జైజగన్నాథ్

 *🙏#జైజగన్నాథ్🙏*

శ్రీకృష్ణుడు శరీరాన్ని విడిచిపెట్టినప్పుడు దహన సంస్కారాలు జరిగాక ఆయన శరీరమంతా ఐదు మూలకాలలో కలిపారు కానీ ఆయన గుండె ఒక సాధారణ మనిషి గుండెలా కొట్టుకుంటూనే ఉంది.

💕ఆయన గుండె ఈనాటి వరకూ సురక్షితంగా ఉంది. ఇది జగన్నాథుని చెక్క విగ్రహంలో ఉంది. అలా కొట్టుకుంటూనే ఉంది.

🌺పూరీజగన్నాథ్ (శ్రీ కృష్ణుడి) ని కలియుగ ప్రభువు అని కూడా అంటారు.

💕ప్రతి 12సంవత్సరాలకు ఒకసారి మహాప్రభు విగ్రహం మార్చబడుతుంది. ఆ సమయంలో పూరి నగరం మొత్తం చీకటిగా మారుతుంది. అంటే మొత్తం నగరం అంతటా లైట్లు ఆపివేయబడతాయి. లైట్లు ఆపివేసిన తరువాత సిఆర్ పిఎఫ్. సైన్యం అన్ని వైపుల నుండి ఆలయ ప్రాంగణాన్ని చుట్టుముడుతుంది ...

ఆ సమయంలో ఎవరూ ఆలయంలోకి ప్రవేశించలేరు.

❤️ఆలయం లోపల దట్టమైన చీకటి ఉంటుంది. పూజారి కళ్ళు కట్టుకుంటారు... పూజారి చేతిలో చేతి తొడుగులు ఉంటాయి.. పాత విగ్రహం నుండి "బ్రహ్మ పదార్ధం" తీసి కొత్త విగ్రహంలోకి మార్చుతారు... ఈ బ్రహ్మ పదార్ధం ఏమిటో ఇప్పటి వరకు ఎవరికీ తెలియదు ... ఈ రోజు వరకు ఎవరూ చూడలేదు. .. వేలాది సంవత్సరాలుగా ఇది ఒక విగ్రహం నుండి మరొక విగ్రహానికి బదిలీ చేయబడుతూనే ఉన్నది.

🌺ఈ రోజు వరకు మహాప్రభు జగన్నాథ్ విగ్రహంలో ఏముంది అని ఏ పూజారి కూడా చెప్పలేకపోయారు.

💕కొంతమంది పూజారులు మేము చేతిలో తీసుకున్నప్పుడు ఆయన కుందేలు లాగా దూకుతున్న అనుభూతి కలిగిందని చెప్పారు.

❤️ఇప్పటికీ జగన్నాథ్ యాత్ర సందర్భంగా పూరి రాజు స్వయంగా బంగారు చీపురుతో ఊడుస్తాడు.

చాలా దేవాలయాల శిఖరాలపైన పక్షులు కూర్చుని ఎగురుతూ ఉండడాన్ని మనం చూస్తూంటాం. కాని జగన్నాథ్ ఆలయం మీదుగా ఏ పక్షి కూడా ఎగరదు.

🌺జెండా ఎల్లప్పుడూ గాలికి వ్యతిరేక దిశలో ఎగురుతుంది

❤️జగన్నాథ్ ఆలయం యొక్క 45 అంతస్తుల శిఖరంపై ఉన్న జెండాను ప్రతిరోజూ మార్చడం జరుగుతుంది, జెండాను ఏరోజైనా మార్చకపోతే ఆనాటినుండి ఆలయం

18 సంవత్సరాలపాటు మూసివేయబడుతుంది.

❤️జగన్నాథ్ ఆలయం పైభాగంలో ఉన్న సుదర్శన్ చక్రం ఏదిశ నుండి చూసినా అది మనకు ఎదురుగానే ఉన్నట్లు కనిపిస్తూ ఉంటుంది. జగన్నాథ్ ఆలయ వంటగదిలో

7 మట్టి కుండలు ఒకదానిపైన ఒకటిఉంచి ప్రసాదాన్ని కట్టెలపొయ్యి మీదనే వండుతారు.

💕జగన్నాథ్ ఆలయంలో ప్రతిరోజూ చేసిన ప్రసాదం భక్తులకు ఎప్పుడూ తగ్గదు. కాని ఆశ్చర్యకరమైన విషయం ఏమిటంటే ఆలయ తలుపులు మూసిన వెంటనే ప్రసాదం కూడా ముగుస్తుంది.🌹

 ఓం నమో భగవతే వాసుదేవాయ🌹🙏

 🙏🙏🕉️🙏🙏🕉️🙏🙏🕉️🙏🙏

వేడికోలు

నేడు మన భారతదేశం సర్వస్వతంత్ర ప్రజా రాజ్యం అయింది. ఇది నిజంగా గర్వకారణం. కాని దాదాపు నూటయేబది సంవత్సరాలనుండి పరదేశీయుల పాలనక్రింద నలిగిన హిందువుల ఆచారవ్యవహారాలు కాపుదల లేక రూపుడి అంతరించాయి. కడుపు కక్కు రితికై కడగండ్లు మెండైన కొద్ది ఆర్య సంతతియొక్క తేజస్సు తరుగడం జరుగుతోంది.

వేదశాస్త్రాలయందు ప్ర్రామాణ్యబుద్ధి తొలగి పోతోంది. పూర్వుల చరిత్రలు చెప్పే పురాణాలు కల్పిత గాధలుగా పరిగణింప బడుతున్నాయి. రామాయణం జంకు భారతం బొంకు అనే ప్రబుద్ధులు బయలుదేరారు. మతధర్మాలు మాయమై సాంకర్యం ప్రబలుతోంది. పొరుగింటి పుల్లకూర రుచి అన్నట్లు నేటి నాగరిక సోద రులు జుట్టు బొట్టు కట్టు మున్నగువాటిలో స్వధర్మాలు విడిచి పరధర్మాలు అవలంబిస్తూన్నారు. జందెం ధరించడం ఛాందసం కొందఱి ద్విజాతుల దృష్టిలో, వారి విష యంలో నిత్యకర్మానుష్ఠానం, శ్రాద్ధక్రియలు, అబ్దికాలు అనే వానిని గూర్చి వేతే చెప్పనక్కరలేదనుకొంటాను.

వేదవిద్య, సంస్కృతభాష విడిచి పెట్టి కేవలం

ఆంగ్లభాష అనే ఎంగిలికూడు జీర్ణంకావడం 'చేతనే

కొకొందఱికిట్టి హైన్యగతి పట్టింది. మహర్షుల ఆధ్యాత్మిక

చింత, తపశ్శక్తులు, దివ్యబోధలు, తిరుగులేని వాళ్ళుధ్ధి, అపూర్వమహిమలు వీరి చెవిని పడియుండవనితోస్తుంది. కారణం ఏదైనా కావచ్చు. తెలియక చెడేవారు, తెలి సినా ప్రమాదవశంచేత చెడేవారు, తెలిసీ తెలియని మిడిమిడి జ్ఞానంచేత చెడేవారు, చెడినవారిచే చెఱప బడేవారు ఇట్లా నూటికి తొంబదిమంది చెడడం జరుగు తోంది. ఇంతకు చెప్పవచ్చే దేమంటే పరధర్మం ఆశ్రయిం చడనుంచీ తాము నిర్వీర్యులై తమ వ్యక్తిత్వాన్ని చంపు కోవడం అన్నమాట. పెద్దలు స్వధర్మపాలనలో నిధన మైనా శ్రేయమేయని హెచ్చరించారు. మహాత్ముల మార్గం తు చాలు తప్పక అనుసరించడం నేటి వారికి శక్యం కాకపోవచ్చు. శ క్తివంచనలేకుండా ప్రయత్నిం చడమైనా మన కనీస ధర్మంగా భావించాలి. త్రోవ నున్న వాడు ఎన్నడు తప్పిపోడు. ఎన్నటికైనా గమ్య స్థానం చేరుతాడు.

సారాంశమేమం ఓ దేశకాలపాత్రతల ననుసరించి మంచివని మీకు తోచిన పూర్వుల సత్సాంప్రదాయాల నవలంబిస్తూ కగ్మభూమియైన పవిత్ర భారతదేశంయొక్క పూర్వపు బాన్న త్యాన్ని పునరుద్ధరణం చేయవలసినదిగా నా సోదర ప్రజానీకానికి వినయపూర్వకమైన వేడికోలు.

కేదార్‌నాథ్ ఆలయం

కేదార్‌నాథ్ ఆలయం అనేది పరిష్కరించని  రహాస్యం

 కేదార్‌నాథ్ ఆలయాన్ని ఎవరు నిర్మించారనే దాని గురించి చాలా విషయాలు చెప్పబడ్డాయి.  పాండవుల నుండి ఆదిశంకరాచార్యుల వరకు కూడా

 కానీ మనము దానిలోకి వెళ్లాలనుకోవడం లేదు.

 కేదార్‌నాథ్ ఆలయం బహుశా 8వ శతాబ్దంలో నిర్మించబడిందని నేటి శాస్త్రం సూచిస్తుంది. అంటే ఈ ఆలయం కనీసం 1200 సంవత్సరాల నుండి ఉంది.

కేదార్‌నాథ్ ఉన్న భూమి అప్పుడే కాదు ఇప్పటికీ21వ శతాబ్దంలో కూడా చాలా ప్రతికూలమైనది. ఒకవైపు 22,000 అడుగుల ఎత్తులో కేదార్‌నాథ్ కొండ, మరోవైపు 21,600 అడుగుల ఎత్తులో కరచ్‌కుండ్ మరియు మూడో వైపు 22,700 అడుగుల ఎత్తులో భరత్‌కుండ్ ఉన్నాయి.

 ఈ మూడు పర్వతాల గుండా ప్రవహించే ఐదు నదులు మందాకిని, మధుగంగ, చిర్గంగ, సరస్వతి మరియు స్వరందరి.  వీటిలో కొన్ని మన పురాణాలలో వ్రాయబడ్డాయి. ఈ ప్రాంతం "మందాకినీ నది" యొక్క ప్రారంభ ప్రాంతం.  చలికాలంలో విపరీతమైన మంచు కురిసే చోటు, వర్షాకాలంలో నీరు అతి వేగంతో ప్రవహించే ప్రదేశం, ఇలాంటి ప్రదేశంలో ఇంతటి కళాఖండాన్ని రూపొందించడం ఎంత ప్రయాసతో కూడిన అద్భుతమైన విషయం. నేటికీ, "కేదార్‌నాథ్ ఆలయం" ఉన్న ప్రదేశానికి మీరు వాహనాలతో వెళ్లలేరు.

 1000 సంవత్సరాల క్రితం ఇంత ప్రతికూల ప్రాంతంలో, అననుకూల పరిస్థితుల్లో ఆలయాన్ని ఎలా నిర్మించారు. మనమందరం ఒక్కసారైనా ఆలోచించాలి. ఈ ఆలయం 10వ శతాబ్దంలో భూమిపై ఉండి ఉంటే, అది తక్కువ "ఐస్ ఏజ్" కాలంలో ఉండేదని శాస్త్రవేత్తలు ఊహిస్తున్నారు.

 డెహ్రాడూన్‌లోని "వాడియా ఇన్‌స్టిట్యూట్ ఆఫ్ జియాలజీ," కేదార్‌నాథ్ దేవాలయంలోని రాళ్లపై లిగ్నోమాటిక్ డేటింగ్ పరీక్షను నిర్వహించింది.  "రాళ్ల జీవితం" గుర్తించడానికి ఇది జరుపుతారు . దానిలో 14వ శతాబ్దం నుంచి 17వ శతాబ్దం మధ్యకాలం వరకు ఆలయం పూర్తిగా మంచుతో కప్పబడి ఉందని పరీక్షలో తేలింది. అయితే ఆలయ నిర్మాణానికి ఎలాంటి నష్టం జరగలేదు. 2013లో కేదార్‌నాథ్‌ను తాకిన విపత్కర వరదను అందరూ తప్పక చూసి ఉంటారు. ఈ కాలంలో సగటు కంటే 375% ఎక్కువ వర్షపాతం నమోదైంది.  తదుపరి వరదలు "5748 మంది" (ప్రభుత్వ గణాంకాలు) మరణించారు మరియు 4200 గ్రామాలు దెబ్బతిన్నాయి.  భారత వైమానిక దళం ద్వారా 1 లక్షా 10 వేల మందికి పైగా ప్రజలు విమానంలో రక్షించబడ్డారు.  అంతా అతలాకుతలం అయింది.  కానీ ఇంత విపత్కర వరదలో కూడా కేదార్‌నాథ్ ఆలయ నిర్మాణంపై ఏ మాత్రం ప్రభావం పడలేదు.

 "ఆర్కియాలజికల్ సొసైటీ ఆఫ్ ఇండియా" ప్రకారం, వరదల తర్వాత కూడా ఆలయం మొత్తం నిర్మాణం యొక్క ఆడిట్‌లో 99 శాతం ఆలయం పూర్తిగా సురక్షితంగా ఉందని తేలింది.  

2013 వరదల సమయంలో నిర్మాణానికి ఎంత నష్టం జరిగిందో మరియు దాని ప్రస్తుత స్థితిని అధ్యయనం చేయడానికి "IIT మద్రాస్" ఆలయంపై "NDT పరీక్ష" నిర్వహించింది.  ఆలయం పూర్తిగా సురక్షితంగా, పటిష్టంగా ఉందని కూడా తెలిపింది.

 రెండు వేర్వేరు సంస్థలు నిర్వహించే "శాస్త్రీయ పరిశీలన మరియు శాస్త్రీయ పరీక్ష"లో ఆలయం ఉత్తీర్ణత సాధించకపోతే, ఆ ఆలయాన్నీ శిథిలావస్థకు చేరినట్టే, ఆ వరదలు తగ్గిన తరువాత చూస్తే... 1200 సంవత్సరాల తరువాత, ఆ ప్రాంతంలోనికి  బయటినుండి తరలించబడిన ప్రతిదీ తుడుచుకుపెట్టుకు పోయింది, ఒక్క నిర్మాణం కూడా నిలబడలేదు. కానీ  ఈ ఆలయం మాత్రం  అక్కడ నిలబడి ఉంది మరియు ఇది చాలా బలంగా ఉంది.

ఈ ఆలయం ఇలా ఉండటానికి నిర్మించిన విధానమీ దీని పటిష్టత వెనుక ఉందని నమ్ముతారు. ఆలయం కోసం  ఎంపిక చేయబడిన స్థలం.  ఈ వరదలో ఈ దేవాలయం నిలదొక్కుకో గలిగినందుకు ఆలయ నిర్మాణంలో ఉపయోగించిన రాతి మరియు నిర్మాణ పద్ధతి కారణమనే నేడు శాస్త్రం చెబుతోంది.

 కేదార్‌నాథ్ ఆలయాన్ని "ఉత్తర-దక్షిణ"గా నిర్మించారు. భారతదేశంలోని దాదాపు అన్ని దేవాలయాలు "తూర్పు-పశ్చిమ"శలో ఉంటాయి  నిపుణుల అభిప్రాయం ప్రకారం, ఆలయం "తూర్పు-పశ్చిమ" గా ఉంటే, అది ఇప్పటికే ధ్వంసమై ఉండేది.  లేదంటే కనీసం 2013లో వచ్చిన వరదలోనైనా శిథిలమై ఉండేది.

 కానీ ఈ దిశ లో నిర్మించిన కారణంగా కేదార్‌నాథ్ ఆలయం బయటపడింది.  ఇంకో విషయం ఏంటంటే ఇందులో వాడే రాయి చాలా గట్టిగా, మన్నికగా ఉంటుంది.  విశేషమేమిటంటే, ఈ ఆలయ నిర్మాణానికి ఉపయోగించిన రాయి అక్కడ లభ్యం కాదు, అయితే ఆ రాయిని అక్కడికి ఎలా తీసుకెళ్లి ఉంటారో ఊహించుకోండి.  అప్పట్లో ఇంత పెద్ద రాయిని మోసుకువెళ్లేందుకు ఎలాంటి రవాణా సాధనాలు కూడా అందుబాటులో లేవు.  ఈ రాయి యొక్క లక్షణం ఏమిటంటే, 400 సంవత్సరాలు మంచు కింద ఉన్నప్పటికీ, దాని "గుణాలలో" ఎటువంటి తేడా లేదు. అందువల్ల, ఆలయం ప్రకృతి విపత్తులలో కూడా తన బలాన్ని నిలుపుకుంది.  గుడిలోని ఈ బలమైన రాళ్లను ఎలాంటి సిమెంట్ ఉపయోగించకుండా "ఆష్లర్" పద్ధతిలో అతికించారు.  అందువల్ల రాతిపై ఉష్ణోగ్రత మార్పుల ప్రభావం లేకుండా ఆలయ బలం అభేద్యంగా ఉంటుంది.

 2013లో వీట ఘలై గుండా గుడి వెనుక భాగంలో ఒక పెద్ద బండ రాయి (భీమా శిల) కూరుకుపోయి నీటి అంచుని విభజించి ఆలయానికి ఇరువైపులా ఉన్న నీరు దానితో పాటు అన్నింటిని మోసుకెళ్లింది కానీ, ఆలయం మరియు ఆలయంలో ఆశ్రయం పొందిన ప్రజలు సురక్షితంగా ఉన్నారు.  .  మరుసటి రోజు భారత వైమానిక దళం వారిని కాపాడి విమానాల ద్వారా తరలించారు .

 విశ్వాసాన్ని నమ్మాలా వద్దా అనేది మీ ఇష్టం  కానీ 1200 సంవత్సరాల పాటు దాని సంస్కృతిని మరియు బలాన్ని కాపాడే ఆలయ నిర్మాణానికి స్థలాన్ని ఎంచుకున్న తర్వాత, దాని దిశ, అదే నిర్మాణ సామగ్రి మరియు ప్రకృతిని కూడా మన పెద్దలు ఎంతో జాగ్రత్తగా పరిశీలించారనడంలో సందేహం లేదు.

 టైటానిక్ మునిగిపోయిన తర్వాత, పాశ్చాత్యులు "NDT పరీక్ష" మరియు "ఉష్ణోగ్రత" ఆటుపోట్లను ఎలా మార్చగలరో గ్రహించారు. మన ఆలయం విషయానికి వస్తే, కొన్ని నెలలు వర్షంలో, కొన్ని నెలలు మంచులో, మరియు కొన్ని సంవత్సరాలు మంచులో పూర్తిగా కూరుకుపోయి ఉండి కూడా, గాలి మరియు వర్షం ఇప్పటికీ ప్రతికూలంగా, సముద్ర మట్టానికి 12,000 అడుగుల ఎత్తులో ఉన్నాయి. ఇక్కడ 6 అడుగుల ఎత్తైన ప్లాట్‌ఫారమ్‌ను నిర్మించడానికి ఉపయోగించిన అపారమైన సైన్స్ గురించి ఆలోచిస్తే మనం ఆశ్చర్యపోతాము. వరదలన్నింటి తర్వాత నేడు అదే వైభవంతో 12 జ్యోతిర్లింగాలలో అత్యున్నతమైన గౌరవాన్ని పొందతున్న కేదార్‌నాథ్‌ శాస్త్రవేత్తల నిర్మాణానికి మరోసారి తలవంచుతున్నాం.

 *వైదిక హిందూ మతం మరియు సంస్కృతి ఎంత అభివృద్ధి చెందిందో చెప్పడానికి ఇది ఒక ఉదాహరణ.*

_వృద్ధాప్యానికి ఆహ్వానం_

_వృద్ధాప్యానికి ఆహ్వానం_

-శ్రీ గొల్లపూడి మారుతీరావు

    చమకం యజుర్వేదంలోని శ్రీరుద్రంలో ఒక భాగం.   చమకంలో ఒకచోట -ఈ   విచిత్రమైన కోరిక ఉంది. *''వృద్ధం చమే, వృద్ధిశ్చమే'*' అని. ఇదేమిటి? నాకు వృద్ధినియ్యి అన్నంతవరకూ బాగానే వుంది. నాకు వృద్ధాప్యాన్ని యివ్వమని అడుగుతాడేమిటి? అని ఆశ్చర్యం. 

కోరికలనుంచీ, ఈ జీవితంలో సుఖాల నుంచీ బయటపడలేని జీవుడు -అలా బయటపడేసే మానసిక స్థితిని, ఆ దశని ప్రసాదించు స్వామీ -అంటూ ఆ కోరికల వెల్లువలోనే ఒక విచిత్రమైన కోరికని జతచేశాడు. 

అన్ని కోరికలనుంచీ విముక్తం చేసే -లేదా విరక్తిని కలిగించే వృద్ధాప్యాన్ని ప్రసాదించు -అని వేడుకోవడం బహుశా ఏ మతంలోనూ ఏ భక్తుడూ ఏ దేవుడినీ యింత పరిణతితో, యింత గంభీరమైన కోరిక కోరలేదేమో!

''ఈ మనస్సు కోతి స్వామీ! దానికి ఉన్న చాపల్యాలు అన్నీ తీర్చు. తప్పదు. చేసేదీ లేదు. కాని ఏదో ఒకనాడు ఈ చాపల్యాలన్నింటినీ వదులుకొనే దశనీ, స్థాయినీ, వయస్సునీ -వృద్ధాప్యాన్ని ప్రసాదించు'' అంటున్నాడు జీవుడు.

వృద్ధాప్యం ఒక మజిలీ. ప్రతీ వ్యక్తీ కోరుకు న్నా కోరుకోక పోయినా తప్పనిసరిగా చేరుకునే మజిలీ. వయస్సులోని కోరికలన్నింటికీ సెలవిచ్చి, అలసిపోయిన అనుభవాలనీ, ఆరిపోయిన అనుభూతులనూ నెమరువేసుకునే చలివేంద్రం. వృద్ధాప్యం ఒక అవకాశం. 

వెనక్కి తిరిగి చూసుకుని - చేసిన తప్పిదాలకు నవ్వుకుని, దాటిన అడ్డంకులను పరామర్శించి, ఇక దాటనక్కరలేని స్థితికి వచ్చినందుకు ప్రశాంతంగా నిట్టూర్చే ఆటవిడుపు.

ముసిలితనం కొడుకు కంటె-కూతురుకంటే ఒక అడుగు వెనక నడిపిస్తుంది. మనవరాలి భుజాన్ని ఆసరా చేసుకుంటుంది. జీవితమంతా కొరుకుడుపడని నిజాలతో ఆనందంగా రాజీపడేటట్టు చేస్తుంది. పిల్లలు ''నీకేం తెలీదు నాన్నా!'' అంటే కోపం రాదు. ఒక జీవితకాలాన్ని తెలీనితనానికి తాకట్టు పెట్టిన కొడుకుని చూసి నవ్వుకుంటుంది. తనకి తెలీదని పక్కకి తప్పించే తరాన్ని చూసి గర్వపడుతుంది. అవలీలగా అర్థం చేసుకుంటుంది. ''వాడికి తోచినట్టే చెయ్యనివ్వండి'' అనే భార్య హితవుకి గంభీరంగా తలవొంచుతుంది. ఏ విమర్శా అవమానం అనిపించదు. ఏ నిందకీ కోపం రాదు.

వృద్ధాప్యాన్ని అందరూ గౌరవిస్తారు. నీ జీవితకాలంలో సాధనల్ని పక్కనపెట్టి కేవలం వయస్సు కారణంగానే పెద్దరికాన్ని అంగీకరిస్తారు. అదొక అంతస్థు. 

అతని హితవుని నలుగురూ వింటారు. నీ ఆలోచనని గౌరవిస్తారు. దాన్ని పాటించరని అర్థమవుతున్నా కోపం రాదు. వయస్సు అర్థం చేసుకునే సంయమనాన్ని నేర్పుతుంది.

''మా రోజుల్లో...'' అని చెప్పుకోవడంలో చిన్న 'సాకు'ని వృద్ధాప్యం మప్పుతుంది. ''ఈ కాలం కుర్రాళ్లు...'' అన్న వెక్కిరింతకి అర్హతని సంపాదించి పెడుతుంది. తన గురించి తన పెద్దలూ అలనాడు -అలాగే అనుకొని ఉంటారని అప్పుడు జ్ఞాపకం వస్తుంది.

వేసిన ప్రతీ అడుగూ తెలిసి వేసే నమ్మకాన్నిస్తుంది. చేసే ప్రతీ పనీ యిబ్బంది లేని, శ్రమ అనిపించని మార్గం వేపే ప్రయాణం చేయిస్తుంది. తన 'రేపు' క్రమక్రమంగా కురుచనయిపోతోందని అర్థమవుతూంటుంది. దక్కిన చిన్న తప్పుల్ని వృద్ధాప్యం భద్రంగా అలంకరించుకుంటుంది. ''మనకి చేతకాదు'' అని చెప్పడం పెద్ద అర్హతగా కనిపిస్తుంది. అసాధ్యానికి 'అనవసరం' అంటూ గడుసుదనం చిన్న ముసుగు వేస్తుంది. దానికి ఊతం వృద్ధాప్యం.

జీవితంలో చాలా ప్రశ్నలకు సమాధానాలు అర్థమవుతూంటాయి. ఇప్పుడా సమాధానాలకూ వేళ మించిపోయిందని అర్థమవుతుంది. ఈ సమాజంలో అవినీతి అనే కుళ్లు ఎప్పుడు తొలగుతుంది? ప్రతీక్షణం దోపిడీకి గురవుతున్న ఈ పర్యావరణం ఒక్కసారి ఎదురు తిరిగితే ఏమవుతుంది? ఏమయినా తనకేం బాధలేదు. ఆ సమయంలో తను ఉండడు. ఈ జీవిత నుంచి శలవు తీసుకోవడమే తనకి ఉపశమనం.

దేవుడు ఎక్కడ ఉంటాడు? ఎలా వుంటాడు? మృత్యువు తరువాత ఏమవుతుంది? సమాధానాలు అర్థమయే క్షణాలు దగ్గరవుతున్నాయి. చుట్టూవున్న జీవితాన్ని క్రమంగా ఖాళీ చేసుకుంటుంది వృద్ధాప్యం. చిన్నకేక తుళ్లిపడేటట్టు చేస్తుంది. చిన్న నిశ్శబ్దం ప్రశాంతంగా ఉంటుంది. ఎప్పటిలాగే తెల్లారి, వృద్ధులతో కలిసి నడిచి, రెండుముద్దల అన్నం తిని, అరగంట సేదతీరి, వేడి టీ తాగి, సాయంకాలం పార్కు బెంచీ దగ్గర ''ఈ దేశం తగలడిపోతోంద'ని తిట్టుకుని, శాంతపడి -కీళ్ల నొప్పులకు మాత్రలు మింగి, రాని నిద్రనీ, నిన్నటి జ్ఞాపకాలనీ నెమరు వేసుకోవడం -వృద్ధాప్యం వ్యసనం.

ఇప్పుడు విచారం దగ్గరకు రాదు. వెళ్లిపోయిన హితులూ, సన్నిహితులూ దిగులుగా జ్ఞాపకం వస్తారు. ముగింపు భయపెట్టదు. ఎందుకంటే భయపడినా రాకతప్పదు కనుక. అన్నిటినుంచీ, అందరినుంచీ తనని కుదించుకుని -మెల్లగా అంతర్ముఖుడు కావడం వృద్ధాప్యం.

ఇప్పుడు అన్ని దురదృష్టాలకూ కారణాలు అర్దమౌతాయి. చేసిన తప్పిదాలు, మాటతప్పిన కప్పదాట్లూ, మనసు నొప్పించిన చిన్న చిన్న జ్ఞాపకాల ముళ్లూ -అవన్నీ ఓ జీవితకాలం ఆలస్యంగా కళ్లముందు కదుల్తాయి. ఈ అనుభవాల్ని హెచ్చరికలు చెయ్యబోతే పిల్లలు వినరు. వినినట్టు నటిస్తారు. నటిస్తున్నారని తనకీ తెలుసు. విన్న తృప్తిని తానూ నటిస్తాడు. వారికీ వృద్ధాప్యం ఒకనాడు పాఠాలు చెప్తుందని తెలుసు. కాని వృద్ధాప్యం ఒక వరమని ఇప్పుడు చెప్పి ఒప్పించలేడు. వారు ఒప్పుకునే వేళకి తను ఉండడు. జీవితం ఎంత విచిత్రం! నవ్వుకుంటాడు. ఆ నవ్వు ఖరీదు ఒక జీవితం.'చమకం' ఏ రుషి, ఏ మహానుభావుడు ఎప్పుడు సృష్టించారో -ఎంత ముందుచూపు, ఎంత వినయసంపద, జీవుని నిస్సహాయత, నిర్వేదం -అందులో నిక్షిప్తమయివుందో -ఆనాటి కోరిక సంపూర్ణమయిన స్వరూపంతో కళ్లముందు దర్శనమిచ్చేనాటికి -తాను జీవితమంతా కోరుకున్న 'వృద్ధాప్యం' తనని ఆవరించుకుని ఉంటుంది.ఈ దేశపు వేద సంపద, సాంస్కృతిక వైభవం, జాతి దర్శనం అపూర్వం, అనన్యసామాన్యం. 

చమకంలో 'వృద్ధం చమే' అనే ఒక్క కోరికా ఈ జాతినీ, మతాన్నీ, ఆలోచనా స్రోతస్సునీ అత్యద్భుతంగా ఆవిష్కరించే అభిజ్ఞ. వరం. భగవంతుడిని కోరడంలోనే భగవంతుడు ప్రసాదించిన తన ఆలోచనా పరిణతిని అలంకరించే భగవద్దత్తమైన ఆశీర్వాదం. అదీ వృద్ధాప్యం.🙏🏼

రామాయణానుభవం_ 90

 🌹రామాయణానుభవం_ 90

వాలి అంతిమ సమయంలో తనకు కావించిన హితోపదేశము సుగ్రీవుని మనస్సును మార్చివేసింది. ఆ సమయంతో వాలి తనకు వైరిలా అనుపించలేదు. ఆప్యాయత కల్గిన అన్నలా, తన హితాన్ని కోరే తండ్రిలా అగుపించాడు. ఆయన మరణము సుగ్రీవుని మనస్సుకు బాధ కలిగించింది. తారా విలాపము, అంగదుని దుఃఖము ఆయన విషాదాన్ని మరింత అధికం కావించాయి. ఆయన నయనాలు అశ్రుపూర్ణాలు అయ్యాయి. అంతవరకు అన్న పట్ల ఉన్న వైరభావము అంతరించి సోదరప్రేమ మహోన్నత తరంగంవలె సుగ్రీవుని మనస్సముద్రంలో ఉవ్వెత్తుగా పైకి లేచింది.

చేతిలో విల్లును, బాణాన్ని ధరించి, వీరశ్రీతో విరాజిల్లుతున్న శ్రీరాముని చూచి, "రాజపుత్రా! మన మైత్రీ బంధాన్ని అనుసరించి, నా ప్రార్ధనవలన నీవు వాలి వధ కావించావు. మహావీరుడైన మా అన్న మరణించి ఈ మహీతలంపై పడి ఉన్నాడు. మా అన్న మరణాన్ని కళ్లారా చూచాక, అనురాగ భరితమైన ఆయన అంతిమ సందేశాన్ని విన్నాక నా మనస్సు నిర్విణమైంది. తారాంగదుల విలాపం నా మనస్సును అల్లకల్లోలం కావిస్తున్నది.

నాకిప్పుడు రాజ్యముపై ఆశ అంతరించిపోయింది. భోగముల పట్ల కోరిక పూర్తిగా లేకుండా పోయింది.

*అస్యాం మహిష్యాం తు భృశం రుదన్త్యా"

*పురే చ విక్రోశతి దుఃఖతప్తే.*

*హతేగ్రజే సంశయితేఙ్గదే చ*

*న రామ! రాజ్యే రమతే మనో మే*

నేను తిరిగి ఋష్యమూకానికే వెళ్లి పోతాను. అక్కడే ఫలమూలాలను తింటు శేష జీవితాన్ని గడుపుకొంటాను. ఈ రాజ్యభోగాలు మా అన్న నెత్తురులో తడిసి ముద్ద అయ్యాయి. ఆ నెత్తుటి కూడును నేను తినజాలను.

మా అన్నను చంపించి నేను మహా పాపాన్ని మూటగట్టుకొన్నాను. ఆయనతో నేను అనేక పర్యాయాలు పోరుకుతలబడ్డాను. ఆహవంలోనేను అలసిపోగానే, “వెళ్లు ఇకనైనా బుద్ధి గల్గి జీవించుమని” నన్ను మన్నించి జాలితో వదలిపెట్టేవాడు. అంతటి దయాశాలి.

*న త్వాం జిఘాంసామి చరేతి యన్మా-*

*మయం మహాత్మా మతిమానువాచ.*

*తస్యైవ తద్రామ! వచోనురూప-*

*మిదం పునః కర్మ చ మేనురూపమ్*

తండ్రిని కోల్పోయి అంగదుడు బ్రతికేలాలేడు. అంగదునికి అణుమాత్రము ఆపద కల్గినా తార జీవింపదు. వానరులందరు శోక సాగరంలో మునిగి ఉన్నారు.

నేను ఋష్యమూకానికి తిరిగి వెళ్లి అక్కడే. ఆకులు అలములు తింటూ బ్రతుకును సాగదీసినా, లేక ఇప్పుడే జీవితాన్ని చాలించినా, నీకు నేనిచ్చిన మాట తప్పక నెరవేరుతుంది. నా అనుచరులు నీకు సీతాదేవి అన్వేషణలో తప్పక తోడ్పడుతారు. ఆవిధంగా అనుచరులను నేను శాసిస్తాను. మహాపాపినైన నాకు మరణమే మంచిదారి అనిపిస్తున్నది. అందువలన మహావీరా! మరణించడానికి నన్ను అనుమతించుమని” సుగ్రీవుడు అభ్యర్థించాడు.

సుగ్రీవుని దుఃఖాన్ని చూస్తుంటే రామునికి కూడ దుఃఖమాగలేదు. ఆయన కు ధారాపాతంగా కన్నీళ్లను వర్షించసాగాయి.

" *సంజాత బాష్పః పరవీరహంతా”* 

శ్రీరాముడు అజాత శత్రువు. ఆయనకు సహజంగా శత్రువులు లేరు. ఆయనను ఆశ్రయించిన వారే ఆయన మిత్రులు. ఆశ్రయించినవారి శత్రువులే ఆయన శత్రువులు

[పరులు ఏడుస్తుంటే తాను కూడ దుఃఖించడాన్ని " *పరదుఃఖ దుఃఖిత్వము"* అంటారు. అది కూడా స్వామి కల్యాణగుణాలలో ఒకటి అంటారు పెద్దలు.

దశరథ మహీపాలుని ముందు శ్రీరామచంద్రుని కల్యాణ గుణాలను వివరిస్తూ, " *వ్యసనేషు మనుష్యాణాం। భృశంభవతి దుఃఖితః"* 

అంటారువుఅయోధ్యాపౌరులు.

ప్రజలలో ఎవ్వరికి ఏ ఆపద వచ్చినా, ఆ ఆపదను అప్పుడే తొలిగించే వాడు. అంతేకాదు. ఆ ఆపద కలిగినందుకు, వాళ్లకంటే తానే ఎక్కువగా దుఃఖించేవాడు కల్యాణగుణాభిరాముడైన శ్రీరామభద్రుడు.]

**

వానరాన వాలి శవంపై పడి కన్నీరు మున్నీరుగా విలపిస్తున్న తారను వానర వీరులు లేపి ఓదార్చడం ప్రారంభించారు. ఆమె నిలదొక్కుకోవాలనుకొంది. అటుఇటు తన చూపులను సారించింది. 

ఆమె దృష్టి అకస్మాత్తుగా ధనుర్ధారి అయిన శ్రీరామచంద్రునిపై పడింది.

శ్రీరామభద్రుడు భర్త మరణంతో పుట్టెడు దుఃఖంలో మునిగిన తారను ఓదార్చాలను కొన్నాడు. ఆయన ఆమె వైపు మెల్లగా అడుగులు వేశాడు.

తనను సమీపిస్తున్న రాముని చూడగానే తార దుఃఖం మరింత అధికం కాసాగింది. తన భర్తను హత్య చేసిన వాడు తనకు ఎదురుగా నిలిచి ఉన్నాడు. ఆమెకు ఆగ్రహము అతిశయించింది. తన అక్కసు అంతా తీరేలా అతనిని దూషిద్దామనుకొంది. ఆమె తలెత్తి రామునివైపు చూచింది. ఆశ్చర్యము ఆయన కనులు కూడా బాష్పధారలను స్రవిస్తున్నాయి. ఆమె ఒక్క క్షణంలో అవాక్కు అయింది. ఆయన పరదుఃఖ దుఃఖిత్వము ఆమెను నిశ్చేష్టురాలిని చేసింది. 

ఆయన అపార సానుభూతిని ఆమె తట్టుకోలేకపోయింది. ఆమెలోని క్రోధము అంతరించిపోయింది. తామస గుణము తలవాల్చి సాత్విక గుణము ఆమెలో తల ఎత్తింది. ఆయన తామరనేత్రాలు అమెను తన్మయురాలిని చేశాయి. వాటిని చూచి ఆమె రాముని పురుషోత్తమునిగా గుర్తించింది. అప్రయత్నంగా " *శ్రీరామతత్వము* ” శూర్పణఖలో లాగే తారలో కూడ స్తుతి శీలాన్ని కల్గించింది. ఆశ్చర్య కరమైంది కదా భగవత్తత్వము! అనుకోకుండా ఆమె నోటి నుండి శ్రీరాముని విషయంలో ప్రశంసా వాక్యాలు రాసాగాయి.

 *త్వమప్రమేయశ్చ, దురాసదశ్చ, జితేంద్రియశ్చోత్తమ ధార్మికశ్చ అక్షయ్య కీర్తి శ్చ, విచణశ్చ క్షితిక్షమావాన్* , *క్షతజోపమాక్షః|*

రామా...!

నీవు వేదములచే గూడ వర్ణింప శక్యము గాని మహామహామాన్వితు డవు, మనస్సుచే గూడ చేర శక్యముగాని వాడవు, జితేంద్రియుడవు, ధార్మికులలో నుత్తముడవు. తఱుగని కీర్తి కలవాడవు, వివేకివి, సహనమున భూమికి సాటియైనవాడవు, రక్తాంతనేత్రుడవు.......

ఇందులో శ్రీరామచంద్రుని పరత్వమును తార భావించి పలుకు చున్నది......

రామాయణానుభవం_ 81

 🌹రామాయణానుభవం_ 81

హనుమ యొక్క వాక్య కౌశల్యాన్ని రామచంద్రస్వామి అమితంగా ప్రశంసించాడు.

"లక్ష్మణా! ఎవ్వరిని మనము కలసికోవాలని ఇంతకాలం నుండి కోరుకొంటున్నామో  అటువంటి మహిమాత్ముడైన సుగ్రీవుని సచివుడు ఈ హనుమ.

*నానృగ్వేదవినీతస్య నాయజుర్వేదధారిణః,* *నాసామవేదవిదుష శ్శక్య మేవం ప్రభాషితుమ్.*

*నూనం వ్యాకరణం కృత్స్న మనేన బహుధా శ్రుతం,* 

*బహు వ్యాహరతాఽనేన న కించి దపశబ్దితమ్.*

*న ముఖే నేత్రయో ర్వాపి లలాటే చ భ్రువోస్తథా, అన్యేష్వపి చ గాత్రేషు దోషః సంవిదితః క్వచిత్.*

ఈయన వాక్యజ్ఞుడు, స్నేహయుక్తుడు. స్వరసంపన్నమైన ఋగ్వేదంలో చక్కగా శిక్షణ పొందనివాడు, అనేక అనువాకాలుగల యజుర్వేదాన్ని ధారణ చేయలేనివాడు, గాన ప్రధానమైన సామవేదంలో విద్వాంసుడు కానివాడు ఈ విధంగా (హనుమ వలె) మాట్లాడజాలడు.

ఈయన వ్యాకరణశాస్త్రాన్ని మొత్తంగా అధికరించినట్లున్నాడు. ఇంత మాట్లాడినా, ఒక్క అపశబ్దం కూడ లేదు చూడు! ఈయన సంభాషించినంత సేపు కనుల చూపులలో మనోహరములు కాని, నొసలుపై కాని, బొమ్మల కదలికలలో కాని, ఇతర అవయవాలలో కాని ఏ వికారము కనబడడం లేదు

ఈయన మాటలను ఎక్కువగా సాగదీయడం లేదు. అట్లని మధ్యలో మాటలు కరువైనట్లు సంభాషణ అస్పష్టంగా లేదు. మాటలలో తొందరపాటు లేదు. అట్లని మాటల మధ్య అనవసరమైన ఆలస్యము లేదు.

మనకు పూర్తిగా వినబడనంత మెల్లగా మాట్లాడలేదు. అలాగని అనవసరంగా గొంతుచించు కోవడం లేదు. మధ్యమ స్వరంలో, మృదువుగా, మధురంగా, శుభప్రదంగా, మనోహరంగా ఉంది హనుమ సంభాషణము. హనుమ యొక్క చతుర సంభాషణము వింటే చంపడానికి కత్తి ఎత్తిన ఎంతటి శత్రువు అయినా కత్తిని దించక మానడు.

ఇటువంటి సచివుడున్న ఏ ప్రభువుకైనా అన్ని కార్యాలు సహజంగానే సిద్ధిస్తాయి”.

**

[రాముడు దర్శించిన హనుమ..

హనుమ మాటలలో శ్రీరాముడాతని వేద పాండిత్యమును గుర్తించినాడు. ఆతడు ఋగ్వేదమునందు బాగుగా శిక్షితుడు అనినాడు. ఋగ్వేదము ప్రతి వర్ణమునకు స్వరముండును. స్వరము అధికముగా ఉండుటచేత మనసును ఏకాగ్రముగ ఉంచుకొని అవధానముతో వివి ఉచ్చరింపదగినది ఋగ్వేదము. అందుచే హనుమను ఋగ్వేద వినీతుడు అవగా శిక్షితుడు అని గురువు వద్ద బాగుగ నేర్చినవాడు. అట్టివాడు గాని ఇట్లు మాట్లాడలేడు.

యజుర్వేదములో ప్రతి అనువాకములో వేరొక అనువాకమందలి వాక్యము వచ్చుచుండును. ఆ వాక్యములు ఎందులోనో సరిగ జ్ఞాపకము ఉన్నగాని ఒక అనువాకము చదువుచున్నప్పుడు మరియొక అనువాకములోనికి వెళ్ళిపోవుచుండును. అందుచే యజుర్వేదమునకు ధారణ అవసరము. అట్టి ధారణము దుష్కరము హనుమ యజుర్వేదధారి. అనగా యజుర్వేదమును ధారణ చేసినవాడని అనినాడు శ్రీరాముడు.

సామవేదము గాన ప్రధానమైనది. గానమున ఊహించు శక్తి ఎక్కువగ ఉండవలెను. రకరకముల గానములను బాగుగ ఎరింగినవారు గాని సామవేదమును గానము చేయజాలరు.అందుచే సామవేదమునకు వేదనము ఆవశ్యకము అందుచే హనుమను సామవేద విద్వాంసుడు అనినాడు. ఇట్లు మూడింటియందును తగిన పాండిత్యము గలవారుగాని ఇట్లు మాటాడజాలరని శ్రీరాముడు ప్రశంసిచినాడు.

హనుమ మాటాడిన మాటలలో *ఉభౌయోగ్యావహం మన్యే రక్షితుం పృధివీ మిమామ్* మీరు ఇరువురు ఈ భూమిని రక్షింప యోగ్యులని నేను తలంచుచున్నాను అనినాడు.

 దీనిచే సృష్టి, స్థితి, సంహారములు చేయగల వారుమీరని చెప్పినట్లు అయినది. ఈ విషయము ఋగ్వేదమునకు చెందిన ఐతరేయ ఉపనిషత్తు నందు 'ఇదమేక ఏ వాగ్ర ఆసీత్' అని మొదలు పెట్టి సృష్టి స్థితి లయములను చేయువాడు బ్రహ్మమే అని చెప్పినది. ఆ బ్రహ్మమే మీరు అని నాకు గోచరించుచున్నది. అని హనుమ గుర్తించినాడు. 

రాముడు దీనిని ఎరింగి ఇట్లు ఋగ్వేదమునందు శిక్షణ నొందినాడని ప్రశంసించినాడు. అట్లే *మానుషాదేవరూపిణా* అని మనుష్యులుగ దిగివచ్చిన దేవతా స్వరూపులే మీరని బహుథావిజాయతే' పుట్టనివాడు హనుమ పలికినాడు. యజుర్వేదములో 'అజాయమానో అగుచునే అనేక రూపములతో జన్మించును అని ఉన్నది. జన్మించినవాడు జన్మలేనివాడు బ్రహ్మము. ఆతడే తన సంకల్పముచే స్వేచ్ఛగ ఈ లోకములో తన స్వభావమును మార్చుకొనకుండ జన్మించును అని తెలుపుచున్నది. ఈ రహస్యమును ఎరింగినవాడు కానిచో ఇట్లు మాటాడలేడని రాముడు గుర్తించినాడు.....]

పెరగాలి

 *ఒక్కసారి పూర్తిగా చదవండి*🙏🙏

మన జీతం పెరగాలి

మన ఇల్లు అద్దె పెరగాలి

మనం కొన్న భూమి ధర పెరగాలి

మనం కొన్న ఇల్లు ధర పెరగాలి

మనం కొన్న బంగారం ధర పెరగాలి

మన దుకాణం గిరాకి పెరగాలి

మన షేర్ మార్కెట్ విలువ పెరగాలి

మన అందం పెరగాలి

మన విలువ పెరగాలి

మన ఆస్తులు అంతస్తులు పెరగాలి

*****

మద్యం ధర పెరగొచ్చు

బస్ టికెట్స్ ధర పెరగొచ్చు

సినిమా టికెట్స్ ధర పెరగొచ్చు

కరెంటు బిల్లు పెరగొచ్చు

ఇంటి బిల్లు పెరగొచ్చు

నల్లా బిల్లు పెరగొచ్చు 

హోటల్ బిల్లు పెరగొచ్చు

మొబైల్ ధర పెరగొచ్చు

పిజ్జా ధర పెరగొచ్చు

బీరు ధర పెరగొచ్చు

బిర్యానీ ధర పెరగొచ్చ

బూట్ల ధర పెరగొచ్చు

స్వీట్ల ధర పెరగొచ్చు... ఇలా 

మాట్లాడుకుంటూ పొతే మహాభారతం 

రాసుకుంటూ పొతే రామాయణం....

*********

కానీ పెట్రోల్ పెరగొద్దు.....

కానీ డీజీల్ పెరగొద్దు.....

కానీ గ్యాస్ పెరగొద్దు......

ఎందుకంటే ఇవి పెంచింది మోడీ 

(అని మీ ఉద్దేశ్యం)...

4 సంవత్సరాల క్రితం,

₹ 2 లక్షల రూపాయల బీమా

 ₹5000 / - నుండి ₹6000 / - వరకు....

ఈ రోజు సంవత్సరానికి ₹330 / -

4 సంవత్సరాల క్రితం 

9 సబ్సిడీ ఎల్‌పిజి సిలిండర్లు 

అందుబాటులో ఉన్నాయి, 

నేడు 12 ....

4 సంవత్సరాల క్రితం వరకు - 

LED బల్బ్ ₹400, 

నేడు అది ₹60 /-

4 సంవత్సరాల క్రితం 

లాల్ చౌక్ వద్ద భారత్ 

మాతా కి జై 

మాట్లాడటం నేరం ..

ఈ రోజు అదే లాల్ చౌక్ 

మీద రామ్ దర్బార్ ఉంది.

4 సంవత్సరాల క్రితం రైల్వే స్టేషన్ 

వద్ద మెట్లు ఎక్కి

నడవవలసి వచ్చేది, 

ఈ రోజు మనం ఎస్కలేటర్ ఎక్కుతున్నాము ..

ఈ పెట్రోల్ , డీజిల్ మీద 

ఏడుపులు ఇక ఆపండి !

350 మంది ఎంపీలతో 

ఉన్న వ్యక్తి, మన ముందు

కన్నీళ్లు పెట్టుకుని మద్దతు అడుగుతున్నారు  .....దేనికి ??

ప్రపంచంలోని అన్ని రాజధానిలకు 

వెళ్లి భారతీయుల 

సహాయం కోరారు...

రోజూ 16 నుంచి 20 గంటలు 

పని చేస్తున్న మన ప్రధాని ..

ఏ రాజకీయ నాయకుని తల్లైన 

8 '× 10'  సైజు ఉన్న గదిలో ఉంటోందా...

గత పాలనలో ప్రధాన మంత్రుల 

ఏ  సోదరుడైనా కిరాణా దుకాణం నడుపుతున్నాడా?

ఒక విషయం తెలుసుకోండి

మోడీ ఉగ్రవాదాన్ని, నల్లధనాన్ని, అవినీతిని అంతం చేయగలిగిన విధంగా ఇక ముందు ఎవరు 

చేయరు చేయలేరు.

ప్రధాని నరేంద్రమోడీ లాంటి 

జీవితం ఉన్న వ్యక్తి 

బహిరంగ వేదిక నుండి చెప్పిన మాట ....

"#ఈ_వ్యక్తులు_నన్ను_సజీవంగా_ఉంచరు ..."అని...

పరిస్థితి చాలా భయంకరముగా ఉందని ఇది స్పష్టం చేస్తుంది.

ఎందుకంటే దేశ చరిత్రలో 

తొలిసారిగా ఒకే మనిషి చాలా 

మంది శత్రువులతో ఒకేసారి పోరాడుతున్నాడు.

మన ప్రధానమంత్రికి 

మద్దతు ఇవ్వాలి…

ఎందుకంటే ఈ రాక్షసులందరు మన  ప్రధానమంత్రిక ఏదైనా సమస్య అంటగట్టడానికి చూస్తున్నారు. 

మన మన నరేంద్ర మోడీని కాపాడుకోలేక పోతే శతాబ్దాలైనా 

మళ్లీ ఇలాంటి ధైర్యం ఉన్న నాయకుడు పుట్టడు.

#నేను_మన_ప్రధానితో_ఉన్నాను 

మీరు కూడా ఉంటారా ?

#భారత్ మాతా కి జై..🚩🚩🚩

పండితులెల్ల మెచ్చకయె

 సమస్యా పూరణ 

        ఇచ్చిన సమస్య:

"పండితులెల్ల మెచ్చకయె వాసి 

      గనెన్ రస రమ్య పద్యమై. "

                పూరణ:

నిండగు భావమే కలదు నేరుగ 

     తెచ్చును గొప్పవౌ స్మృతుల్ 

గుండెను తాకి బాధనిడు కుండెడు 

     జాలియు పొంగి పారుగా 

చెండును మానసంబు నది 

   ఛందము లేనిచొ దోషమేటికిన్ 

"పండితులెల్ల మెచ్చకయె వాసి 

     గనెన్ రస రమ్య పద్యమై."

      ఇట్లు నమస్కారములతో,

   పోలా వెంకట సూర్య నారాయణ శాస్త్రి హైదరాబాదు .

బోధాయన సంహిత

హరేరామ హరేరామ

  రామరామ హరేహరే

  హరేకృష్ణ హరేకృష్ణ

   కృష్ణకృష్ణ హరేహరే

పదహారు నామములతో కూడిన ఈ మహామంత్రము సర్వోత్కృష్టమైనది.  ఈ నామజపము వలన సర్వ సిద్ధులు లభించును. 

ఎవని నాలుకపై అహర్నిశము హరినామము తాండవము చేయునో వానికి కురుక్షేత్రము, కాశి, పుష్కర క్షేత్రము మొదలుగు తీర్ధ పర్యటనల అవసరమేమి? (స్కాంద పురాణము)

సహస్ర కోటి తీర్థ యాత్రలు చేసినంతటి ఫలితమును అతి శీఘ్రముగ నిరంతర నామ సంకీర్తన వలన పొందగలము (వామన పురాణము)

ఒకానొకప్పుడు కురుక్షేత్రములో విశ్వామిత్రుడు తన భక్త సమూహమునకు ఇట్లు చెప్పెను. 

"ఈ భూమండలము నందు గల అనేక తీర్థములను గురించి వింటిని.  కాని హరి నామము యొక్క కోటి అంశముతోనైనను అవి ఏవియు సమము కానేరవు.  నామము అంతటి విలువైనది". (విశ్వామిత్ర సంహిత)

వేద, ఆగమ, శాస్త్రాదుల పఠనము వలనను, అనేక తీర్థ పర్యటనల వలనను ఏమి ప్రయోజనము? ఒకవేళ నీకు ముక్తి కావలయునని నచో గోవిందా! యని అనుక్షణము స్పష్టముగా కీర్తించుము. (లఘు భాగవతము)

సూర్యగ్రహణ కాలమందు కోటి గోవులను దానము చేసినను, మాఘ మాస వ్రత నియమానుసారము ప్రయాగ లో గంగానదీ తీరమందు కల్పము వరకు నివాసము చేసినను, అసంఖ్యాకములైన యజ్ఞములు చేసినను, మేరు పర్వత సమానమగు సువర్ణ దానము చేసినను, గోవింద కీర్తనములో నూరవ అంశమునకు అవి అన్నియును సమము కానేరవు. (లఘు భాగవతము)

చెరువులు, నూతులు, తోటలు నిర్మించుట, మొదలగునవి పుణ్య కర్మలైనను బంధన హేతువులే అగుచున్నవి.  శ్రీహరి నామ సంకీర్తనమొక్కటే శ్రీహరి పాదారవిందముల యొద్దకు మనలను చేర్చగలదు.  (బోధాయన సంహిత)

రాజేంద్రా! సాంఖ్య, యోగ శాస్త్రములతో నీకు పని ఏమున్నది? నీకు ముక్తి కావలయునేని గోవిందనామ కీర్తనము చేయుము (గరుడ పురాణము)

లివర్ మరియు స్ప్లీన్

 లివర్ మరియు స్ప్లీన్ ( ప్లీహ ) వ్యాధులు  - 

 లివర్ అంటే ఏమిటి  ?  - 

   లివర్ మానవ శరీరంలో హృదయానికి పక్కటేముకలకి క్రిందుగా కుడివైపున ఉండే అవయవం . ఇది రక్తం వలన పుట్టినది. దీనిని కార్జం మరియు లివర్ అంటారు. ఇది నలుపు , ఎరుపు మిశ్రమ వర్ణంతో మిక్కిలి మృదువుగా ఉండే మాంస ఖండం . 

  ప్లీహము అంటే ఏమిటి  ?  - 

    ప్లీహము మానవ శరీరంలో ఎడమ బాగంలో హృదయానికి క్రిందుగా ఉండే అవయవం . ఇది కూడా రక్తం వలెనే జనిస్తుంది. రక్తాన్ని తీసుకుని పొయే సిరలన్నిటికి ఈ ప్లీహమే మూలం అని బారతీయ మహర్షులు పేర్కొన్నారు.

  లివర్ , ప్లీహ రోగాలు ఎందుకు వస్తాయి ?  -

 *  శరీరానికి వేడిచేసే పదార్దాలు అయిన మినుములు , ఉలవలు, ఆవాలు మొదలయిన వాటితో వండిన పదార్దాలను అధికంగా సేవించడం .

 *  గేదె పెరుగు ఎక్కువుగా తినడం .

 *  పగటిపూట అధికంగా నిద్రపోవడం.

     ఇటువంటి కారణాల వలన శరీరంలో రక్తం , కఫం ఎక్కువుగా వృద్ది చెంది లివర్ ని మరియు ప్లీహం వృద్ది చెందుతాయి. లివర్ , ప్లీహం చెడిపోయి  ప్లీహం వృద్ది అవుతుంది. దీనినే ప్లీహభివ్రుద్ధి            ( enlargement of spleen ) అంటారు.ఇదే ప్లీహ వ్యాధి అంటారు. ఇదే దోషం వలన లివర్ వృద్ది చెందుతుంది దానిని లివర్ వ్యాధి అంటారు. అయితే లివర్ వ్యాధి కుడివైపున , ప్లీహ వ్యాధి ఎడమ వైపున కలుగుతుంది అని తెలుసుకోవాలి.

  లివర్ మరియు ప్లీహ వ్యాధుల లక్షణాలు  - 

 *  ఈ వ్యాధుల వల్ల రోగులు బాగా కృశించి బలహీనులు అయిపోతారు.

 *  ఎల్లప్పుడు కొద్ది జ్వరం వెంటాడుతూనే ఉంటుంది.

 *  ఉదరంలో జట రాగ్ని మందగించిపోయి అజీర్ణం అగ్నిమాన్ధ్యం కలుగుతాయి.

 *  దీనివలన శరీరంలో రక్తం , కఫం దుషిమ్పబడి వ్యాధికారకం అవుతాయి. కావున శరీరం నందలి రక్తం తగ్గినా , విపరీతంగా పెరిగినా అనర్ధమే .

 *  శరీరమంతా ఎంతో బరువుగా , బడలికగా ఉంటుంది. నీరసం అనిపిస్తుంది.

 *  దేహమంతా వివర్ణం అయి శరీరం తిరిగి పోతున్నట్టుగా ఉంటుంది.

 *  పోట్టపైన చర్మం ఎరుపుగా ఉండి , పొట్ట బరువు పెరుగుతుంది.

 *  మనసుకి మైమరపు, భ్రమ , మొహం కలుగుతాయి .

  లివర్ మరియు ప్లీహ రోగాలకు సులభ యోగాలు -

 *  50 గ్రా శనగలను  నీళ్లలో  వేసి ఉడకబెట్టి రుచికోసం కొద్దిగా ఉప్పు కలిపి రోజు ఉదయం పూటనే తినాలి . కొంత సమయం తరువాత నేతిలో వేయించిన 50 గ్రా శనగలని కొద్దిగా ఉప్పు చేర్చి తినాలి . ఈ ప్రకారంగా కనీసం 15 రోజుల పాటు చేయాలి . ఈ 15 రొజుల్లొ కారం అసలు ముట్టుకోకుడదు చప్పిడి ఆహారమే తినాలి . ఈ నియమం పాటిస్తే ఎంతోకాలం నుంచి పీడించే లివర్ సమస్యలు అయినా పరిష్కారం అయి లివర్ శుభ్రపడుతుంది.

 *  50 గ్రా వాము తీసుకుని బాగా చెరిగి శుభ్రం చేసి ఆ వాముని ఒక మట్టి మూకుడులో పోసి అది మునిగేంత వరకు కలబంద మట్టల లోని రసం పోయాలి. దీనిని ఒక రాత్రి నానబెట్టి ఒక పగలు ఎన్దించాలి . ఎండ ప్రభావానికి వాము కలబంద రసాన్ని పీల్చుకుంటుంది. తరువాత సాయంత్రం పూట మళ్లి కలబంద రసాన్ని పోసి రాత్రి నానబెట్టి తెల్లారి ఎండలో పెట్టాలి. ఇలా మూడు రోజులు చేసిన తరువాత కలబంద రసాన్ని గ్రహించిన వాముని తీసుకుని నిలువచేసుకోవాలి. రోజు ఉదయం , సాయంత్రం వేళల్లో పూటకు 3 గ్రా మోతాదుగా తింటూ అనుపానంగా కొంచం మంచి నీళ్లు తాగుతూ ఉంటే ప్లీహబివ్రుద్ధి ( కడుపులో పెరిగే బల్ల ) హరించి పొతుంది.

            దీనికి పుదినా పచ్చడి , గోధుమ రొట్టెలు , ముల్లంగి కూర తినాలి . సగం బోజనమే చేయాలి . అంటే కడుపు నిండా తినకుడదని అర్ధం . పప్పులు , దుంపలు , మినుములు , పచ్చిపాలు, వెన్న, నెయ్యి మొదలయిన ఆలస్యంగా జీర్ణం అయ్యే పదార్ధాలు తినకుడదు.

  *  రోజు ఉదయం , సాయంత్రం వేళల్లో తులసి ఆకుల రసం రెండు మూడు చెంచాలు తాగుతూ ఉంటే క్రమంగా కడుపులో బల్లలు కరిగిపోతాయి.

 *  వెంపలి చెట్లు ప్రతిచోటా పెరుగుతాయి. వెంపలి వేళ్ళు తెచ్చి కడిగి ఎండబెట్టి దంచి చూర్ణం చేసి నిలువ ఉంచుకుని రోజు 5 గ్రా మోతాదుగా ఆవు మజ్జిగ లో కలుపుకుని తాగుతూ ఉంటే కడుపులో బల్లలు కరిగిపోతాయి . ఆహారం ద్రవ పదార్ధంగా మాత్రమే తీసుకోవాలి . తెల్ల వెంపలి వేళ్ళు వాడటం శ్రేష్టం .

 *  రావిచెట్టు బెరడు తెచ్చి నీడలో ఎండబెట్టి కాల్చి బూడిద చేయాలి . దాన్ని జల్లెడ బట్టి నిలువ ఉంచుకొవాలి. దానిని రోజు ఉదయం పూట 2 గ్రా బూడిద ని అరటిపండు ముక్క మద్యలో పెట్టి తింటూ ఉంటే 40 రోజుల్లో లివర్, ప్లీహ సమస్యలు పరిష్కారం అవుతాయి.

 *  ఉత్తరేణి సమూలంగా పీకి తెచ్చి కడిగి చిన్నచిన్న ముక్కలు చేసి ఎండబెట్టి కాల్చి బూడిద చేయాలి . ఈ బుడిదని జల్లెడ పట్టి నిలువ ఉంచుకొవాలి. శోంటి ముక్కలని మంచి నీళ్లలో వేసి శొంటి కషాయం తయారు చేసి ఆ కషాయం 30 గ్రా మోతాదుగా తీసుకుని అందులో రెండు గ్రాముల ఉత్తరేణి భస్మాన్ని కలిపి రోజుకొక మోతాదుగా తాగుతూ ఉంటే మూడు వారాలలొ లివర్, ప్లీహ రోగాలు పొతాయి.

 *  కలబంద మట్టలు చీల్చి లొపల ఉండే గుజ్జు తీసి ఆ గుజ్జుని 10 గ్రా మోతాదుగా అందులో 3 గ్రా పసుపు కలిపి రోజు సేవిస్తూ ఉంటే ప్లీహభివృద్ధి తగ్గిపొతుంది.

 *  నాటు ఆవు యొక్క మూత్రం తెచ్చి గుడ్డలో వడపోసి 50 గ్రా మోతాదుగా తీసుకుని అందులొ చిటికెడు ఉప్పు కలిపి రోజు ప్రాతః కాలంలో తాగుతూ ఉంటే మూడు , నాలుగు వారాలలొ లివర్, ప్లీహ వ్యాదులు తగ్గిపోతాయి . జెర్సీ ఆవులు, పట్టణాలలో ప్లాస్టిక్ కవర్లు తినే ఆవులు మూత్రం పనిచేయదు . పొలాలొ తిరిగే నాటు ఆవులు మూత్రం పనిచేయదు . 

  లివర్ ఆరోగ్యంగా ఉండటానికి తీసుకోవల్సినవి -

  *  పచ్చి గుంటగలగర చిగురాకు తెచ్చి పచ్చడి నూరుకొని అన్నంలో కలుపుకుని వారానికి ఒకసారి తింటూ ఉంటే ఎప్పటికప్పుడు లివర్ శుభ్రపడుతూ ఎటువంటి అనారోగ్యానికి గురికాకుండా ఉంటుంది. అంతే కాకుండా వెంట్రుకలు తెల్లబడకుండా , కంటి చూపు తగ్గకుండా ఉంటుంది. అంతేకాక వెంట్రుకలు తెల్లబడకుండా కంటిచూపు తగ్గకుండా కూడా శరీరాన్ని సంరక్షిస్తుంది.

 *  పచ్చి గుంటగలగర ప్రతీసారి దొరకనివారు ఒకేసారి గుంటగలగర మొక్కలను సమూలంగా తెచ్చుకుని కడిగి నీడలో ఎండబెట్టి చూర్ణం చేసుకోని రోజు పూటకు 3 గ్రా మోతాదుగా ఆ చూర్ణాన్ని రెండు పూటలా మంచినీళ్ళతో సేవించవచ్చు.

 *  తమలపాకు లకు ఆముదం రాసి వేడి చేసి కట్టుకడుతూ ఉంటే లివర్ గట్టిపడటం తగ్గి యధాస్థితి వస్తుంది.

 *  నిమ్మపండ్ల రసం , టమాటో పండ్ల రసం , బొప్పాయి పండ్లు తరచుగా వాడుకుంటూ ఉంటే లివర్ , స్ప్లీన్ వ్యాదులు కలగకుండా ఉంటాయి.

 

 

    

పుట్టగానే శిశువు

 పుట్టిన శిశువు పాలు తాగకుండా ఉంటే  - 

       పుట్టగానే శిశువు పాలు తాగకుండా ఉంటే వెంటనే ఉసిరికబెరడు , కరక్కాయ బెరడు , సైంధవ లవణం సమంగా కలిపిన పొడిని ఒక చిటికెడు అనగా రెండు వ్రేళ్ళకు వచ్చినంత పొడి ఒక చుక్క తేనె రెండు చుక్కల నెయ్యి కలిపి నాలుకకు అంటిస్తే వెంటనే శిశువు పాలు తాగుతాడు .

 

మృష్టాన్నభోజనం

 మృష్టాన్నభోజనం

ఈరోజుల్లో టీవీలలో ఎన్నో వంటల కార్యక్రమాలు వస్తున్నాయి. ఆ కార్యక్రమాల్లో ఇచ్చే సూచనలను  సరిగ్గా అర్థం చేసుకుని వండితే, చివరగా తయారయ్యే పదార్ధం తినడానికి యోగ్యంగా ఉంటుందా? అది అనుమానమే.

కొత్త వంటకాలు ఏవీ లేకపోతె, సాధారణంగా చేసే మునక్కాయ సాంబారు లేదా బెండకాయ తాలింపు చేసే విధానాన్నే ఉపయోగించి కొత్త వంటలు చేస్తారు.

స్వామివారు పూర్వాశ్రమంలో ఎన్నడూ వంటింటికి వెళ్ళలేదు; సన్యసించిన తరువాత ఇక వెళ్ళాల్సిన అవసరం లేదు. కాని స్వామివారికి నలభీమపాకంలోని మెళకువలన్నీ తెలుసు. అంతేకాక కొత్త కొత్త వంటలు ఎలా చెయ్యాలో కూడా మంచి నేర్పు.

మేము పండరీపురం నుండి తిరిగొస్తున్నాము. అయిదారు చిన్ని గుడిసెలు ఉన్న ఒక కుగ్రామానికి చేరుకున్నాము. ఒక పెద్ద చెట్టు కింద మకాం ఏర్పాటుచేసుకున్నాము.

పరమాచార్య స్వామివారు భిక్ష పూర్తిచెయ్యగానే, మాకోసం కాస్త ఎక్కువగా వండిన పదార్థాలను ఆరగించి మా భోజనం కూడా పూర్తిచేశాము. అది మధ్యాహ్న విశ్రాంతి సమయం.

హఠాత్తుగా పెద్ద కోలాహలంతో ఇరవై మంది వ్యక్తులు వచ్చారు. వారందరూ చెన్నై ప్రాంతం వారు. శ్రీమఠం మకాం కాబట్టి శ్రీ చంద్రమౌళీశ్వర ప్రసాదంగా మంచి ఆహారం దొరుకుతునదన్న నమ్మకంతో అక్కడకు వచ్చారు.

కాని అప్పుడు శ్రీమఠం ఒక పెద్ద చెట్టు కింద మకాం చేసి ఉంది. వండడానికి కావాల్సిన సరుకులు, పాత్రలు కూడా లేవు. ఇటువంటి విషయాల గురించి మహాస్వామివారు ఎక్కువగా కలతచెందేవారు కాదు. ఆకలితో వచ్చిన వారి కడుపు నింపడమే స్వామివారి లక్ష్యం.

బ్రహ్మచారి రామకృష్ణన్ అని స్వామివారి ఆంతరంగిక సేవకుడు ఉండేవాడు. “అందరికి ఆహారం తయారుచెయ్యి” అని అతణ్ణి ఆదేశించారు స్వామివారు.

రామకృష్ణన్ చేతులు నలుపుతూ నిస్సహాయంగా నిలబడి, “మనం మన మకాం తరువాతి ఊరికి వెళ్ళినతరువాత వారికి వండి పెడతాను” అని తెలిపాడు.

ఇబ్బంది ఉందని పరమాచార్య స్వామివారు అర్థం చేసుకుని, “బియ్యం ఉందా?” అని అడిగారు.

“ఉంది; కాస్త పెసర పప్పు కూడా ఉంది”

“అయితే ఇంకేం! నువ్వు ఏం చేస్తావంటే, బియ్యాన్ని నానబెట్టి కడుగు, ఆ నీటిని మరొక పాత్రలో సేకరించు. డానికి కొద్దిగా ఉప్పు వేసి, నిమ్మకాయ పిండి, నారత్తై ఆకులను కత్తిరించి వెయ్యి. ఇది మజ్జిగ అవుతుంది.

పెసర పప్పుని ఎక్కువగా నీరు పోసి ఉడికించు. నీటిని పప్పును వేరుచేసి, ఆ వేడినీళ్ళకు నిమ్మకాయ వెయ్యి. ఇది రసం అవుతుంది.

ఇప్పుడు ఉడికించిన పెసర పప్పు ఉంది కదా! దానికి కాస్త ఉప్పు, కత్తిరించిన మిరపకాయలు వెయ్యి. అది తాళింపు అవుతుంది” అని ఆదేశించారు.

అరగంటలో మొత్తం సిద్ధం అయ్యింది. ఈలోగా మేము అతిథులకి భోజనానికి ఆకులు, నీరు సమకూర్చాము. మొత్తానికి షడ్రుచుల నాలుక కోసం అన్నం, పెసర పప్పు తాళింపు, రసం, మజ్జిగ తయారుచేసాము.

“ఇది మృష్టాన్న భోజనం” అన్నారొక అతిథి.

“దేవామృతం” అని మరొకరు చెప్పారు.

“ఇంతటి రుచికరమైన భోజనాన్ని ఇంతకుముందెన్నడూ తినలేదు” అన్నారు మూడవవారు.

ఆ మాటలను విని మాలో మేము నవ్వుకున్నాము. అది పరమాచార్య స్వామివారి వాక్కు వల్ల కలిగిన రుచి అని మాకు తెలుసు.

ఆతిథ్యం అన్నది పరమాచార్య స్వామివారిని చూసే నేర్చుకోవాలి. అది ఒక అక్షయ పాత్ర.

--- శ్రీమఠం బాలు. మహా పెరియవాళ్ - దరిశన అనుభవంగళ్ 4

అపార కరుణాసింధుం జ్ఞానదం శాంతరూపిణం

శ్రీ చంద్రశేఖర గురుం ప్రణమామి ముదావహం ।।

టెలిగ్రామ్ ఆప్ ద్వారా కంచి పరమాచార్య వైభవం పొందాలనుకునేవారు ఈ టెలిగ్రామ్ ఛానల్ కు సబ్స్క్రైబ్ అవ్వగలరు.

t.me/KPDSTrust

#KanchiParamacharyaVaibhavam #కంచిపరమాచార్యవైభవం

ఉత్కృష్టమైన మార్గం

 *ఉత్కృష్టమైన మార్గం*

"ఈ ప్రపంచంలో జీవించటానికి ఉత్కృష్టమైన మార్గమేది?" అని ఒక శిష్యుడు గురువుగారిని  అడిగితే దానికి ఆయన ఇలా జవాబు చెప్పారు "నీ విధ్యుక్త ధర్మాలన్నింటినీ నిర్వర్తించు, నీ మనసును మాత్రం ఆ భగవంతునిపైనే నిలకడగా ఉంచి సాధన చెయ్యి. నీ భార్యాబిడ్డలతో జీవనం సాగించు. వాళ్ళు నీకెంతో ప్రియాతి ప్రియమైన వాళ్ళుగానే వ్యవహరించు. నీ అంతరంగంలో మాత్రం వాళ్ళు నీకేమీ కానట్టు భావించు. 

ఒక ధనికుడి ఇంట్లో పని మనిషి అన్ని పనుల్నీ అంకిత భావంతో చేస్తుంది, ఆమె దృష్టి మాత్రం తన ఇంటిపైనే ఉంటుంది. తన యజమాని పిల్లలకు అన్ని సేవలూ చేస్తుంది. తన కన్న బిడ్డలన్నంత మమకారంతో వారిని సాకుతుంది. "నా బాబువి కదూ, నా తల్లివి కదూ" అని వాళ్ళను ప్రేమగా పిలుస్తూ తన చేత్తో అన్నం తినిపిస్తుంది. కాని ఆమెకు తెలుసు ఆ పిల్లలెవరూ తన వాళ్ళు కాదని.

తాబేలు నీళ్ళల్లో ఈదుకుంటూ పోతున్నా దాని మనస్సంతా గట్టు మీదే, తాను భద్రంగా అక్కడ దాచుకున్న గుడ్ల మీదే ఉంటుంది. అలాగే నీ ప్రాపంచిక కర్మలన్నీ నిర్విఘ్నంగా సాగనియ్యి. నీ మనసును మాత్రం ఆ భగవంతుడి పైనే లగ్నం చెయ్యి.

బాల్యంలోనే దైవారాధన అనే సదాచారం నీకు అలవడకపోతే సంపదలు, సౌకర్యాలు, సుఖాలు పోగేసుకునే వ్యామోహంలో పడి ఆ భగవంతుణ్ణి పూర్తిగా మరచిపోయే ప్రమాదం ఉంది. సర్వ సమర్థుడినన్న అహంకారం, ఆశించినవి అందటం లేదన్న దుఃఖం, అంతుపట్టని అసంతృప్తి నిన్ను పూర్తిగా ఆక్రమించుకుని అశాంతి పాలు చేసే విపత్తు పొంచి ఉంటుంది.

ప్రపంచం నీళ్ళ లాంటిది. మనస్సు పాల లాంటిది. పాలను నీళ్ళలో పోస్తే అదంతా కలిసి ఏకమవుతుంది. వెన్నని నీళ్ళల్లో వేస్తే అది తేలుతుంది. అలాగే, ఆధ్యాత్మిక శిక్షణకు ఏకాంత సాధన కావాలి. జ్ఞానమనే వెన్నను చిలికి తెచ్చుకోవాలి. ఒకసారి అది లభించాక ప్రపంచమనే నీటిలో ఉంచినా అది కలవదు.

*శుభంభూయాత్*