? ఇదంతా వ్యయ ప్రయాసలుగాక మరే మున్నది? వాళ్ల పేరు చెప్పి తినడమే యగుచున్నది. చచ్చిన వాళ్ళకు నరకమను చున్నారు లేదా స్వర్గ మనుచున్నారు. నరకం భయమట! స్వర్గం సుఖమట! ఆ రెండింటి ప్రభావం తగ్గిపోయిన తర్వాత ఆయా లోకాలనుండి మరలి వచ్చి మానవులై పుట్టెదరట! ఇదంతా కండ్లార గాంచిన వాడు  ఎవడైనా ఉన్నాడా? ఇదంతా వెర్రి  గాక మరేమున్నది! ఈశరీరముండగనే సుఖమైనను కష్ట మైనను అనుభవించేది. ఆ రెండింటినే స్వర్గ నరకములని అనవలెను. అంతే గాని కనుపించని స్వర్గనరక లోకములు ఉన్నవనిన మూఢులు నమ్మాలి. అట్టిలోకములు ఉన్న వనుట కేవలం కల్పితమే.ఈశరీరం నశించిన మిగులునదే మున్నది? వట్టి బూడిద మాత్రమే మిగిలి యుండును. అదైనా నీటిలో కలిసి పోవునదే. ఈలాటి కల్పితలోకము లకు వెళ్ళేది ఎవరు? ఎట్లా? ఇంక శరీరంవేరు, జీవుడు వేరు కాదందురా? కుండ బ్రద్దలైంది. అందున్న గాలి ఎక్కడికైనా పోయినదా? అక్కడే యున్నది. అట్లనే శరీరంపోతే జీవుడక్కడే ఉంటాడు. కనుక 'దేహమే ఆత్మ' అనేది ధర్మం, మేమనేది అదే.' అని చార్వాకుడు తన మతమును గురించి ఉపన్యసించాడు. 

చార్వాకుని ధోరణి పూర్తిగా విన్నారు. తత్త్వ రహస్యము నొకించుక బోధింప దలచి,

'చార్వాకుడా! ఈశరీరం చనిపోయిన తరువాత వేరొక శరీరం లభించును. మరణించ గనే జీవుడు ప్రేత శరీరమును పొందు చున్నాడు. ఆ ప్రేతత్వం విడచి పుణ్యలోకము లకు పోవలెనన్న కుమారుడు మొదలయి నవారు వాని నిమిత్తం శ్రాద్ధకర్మ లాచ రించాలి. గయ మొదలగు పుణ్యక్షేత్రములలో పిండ ప్రదానములు మొదలగు పెక్కు దానములు చేసి అందుకు ఏర్పడిన కర్మలు యథావిధిగా చేయాలి. అప్పుడు జీవుడు ప్రేత శరీర మును విడనాడి తాజేసి కొనిన పుణ్య పాపకర్మల నను సరించి ఆయా పరలోకములను పొందు చున్నాడు. అంతే గాని శరీరం నశించడంతో పాటు జీవుడు నశించడు. ఇదంతా ధర్మశాస్త్ర ములలో చెప్పబడి యున్నది. నీవన్నది యావత్తు శుద్ధ అబద్ధము. నీకు వివేక మన్నది సున్న.' అని వ్యక్తంచేశారు.

శ్రీశంకరాచార్యస్వామి నిర్వచించిన దంతము విని సిగ్గుపడి తానాచరించే దంతయు వట్టి బూటకమని చార్వాకుడు గ్రహించి శ్రీశంకరపాదులపాదము లపైబడి శరణు కోరాడు. శ్రీ శంకరులు కరుణ కలిగి వానిని విడువక గ్రంధములను మోయుటకు నియోగిం చి తమ శిష్యునిగా జేసికొన్నారు.

*పీనకాయుడు:*

పీనకాయుడను పేరుగల సౌగత మతస్థుడు తన మతమును గురించి చెప్పుకొన దలచి సభలో నుండి లేచి శ్రీ శంకరపాదుల కడకు వెళ్ళి, 'శంకరాచార్య వర్యా!నమస్కారములు.  నిజాన్ని గ్రహించలేక కర్మలాచరిస్తున్నారు. ఈ శరీరమునకు స్నానము ప్రాయశ్చిత్తము మొదలైన అనేక కర్మలు చేసినను మలంతో కూడిన ఈ శరీరం ఎప్పటికైనా పరిశుద్ధ మగునా? శరీరం మలంతో కూడి యున్న ను జీవుడు మాత్రం సదా నిర్మలంగానే యుంటున్నాడు గదా! ఇది అటుండ నిండు. చనిపోయిన పిమ్మట వాసనా ప్రభావంతో జీవుడు మరల పుట్టుచున్నాడని అంటున్నారు. వాడు చేసికొనిన పుణ్యకర్మ ననుసరించి ధనవంతు డగుచున్నాడని పలుకు దురు. చచ్చిపోవు సమయమునకు ఋణము గాని, కర్మ శేషము గాని యుండదు. అప్పు చేసియైనను మృష్టాన్న భోజనములు చేస్తూ శరీరములను చక్కగ పోషించు కొనుచున్నారు. అట్లాచరించిన మోక్షము వస్తుంది!' అని వెల్లడి చేశాడు.

పీనకాయుడాడిన మాటలు శ్రీశంకరా చార్యస్వామి విని 'పీనకాయా! నీవన్నది వట్టి బూటకం! కర్మ ఫలమును అనుభవిం చుటకు పరలోకప్రాప్తి కలుగునని శ్రుతుల లోను, స్మృతులలోను పురాణముల యందును చెప్పబడియున్నది. కర్మశేషమును మాత్రం అనుభవించుటకు మరల జన్మ ఎత్తాలని కూడ చెప్పబడినది. కావున అజ్ఞానం విడనాడి మంచి మార్గమును అవలంబిం చుము!' అని తెలియ జెప్పారు. అంతట పీనకాయుడు, 'స్వామీ! మరొక్క విషయమును జెప్పెద నాల కించుడు. సుగతుడనే ముని యొకడు లోక మంతయు తిరిగి తిరిగి ఆశ్చర్యము నొందెను. అప్పుడాతని కొక ఆలోచన తట్టినది. మానవుడు తరించ వలెనన్న ప్రాణులనే ఉపాసించ వలెను' అని. ఆతడట్లుగనే చేసి యున్నాడు. అతడు నాకు పదేశించి నప్పుడు ఒక్క విషయాన్ని మరువవద్దని నొక్కి చెప్పాడు ‘జీవహింస చేయరాదు' అన్నదే పరమ ధర్మ మన్నాడు. నన్ను కూడ జీవులనే ఉపాసించమని శాసించాడు. అట్లు ఆచరించిన కపాల మోక్షము వస్తుంది అన్నాడు. అప్పటి నుండి ఆ మహాను భావుని ఉపదేశము లను మనసార నమ్మి ఆ ప్రకారము       ఆచరిస్తున్నవాడను. యతివరా! కనుక ఆలాటి పరమధర్మం లోకమందెచ్చటను కానరాకున్నది. ఇది అందరూ ఆచరిం చుటకు యోగ్యమై యున్నది.' అని తన మతమును వివరించాడు.

 

శ్రీ శంకరాచార్యస్వామి సౌగతుడు తెలిపిన మతవిధానమునంతా  విని, 'సౌగతుడా! నీవన్న ధర్మము నొక్క దానినే పట్టుకొని ప్రాకు లాడిన లాభం లేదు. మానవు డింకను అనేక ధర్మము లాచరించ తగియున్నవి. వేదార్థం తెలిసినచో నీ వట్లని యుండవు. యజ్ఞము లో జంతువును బలి ఇమ్మని ఒక ధర్మము ఉన్నది. అట్టి యజ్ఞము వేదవిహీన కర్మల నాచరించు వారే చేయుదురు. దానివలన స్వర్గాది పుణ్యలోకవాసము ప్రాప్తించును. ఇందులకు పాషండు లిష్టపడరు.

*"వేదనిందా పరాయేతా సదాచార వివర్జితా:*

*తే సర్వే నరకం యాతి యద్యపి బ్రహ్మవీర్యజా:*

సదాచారమును విడిచిపెట్టిన వాడు, వేదాలను నిందించు వాడు బ్రాహ్మణ కులమందు జన్మించిన వాడైనను సరే నరక లోకమును పొందు చున్నాడు, అని మనువు సెలవిచ్చి యున్నాడు. కావున బాహ్మణులు మొదలైన కులముల వారందరికి వేదములో చెప్పబడిన ధర్మములు పరమ మాన్యములై వెలయు చున్నవి.' అని తెలియజేశారు.

అంతట చెప్పుకొన దగినది గానక సౌగతుడు శ్రీ ఆచార్య స్వామివారి పాదము లపై బడి శరణు వేడుకొనియెను. అప్పుడు వానిని పద్మపాదాది శిష్యుల పాదుకలు మోయుటకు నియమించిరి. అంతట నుండి ఆతడాప్రకారం జేయుచు వారి ఉచ్ఛిష్టాన్నమును భుజించుచు మహా భక్తుడై వెలయు చుండెను.

*కాలడి శంకర కైలాస శంకర* 

*శ్రీ ఆది శంకరాచార్య చరితము 35 వ భాగము సమాప్తము*

🌹🌹🌹🌺🌺🌺🌼🌼🌼

Panchang

 

(07-10-2024) రాశి ఫలితాలు

 రేపు (07-10-2024) రాశి ఫలితాలు

గురు నారాయణ భవిష్యవాణి వారి ఉచిత నిత్య రాశి ఫలితాలు మీ రాశి ఫలితాలు

మీరు ఏ సమస్యల్లో ఉన్నా మీ జాతకం/హస్తరేఖలు చూసి మీ సమస్య లకు పరిష్కారం చేయగలం సమర్ధులం పూజ/గ్రహజపం/హోమం ద్వారా ఖచ్చితంగా పరిష్కారం చేయగలం ఇప్పుడే ఫోన్ చేయండి  "జ్యోతిష్య రత్న" జరిగిన విషయం లు చెప్పి మీ భవిష్యత్తు చెప్పగలం వివాహం నకు జాతకం లు సరిపోల్చుట కూడా చూడబడును మీ గుంటూరి వేంకట శివ రామ కృష్ణ శర్మ సిద్ధాంతి 7981622895 గత 35 సంవత్సరంల నుండి ఇదే ఫీల్డ్ లో ఉన్నాం మా దగ్గర సిద్ధి పొందిన మంత్రాలు ఉన్నాయి మా గురువు ల ద్వారా మాకు వచ్చాయి. విద్య ఉద్యోగం వివాహం సంతానం కారాగృహ విముక్తి అనారోగ్యం రాజకీయ పదవులు ఋణ విమోచనం వ్యాపారాభివృద్ధి ఆర్థికాభివృద్ధి రోగ నివారణ శత్రువులు నుంచి రక్షణ గృహ నిర్మాణం ఇలా ఏదైనా పరిష్కారం చేయగలం సమర్ధులం హోమం ద్వారా ఖచ్చితంగా మీ కోరికలు తీరేలా చేయిస్తాం మీ కోరికలు తీరకపోతే మీ ధనం వాపసు ఇస్తాం షరతులు వర్తిస్తాయి మీ గుంటూరి వేంకట శివ రామ కృష్ణ శర్మ సిద్ధాంతి

సకల శుభ పౌరోహిత్యం కార్యక్రమాలు చేయించబడును

మేషం

 07-10-2024 

దూర  ప్రయాణాలు అనుకూలిస్తాయి.   వాహన సంభందిత  వ్యాపారాలు అనుకూలిస్తాయి.  వృత్తి, ఉద్యోగముల విషయంలో సంతృప్తికర వాతావరణం ఉంటుంది. భూ క్రయ విక్రయాలలో ఆశించిన లాభాలు పొందుతారు.  ఆర్ధిక పురోగతి సాధిస్తారు. ఇతరులతో సంబంధాలు మెరుగుపడతాయి.

వృషభం

 07-10-2024 

భాగసౌమ్య వ్యాపారాలలో పెట్టుబడులకు అనుకూలం లేదు. బంధు  మిత్రులతో   వివాదములకు దూరంగా ఉండటం మంచిది.  ఆరోగ్య విషయంలో అశ్రద్ధ చెయ్యడం మంచిది కాదు. చేపట్టిన పనులందు ఆటంకములు తప్పవు. ప్రయాణాలలో వాహన ప్రమాద సూచనలున్నవి. 

మిధునం

 07-10-2024 

ఆదాయ మార్గాలు మరింత పెరుగుతాయి. ముఖ్యమైన వ్యవహారాలలో జీవిత భాగస్వామి సలహా తీసుకుని ముందుకు సాగడం మంచిది. వ్యాపారాల విస్తరణకు నూతన  అవకాశాలు లభిస్తాయి. మొండి బకాయిలు వసూలవుతాయి. బంధు మిత్రుల ఆదరణ పెరుగుతుంది. ప్రయాణాలలో  అప్రమత్తంగా వ్యవహరించాలి.

కర్కాటకం

 07-10-2024 

నూతన పరిచయాలు లాభసాటిగా సాగుతాయి.  సంతానం  పోటీ పరీక్షలలో విజయం సాధిస్తారు.   ఇంటా బయట మీ మాటకు విలువ పెరుగుతుంది. వృత్తి వ్యాపారాలలో  ఆశించిన పురోగతి సాధిస్తారు. ఆకస్మిక ధన లాభ సూచనలున్నవి.  నిరుద్యోగులకు శుభవార్తలు అందుతాయి.

సింహం

 07-10-2024 

కుటుంబ సభ్యుల సహాయ సహకారాలతో నూతన కార్యక్రమాలు ప్రారంభిస్తారు. నిరుద్యోగులకు ఉద్యోగ అవకాశాలు లభిస్తాయి. స్థిరాస్తి క్రయ విక్రయాలలో అనుకూల ఫలితాలు పొందుతారు. వృత్తి వ్యాపారాలలొ ఆలోచించి పెట్టుబడులు పెట్టాలి. ఆర్థిక వ్యవహారాలలొ ఒడిదుడుకులు ఉంటాయి.

కన్య

 07-10-2024 

వృత్తి ఉద్యోగాలలో అదనపు బాధ్యతలు పెరిగినా సమర్ధవంతంగా నిర్వహిస్తారు. విలువైన గృహోపకరణాలు కొనుగోలు చేస్తారు. సన్నిహితులతో వివాదాలు పరిష్కారమవుతాయి. దీర్ఘకాలిక ఋణాల నుండి కొంత ఊరట లభిస్తుంది. వ్యాపారాలు అనుకూలంగా సాగుతాయి. స్వల్ప ధన లాభ సూచనలున్నవి.

తుల

 07-10-2024 

నూతన వాహన కొనుగోలు ప్రయత్నాలు  వాయిదా వేస్తారు. ఉద్యోగ పరంగా చిన్నపాటి సమస్యలు ఉంటాయి. సోదరులతో స్థిరస్తి  వివాదాలు పరిష్కరించుకుంటారు. ఆరోగ్య విషయంలో అప్రమత్తంగా వ్యవహరించాలి. వృత్తి వ్యాపారాలలో చికాకులు తప్పవు. వ్యాపారములు మందకొడిగా సాగుతాయి. 

వృశ్చికం

 07-10-2024 

దూరపు బంధువుల నుండి   అందిన కీలక సమాచారం కొంత ఊరట కలిగిస్తుంది. విలువైన వస్తువులు విషయంలో జాగ్రత్త వహించాలి.  చేపట్టిన పనులు  సకాలంలో పూర్తికావు.  సన్నిహితులతో వివాదాలు చికాకు పరుస్తాయి. ఉద్యోగమున అధికారుల ఆగ్రహానికి గురికావలసి వస్తుంది.

ధనస్సు

 07-10-2024 

చేపట్టిన పనులలో జాప్యం కలిగిన నిదానంగా పూర్తి చేస్తారు. దూర ప్రాంత బంధువులు నుండి శుభకార్య ఆహ్వానాలు అందుతాయి. వృత్తి వ్యాపారములు లాభసాటిగా సాగుతాయి. గృహమున బంధు మిత్రులతో ఆనందంగా గడుపుతారు.  ఉద్యోగమున ఉన్నత పదవులు పొందుతారు. నిరుద్యోగులకు శుభవార్తలు అందుతాయి.

మకరం

 07-10-2024 

ధార్మిక సేవా కార్యక్రమాలలో పాల్గొంటారు. ఆదాయ మార్గాలు అంతంత మాత్రంగా ఉంటాయి. నూతన వ్యాపార ప్రారంభమునకు అవరోధాలు తప్పవు. చేపట్టిన   పనులలో   కష్టానికి తగిన ఫలితం ఉండదు. చెయ్యని పనికి ఇతరుల నుండి నిందలు పడవలసి వస్తుంది.  ఉద్యోగ విషయంలో అలోచించి నిర్ణయాలు తీసుకోవడం మంచిది.

కుంభం

 07-10-2024 

సన్నిహితులతో  వివాదాలు పరిష్కారమౌతాయి. కుటుంబ సభ్యుల నుండి అరుదైన బహుమతులు అందుకుంటారు. ఇంటా బయట అనుకూల వాతావరణం ఉంటుంది. గృహమున వివాహ శుభకార్య ప్రయత్నాలు ఫలిస్తాయి.  ముఖ్యమైన వ్యవహారములు అనుకూలంగా  సాగుతాయి. సంతానం విద్యా ఉద్యోగ ప్రయత్నాలు ఫలిస్తాయి.

మీనం

 07-10-2024 

ఆదాయం ఆశించిన విధంగా ఉంటుంది.  కుటుంబ సభ్యులతో దైవ దర్శనాలు చేసుకుంటారు.  వృత్తి వ్యాపారాలు  మరింత మెరుగ్గా రాణిస్తాయి. సంతాన వివాహ విషయమై కీలకమైన  నిర్ణయాలు తీసుకుంటారు. ఉద్యోగమున అధికారుల ఆదరణ పెరుగుతుంది. ఆర్థిక పురోగతి కలుగుతుంది. ఆప్తుల నుండి శుభవార్తలు అందుతాయి

🙏 *శ్రీ కాళహస్తీశ్వర శతకము* 🙏

 💎🌅  *_-|¦¦|శుభోదయమ్|¦¦|-_* 🌄🪔

  🙏  *శ్రీ కాళహస్తీశ్వర శతకము* 🙏

*తలమీఁదం గుుసుమప్రసాద మలికస్థానంబుపై భూతియున్*

*గళసీమంబున తండ, నాసిక తుద న్గంధప్రసారంబు లో*

*పల నైవేద్యముఁ జేర్చు నేమనుజుడా భక్తుండు నీకెప్పుడుం*

*జెలికాఁడై విహరించు రౌప్యగిరిపై శ్రీకాళహస్తీశ్వరా!!!*

            *శ్రీ కాళహస్తీశ్వర శతకము - 54*

*తాత్పర్యము: ప్రభో, శ్రీకాళహస్తీశ్వరా! ఎవడైతే సదా తలమీద నీ నిర్మాల్యమును, నుదుట విభూతిని, మెడలో రుద్రాక్షలను, ముక్కుయందు నీ అభిషేకజల సుగంధమును, ఉదరములో నైవేద్యమును కలిగి ఉంటాడో అతడు వెండికొండపై నీ స్నేహితుడితో సమముగా వర్తించగలడు.....*

✍️🌷🌺🌹🙏

లలితాపంచరత్నం

 🕉️🕉️🕉️🕉️🕉️🕉️🕉️🕉️🕉️

        లలితాపంచరత్నం

🕉️🕉️🕉️🕉️🕉️🕉️🕉️🕉️🕉️

*ప్రాతః స్మరామి లలితా వదనారవిందం*

*బింబాధరం పృథుల మౌక్తికశోభినాసమ్*

*ఆకర్ణదీర్ఘ నయనం మణికుండలాఢ్యం*

*మందస్మితం మృగమదోజ్జ్వలఫాలదేశమ్ || ౧ ||*

*ప్రాతర్భజామి లలితా భుజకల్పవల్లీం*

*రక్తాంగుళీయలసదంగుళి పల్లవాఢ్యామ్*

*మాణిక్యహేమవలయాంగద శోభమానాం*

*పుండ్రేక్షుచాపకుసుమేషు సృణీర్దధానామ్ || ౨ ||*

*ప్రాతర్నమామి లలితా చరణారవిందం*

*భక్తేష్టదాననిరతం భవసింధుపోతమ్*

*పద్మాసనాది సురనాయక పూజనీయం*

*పద్మాంకుశధ్వజ సుదర్శనలాంఛనాఢ్యమ్ || ౩ ||*

*ప్రాతః స్తువే పరశివాం లలితాం భవానీం*

*త్రయ్యంతవేద్యవిభవాం కరుణానవద్యామ్*

*విశ్వస్య సృష్టవిలయస్థితిహేతుభూతాం*

*విద్యేశ్వరీం నిగమవాఙ్మమనసాతిదూరామ్ || ౪ ||*

*ప్రాతర్వదామి లలితే తవ పుణ్యనామ*

*కామేశ్వరీతి కమలేతి మహేశ్వరీతి*

*శ్రీశాంభవీతి జగతాం జననీ పరేతి*

*వాగ్దేవతేతి వచసా త్రిపురేశ్వరీతి || ౫ ||*

*యః శ్లోకపంచకమిదం లలితాంబికాయాః।*

*సౌభాగ్యదం సులలితం పఠతి ప్రభాతే*

*తస్మై దదాతి లలితా ఝటితి ప్రసన్నా*

*విద్యాం శ్రియం విమలసౌఖ్యమనంతకీర్తిమ్ || ౬ ||*

*ఓం శ్రీ మాత్రే నమః।*

🕉️🕉️🕉️🕉️🕉️🕉️🕉️🕉️🕉️

దైవం మీద నమ్మకమే*

 🛐🛐🛐🛐🛐🛐🛐🛐🛐

      *దైవం మీద నమ్మకమే*

          *మోక్షానికి దారి*

🛐🛐🛐🛐🛐🛐🛐🛐🛐

*త్రిలోకసంచారి అయిన నారదుడు ఒకసారి భూమి మీద ఉన్న విష్ణుభక్తులను పలకరించేందుకు బయల్దేరాడు. అక్కడ ముందుగా ఆయన నిత్యం హరినామస్మరణలో లీనమయ్యే ఓ ముని దగ్గరకు వెళ్లాడు.* 

*‘అయ్యా! వైకుంఠం నుంచి ఎప్పుడు వచ్చారు. విష్ణుభగవానుడు ఎలా ఉన్నారు? ఏం చేస్తున్నారు? మీరు తరచూ వైకుంఠానికి వెళ్తూ ఉంటారా?’ అని ప్రశ్నలతో ముంచెత్తాడు ఆ ముని.*

*‘విష్ణుమూర్తుల వారు బాగానే ఉన్నారు. నేను వైకుంఠానికి తరచూ వెళ్తూనే ఉంటాను,’ అంటూ బదులిచ్చారు నారదులవారు.*

*‘అయితే స్వామీ! ఈసారి మీరు వైకుంఠానికి వెళ్లినప్పుడు నాకు మోక్షం ఎప్పుడు ప్రసాదిస్తారో దయచేసి స్వామివారిని అడగండి’ అని వేడుకున్నాడు ఆ ముని.*

*సరేనంటూ నారదులవారు ముందుకు సాగిపోయారు. ఈసారి ఆయనకు ఒక చెప్పులు కుట్టుకునేవాడు కనిపించాడు. ‘మిమ్మల్ని చూస్తే సాక్షాత్తూ ఆ విష్ణుమూర్తినే చూసినట్లుంది. దయచేయండి స్వామీ! ఎలా ఉన్నారు? వైకుంఠం నుంచి ఎప్పుడు వచ్చారు? స్వామి ఎలా ఉన్నారు? ఏం చేస్తున్నారు?’ అంటూ చెప్పులు కుట్టుకునేవాడు కూడా ప్రశ్నలతో నారదుని ముంచెత్తాడు.*

*‘స్వామి బాగానే ఉన్నారు. నేను మళ్లీ అక్కడికే వెళ్తున్నాను. నీ గురించి ఏమన్నా అడగమంటావా!’ అన్నారు నారదులవారు.* 

*‘అడగడానికి ఇంకేముంది తండ్రీ! ఆ స్వామివారి కటాక్షం ఎప్పుడు లభిస్తుందో, నాకు మోక్షం ఎప్పుడు సిద్ధిస్తుందో కనుక్కోండి చాలు’ అని వేడుకున్నాడు చెప్పులు కుట్టుకునేవాడు.*

*అలాగేనంటూ నారదులవారు తిరిగి వైకుంఠానికి బయల్దేరారు. వైకుంఠంలో నారదులవారు స్వామిని చూసిన వెంటనే, తాను భూలోకంలో కలిసి వచ్చిన భక్తుల గురించి చెప్పారు. వారి సందేహాలను కూడా స్వామి ముందు ఉంచారు.*

*‘నాలో ఐక్యమయ్యేందుకు ఆ ముని మరెన్నో జన్మలు వేచి ఉండాలి. కానీ ఆ చెప్పులు కుట్టుకునే అతనిది మాత్రం ఇదే చివరి జన్మ’ అన్నారు విష్ణుమూర్తి.*

*స్వామివారి మాటలు విన్న నారదులవారు అయోమయంలో పడిపోయారు. నిత్యం హరినామస్మరణ చేసే మునికి మరెన్నో జన్మలు ఉండటం ఏంటి? సాధారణ సంసారిగా జీవిస్తున్న ఆ చెప్పులు కుట్టుకునేవాడికి ఇదే ఆఖరు జన్మ కావడం ఏంటి? అన్న ఆలోచనలో మునిగిపోయాడు.*

*నారదుని మనసులో ఉన్న సంశయాన్ని కనిపెట్టారు స్వామి. ‘నీ అనుమానం తీరే ఉపాయం ఉంది. నువ్వు ఈసారి వారిద్దరినీ కలిసినప్పుడు, ‘స్వామివారు ఏం చేస్తున్నారు?’ అని వాళ్లు అడుగుతారు కదా! అప్పుడు ‘ఆయన సూది బెజ్జంలోచి ఏనుగుని పంపిస్తున్నారు’ అని చెప్పు. వారి స్పందన చూశాక నీకే అర్థమవుతుంది. ఎవరు గొప్ప భక్తులో!’ అన్నారు స్వామి.*

  

*విష్ణుమూర్తి చెప్పినట్లుగానే నారదుడు తిరిగి భూలోకానికి బయల్దేరాడు. ముందుగా ఆయనకి ముని ఎదురుపడ్డాడు.*

*ఎప్పటిలాగే నారదులవారిని కుశలప్రశ్నలు అడుగుతూ, పనిలో పనిగా ‘స్వామివారు ఏం చేస్తున్నారు?’ అని అడిగాడు ముని.*

*‘ఆ ఏముంది! వేలెడంత సూది బెజ్జంలోంచి కొండంత ఏనుగుని పంపిస్తున్నారు’ అన్నారు నారదులవారు. ‘భలేవారే! సూది బెజ్జంలోంచి ఏనుగుని పంపించడం ఎలా సాధ్యం. మీరు నాతో పరాచికాలు ఆడుతున్నట్లున్నారు, లేదా ఏదో భ్రాంతికి గురై ఉంటారు’ అన్నాడు ముని చిరునవ్వుతో.*

*నారదులవారు అక్కడి నుంచి సాగిపోయారు. మరికొంత దూరం వెళ్లాక ఆయనకి మునుపటి చెప్పులు కుట్టుకునే అతను కనిపించాడు.*

      

*‘అయ్యా! దయచేయండి! ఎక్కడి నుంచి రాక? ఈ మధ్య కాలంలో వైకుంఠానికి వెళ్లారా? స్వామివారు ఎలా ఉన్నారు?’ అని అడిగాడు ఆ చెప్పులు కుట్టుకునే అతను. ‘అంతా బాగానే ఉందయ్యా!*

*నేను వైకుంఠానికి వెళ్లే సమయంలో స్వామివారు ఒక సూదిబెజ్జంలోంచి ఏనుగుని ఎక్కిస్తున్నారు’ అన్నారు నారదులవారు. ‘మంచిది మంచిది. స్వామివారు తల్చుకుంటే సాధ్యం కానిది ఏముంది!’ అన్నాడు భక్తుడు.*

*‘అదేంటీ! స్వామివారు ఎంత గొప్పవారైతే మాత్రం అంత అసాధ్యమైన కార్యాన్ని చేయగలరని నువ్వు నమ్ముతున్నావా!’ అని ఆశ్చర్యంగా అడిగాడు నారదుడు. ‘భలేవారే భగవంతునికి అసాధ్యం అంటూ ఏముంటుంది. ఇదిగో ఈ మర్రి పండుని చూడండి.*

*ఈ మర్రి పండులో వేలాది గింజలు ఉన్నాయి కదా! ఆ గింజలన్నీ మళ్లీ మర్రి చెట్లుగా మారతాయి కదా! పోనీ అక్కడితో ఆగుతుందా… ఆ మర్రి చెట్టు ఊడలు కిందకి దిగి విశాలమైన వనంగా మారుతుంది. ఇంత చిన్న పండులో అన్ని మహావృక్షాలు ఇమిడి ఉన్నప్పుడు స్వామివారు చేసినదానిలో ఆశ్చర్యం ఏముంది. సృష్టిలో ఇలాంటి అద్భుతాలన్నీ ఆయనకి సాధ్యమే కదా!’ అన్నాడు చెప్పులు కుట్టుకునేవాడు.*

*పైకి ఎంతో సాధారణంగా కనిపించే ఆ భక్తుని మనసులో భగవంతుని పట్ల ఉన్న విశ్వాసం ఎంత బలమైనదో నారదులవారికి అర్థమైంది. మోక్షం అతన్నే ఎందుకు వరించిందో తెలిసివచ్చింది.*

*ఓం నమో భగవతే వాసుదేవాయ।*

🛐🛐🛐🛐🛐🛐🛐🛐🛐

విజయవాడ కనకదుర్గ* *ఆలయ చరిత్ర*

 🕉️🕉️🕉️🕉️🕉️🕉️🕉️🕉️🕉️

     *విజయవాడ కనకదుర్గ*

        *ఆలయ చరిత్ర*

🕉️🕉️🕉️🕉️🕉️🕉️🕉️🕉️🕉️

శరన్నవరాత్రుల సందర్భంగా "అమ్మలగన్న అమ్మ మము కన్నతల్లి మాతల్లి దుర్గమ్మ" అని తెలుగు ప్రజలంతా నోరారా పిలుచుకునే కనకదుర్గమ్మ ఆలయాన్ని ఎవరు నిర్మించారు? ఎప్పుడు కట్టారు? అమ్మవారు వెలసిన కొండకు ఇంద్రకీలాద్రి అనే పేరు ఎలా వచ్చిందనే ఆసక్తికరమైన విశేషాలను ఈ కథనంలో తెలుసుకుందాం.

కనకదుర్గమ్మ దేవస్థానం ఆంధ్రప్రదేశ్​లోని విజయవాడ నగరంలో కృష్ణా నది ఒడ్డున ఇంద్రకీలాద్రి పర్వతం మీద ఉంది. ఇది ఆంధ్రప్రదేశ్ రాష్ట్రంలోనే రెండో పెద్ద దేవాలయం. అమ్మవారు ఇక్కడ స్వయంభువుగా వెలిశారు. 

విజయవాడ పేరు చెప్పగానే కనక దుర్గ ఆలయం గుర్తుకు వస్తుంది. వ్యాస మహర్షి రచించిన శ్రీ దేవి భాగవతంలో వివరించిన ప్రకారం దుర్గా మాతను మహిషాసుర మర్దిని అని కూడా అంటారు. మహిషాసురుడు అనే రాక్షసుడిని వధించినందునే అమ్మవారికి ఆ పేరు వచ్చిందని పురాణాల ద్వారా తెలుస్తోంది.

ఇంద్రకీలాద్రి అనే పేరు ఎలా వచ్చింది?

దేవి భాగవతం ప్రకారం విజయవాడ కనక దుర్గమ్మ ఆలయాన్ని అర్జునుడు నిర్మించినట్లు తెలుస్తోంది. పాండవుల్లోని అర్జునుడు ఇంద్ర కీలాద్రి దగ్గర తపస్సు చేసి పరమేశ్వరుని నుంచి పశుపతాస్త్రాన్ని పొందుతాడు. తాను చేసే యుద్ధంలో విజయం దక్కాలని పరమేశ్వరుడిని కోరతాడు. అందుకే ఈ ఊరికి విజయవాడగా పేరొచ్చింది. దక్షిణ భారతదేశంలో ప్రముఖ ఆలయాల్లో ఒకటైన దుర్గా మల్లేశ్వర దేవాలయాన్ని 8వ శతాబ్దంలో నిర్మించినట్లు కొన్ని ఆధారాలున్నాయి. అయితే ఈ ఆలయ నిర్మాణానికి సంబంధించి మరికొన్ని కథలు కూడా ప్రచారంలో ఉన్నాయి. 

పూర్వం విజయవాటికపురిని పరిపాలించే మాధవ వర్మ తన రాజ్యంలో ధర్మం నాలుగు పాదాల నడిచేటట్లుగా ప్రజారంజకంగా పరిపాలిస్తూ ఉండేవాడు. ప్రజలు ఆయన చల్లని నీడలో సుఖశాంతులతో ఉండేవారు. ఒకరోజు రాకుమారుడు పెంకి గుర్రంతో కూడిన రథంతో బయలుదేరాడు. అయితే దాన్ని అదుపు చేయడం అంత సులభం కాదు. అది చాలా పొగరుబోతు. దీంతో రాజ భటులు వీధుల్లో హెచ్చరికలు చేస్తూ పరుగులు తీశారు. దురదృష్టవశాత్తు రాకుమారుని రథ చక్రాల కిందపడి ప్రమాదవశాత్తు ఓ బాలుడు మరణిస్తాడు. బాలుని తల్లిదండ్రులు కన్నీరుమున్నీరై తమకు న్యాయం చేయాలని రాజును ఆశ్రయిస్తారు. అప్పుడు జరిగిన ప్రమాదానికి తన కుమారుడే కారణమని గ్రహించి మాధవ వర్మ వారికి పుత్రశోకం కలిగించిన తన కుమారుడికి మరణ దండన విధిస్తారు.

అంతట రాజు యొక్క ధర్మనిరతి మెచ్చిన అమ్మవారు ఆ బాలుని బతికించడమే కాకుండా విజయవాటిక పురమునందు కొన్ని ఘడియల పాటు కనక వర్షాన్ని కురిపిస్తుంది. ఆనాటి నుంచి విజయవాడలోని అమ్మవారిని కనకదుర్గా దేవిగా పూజించడం మొదలు పెట్టారు. 

శరన్నవరాత్రుల్లో అమ్మవారికి స్వర్ణ కవచ అలంకారం కూడా చేస్తారు. 

ఇంద్రకీలాద్రి అనే పేరు ఇలా వచ్చింది?

కృతయుగానికి పూర్వం కీలుడు అనే యక్షుడు అమ్మవారిని గురించి తపస్సు చేసి, ప్రత్యక్షం చేసుకుని ఆమెను తన హృదయ స్థానంలో నిలిచి ఉండమని కోరాడు. అమ్మవారు కీలుని పర్వతంగా నిలబడమని, తాను కృతయుగంలో రాక్షస సంహారం చేసిన తరువాత ఆ పర్వతం మీద నిలిచి ఉంటానని మాటిచ్చింది. కీలుడు కీలాద్రిగా మారి అమ్మవారి కొరకు ఎదురుచూస్తూ ఉన్నాడు. ఇచ్చిన మాట ప్రకారం అసుర సంహారం చేసి అమ్మవారు మహిషాసుర మర్దిని రూపంలో ఇంద్రకీలాద్రిపై వెలసినట్లు శాసనాల ద్వారా తెలుస్తోంది. అమ్మవారిని సేవించుకోవడానికి ఇంద్రాది దేవతలు ఇక్కడకు తరచూ రావడం వల్ల కీలాద్రి ఇంద్ర కీలాద్రిగా మారింది. ఆనాటి నుంచి ఈ పర్వతానికి ఇంద్రకీలాద్రి అనే పేరు వచ్చింది.

పరవశింపజేసే అమ్మవారి విగ్రహం:~

ఆలయంలో అమ్మవారి విగ్రహం సుమారు నాలుగు అడుగుల ఎత్తు ఉంటుంది. మిరిమిట్లు గొలిపే ఆభరణాలు, పూలతో అలంకరించబడి ఉంటుంది. అమ్మవారి మూర్తికి ఎనిమిది చేతులు ఉన్నాయి. ఒక్కో చేతిలో ఒక్కో ఆయుధం ఉంటుంది. అమ్మవారు త్రిశూలంతో మహిషాసురుని గుండెలో పొడుస్తున్న భంగిమలో ఉంటుంది. ఈ ఆలయంలో వెలసిన మహిషాసురమర్ధిని తల్లి కనక వర్ణంతో వెలుగుతున్న కారణంగా కనక దుర్గ అయింది. 

శ్రీచక్ర ప్రతిష్ఠ చేసిన ఆదిశంకరులు:~

శ్రీ దుర్గా మల్లేశ్వర స్వామి వారి దేవస్థానం కృష్ణా నది ఒడ్డునే ఉన్న ఇంద్రకీలాద్రి పర్వతం పైన ఉంది. ఇక్కడ దుర్గాదేవి స్వయంభువుగా వెలసిందని క్షేత్ర పురాణం ద్వారా తెలుస్తోంది. ఆది శంకరాచార్యులవారు తమ పర్యటనల్లో ఈ అమ్మవారిని దర్శించి ఇక్కడ శ్రీచక్ర ప్రతిష్ఠ చేసారని ప్రతీతి. ప్రతి సంవత్సరం కొన్ని లక్షలమంది ఈ దేవాలయానికి వచ్చి దర్శనం చేసుకొంటారు. వైభవంగా శరన్నవరాత్రి ఉత్సవాలు

విజయవాడ కనక దుర్గాదేవి అమ్మవారికి ప్రతి సంవత్సరం దసరా పండుగల్లో శరన్నవరాత్రి ఉత్సవాలు అత్యంత వైభవంగా జరుగుతాయి. ఈ ఉత్సవాలలో అమ్మవారు ఒక్కొక్క రోజు ఒక్కొక్క అవతారంలో భక్తులకు దర్శనము ఇస్తారు. ఈ నవరాత్రుల్లో వచ్చే సప్తమి తిథి, మూలా నక్షత్రం రోజున అమ్మవారి జన్మ నక్షత్రం సందర్భంగా అమ్మవారికి విశేషంగా సరస్వతి దేవి అలంకరణ చేస్తారు. ఆ రోజున వేలాది మంది భక్తులు, విద్యార్థులు తరలివస్తారు. అంతేకాదు ఆరోజున అమ్మవారి సన్నిధిలో సామూహిక అక్షరాభ్యాసాలు కూడా జరుగుతాయి. 

ఉత్సవాలు వేడుకలు:~

దుర్గాష్టమి, మహర్నవమి రోజుల్లో అమ్మవారికి విశేష పూజలు, కుంకుమార్చనలు జరుగుతాయి. ఇక చివరి రోజైన విజయదశమి రోజున అమ్మవారు శ్రీ రాజరాజేశ్వరీదేవి అవతారంలో భక్తులను అలరిస్తారు. అదే రోజు సాయంత్రం కృష్ణా నదిలో తెప్పోత్సవం జరుగుతుంది. ఇంద్రకీలాద్రిపై జరిగే కనకదుర్గమ్మ శరన్నవరాత్రి ఉత్సవాలను తిలకించేందుకు భారతదేశం నలుమూలల నుంచి ప్రజలు తండోపతండాలుగా వస్తారు. ఈ సందర్భంగా రాష్ట్ర ప్రభుత్వం వారు అమ్మవారికి పట్టువస్త్రాలు సమర్పిస్తారు. భవాని దీక్షలు

కనకదుర్గమ్మ వారి భక్తులు భవాని దీక్ష పేరుతో మండలం పాటు దీక్ష వహించి అమ్మవారి సన్నిధిలో దీక్షలను విరమిస్తారు. 

కనకదుర్గమ్మ దర్శనానికి వచ్చిన భక్తులు కృష్ణా నదిలో పుణ్యస్నానాలు ఆచరించి ఆ తల్లిని దర్శించి తమ పిల్ల పాపలను చల్లగా కాపాడు తల్లీ అని వేడుకుంటారు. ఆ తల్లి కూడా అందరికీ చిరునవ్వుతో దర్శనమిచ్చి వరాలను ప్రసాదిస్తుంది. ఈ శరన్నవరాత్రుల్లో అమ్మవారిని దర్శనం చేసుకుందాం. అమ్మవారి అనుగ్రహానికి పాత్రులవుదాం. 

ఓం శ్రీ మాత్రే నమః

🕉️🕉️🕉️🕉️🕉️🕉️🕉️🕉️🕉️

పూర్తి శ్లోకాలు*

 🛐🛐🛐🛐🛐🛐🛐🛐🛐

*వాడుకలోని సంస్కృత వాక్యాలు*

      *వాటి పూర్తి శ్లోకాలు*

🛐🛐🛐🛐🛐🛐🛐🛐🛐              

*దండం దశ గుణం భవేత్*

🛐🛐🛐🛐🛐🛐🛐🛐🛐

విశ్వా మాత్రా హి పశుషు, 

కర్ద మేషు జలేషుచ

అంధే తమసి వార్ధక్యే, 

దండం దశ గుణం భవేత్.॥*

*భావము:~**

*పక్షులు, కుక్కలు, శత్రువులు, పాములు, పశువులు వీటిని అదుపు చేయడానికి వరుసగా, బురదలో, నీటిలో, చీకటిలో, గ్రుడ్డితనంలో , ముసలి తనంలో సాయంగా ఉండేది చేతి కర్ర. అందు వల్ల దండానికి (కర్రకి) దశగుణాలు ఉన్నాయి సుమీ !*

వ్యాఖ్య:~

*దీనిలోని అర్థం -*

1. వి - పక్షులు,

2. శ్వా - కుక్కలు,

3. అమిత్ర - మిత్రులుకానివారు(శత్రువులు),

4. అహి - పాములు,

5. పశు - పశువులు,

6. కర్దమేషు - బురదలో,

7. జలేషు - నీటిలో,

8. అంధే - గుడ్డితనంలో,

  9. తమసి - చీకటిలో,

10. వార్ధక్యే - ముసలితనంలో

దండం - కర్ర 

దశగుణం - 10 గుణాలను, 

భవేత్ - కలిగిస్తుంది.

*అంటే కర్ర పక్షులను, కుక్కలను, శత్రువులను, పాములను, పశువులను అదుపు చేయడానికి, బురదలోను, నీటిలోను, గ్రుడ్డితనంలోను, చీకటిలోను, ముసలితనంలోను ఆపుగా (ఆసరాగా)ఉంటుంది. కావున కర్ర ఈ పది రకాలుగా ఉపయోగపడుతుంది - అని భావం.*

మరొక అర్ధం:~

"దండం దశ గుణం భవేత్" ఈ వాక్యానికి  మరో అర్థం.

*దండం(కర్ర)లాగా నేల మీద పడి, సాష్టాంగ నమస్కారం చేస్తే, ఎదుటి వారిలో పది మంచి గుణాలు కలిగి, కార్యం సానుకూలం అయ్యే అవకాశం ఉంది. అలా ప్రణిపాతం చెయ్యక, తల వంచి దండం(నమస్కారం) పెట్టినా, ఎదుటివారు, దండం పెట్టిన వారిని ఆదరించి పనులు చక్కపెట్టవచ్చు.*

*శ్రీ గురుభ్యో నమః।*

🛐🛐🛐🛐🛐🛐🛐🛐🛐

*ఓం శాంతిః శాంతిః శాంతిః!*

*సర్వేజనా సుఖినోభవంతు!!*

*ఓం తత్సత్!!*

*సర్వం శ్రీ కృష్ణార్పణమస్తు!!*

*ఓం నమః శివాయ!!!*

🛐🛐🛐🛐🛐🕉️🛐🛐🛐

*(సంకలనం భగవంతుని కృపతో మీ ఆత్రేయపురపు వెంకట రమణమూర్తి)*

🛐🛐🛐🛐🛐🛐🕉️🕉️🛐

37. " మహాదర్శనము

 37. " మహాదర్శనము "--ముప్పై ఏడవ భాగము -- సర్వజ్ఞ బీజము

37. ముప్పై ఏడవ భాగము--  సర్వజ్ఞ బీజము

         యాజ్ఞవల్క్యుడు ఎప్పటివలె సూర్యోదయానికి ముందరి బ్రాహ్మీ ముహూర్తములో లేచి , తన స్నాన, సంధ్యా , అగ్ని కార్యములను ముగించుకొని జపములో కూర్చున్నాడు . అతడు జపములో ఉపాస్య దేవతను సాక్షాత్కరించుకొనడు . అయినా అతడికి జపము చేయునంతసేపూ ఎవరో తనవెంటనే ఉన్నట్టు ఉంటుంది . అతడి శోభ అదే , వెంట ఉన్నవారు ఎవరూ అనుదానిని చూడడు . 

        మాధ్యాహ్నికపు సమయము వరకూ జపములో ఉండి మధ్యాహ్నపు సమయము మరలా స్నానము చేసి అప్పటి కర్మలన్నిటినీ నెరవేర్చినాడు . ఆ దినము ఏదో విశేష కారణమని అతడిని ఋగ్వేదోపాధ్యాయులు గౌతములు భోజనమునకు రావలసినదిగా చెప్పియున్నారు . అక్కడ వైశ్వదేవము అయినది . అనంతరము వచ్చి , ఎప్పటివలె అతడు తన గుడిసెలో జపమగ్నుడయినాడు . 

       దారిలో వచ్చునపుడు , ఎలాగో ఏమిటో , బుడిలులు తరచూ చెప్పెడి సర్వజ్ఞుడగు ఆలోచన మనసులోకి వచ్చింది . ’ కానీలే , ఆదిత్యుని ప్రసాదము దొరికిన తరువాత ఆ ఆలోచన ’ అనుకొని , గుడిసెలో కూర్చున్నాడు . 

       జపమెందుకో బహుకాలము నడవలేదు . ఆహారములో దోషమేమైనా ఉందా అని తాను భుజించినదంతా సింహావలోకనము చేసుకొని చూచినాడు . లేదు , దానిలో దోషమేమీ ఉండలేదు . దేహములో ఏదైనా దోషము సంభవించినదా యని చూచుకున్నాడు . దేహము ఎప్పటివలె తేలికగానున్నది . దేహప్రకృతి స్వస్థముగా నుండినది . 

       ఇలాగెపుడైనా జపభంగమైతే వీణను తీసుకొని వాదనములో కూర్చోవడము అతడికి వాడుక. వీణను తీసుకొన్నా అక్కడ కూడా అతడి మనసు రమించలేదు . అయినా కొంతసేపు వాయించినాడు . అది కూడా బలవంతపు బ్రాహ్మణార్థమైనది . దానిని పక్కకు పెట్టినాడు . మనసుకు ఏదో జాడ్యము . అక్కడ ఇంటిలో తల్లిదండ్రులకు ఏవైనా అనారోగ్యాలు సంభవించి దానివలన మనసు ఇలాగయి ఉండవచ్చునా అని ఆలోచించినాడు . ఐనా , ఆశ్రమము మిథిలకు  కేవలము ఒక అర్ధ దినపు దారి . అటులేమయినా అయినచో , వార్త వచ్చియుండవలెను , ఏమీ రాలేదు . 

        అగ్నిదేవుడినో , ప్రాణదేవుడినో సాక్షాత్కరించుకొని సంగతేమో అడుగుదామా అనిపించినది . ఆ ఆలోచన రాగానే నవ్వి , ’ దేవతలంటే ఏమి , దూడను కట్టివేయు గూటములా ? చీటికి మాటికీ వారిని అడుగుట అయితే , మనము ప్రత్యేకులము అనుకొనుట దేనికి ? వారికి సమర్పణ చేసుకొనుట అయినది కదా , సర్వగతులైన వారు తమ వస్తువులను కాపాడుకొనుటను బాగా తెలిసినవారు . కాబట్టి నేనేమీ అడగను " అని నిశ్చయించుకున్నాడు . 

        ఆచార్యుల వద్దకు వెళ్ళి ఈ మనో జాడ్యమును పరిహరించుకుందామా అంటే వారు కాశీ నుండీ ఇంకా తిరిగి రాలేదు . ఇక ఉన్న ఒకే గతి , ఆచార్యాణి . వారికి ఇప్పుడు  ఏ సమయమో ఏమో ? ఏమైనా సరే , అక్కడికే వెళ్ళెదను , వారికి సమయముంటే ఒక్క ఘడియ అక్కడే ఉండి , మనో జాడ్యమును వారి వాక్యగంగలో కడుగుకొన వచ్చును " అని బయలుదేరినాడు . 

        ఆచార్యాణి యందు యాజ్ఞవల్క్యునికి బహుళ గౌరవము . వారు స్త్రీ సృష్టిలో పరాకాష్ఠ అని అతడి భావన. వారు రూపములో అంతటి విశిష్టత ఉన్నవారు కాదు . అలాగని గౌర వర్ణపు వారి ముఖములో గానీ శరీరాంగములలో గానీ ఏ లోపమూ లేదు . కన్నుముక్కు మొదలైనవన్నీ చక్కగా ఉన్నాయి . అయితే , అతడికి గోచరమగుచుండినది వారి రూప సంపత్తు కాదు . గుణ సంపత్తు . వారు ఆచార్యులకు ధర్మ పత్ని మాత్రమే కాదు , మోక్ష పత్ని కూడా ! ధర్మ పత్నియై , అతిథి పూజనము , దేవయజనము మొదలైనవాటిలో సహధర్మచారిణి యైనట్లే , వారు తమ విరామ కాలములో కూర్చొని ఆతనికి సమానముగా విచారములు చేయువారు . కావాలన్నప్పుడు ఆతనితోపాటు కావలసినంత సేపు సమాధిలో కూడా కూర్చోగలరు . యాజ్ఞవల్క్యుని దృష్టిలో ఆశ్రమపు నిర్వహణ ఆచార్యులకన్నా ఆచార్యాణికే ఎక్కువ అలవడింది. తనకు , పత్ని కాబోయే కాత్యాయని కూడా వీరి వలెనే అయితే ! అని ఒక కోరిక. వెంటనే సమాధానము కూడా . తాను మెచ్చినది రంభ, తాను మునిగినది గంగ అన్నట్లు , తనకు దొరికినదే తనకు పంచామృతము ! అని . మొత్తానికి ఆశ్రమములో ఎక్కడెక్కడ ఎంతెంత తిరిగి చూచినా వారి చేతి పనితనము కనిపిస్తుంది . వారి వద్దకు వెళ్ళి కూచుంటే గంగా సాగరపు ఒడ్డుకు వెళ్ళి కూర్చున్నట్లే ఒక పవిత్రమైన ప్రశాంత భావన. 

       ఆలాపినికి కూడా అంతే ! యాజ్ఞవల్క్యునిపై ఒక విచిత్రమైన వాత్సల్యము . మాతృ వాత్సల్యము వలెనే దృఢమైననూ , కొడుకన్న కోరికతో చూచియే తీరవలెనన్న చపలము లేదు . ఒక్కోసారి అతడిని ఒక వారము వరకూ చూడకుండానే ఉంటుంది . అప్పుడామెకు వాడు గుర్తే రాడు . ఆమె తానుగా వెళ్ళి వాడిని చూచుట అనునది లేనేలేదు . వాడే వస్తే , తనకు ఎంత పని ఉన్నా అన్నీ వదలి వాడితో కూర్చొని మాట్లాడతారు . ఆమె మాట , చేతలూ అన్నీ కర్మ బ్రహ్మ విచారములను వదలి ఇంకో వైపుకు తిరగవు . ఇద్దరికీ పరము పైన ఉన్న కాంక్ష ఇహము పైన అంతగా లేదు . 

        యాజ్ఞవల్క్యుడు వచ్చు వేళకు ఆలాపిని బట్టలను ఆరవేసి , దాని వలన కలిగిన కొంచము ఆయాసముతో కొద్దిపాటి విశ్రాంతి తీసుకొని , ఒక విరామాసనములో ఆనుకొని సౌకర్యముగా కూర్చున్నారు . మనసు తాత్కాలిక విషయము వైపుకు తిరిగి , ’ చూచితివా ? ఈ దేహము ఇంత దృఢముగా నున్నా ,ఈ  కొంచము బడలికను సహించలేదు . ఈ క్షర పురుషుని స్వరూపమే ఇదియేమో ? కావాలన్నపుడు ఎంత ఆయాసమైనా సహించి కార్యపరులై తిరుగుచున్ననూ , దేహమునకు ఆయాసము మాత్రము తప్పదు కదా ? ఇదేనేమో మృత్యువంటే ? సరే , దీనిని దాటుట ఎట్లు ? ఈ క్షరము ఎప్పటికైనా మృత్యువు పాలే కదా ! బహుశః సర్వజ్ఞత్వము నైనా సాధించ వచ్చునేమో గానీ మరణ రాహిత్యమును సంపాదించుటకు వీలు కాదేమో . ఈ దేహము పుట్టినపుడే మృత్యువుకు నోటి ముద్దగా పుట్టియున్నపుడు , అమరత్వమన్నది ఎలా సాధ్యము ? యుగాంతరముల వరకూ ఉన్ననూ , చిరంజీవి యైననూ చివరికి నామ రూపములను వదలి తీరవలెను కదా ! " అని ఆమెకు ఏవేవో ఆలోచనలు . 

        యాజ్ఞవల్క్యుడు వచ్చి ప్రణామము చేసి వాకిట నిలుచున్నాడు . ఆలాపిని వాడిని చూసి పొంగివచ్చు హర్షముతో ," రావలెను , మహర్షులగు వారు దయచేయవలెను " అని ఒక కృష్ణాజినమును చూపించి , తాను లేచి కూర్చున్నది . యాజ్ఞవల్క్యుడు ఆ స్తుతిని గ్రహిస్తూ , " ఈ ఆశీర్వాదముల చేత నేను మహర్షిని కాకపోతే దానికి కారణము నా దోషమనే భావించ వలెను " అని వినయ ప్రసన్నముగా పలుకుతూ వచ్చి ఆసనములో కూర్చున్నాడు . 

        " యాజ్ఞ వల్క్యా , రాబోవు తరాలలో కాశీ , మద్ర , కురు పాంచాల మిథిలా నగరములకెల్లా కర్మ బ్రహ్మ విద్వాంసుడంటే నువ్వొక్కడవే అవుతావు . అంతటి శుభ దినమును చూడవలెనని నాకు ఎంతో ఆశ ! . అయితే , దానితో పాటు , అంటే ,  పరా , అపరా విద్యలతో పాటు లౌకిక విద్యలను చేర్చుకొని నువ్వు సర్వజ్ఞుడ వెందుకు కారాదు ? అని ఒక ప్రశ్న ! " 

       యాజ్ఞవల్క్యుడు ఆశ్చర్యపోయినాడు . " తల్లీ ! మీరేమి పర చిత్త దర్శకులా ? ఈ మధ్యాహ్నము గౌతముల ఇంటి నుండీ నా గుడిసెకు వెళ్ళునపుడు ఈ సర్వజ్ఞ బీజపు విచారము వచ్చినది , నిజము . అయితే , నేను దానిని పట్టి ముందుకు పోయి ఆలోచించలేదు . ఇప్పుడు తమరు కూడా అదే విషయమే చెపుతున్నారే ? " అన్నాడు . 

        ఆచార్యాణి అన్నది , " చూడు యాజ్ఞవల్క్యా , నువ్వు వచ్చుటకు ముందు , ఆయాసము పొందిన దేహము చిరంజీవి యగుట , లేదా దేహపు యోచనయే లేక సర్వజ్ఞుడగుట యను రెండు యోచనలూ వచ్చినాయి . నాశనము పొందు దేహమును అమరము చేయుటకన్నా , సర్వజ్ఞత్వమును సాధించుటయే సులభమేమో ? అని ఆలోచిస్తున్నాను . నీకు సమ్మతమైతే దాని గురించే మాట్లాడదాము . నీ అభిప్రాయమేమి ? "

         యాజ్ఞవల్క్యుడు ఒప్పుకున్నాడు . " నేను మాట్లాడితే , ఆ శాస్త్రము ఇలా అంటుంది , ఈ శాస్త్రము అలా అంటుంది అని శాస్త్ర వచనములను పలుకుతూ వాటి ముసుగులో నా అభిప్రాయములను చెప్పవలెను . తమరయితే , శాస్త్ర వాక్కులను సూత్రములకు భాష్యము వ్రాసినట్లు , ప్రవచనము చెప్పునట్లు చిత్ర విచిత్రముగా విషయమును చెప్పగలరు . తమరి వాక్యసుధను శ్రవణము చేస్తే నాకు కలుగు ఆనందము అంతా ఇంతా కాదు . " 

         ఆ స్తుతి వలన ఆచార్యాణి తృప్తి పడి అన్నది , " చూడు యాజ్ఞవల్క్యా , నిధిని కాపాడుతూ చుట్టుకొని యున్న ఘట సర్పమునకు బంగారు వర్ణము వస్తుందట ! అలాగే శాస్త్ర నిధిపుడైన వాడికి వాక్సౌందర్యము లభిస్తే ఆశ్చర్యమేమి ? మొదట శాస్త్రములను కరగతములుగా చేసుకొనుట ఎలాగ అన్నది చెప్పి , తరువాత సర్వజ్ఞత్వమును గురించి చెబుతాను , విను . 

        ఒక్కొక్క శాస్త్రానికీ , సూత్రము , అభ్యాసము అని రెండు క్రమములున్నవి . సంగీతమునే తీసుకో ! నువ్వు దానిలో పండితుడవు కాబట్టి దానిని తీసుకుందాము . అన్ని రాగములూ సప్త స్వరములలోనే ఇమిడియున్నాయి . అలాగని అన్ని రాగములకూ సప్త స్వరములనే వాయిస్తుంటే అవుతుందా ? స్వరముల మృదు , తీవ్రతలను అర్థము చేసుకో వలెను . దానితో పాటు , ఏది అంశము , ఏది గ్రహము అన్నది తెలియవలెను . రాగ ప్రస్తారములో వాది , వివాది మొదలైనవాటిని ఎరిగియుండవలెను . అలాగే వర్జ్యావర్జ్యములు తెలిసి యుండవలెను . ఆయా రాగములలో అవరోహణ తానము ముఖ్యమా ? ఆరోహణ తానము ముఖ్యమా ? అనుదానిని అనుభవించి ఉండవలెను , కదా ? "

" ఔను "

         " అనగా నేమి ? సంగీతము కేవలము శాస్త్రపు కలగూర కాదు . దానిలో మాంత్రికుడు మామిడి టెంక నుండీ మొక్కను చేయునట్లే , అభ్యాస బలముతో జీవకళను నింపవలెను . అపుడే దాని ఆనందము . అలాగే , ప్రతి శాస్త్రమునందూ ఒక నిష్ఠ యున్నది . దానిని పాటించి కొనసాగవలెను . అప్పుడేమవుతుందో తెలుసా ?  శాస్త్రమనెడి అటకపైనున్న విషయము కరగతమై ఆనంద ప్రదమగును . దానికేమి చేయవలెను అంటావేమో ? అదీ విను . శిష్టాచార్యుల విషయము మొదట చెప్పి , మిగిలిన దానిని తరువాత చెప్పెదను . శిష్యుడు ఆచార్యుని నుండీ అనుష్ఠానమును నేర్చును . ఆచార్యుడు తాను చేపట్టిన అనుష్ఠానమును శిష్యునికి ఉపదేశించును . శిష్యుడు అనుష్ఠానము చేయును . ఇది అనుష్ఠాన తాదాత్మ్యత. 

         " అనుష్ఠానము వలన అనుభవము వచ్చును , ఆ అనుభవము ఆచార్యుడు పొందినదే కావలెను . శిష్యుడు ఆచార్యుడు పొందిన అనుభవమునే పొందవలెను . ఆచార్యుడు ’ స ’ అంటే శిష్యుడు ’ స ’ పలకవలెనే తప్ప ’ రి ’ కాకూడదు : లేదా , ’ ని ’ కాకూడదు . ’ స ’ అంటే  ’ స ’ మాత్రమే రావలెను . అది అనుభవపు తాదాత్మ్యత. 

         " అనంతరము ఆ అనుభవము సుఖముగా ఉందా , దుఃఖముగా ఉందా అనునది మూడవ ఘట్టము .  ఆ అనుభవము మొదట మొదట్లో సంగీతము నేర్చువారి పాట వలె శృతి కఠినమూ అయిఉండవచ్చు , దానిని మాలిమి చేసుకొని , కంఠమును వినుటకు ఇంపుగా చేసుకొని శృతి ప్రియమూ ఆనందమూ అగునట్లే , అనుష్ఠానము చేత పొందిన అనుభవము ఆనందమే యగునట్లు చేసుకోవలెను . అనగా , ఆచార్యుడు అనుభవించిన ఆనందము శిష్యునికీ లభించునట్లు కావలెను . అది ఆనంద తాదాత్మ్యత. 

         " చివరి ఘట్టము విచిత్రమైనది .  ఒకడు సంగీతమును పాడి ఆనంద పడితే ఇంకొకడు విని అదే ఆనందమును అనుభవించును . ఈ ఇద్దరి ఆనందమూ వేరే వేరేనా , ఒకటేనా ? అక్కడి ఆనంద స్వరూపమును వెదకి చూడవలెను . పాడి ఆనంద పడిన వాడొకడు . విని ఆనంద పడిన వాడొకడు . ఈ ఇద్దరి ఆనందమూ ఒకటేనా ? వేరే వేరేనా ? ఇది ప్రశ్న . దీనికి ఉత్తరమేమిటో తెలుసా ? ఆనందపు ప్రమాణములో తారతమ్యము ఉండవచ్చును . అయితే , ఆనంద స్వరూపములో భేదములు  లేవు . అలాగుంటే ఆనందములోనూ అనేక జాతులు ఏర్పడవలసి ఉంటుంది . అలాలేక , ఆనందము ఎక్కడెక్కడున్నా ఒకటే  అయి ఉన్నందు వలన , తెలిసినవారు దానిని అఖండము , ఏకరసము , అన్నారు . ఇది శాస్త్రపు కొన కావలెను . ఈ ఘట్టమును చేరుటకు అఖండైకరస తాదాత్మ్యము అని పేరు . ఇలాగే నాలుగు మెట్లలో శాస్త్రమును సాధించవలెను . దీనితో పాటు , నీకు తెలిసిన ఇంకొక మాట . " 

       యాజ్ఞవల్క్యుడు వారి మాటలు వింటూ వింటూ తల్లీనమై పరవశమై యున్నవాడు , ’ నీకు తెలిసిన ఇంకొక మాట ’ అనుటతో జాగృతుడైన వాడివలె , మరలా బహిర్ముఖమునకు వచ్చినాడు . ఆలాపిని ,  కళ్ళు మూసుకొని కూర్చున్నవాడు కళ్ళు తెరచి , తనవైపుకు చూస్తూ ’ అదేమిటి , అనుజ్ఞ ఇవ్వవలెను ’ అని ప్రార్థన  చేయు వైఖరి ని చూస్తూ ఒక ఘడియ అలాగే ఉంది . అనంతరము మరలా ఆరంభించినది . 

         " చూడు యాజ్ఞవల్క్యా , ఏదేమైననూ ఆచార్యుడు శిష్యుడికి కేవలము దిశా నిర్దేశకుడు మాత్రమే . కిశోర న్యాయము వలన  శిష్యుడిని అనుగ్రహించి శాస్త్ర బీజమును కరుణించును . అది ఒక పాదము మాత్రము . ఇంకొక పాదమును తన సహ పాఠులతో చర్చ చేసి తెలుసుకో వలెను . మిగిలిన సగమును తన స్వంత ప్రయత్నము చేత , చింతన , తపస్సులచేత సాధించవలెను . ఇక్కడ లౌకిక విద్యకూ వైదిక విద్యకూ వ్యత్యాసమేమీ లేదు . వైదిక విద్యలో బీజము తప్పక కావలెను . లౌకిక విద్యలో బీజము అవసరము లేకున్ననూ , ప్రయత్నము , అభ్యాసము , చింతన , తపస్సులు కావలెను . ప్రయత్నము , అభ్యాసము , చింతన , తపస్సులను తెలిసిన నువ్వు ,  వైదిక విద్యలోనైతే , అగ్ని దేవ , ప్రాణ దేవుల కృప వలన విచక్షుణుడవైనావు . ఈ వైచక్షణమును లౌకిక విద్యలలో కూడా పొందితే నువ్వు సర్వజ్ఞుడవే కావలెను . దానిలో విశేషమేమీ లేదు . "

        యాజ్ఞవల్క్యునికి వారి మాట పై పూర్ణమైన విశ్వాసము . 

" సర్వజ్ఞత్వము అంత సులభమా ...అలాగయితే అందరూ సర్వజ్ఞులెందుకు అగుట లేదు ? " అని నోరు తెరచి అడిగినాడు . ఆకాశానికి నిచ్చెన వేస్తే ఎవరు ఎక్కలేరు ? అన్నట్లే , ఇది వట్ఠి మాట యని  అతడి నమ్మకము , అని అతడి గొంతు చెపుతోంది . 

        ఆలాపిని నవ్వి అన్నది , " నీ గొంతే నీకు నమ్మకము లేదు అని చెపుతోంది . కానిమ్ము , నమ్మకము లేనివారికి నమ్మకము పుట్టించుటకే కదా , శాస్త్రమున్నది ? కానిమ్ము  , ఆ పని చేద్దాము . అయితే , ఒక సంగతి , యాజ్ఞవల్క్యా , ఆయుధముందని యుద్ధమునకు పోవుటకు అవుతుందా ? " 

       " లేదు , ఆయుధమును ప్రయోగించుటనూ , ఎదుటివాడు ప్రయోగించిన ఆయుధము నుండీ తప్పించుకొనుటనూ నేర్చితే ఆయుధము ఉపయోగమునకు వస్తుందే కానీ , కేవలము ఆయుధముందని యుద్ధమునకు పోవుటకు కాదు . " 

         " అలాగే శాస్త్రమున్నంత మాత్రాన , నమ్మకము లేని వారికి నమ్మకము పుట్టించుటకు సాధ్యము కాదు . పట్లు విడుపులు  తెలిసిన జమాజట్టి  మాత్రమే పైన పడుటకూ , పైన పడ్డ వాడిని తప్పించుకొనుటకూ శక్తుడగునట్లు , శాస్త్రమును సర్వాంగీణముగా తెలిసిన వాడు మాత్రమే ఇతరులకు నమ్మకమును పుట్టించ గలడు . శాస్త్రమును పట్టి నడచుట యంటే , గుడ్డివాడి వెనక పోవు గుడ్డి వాడి వలె కాకూడదు . శాస్త్రపు గుడ్డితనము తన తపస్సుచేత మాత్రమే పోతుంది అనుదానిని మరువరాదు . ప్రతి శాస్త్రమూ విష్ణు పదమునకు తీసుకొని పోవును అను ఆస్తికత తో వెడలి , విష్ణు పదమును చేరి , వెనుకకు తిరిగి వచ్చినవాడు చెప్పు శాస్త్రము వేరే , అలా కాక , శాస్త్రపు పంక్తులను వల్లెవేసి చెప్పు శాస్త్రము వేరే , ఔనా ? "

" ఔను "

" అలాగే ముందుకు వెళ్ళి,  ఈ రీతులు వేరు వేరుగా ఉండుటకు కారణమేమో ఆలోచించు . " 

" ఒకటి అంతర్ముఖము ( అనుభవము ) , ఇంకొకటి బహిర్ముఖము ( అధ్యయనము )  ." 

         " ఆ మాటను భద్రంగా పట్టుకో . ఇలాగ అంతర్ముఖుడగుట చేతనైన వాడికి సర్వజ్ఞత్వము ఏమి గొప్ప ? నీకు ఉపనయనములో ఉపదేశము చేసిన మంత్రపు అర్థమేమిటి ?  మా వృత్తిని ప్రేరేపించు దేవుడి తేజస్సును ధ్యానించెదము అని కదా ? అంటే ఏమి ? వెనక్కు తిరిగి చూచుటను నేర్చుకో అని కదా ? దానిని ఇంకొంచము దూరము ఎందుకు లాగి చూడకూడదు ? పండును చూచి చెట్టును ఊహించి , చెట్టును చూచి బీజమును ఊహించి తెలుసుకొన్నట్లే , తన చేతిలో నున్న పండులోని బీజమూ , ఆ పండును మాత్రమే  కాక  చెట్టునే తనలో ఉంచుకొన్న బీజమూ ఒకటే యంటే తప్పుకాదు కదా ? " 

" ఔను , తప్పు కాదు " 

      " అలాగే , ఈ ప్రపంచములోనున్న తానూ , ఈ ప్రపంచమునకు కారణమైయున్న వాడూ ఒకరే అయి ఉండ వలెనంటే తప్పు లేదు కదా ? " 

         యాజ్ఞ వల్క్యుడు గంభీరముగా అన్నాడు , " ఇక్కడ నాకు అర్థము కాలేదు , తల్లీ ! . ప్రపంచములోనున్న నేను చిన్నవాడిని . నాకన్నా ప్రపంచము ఎంతో పెద్దది . దానిని పుట్టించినవాడు దానికన్నా పెద్దవాడు . పురుష సూక్తములో " పాదోస్య విశ్వా భూతాని త్రిపాదస్య అమృతం దివి ’ సృష్టికి వచ్చినదంతా ఒక పాదమైతే , సృష్టికి రాకుండా ఉన్నది దీనికి  మూడు పాదాలంత అమృతమై ద్యులోకములో కూర్చున్నది ’ అని ఉన్నది , ఇలాగైతే , అది నేనే అనుటెట్లు ? "

Janardhana Sharma

సుబ్బారావా_మజాకానా

 

🌹🌹🌹🌹🌷🌷🌷🌹🌹🌹🌹

సుబ్బారావా_మజాకానా ......!!

        అమెరికా వెళ్ళాడు మన సుబ్బారావ్...  పన్ను నొప్పి భరించలేక ఓ డెంటిస్టు దగ్గరకు వెళ్లాడు...

      ఎందుకైనా మంచిదని ముందే అడిగాడు, ఎంత తీసుకుంటారు అని...! నిజమైన తెలుగు వారు ఎవరైనా అంతే కదా...

 1200 డాలర్లు తీసుకుంటాను అన్నాడు డాక్టర్...!

 అబ్బే, మరీ ఎక్కువ అన్నాడు సుబ్బారావ్ గారు ఆశ్చర్యం గా డాక్టర్ ని చూస్తూ.......!!

 అనస్తీషియా ఇచ్చి, జాగ్రత్తగా పన్ను పీకేయాలి, సో, రేటు ఎక్కువే అని చెప్పాడు డాక్టరు.

 ఇంకేమైనా చౌకగా పని పూర్తయ్యే మార్గం లేదా డాక్టర్ అనడిగాడు . హైదరాబాద్ వెళ్ళినప్పుడు  సుల్తాన్‌బజార్ బేరం సంగతి గుర్తొచ్చి అదే ..తరహాలో...

       డాక్టర్‌కు అతనాడే బేరం చూసి చిర్రెత్తి, అనస్తీషియా ఇవ్వకుండా పీకేస్తా, నొప్పి భరించగలిగితే వెంటనే వచ్చి ఈ కుర్చీలో కూర్చో, 300 డాలర్లు ఇవ్వు చాలు అన్నాడు కోపంగా.

         వోకే, దానిదేముంది, ఆంధ్రా లో రోడ్ల మీద టూవీలర్ నడిపిన వాడిని, ఈ నొప్పులు గిప్పులు జాన్తానై అంటూ వెంటనే కుర్చీలో కూర్చున్నాడు,..😄

         డాక్టర్ పన్ను పీకేశాడు, అంతసేపూ  సుబ్బారావ్ గారు అలాగే నిర్వికారంగా కూర్చున్నాడు తప్ప కిమ్మనలేదు... నొప్పి కలుగుతున్న ఫీలింగ్ కూడా లేదు మొహంలో... పైగా ఒకటీరెండుసార్లు చిరునవ్వు నవ్వినట్టు కూడా అనిపించింది...

 డాక్టర్ మహాశ్చర్యపోయాడు...

       మిస్టర్ సుబ్బారావు, నొప్పిని నియంత్రించు కోవడంలో, భరించడంలో మీ నేర్పు, ఓర్పు సూపర్బ్... ఎంతో సాధన మీద గానీ సాధ్యపడదు... మీరు 300 డాలర్లు ఇవ్వనక్కర్లేదు, మిమ్మల్ని అభినందిస్తూ నేనే మీకు 500 డాలర్లు ఇస్తున్నాను అన్నాడు ఆ డెంటిస్ట్... ఇచ్చాడు, సుబ్బారావ్ గారు డాక్టర్ వంక అదోలా చూస్తూ వెళ్లిపోయాడు. ..

        సాయంత్రం ఎప్పటిలాగే ఓ క్లబ్బులో తోటి డెంటిస్టులతో మాట్లాడుతూ... ‘‘అలాంటి అసాధారణ వ్యక్తుల్ని నేనెప్పుడూ చూడలేదు’’ అంటూ సుబ్బారావు గారి  నొప్పిరహిత పన్నుపీకుడు ఎపిసోడ్ మొత్తం చెప్పాడు ఆయన...!😄

         వెంటనే మరో డెంటిస్టు అదిరిపడి ఇలా చెప్పాడు... ''వార్నీ, వాడు అసాధ్యుడురా బాబూ... ముందు నా దగ్గరకు వచ్చాడు... అడిగిన రేటు ఇచ్చేస్తానన్నాడు... అనస్తీషియా ఇచ్చి, బయట అరగంట కూర్చోమన్నాను... ఆ తరువాత పిలిస్తే రాలేదు, బయటికొచ్చి చూస్తే లేడు అన్నాడు బాధగా"..........!!

         "మన సుబ్బారావు గారు అంటే మాటలా....ఎవడైనా మటాష్ అయిపోవలసిందే".....!!

                😂😂😂

*సేకరణ:-  నిష్ఠల సుబ్రహ్మణ్యం గారి వాట్సాప్ పోస్ట్* 

🙏💐🙏

బమ్మెఱవారి అచ్చతెనుగుముచ్చట్లు!

 శు భో ద యం🙏

బమ్మెఱవారి అచ్చతెనుగుముచ్చట్లు!

క:కరిఁదిరుచు మకరిసరసికి/

కరిదరికిని మకరిఁదిగుచు కరకరిఁబెరయన్/

కరికిమకరి మకరికిఁగరి/

భరమగుచును నతలఁగుతలభటులదరిపడన్.

ఆం:భాగవతము-గజేంద్రమోక్షము;

        పరమభక్తాగ్రేసరుడగు బమ్మెరపోతన గారి భాగవతంలో

ప్రసిధ్ధమైన ఘట్టం.గజేంద్రమోక్షం.ఆఘట్టంలో కరి-మకరుల పోరును చిత్రిస్తూ ఈకందాన్ని అతిరమ్యంగా విరచించారు.ఇది అచ్చతెనుగు పదాలముల్లె,"భరమగు"అనే ఒక్క సంస్కృతపదంతప్ప,యిందులో తక్కినవన్నీ తెనుగు పదాలే!

          కొందరు సంస్కృతాన్ని,మరికొందరు తెనుగును,ఇష్టపడుతూ ఉంటారు.అందుచేత నేను ఆయిరువర్గాలను తృప్తిపరచుటకు అక్కడక్కడ సంస్కృతపదభూయిష్ఠరచనమును, మరికొన్నిచోట్ల అచ్చతెనుగును వాడి వారియందరి మెప్పునందగలనని,పోతనభాగవతానతారికలోనుడివిన మాటలకు కార్యరూపమే ప్రస్తుతపద్యం.

అర్ధములు:-

కరి-ఏనుఁగు;మకరి-మొసలి;

తిగుచు-గుంజు;

సరసి:చెఱువు;

దరి-ఒడ్జు:;కరకరి-పట్టుదల;

భరము-భారము;

అతలము-అధోలోకము.

కుతలము-భూమి.

భావము:

    కరిన్ మకరి సరసికిన్ తిగుచున్(మొసలి యేనుగును సరస్సులోకి లాగుచున్నది.)

కరి మకరిన్ దరికి తిగుచున్(ఏనుగు మొసలిని ఒడ్జుకు లాగుచున్నది) ఈవిధంగా  పట్చుదలతో అటుఅధోలోకవాసులకు,ఇటుభూలోకవాసులకు భయదాయకముగా పోరాడుచున్నవని భావము.ఈవిధంగా,

       ఆకరిమకరుల గుంజులాటను ర కార యమకంతో మనకు మనోగోచరంచేశాడు.

      చిన్నకందంలో కొండంత భావాన్ని పొదిగిన పోతనమహాకవి కవితా మహత్తు నకిట్టిపద్యములు మచ్చుతునకలు.🙏🙏🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷

పండుగ/పూజ సంబంధ 55 పుస్తకాలు

 *పండుగ/పూజ  సంబంధ 55  పుస్తకాలు(PDF) ఒకేచోట ఉచితంగా తెలుగులో. ఈ క్రింది లింక్స్ పై క్లిక్ చేసి Read/Download చేసుకోగలరు*

------------------------------------------------

మన పండుగలు www.freegurukul.org/g/Pandugalu-1

పండుగలు పరమార్ధములు www.freegurukul.org/g/Pandugalu-2

నిత్య జీవితంలో పండగలు-పర్వదినాలు www.freegurukul.org/g/Pandugalu-3

పండగలు పరమార్ధములు  www.freegurukul.org/g/Pandugalu-4

పూజలు ఎందుకు చేయాలి? www.freegurukul.org/g/Pandugalu-5

ఏ దేవునికి ఏ ప్రసాదం నైవేద్యం పెట్టాలి? www.freegurukul.org/g/Pandugalu-6

ఏ దేవునికి ఎన్ని ప్రదక్షిణాలు చేయాలి? www.freegurukul.org/g/Pandugalu-7

ఏ దేవునికి ఏ విధముగా దీపారాధన చేయాలి? www.freegurukul.org/g/Pandugalu-8

దేవ పూజా రహస్యము www.freegurukul.org/g/Pandugalu-9

సర్వ దేవతా పూజ విధానము www.freegurukul.org/g/Pandugalu-10

సర్వ దేవతా హోమ విధానము www.freegurukul.org/g/Pandugalu-11

పూజ హోమ కల్పతరువు www.freegurukul.org/g/Pandugalu-12

మూర్త్యర్చనా తత్వము www.freegurukul.org/g/Pandugalu-13

సూర్యోపాసన-ఉపాసన-ప్రాణాయామకాండ-1 www.freegurukul.org/g/Pandugalu-14

సూర్యారాధన www.freegurukul.org/g/Pandugalu-15

సూర్యోపాసన www.freegurukul.org/g/Pandugalu-16

సంధ్యా వందనం www.freegurukul.org/g/Pandugalu-17

శివార్చన www.freegurukul.org/g/Pandugalu-18

అర్చన నవనీత www.freegurukul.org/g/Pandugalu-19

శివ ఆరాధన www.freegurukul.org/g/Pandugalu-20

అమ్మ-శివరాత్రి,శివ తాండవం www.freegurukul.org/g/Pandugalu-21

ఇష్ట లింగార్చన విధి www.freegurukul.org/g/Pandugalu-22

రుద్రాభిషేఖము www.freegurukul.org/g/Pandugalu-23

రుద్రాక్షాది మాలలు - ఫలములు www.freegurukul.org/g/Pandugalu-24

శివ పూజ రహస్యాలు-1 www.freegurukul.org/g/Pandugalu-25

స్మార్త శివ పూజ విధానం www.freegurukul.org/g/Pandugalu-26

సహస్ర లింగార్చన www.freegurukul.org/g/Pandugalu-27

పూజావిధానము - రుద్రాభిషేకము www.freegurukul.org/g/Pandugalu-28

లలితారాధన www.freegurukul.org/g/Pandugalu-29

లలితా పూజ విధానము www.freegurukul.org/g/Pandugalu-30

లలితా సహస్రనామ పారాయణ పూజా విధానము www.freegurukul.org/g/Pandugalu-31

అయ్యప్ప పూజా విధి www.freegurukul.org/g/Pandugalu-32

అష్టలక్ష్మీ ఆరాధన-వైభవం www.freegurukul.org/g/Pandugalu-33

నవగ్రహ గాయత్రి www.freegurukul.org/g/Pandugalu-34

బాలానంద-నవగ్రహ పూజా మహిమ www.freegurukul.org/g/Pandugalu-35

హనుమత్ప్రభ www.freegurukul.org/g/Pandugalu-36

శ్రీ రామ నవరాత్రోత్సవకల్పః www.freegurukul.org/g/Pandugalu-37

సాయిబాబా పూజాస్తవములు www.freegurukul.org/g/Pandugalu-38

దత్త మంత్ర సుదార్ణవము -కల్ప, సహస్ర నామ స్తోత్ర,పూజ విధి www.freegurukul.org/g/Pandugalu-39

దత్తాత్రేయ కల్పః - శ్రీ దేవి నిత్యార్చన విధి, నవరాత్రి విధి, పాదుకా పంచ సంవలిత: www.freegurukul.org/g/Pandugalu-40

శరన్నవరాత్రులు - ఆధ్యాత్మిక దృష్టి www.freegurukul.org/g/Pandugalu-41

దేవీ పూజ - దుర్గా సప్తశతి www.freegurukul.org/g/Pandugalu-42

గాయత్రి నిత్య పూజ విధానం www.freegurukul.org/g/Pandugalu-43

ఉగాది www.freegurukul.org/g/Pandugalu-44

శ్రీరామనవమి www.freegurukul.org/g/Pandugalu-45

శ్రీ వేంకటేశ్వర స్వామి కైంకర్యాలు www.freegurukul.org/g/Pandugalu-46

సకలదేవతా పూజ విధానం www.freegurukul.org/g/Pandugalu-47

మహా శివరాత్రి www.freegurukul.org/g/Pandugalu-48

వైకుంఠ ఏకాదశి - ముక్కోటి ఏకాదశి www.freegurukul.org/g/Pandugalu-49

ప్రార్ధనలు నిజంగా పనిచేస్తాయా www.freegurukul.org/g/Pandugalu-50

ఈశ్వర ప్రార్ధనలు www.freegurukul.org/g/Pandugalu-51

భక్తాంజలి www.freegurukul.org/g/Pandugalu-52

ప్రార్ధన www.freegurukul.org/g/Pandugalu-53

పూజలో ఓషదులు - వైద్యం www.freegurukul.org/g/Pandugalu-54

రుద్రాభిషేక మహాత్యం-1 www.freegurukul.org/g/Pandugalu-55

*దేవీ నవరాత్రి ఉత్సవములు

 *దేవీ నవరాత్రి ఉత్సవములు - నాలుగవ రోజు*

🪷🪷🪷🪷🪷🪷🪷🪷🪷🪷🪷

కామాక్షి మాతర్ నమస్తే

కామ దానైకదక్షే స్థితే భక్తపక్షే

lకామాక్షిl

కామారి కాంతే కుమారి

కాలకాలస్య భర్తు కరే దత్తహస్తే

కామాయ కామ ప్రదాత్రి

కామకోటిస్థ పూజ్యే గిరందేహి మహ్యం

lకామాక్షిl

శ్రీచక్ర మధ్యే వసంతిం

భూతరాక్షస పిశాచాది దుష్టాన్ హరంతిం

శ్రీకామకోట్యా జ్వలంతిం

కామహీనై సుగమ్యం భజే దేహివాచాం భజే దేహివాచాం

lకామాక్షిl

ఇంద్రాది మాన్యే సుధాన్యే

బ్రహ్మ విష్ణ్వాది వంధ్యే గిరీంద్రశ్య కన్యే

మాన్యాంన మన్యే త్వధన్యం

మాణితంఘ్రిం మునీంద్రై భజేమాతరంత్వాం

భజేమాతరంత్వాం

lకామాక్షిl

సింహాధిరూఢే నమస్తే

సాధు హృత్ పద్మగూడే హతా శేష మూడే

రూఢం హరత్వం గదంమే

కంఠ శబ్దం దృఢందేహి వాగ్వాధినీత్వం వాగ్వాధినీత్వం

lకామాక్షిl

కల్యాణ ధాత్రిం జనిత్రీం

కంచ పత్రాభ నేత్రాం కళానాధ వక్త్రాం

శ్రీ స్కంద పుత్రాం సువస్త్రాం

సచ్ఛరిత్రాం శివేత్వాం భజే దేహి వాచాం భజే దేహి వాచాం

lకామాక్షిl

                        - ఆది శంకరాచార్యులు

              గానం - భమిడిపాటి శ్రీలలిత

శరన్నవరాత్రులు 4 వ రోజు

 శరన్నవరాత్రులు 4 వ రోజు

కూష్మాండ ( కామాక్షి స్త్రోత్రం): అమ్మవారి నాలుగవ అవతారం కూష్మాండ అంటే బూడిద గుమ్మడికాయ ఈమె తేజోమయి. ఎనిమిది భుజాలతో విరాజిల్లుతుండటం వల్ల ఈమెను ‘అష్టభుజదేవి’ అని కూడా అంటారు.

కూరగాయలు వేసి చేసిన కాదంబం నైవేద్యం పెట్టాలి

ఈ విధంగా శక్తి కొద్దీ అమ్మవారి కి పూజ చేసుకోవాలి, శ్రీ మాత్రే నమః అని నిరంతరం జపించాలి.

 శ్రీ మహిషాసురమర్ధినీ స్తోత్రం

అయిగిరినందిని నందితమేదిని విశ్వవినోదిని నందినుతే

గిరివర వింధ్యశిరోధినివాసిని విష్ణువిలాసిని జిష్ణునుతే :

అయిశత ఖండవిఖండిత కుండవితుండితశుండ గజాధిపతే

రిపుగజగండ విదారణచండ పరాక్రమశుండ మృగాధిపతే

నిజభుజదండ  విపాతితఖండ విపాతితముండ భటాధిపతే

జయజయ హే మహిషాసురమర్ధిని రమ్య కపర్ధిని శైలసుతే  || 4 ||

శతఖండమనే ఆయుధంతో ముండాసురుని మట్టికరిపించిన దేవీ, గజాసురుని తొండాన్ని ఖండించిన దానా, ఏనుగు రూపు దాల్చిన శత్రువుల మెడలను తెగనరకడంలో ఆరితేరిన దానా, దండమువంటి నీ భుజములచే ముండాసురుని సేనాధిపతిని ముక్కలు ముక్కలు చేసినదానా, మహిషాసురుని సంహరించిన దానా, సొగసైన జడకలదానా, పర్వతరాజ పుత్రీ జయజయ ధ్వానాలతో నిన్ను స్తుతిస్తున్నాను....!!

హైందవం వర్ధిల్లాలి 22*

 *హైందవం వర్ధిల్లాలి 22*

*ధర్మ ప్రచారకులు, ప్రవచనకారులు, ఆశ్రమాధిపతులు, పీఠాదిపతులు, హిందూ నాయకులు హైందవ జాగృతికై ప్రజలలోకి రావాలి* iii):-  

*వచనం* అంటే మాట. మామూలు మాటలు కాకుండా ఉన్నతమైన, ఉదాత్తమైన, ఉపయోగకరమైన, సంస్కారాలు, సద్భావనలు ప్రేరేపించేలా, ప్రజలకు ఆసక్తి కలిగించే విధానంలో "దృష్టాంతాల"తో సప్రమాణంగా బోధించడం, తెలియజేయడమే *ప్రవచనం*. *మంచి చెప్పడం ఒక ధర్మమే గాకుండా సామాజిక బాధ్యత గూడా*. మానవ జీవితాన్ని ఉన్నంతంగా తీర్చిదిద్ది,  సమాజంలో చక్కని సంస్కారాలు పెంపొందేలా కృషి చేయడం విజ్ఞుల  కర్తవ్యం. *అలాగే  అన్ని ప్రజా వర్గాల  శ్రేయస్సు, భద్రత కొరకు పాలన సాగించడం పాలకుల విధి, బాధ్యత అయివుండాలి*. ఇందులో హెచ్చు తగ్గులు కూడదు. 

పూర్వం ధర్మ ప్రవక్తలు, సంస్కర్తలు స్వచ్ఛందంగా ప్రజల మధ్యకు వెళ్లి శ్రేష్ఠమైన, సర్వోత్తమమైన బోధనలు చేసేవారు. ఈ యాంత్రిక మరియు అధునాతన కాలంలో ప్రసార మాధ్యమాల (పత్రికలు, రేడియో, Tv) ద్వారా మాత్రమే గాకుండా పట్టణాలలో, నగరాలలో, దేశ మరియు విదేశ వేదికల ద్వారా  ధర్మ పెద్దలు, ప్రవచనకారులు ధర్మం, సంస్కృతి, సంప్రదాయాలు పాటించుటకు దిశా నిర్దేశం చేస్తున్నారు. *అవుతే* ఆలకించిన వారిలో *చిత్త శుద్ధితో, నిజాయితీగా, మనః పూర్వకంగా ఆచరించే వారెందరో*. 

ప్రజలకు ధర్మం మరియు సంస్కృతి, సంప్రదాయాల అనుసరణలో 

 *నైతిక దిక్సూచిని* అందించవలసిన బాధ్యత సమాజ పెద్దలది. *పెద్దలు అంటే ఎవరో కాదు మనమే జ్ఞాన వృద్దులు, వయోవృద్ధులు అనుభవశీలురు*. కాలానుగుణంగా  మనను  మనం *భద్రత వైపు* సరిదిద్దుకోవడానికి,  మన జీవన విధానంలో, వృత్తి మరియు ప్రవృత్తులలో, ఆలోచనలలో , ఆచరణలలో పాటించవలసిన ఎన్నో. *ముఖ్యమైన అలవాట్లు. సమాజంలో జీవిస్తూ సమాజంతో సంబంధం లేనట్లు  నిర్లిప్తంగా ఉండడం సరికాదు. సమాజ మంచి చెడుల బాధ్యత గూడా ప్రతి ఒక్కరిది*. సమాజ నిర్లక్ష్య ధోరణి వలన *అవకాశవాదుల స్వార్థపూరిత కార్యాలను ప్రోత్సహించినట్లు, అనుమతించినట్లు  అవుతుంది*. ప్రజలు తమ సామర్థ్యం మేరకు  సమాజంలో తమ పాత్ర మేరకు న్యాయం చేస్తూ , పరిస్థితులను ఎప్పటికప్పుడు అవకాశ వాదులను ఎదిరించి ప్రశ్నించి చట్ట విరుద్ధం అయిన కార్యకలాపాలను గమనిస్తూ ఉండడం మనందరి ధర్మము మరియు బాధ్యత. *ఇందువలన ఎన్నో అధర్మ, అనైతిక కార్యక్రమాలకు పురిటిలోనే సంధి(అడ్డు )చెప్పినట్లవుతుంది*. ఇది కూడా సమాజ హితమే. 

హిందూ ధర్మం, సంస్కృతి సంప్రదాయాల పట్ల ప్రస్తుత  *అధిక శాతం ప్రజల ఉదాసీనత గమనించిన* పెద్దలు నిస్పృహ చెందుతున్నారు. ఎంతసేపు ఈ హిందూ ప్రజలు తాము, తమ కుటుంబాల, బంధు మిత్రుల సరదాలకు, సంతోషాలకే పరిమితమవుతున్నారు. ధర్మంపై, హిందూ పండుగల ఊరేగింపులపై అన్యుల దాడి జరిగినప్పుడు అట్టి హింసను అరికట్టు ప్రతిఘటనకు పూనుకోరు. *మంచి ప్రభుత్వాన్ని ఎన్నుకోవడానికి కనీసము తమ బాధ్యతగా ఓటు వేయడానికి గూడా బద్దకించే ఈ ప్రజలకు ఎవరు చెప్పాలి, ఎన్ని రోజులు చెబుతూ పోవాలి*.  ఈ విశయమై  సదరు బాధ్యతారాహిత్య ప్రజలు సమాధానం చెప్పాలి

*తన కోసం తాను బ్రతికేవాడు, తాను జీవించినంత కాలమే బ్రతికి ఉంటాడు. పదుగురి కోసం (సమాజం కోసం) బ్రతికేవాడు పదికాలాల పాటు బ్రతికి ఉంటాడు*. మనను  చూసి తల్లి, తండ్రి సంతోషించాలి, పెద్దలు ఆనందించాలి,   తోబుట్టువులు ప్రశంసించాలి, కుటుంబం గర్వపడాలి, సమాజం గౌరవ నీరాజనాలు పలకాలి, దేశం కీర్తించాలి, *అదే మానవ జీవిత సార్థకత*. 

*శ్లో! శరీర నిరపేక్షస్య, దక్షస్య వ్యవసాయనః, బుద్ధి ప్రారబ్ధకార్యస్య, నాస్తి కిఞ్చన దుష్కరం*.

 అర్థం:- దృఢమైన, ఆరోగ్యవంతమైన శరీరంతో ఎల్లప్పుడు శ్రమిస్తూ, తెలివి తేటలతో, దక్షతతో పనిచేసే వ్యక్తికి ఏది కష్టం కాదు. అతను ఏ పనైనా చేపట్టి చక్కగా సాధించగలడు. ఆటంకాలు వచ్చినా  ధైర్యంగా ఎదురొడ్డి నిలబడగలడు *కావున మన హిందూ ధర్మానికి, సంస్కృతికి ఊపిరులుూదడానికి ప్రతి పౌరుడు కంకణం కట్టుకోవాలి*. 

ధన్యవాదములు.

*(సశేషం)*

స్వధాదేవి

 

శ్రీభారత్ వీక్షకులకు శరన్నవరాత్రి శుభాకాంక్షలు 🌹 శరన్నవరాత్రులలో యజ్ఞాలు కూడా ఎక్కువగా జరుగుతూ ఉంటాయి. ఆ యజ్ఞ దేవతలైన స్వాహాదేవి, స్వధాదేవి, దక్షిణా దేవి కూడా ఆ పరాశక్తి అంశతో ఉద్భవించిన వారే. చేసే యజ్ఞాలు సఫలం కావాలంటే ఈ ముగ్గురు దేవతా మూర్తుల అనుగ్రహం చాలా అవసరం. ఆ ముగ్గురు దేవతా మూర్తుల మహిమలేమిటో, వారిని ఎందుకు పూజించాలో, దేవీ భాగవతం ఏం చెప్పిందో ప్రముఖ ఆధ్యాత్మిక వేత్త డా. తిరుమల నీరజ గారి ప్రవచనంలో వినండి. ఇది శ్రీభారత్ శరన్నవరాత్రి స్పెషల్. వినండి. ఇటువంటి విశిష్టమైన ఎపిసోడ్స్ ఉచితంగా వీక్షించడానికి వెంటనే చానల్ ను subscribe చేయండి, శ్రీభారత్ కుటుంబ సభ్యులు కండి.🙏

వేద ఆశీర్వచనం

 *నమస్తే సదా వత్సలే మాతృ భూమే*

*కలియుగాబ్ది 5125*

*శ్రీ శాలివాహన శకం 1946 స్వస్తి శ్రీ    చాంద్రమాన క్రోధి నామ సంవత్సరం దక్షిణాయణం  - శరదృతువు - ఆశ్వయుజ మాసం - శుక్ల పక్షం  - తృతీయ - విశాఖ -‌‌ భాను వాసరే* (06.10.2024)

ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.

.🙏🙏 

భవదీయుడు

దశిక ప్రభాకరశాస్త్రి 

9849795167

-----------------------------------------------

*పిల్లలకి బతుకుతో పాటు భారతీయత కూడా నేర్పండి*

వేడి నీరు vedi neeru

 

వేడి నీళ్లు

నిజానికి నీరు చల్లగా వేడిగాను ఉండటం నీటి స్వభావం కాదు. నీటి గుణం ఎప్పటికి ఒకే విధంగా ఉంటుంది. కానీ చల్లదనం కానీ వేడిదనం కానీ సమయానుకూలంగా నీటికి కలిగే ఒక తాత్కాలిక మార్పు. ఈ మార్పు నీరు వుండే ఉష్ణోగ్రత మీద ఆధారపడి ఉంటుంది. మన గదిలో ఉన్న నీరు సాధారణ ఉష్ణోగ్రతలో ఉంటుంది. కానీ అదే నీరు మనం వేడి చేస్తే దాని ఉష్ణోగ్రత పెరిగి వేడిగా మారుతుంది అప్పుడు మనం వేడి నీరు అని అంటారు. నిజానికి వేడి అనేది నీటి యొక్క తత్త్వం కాదు అది కేవలం అగ్నితత్వం. ఎంతసేపైతే అగ్ని నీతితో అనుసంధానం అయి ఉంటుందో అంతవరకూ వేడి నీరు అని నీరు పిలవబడుతుంది. నిజానికి వేడి నీరు ఎల్లప్పుడూ వేడి నీరు కాదు అది నీటిలో వేడి వున్నంతవరకు మాత్రమే వేడి యొక్క లక్షణం చూపెడుతుంది. ఇప్పుడు అసలు విషయానికి వద్దాం.

మానవుడు దశ ఇంద్రియాలతో ఉండి జీవన వ్యాపారం చేస్తుంటారని మనందరికీ తెలుసు. దశ ఇంద్రియాలు అంటే ఐదు కర్మేంద్రియాలు,(కర్మేంద్రియ పంచకం: వాక్కు పాణి పాదం పాయువు ఉపస్థ, జ్ఞానేంద్రియ పంచకం: త్వక్కు = చర్మం చక్షువు = కన్ను రసన = నాలుక శ్రోతం = చెవి ఘ్రాణం = ముక్కు ) కర్మేంద్రియాలు పనులు చేస్తూవుంటాయి జ్ఞ్యానేంద్రియాలు బాహ్య ప్రపంచ జ్ఞ్యానాన్ని మనకు అందిస్తూవుంటాయి. సుఖఃమంగా ఇది ప్రతి వారికి తెలిసిందే. ఇక్కడ ప్రశ్న యేమని ఉదయిస్తుందంటే ఈ జ్ఞ్యానేంద్రియాలు జ్ఞానాన్ని ఎవరికి అందిస్తున్నాయి. రెండు కర్మేంద్రియాలు వాటి వాటి పనులు ఎవరి పర్యవేక్షణలో చేస్తున్నాయి. ఈ రెండు ప్రశ్నలు కూడా సాధారణ జ్ఞ్యానానికి అందానివి.

ఏ రకంగా అయితే నీటిలో అగ్ని ఉండి నీటిని వేడి నీరు అని పిలిపిస్తున్నదో అదే విధంగా శరీరంలో ఆత్మా ఉండి శరీరాన్ని పరోక్షంగా నడిపిస్తున్నది. ఆ అంతరంగంలో ఉండి శరీరంను నియంత్రించి శరీరానికి వేడిని అందిస్తున్నది. ఏ రకంగా నీటిలో అగ్ని తొలగిన తర్వాత నీరు వేడినీరుగా పిలువబడదో అదేవిధంగా ఈ శరీరంలో వేడి తొలగిన తరువాత జీవుడిగా పిలువపడదు. అప్పుడు శరీరం ఉన్నాకూడా శరీరపు జీవ లక్షణాలు కనిపించవు. కేవలం పార్దవం (మట్టిగా) మాత్రమే అవుతుంది. సాధకుడు అయినవాడు ఈ సత్యాన్ని తెలుసుకోవాలి. ఎప్పుడైతే ఈ సత్యం సాధకునికి తెలుస్తుందో అప్పుడు అతని స్ఫురణకు వచ్చే విషయం ఏమిటంటే ఈ శరీరంలో జీవ వ్యాపారాలు కేవలం శరీరంలో వేడి వున్నంతవరకు మాత్రమే జరుగుతాయి ఎప్పుడైతే వేడి చల్లారిపోతుందో అప్పుడు శరీరం నిస్చేస్టులతో మిగిలిపోతుంది.

శరీరంలో వున్న ఆత్మా ఈ సృష్టికి మూలకారణం అయినా పరమాత్మ తత్త్వం అయి ఒకటిగానే బాసిల్లుతున్నదని మన మహర్షులు వారి అనంత మేధాసంపత్తితో గాంచి మనకు వారి జ్ఞ్యానాన్ని ఉపనిషత్తుల రూపంలో ప్రసాదించారు.

సాధకుడు ఈ శరీరం అశాశ్వితం అని ఎప్పుడైతే తెలుసుకుంటాడో అప్పుడు శాశ్వితము, నిత్యం, అనంతము ఆయిన్ బ్రహ్మ పదాన్ని చేరుకోవాలని అభిలషిస్తాడు.

ఉపనిషత్తులో "ప్రజ్ఞానం బ్రహ్మ" అనే మహావాక్యం ఇదే తెలుపుతుంది. ఈ మహా వాక్యం ప్రకారం జన్మనం కలిగి ఉండటమే బ్రహ్మ అని అర్ధం అంటే బ్రహ్మకు సంబందించిన జ్ఞ్యానం కలగటం అన్న మాట.

నిర్వికల్ప వైరాగ్యం ఎప్పుడైతే మనిషికి కలుగుతుందో అప్పుడు మనస్సు ప్రశాంతత చెంది బ్రహ్మము సర్వము అనే భావన లోకి వస్తాడు. సాధన సంపత్తితో (గతంలో ఈ సాధకుడు వ్రాసిన వ్యాసాన్ని చూడండి) ముందుగా మనస్సును శుద్ధి చేసుకొని తర్వాత వైరాగ్యాన్ని పొందితే ఆత్మ జ్ఞానం తప్పకుండా కలుగుతుంది. జీవన్ముక్తి దొరుకుతుంది.

కాబట్టి సాధక ఈ క్షణమే మేలుకో నీ గమ్యం వైపు అడుగులు వేయి.

ఓం శాంతి శాంతి శాంతిః

మీ

భార్గవ శర్మ 

https://epaper.prabhanews.com/Hyderabad?eid=2&edate=01/08/2024&pgid=398802&device=mobile&view=0&sedId=0&uemail=