కార్తీకపురాణం 17

 ॐ కార్తీకపురాణం 17 వ అధ్యాయము ॐ

🕉️🕉️🕉️🕉️🕉️🕉️🕉️🕉️🕉️🕉️🕉️🕉

🍃🌷అంగీరసుడు ధనలోభునకు చేసిన తత్త్వోపదేశము:

ఓ మునిశ్రేష్ఠులారా! ఓ ధనలోభీ! నీకు కలిగిన సంశయంబులకు సమాధానము చెప్పుచున్నాను. వినుము.

కర్మవలన ఆత్మకు దేహధారణము సంభవించుచున్నది. కావున, శరీరోత్పతికి కర్మ కారణముగుచున్నది. శరీరధారణము వలననే ఆత్మకర్మను చేయును కనుక, కర్మ చేయుటకు శరీరమే కారణమగుచున్నది. స్థూల సుక్ష్మ శరీర సంబంధము వలన ఆత్మకు కర్మసంబంధము కలుగునని తొల్లి పరమేశ్వరుడు పార్వతీదేవికి వివరించెను. దానిని మీకు నేను వివరించుచున్నాను. 'ఆత్మ' యనగా యీ శరీరమును నహంకారముగా ఆవరించి వ్యవహరించుచున్నది అని అంగీరసుడు చెప్పగా, "ఓ మునీఒద్రా! నేనింత వరకు యీ దేహమే ఆత్మయని భావించుచుంటిని. కనుక, యింకను వివరముగా చెప్పబడిన వాక్యార్ధజ్ఞానమునకు పాదార్దజ్ఞానము కారణమగుచుండును. కాన, 'అహంబ్రహ్మ' యను వ్యక్యార్ధమును గురించి నాకు తెలియజెయండి"యని ధనలోభుడు కోరెను.

అప్పుడు ధనలోభునితో అంగీరసుడిట్లనియె, "ఈ దేహము అంతః కరణవృత్తికి సాక్షియే, 'నేను - నాది' అని చెప్పబడు జీవత్మాయే 'అహం' అను శబ్దము. సర్వాంతర్యామియై సచ్చిదానంద రూపమైన పరమాత్మా 'న:' అను శబ్దము. ఆత్మకు షుటాదులవలె శరిరమునకు లేదు. ఆ యాత్మ సచ్చిదానంద స్వరూపము బుద్ది సాక్షి జ్ఞానరూపి శరీరేంద్రియములు మొదలగువాని వ్యాపారమునుందు ప్రవర్తింపజేసి వానికంటే వేరుగా వున్నదై యెల్లప్పుడు నొకేరీతిని ప్రకాశించుచు నుండునదే "ఆత్మ" యనబడను. "నేను" అనునది శరీరేంద్రియాదులలో కూడా నామరూపంబుతో నుండి నశించునవియేగాక, యిట్టి దేహమునకు జాగ్రత్స్వప్న సుషుప్త్యవస్థలు స్థూల సూక్ష్మాకార శరీరంబులను మూడింటి యందునూ "నేను", "నాది" అని వ్యవహరించేదే ఆత్మయని గ్రహించు కొనుము".

ఇనుము సూదంటు రాయిని అంటి పెట్టుకొని తిరుగునటుల శరీర, ఇంద్రియాలు దేని నాశ్రయించి తిరుగుచుండునో అదే ఆత్మ. అట్లే, అవి ఆత్మ వలన తమ పనిని చేయును. నిద్రలో శరీరే౦ద్రియాల సంబంధము లేక గాఢనిద్రపోయి, మేల్కొన్న తర్వాత 'నేను సుఖనిద్రపోతిని, సుఖింగావుంది' అనుకోనునదియే ఆత్మ. 

దీపము గాజుబుడ్డిలో వుండి ఆ గాజును, ప్రకాశింపజేయునటులే ఆత్మ కూడా దేహేంద్రియాలను ప్రకాశింప చేయుచున్నది. ఆత్మ పరమాత్మ స్వరూపమగుట వలన, దానికి దారా పుత్రాదులు ఇష్టమగుచున్నారు. అట్టి విశేష ప్రేమాస్పదమగు వస్తువేదో అదియే 'పరమాత్మ' యని గ్రహింపుము. 'తత్వమసి' మొదలైన వాక్యములందలి 'త్వం' అను పదమునుకు కించిత్ జ్ఞాత్వాది శశిష్టమందు జీవాత్మయని అర్థం 'తత్" అనుపదమునకు సర్వజ్ఞ దిగుణత్వా విశిష్టమైన సచ్చిదానంద స్వరూపమని అర్ధము "తత్త్వమసి" అనేది జీవాత్మ పరమాత్మల యేకత్వమును భోదించును. 

ఈ రీతిగా సర్వజ్ఞత్వాది ధర్మములను వదిలి వేయగా సచ్చిదానంద రూపమొక్కటియే నిలుచును. అదియే "ఆత్మ దేహలక్షణములుండుట - జన్మించుట - పెరుగుట - క్షీణి౦చుట - చచ్చుట మొదలగు ఆరు భాగములు శరీరానికే గాని ఆత్మకు లేవు. జ్ఞానానంద స్వరూపమే పూర్ణత్వము గలది. వేదములలో దేనికి సర్వజ్ఞత్వము, ఉపదేశము, సంపూర్ణత్వము నిరుపించబడియున్నదో అదియే "ఆత్మ". ఒక కుండను జూచి అది మట్టితో చేసినదే యని యే విధముగా గ్రహింతుమో, అటులనే ఒక దేహాంతర్యామి యగు జీవాత్మ పరమాత్మయని తెలుసుకొనుము.

జీవులచే కర్మ ఫలమనుభవింపజేసేవాడు పరమేశ్వరుడనియు, జీవులా కర్మ ఫలమను భవింతురనియు తెలుసుకొనుము. అందువలన మానవుడు గుణసంపత్తుగలవాడై గురుశుశ్రూష నొనర్చి సంసార సంబంధమగు ఆశలన్నీ విడచి విముక్తి నొందవలయును. మంచిపనులు తలచిన చిత్తశుద్దియు, దానివలన భక్తిజ్ఞాన వైరాగ్యములు గలిగి ముక్తి పొందును. అందువలన సత్కర్మానుష్ఠానము చేయవలయును. మంచి పనులు చేసిన గాని ముక్తి లభించదు, అని అంగీరసుడు చెప్పగా ధనలోభుడు నమస్కరించి యిట్లనెను.

*ఇట్లు స్కాంద పురాణా౦తర్గత వశిష్టప్రోక్త కార్తీక మహాత్మ్య మందలి సప్తదశాధ్యాయము - పదిహేడవ రోజు పారాయణ సమాప్తము...

ఓం నమః శివాయ...🙏🙏

పక్కలో మూత్రం పోయకుండా

 7 రోజుల్లో పిల్లలు పక్కలో మూత్రం పోయకుండా నివారించే అద్భుత యోగం  - 

      ప్రతినిత్యం రాత్రి పడుకునే సమయంలో 125 ml పాలల్లో చిటికెడు ఆవాల పొడి కలిపి తాగించుచున్న 7 రోజుల్లొ చిన్నపిల్లలు పక్కలో మూత్రం పోయుట ఆగిపోవును .

మరిన్ని అనుభవపూర్వక ఆయుర్వేద ఔషధ చిట్కాల కొరకు మరియు సంపూర్ణ సమాచారం కొరకు నేను రచించిన గ్రంధాలు చదవగలరు . .

  గమనిక  -

      నేను రాసిన " ప్రాచీన ఆయుర్వేద ఔషధాలు " మరియు " ఆయుర్వేద మూలికా రహస్యాలు " రెండు గ్రంథాలలో ఎన్నొ రహస్య చిట్కాలు , మా కుటుంబపరంగా  గత 250 సంవత్సరాల నుంచి మా పెద్దవారు మాకు అందించిన ఎంతో అనుభవసారాన్ని ఈ గ్రంథాలలో అందరి అర్థం అయ్యే విధంగా సామాన్య బాషలో వివరించాను. ఇంట్లో ఉండి మరియు అందుబాటులో ఉన్న వాటితోనే పెద్ద పెద్ద రోగాలు నయం చేసుకునే విధంగా అత్యంత సులభయోగాలు మన ప్రాచీన భారతీయులు రచించిన చెట్లను బట్టి భూమిలో నీటిని కనుక్కునే విధానాలు , వృక్షాలకు ఆయుర్వేద మూలికల ఉపయోగించి దిగుబడి పెంచే వృక్షాయుర్వేద చిట్కాలు , రైతులకు ఉపయోగపడే విధంగా ఏయే నక్షత్రాలలో పంటలు వేస్తే ఫలితాల ఎక్కువుగా ఉంటాయో తిథి, నక్షత్ర, వారాలతో సహా ఇవ్వడం జరిగింది. ఆయుర్వేదం నేర్చుకోవాలి అనుకునేవారికి ఇది మంచి దిక్సూచిలా ఉపయోగపడును. 

            నా మూడొవ గ్రంథము నందు 50 రకాల మొక్కల గురించి అత్యంత విపులంగా ఇవ్వడం జరిగింది . ఈ మొక్కలన్నియు ప్రతి ఒక్కరికి తెలిసినవి మరియు మన ఇంటి చుట్టుపక్కల ఉన్నటువంటివే . ఈ గ్రంధములలో మీకు లభ్యమయ్యే సమాచారం మరే గ్రంథములలో లభ్యం అవ్వదని చెప్పగలను . మొక్కలను సులభముగా గుర్తించుటకు రంగుల చిత్రములు కూడా ఇవ్వడం జరిగినది . ఏయే జబ్బులకు ఎటువంటి ఆహారపదార్థాలు తీసుకోవలెనో , తీసుకోకూడదో కూడా సంపూర్ణముగా మీకు ఇందులో లభ్యం అగును . ఔషధాలు మరియు తీసుకోవాల్సిన ఆహారవిహారాలు  ఒకేదగ్గర లభ్యం అగును . 

   ప్రాచీన ఆయుర్వేద ఔషధాలు గ్రంథము 288 పేజీలతో ఉండును . దీని విలువ 400 రూపాయలు , ఆయుర్వేద మూలికా రహస్యాలు గ్రంథము 384 పేజీలతో ఉండి 500 రూపాయలు , సర్వమూలికా చింతామణి గ్రంథము 352 పేజీలతో ఉండును . దీని విలువ 550 రూపాయలు . అందరికి అర్ధమయ్యేలా సులభ బాషలో ఉండును. గ్రాంథిక భాష ఉపయోగించలేదు .  

  

                ఈ గ్రంథములు కావలసిన వారు  9885030034 నంబర్ కు Phonepay or Googlepay or Paytm కు డబ్బు పంపించి ఇదే నంబర్ కు Whatsup నందు screenshot పెట్టి మీ పూర్తి Adreass ఇవ్వగలరు . కొరియర్ చార్జీ 100 రూపాయలు అదనం .

      ఈ గ్రంథాలు కావలసినవారు క్రింద ఇచ్చిన నంబర్ కి ఫోన్ చేయగలరు .

          కాళహస్తి వేంకటేశ్వరరావు  

       అనువంశిక ఆయుర్వేద వైద్యులు 

                  9885030034

రహస్య, విశిష్ట, మహిమాన్వితమైన శివాలయాలు

 శాస్త్రవేత్తలకు సైతం అంతుచిక్కని

రహస్య, విశిష్ట, మహిమాన్వితమైన శివాలయాలు..

*********************************************

🔸 మహానంది శివలింగం అడుగునుండి వచ్చే నీటితో కొన్ని వందల ఎకరాలు పంటభూమి పండుతున్నది. బయట ఉండే కొనేరులో గుండుసూది వేసినా కనపడుతుంది. ఎంత చలికాలంలో కూడా కొనేరులో నీరు గోరు వెచ్చగా ఉంటుంది..

🔸 ప్రకాశం జిల్లా పొన్నలూరు మండలం (కందుకూరు కనిగిరి మధ్య ) కె.అగ్రహారంలోని కాశివిశ్వేశ్వర దేవాలయంలోని శివలింగం క్రిందనుండి నీరు ఊరుతూ ఉంటుంది. ఈ నీరు 14 గ్రామాలకు తాగునీరుగా వాడుతున్నారు..

🔸 ఆదిలాబాద్ జిల్లాలోని శ్రీ బుగ్గ రామేశ్వరాలయం. 

ఈ ఆలయంలో శివలింగం నుండి నీరు ఊరుతూ ఉంటుంది..

🔸 కరీంనగర్ జిల్లాలో కాళేశ్వరము దేవాలయంలో నంది ఉత్తరాయణంలో ఉత్తరముఖంగాను దక్షిణాయణంలో దక్షిణం వైపు తిరుగుతుంది. ఇది వండర్..

🔸 అలంపూర్ బాల బ్రహ్మేశ్వర లింగానికి ఎన్ని నీళ్ల ట్యాకులతోనైనా అభిషేకం చెయ్యండి, కానీ ఆనీరు ఎటుపోతుందో ఎవ్వరికీ తెలియదు..

🔸 వరంగల్ జిల్లా వెయ్యిస్తంభాల గుడి, ఇక్కడ సంగీత స్తంభాలు గలవు. ఇక్కడ నందిని మీటితే కంచు శబ్దం వస్తుంది..

🔸 ద్రాక్షారామం ఈ శివలింగం పై ఉదయం సాయత్రం సూర్య కిరణాలు పడతాయి..

🔸 భీమవరంలో సోమేశ్వరుడు, ఇక్కడ శివలింగం అమావాస్యకు నల్లగా, పౌర్ణమికి తెల్లగా రంగులు మారతారు..

🔸 కోటప్పకొండ ఎటుచూసినా 3 శిఖరాలు కనిపిస్తాయి, ఇక్కడికి కాకులు అసలు రావు..

🔸 గుంటూరు జిల్లా చేజర్ల ఇక్కడ స్వామిపేరు కపోతేశ్వర స్వామి. లింగానికి దక్షిణ భాగంలో ఉన్న రంద్రంలో నీళ్లుపోస్తే శవంకుళ్లిన వాసన వస్తుంది. ఉత్తరభాగంలో నీరుపోస్తే అవి ఎక్కడికి పోతాయో ఎవ్వరికీ తెలీదు..

🔸 బైరవకొన ఇక్కడ కాకులు రావు. అలాగే ఇక్కడ ఉన్న కొనేరులో ఎంత నీరు వరదలా వచ్చినా గుడిలోకి నీరురాదు..

🔸 యాగంటి ఇక్కడ రోజురోజుకు నంది పెరుగుతూ ఉంటాడు..

🔸 శ్రీశైలం భ్రమరాంబిక దేవాలయము వెనుక గోడకు చెవి ఆనించి వింటే, ఒకప్పుడు "జుం" అని తుమ్మెద శబ్దం వినపడేదట..

🔸 కర్నూలు జిల్లా సంగమేశ్వరంలో వేపచెట్టు మొద్దు ఇక్కడ శివలింగంగా మారింది. 6 నెలలు ఈ దేవలయం నీటిలో మునిగి ఉంటుంది. 6 నెలలు బయటకు కనిపిస్తుంది..

🔸 శ్రీకాళహస్తిలో పంచ భూతాలలో ఒకటైన వాయులింగేశ్వర రూపములో శివలింగం ఉంటుంది. ఇక్కడ స్వామి వారికి కుడివైపున (మనకు ఎడమ వైపున) రెండు జ్యోతులతో దీపం వెలుగుతూ ఉంటుంది. స్వామి వారి వాయు తత్వాన్ని నిరూపిస్తూ ఎల్లప్పుడూ దీపం కదులుతూ ఉంటుంది..

🔸 అమరనాథ్ శ్రావణ మాసంలో ఇక్కడ స్వయంగా మంచుతో శివలింగం ఏర్పడుతుంది..

🔸 కర్ణాటకలోని శివగంగ ఇక్కడ శివలింగంపై నెయ్యి వుంచితే వెన్న అవుతుంది. ఇక్కడ ఒక్క మకర సంక్రాంతి రోజు మాత్రమే గంగాజలం ఉద్బవిస్తుంది. మిగిలిన రోజులలో ఒక్క చుక్క కూడా కనిపించదు..

🔸 మహారాష్ట్రలో కోపినేశ్వర్ అనే దేవాలయంలో ప్రతి సంవత్సరము శివలింగము పైకి పెరుగుతుంది. నంది విగ్రహము శివలింగం వైపు జరుగుతూ ఉంటుంది..

🔸 కంచి ఇక్కడ మామిడి చెట్టు వయస్సు 4000 సంవత్సరాలు..

🔸 తమిళ నాడు తిరు నాగేశ్వరము ఇక్కడ పాలతో అభిషేకం చేస్తే నీలంగా మారుతాయి..

🔸 చైనాలో కిన్నెర కైలాసము ఇక్కడ ఉన్న శివలింగము ఉదయం తెల్లగా, మధ్యాహ్నం పసుపుగా, సాయంత్రం తెలుపుగా, రాత్రి నీలంగా మారుతాడు..

🙏 నమః పార్వతీ పతయే నమః హర హర మహాదేవ శంభో శంకర ఓం నమః శివాయ.....🚩🕉️

మధ్యతరగతి మందహాసాలు

 *మధ్యతరగతి మందహాసాలు* 

బాల్యంలో అంటే 60, 70 ప్రాంతాల్లో  మన మధ్యతరగతి ఇళ్లల్లో తరచుగా వినపడే మాటలు..

బంధువులు ఊరినుంచి రాగానే మంచినీళ్లిచ్చి, కుశల ప్రశ్నలు వేసినాక *"పొద్దున్న ఎప్పుడనగా బయలు దేరారో ఏమో, కాళ్ళు కడుక్కోండి వడ్డించేస్తాను"* అనే ఇల్లాలు 

పొద్దున్నే పాలవాడు గిన్నెలో పాలు పోయగానే 

"*ఈమధ్య  బొత్తిగా నీళ్ల పాలు పోసేస్తున్నావు"*

పక్క వీధి పిన్నిగారితో "*మీ కోడలు నీళ్ళోసుకుందిటగదా.. ఇప్పుడు ఎన్నో నెల?"*

అనే ఎంక్వయిరీ లు 

*"ఈరోజు మా తాతగారి తద్దినం. నాలుగు అరిటాకులు అడిగి కోసుకు రమ్మంది మా అమ్మ ?"* పక్కింటి పిల్లాడి అభ్యర్ధన 

*"వెళ్ళేటప్పటికి బాగా రాత్రి అవుతుంది కదా!*

*కాస్త పులిహోర, పెరుగన్నం చేసిస్తాను. రైలులో తిందురుగాని"* ప్రయాణమవుతున్న బంధువులతో  ఆప్యాయంగా ఇల్లాలు 

"*మీ పిల్లకు సంబంధాలు ఏమన్నా చూస్తున్నారా లేక మేనరికాలు ఉన్నాయా?*" పొరుగింటి పిన్నిగారి ఆరా 

"*ఈ నెల నుంచి అద్దె ముప్పై పెంచుతానంటున్నారు*

*ఇంటాయన*" బెంగగా అద్దె ఇంటాయన 

*"ముందు ఆ బాత్ రూమ్ తలుపు రిపేర్ చేయించి పెంచమనండి"* ఇంటామే ఇచ్చిన హింటు 

"*పరీక్షలు దగ్గిర పడుతున్నాయి. ఇక ఆటలు ఆపి చదవండి*" నాన్నగారి హుంకరింపు 

"* తెల్లారగట్లే అయిదింటికి లేపుతా*.. *నాతోబాటే లేచి చదవండి. తెల్లారగట్ల చదివితే బాగా వస్తుంది చదువు"* అమ్మ బుజ్జగింపు 

"*ఏమండి.. బియ్యం తేవాలి. ఇక రెండు రోజులే వస్తాయి"* ఇల్లాలి అల్టిమేటం 

" *మీరు చదవడం అయిపోతే ఈ వారం ప్రభ  ఒకసారి ఇవ్వండి పిన్ని గారూ... జీవనతరంగాలు చదివి ఇచ్చేస్తాను"* పక్కింటావిడతో ఇంటావిడ 

" *వెంకటేశా లో మాయాబజారు సినిమా మార్నింగ్ షోలు వేస్తున్నారుట. రేపు ఉదయం పిల్లలు స్కూళ్లకి, అన్నయ్య గారు ఆఫీస్ కి వెళ్ళాక వెళ్లొద్దామా వదిన గారూ?"* పక్కింటావిడ ప్రపోజల్ 

"*వారంలో ఒక్కరోజైనా నాగా పెట్టకుండా ఉండవు గదా నువ్వు*?" పనిమనిషితో  కోపంగా ఇంటి ఇల్లాలు 

"*పెద్దాడు ఇంకా మణియార్డర్ పంపలేదేమిటో?"*

ఓ పెద్దాయన ఆరాటం 

*"పంపుతాడు లెండీ. జీతాలు ఇచ్చారోలేదో "*

కొడుకుని వెనకేసుకొస్తూ పెద్దాయన భార్య 

ఎవరన్నా బంధువులు ఇంటికి వస్తే, వారిని ఆదరంగా ఆహ్వానిస్తూ *"పొద్దున్న కాకి ఒకటే అరుస్తుంటే, ఇవాళ ఎవరో ఇంటికి వస్తారు అని అనుకుంటూనే ఉన్నాను. రండి రండి"*

"*సరే... జీతాలు రానీ.. కొందాం"*  నెలాఖరులో అందరి నాన్నల స్టాక్ డైలాగ్ 

అప్పటి టెలిగ్రాములలో మచ్చుకి కొన్ని 

"Start immediately. Father not well"

"Arriving by tenth circar"

"Lakshmi delivered male child  on fifth. Both are safe"

"*ఈసారి పండగ కి రేషన్ కార్డు మీద ఇంకో కిలో పంచదార ఎక్కువ ఇస్తున్నారుట"* అమ్మ ఆనందం 

"*కిరసనాయిలు కూడా ఇస్తే బాగుండును. కరెంట్ అస్తమానూ పోతోంది"* పక్కింటి పిన్నిగారి ఆశాభావం 

"*మొన్న ద్రోణంరాజు గారింట్లో పట్టపగలే గోడ దూకి దండెం మీద ఆరేసిన బట్టలు,*  ఇత్తడి 

డేగిసా  ఎత్తుకుపోయారుట!" అమ్మలక్కల పిచ్చాపాటి.

*"అయినా  చోద్యం కాకపొతే ఇత్తడి డేగిసా అలా బయట వదిలేస్తారా ఎవరైనా.. ఎత్తుకెళ్లిపోరూ మరి?"* ఒక పిన్నిగారి మూతి విరుపు 

"*ఏంట్రా ఈ మార్కులు... హాఫ్ ఇయర్లీ కి కూడా ఇలాగే వస్తే  చెప్తా నీ సంగతి*" నెత్తి మీద నాలుగు పీకి ప్రోగ్రెస్ కార్డు సంతకం పెడుతున్న నాన్నగారు 

"*నాన్నగారు అన్నవరం క్యాంపు కి వెళ్ళివచ్చారు. ప్రసాదం ఇచ్చిరమ్మంది అమ్మ*"  సత్యనారాయణ స్వామి ప్రసాదం పొట్లం ఇస్తూ పక్కింటి పిల్ల. 

కళ్లకద్దుకుని మరీ తీసుకున్న ఇల్లాలు.

"*నాన్న గారి తిధి మళ్ళా ఆదివారమే. పచారీ సామాను ఏం కావాలో  చూసి లిస్టు రాయి. సాయంత్రం వెళ్లి శాస్త్రి గారికి చెప్పి వస్తా*" అంటున్న నాన్నగారి మాటలు విని  తాతగారి తద్దినానికి వచ్చే మేనత్త పిల్లలు, బాబాయ్ పిల్లలతో ఆడుకోవొచ్చనే పిల్లల ఆనందం 

*"నల్లులు ఎక్కువైపోయాయి. నల్లుల మందు తెండి. రేపాదివారం మందు కొట్టి  మంచాలు ఎండలో పడేద్దాం"* ఇప్పుడు దోమల్లాగ అప్పుడు నవారు మంచాల్లో నల్లుల బాధ 

"*ఈ బియ్యం తీసుకెళ్లి మరాడించుకుని రారా. శనివారం ఫలహారం ఉప్పుడుపిండి చేయాలి"*

కొడుకుతో తల్లి.

*"అలాగే ఆ చేత్తోటే  ఓ మెట్టవంకాయ కాల్చి పులుసుపచ్చడి పెట్టమ్మా.  మీ ఆయనకు పిండిలోకి ఇష్టం"* కొడుకు ఇష్టం తెలిసిన తల్లి గారు కోడలుతో 

"*మీ అబ్బాయికి  బ్యాంకు ఉద్యోగం వచ్చిందిట గదా... సంతోషం. ఇక పెళ్లి చేసేయొచ్చు*" కుర్రాడి తండ్రితో పక్కింటాయన.

*"ఏదీ ఇంకా జాయినే కాలేదు. అప్పుడే పెళ్ళా?"*

కుర్రాడి తండ్రి.

"*ఇప్పుడే కాదులెండి. సందర్భం వచ్చింది కనుక చెప్తున్నా... మా బావమరిది కూతురు ఉంది. బంగారుబొమ్మ.  డిగ్రీ చదువుతోంది. కాస్త దృష్టిలో పెట్టుకోండి"* పిల్ల మేనత్త మొగుడు కర్చీఫు వేసేసి కాఫీ తాగి వెళ్ళాడు 😃😃

ఇప్పటి మన జీవితాలతో పోల్చుకోండి. చాలా తక్కువ వినబడుతున్నాయి ఈ సంభాషణలు,

 ఆ ఆప్యాయతలు. 😢😢

అన్నీ చదవడం ద్వారా అప్పటి మన మధ్యతరగతి ఇంటి వాతావరణాన్ని మళ్ళీ సృష్టించుకుందాం.

🙏🌷🙏🌷🙏

కార్తీకపురాణం 16

 ॐ కార్తీకపురాణం 16 వ అధ్యాయము ॐ

🕉️🕉️🕉️🕉️🕉️🕉️🕉️🕉️🕉️🕉️🕉️🕉

🍃🌷స్తంభదీప ప్రశంస:

వశిష్టుడు చెబుతున్నాడు, ఓ రాజా! కార్తీకమాసము దామోదరునికి అత్యంత  ప్రీతికరమైన మాసము. ఆ మాసముందు స్నాన, దాన, వ్రతాదులను చేయుట, సాలగ్రామ దానము చేయుట చాలా ముఖ్యము. ఎవరు కార్తీకమాసమందు తనకు శక్తి వున్నా దానము చేయరో, అట్టి వారు రౌరవాది నరకబాధలు పొందుదురు. ఈ నెల దినములు తాంబూలదానము చేయువారు చక్రవర్తిగా పుట్టుదురు. ఆవిధముగానే నెలరోజులలో ఏ ఒక్కరోజూ  విడువకుండ తులసి కోటవద్దగాని, భగవంతుని సన్నిధినిగాని దీపారాధన చేసిన యెడల సమస్త పాపములు నశించుటయే గాక వైకుంఠ ప్రాప్తి కలుగును. కార్తీకశుద్ద పౌర్ణమి రోజున నదీస్నానమాచరించి, భగవంతుని సన్నిధియందు ధూప దీప నైవేద్యములతో దక్షిణ తాంబూలాదులు, నారికేళ ఫలదానము జేసిన యెడల  చిరకాలమునుండి సంతతి లేనివారికి పుత్ర సంతానము కలుగును.

సంతానము వున్న వారు చేసినచో సంతాన నష్టము జరుగదు. పుట్టిన బిడ్డలు చిరంజీవులై యుందురు. ఈ మాసములో ధ్వజస్తంభమునందు ఆకాశ దీపమునుంచిన వారు వైకుంఠమున సకల భోగములు అనుభవింతురు. కార్తీక మాసమంతయు ఆకాశ దీపముగాని, స్తంభ దీపాము గాని వుంచి నమస్కరించిన స్త్రీపురుషులకు సకలైశర్యములు కలిగి, వారి జీవితము ఆనందదాయకమగును. ఆకాశ దీపము పెట్టు వారు శాలిధాన్యంగాని, నువ్వులుగాని ప్రమిద అడుగున పోసి దీప ముంచవలమును. దీపము పెట్టడానికి శక్తి ఉండి కూడా దీపం పెట్టనివారును, లేక దీపం పెట్టువారి పరిహాసమాడువారును చుంచు జన్మ మెత్తుదురు ఇందులకొక కథ కలదు. చెప్పెదను వినుము.

🌷దీప స్తంభము విప్రుడగుట:

ఋషులలో అగ్రగణ్యుడను పేరొందిన మతంగ మహాముని ఒక చోట అశ్రమాన్ని ఏర్పరచుకొని, దానికి దగ్గరలో ఒక విష్ణు మందిరాన్ని కూడా నిర్మించుకొని, నిత్యము పూజలు చేయుచుండెను. కార్తీకమాసములో ఆ ఆశ్రమము చుట్టు ప్రక్కల మునులు కూడ వచ్చి పూజలు చేయుచుండిరి. వారు ప్రతిదినము అలయద్వారాల పై దీపములు వెలిగించి, కడుభక్తితో శ్రీహరిని పూజించి వెళ్లుచుండెడివారు.

ఒకనాడు ఆ మునులలో ఒక వృద్దడు తక్కిన మునులను చూచి "ఓ సిద్దులారా! కార్తీకమాసములో హరిహరాదుల ప్రీతికోరకు స్తంభదీపము నుంచినచో వైకుంఠ ప్రాప్తి కలుగుతుందని మనకందరకూ తెలిసిన విషయమే కదా! రేపు కార్తీకశుద్ధ  పౌర్ణమి. హరిహరాదుల ప్రీతికొరకు ఈ ఆలయానికి ఎదురుగా ఒక  స్తంభము పాతి, దానిపై దీపమును పెట్టుదము. కావున మనమందరము అడవికి వెళ్లి నిడుపాటి స్తంభము తోడ్కునివత్తము, రండు" అని పలుకగా అందరు పరమానందభరితులై అడవికి వెళ్లి చిలువలు పలువలు లేని ఒక చెట్టును మొదలంట నరికి దానిని తీసుకువచ్చి ఆలయంలో స్వామి కెదురుగా పాతిరి. దానిపై శాలి ధాన్యముంచి ఆవునేతితో నింపిన పాత్రను దానిపై పెట్టి అందు వత్తివేసి దీపము వెలిగించిరి. 

పిమ్మట వారందరూ కూర్చుండి పురాణపఠనము చేయుచుండగా ఫెళ ఫెళమను శబ్దము వినిపించి, అటుచూడగా వారు పాతిన స్తంభము ముక్కలైపడి, దీపము ఆరిపోయి చెల్లాచెదురై పడియుండెను. ఆ దృశ్యము చూచి వారందరు ఆశ్చర్యముతో నిలబడియుండిరి. అంతలో ఆ స్తంభము నుండి ఒక పురుషుడు బయటకు వచ్చెను. వారతనిని జూచి "ఓయీ నీ వేవడవు? నీవీ స్తంభమునుండి ఎలా వచ్చితివి? నీ వృత్తాంతమేమి" అని ప్రశ్నిచిరి. 

అంత, ఆ పురుషుడు వారందరకు నమస్కరించి "పుణ్యాత్ములారా! నేను క్రిందటి జన్మమందు బ్రహ్మణుడను. ఒక జమిందారుడను. నా పేరు ధనలోభుడు. నాకు చాలా ఐశ్వర్యముండుటచే మదాంధుడనై న్యాయాన్యాయా విచక్షణలు లేక ప్రవర్తించితిని. దుర్భుద్దులలవడుటచే వేదములు చదువక శ్రీహరిని పూజింపక, దానధర్మాలు చేయక మెలగితిని. నేను నా పరివారముతో కూర్చుండియున్న సమయమున నే విప్రుడయినా వచ్చి నన్ను ఆశ్రయించెన, అతనిచె నా కాళ్ళు కడిగించి ఆ నీళ్ళు నెత్తి మీద వేసుకోమని చెప్పి, నానా దుర్భాషలాడి పంపు చుండెవాడను. నేను వున్నతాసనముపై కూర్చుండి అతిధులను నేలపై కూర్చుండుడని చెప్పెడివాడను. 

స్త్రీలను, పసిపిల్లలను హీనముగా చూచుచుండెడి వాడెను. అందరును నా చేష్టలకు భయపడువారే కాని, నన్నెవరును మందలింప లేక పోయిరి. నేను చేయు పాపకార్యములకు హద్దులేక పోయెడిది. దానధర్మములు యెట్టివో నాకు తెలియవు. 

ఇంత దుర్మార్గుడనై, పాపినై అవసానదశలో చనిపోయి ఘోర నరకములు అనుభవించి, లక్ష జన్మలముందు కుక్కనై, పదివేల జన్మలు కాకినై, ఐదువేల జన్మలు తొండనై, ఐదు వేల జన్మలు పేడపురుగునై, తర్వాత వృక్ష  జన్మమెత్తి కీకారణ్యమందుండి కూడా నేను జేసిన పాపములను పోగొట్టుకొనలేకపోతిని. ఇన్నాళ్లకు మీ దయవలన స్తంభముగానున్న నేను నరరూపమెత్తి జన్మాంతర జ్ఞానినైతిని. నాకర్మలన్నియు మీకు తెలియచేసితిని, నన్ను మన్నింపు" డని వేడుకొనెను.

ఆ మాటలాలకించిన, మునులందరు నమితాశ్చర్యమొంది "ఆహా ! కార్తీకమాస మహిమ మెంత గొప్పది అదియునుగాక, కార్తీక శుద్ధ పౌర్ణమి మహిమ వర్ణింపశక్యము కాదు. కఱ్ఱలు, రాళ్లు, స్తంభములు కూడా మన కండ్ల ఎదుట ముక్తి నొందుచున్నవి. వీటన్నింటి కన్నా కార్తీక శుద్ధ పౌర్ణమి ఆకాశదీపముంచిన మనుజునకు వైకుంఠప్రాప్తి తప్పక సిద్ధించును.

అందువలననే యీ స్తంభమునకు ముక్తికలిగిన" దని మునులు అనుకోనుచుండగా, ఆ పురుషుడా మాటలాలకించి "మునిపుంగవులారా! నాకు ముక్తి కలుగు మార్గమేదైనా గలదా? ఈ జగంబున నెల్లరుకు నెటుల కర్మ బంధము కలుగును? అది నశించుటెట్లు? నాయీ సంశయము బాపు" డని ప్రార్ధించెను. అక్కడ వున్న మునిశ్వరులందరును తమలో నోకడగు అంగీరసమునితో "స్వామి! మీరే అతని సంశయమును తీర్చగల సమర్ధులు గాన, వివరించు" డని కోరిరి. అంత అంగీరసుడిట్లు చెప్పుచున్నాడు...

ఇట్లు స్కాంద పురాణాంతర్గత వశిష్టప్రోక్త కార్తీక మహాత్మ్యమందలి షోడశాధ్యాయము - పదహారో రోజు పారాయణము సమాప్తం.

ఓం నమః శివాయ...🙏🙏

ఆదివారం*🌹 🕉️ *నవంబరు 17, 2024*🕉️

 🕉️🌹🪔🛕🪔🌹🕉️

        🌹 *ఆదివారం*🌹

🕉️ *నవంబరు 17, 2024*🕉️

🚩 _*కార్తీక పురాణం*_🚩    

    _*16 వ అధ్యాయము*_

               మరియు 

          ఈరోజు నుండి 

  _*వృశ్చిక సంక్రమణం*_

              ప్రారంభం 

🕉️🕉️🕉️🕉️🕉️🕉️🕉️🕉️🕉️

        *స్తంభ దీప ప్రశంస*

☘☘☘☘☘☘☘☘️☘️

*వశిష్టుడు చెబుతున్నాడు -*

*"ఓ రాజా ! కార్తీకమాసము దామోదరునికి అత్యంత  ప్రీతికరమైన మాసము. ఆ మాసమందు స్నాన , దాన , వ్రతాదులను చేయుట , సాలగ్రామ దానము చేయుట చాలా ముఖ్యము. ఎవరు కార్తీకమాసమందు తనకు శక్తి వున్నా దానము చేయరో , అట్టి వారు రౌరవాది నరకబాధలు పొందుదురు. ఈ నెల దినములు తాంబూలదానము చేయువారు చక్రవర్తిగా పుట్టుదురు. ఆ విధముగానే నెలరోజులలో ఏ ఒక్కరోజూ  విడువకుండ , తులసి కోటవద్దగాని - భగవంతుని సన్నిధినిగాని దీపారాధన చేసిన యెడల సమస్త పాపములు నశించుటయే గాక వైకుంఠ ప్రాప్తి కలుగును. కార్తీకశుద్ధ పౌర్ణమి రోజున నదీస్నానమాచరించి , భగవంతుని సన్నిధియందు ధూప దీప నైవేద్యములతో దక్షిణ తాంబూలాదులు , నారికేళ ఫలదానము జేసిన యెడల - చిరకాలమునుండి సంతతి లేనివారికి పుత్ర సంతానము కలుగును.

సంతానము వున్న వారు చేసినచో సంతాన నష్టము జరుగదు. పుట్టిన బిడ్డలు చిరంజీవులై యుందురు. ఈ మాసములో ధ్వజస్తంభమునందు ఆకాశ దీపమునుంచిన వారు వైకుంఠమున సకల భోగములు అనుభవింతురు. కార్తీక మాసమంతయు  ఆకాశ దీపముగాని , స్తంభ దీపము గాని వుంచి నమస్కరించిన స్త్రీపురుషులకు సకలైశర్యములు కలిగి , వారి జీవితము ఆనందదాయకమగును. ఆకాశ దీపము పెట్టు వారు  శాలిధాన్యంగాని , నువ్వులుగాని ప్రమిద అడుగున పోసి దీప ముంచవలమును. దీపము పెట్టడానికి శక్తి ఉండి కూడా దీపం పెట్టనివారును , లేక దీపం పెట్టువారి పరిహాసమాడువారును చుంచు జన్మ మెత్తుదురు ఇందులకొక కథ కలదు. చెప్పెదను వినుము.

*దీప స్తంభము విప్రుడగుట*

ఋషులలో అగ్రగణ్యుడను పేరొందిన మాతంగ మహాముని ఒక చోట అశ్రమాన్ని ఏర్పరచుకొని , దానికి దగ్గరలో ఒక విష్ణు మందిరాన్ని కూడా నిర్మించుకొని , నిత్యము పూజలు చేయుచుండెను. కార్తీకమాసములో ఆ ఆశ్రమము చుట్టు ప్రక్కల మునులు కూడ వచ్చి పూజలు చేయుచుండిరి. వారు ప్రతిదినము అలయద్వారాలపై  దీపములు వెలిగించి , కడుభక్తితో శ్రీహరిని పూజించి వెళ్లుచుండెడివారు ఒకనాడు ఆ మునులలో ఒక వృద్ధుడు తక్కిన మునులను చూచి *"ఓ సిద్దులారా ! కార్తీకమాసములో హరిహరాదుల ప్రీతికోరకు స్తంభదీపము నుంచినచో వైకుంఠ ప్రాప్తి కలుగుతుందని మనకందరకూ తెలిసిన విషయమే కదా ! రేపు కార్తీకశుద్ధ  పౌర్ణమి. హరిహరాదుల ప్రీతికొరకు ఈ ఆలయానికి ఎదురుగా ఒక  స్తంభముపాతి , దానిపై దీపమును పెట్టుదము. కావున మనమందరము అడవికి వెళ్లి నిడుపాటి స్తంభము తోడ్కునివత్తము , రండు"* అని పలుకగా అందరు పరమానందభరితులై అడవికి వెళ్లి చిలువలు పలువలు లేని ఒక చెట్టును మొదలంట నరికి దానిని తీసుకువచ్చి ఆలయంలో స్వామి కెదురుగా పాతిరి. దానిపై శాలి ధాన్యముంచి ఆవునేతితో నింపిన పాత్రను దానిపై పెట్టి అందు వత్తివేసి దీపము వెలిగించిరి. పిమ్మట వారందరూ కూర్చుండి పురాణపఠనము చేయుచుండగా ఫెళ ఫెళమను శబ్దము వినిపించి , అటుచూడగా వారు పాతిన స్తంభము ముక్కలైపడి , దీపము ఆరిపోయి చెల్లాచెదురై పడియుండెను. ఆ దృశ్యము చూచి  వారందరు ఆశ్చర్యముతో నిలబడియుండిరి. అంతలో ఆ స్తంభము నుండి ఒక పురుషుడు బయటకు వచ్చెను. వారతనిని జూచి *"ఓయీ నీ వేవడవు ? నీవీ స్తంభమునుండి ఎలా వచ్చితివి ? నీ వృత్తాంతమేమి"* అని ప్రశ్నించిరి. అంత, ఆ పురుషుడు వారందరకు నమస్కరించి *"పుణ్యాత్ములారా ! నేను క్రిందటి జన్మమందు బ్రాహ్మణుడను. ఒక జమిందారుడను. నా పేరు ధనలోభుడు. నాకు చాలా ఐశ్వర్యముండుటచే మదాంధుడనై న్యాయాన్యాయా విచక్షణలు లేక ప్రవర్తించితిని. దుర్భుద్దులలవడుటచే వేదములు చదువక శ్రీహరిని పూజింపక , దానధర్మాలు చేయక మెలగితిని. నేను నా పరివారముతో కూర్చుండియున్న సమయముననే విప్రుడయినా వచ్చినన్ను ఆశ్రయించినను అతనిచె నా కాళ్ళు కడిగించి , ఆ నీళ్ళు నెత్తి మీద వేసుకోమని చెప్పి , నానా దుర్భాషలాడి పంపుచుండెవాడను. నేను వున్నతాసనముపై కూర్చుండి అతిధులను నేలపై కూర్చుండుడని చెప్పెడివాడను. స్త్రీలను , పసిపిల్లలను హీనముగా చూచుచుండెడి వాడెను. అందరును నా చేష్టలకు భయపడువారే కాని , నన్నెవరును మందలింపలేక పోయిరి. నేను చేయు పాపకార్యములకు హద్దులేక పోయెడిది. దానధర్మములు యెట్టివో నాకు తెలియవు. ఇంత దుర్మార్గుడనై , పాపినై అవసానదశలో చనిపోయి ఘోర నరకములు అనుభవించి , లక్ష జన్మలముందు కుక్కనై , పదివేల జన్మలు కాకినై , ఐదువేల జన్మలు తొండనై , ఐదు వేల జన్మలు పేడపురుగునై , తర్వాత వృక్ష  జన్మమెత్తి కీకారణ్యమందుండి కూడా నేను జేసిన పాపములను పోగొట్టుకొనలేకపోతిని. ఇన్నాళ్లకు మీ దయవలన స్తంభముగానున్న నేను నరరూపమెత్తి జన్మాంతర జ్ఞానినైతిని. నాకర్మలన్నియు మీకు తెలియచేసితిని , నన్ను మన్నింపు"* డని వేడుకొనెను.

ఆ మాటలాలకించిన , మునులందరు నమితాశ్చర్యమొంది *"ఆహా ! కార్తీకమాస మహిమ మెంత గొప్పది అదియునుగాక , కార్తీక శుద్ధ పౌర్ణమి మహిమ వర్ణింపశక్యము కాదు. కఱ్ఱలు , రాళ్లు , స్తంభములు కూడా మన కండ్ల ఎదుట ముక్తి నొందుచున్నవి. వీటన్నింటి కన్నా కార్తీక శుద్ధ పౌర్ణమి ఆకాశదీపముంచిన మనుజునకు వైకుంఠప్రాప్తి తప్పక సిద్ధించును. అందువలననే యీ స్తంభమునకు ముక్తికలిగిన"* దని మునులు అనుకోనుచుండగా , ఆ పురుషుడా మాటలాలకించి *"మునిపుంగవులారా ! నాకు ముక్తి కలుగు మార్గమేదైనా గలదా ? ఈ జగంబున నెల్లరుకు నెటుల కర్మ బంధము కలుగును ? అది నశించుటెట్లు ? నాయీ సంశయము బాపు"* డని ప్రార్ధించెను. అక్కడ వున్న మునిశ్వరులందరును తమలో నోకడగు అంగీరసమునితో *"స్వామి ! మీరే అతని సంశయమును తీర్చగల సమర్ధులు గాన , వివరించు"* డని కోరిరి. అంత అంగీరసుడిట్లు చెప్పుచున్నాడు.

*ఇతి స్కాంద పురాణాంతర్గత వశిష్టప్రోక్త కార్తీక మహాత్మ్యమందలి షోడశాధ్యాయము - పదహారో రోజు పారాయణము సమాప్తం.*

            🌷 *సేకరణ*🌷

          🌹🪔🕉️🕉️🪔🌹

                *న్యాయపతి*

            *నరసింహా రావు*

          🙏🙏🕉️🕉️🙏🙏

🙏🙏🕉️🙏🙏🕉️🙏🙏

🚩 *ఈ రోజు నుండి వృశ్చిక సంక్రమణం ప్రారంభం🚩*_

🕉️🕉️🕉️🕉️🕉️🕉️🕉️🕉️🕉️

 వృశ్చిక సంక్రమణంను *'వృశ్చిక సంక్రాంతి'* అని కూడా పిలుస్తారు, ఇది తుల రాశి నుండి వృశ్చిక రాశి వరకు సూర్యుడి కదలికను సూచిస్తుంది. గ్రెగోరియన్ క్యాలెండర్లో ఈ పరివర్తన తుల రాశిచక్రం నుండి స్కార్పియో రాశిచక్రం వరకు సూర్యుని కదలికకు అనుగుణంగా ఉంటుంది. భారతీయ జ్యోతిషశాస్త్ర రాశి వ్యవస్థలో , వృశ్చిక రాశి 8 వ స్థానాన్ని ఆక్రమించినట్లు గుర్తించబడింది. వృశ్చిక సంక్రాంతిలో సూర్య భగవంతుని యొక్క ఈ గ్రహ మార్పు శక్తిని తిరిగి పొందడానికి సహాయపడుతుంది మరియు సంవత్సరంలో ఒక నిర్దిష్ట సమయంలో సంభవిస్తుంది. వృశ్చిక సంక్రాంతి పండుగ తమిళ క్యాలెండర్‌లో *'కార్తిగై మసం'* మరియు మలయం క్యాలెండర్‌లో *'వృశ్చిక  మాసం'* ప్రారంభాన్ని సూచిస్తుంది. ఈ రోజు హిందూ సమాజ అనుచరులకు ఎంతో ప్రాముఖ్యతనిస్తుంది మరియు వృశ్చిక సంక్రాంతి యొక్క ఆచారాలు అపారమైన భక్తితో మరియు ఉత్సాహంతో పాటిస్తారు.

*వృశ్చిక సంక్రాంతిపై ఆచారాలు :*

వృశ్చిక సంక్రాంతి రోజు సూర్య భగవానుని ఆరాధించడానికి అంకితం చేయబడింది. హిందూ భక్తులు సూర్య భగవాన్ తన దైవిక ఆశీర్వాదం కోరుతూ ప్రార్థిస్తారు. వృశ్చిక సంక్రాంతి రోజు సంక్రమణ స్నాన , విష్ణు పూజలకు  అనుకూలమైనది. ఈ రోజులో 'దేవుని' యొక్క కర్మ గరిష్ట ప్రయోజనాలను పొందడానికి నిర్దిష్ట సమయములో చేయాలి. వృశ్చిక సంక్రాంతి సందర్భంగా 'శ్రద్ధ' మరియు 'పిత్రు తార్పాన్' ఆనాటి ముఖ్యమైన ఆచారాలు.

వృశ్చిక సంక్రాంతిలో , సంక్రాంతి క్షణానికి ముందు పదహారు ఘాట్లు (1 రోజు = 60 ఘాటిలతో) శుభ సమయం ప్రారంభమైంది. పుణ్య కార్యకలాపాలను నిర్వహించడానికి ఉత్తమ సమయం శుభ సమయం ప్రారంభం నుండి అసలు సంక్రాంతి క్షణం వరకు చేయాలి. ఒక ఆవును బ్రాహ్మణ వృశ్చిక సంక్రాంతికి దానం చేస్తే పరిశీలకునికి అపారమైన ధర్మాలు లభిస్తాయని నమ్ముతారు. హిందూ మత గ్రంథాలు , 'విష్ణు సహస్రనామ' , 'ఆదిత్య హ్రదయం' వంటి పుస్తకాలను చదవడం చాలా అనుకూలమైనదని నమ్ముతారు. భక్తులు సూర్య భగవానుని స్తుతిస్తూ స్తోత్రాలు లేదా వేద మంత్రాలను పఠిస్తారు.

*వృశ్చిక సంక్రాంతి యొక్క ప్రాముఖ్యత:*

హిందూ సౌర క్యాలెండర్ ప్రకారం , సంవత్సరంలో 12 సంక్రాంతిలు ఉన్నాయి మరియు వీటిలో ప్రతి సంక్రాంతి కొత్త హిందూ నెల ప్రారంభానికి గుర్తుగా ఉంది. వీటిలో వృశ్చిక సంక్రాంతి హిందువులకు , ముఖ్యంగా భారతదేశంలోని తూర్పు ప్రాంతాలలో నివసించేవారికి చాలా పవిత్రమైన రోజు. హిందీలో 'సాన్' అనే పదం 'పుష్కలంగా' సూచిస్తుంది మరియు *'క్రాంతి'* అనే పదం 'సమూల మార్పు'ను సూచిస్తుంది. అందువల్ల సంక్రాంతి పండుగ మన జీవితంలో మంచి మార్పులను తెస్తుంది.

*ఆధ్యాత్మిక బృందం నుంచి వచ్చినది భాగస్వామ్యం చేయడమైనది* 🙏

ఆదివారం*🌞 🌹 *17, నవంబరు, 2024* 🌹 *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐*

         🌞 *ఆదివారం*🌞

🌹 *17, నవంబరు, 2024* 🌹

       *దృగ్గణిత పంచాంగం*              

*స్వస్తి శ్రీ క్రోధినామ సంవత్సరం* 

*దక్షిణాయణం - శరత్ఋతౌః* 

*కార్తీకమాసం - కృష్ణపక్షం*

*తిథి     : విదియ* రా 09.06 వరకు ఉపరి *తదియ* 

*వారం  :  ఆదివారం*(భానువాసరే)

*నక్షత్రం  : రోహిణి* సా 05.22 వరకు ఉపరి *మృగశిర*

*యోగం  : శివ* రా 08.21 వరకు ఉపరి *సిద్ధ*

*కరణం  : తైతుల* ఉ 10.24 *గరజి* రా 09.06 ఉపరి *వణజి*

*సాధారణ శుభ సమయాలు*

*ఉ 07.00 - 10.00 మ 02.00 - 04.00*

అమృత కాలం : *మ 02 27 - 03.55*

అభిజిత్ కాలం  : *ప 11.30 - 12.15*

*వర్జ్యం : ఉ 10.04 - 11.32 & రా 10.36 - 12.06*

*దుర్ముహూర్తం: సా  04.02-04.47*

*రాహు కాలం : సా 04.08-05.33*

గుళికకాళం      : *మ 02.42 - 04.08*

యమగండం    : *ప 11.52 - 01.17*

సూర్యరాశి : *వృశ్చికం* 

చంద్రరాశి : *వృషభం*

సూర్యోదయం :*ఉ 06.12*

సూర్యాస్తమయం :*సా 05.33*

*ప్రయాణశూల  : పడమర దిక్కుకు పనికిరాదు*

*వైదిక విషయాలు*

ప్రాతః కాలం     :  *ఉ 06.12 - 08.28*

సంగవ కాలం    :*08.28 - 10.44*

మధ్యాహ్న కాలం  :*10.44 - 01.00*

అపరాహ్న కాలం : *మ 01.00-03.16*

*ఆబ్ధికం తిధి  : కార్తీక బహుళ విదియ*

సాయంకాలం  :  *సా 03.16 - 05.33*

ప్రదోష కాలం  :  *సా 05.33 - 08.05*

రాత్రి కాలం      :  *రా 08.05 - 11.27*

నిశీధి కాలం      :*రా 11.27 - 12.18*

బ్రాహ్మీ ముహూర్తం :*తె 04.31 - 05.22*

________________________________

           🌷 *ప్రతినిత్యం*🌷

          *_గోమాతను 🐄 పూజించండి_* 

          *_గోమాతను 🐄 సంరక్షించండి_*

     🌞 *శ్రీ సూర్య సోత్రం*🌞

🌞 *శుకతుండచ్ఛవి-సవితుశ్చండరుచేః పుండరీకవనబంధోః*

*మండలముదితం వందే కుండలమాఖండలాశాయాః .. 1..*🙏

      🌞 *ఓం భాస్కరాయ నమః*🌞

          

🌞🪷🌹🛕🌹🌷🪷🌷🌞

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><><><>

         🌷 *సేకరణ*🌷

      🌹🌷🌞🌞🌷🌹

        *న్యాయపతి వేంకట*

       *లక్ష్మీ నరసింహా రావు*

      🌷🌹🌞🌞🌹🌷

🌹🍃🌞🌞🌞🌞🍃🌹

వేద ఆశీర్వచనం

 *నమస్తే సదా వత్సలే మాతృ భూమే*

*కలియుగాబ్ది 5125*

*శ్రీ శాలివాహన శకం 1946 స్వస్తి శ్రీ    చాంద్రమాన క్రోధి నామ సంవత్సరం దక్షిణాయణం  - శరదృతువు - కార్తీక మాసం - కృష్ణ పక్షం  - ద్వితీయ - రోహిణీ -‌‌ భాను వాసరే* (17.11.2024)

ప్రముఖ వేదపండితులు, తణుకు /తాలూకా ఇరగవరం వాస్తవ్యులు 

*బ్రహ్మశ్రీ గుళ్ళపల్లి శివశర్మ ఘనపాఠీ* *(9491391009, 9440091234)* గారి నేటి వేద ఆశీర్వచనం.

.🙏🙏 

భవదీయుడు

దశిక ప్రభాకరశాస్త్రి 

9849795167

-----------------------------------------------

*పిల్లలకి బతుకుతో పాటు భారతీయత కూడా నేర్పండి*

సమస్య పూరణ

 *సుద్దులc జెప్పు పెద్దలనుc జూచి జనుల్ పరిహాస మాడరా*

ఈ సమస్యకు నాపూరణ 

హద్దులు మీరి యక్రమము నార్జన చేయుచు సుద్దపూసలై

పద్దులు కూడ బెట్టుటకె, పట్టుగ  కష్టము జేయనేరరే 

గద్దెను నెక్కుటే ప్రథమ కార్యము, నేతల దుష్కృతంబులౌ 

సుద్దులc జెప్పు పెద్దలనుc జూచి జనుల్ పరిహాస మాడరా! 

అల్వాల లక్ష్మణ మూర్తి.