లిఫ్ట్ కొత్తగా వచ్చిన రోజుల్లో

  లిఫ్ట్ కొత్తగా వచ్చిన రోజుల్లో ముళ్ళపూడి వారి జోకు!

పట్నంలో ఉద్యోగం చేస్తున్న కొడుకుని చూట్టానికి మొదటి సారి పల్లెటూరినుండి పట్నం వచ్చాడు ఓ ఆసామి.

కొడుకు తండ్రికి పట్నం మొత్తం తిప్పి చూపిస్తూ..

ఏదైనా తినిపించాలని ఓ పేద్ద హోటల్ కి తీసుకెళ్లాడు .

ఆ లాంజ్ ని చూసి ఆశ్చర్య పోతుండగానే , ఓ పక్కన ఒక పెద్ద పెట్టె మనిషెవరూ లేకుండానే కిందకి వచ్చి తలుపు తెరుచుకుంది.

ఇంతలో ఓ ముసలావిడ వచ్చి లోపలికి వెళ్ళగానే,తలుపు మూసుకుని పైకి వెళ్ళిపోయింది. పెద్దమనిషి అలా చూస్తుండగానే..మళ్ళీ పెట్టి పైనుండి కిందకు వచ్చింది.

అందులో నుండి ఓ అందమైన యువతి దిగి వీళ్ళ ముందునుండి వెళ్ళిపోయింది.

అవాక్కైన ముసలాయన కొడుకుతో ఇలా అన్నాడు.

*"ఓ పాలి ఎట్లైనా జేసి మీ యమ్మని తీస్కొచ్చి ఈ* *పెట్టెలో పెట్టి తీయాల్రా!!"*

😜😂🤣🤣🤣

కాళీయ మర్ధనం కధ

 🌸కాళీయ మర్ధనం కధ చదివితే గ్రహ దోషాలు తొలిగిపోతాయి అని పెద్దలు చెబుతారు

పూర్వం ద్వాపర యుగంలో  మధుర నగరిలో  శ్రీకృష్ణుడు బాలుడుగా ఉన్న సమయంలో కాళీయ అనే నాగుపాము యమునా నదిలో నివాసం ఏర్పరచుకుంది. ఆ పాము చిందించే విషంతో యమునా జలం కలుషితం అయింది. అంతేనా.. ఆ విషపు వేడికి నీళ్లు మరుగుతూ, నదిపై ఎగిరే పక్షులకు కూడా హాని చేస్తోంది. ఆ వేడి సెగ గాలులకు తట్టుకోలేక పక్షులు, నదిలో పడి చనిపోసాగాయి. 

ఆ నదిలో దిగిన పసుపక్షాదులను  జనులను ఆ కాళీయ సర్పం తినేస్తూ ఉండేది. అన్నిటికీ జీవనాధారమైన ఆ నదిలోకి దిగాలంటే భయపడి పోతుండేవారు. ఇది చూసిన బాల కృష్ణుని మనసు చాలా ఆర్ద్రమైంది.

 దుష్ట శిక్షణ, శిష్ట రక్షణ దైవ లక్షణం కదా! యమునా జలాలకు కాలుష్యం నుండి విముక్తి ప్రసాదించాలని, కాళీయుని కోరల్లోంచి వెలువడుతోన్న విషం నుండి పశుపక్ష్యాదులను కాపాడాలని, యమునా జలాన్ని తిరిగి మంచినీటిగా మార్చాలని అనుకున్నాడు. వెంటనే శ్రీకృష్ణుడు యమునా నదిలో దూకాడు. ఒడ్డున ఉన్నగోప బాలికలు, యశోదమ్మ అందరూ కంగారుపడ్డారు. భయాందోళనలకు లోనయ్యారు. 

కాళీయ సర్పం కృష్ణుని చూసింది. తనకు అపకారం తలపెట్టిన బాలకుడు ఎవరు అని ఆశ్చర్యపోయింది. తక్షణం బుద్ధి చెప్పాలని, తన పొడవాటి శరీరంతో కృష్ణుని చుట్టేసింది.దాంతో కృష్ణుడు నవ్వుతూ తన విశ్వరూపాన్ని ప్రదర్శించాడు. శ్రీకృష్ణుని ఆకృతి పెరగడంతో కాళీయ సర్పం పట్టు విడిపోయి, కోపంతో బుసలు కొట్టింది.

 ఇక కృష్ణుడు కాళీయుని నూరు పడగలపైకి ఎక్కి నృత్యం చేయ సాగాడు. శ్రీకృష్ణుడు ఒక్కో పడగమీదికి లంఘిస్తూ కాళియ మర్దనం చేస్తోంటే కాళీయుడు తగ్గిపోయాడు. పడగలు దెబ్బతిన్నాయి. రక్తం ధారలు కట్టింది. కాళీయుడు పశ్చాత్తాపానికి లోనయ్యాడు. శ్రీకృష్ణుని శరణు వేడాడు. కాళీయుని భార్యలు కూడా కృష్ణుని పాదాలపై పడి, కాళీయుని క్షమించమని కోరాయి. 

కృష్ణుడు దయ తలచాడు.. కాళీయుని వెంటనే యమునానది వదిలి వెళ్ళి, రమణక ద్వీపానికి వెళ్ళమన్నాడు.ఒడ్డున ఉన్నగోప బాలికలు, యశోదమ్మ అందరూ శ్రీకృష్ణుడు ఎలా ఉన్నాడో అని భయపడుతూ చూస్తున్నారు. ఇంతలో శ్రీకృష్ణుడు ఖాళీయ పడగల పై నుండి నాట్యం చేస్తూ యమునా నది నుండి పైకి వచ్చాడు. అది చూసిన యశోదమ్మ గోప బాలురు కృష్ణునికి ఏమీ కాలేదని  ఊపిరి పీల్చుకున్నారు 

 కాళీయుడు  శ్రీకృష్ణుని ప్రార్థించి  కుటుంబ సమేతంగా యమున వదిలి వెళ్లడంతో యమునాజలం పవిత్రమైంది. అందరూ ఆనందించారు.

అలా అందరూ కాళీయుడి విషవాయువుల నుంచి విముక్తి పొందారు. యమునా నది సైతం పవిత్రమైంది. 

ఓం నమో భగవతే వాసుదేవాయ నమః 🙏🌻🙏

కాత్యాయనీ వ్రతం-3

  Katyanivratam

Date: 27-12-2026 ఆదివారం- మార్గశిర మాసం- కృష్ణ పక్షం చతుర్ధి

కాత్యాయనీ వ్రతం-3

శ్రీ మహాగణాధిపతయే నమః

శ్రీ గురుభ్యో నమః.

*ఓం*

*కాత్యాయని మహామాయే*

*మహాయోగిన్యధీశ్వరి*

*నందగోపసుతే దేవి* *పతిం మే కురు తే నమః.* 

*ఓం కాత్యాయనీ రూపిణ్యై నమః*

కృతయుగంలో భృగుమహర్షి అమ్మవారిని ప్రసన్నం చేసుకుని, స్త్రీ పురుషులకు కళ్యాణం శీఘ్రంగా జరగటానికి, అనుకూలదాంపత్యం ఉండడానికి ఏదైనా వ్రతం సూచించమని కోరాడు. అప్పుడు అమ్మవారు *"కాత్యాయనీ వ్రతం"* అనే వ్రతం గురించి చెప్పింది. గోపికలు ఈ వ్రతం చేసి శ్రీకృష్ణుడి అనుగ్రహం పొందారు.

ఆనంద్ గ్రూపుల వారి ధార్మిక కార్యక్రమాలలో భాగంగా ఆనంద్ బ్రాహ్మణ వివాహ సంబంధిత గ్రూపుల వారిచే 

కాత్యాయనీ వ్రతం - వధువులకు మాత్రమే.

వధువుల తల్లిదండ్రులకు విజ్ఞప్తి 

ఆనంద్ బ్రాహ్మిన్ మాట్రిమోనియల్సు వారి వధువులచే 

సామూహికంగా, 

ప్రత్యక్షంగా 

కాత్యాయనీ వ్రతం

27-12-2026- మార్గశిర మాసం-కృష్ణ పక్ష చవితీ ఆదివారం నాడు

ఉదయం 7 గంటలకు పెద్దలచే నిశ్చయింపబడినది.

8 గంటలనుంచి SVBC TV Channel లో రామాయణ, మహాభారత, శ్రీమద్భాగవత పారాయణ& ప్రవచన కార్యక్రమాల్లో పాల్గొన్న బ్రహ్మశ్రీ మారుతి గారిచే వ్యాఖ్యానం- కాత్యాయనీ మాత ప్రవచనం 

తదుపరి 

12.30 నిమిషాలకు అన్న ప్రసాద వితరణ

వేదిక: శ్రీ శృంగేరి శారదాశంకరమఠం,

             మోతీనగర్- హైదరాబాద్

ఈ కార్యక్రమ సంకల్పములో పేర్లు చెప్పుటకు ఒక వధువునకు 800 రూపాయలుగా నిశ్చయించడమైనది. పూజ అయిన తర్వాత ఫోటోలు వధువులు తీసుకుని వెళ్లవచ్చును.

అందుచేత వధువుల తల్లిదండ్రులు అందరూ GPay Number 9849566647 కు 

Rs.800/-లు పంపి రసీదు, పేరు, గోత్రము, నక్షత్రము 

కాత్యాయనీ వ్రతము గ్రూపులో పోస్టింగ్ చేయవలెను.

Group Link:

https://chat.whatsapp.com/DGmjKZZuzHz0XrGo37JBTQ?s=cl&p=i&mlu=4

*ఈ పవిత్ర కార్యక్రమంలో వధూవరుల తల్లిదండ్రులు అందరూ వారి

 పిల్లలుతో పాల్గొని కాత్యాయనీమాత అనుగ్రహం పొందవలసినదిగా కోరుతున్నాము.

మాకు సహకారం అందిస్తున్న వాలంటీర్లు అది నోట్ చేసుకుంటారు.

కార్యక్రమానికి ఏర్పాటు చేసిన ఖర్చుల వివరములు: 

వేదిక, మంగళ వాయిద్యముల

టీమ్ 5గురు, 4గురు పూజా గురువులు, పూజా ద్రవ్యములు, మైకు మరియు స్పీకర్లు, ఫోటోలు, వీడియో LIVE ఖర్చులు - అన్నప్రసాదము మొదలైనవి.

ఖర్చులు మొత్తం రాగానే రిజిస్ట్రేషన్లు క్లోజ్ చేస్తాము. అందుచేత అందరూ ముందుగా స్పందించవలసిందిగా కోరుతున్నాము. 

అన్నప్రసాద వితరణకు మీ అనుకూలతను బట్టి స్పందించండి.

సభ్యులందరూ ఈ కార్యక్రమానికి సహకరించవలసిందిగా కోరుతున్నాము.

అయ్యలసోమయాజుల బ్రహ్మానందం

ఆనంద్ బ్రాహ్మణ ఉచిత వివాహ సమాచార కేంద్రం 

పుప్పల గూడ - హైదరాబాద్.

Mob: 9849566647

పంచాంగం

 ఈ రోజు పంచాంగం 30.09.2026 Wednesday,

స్వస్తి శ్రీ చాంద్రమాన పరాభవ నామ సంవత్సరః దక్షిణాయనం వర్ష ఋతువు భాద్రపద మాస క్రిష్ణ పక్ష చతుర్థి తిథి సౌమ్య వాసర భరణి నక్షత్రం వజ్ర యోగః బాలవ తదుపరి కౌలవ కరణం.

రాహుకాలం : మధ్యాహ్నం 12:00 నుండి 01:30 వరకు.

 

యమగండం: ఉదయం 07:30 నుండి 09:00 వరకు.

 

శ్రాద్ధ కర్మ తిథి : చతుర్థి.

 

నమస్కారః , శుభోదయం

భగవద్గీత

 --------------------------భగవద్గీత. ------------------------

                        సప్తమోధ్యాయః

                    జ్ఞాన విజ్ఞాన యోగము

 ఉదారాః సర్వ ఏవైతే జ్ఞానీ త్వాత్మైవ మే మతమ్ ।

ఆస్థితః స హి యుక్తాత్మా మామేవానుత్తమాం గతిమ్ ।। 18 ।।

ప్రతిపదార్థ;

ఉదారాః — మహనీయులు; సర్వే — వీరందరూ; ఏవ — నిజముగా; ఏతే — వీరు; జ్ఞానీ — జ్ఞానులు; తు — కానీ; ఆత్మా-ఏవ — స్వయముగా నేనే; మే — నా యొక్క; మతం — అభిప్రాయము; ఆస్థితః — స్థితుడై ఉండి; సః — ఆ వ్యక్తి; హి — ఖచ్చితంగా; యుక్త-ఆత్మా — ఏకీకృత మైనవారు; మాం — నా యందు; ఏవ — నిజముగా; అనుత్తమాం — సర్వోన్నత; గతిం — లక్ష్యము.

తాత్పర్యము:

నా యందు భక్తితో ఉన్నవారందరూ నిజముగా ఉత్తములే. కానీ, జ్ఞానముతో ఉండి, దృఢనిశ్చయము కలిగి, బుద్ధి నా యందు ఐక్యమై, మరియు కేవలం నన్ను మాత్రమే వారి పరమ లక్ష్యంగా కలిగిఉన్నవారు, స్వయంగా నా స్వరూపమే అని నేను పరిగణిస్తాను.

వివరణ :

7.17వ శ్లోకంలో జ్ఞానయుక్తుడైన భక్తుడే ఉన్నతమైన వాడు, అని చెప్పిన పిదప, శ్రీ కృష్ణుడు, మిగతా మూడు రకాల భక్తులు కూడా ఆయనకి ప్రియమైన వారే అని వివరణ ఇస్తున్నాడు. ఏ కారణంతో అయితేనేమి, భక్తిలో నిమగ్నమై ఉన్నవారు అందరూ గొప్పవారే అని చెప్తున్నాడు. అయినా, జ్ఞానంలో స్థితులై ఉన్న భక్తులు, భౌతిక వస్తు సంపద కారణాల కోసం భగవంతుడిని పూజించరు. అందుకే, భక్తుల యొక్క ఈ యొక్క నిస్వార్థ, బేషరతుగా ఉన్న ప్రేమకి భగవంతుడు బద్ధుడై పోతాడు.

పరా భక్తి, లేదా దివ్య ప్రేమ, అనేది, ప్రాపంచిక ప్రేమ కంటే చాలా విభిన్నమైనది. దివ్య ప్రేమ అనేది దివ్య సఖుని సంతోషం కోసం పరితపించే స్వభావంతో ఉంటుంది; ప్రాపంచిక ప్రేమ అనేది సొంత-ప్రయోజనం కోసం కోరికచే ప్రేరేపితమైనది. దివ్య ప్రేమ అనేది, సమర్పణ స్వభావంతో మరియు ఇష్టసఖుని సేవలో త్యాగంతో నిండి ఉంటుంది; ప్రాపంచిక ప్రేమ అనేది తీసుకునే దృక్పథంతో ఉంటుంది, దాని అంతిమ లక్ష్యం ప్రేమించిన వారి నుండి ఏదో పొందటమే. చైతన్య మహాప్రభు ఇలా వివరించాడు:

కామేర తాత్పర్య నిజ-సంభోగ కేవల

కృష్ణ-సుఖ-తాత్పర్య-మాత్ర ప్రేమ తా’ ప్రబల

అతఏవ కామ-ప్రేమే బహుత అంతర

కామ అంధ-తమః, ప్రేమ నిర్మల భాస్కర

(చైతన్య చరితామృతము, ఆది లీల 4.166 & 171)

‘కామము (ప్రాపంచిక ప్రేమ) స్వీయ-సంతోషం కోసము ఉంటుంది; దివ్య ప్రేమ శ్రీ కృష్ణుడి సంతోషం కోసం పెంపొందించుకోబడి ఉంటుంది. వీటి మధ్య చాలా పెద్ద తేడా ఉంది - కామము అనేది చీకటి మరియు అజ్ఞానము వంటిది, అదే సమయంలో దివ్య ప్రేమ అనేది స్వచ్ఛమైనది మరియు ప్రకాశవంతమయినది.’ జగద్గురు శ్రీ కృపాలు జీ మహారాజ్ దీనిని చాలా అద్భుతంగా పేర్కొన్నాడు:

బ్రహ్మ లోక్ పర్యంత సుఖ్, అరు ముక్తిహుఁ త్యాగ్,

తబఇ ధరహు పగ ప్రేమ పథ, నహిఁ లగి జైహైఁ దాగ్

(భక్తి శతకము, 45వ శ్లోకం)

‘భక్తి మార్గంలో ప్రయాణించాలంటే, ప్రాపంచిక భౌతిక సుఖాల కోరికలను మరియు మోక్షము కోసం ఉన్న వాంఛను విడిచిపెట్టాలి. లేదా, అలాకాకపొతే దివ్య ప్రేమ అనే స్వచ్ఛమైన నీరు స్వార్థంతో మలినమైపోతుంది.’ నారద మహర్షి స్వచ్ఛమైన ప్రేమను ఈ విధంగా నిర్వచించారు:

తత్ సుఖ సుఖిత్వం (నారద భక్తి దర్శన్, 24వ సూత్రము)

‘నిజమైన ప్రేమ అంటే ఇష్ట సఖుని సంతోషం కోసం ఉన్నదే.’ భౌతిక ప్రాపంచికత్వంతో ప్రేరేపితమైన భక్తులు ఇటువంటి భక్తిలో నిమగ్నం కాలేరు, కానీ జ్ఞానంతో ఉన్న భక్తుడు ఈ నిస్వార్థ స్థాయికి ఎదుగుతాడు. ఎప్పుడైతే ఎవరైనా భగవంతుడిని ఈ విధంగా ప్రేమించటం నేర్చుకుంటారో, ఆయన ఆ భక్తునికి బానిసై పోతాడు. భగవంతుని యొక్క అత్యుత్తమ లక్షణం ఏమిటంటే, 'భక్త వత్సలుడు' (తన భక్తులపై ఆయనకు ఉన్న ప్రేమ). పురాణాలు ఇలా పేర్కొంటున్నాయి:

గీత్వా చ మమ నామాని విచరేన్మమ సన్నిధౌ

ఇతి బ్రవీమి తే సత్యమ్ క్రీతోహం తస్య చార్జున

(ఆది పురాణం 1.2.231)

శ్రీ కృష్ణుడు ఇలా అంటున్నాడు: ‘నా నామములు జపం చేస్తూ, తలంపులలో నన్ను తమ దగ్గరగా ఉంచుకున్న వారికి నేను బానిసనై పోతాను. ఇది నిజము ఓ అర్జునా.’ భగవంతుడు తన నిస్వార్థ భక్తుల పట్ల ఎంత ఋణపడి ఉంటాడంటే, వారిని తన స్వ-స్వరూపంగానే చూసుకుంటాను అన్న స్థాయి వరకు ఈ శ్లోకంలో చెప్తున్నాడు.