అద్భుత సంస్కృత పద్యం

 ఒక అద్భుత సంస్కృత పద్యం.

అశోక వృక్షం క్రింద వున్న సీత దగ్గరకు వచ్చిన రావణుడు రాముని నిందించడం ఆత్మస్తుతి చేసుకోవడం మొదటి మూడు పాదాల్లో వుంటుంది!

సీత “ఒరే మూర్ఖుడా! నీమాటలలో ఫలానా అక్షరాన్ని తీసేయ్!” అంటుంది. అంతే మొత్తం అర్థం మారిపోతుంది! రామనింద రామస్తుతిగా మారుతుంది! రావణుని ఆత్మస్తుతి స్వనిందగా మారుతుంది!

అద్భుతమైన ఈ శ్లోకాలను వ్రాసిన వారు కర్నూలు జిల్లా ఔకు గ్రామవాసి కీ.శే. బచ్చు సుబ్బరాయగుప్త!

ఆంధ్ర టీకా తాత్పర్యం వ్రాసిన వారు కర్నూలు వాసి అష్టావధాని కీ.శే. పుల్లాపంతుల వేంకట రామ శర్మ!

వాటిని అలాగే పెట్టడానికి ప్రయత్నిస్తా!

(పై వాక్యాలన్నీ శ్రీ కె. శేషఫణి శర్మ గారివి)

1 (_ల)

భూజాతేఽ లసమాన విగ్రహయుతః సీతేహ్యలర్కోపమః

భర్తా తే వికలస్వర స్వవదనో యుద్ధే చలశ్రీవృతః।

నిష్ణాతో లలనానురూప తను సంయుక్తో స్మ్యహం పాలనే

వాక్తే పాప! సదావిలేతి సుజనాః కే న బ్రువంతి క్షితౌ!

........ఉన్నది ఉన్నట్టుగా చూస్తే

రావణోక్తి: రామనింద

అలసమాన విగ్రహయుతః = ప్రకాశించని విగ్రహము కలవాడు

అలర్కోపమః = పిచ్చి కుక్కతో సమానుడు

వికలస్వర స్వవదనః = నోరెత్తి మాటలాడలేనివాడు

చల శ్రీవృతః = సంపద తొలగినవాడు

రావణ ఆత్మస్తుతి:

పాలనే నిష్ణాతః = పాలనా దక్షుడను

లలనానురూప సంయుక్తః = స్త్రీలకు మనోహర సౌందర్యము కలవాడను

సీత ప్రత్యుక్తి.....

అవిలా = ఎప్పుడునూ కలుషమైనది (రావణునిమాట) అని సామాన్యార్థం

విశేషార్థం....

అవిలా = లకార రహితమైనది

....ఇప్పుడు అన్నింటా లకారాన్ని తీసివేసి చూద్దాం...

అసమాన విగ్రహయుతః = సాటి లేని శరీరము కలవాడు

అర్కోపమః = సూర్య సమానుడు

వికస్వర స్వవదనః = ప్రకాశించు కంఠధ్వని కలవాడు

శ్రీవృతశ్చ = సంపద్యుక్తుడు

అని రామస్తుతిగా మారింది

ఇక ల తీసేస్తే రావణుడేమైనడో చూడండి

నానురూప తను సంయుక్తః = అనర్హ శరీర యుతుడను

పానే నిష్ణాతః = మద్య పాన నిరతుడను

అని రావణ ఆత్మస్తుతి ఆత్మనిందగా మారింది.

అద్భుతమైన ఈ శ్లోకాలను వ్రాసిన వారు కర్నూలు జిల్లా ఔకు గ్రామవాసి కీ.శే. బచ్చు సుబ్బరాయగుప్త గారు🙏🏻

ఇంతటి అద్భుతాలు చేసిన కవులున్నారు! అటువంటి వారికి శిరసా నమామి!🙏🏻

🚩🙏🏻👌🏻🙏🏻🚩

హనుమాన్ చాలీసా

 హనుమాన్ చాలీసా ఎప్పుడు వ్రాయబడిందో తెలుసా? 

ప్రతి ఒక్కరూ పవన్‌పుత్ర హనుమాన్ జీని ఆరాధిస్తారు మరియు హనుమాన్ చాలీసాను కూడా పఠిస్తారు, అయితే ఇది ఎప్పుడు వ్రాయబడింది, ఎక్కడ మరియు ఎలా ఉద్భవించిందో చాలా కొద్ది మందికి మాత్రమే తెలుసు.

విషయం 1600 AD నాటిది, ఈ కాలం అక్బర్ మరియు తులసీదాస్ జీ కాలంలో జరిగింది.

ఒకసారి తులసీదాస్ జీ మధురకు వెళుతుండగా, రాత్రి పొద్దుపోయేలోపు ఆగ్రాలో ఆగాడు, తులసీదాస్ జీ ఆగ్రాకు వచ్చారని ప్రజలకు తెలిసింది. ఇది విన్న జనం ఆయన దర్శనం కోసం ఎగబడ్డారు. అక్బర్ చక్రవర్తికి ఈ విషయం తెలియగానే, ఈ తులసీదాసు ఎవరు అని బీర్బల్‌ని అడిగాడు.

అప్పుడు బీర్బల్ చెప్పాడు, అతను రామచరిత్ మానస్ అనువదించాడు, ఇతను గొప్ప రామభక్తుడు, నేను కూడా అతనిని చూసి వచ్చాను. అక్బర్ కూడా ఆయన్ను చూడాలనే కోరికను వ్యక్తం చేస్తూ, నాకు కూడా ఆయన్ను చూడాలని ఉందని చెప్పాడు.

అక్బర్ చక్రవర్తి తన సైనికుల బృందాన్ని తులసీదాస్ జీ వద్దకు పంపి, మీరు ఎర్రకోటకు హాజరుకావాలని చక్రవర్తి సందేశాన్ని తులసీదాస్ జీకి తెలియజేశాడు. ఈ సందేశాన్ని విన్న తులసీదాస్ జీ నేను శ్రీరాముని భక్తుడిని, చక్రవర్తికి మరియు ఎర్రకోటతో నేను ఏమి చేయాలి అని చెప్పాడు మరియు ఎర్రకోటకు వెళ్లడానికి స్పష్టంగా నిరాకరించాడు. ఈ విషయం అక్బర్ చక్రవర్తికి చేరినప్పుడు, అతను చాలా బాధపడ్డాడు మరియు  కోపంతో ఎర్రబడ్డాడు, తులసీదాస్ జీని గొలుసులతో బంధించి ఎర్రకోట తీసుకురావాలని ఆదేశించాడు.

తులసీదాస్ జీ గొలుసులతో కట్టబడిన ఎర్రకోటకు చేరుకున్నప్పుడు, అక్బర్ మీరు ఆకర్షణీయమైన వ్యక్తిలా కనిపిస్తున్నారు, కొంచెం తేజస్సు చూపించండి అని చెప్పాడు. నేను శ్రీరాముడి భక్తుడిని మాత్రమేనని, మీకు ఎలాంటి చరిష్మా చూపించగల మాంత్రికుడిని కాను అని తులసీ దాస్ అన్నారు. అది విన్న అక్బర్ ఆగ్రహించి, వారిని గొలుసులతో కట్టి చెరసాలలో వేయమని ఆదేశించాడు.

రెండవ రోజు, లక్షలాది కోతులు ఏకకాలంలో ఆగ్రాలోని ఎర్రకోటపై దాడి చేసి మొత్తం కోటను నాశనం చేశాయి.

భయాందోళనలు కలిగాయి, అప్పుడు అక్బర్ బీర్బల్‌ని పిలిచి,  ఏమి జరుగుతోందని అడిగాడు, అప్పుడు బీర్బల్ అన్నాడు, హుజూర్, మీరు తేజస్సును చూడాలనుకున్నారు కదా, చూడండి. అక్బర్ వెంటనే తులసీదాస్ జీని చెరసాల నుండి బయటకు రప్పించాడు. మరియు గొలుసులు తెరవబడ్డాయి. తులసీదాస్ జీ బీర్బల్‌తో మాట్లాడుతూ నేను నేరం లేకుండా శిక్షించబడ్డాను.

నేను చెరసాలలో ఉన్న శ్రీరాముడు మరియు హనుమంతుడిని గుర్తుచేసుకున్నాను, నేను ఏడుస్తున్నాను. మరియు ఏడుస్తూ, నా చేతులు వాటంతటవే ఏదో రాసుకుంటున్నాయి. ఈ 40 చౌపాయ్‌లు హనుమాన్ జీ స్ఫూర్తితో వ్రాయబడ్డాయి.

జైలు నుంచి విడుదలైన తర్వాత తులసీదాస్ జీ మాట్లాడుతూ, నన్ను జైలు కష్టాల నుంచి గట్టెక్కించి హనుమంతుడు ఎలా సహాయం చేశారో, అదే విధంగా, ఎవరు కష్టాల్లో ఉన్నా, కష్టాల్లో ఉన్నారో, ఇలా పారాయణం చేసినా అతని బాధలు, కష్టాలు అన్నీ తీరిపోతాయి. దీనిని హనుమాన్ చాలీసా అని పిలుస్తారు.

అక్బర్ చాలా సిగ్గుపడ్డాడు మరియు తులసీదాస్ జీకి క్షమాపణలు చెప్పాడు మరియు అతనిని పూర్తి గౌరవం మరియు పూర్తి రక్షణతో,  మధురకు పంపాడు.

ఈరోజు అందరూ హనుమాన్ చాలీసా పారాయణం చేస్తున్నారు. మరియు హనుమంతుని దయ వారందరిపై ఉంది.

మరియు అందరి కష్టాలు తొలగిపోతాయి. అందుకే హనుమాన్ జీని "సంకట్ మోచన్" అని కూడా అంటారు.

అభివృద్ధి ఒక జీవన విధానం.

 దీరూబాయ్ అంబానీ మరణించిన తర్వాత.... కుటుంబ ఆస్తి ని, నాలుగు వాటాలుగా పంచారు. 10 శాతం భార్యకి,10 శాతం కూతురికి, 40 శాతం పెద్దకొడుకు ముఖేష్ అంబానీకి, 40 శాతం చిన్న కొడుకు అనిల్ అంబానీ కి.

పదేళ్ల తర్వాత చూస్తే..... అన్నదమ్ములు ఇద్దరి మధ్య, ఆస్తిలో తేడా.....సుమారు లక్ష కోట్లు. అగ్రస్థానంలో ముకేశ్ అంబానీ ఉంటే, అప్పుల ఊబిలో అనిల్ అంబానీ.

ఒక కుటుంబంలో పెరిగిన ఇద్దరు వ్యక్తులు,

ఓకే వాతావరణం లో

పెరిగిన ఇద్దరు వ్యక్తులు,

ఒకే రకమైన అవకాశాలను పొందిన ఇద్దరు వ్యక్తులు,

సమాన సంపదతో వ్యాపారాలు ప్రారంభించిన ఇతర వ్యక్తులు......

పది సంవత్సరాల్లో...

లక్ష కోట్ల.... తేడా....

ఇలాంటి వేలాది ఉదాహరణలు.... మన బంధువుల్లో, మన ఊర్లో, మన స్నేహితుల్లో  కూడా చూడవచ్చు.

నేను 26 సంవత్సరాలుగా సివిల్ సర్వీస్ అభ్యర్థులకు Public Administration అనే సబ్జెక్టు బోధిస్తున్నాను.

15 సంవత్సరాల క్రితం ఇదే సబ్జెక్టు మీద ఒక పుస్తకం కూడా రాశాను.

సిలబస్లో భాగంగా DEVELOPMENT ADMINISTRATION అనే చాప్టర్ కూడా చెబుతాను.

ఇందులో నాకు బాగా నచ్చిన అంశం ఏంటంటే.....Development is a Culture అనే అద్భుతమైన విషయం. అంటే అభివృద్ధి అనేది ఒక జీవన విధానం.

ఒక కుటుంబంలో ఇద్దరు, ముగ్గురు ఉద్యోగం చేస్తున్నా... ఎప్పుడు చూసినా ఇబ్బందుల్లో ఉండేవాళ్ళని కొంతమందిని చూస్తాం.

కుటుంబంలో ఒకరే ఉద్యోగం చేస్తున్నా... ఎప్పుడూ నిండుకుండలా ఉండే, మరికొన్ని కుటుంబాలను చూస్తాం.

తేడా ఏంటి?

కొంతమంది ఎంత సంపాదించినా... ఎందుకు ఎదగలేక పోతున్నారు?

కొన్ని వర్గాలకు ప్రభుత్వాలు ఎంత ప్రోత్సహించినా... ఎందుకు ఎదగలేక పోతున్నారు?

కొంత మందికి తండ్రి దండ్రులు అన్నీ సమకూర్చినా... ఎందుకు ముందుకు వెళ్ళలేక పోతున్నారు?

ఈ అంశాన్ని.... పరిశీలిస్తే అర్థమవుతుంది..... Development is a Culture..... అభివృద్ధి ఒక జీవన విధానం.

భారతీయ సమాజంలో.... కొన్ని కులాలు, ఆర్థికాభివృద్ధిలో ఇతరుల కన్నా ఎక్కువ అభివృద్ధి చెందడానికి... ఒక ప్రధాన కారణం...Development Orientation (అభివృద్ధి దృక్పథం) ఉండటం. 

అది ఉన్న వాళ్ళు, వచ్చిన ప్రతి అవకాశాన్ని నిర్మాణాత్మకంగా ఉపయోగించుకుంటారు. అవకాశాలు లేకపోతే సృష్టించు కుంటారు. ఏదో విధంగా ముందుకు దూసుకుపోతారు.

నేను కూడా ధీరు బాయ్ అంబానీ కొడుకుని అయితే, ముకేశ్ అంబానీ లా సంపాదించే వాడిని అని చెబుతారు చాలామంది. కానీ ధీరుబాయ్ అంబానీ తండ్రి సామాన్యుడు అన్న విషయం గుర్తించరు.

నాకు తెలిసిన ఒక మాజీ మంత్రి... ఫుల్ బాటిల్ మద్యం తాగి కూడా, చాలా సాధారణంగా ఇంటికి వెళ్లిపోయే వాడు. 

 నాలుగు పెగ్గులు తాగి... చేసే పనిని, డబ్బుని, ఆరోగ్యాన్ని, కుటుంబ జీవితాన్ని... నాశనం చేసుకున్న మరి కొంతమంది కూడా నాకు తెలుసు.

అంటే ఒక చెడు

అలవాటును కూడా..... నియంత్రించే  కొంతమంది... జీవితంలో ఎదుగుతూనే ఉంటే.......

ఆ బలహీనతను నియంత్రించలేని.... ఎంతోమంది..... రోడ్డున పడుతున్నారు.

అందుకే.......Development is a Culture.

మనలో చాలామందికి ఒక మానసిక జబ్బు ఉంది.

ఎవడైనా ముందుకు పోతుంటే.......

అతని కష్టాన్ని, అతని వ్యక్తిత్వం లోని మంచి లక్షణాలను చూడకుండా.....

తల్లిదండ్రులు

ఇచ్చిన ఆస్తిని,

పెళ్లి లో వచ్చిన కట్నాన్ని, అదే  రంగం లో ఉన్న బంధువులను, అన్నిటికీ మించి.... అతని కులాన్ని చూసి.....

*వాడికి అన్నీ కలిసొచ్చాయి* అని తీర్పు చెప్తారు.

పాపం కోట్ల రూపాయలు ఖర్చు పెట్టి......*డబ్బులు ఎవరికి ఊరికే రావు* అని లలిత జ్యువెలర్స్ ..... గుండాయన ఎంత చెప్పినా.... ఎవరు సీరియస్ గా తీసుకోరు.

ఈ అంశం మీద చాలా చెప్పాలని ఉంది.

కానీ  ఒక్క మాటతో ముగిస్తా....

ముందుకెళ్లాలన్న కసి....

కఠోర శ్రమ...

క్రమశిక్షణ...

ఎన్నో విషయాల్లో త్యాగాలు... లేకుండా.....

ఒక వ్యక్తి కానీ....

ఒక కుటుంబం కానీ....

ఒక కులం గాని....

అభివృద్ధి చెందినట్టు చరిత్రలో లేదు.............

మూడవ వంతు నీకిస్తాము,

 ఒకసారి అరుణాచల ఆలయ ప్రాంగణం లో ఇద్దరు పిల్లలు ఆడుకుంటుండగా వారి దృష్టి అరుణాచలుని సన్నిధి లోని హుండీపై పడింది.

ఆ పిల్ల లిద్దరు హుండీ లోని పైసల్ని ఎవరూ లేనపుడు సన్నని రేకుతో లాగి తీయటం ప్రారంభించారు.

అందులో ఒకడు " ఒరేయ్ ఎవరన్నా చూస్తున్నారేమో - చూడరా అన్నాడు ఇంకొకడితో.

రెండవవాడు చుట్టూ చూసి.... అరుణాచలుడు ఇంతేసి గుడ్లు ఏసుకొని చూస్తున్నాడురా అన్నాడు.

ఇద్దరు అరుణాచలుని కి ఎదురుగా నిలబడి మా దొంగ తనం బయట పడకుండా చూచే బాధ్యత నీదే, అందుకు పటిక బెల్లం లో మూడవ వంతు నీకిస్తాము, ముగ్గురం సమానంగా తీసుకుందాం, ఇది మన ఓడంబడిక ( అగ్రిమెంట్ ) అన్నారు.

ఇలా ప్రతీ రోజు పటిక బెల్లం అరుణాచలునికి పెడుతున్నారు, ఆశ్చర్యం గా శివుని ముందు పెడుతున్న పటిక బెల్లం  మాయమవుతోంది.

ఒకరోజు ఆలయ పూజారి ఇద్దరు దొంగల్ని పట్టుకొని ఆలయ అధికారి కి అప్పగించాడు, వీళ్లిద్దరు ఎనిమిదేళ్ల  పసి కాయలు, వీళ్ళను ఎలా శిక్షించాలి అని, అరేయ్ పిల్లలు మీరు ఇద్దరు అంతరాలయం లో 108 ప్రదక్షిణలు చేయండి అని, ఇదే మీకు శిక్ష అన్నాడు.

పిల్లలు ఇద్దరు ప్రదక్షిణాలు చేయడం ప్రారంభించారు, ఆలయ పూజారి, అధికారి దూరంగా కూర్చొని పిల్లల ప్రదక్షిణాలు చూస్తున్నారు వినోదంగా. ఇంతలో పూజారి , అధికారి ఒక్కసారిగా తుళ్లిపడ్డారు, పరిశీలించి పిల్లల్ని మరోకసారి  చూసారు, ఆ ఇద్దరి పిల్లతో పాటు, మూడవ పిల్లవాడు ప్రదక్షిణ చేయడం చూసారు, మూడవ పిల్లవాడు మెరిసిపోతున్నాడు మళ్ళీ మాయమవుతున్నాడు మాటిమాటికీ. ఇది గమనించి అధికారి మెల్లగా పిల్లల్ని సమీపించి మూడవ పిల్లవాడిని  గట్టిగా వాటేసుకున్నాడు.

అద్భుతం!!

మూడవ పిల్లవాడు కాంతిరేఖ గా మారి, గర్భాలయం లోకి వెళ్లి మాయమై పోయాడు.

అరుణాచలేశ్వరుడు దొంగ పటిక బెల్లం మూడవ వంతు తిన్నాడు కదా, అందుకని పరమేశ్వరుడు వారితో ప్రదక్షిణ చేస్తున్నాడన్నమాట.

ఆ అధికారి పిల్లల్ని బుజ్జగిస్తూ "  అసలేం జరిగింది " అని అడిగాడు. పిల్లలు అరుణాచళలేశ్వరుని వాటా గురించి చెప్పారు. అది విని వారు ఆశ్చర్యం, ఆనందం లో మునిగిపోయారు.

సాక్షాత్తు అరుణాచలేశ్వరుడు కూడా వారితో వాటా పంచు కున్నందుకు శిక్ష అనుభవించాడన్నమాట. ఆలయం లో సాక్షాత్తు అరుణాచలేశ్వరుడు ఉన్నాడు అంటానికి ఇంతకన్నా సాక్ష్యం ఏం కావాలి ??.

నిష్కల్మష  ప్రేమకు, నిర్మల  భక్తి కి అరుణాచలేశ్వరుడు ఎపుడూ బందియే !! అరుణాచలుడు  కాంతి రూపం లో ఉంటాడని, అది అగ్ని లింగం అని శాస్త్రవచనం. ఆ పరిసర ప్రాంతాలలో  మరియు కొండపై అరుణాచలుడు కాంతి రూపం లో, కాంతి స్తంభం ( beam of light ) రూపం లో భక్తులని అనుగ్రహించిన సంఘటనలు అనేకం .

 అరుణాచల శివ🙏

ఆహారం వల్ల బలం

 శ్లోకం:☝

*అన్నమూలం బలం పుంసాం*

    *బలమూలం హి జీవనం |*

*తస్మాద్యత్నేన సంరక్షేత్*

    *బలం చ కుశలో భిషక్ ||*

భావం: మనిషికి ఆహారం వల్ల బలం, బలం వల్ల జీవనం సాగుతుంది కనుక , అనుభవజ్ఞుడైన వైద్యుడు రోగి యొక్క బలం క్షీణించకుండా వైద్యం చేసి కాపాడుతాడు.

భిషక్ = వైద్యుడు

భేషజం = మందు ; ఆడంబరము ; గొప్ప

వెలుగు

 వెలుగు...

చీకటి కమ్మిన కుల,మతం

చీలిక పీలిక సమాజ వస్త్రం

చీల్చేస్తున్న వర్గ పోరాటం

చీడ పురుగుల విన్యాసం.

మనిషికో రంగు విషమ్యం

మనిషిని విడదీసిన వైనం

మానవత్వం మంట కలిసే

మానవుడాడే వర్గ నాటకం.

అశ్పృశ్యతకు ఆనవాలు

అక్కడక్కడ అవే దృశ్యాలు

ప్రపంచమంత అదే తీరు

నలుపు,తెలుపు వర్ణాలు.

మనిషి మనిషికి మధ్య తారతమ్యం

భిన్న జాతులుగా విడదీసిన తతంగం

సమాజ స్థితిగతులలో

కానవస్తున్న వికృత లీల.

అంతరించని కుల,మతరక్కసి

వీడదీసే అంతరాల జాడ్యం

మనిషిని మనిషిగా చూడక...

ఎందరో మహానుభావులు అంతరాలు పోవాలని

మానవత్వానికి పట్టం

కట్టాలని...

నవ ప్రపంచం నిర్మించాలని

సమ సమాజం ఏర్పడాలని

అంతరాలు లేని లోకం ఉండాలని..

ఆ కోవలో లోకానికి మార్గదర్శనం చేసిన మహనీయుడు

డా.బి.ఆర్.అంబేద్కర్.

అంబేద్కర్ చూపిన దారిలో 

ప్రపంచం పయనించాలని కోరుకుంటూ...

సమత,మమతలతో మానవ జాతివివక్ష తొలగాలి...

మానవత్వమనే 

వెలుగు జ్యోతి ప్రకాశించాలి.

అశోక్ చక్రవర్తి.నీలకంఠం.

9391456575.