22, జులై 2021, గురువారం

*శ్రీ కంచి పరమాచార్య వైభవమ్ - 292*

 *శ్రీ కంచి పరమాచార్య వైభవమ్ - 292*

🙏🌻🌻🌻🌻🌹🌹🌻🌻🌻🌻🙏


 *ఎక్కడ నేర్చుకున్నావు?* 


ఇది 1956-57లలో జరిగిన సంఘటన. కంచి పరమాచార్య స్వామి వారు మద్రాసు మైలాపూరులోని సంస్కృత కళాశాలలో మకాం చేస్తున్నారు. 


ఒక సాయింత్రం పరమాచార్య స్వామి వారు ఒక పెద్ద సభలో ప్రసంగించవలసి ఉంది. ఆ సభలో రాజాజీ లాంటి ప్రముఖులు కూడా ఉన్నారు. స్వామివారు ఏ విషయం గురించి మాట్లాడాలా అని ఆలోచనలో ఉన్నారు. వెంటనే వేదిక పక్కన నిలబడి ఉన్న ప్రొ. శంకరనారాయణ అయ్యర్ ని పిలిచి ఒక సంస్కృత శ్లోకంలో రెండు పాదాలు చెప్పి, మిగిలిన శ్లోకం ఏమైనా గుర్తున్నదా అని అడిగారు. ఆయన తన అజ్ఞానాన్ని మన్నించమని అడిగి తెలియదని చెప్పి వేదిక దిగి వచ్చేసారు. 


ఈ సంభాషణ అంతా మైక్ ముందు జరగడం వల్ల సభికులందరికి దీని గురించి తెలిసింది. ఈ వ్యాసం వ్రాసిన డా. సి.ఆర్. స్వామినాథన్ కూడా ఆ శ్లోకం పాదాలు విన్నారు. ఆయనకు ఈ శ్లోకం పూర్తిగా వచ్చు కాబట్టి, వెంటనే శంకరనారాయణ అయ్యర్ దగ్గరికి వెళ్ళి మిగిలిన రెండు పాదాలు చెప్పారు. 


అయ్యర్ గారు మరలా వేదికపైకి వెళ్ళి మహాస్వామి వారి ముందు ఆ శ్లోకాన్ని చెప్పారు. 


స్వామివారు ఆయనతో, “నీకు ఈ శ్లోకం తెలియదన్నావు. మరి ఇప్పుడు ఎలా చెప్పగలుగుతున్నవు?” అని అడిగారు.


“సభికులలో ఒకరు గుర్తుతెచ్చుకుని నాకు చెప్పారు పెరియవ” అని బదులిచ్చారు.


మహాస్వామివారు అతని గురించిన వివరాలు కనుక్కొని, డా. స్వామినాథన్ ను వేదిక పైకి పిలవాల్సిందిగా అయ్యర్ గారికి చెప్పారు. ఆయన వేదిక పైకి రాగానే, అతని పేరు, వృత్తి మొదలైన వివరములు అడిగి, “ఎక్కడ చదివావు?” అని అడిగారు.


అతని విద్యా సంబంధమైన విషయములు అడుగుతున్నారు అనుకుని స్వామినాథన్ మద్రాసు ప్రెసిడెన్సి కాలేజిలో అని చెప్పారు. అందుకు స్వామివారు ”అది కాదు. ఈ శ్లోకం ఎక్కడ నేర్చుకున్నావు?” అని అడిగారు.


తన చిన్నతనంలో తన తాత వద్ద ఈ శ్లోకం నేర్చుకున్నానని స్వామినాథన్ బదులిచ్చారు. మహాస్వామి వారు స్వామినాథన్ స్వస్థలం, వారి తాతగారి పేరు, వారి కుటుంబ వివరాలు అన్నీ అడిగి తెలుసుకున్నారు. ఈ మొత్తం సంభాషణ అంతా మైకు ముందు జరగడం వల్ల అక్కడున్నవారు మొత్తం విన్నారు. 


ఆ శ్లోకం ఇదే: 


*అర్థాతురాణాం న గురుర్ న బంధుః*

*క్షుధాతురాణాం న రుచికి న పక్వం*

*విద్యాతురాణాం న సుఖం న నిద్ర*

*కామాతురాణాం న భయం న లజ్జ*


ధనార్జన చేయువానికి గురువులు, బంధువులు అన్నది ఉండదు. ఆకలిగొన్నవాడికి రుచి, పక్వం పట్టింపు ఉండదు. నేర్చుకోవాలి (చదువుకోవాలి) అన్న ధృతి ఉన్నవాడికి నిద్ర, సుఖము తెలియదు. కోరికలతో సతమతమయ్యేవాడికి భయము, సిగ్గు ఉండవు. 


తరువాత పరమాచార్య స్వామివారి అనుగ్రహ భాషణంలో కేనోపనిషత్తు గురించి చెబుతూ, పార్వతీ దేవి గురు స్వరూపిణియై దేవతలకు పరబ్రహ్మం గురించి ఎలా విశదపరచిందో చెప్పారు. ఉపన్యాసం ముగిస్తూ చివర్లో ఇలా అన్నారు. 


”ఉపన్యాసం మొదలుపెట్టక ముందు ఒక వ్యక్తిని వేదికపైకి పిలిచి నేను సగం చెప్పిన ఈ సుభాషితాన్ని ఎక్కడ నేర్చుకున్నావు అని అడిగాను. అతను ఎవరో నాకు తెలుసు. కాని ఎందుకు పిలిచి మరీ అడిగాను అంటే ఇక్కడున్న మీకందరికి తెలియాలి అది ఏదో పాఠశాలలోనో, కళాశాలలోనో నేర్చుకున్నది కాదు. బాల్యంలో అతని తాత వద్ద నేర్చుకున్నది. పిల్లలకు మంచి విషయాలు, విలువలు ఇంట్లోని పెద్దల ద్వారానే సమకూరుతాయి తప్ప ఆధునిక పాఠశాలలోనో, కళాశాలలోనో కాదు”


ఇంకా స్వామినాథన్ చివరలో ఇలా వ్రాసారు: 


నాలాంటి అల్పుడు, సిగ్గు, భయం కలవాడిని కొన్ని వేలమంది సభికులున్న వేదికపైకి పిలిచి పరమాచార్య స్వామివారు అందరికి ఏమి చెప్పలనుకుంటున్నారు అంటే 


> పాఠశాల విద్యార్థులకి చదువుతో పాటు సంస్కారము, విలువలు నేర్పడం పెద్దలు (నాన్నమ్మలు తాతయ్యలు) ఉన్న ఒక ఉమ్మడి కుటుంబం వల్ల మాత్రమే సాధ్యం. 


> పెద్దలు కూడా వారి విలువైన సమయాన్ని పిల్లలకు మంచి విషయాలు మంచి కథలు చెప్తూ గడపవచ్చు. 


> ఆ వయసులో నేర్చుకున్న విషయాలు వారి జ్ఞాపకాల పొరలలో పదిలంగా ఉండి వారిని ఉన్నత వ్యక్తులుగా తీర్చిదిద్దుతాయి. 


--- డా. సి.ఆర్. స్వామినాథన్, భారత ప్రభుత్వ మాజీ సహాయ విద్యా సలహాదారు.



*అపార కరుణాసింధుం జ్ఞానదం శాంతరూపిణం*

*శ్రీ చంద్రశేఖర గురుం ప్రణమామి ముదావహం ।।*

🙏🌻🌻🌻🌻🌹🌹🌻🌻🌻🌻🙏



*💠 సేకరణ : హైందవ పరిషత్ చారిటబుల్ ట్రస్ట్*


*🚩 హైందవ పరిషత్ చారిటబుల్ ట్రస్ట్ సమూహంలో సభ్యులుగా చేరటానికి, మరిన్ని హైందవ సంస్కృతీ సాంప్రదాయాలు, హిందూ ధర్మం యొక్క సమాచారం, రోజువారి పంచాంగం - రాశి ఫలాలు తెలుసుకోవడానికి మరియు మరింత భక్తి సమాచారం పొందటానికి 9908949429 నెంబరుకు వాట్సాప్ లో 'ఓం' అని సందేశం పంపండి. వివరాలకు 9000905270 నెంబరును సంప్రదించండి*


*🪔 హైందవ పరిషత్ చారిటబుల్ ట్రస్ట్ ద్వారా మా ఆధ్వర్యం నందు మీ యొక్క వివాహాది శుభకార్యాలకు, గ్రహ శాంతులకు, పుట్టిన రోజు వేడుకలకు, సంబంధిత పండుగలకు మీ కోరిక మేరకు పూజలు శాస్త్రోక్తంగా నిర్వహించబడును.*


*🙏🏻 దయచేసి సహృదయులు అందరూ కూడా తమ విరాళాలను (ట్రస్ట్ అభివృద్ధి కొరకు, పేదలకు చేయూత కొరకు, హిందూ ధర్మ సంరక్షణ కొరకు) ఇవ్వదలచిన వారు*


*UNION BANK*

*HAINDAVA PARISHAT CHARITABLE TRUST*

*A/C NO : 032311010000001*

*IFSC CODE : UBIN0803235*

*KAKARAPARRU*


*✅ పై చిరునామాకు మీ అమూల్యమైన ఆర్థిక వితరణ అందచేసి ఆ వివరాలతో పాటు మీ పేరు, మీ ఊరు పేరును 9160337196 నెంబరుకు వాట్సాప్ చేయగోరుచున్నాము.*

తల్లి దండ్రులు- పిల్లల భాద్యత

తల్లి దండ్రులు- పిల్లల భాద్యత 

తల్లిదండ్రులు ప్రతివారికి కనిపించే దేముళ్ళు.  ఆ దేముడికి అపకారం చేసినా దేముడు క్షమిస్తాడు కానీ తల్లిని కానీ, తండ్రిని కానీ లేక కుటుంబంలోని యితర పెద్ద వారిని అంటే తాతగారు, నయనమ్మగారు వున్న వారి పట్ల చులకన భావన కలిగి ఉండటం.  వారిని నిర్లక్షయం చేసిన పూర్వము రాజులు కఠినంగా శిక్షించే వారు.  ఇప్పుడు రాజులు లేరు.  ప్రజా నాయకులు వారే ధర్మాన్ని ఆచరించటం లేదు ఇక అటువంటి అధర్మ పరులకు శిక్షలు వేయటం లేదు.  కానీ భగవంతుని దృష్టిలో తల్లిదండ్రుల విషయంలో నిర్లక్షము చేసిన వారు ఈ లోకములో మాత్రమే కాక పరలోకములో కూడా అంటే నరకములో కూడా శిక్షింపబడతారు. 

మన హిందూ ధర్మంలో ముందుగా మాతృ దేవోభవ, పితృ దేవోభవ, ఆచార్య దేవోభవ అతిధి దెవొ భావ అనే మనకు మన పెద్దలను దైవస్వరూపులుగా భావిస్తూ వారిని సేవించాలని మన ధర్మం చెపుతున్నది. ఇప్పుడు పాశ్చాచ్య నాగరికతకు అలవడి తల్లిదండ్రుల సొమ్ము మీద మాత్రమే శ్రర్ధ చూపిస్తూ వారిని పూర్తిగా నిర్లక్ష్యం చేస్తున్నారు. మనం రోజు ఎన్నో వార్తలు చూస్తున్నాము.  విదేశీ వ్యామోహంతో తల్లిదండ్రులను వదిలి వారి యోగక్షేమం పట్టించుకోని వారు కొందరైతే, భార్యల మాటలకు తలవొగ్గి తల్లిదండ్రులను నిర్ధాక్షిణ్యంగా ఇంట్లోంచి వెళ్లగొట్టె వారు కొందరు తయారౌతున్నారు. తల్లిదండ్రులు ఆస్తి పాస్తులు ఉంటే ఏ వృధాశ్రమంలోనో తలదాచుకుంటున్నారు. ఒకసారి ప్రముఖ  ప్రవచనకారులు శ్రీ చాగంటి కోటేశ్వర రావు గారు తన ప్రవచనంలో చెప్పినదేమిటంటే తానూ ఒక పర్యాయము ఒక వృధాశ్రమాన్ని సందర్శించానని అక్కడ ఒక వృద్ధురాలు సంచి పట్టుకొని గేటు వద్ద తారట్లాడుతున్నదని.  ఆ విషయం తెలుసుకుంటే అక్కడి నిర్వాహకులు చెప్పింది విని తానూ నిస్చేస్తుడనయినానని ఎంతో బాధగా తెలిపారు ఇంతకూ అసలు విషయం ఏమిటంటే ఆ తల్లి కుమారుడు కారులో ఆమెను అక్కడ దింపి ఇప్పుడే వస్తానని చెప్పి రెండు సంవత్సరాల క్రితం వెళ్ళాడట అప్పటినుండి ఆమె తన కన్నకొడుకు కోసం వేచి వున్నడట.  ఇటువంటి హృదయ విదారక సంఘటనలు మన సమాజంలో కో కోల్లలు.  తల్లి పెంషన్ తీసుకొని తల్లిని వెళ్లగొట్టె ప్రబుద్ధులు లేక పోలేదు. 

పెంపక లోపం:  తల్లిదండ్రులను పిల్లలు సరిగా చూడటం కేవలం పిల్లలదే ఆ దోషం అనటానికి వీలులేదు.  చిన్నప్పుడు తల్లిదండ్రులు పిల్లలను ప్రేమతో, లాలనతో పెంచి చక్కటి క్రమశిక్షణ నేర్పితే  వారు తప్పకుండా తమ కన్నవారిపైన ప్రేమ, భక్తి కలిగి వుంటారు.  కొన్ని సందర్భాలలో ఇంటి అల్లుడు చూపే ఆదరణ కూడా కన్నకొడుకులు చూపటం లేదని మనం కొన్ని చోట్ల చూస్తున్నాము.  అయినా వృద్ధ తల్లిదండ్రులు కొడుకులమీద వ్యామోహం పెంచుకొంటూ వుండి అనేక కష్టాలను కొని తెచ్చుకుంటున్నారు. ఎంతో కాలం క్రితమే వేమన వ్రాసిన ఈ పద్యం చుడండి. 

తల్లిదండ్రుల మీద దయలేని పుత్రుండు
పుట్టనేమీ వాడు గిట్టనేమి
పుట్టలోని చెదలు పుట్టవ గిట్టవా
విశ్వదాభిరామ వినుర వేమా!

భావం : తల్లిదండ్రులపైన దయ తో ఉండాలి. వృద్ధాప్యం లో వారిని దయతో ప్రేమతో ఆదరించాలి. అలా చేయని కొడుకు ఉన్న లేనట్టే . అలంటి వాడు పుట్టలోని పుట్టి చచ్చే చెద పురుగులతో సమానం

యోగి వేమన 17 వ శతాబ్దంకు చెందిన వాడు అంటే నాలుగు వందల సంవత్సరాల క్రితం వేమన పద్యం ఇప్పటి సమాజానికి అద్దం పెట్టినట్లుగా ఉన్నదంటే మనం సామాజికంగా ఎంతగా అభివృద్ధి చెందామన్నది ఎవరికి వారు వేసుకోవలసిన ప్రశ్న.

కుంచిత మనస్తత్వాలు:  సమాజంలో పెద్ద పెద్ద చదువులు చదువుకుంటున్నారు, పెద్ద పెద్ద ఉద్యోగాలు చేస్తున్నారు. లక్షలకు లక్షలు సంపాదిస్తున్నారు కానీ తల్లిదండ్రుల విషయంలో మాత్రం ఎందుకు కుంచిత మనస్కులై వర్తిస్తున్నారు.  మా అమ్మ తాను నవమాసాలు మోసి తన రక్త మాసాలు ఇచ్చి నాకు జన్మని ఇచ్చిందే అని  ప్రతి వక్కరు తెలుసుకోవాలి అప్పుడు వృధాశ్రమాల అవసరం మన సమాజానికి ఉండదు. తల్లిదండ్రులను వేదనకు గురిచేసి కొడుకులకు గరుడపురాణం ప్రకారం నరకంలో శిక్షలు వున్నాయి చుడండి.

 కాలసూత్ర నరకం: తల్లిదండ్రులకు, సద్బ్రాహ్మణులకు, వేదానికి ద్రోహం తలపెట్టిన వారు ఈ నరకలోకాన్ని పొందుతారు. రాగి నేల కలిగి, నెత్తిన నిప్పులు చెరిగే సూర్యుడు వీరిని మాడ్చి వేస్తుంటాడు.

భూమి మీద వున్న జంతుకోటిలో మానవుడు ఒక్కడే బుద్దిజీవి.  కానీ వక్రబుద్ధితో సమాజాన్ని, కుటుంబాన్ని నాశనం చేస్తూ చివరకు తనుకూడా నాశనం అవుతున్నాడు. తన కన్నవారిని సరిగా చూడని వారి పిల్లలు రేపు వారిని ఎలా చూస్తారు అని ఆలోచించాలి.  ప్రతివారికి మనసాక్షి ఉంటుంది దానిని ఎవ్వరు కాదనలేరు. 

ఈ వ్యాసం ఒక్క కుమారుడినైనా మార్చి ఒక్క తల్లి జీవితానికి వెలుగు నిచ్చిన ఈ వ్యాస కర్త ప్రయత్నం ఫలించినట్లే.  

పిల్లలకు నేర్పించండి


ఈ తరం పిల్లలకు నేర్పించండి. చదివించండి మరియు మనం కూడా మరోసారి మననం చేసుకుందాం.


 దిక్కులు : (1) తూర్పు, (2) దక్షిణం, (3) పడమర, (4) ఉత్తరం


మూలలు :(1) ఆగ్నేయం, (2) నైరుతి,(3) వాయువ్యం, (4) ఈశాన్యం


 వేదాలు :(1) ఋగ్వే దం, 

(2) యజుర్వేదం,(3) సామవేదం,

(4) అదర్వణ వేదం


 పురుషార్ధాలు :(1) ధర్మ, (2) అర్థ,

(3) కామ,(4) మోక్షా


 పంచభూతాలు :(1) గాలి, (2) నీరు,

(3) భూమి,(4) ఆకాశం,(5) అగ్ని.


  పంచేంద్రియాలు : (1) కన్ను, 

(2) ముక్కు, (3) చెవి, (4) నాలుక,

(5) చర్మం.


 లలిత కళలు : (1) కవిత్వం,

(2) చిత్రలేఖనం, (3) నాట్యం,

(4) సంగీతం, (5) శిల్పం.


 పంచగంగలు : (1) గంగ, (2)  కృష్ణ,

(3) గోదావరి, (4) కావేరి, 

(5) తుంగభద్ర.


 దేవతావృక్షాలు : (1) మందారం, 

(2) పారిజాతం, (3) కల్పవృక్షం, 

(4) సంతానం, (5) హరిచందనం.


 పంచోపచారాలు : (1) స్నానం,

(2) పూజ,  (3) నైవేద్యం,

(4) ప్రదక్షిణం, )5) నమస్కారం.


  

పంచామృతాలు : (1) ఆవుపాలు,

(2) పెరుగు, (3) నెయ్యి, (4) చక్కెర, 

(5) తేనె.


 పంచలోహాలు : (1) బంగారం, 

(2) వెండి,  (3) రాగి,

(4) సీసం, (5) తగరం.


 పంచారామాలు : )1) అమరావతి,

(2) భీమవరం, (3) పాలకొల్లు,

(4) సామర్లకోట, (5) ద్రాక్షారామం


 షడ్రుచులు : (1) తీపి, (2) పులుపు, 

(3) చేదు, (4) వగరు, 

(5) కారం, (6) ఉప్పు.


అరిషడ్వర్గాలు  షడ్గుణాలు:(1) కామం, 

(2) క్రోధం, (3) లోభం, (4) మోహం,

(5) మదం, (6) మత్సరం.


ఋతువులు : (1) వసంత,(2) గ్రీష్మ,

(3) వర్ష, (4) శరద్ఋతువు, 

(5) హేమంత, (6) శిశిర


 సప్త ఋషులు : (1) కాశ్యపుడు,

(2) గౌతముడు,  (3) అత్రి,

(4) విశ్వామిత్రుడు, (5) భరద్వాజ,

(6) జమదగ్ని, (7) వశిష్ఠుడు.


తిరుపతి సప్తగిరులు : (1) శేషాద్రి,

(2) నీలాద్రి, (3) గరుడాద్రి, 

(4) అంజనాద్రి, (5) వృషభాద్రి, 

(6) నారాయణాద్రి, (7) వేంకటాద్రి.


సప్త వ్యసనాలు : (1) జూదం,

(2) మద్యం, (3) దొంగతనం, 

(4) వేట, (5) వ్యభిచారం, 

(6) దుబారఖర్చు,

(7) కఠినంగా మాట్లాడటం.


 సప్త నదులు : (1) గంగ, 

(2) యమునా,  (3) సరస్వతి, 

(4) గోదావరి,  (5) సింధు,

(6) నర్మద,  (7) కావేరి.

            

నవధాన్యాలు : (1) గోధుమ,

(2) వడ్లు,  (3) పెసలు,

(4) శనగలు, (5) కందులు,

(6) నువ్వులు, (7) మినుములు, 

(8) ఉలవలు, (9) అలసందలు.


నవరత్నాలు : (1) ముత్యం, 

(2) పగడం, (3) గోమేధికం,

(4) వజ్రం, (5) కెంపు, (6) నీలం, 

(7) కనకపుష్యరాగం, 

(8) పచ్చ (మరకతం), 

(9) ఎరుపు (వైడూర్యం).


నవధాతువులు : (1) బంగారం,

(2) వెండి, (3) ఇత్తడి, (4) రాగి, 

(5) ఇనుము, (6) కంచు,

(7) సీసం, (8) తగరం, 

(9) కాంతలోహం.


నవరసాలు : (1) హాస్యం,(2) శృంగార, 

(3) కరుణ, (4) శాంత, (5) రౌద్ర, 

(6) భయానక, (7) బీభత్స, 

(8) అద్భుత, (9) వీర


నవదుర్గలు : (1) శైలపుత్రి, 

(2) బ్రహ్మ చారిణి, (3) చంద్రఘంట,

(4) కూష్మాండ, (5) స్కందమాత, 

(6) కాత్యాయని, (7) కాళరాత్రి, 

(8) మహాగౌరి, (9) సిద్ధిధాత్రి.


 దశ సంస్కారాలు : (1 ) వివాహం, 

( 2 ) గర్భాదానం, (3 ) పుంసవనం , 

(4 ) సీమంతం, (5) జాతకకర్మ, 

(6 ) నామకరణం, (7) అన్నప్రాశనం, 

(8 ) చూడకర్మ, (9 ) ఉపనయనం, 

(10) సమవర్తనం


దశావతారాలు : (1) మత్స్య,

(2) కూర్మ, (3 ) వరాహ,

(4) నరసింహ, (5) వామన, 

(6) పరశురామ, (7) శ్రీరామ,

(8) శ్రీకృష్ణ, (9) బుద్ధ, (10) కల్కి.


జ్యోతిర్లింగాలు :


హిమలయపర్వతం ~ కేదారేశ్వరలింగం .


కాశీ ~ కాశీవిశ్వేశ్వరుడు .


మధ్యప్రదేశ్ ~ మహాకాలేశ్వరలింగం, ఓంకారేశ్వరలింగం. (2)


గుజరాత్ ~ సోమనాధలింగం, నాగేశ్వరలింగం. (2)


మహారాష్ట్ర ~ భీమశంకరం, త్ర్యంబకేశ్వరం,    ఘృష్ణేశ్వరం, వైద్యనాదేశ్వరం. (4)


ఆంధ్రప్రదేశ్ ~ మల్లిఖార్జునలింగం (శ్రీశైలం) 


తమిళనాడు ~ రామలింగేశ్వరం

 

తెలుగు వారాలు : (1) ఆది, (2) సోమ, 

(3) మంగళ, (4) బుధ, (5) గురు, 

(6) శుక్ర, (7) శని.


తెలుగు నెలలు : (1) చైత్రం,

(2) వైశాఖం,(3) జ్యేష్ఠం,(4) ఆషాఢం, 

(5) శ్రావణం, (6) భాద్రపదం, 

(7) ఆశ్వీయుజం, (8) కార్తీకం, 

(9) మార్గశిరం, (10) పుష్యం, 

(11) మాఘం, (12) ఫాల్గుణం.


 రాశులు : (1) మేషం,(2) వృషభం, 

(3) మిథునం, (4) కర్కాటకం,

(5) సింహం, (6) కన్య, (7) తుల, 

(8) వృశ్చికం, (9) ధనస్సు, 

(10) మకరం, (11) కుంభం, 

(12) మీనం.


తిథులు : (1) పాఢ్యమి, (2) విధియ, 

(3) తదియ, (4) చవితి,(5) పంచమి, 

(6) షష్ఠి, (7) సప్తమి, (8) అష్టమి, 

(9) నవమి, (10) దశమి,(11) ఏకాదశి, 

(12) ద్వాదశి, (13) త్రయోదశి, 

(14) చతుర్దశి, 

(15) అమావాస్య /పౌర్ణమి.


నక్షత్రాలు : (1) అశ్విని, (2) భరణి, 

(3) కృత్తిక, (4) రోహిణి, (5) మృగశిర, 

(6) ఆరుద్ర, (7) పునర్వసు, 

(8) పుష్యమి, (9) ఆశ్లేష, (10) మఖ, 

(11) పుబ్బ, (12) ఉత్తర, (13) హస్త, 

(14) చిత్త, (15) స్వాతి, (16) విశాఖ, 

(17) అనురాధ, (18) జ్యేష్ఠ, 

(19) మూల, (20) పూర్వాషాఢ, 

(21) ఉత్తరాషాఢ, (22) శ్రావణం, 

(23) ధనిష్ఠ, (24) శతభిషం, 

(25) పూర్వాబాద్ర, (26) ఉత్తరాబాద్ర, 

(27) రేవతి.


తెలుగు సంవత్సరాల పేర్లు :

(1) ప్రభవ :-

1927, 1987, 2047, 2107


(2) విభవ :- 

1928, 1988, 2048, 2108


(3) శుక్ల :-

1929, 1989, 2049, 2109


( 4 ) ప్రమోదూత :-

1930, 1990, 2050, 2110


( 5 ) ప్రజోత్పత్తి :-

1931, 1991, 2051, 2111


( 6 ) అంగీరస :- 

1932, 1992, 2052, 2112


( 7 ) శ్రీముఖ :-

1933, 1993, 2053, 2113


( 8 )భావ. - 

1934, 1994, 2054, 2114


9యువ.  - 

1935, 1995, 2055, 2115


10.ధాత.  - 

1936, 1996, 2056, 2116


11.ఈశ్వర. - 

1937, 1997, 2057, 2117


12.బహుధాన్య.-

1938, 1998, 2058, 2118


13.ప్రమాది. - 

1939, 1999, 2059, 2119


14.విక్రమ. - 

1940, 2000, 2060, 2120


15.వృష.-

1941, 2001, 2061, 2121


16.చిత్రభాను. - 

1942, 2002, 2062, 2122


17.స్వభాను. - 

1943, 2003, 2063, 2123


18.తారణ. - 

1944, 2004, 2064, 2124


19.పార్థివ. - 

1945, 2005, 2065, 2125


20.వ్యయ.-

1946, 2006, 2066, 2126


21.సర్వజిత్తు. - 

1947, 2007, 2067, 2127


22.సర్వదారి. - 

1948, 2008, 2068, 2128


23.విరోధి. - 

1949, 2009, 2069, 2129


24.వికృతి. - 

1950, 2010, 2070, 2130


25.ఖర. 

1951, 2011, 2071, 2131


26.నందన.

1952, 2012, 2072, 2132


27 విజయ.

1953, 2013, 2073, 2133,


28.జయ. 

1954, 2014, 2074, 2134


29.మన్మద.

1955, 2015, 2075 , 2135


30.దుర్మిఖి. 

1956, 2016, 2076, 2136


31.హేవళంబి. 

1957, 2017, 2077, 2137


32.విళంబి. 

1958, 2018, 2078, 2138


33.వికారి.

1959, 2019, 2079, 2139


34.శార్వారి. 

1960, 2020, 2080, 2140


35.ప్లవ

1961, 2021, 2081, 2141


36.శుభకృత్. 

1962, 2022, 2082, 2142


37.శోభకృత్. 

1963, 2023, 2083, 2143


38. క్రోది.

1964, 2024, 2084, 2144, 


39.విశ్వావసు.

1965, 2025, 2085, 2145


40.పరాభవ.

1966, 2026, 2086, 2146


41.ప్లవంగ. 

1967, 2027, 2087, 2147


42.కీలక. 

1968, 2028, 2088, 2148


43.సౌమ్య. 

1969, 2029, 2089, 2149


44.సాధారణ . 

1970, 2030, 2090, 2150


45.విరోధికృత్. 

1971, 2031, 2091, 2151


46.పరీదావి. 

1972, 2032, 2092, 2152


47.ప్రమాది. 

1973, 2033, 2093, 2153


48.ఆనంద. 

1974, 2034, 2094, 2154


49.రాక్షస. 

1975, 2035, 2095, 2155


50.నల :-

1976, 2036, 2096, 2156, 


51.పింగళ                 

1977, 2037, 2097, 2157


52.కాళయుక్తి         

1978, 2038, 2098, 2158


53.సిద్ధార్ధి              

1979, 2039, 2099, 2159


54.రౌద్రి                 

1980, 2040, 2100, 2160


55.దుర్మతి              

1981, 2041, 2101, 2161


56.దుందుభి             

1982, 2042, 2102, 2162


57.రుదిరోద్గారి         

1983, 2043, 2103, 2163


58.రక్తాక్షి                 

1984, 2044, 2104, 2164


59.క్రోదన                  

1985, 2045, 2105, 216


60.అక్షయ              

1986, 2046, 2106, 2166.


ఈ తరం పిల్లలకు నేర్పించండి. చదివించండి మరియు మనం మరోసారి మననం చేసుకుందాం.... 

నమస్కారం

Read and Enjoy*

 *Read and Enjoy*

-----------------------


*Height of Fashion*

```Lungi with a zip.``` 


*Height of Laziness*

```Asking lift for morning walk.```


*Height of Craziness*

```Get blank paper xeroxed.```


*Height of Honesty*

```Pregnant woman taking 2 tickets.```

 

*Height of De-Hydration*

```Cow giving milk powder.```


*Height of Hope*

```A 99 year old woman going for Rs 295/- recharge to get lifetime incoming.```


*Height of Stupidity*

```Looking through key hole of a glass door.```


*Height of Suicide Attempt*

```A person jumps from the footpath on the road.```


*Height of Friendship*

```It’s when your friend runs away with your wife; and you are really worried for your friend!```


*Height of Attitude*

```A Sleeping Beggar puts a Notice Board in front of Him.```

_*Please do not make noise by dropping coins! Use Currency Notes.*_


*AND*


*THE ULTIMATE ONE*


*Height Of Work Pressure*

" An employee opens his Tiffin Box on the road side to see, whether he is going to office or coming back from office "

😅😂🤣😅😂🤣

*శ్రీ సరస్వతీ అష్టోత్తర శత నామ స్తోత్రం

 *శ్రీ సరస్వతీ అష్టోత్తర శత నామ స్తోత్రం:* 


సరస్వతీ మహాభద్రా మహామాయా వరప్రదా ।

శ్రీప్రదా పద్మనిలయా పద్మాక్షీ పద్మవక్త్రగా ॥ 1 ॥ 


శివానుజా పుస్తకధృత్ జ్ఞానముద్రా రమా పరా ।

కామరూపా మహావిద్యా మహాపాతకనాశినీ ॥ 2 ॥ 


మహాశ్రయా మాలినీ చ మహాభోగా మహాభుజా ।

మహాభాగా మహోత్సాహా దివ్యాంగా సురవందితా ॥ 3 ॥ 


మహాకాలీ మహాపాశా మహాకారా మహాంకుశా ।

సీతా చ విమలా విశ్వా విద్యున్మాలా చ వైష్ణవీ ॥ 4 ॥ 


చంద్రికా చంద్రవదనా చంద్రలెఖావిభూషితా ।

సావిత్రీ సురసా దెవీ దివ్యాలంకారభూషితా ॥ 5 ॥ 


వాగ్దెవీ వసుధా తీవ్రా మహాభద్రా మహాబలా ।

భొగదా భారతీ భామా గొవిందా గొమతీ శివా ॥ 6 ॥ 


జటిలా వింధ్యవాసా చ వింధ్యాచలవిరాజితా ।

చండికా వైష్ణవీ బ్రాహ్మీ బ్రహ్మజ్ఞానైకసాధనా ॥ 7 ॥ 


సౌదామినీ సుధామూర్తిస్సుభద్రా సురపూజితా ।

సువాసినీ సునాసా చ వినిద్రా పద్మలొచనా ॥ 8 ॥ 


విద్యారూపా విశాలాక్షీ బ్రహ్మజాయా మహాఫలా ।

త్రయీమూర్తీ త్రికాలజ్ఞా త్రిగుణా శాస్త్రరూపిణీ ॥ 9 ॥ 


శుంభాసురప్రమథినీ శుభదా చ సర్వాత్మికా ।

రక్తబీజనిహంత్రీ చ చాముండా చాంబికా తథా ॥ 10 ॥ 


ముండకాయ ప్రహరణా ధూమ్రలొచనమర్దనా ।

సర్వదెవస్తుతా సౌమ్యా సురాసురనమస్కృతా ॥ 11 ॥ 


కాలరాత్రీ కలాధారా రూప సౌభాగ్యదాయినీ ।

వాగ్దెవీ చ వరారొహా వారాహీ వారిజాసనా ॥ 12 ॥ 


చిత్రాంబరా చిత్రగంధా చిత్రమాల్యవిభూషితా ।

కాంతా కామప్రదా వంద్యా విద్యాధరా సూపూజితా ॥ 13 ॥ 


శ్వెతాసనా నీలభుజా చతుర్వర్గఫలప్రదా ।

చతురాననసామ్రాజ్యా రక్తమధ్యా నిరంజనా ॥ 14 ॥ 


హంసాసనా నీలజంఘా బ్రహ్మవిష్ణుశివాత్మికా ।

ఎవం సరస్వతీ దెవ్యా నామ్నామష్టొత్తరశతం ॥ 15 ॥ 


ఇతి శ్రీ సరస్వత్యష్టొత్తరశతనామస్తొత్రం సంపూర్ణం ॥

తేట తెలుగు

 దేశభాషలందు 

ఉగ్గుపాలనుండి ఉయ్యాలలోననుండి
అమ్మ పాట పాడినట్టి భాష
తేనెవంటి మందు వీనులకును విందు
దేశభాషలందు తెలుగులెస్స!

 

సంస్కృతంబులోని చక్కెర పాకంబు,
అరవభాషలోని అమృతరాశి,
కన్నడంబులోని కస్తూరి వాసన,
కలిసిపోయె తేట తెలుగునందు.

 

వేనవేల కవుల వెలుగులో రూపొంది
దేశదేశములను వాసిగాంచి
వేయి యేండ్లనుండి విలసిల్లు నా “భాష”
దేశ భాషలందు తెలుగు లెస్స!

 సేకరణ 

మీ భార్గవ శర్మ 

మొగలిచెర్ల అవధూత

 మొగలిచెర్ల అవధూత శ్రీ దత్తాత్రేయ స్వామివారితో అనుభవాలు..


*గానామృత బోధ!..*


శ్రీ స్వామివారు తపోసాధన చేసుకుంటున్న రోజుల్లో..నేను తరచూ వారిని కలిసినా..పెద్దగా నాతో మాట్లాడింది లేదు..నేను వయసులో చిన్నవాడిని కావటం..అదీకాక వారి స్థాయికి తగ్గ మానసిక పరిపక్వత లేకపోవడం..కారణం కావొచ్చు..మామూలు క్షేమ సమాచారం అడుగుతూ వుండేవారు..లేదా అమ్మా నాన్న గార్లకు ఏదైనా చెప్పదలుచుకుంటే..వారిని తన దగ్గరకు ఫలానా సమయం లో రమ్మనమని నా ద్వారా కబురు చెప్పి పంపేవారు..ఒక్కొక్కసారి శ్రీ స్వామివారు ఆశ్రమ ప్రాంగణంలో పచార్లు చేస్తూ వుండేవారు..అప్పుడు మాత్రం చాలా ఉత్సాహంగా..స్వచ్ఛమైన నవ్వుతో..వెలిగిపోతున్న ముఖంతో వుండేవారు..


ఒకరోజు నేను మా పొలానికి వెళుతూ..ఆశ్రమం దగ్గర ఆగాను..ఆ సమయం లో శ్రీ స్వామివారు ఆశ్రమం బయటే నిలుచుని వున్నారు..నన్ను చూసి పలకరింపుగా నవ్వి.."మాగాణికి పోతున్నావా?.."అన్నారు..


ఔనన్నాను..నన్ను తనతో పాటు రమ్మన్నట్టుగా సైగ చేసి..ఆశ్రమం లోకి వెళ్లారు..వెనుకనే నేనూ వెళ్ళాను..తాను తపస్సు చేసుకునే గది బైట వరండా లో పద్మాసనం వేసుకొని కూర్చుని..నన్నూ కూర్చోమన్నట్టుగా చేయి చూపారు..కొద్దిదూరంగా కూర్చున్నాను..ఆ సమయం లో శ్రీ స్వామివారు ప్రశాంతంగా వున్నారు..పైగా హాయిగా నవ్వుతూ వున్నారు..


"ఇప్పుడు కనిగిరి లో చదువుతూ ఉన్నావా?.." అన్నారు ..తలూపాను..


పెద్దగా నవ్వుతూ.."నేను మాట్లాడుతూ వుంటే...నువ్వు మౌనంగా ఉన్నావా?.." అన్నారు..


"అదేం లేదు స్వామీ..మీకు తెలుసు కదా నేను కనిగిరి లో చదువుకుంటున్నాననీ..మొన్ననే ఇంటర్ మొదటి సంవత్సరం లో చేరాను." అన్నాను..


"సినిమాలు చూస్తావా?.." అని అడిగారు..తలూపాను..నవ్వారు..


"నీకు తెలుసా?..నేను ఒక్క సినిమా చూసాను..నా చిన్నప్పుడు.."అన్నారు..


కొద్దిగా ఆశ్చర్యంగా అడిగాను.."ఏ సినిమా స్వామీ.." అని..


"భక్త ప్రహ్లాద.." అన్నారు.."నువ్వు చూసావా?..ఆ సినిమాను.." అన్నారు..చూసాను అని చెప్పాను..


ఒక్కక్షణం కళ్ళు మూసుకొని.."అందులో ఒక పాట ఉంది..నారాయణ మంత్రం..శ్రీమన్నారాయణ భజనం..అని..ఆ పాటలో నీలాటి వాళ్ళు తరించడానికి సులభమైన ఉపాయం బోధించారు..ఈసారి ఎప్పుడైనా మనసు పెట్టి విను.."

అంటూ..


"గాలిని బంధించి, హఠించి గాసిల పనిలేదు..

జీవుల హింసించి క్రతువుల చేయగ పనిలేదు..

మాధవా..మధుసూదనా అని మనసున తలచిన చాలుగా..." 

రాగయుక్తంగా పాడి వినిపించారు..


ఎంత మధురమైన కంఠస్వరం?..ఏదో దివ్యగానం వింటున్న అనుభూతి కలిగింది..ఒక్కనిమిషం పాటు మైమరపు కలిగింది..పాటలోని భావం తెలుసుకోవడం కన్నా..శ్రీ స్వామివారి గాత్రం లోంచి జాలువారిన ఆ పాట కర్ణపేయంగా అనిపించింది..


"అర్ధమైందా?..మేము సాధకులము..హఠ యోగం ద్వారా సాధన చేస్తున్నాము..అందరికీ ఇది సాధ్యం కాదు కదా..ముఖ్యంగా నీలాటి వాళ్ళు..రోజుకు కొద్దిసేపైనా ఆ పరమాత్ముడిని తలచి తరించమని ఎంత చక్కగా చెప్పారో చూసావా?.."


కొద్దిసేపటి క్రితం దాకా ఎంతో ఉల్లాసంగా..నవ్వుతూ ఉన్న స్వామివారు..అంతే ఉత్సాహంగా సినిమా ప్రసక్తి తెచ్చి..చిన్నపాటి బోధ చేశారు..


అందులోని తాత్వికభావాన్ని ఆరోజు నేను పూర్ణంగా ఆకళింపుచేసుకోలేక పోయాను..కానీ..ఇప్పటికీ శ్రీ స్వామివారు పాడిన ఆ చిన్నపాటి చరణం నాచెవుల్లో గింగురుమంటూనే ఉంది!..


మరో అనుభవం తో రేపు..


సర్వం..

దత్తకృప.


(పవని నాగేంద్ర ప్రసాద్..శ్రీ దత్తాత్రేయ స్వామి మందిరం.. మొగలిచెర్ల గ్రామం...లింగసముద్రం మండలం..ప్రకాశం జిల్లా..పిన్:523114..సెల్..94402 66380 & 99089 73699).

కవితా శరధి:-

 🌄🌄🌄🌄🌄🌄🌄🌄🌄

*దాశరథి-ఘన కవితా శరధి:-

---భోగయగారి. చన్ద్రశేఖర శర్మ.✍️

~~~~~~~~~

సీసపద్యం:-

************

గూడూరులో పుట్టె కోటికొక్కడు మేటి,

"కోటి రత్నమ్ముల" సాటి యతడు

పది వత్సరమ్ముల వయసున్న తరుణాన

పద్యముల్ వ్రాసిన పండితుండు

పద్యమే తనదైన పదునైన శస్త్రంగ

వాడి,"పాలన" కూల్చె పటువతండు

"అగ్నిధార"ను రాల్చి యా "నిజాము"ది బూజు

కాల్చివేసినయట్టి ఘనుడతండు


తేటగీతి

********

చలనచిత్ర గీతాలను చాల వ్రాసి

"నా తెలంగాణ కోటిరత్నాల వీణ"

యనిన తనకు,మహాకవికి నతులివియె

దాశరథికి ఘన సుకవితా శరధికి🙏🏼

౿౿౿౿౿౿౿౿౿౿౿౿౿౿౿౿౿