తుల‌సి ఆకు ప్ర‌యోజ‌నాలు.*

 *తుల‌సి ఆకు ప్ర‌యోజ‌నాలు.*.

⁍ చాలా మందికి నోటి దుర్వాసన స‌మ‌స్య వేధిస్తుంటుంది. ఈ స‌మ‌స్య ఉన్న‌వాళ్లు ప్ర‌తిరోజూ రాత్రి నీళ్ల‌లో తుల‌సి ఆకుల‌ను నాన‌బెట్టి.. ఉద‌యాన్నే ఆ నీటితో ప‌ళ్లు తోముకోవాలి. ఇలా నిత్యం చేయ‌డం వ‌ల్ల నోటి దుర్వాస‌న పోతుంది.

⁍ నోట్లో పొక్కులు, అల్సర్లు కూడా మానిపోతాయని నిపుణులు పేర్కొంటున్నారు.

⁍ గొంతు నొప్పి సమస్య కూడా చాలా మందిని వేధిస్తుంటుంది. నీరు తాగినా.. ఏదైనా తిన్నా కాని తీవ్రమైన నొప్పి వ‌స్తుంది. ఈ స‌మ‌స్య ఉన్న‌వాళ్లు నీళ్ల‌లో తుల‌సి ఆకులు వేసి బాగా మ‌రిగించాలి. ఆ త‌ర్వాత గోరువెచ్చ‌ని తులసి నీటిని తాగితే.. గొంతునొప్పి తగ్గుతుంది.

⁍ తుల‌సి ర‌సంలో తేనె క‌లిపి తీసుకుంటే మంచి ప్ర‌యోజ‌నాలు కలుగుతాయి. తులసి, తేనెలో యాంటీ సెప్టిక్ గుణాలు పుష్కలంగా ఉంటాయి. వీటివల్ల చ‌ర్మ స‌మ‌స్య‌లు దూరమవుతాయి.

⁍ ఇలా తీసుకోవడం వల్ల జ‌లుబు, ద‌గ్గు కూడా త‌గ్గుతుంది.

⁍ నోటిపూత‌ సమస్య ఉంటే ఉదయాన్నే కొన్ని తులసి ఆకులను నమిలి మింగితే.. తగ్గుతుంది.

⁍ రోజూ తుల‌సి ఆకులను తింటే.. శ‌రీరంలో కొవ్వును సైతం తగ్గించుకోవచ్చు. దీంతోపాటు శరీరంలో మలినాలు బయటకు వెళ్లి బరువు కూడా తగ్గుతారు.

⁍ నిద్ర‌లేమి సమస్యతో బాధ‌పడేవారు రోజూ తుల‌సి ఆకుల‌ను తింటే మంచి ఫ‌లితం ఉంటుందని నిపుణులు సూచిస్తున్నారు.

⁍ జీర్ణక్రియ ప్రక్రియ మెరుగుపడటంతోపాటు.. ఉదర సమస్యలు కూడా తగ్గుతాయి.

⁍ అందుకే ప్రతిరోజూ తులసి ఆకులను తినాలని వైద్య నిపుణులు సూచిస్తున్నారు.

⁍ తులసిని ఎలా తీసుకున్నా అద్భుత ప్రయోజనాలు ఉంటాయి.

నవగ్రహాల శక్తి గురించి

 *నవగ్రహాల శక్తి గురించి మీకు తెలుసా?*

గ్రహానికి శాంతి చేయించుకోమని జ్యోతిష్యులు చెప్పారా? గ్రహానికి శాంతి చేయించుకుంటే ఎలాంటి ఫలితం చేకూరుతుంది అని తెలుసుకోవాలా? అయితే ఈ స్టోరీ చదవండి. మనకు నవగ్రహాలున్నాయి. నవగ్రహాల్లో అగ్రజుడు సూర్యుడు బుద్ధిని వికసింపజేస్తాడు. మనస్సును స్థిరపరుస్తాడు. ధైర్యాన్ని ప్రసాదిస్తాడు.

ఇక కుజుడికి మనస్తాపం కలిగించే లక్షణాలున్నాయి. ఈయన్ని ప్రార్థిస్తే మనస్తాపానికి గల కారకాలను దూరం చేస్తాడు. ప్రశాంతతను ఇస్తాడు. నవగ్రహాల్లో రాహువు కంటి బలాన్ని తగ్గిస్తాడు. శరీరంలోని మాంసంలో దోషాన్ని ఏర్పరుస్తాడు. ఈయన్ని పూజిస్తే కంటికి బలాన్ని కలుగజేస్తాడు. శరీర మాంసంలోని దోషాలను నివృత్తి చేస్తాడు. 

 

గురువును ఆరాధిస్తే.. బృహస్పతిగా పిలువబడే ఆయనను ప్రార్థిస్తే.. వృత్తి, ఉద్యోగాల్లో నైపుణ్యతను ప్రసాదిస్తాడు. మెదడును చురుకుగా ఉంచుతాడు. ఇక శనిగ్రహం గురించి తెలుసుకుందాం.. శని ఉత్తముడు. ఆయన జీవితంలో మనకు ఎన్నో పాఠాలను నేర్పుతాడు. ఆయన్ని పూజిస్తే.. ఇలా చేయొద్దు.. ఇలా చేయమని జ్ఞానాన్ని ప్రసాదిస్తాడు. సరైన మార్గాన్ని అనుసరించమంటాడు. ఆ మార్గాన్ని చూపెడతాడు. 

 

ఇక బుధ గ్రహం బుద్ధిమంతుడు. మనం చేస్తున్న ఉద్యోగంలో కొత్త మెలకువలను నేర్పించగలే సమర్థుడు. ఇతనిని పూజిస్తే మాట్లాడటంలో నైపుణ్యాన్ని, వ్యాపారంలో అభివృద్ధిని చేకూరుస్తాడు. ధనార్జనకు శక్తిమంతుడు. కేతువును పూజిస్తే.. తీర్థయాత్రలకు వెళ్తారు. లౌకిక ప్రపంచానికి కొద్ది దూరంగా ఉందామని.. దేవతా పూజలో నిమగ్నం చేసే ఆలోచనలను ఇస్తాడు. కేతువు తర్వాతి గ్రహం శుక్రుడు. శుక్రాచార్యుడు. ఈయన్ని పూజిస్తే దాంపత్య జీవితంలో అన్యోన్యతను పెంచుతాడు. సంతానాన్ని ఇవ్వగలుగుతాడు. 

 

ఇక గ్ర‌హాల అనుకూలత తగ్గిన పరిస్థితుల్లో శాంతి చేయించాలి. ఆర్థిక, మానసిక, శారీరక ఇబ్బందులు తలెత్తితే.. గ్రహదోషమని భావించాలి. అయితే ఏ గ్రహం వల్ల అశాంతి కలిగిందనే విషయాన్ని జ్యోతిష్యులను సంప్రదించి వారి సూచనల మేరకు, ఆ గ్రహానికి శాంతి చేయించుకోవడమే గ్రహశాంతి అంటారు....