పంచాంగం

 

కూతురికి

  *కూతురికి…*

        *తండ్రి వ్రాసిన ఉత్తరం*

                 ➖➖➖

పెళ్లయిన_తర్వాత తొలిసారిగా తన తల్లి ఇంటికి వచ్చిన కుమార్తె రిసెప్షన్ వారం రోజుల పాటు సాగింది. 

కూతురికి నచ్చినదంతా వారం రోజులుగా చేసారు. అత్తగారి ఇంటికి తిరిగి వెళుతుండగా, తండ్రి ఆమెకు చాలా సువాసన గల అగరబత్తిని ఇచ్చి, “అమ్మా, మీ అత్తమామల ఇంట్లో పూజ చేసేటప్పుడు, ఈ ధూపం వేయాలి....” అన్నాడు. 

అందుకు ఆమె తల్లి మెల్లిగా

“కూతురు మొదటిసారి అత్తమామల ఇంటికి వెళుతోంది ఈసమయంలో ఎవరైనా అమ్మాయికి అగరుబత్తీలు ఇస్తారా?” అంది. 

అది విన్న ఆయన వెంటనే జేబులో చేయి వేసి జేబులో ఉన్న డబ్బు అంతా కూతురికి ఇచ్చాడు.

అత్తమామల ఇంటికి చేరుకోగానే అత్తగారు కోడలు బాగ్ అందుకొని “మీ పేరెంట్స్ నీకు ఏం ఇచ్చారు?” అని అడిగితే విశేషమేమీ కనిపించక అగరబత్తీల కట్ట వైపు చూసింది. కోపంతో అత్తగారు మొహం చాటేసి “రేపు పూజలో ఈ అగరబత్తిని పెట్టమని కోడలికి చెప్పింది...” 

ఉదయాన్నే కూతురు పూజకు కూర్చునేసరికి అగరబత్తుల మూట విప్పగా అందులోంచి ఓ ఉత్తరం బయటపడింది.

 అందులో ఇలా రాసి ఉంది...

 “అమ్మా! ఈ అగరబత్తి ఆటోమేటిక్‌గా కాలిపోతుంది, కానీ ఇది ఇంటిని సువాసనగా మారు స్తుంది. అంతే కాదు, ఇది మీ చుట్టూ ఉన్న వాతావరణాన్ని తన సువాసనతో ఉల్లాసంగా చేస్తుంది...!!

కొన్నిసార్లు నువ్వు నీ భర్తపై కోపం తెచ్చుకునే అవకాశం ఉంది లేదా కొన్నిసార్లు మీ అత్తగారితో మరియు మామగారిపై కోపం తెచ్చుకునే అవకాశం ఉంది. అప్పుడు నువ్వు ఎవరి మాట వినవలసి ఉంటుంది తెలుసా??  

నీ హృదయం ఆలోచన, ప్రవర్తన మారినట్లైతే నువ్వు ఆ బహుమతిని గుర్తుంచుకోవాలి -

అగరుబత్తీలను కావాలని కాల్చినా, పూజలో కాల్చినా, పడకగదిలో కాల్చినా అది సువాసననే ఇస్తుంది అలాగే నువ్వు స్వయంచాలకంగా తట్టుకుని, నీ ప్రవర్తన మరియు చర్యల ద్వారా అందరినీ సువాసన భరితంగా, ఉల్లాసంగా ఉంచాలి తప్ప గొడవలు పడకూడదు. “

అని తండ్రి చేతి వ్రాతతో ఉంది ఆ లెటర్ లో. 

ఈ ఉత్తరం చదివిన కూతురు ఏడవడం మొదలుపెట్టింది, అత్తగారు పరుగున వచ్చారు, కోడలు ఏడుస్తున్న పూజగదికి భర్త, మామ కూడా చేరుకున్నారు.

 "అరే, చెయ్యి కాలిందా?” - అడిగాడు భర్త

"ఏం జరిగిందో చెప్”పు - అన్నాడు మామగారు.

 చుట్టుపక్కల వస్తువులు ఏమైనా ఉన్నాయా అని అత్తగారు తనిఖీ చేయడం ప్రారంభించారు.

 తన తండ్రి అందమైన అక్షరాలతో రాసిన ఉత్తరాన్ని చూసి, ఆ ఉత్తరం చదవగానే, కోడలును కౌగిలించుకుని, ఆ ఉత్తరాన్ని మామగారికి ఇచ్చింది.

కళ్లద్దాలు పెట్టుకోకపోవడం వల్ల కొడుకుకు లెటర్ ఇచ్చి చదవమని...చెప్పాడు.

విషయం మొత్తం అర్థమయ్యేలోపే ఇల్లంతా ఉలిక్కిపడ్డట్టు అయ్యింది. 

అత్తగారు బిగ్గరగా చెప్పారు, “ఈ ఉత్తరం ఫ్రేమ్ చేయబడాలి, ఇది నా కోడలు అందుకున్న అత్యంత విలువైన బహుమతి, ఇది పూజా మందిరం వైపు ఫ్రేమ్ చేయబడి ఉండాలి..” అని...

ఆపై ఎప్పుడూ ఆ ఫ్రేమ్ తన ముత్యాల్లాంటి రాసిన మాటలతో ఇంటిని, చుట్టుపక్కల వాతావరణాన్ని దాని అర్థంతో పరిమళింపజేస్తూనే వుంది.  

 

 “మన కుమార్తెలు రెండు వంశాలను పరిమళింపజేయాలి, పుట్టినింటికి, అత్తగారింటికి పేరు తేవాలి .... అలా పేరు తెచ్చే స్త్రీ మూర్తులకు వందనం.

లేదంటే ఒంటరితనమే

  పెళ్లిని వ్యాపారంగా మార్చిన యువతా మేల్కోండి!  

 లేదంటే ఒంటరితనమే మీకు మీరు వేసుకునే శిక్ష అవుతుంది!!

``` ➖➖➖✍️

 *ఈ రోజుల్లో మూడు పదుల వయసు దాటిన యువతి యువకులకు పెళ్లి ఎందుకు కావడం లేదు?

 *ఎందుకు మూడు పదుల వయసు దాటినా ఏ ఒక్క సంబంధం కుదరడం లేదు?

దానికి కారణం దేవుడు కాదు!

జాతకం కాదు, సమాజం కాదు!!

మీ అత్యాశ, మీ అహంకారం, మీ వ్యాపార దృష్టి!!!

 *మొదట అబ్బాయిల సంగతి చూద్దాం రండి...

 *అబ్బాయిల కోరికల చిట్టా కాదు! కాదు పెళ్ళి అనే వ్యాపారంలో కోరుకునే లాభాల చిట్టా ..

అమ్మాయి అందంగా ఉండాలి

ఉద్యోగం చేయాలి, పెద్ద పెద్ద చదువులు చదివి ఉండాలి, లక్షలకు లక్షలు కట్నం తీసుకురావాలి, బంగారం, ఆస్తి కూడా ఉండాలి.

అంటే ఏమిటి?

అసలు మీకు భార్య కావాలా?

లేదా అందం + జీతం + కట్నం + ఆస్తి అనే ప్యాకేజీ కావాలా?

మీకు మీ జీవితాన్ని నడిపే శక్తి లేదా?

మీ అసమర్థతను, చేతగానితనాన్ని కప్పిపుచ్చుకోవడానికి

ఒక అమ్మాయి డబ్బు కావాలా?

 *ఇప్పుడు అమ్మాయిల సంగతి కూడా చెప్పాలి..

ఈరోజుల్లో అమ్మాయిలు ఏం తక్కువ కాదు రెండు ఆకులు ఎక్కువనే చదివారు అబ్బాయిలకంటే!

అబ్బాయి అందంగా ఉండాలి.

నెలకు లక్షరూపాయలు సంపాదించాలి, అత్తమామల దగ్గర ఉండకూడదు, పెళ్లైన వెంటనే వేరు కాపురం పెట్టాలి. పెద్ద పెద్ద ఆస్తులు ఉండాలి.

అంటే ఏమిటి?

మీకు భర్త కావాలా?

లేదా రెడి మేడ్ లైఫ్ ప్యాకేజ్ కావాలా?

ఇద్దరూ కలిసి పెళ్లిని..

బజార్‌లో అమ్మే సరుకులా మార్చేశారు. “ఇది సరిపోలేదు”

“అది ఇంకా బెటర్ వస్తుంది”

“ఇంకొంచెం ఆగితే మంచి మ్యాచ్ దొరుకుతుంది”

అంటూ వయసు పెరిగిపోతుంది.

సంబంధాలు తగ్గిపోతాయి.

చివరికి మిగిలేది ఒంటరితనం!

మూడు పదులు దాటాక అకస్మాత్తుగా బుద్ధి వస్తుంది:

 “అయ్యో… నేను చాలా ఎక్కువగా ఆశించానేమో”

 “అయ్యో… మంచి సంబంధాలు వదులుకున్నానేమో”

అప్పటికే ఆలస్యం. అప్పుడు చేసుకోవాలన్నా

మీకు ముందుకు వచ్చే వాళ్లు ఉండరు

మీరు మీ షరతులు తగ్గించుకున్నా అప్పుడు మిమ్మల్ని నమ్మే వాళ్లు, మిమ్మల్ని చేసుకునేవాళ్ళు ఎవరూ ఉండరు!

 “ఎందుకు ఇంత లేట్?” అనే ప్రశ్న మిగులుతుంది.

ఇదే జీవిత సత్యం!!

పెళ్లి అనేది జీతాల పోటీ కాదు!

అందాల ప్రదర్శన కాదు!!

ఆస్తుల లెక్క కాదు!!!

పెళ్లిఅనేది ఇద్దరూ కలిసి ఎదగడానికి, ఒకరిని ఒకరు అర్థం చేసుకోవడానికి జీవితాన్ని పంచుకోవడానికి..!

ఓ యువతా…

ఈరోజు మీకు ఉన్న ఎంపికలు

రేపు ఉండవు.

అత్యాశను ప్రేమ అనుకుంటే

చివరికి మిగిలేది పశ్చాత్తాపమే.

ఇప్పటికైనా గుర్తు పెట్టుకోండి:

పర్ఫెక్ట్ మనిషి ఉండడు!

పర్ఫెక్ట్ ప్యాకేజ్ అనేది మాయ!!

మంచి మనసు, అర్థం చేసుకునే గుణమే నిజమైన సంపద!!!

లేకపోతే మీరు పెళ్లిని వ్యాపారంగా చేసినందుకు జీవితం మిమ్మల్ని

ఒంటరిగా నిలబెడుతుంది.

గుర్తుపెట్టుకోండి..

మన అమ్మానాన్న ఎలా ఉన్నా మనకు నచ్చుతారు,

మన తోబుట్టువులు ఎంత అందవికారంగా ఉన్నా మనకి ఇబ్బంది అనిపించదు.

కానీ జీవిత భాగస్వామిని ఎంచుకునేటప్పుడు మాత్రం ఇంత అందంగా ఉండాలి, అంత లావుఉండాలి, ఇంత పొడుగు ఉండాలి, ఇంతే వయసు ఉండాలి 

ఇలా వంద క్వాలిఫికేషన్స్ చూస్తాం.

 ఇది చాలా తప్పండి..!

 

అమ్మా నాన్నలు మనకెందుకు అందంగా కనిపిస్తారంటే..  

అమ్మా నాన్నల మనసుని ప్రేమిస్తాం.

కానీ జీవిత భాగస్వాముల శరీరాన్ని ప్రేమిస్తాం. 

అందుకే అందం అందం అని ఎగబడుతున్నాం.

అందం శాశ్వతం కాదని గుర్తుపెట్టుకోండి..!

మంచి మనసున్న వారు ఏకంకండి ప్లీజ్!

అందం అందం అని పాకులాడితే,

ఆస్తి ఆస్తి అనే ఎగబడితే,

కట్నం కట్నం అని కోరికలు పెంచుకుంటూ పోతే 

శాలరీలనీ, ప్యాకేజీలని అత్యాశలకు పోతే ..

చివరికి మీ ముఖం చూసే మనిషికూడా ఉండడు!

మీ జీవితంలోకి వచ్చే జీవిత భాగస్వామి ఉండదు!

ఇది వార్నింగ్ అనుకోండి, సలహా అనుకోండి!

మీరేమనుకున్నా పెద్దవాడిగా నా సందేశం ఇదే..✍️```

. సర్వం శ్రీకృష్ణార్పణమస్తు

                    🌷🙏🌷```

 🙏లోకా సమస్తా సుఖినోభవన్తు!🙏

🍀🌺🍀🌺🍀🕉️🍀🌺🍀🌺🍀

రేపటి తరానికి బతుకు, భద్రతలతో పాటు భారతీయత కూడా నేర్పండి.

భగవంతుడు ఎవడు?

శ్రీరామ (111)

                             శుభోదయం.

🙏 శ్రీరామ జయరామ జయజయరామ 🙏 సర్వే జనాః సుఖినో భవన్తు 🙏

 భర్త్రహరి మహాయోగి ఇలా అంటున్నారు:

భగవంతుడు ఎవడు?

ఈ జనన, మరణములేమిటి ?

ఈ ఆకాశము, వాయువు, అగ్ని, జలము, భూమి, అనబడే పంచభూతములు ఎలా ఉద్భవించాయి ?

మొదలైనవి  విచారించి సత్యం తెలుసుకొనుటకు వచ్చిన మానవ జన్మను అందుకు వినియోగించకుండా, 

మానవుడు జంతువులాగా,

 ఆహారము, నిద్ర, మైధునము, భయము లతో కూడి, పునరపి జననం, పునరపి మరణం అయిన అంతులేని  ఈ సంసారంలో తలమునకలై పోతున్నాడు.

 శ్లో// రాత్రిస్సైవ పునస్స ఏవ దివసో మత్వా ముథా జన్తవో/

ధావన్త్యుద్యమిన స్తథైవ నిభృత ప్రారబ్ధ తత్తత్క్రియాః/

వ్యాపారైః పునరుక్త భుక్త విషయై రేవం విధేనా మునా/

సంసారేణ కదర్థితా వయమహో మోహాన్న లజ్జామహే// 

( భర్తృహరి )

( రాత్రి గడిచిపోయింది. మళ్లీవస్తోంది.

పగలు వెళ్లిపోయింది. మళ్లీవస్తోంది.

ప్రాణులందరు ఏదో కొంప మునిగి పోతున్నట్లు,  ఆ,యా పనులు ప్రారంభిస్తున్నారు.

 ఆ పనులను గురించి పరుగులు తీస్తున్నారు.

భుజించడము,నిద్రపోవడమువంటి చేసిన పనులే చెయ్యడం,అనుభవించినవే మరల,మరల అనుభవించడం చేస్తున్నారు.

ఆలోచనా శక్తితో కూడిన మానవజన్మను భగవంతుడు మనకు అనుగ్రహించినా "ఇదంతా ఏమిటి? ఎందుకు చేస్తున్నాము? " అనే ఆలోచనే లేకుండా సంసారంలో  పీడింప బడుతున్న మనకు, కనులముందే రోజు రోజుకు ఆయువు తరిగిపోవుచున్నది.

అయినా అజ్ఞానం అనే గాఢాంధకారంలో ఉన్నందువల్ల మనం ఏమాత్రమూ  "సిగ్గు" పడటం లేదు).

శుభమస్తు,

తూములూరి మధుసూదనరావు,

14-3-'26.

14-03-2026 శనివారం రాశి ఫలితాలు

 శ్రీ గురుభ్యోనమః 🙏

14-03-2026 శనివారం రాశి ఫలితాలు

మేషం

స్వల్ప అనారోగ్య సమస్యలు బాధిస్తాయి. వివాదాలకు దూరంగా ఉండటం మంచిది. వృత్తి వ్యాపారాల్లో ఊహించని అవరోధాలు కలుగుతాయి. ఉద్యోగస్తులకు అదనపు పనిభారం ఉంటుంది. నిరుద్యోగులు శ్రమ వృధాగా మిగులుతుంది. ఆర్థికంగా ఆశించిన ఫలితాలు ఉండవు.

---------------------------------------

వృషభం

చిన్ననాటి మిత్రులు ఆగమనం ఆనందం కలిగిస్తుంది. స్థిరస్తి వ్యవహారాలలో నూతన ఒప్పందాలు చేసుకుంటారు. వృత్తి వ్యాపారాలు లాభసాటిగా సాగుతాయి. ఉద్యోగస్తులకు జీతభత్యాల విషయంలో శుభవార్తలు అందుతాయి. జీవిత భాగస్వామితో దైవ దర్శనాలు చేసుకుంటారు.

---------------------------------------

మిధునం

ఉద్యోగాలలో మీ పనితీరుతో అందరిని ఆకట్టుకుంటారు. స్నేహితుల సహాయంతో రుణ సమస్యలు నుండి బయటపడతారు. సోదరులతో వివాదాలు పరిష్కారమౌతాయి. వృత్తి వ్యాపారాలలో అనుకూల వాతావరణం ఉంటుంది. నిరుద్యోగులకు నూతన అవకాశాలు అందుతాయి. 

---------------------------------------

కర్కాటకం

వృత్తి వ్యాపారాలు మరింత నిరుత్సాహ పరుస్తాయి. చేపట్టిన కార్యక్రమాలు మందకొడిగా సాగుతాయి. కుటుంబ వ్యవహారాలలో తొందరపాటు నిర్ణయాలు చెయ్యడం మంచిది కాదు. ఉద్యోగ వాతావరణం అంతగా అనుకూలించదు. సంతాన ఆరోగ్య విషయంలో జాగ్రత్త వహించాలి.

---------------------------------------

సింహం

నూతన ఋణ ప్రయత్నాలు చేస్తారు. సన్నిహితులతో మాటపట్టింపు తప్పవు. వృధా ఖర్చుల విషయంలో పునరాలోచన చెయ్యాలి. కుటుంబ సభ్యుల ప్రవర్తన ఆందోళన కలిగిస్తుంది. వృత్తి ఉద్యోగాలలో బాధ్యతలు పెరగటం వలన తగినంత విశ్రాంతి లభించదు. దైవ సేవా కార్యక్రమాలలో పాల్గొంటారు.

---------------------------------------

కన్య

అనుకున్న పనులు అనుకున్న విధంగా పూర్తి చేస్తారు. సమాజంలో గౌరవ మర్యాదాలు పెరుగుతాయి. ఆకస్మిక ధనలాభం కలుగుతుంది. వ్యాపారానికి నూతన పెట్టుబడులకు అందుతాయి. వృత్తి ఉద్యోగాలలో పని ఒత్తిడి నుండి ఉపశమనం లభిస్తుంది. చాలకాలంగా వేదిస్తున్న సమస్యలు నుండి బయట పడతారు.

---------------------------------------

తుల

నేత్ర అనారోగ్య సమస్యలు బాధిస్తాయి. ఇతరుల విషయాల్లో జోక్యం చేసుకోవడం మంచిది కాదు. గృహమున కొందరి ప్రవర్తన మానసిక అశాంతి కలిగిస్తుంది. వృత్తి వ్యాపారాలలో లాభాలు అందుకోవడానికి మరింత కష్టపడాలి. ఉద్యోగ విషయాల్లో అధికారూలతో జాగ్రత్తగా వ్యవహారించాలి.

---------------------------------------

వృశ్చికం

ఆదాయ మార్గలు సంతృప్తి కలిగిస్తాయి. ఇంట బయట అనుకూల వాతావరణం ఉంటుంది. కుటుంబ సభ్యుల సహకారంతో ముఖ్యమైన కార్యక్రమాలు పూర్తిచేస్తారు. వృత్తి వ్యాపారాలలో నూతన పెట్టుబడులు అందుతాయి. ఉద్యోగస్తులకు అదనపు బాధ్యతలు ఉన్నపటికీ సమర్థవంతంగా నిర్వహిస్తారు.

---------------------------------------

ధనస్సు

సోదరులతో స్ధిరాస్తి వివాదాలు చికాకు పరుస్తాయి. వృత్తి వ్యాపారాలు మరింత నిరుత్సాహ వాతావరణం ఉంటుంది. నిరుద్యోగులకు లభించిన అవకాశాలను సద్వినియోగం చేసుకోవాలి. ఆధ్యాత్మిక సేవా కార్యక్రమాలపై దృష్టి సారిస్తారు. వాహన ప్రయాణాలలో జాగ్రత్త వహించడం మంచిది.

---------------------------------------

మకరం

ముఖ్యమైన పనులలో అప్రయత్న కార్యసిద్ధి కలుగుతుంది. నూతన వాహన కొనుగోలు ప్రయత్నాలు ఫలిస్తాయి. వృత్తి వ్యాపారాలు పుంజుకుని మరింత ముందుకు సాగుతాయి. ధన వ్యవహారాలు ఆశజానాకంగా ఉంటాయి. ఉద్యోగస్తులకు అధికారుల అనుగ్రహంతో అనుకూల మార్పులు చోటుచేసుకుంటాయి.

---------------------------------------

కుంభం

నిరుద్యోగుల కలలు సాకరమౌతాయి. చిన్ననాటి మిత్రుల నుండి శుభకార్యాలు ఆహ్వానాలు అందుతాయి. భూ క్రయ విక్రయాలు అనుకూలంగా సాగుతాయి. వ్యాపారాలలో మరింత ఉత్సాహంగా పని చేసి లాభాలు అందుకుంటారు. చేపట్టిన పనులు అప్రయత్నంగా పూర్తవుతాయి.

---------------------------------------

మీనం

ముఖ్యమైన వ్యవహారాలు వాయిదా వెయ్యడం మంచిది. బంధు మిత్రులుతో అకారణ వివాదాలు కలుగుతాయి. నూతన వ్యాపారాలకు పెట్టుబడులు పెట్టె విషయంలో పునరాలోచన చెయ్యడం మంచిది. ఉద్యోగస్తులకు సహోద్యోగులతో మాటపట్టింపులు ఉంటాయి. వృధా ఖర్చులు పెరుగుతాయి.

---------------------------------------

చీకటిని (తమస్సును) పోగొట్టే

 దధానో భాస్వత్తా మమృతనిలయో లోహితవపుః,

వినమ్రాణాం సౌమ్యో గురురపి కవిత్వంచ కలయన్,

గతౌమందో గంగాధర మహిషి కామాక్షి భజతాం,

తమః కేతుర్మాతస్తవ చరణపద్మో విజయతే!!

భావము:

మూక శంకరుల 'పాదారవింద శతకం' నుండి ఇది ఎంతో అద్భుతమైన శ్లోకం.

కామాక్షి అమ్మవారి పాదాల గురించి ఆయన ఈ విధంగా వర్ణిస్తున్నారు:

భాస్వత్తా: సూర్యుడిలా (సూర్య గ్రహం) ప్రకాశవంతమైనవి.

అమృతనిలయః: చంద్రుడిలా (చంద్ర గ్రహం) చల్లని అమృతానికి నిలయాలు.

లోహితవపుః: పారాణి అలంకరణతో కుజుడిలా (మంగళ గ్రహం) ఎర్రని వర్ణం కలిగినవి.

సౌమ్యః: బుధుడిలా (బుధ గ్రహం) భక్తుల పట్ల ఎంతో సౌమ్యంగా, శాంతంగా ఉండేవి.

గురుః: బృహస్పతిలా (గురు గ్రహం) జ్ఞానాన్ని ప్రసాదించే గొప్ప గురువు వంటివి మరియు అనుగ్రహంతో నిండినవి.

కవిత్వంచ కలయన్: శుక్రుడిలా (శుక్ర గ్రహం/కవి) కవిత్వాన్ని, పాండిత్యాన్ని ప్రసాదించేవి.

గతౌ మందః: శనిలా (శని గ్రహం/మందుడు) ఎంతో మెల్లగా, గంభీరంగా, హంస నడకను కలిగినవి.

తమః కేతుః: రాహు-కేతువుల వలె (నీడ గ్రహాలు); ఇక్కడ అమ్మవారి పాదాల నీడ భక్తుల హృదయాల్లోని అజ్ఞానమనే చీకటిని (తమస్సును) పోగొట్టే ఒక విజయ ధ్వజం వంటిది.

అంతరార్థం

మన జాతక చక్రంలో గ్రహాలు మన కర్మను బట్టి శుభ ఫలితాలను లేదా అశుభ ఫలితాలను ఇవ్వవచ్చు. కానీ, ఈ నవగ్రహాల శక్తులన్నీ అమ్మవారి పాదాలలోనే నిక్షిప్తమై ఉన్నాయి. ఎవరైతే ఆ పాదపద్మాలను ఆశ్రయిస్తారో, వారి జీవితంలో నవగ్రహాల ప్రభావం సమన్వయం చేయబడి, సకల దోషాలు తొలగిపోతాయి.

పంచాంగం 14.03.2026

  ఈ రోజు పంచాంగం 14.03.2026 Saturday,

స్వస్తి శ్రీ చాన్ద్రమాన విశ్వావసు నామసంవత్సర: ఉత్తరాయణం శిశిర ఋతువు ఫాల్గున మాస కృష్ణ పక్ష దశమి తిథి స్థిర వాసర ఉత్తరాషాఢ నక్షత్రం వారియాన్ యోగః భద్ర తదుపరి బవ కరణం.

రాహుకాలం : పగలు 09:00 నుండి 10:30 వరకు.

 

యమగండం: మధ్యాహ్నం 01:30 నుండి 03:00 వరకు. 

  

శ్రాద్ధ తిథి: ఏకాదశి

 

నమస్కారః , శుభోదయం

వేద ఆశీర్వచనం

 *నమస్తే సదా వత్సలే మాతృ భూమే*

*కలియుగాబ్ది 5126*

*శ్రీ శాలివాహన శకం 1947 స్వస్తి శ్రీ చాంద్రమాన విశ్వావసు నామ సంవత్సరం ఉత్తరాయణము - శిశిర ఋతువు - ఫాల్గుణ మాసం - కృష్ణ పక్షం - దశమి / ఏకాదశి - ఉత్తరాషాఢ -‌‌ స్థిర వాసరే* (14.03.2026)

ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, ఈ 9440091234)* గారి నేటి వేద ఆశీర్వచనం.

 

.🙏🙏 

భవదీయుడు

దశిక ప్రభాకరశాస్త్రి 

9849795167

---------------------------------------------

*పిల్లలకి బతుకుతో పాటు భారతీయత కూడా నేర్పండి*