సూర్యుడు గ్రహాలు గమనం

  🙏🌹సూర్యుడు గ్రహాలు గమనం 🌹🙏

తమ చుట్టూ సదా తిప్పుకునే కుటుంబ అధినేత

తానే గమనములో ఉన్నట్టు అనిపించే అధినేత 

శాస్త్రమునకు శాస్త్రము సాంప్రదాయానికి అధినేత 

ఎవరు ఆక్షేపించని ఆరోపణలకు తావివ్వని అధినేత 

శాశ్వతమైన ఉనికి శాశ్వతమైన రూప దారి అధినేత 

ఏ లోకమైనా బంధం అల్లుకొన్న అవసరాల అధినేత

 

ప్రాతః కాలము ప్రత్యక్ష దర్శనమిచ్చే ప్రేమ అధినేత 

నమస్కారములతో సంపూర్ణ ఆరోగ్యం ఇచ్చే అధినేత 

ఓం శ్రీ తమ చుట్టూ తిరిగే గ్రహాలు ఏ లోకాలైన తమ గమనంగా భావించి అవసరాలు తీర్చే దేవా 

శ్రీ భాస్కర తేజో సవిత్ర నమో నమః నమో నమః 

🙏🌹బాలచందర్ రాజుఉమా 

  12/11/26 +2169+చూర్ణిక

ఇంట్లో అద్దం ఎటువైపు ఉండాలి

  *ఇంట్లో అద్దం ఎటువైపు ఉండాలి? నిద్రపోయేటప్పుడు కనిపిస్తే దోషమా?*

🌿🌸🌿🌸🌿🌸🌿🌸🌿🌸🌿

అవును, వాస్తు ప్రకారం దోషమే అంటారు.

*🌿1. ఎందుకు దోషం?*

నిద్రపోయేటప్పుడు మన ప్రతిబింబం అద్దంలో పడితే, మన శరీరంలోని శక్తి రెట్టింపు అయినట్టు భావిస్తారు. దీనివల్ల మనసు అశాంతి, నిద్రలేమి, భార్యాభర్తల మధ్య గొడవలు, పీడకలలు వస్తాయని శాస్త్రం చెబుతుంది.

*🌿2. సరైన దిశ ఏది?*

అద్దాన్ని ఎప్పుడూ తూర్పు లేదా ఉత్తర గోడ మీద పెట్టాలి. అప్పుడు మీరు తూర్పు లేదా ఉత్తరం వైపు చూస్తూ అద్దం చూస్తారు, అది శుభం.

పడకగదిలో అద్దం ఉంటే, మంచానికి ఎదురుగా అస్సలు ఉండకూడదు. పక్క గోడ మీద ఉండాలి, అందులో పడుకున్న మనం కనిపించకూడదు.

*🌿3. ఇప్పటికే ఎదురుగా ఉంటే పరిష్కారం ఏంటి?*

రాత్రి పడుకునేటప్పుడు అద్దానికి ఒక వస్త్రం కప్పేయండి.

డ్రెస్సింగ్ టేబుల్ అద్దానికి తలుపులు ఉన్న మోడల్ వాడండి, రాత్రి మూసేయవచ్చు.

🌿ముఖ్య సూత్రం: వాస్తు ప్రకారం, అద్దం మనల్ని ప్రతిబింబించకూడదు, ఇంట్లోని సానుకూల శక్తిని, వెలుతురును ప్రతిబింబించాలి.

🌿🌸🌿🌸🌿🌸🌿🌸🌿🌸🌿

ఆకాశదీపం అంతరార్థం ఏమిటి..

 *ఆకాశదీపం అంతరార్థం ఏమిటి..🪔*

*🙏ఆకాశదీపం అంతరార్థం !*

*అసలైన ఆకాశదీపాలు: పరమేశ్వరుడు సృష్టిలో వెలిగించిన సూర్యుడు, చంద్రుడు, నక్షత్రాలే నిజమైన ఆకాశదీపాలు.*

*ఆలయాల్లో ఆకాశదీపం:కార్తీకమాసం ప్రారంభంలో దేవాలయాల్లోని ధ్వజస్తంభంపై ఒక పాత్రలో రంధ్రాలు చేసి, గాలికి నిలబడేలా దీపాన్ని పైకెత్తుతారు. ధ్వజస్తంభంపై దీపం వెలగడం అనేది పరంజ్యోతి అయిన ఈశ్వరుని ఉత్సవానికి మరియు ఆధ్యాత్మిక జాగృతికి ప్రతీక.*

*'ఉత్సవం' అంటే ఏమిటి?*

*మానవుడికి ఉత్సవం 'ఉత్' అంటే తలపైకెత్తి చూడటం. ధ్వజస్తంభంపై ఉన్న దీపాన్ని చూస్తూ మానవుడు తలపైకెత్తి తన శ్రేష్ఠతను గుర్తించేది ఈ ఉత్సవం.*

*మానవ జన్మ విశిష్టత:*

*ఈ శరీరంతో సమస్త జీవరాశులకు ఉపకారం చేసే అధికారం మరియు శక్తి కేవలం మానవుడికి మాత్రమే ఉన్నాయి.*

*దీపారాధన విధానం :-*

*కార్తీక పౌర్ణమి నాడు ప్రదోషవేళలో ఇంట్లో లేదా వీధిలో 'దామోదర' లేదా 'త్రయంబక' నామాలతో అగ్నిని ఆవాహన చేసి గుత్తు దీపాలు వెలిగించాలి.*

*దీపం వెలిగించిన తర్వాత ఆకాశం వైపు చూస్తూ ఈ క్రింది* *శ్లోకాన్ని పఠించాలి:*

*కీటాః పతంగాః మశకాశ్చ వృక్షాః జలే స్థలే యే నివసంతి జీవాః*

*దృష్ట్వా ప్రదీపం నచ జన్మ భాగినః భవంతి నిత్యం స్వపచా హి విప్రాః*

*ఈ శ్లోకం వల్ల కలిగే ఫలితం:*

*కృతజ్ఞతా భావం: ప్రకృతి ద్వారా మనం పొందిన విభూతులకు (ఫలాలు, నీడ, గాలి మొదలైనవి) ప్రత్యుపకారంగా ఈ దీపకాంతిని సమర్పిస్తున్నామని భగవంతుడికి నమస్కరించడం.*

*కీటకాలు & ప్రాణులు: స్వయంగా జ్ఞానం లేని కీటకాలు, దోమలు, నీటిలోని కప్పలు, చేపలు, తాబేళ్లు ఈ దీపపు కాంతి పడటం వల్ల పాపపుణ్యాల నుంచి ముక్తి పొంది పునర్జన్మ లేకుండా ఉద్ధరించబడతాయి.*

*వృక్షాలు: కదలలేని స్థితిలో ఉన్న చెట్లపై ఈ దీపకాంతి (దామోదరుని స్పర్శ) పడి వాటికి ఆత్మశాంతి, అభ్యున్నతి కలుగుతాయి.*

*మానవుల మార్పు: కేవలం ఉదర పోషణే ధ్యేయంగా జీవించే అజ్ఞానుల మీద ఈ దీపకాంతి ప్రసరిస్తే, వారు మరుసటి జన్మలో వేద జ్ఞానాన్ని పొంది నిస్వార్థమైన లోకోపకారులుగా మారుతారు.*

*కార్తీక ఆకాశదీపం అంటే కేవలం ఒక దీపం వెలిగించడం మాత్రమే కాదు; సమస్త జీవరాశుల ఉద్ధరణను, ప్రకృతి పట్ల కృతజ్ఞతను కోరుకునే అత్యున్నతమైన "సార్వజనీన శ్రేయస్సు (లోకోపకారం)".*A Best Collection from Brahmana Samaakya..🪔🪔🪔🪔🪔🪔🪔🪔🪔🪔🪔🪔🪔

బృహస్పతివారం🌹* *🌷12నవంబర్26🌷* *దృగ్గణిత పంచాంగం*

  *卐ॐ ఓం శ్రీ 🌹గురుభ్యోనమః ॐ卐*

 🌹*బృహస్పతివారం🌹*

*🌷12నవంబర్26🌷*  

 *దృగ్గణిత పంచాంగం* 

                 

         *స్వస్తి శ్రీ పరాభవ* 

        *నామ సంవత్సరం* 

*దక్షిణాయనం - శరదృతువు*  

*కార్తీకమాసం - శుక్లపక్షం*

*తిథి* : *తదియ* సా 06.09 వరకు ఉపరి *చవితి*

*వారం : గురువారం* ( బృహస్పతివాసరే )

*నక్షత్రం  : జ్యేష్ఠ* మ 02.19 వరకు ఉపరి *మూల*

*యోగం : సుకర్మ* రా.తె 04.26 వరకు ఉపరి *ధృతి*

*కరణం  : గరజి* సా 06.09 ఉపరి *వణజి* *రాత్రంతా పూర్తిగా*

*సాధారణ శుభ సమయాలు:*

*ఉ11.00-12.00 సా04.00-05.00*

అమృత కాలం: *శేషం ఉ 06.18* వరకు

అభిజిత్ కాలం  : *ఉ 11.29-12.14*

*వర్జ్యం   : రా 11.18 - 01.06*

*దుర్ముహూర్తం  : ఉ 09.57 - 10.43 మ 02.31 - 03.17*

*రాహు కాలం   : మ01.17-02.42*

గుళికకాళం      : *ఉ 09.00 - 10.26*

యమగండం    : *ఉ 06.09 - 07.35*

సూర్యరాశి : *తుల*                           

చంద్రరాశి : *వృశ్చికం/ధనస్సు* 

సూర్యోదయం :*ఉ 06.19*  

సూర్యాస్తమయం :*సా 05.41*

*ప్రయాణశూల   : దక్షిణ దిక్కుకు పనికిరాదు*

*వైదిక విషయాలు:*

ప్రాతఃకాలం         : *ఉ 06.09-08.26*

సంగవకాలం        : *08.26- 10.43*

మధ్యాహ్న కాలం    : *10.43-01.00*

అపరాహ్నకాలం    : *మ 01.00-03.17*

*ఆబ్ధికం తిధి    : కార్తీక శుద్ధతదియ*

సాయంకాలం       : *సా 03.17-05.33*

ప్రదోషకాలం         : *సా 05.33-08.05*

రాత్రికాలం           : *రా 08.05-11.26*

నిశీధి కాలం          : *రా 11.26-12.17*

బ్రాహ్మీ ముహూర్తం :  *తె 04.29 - 05.20.*

¤■¤■¤■¤■¤■¤■¤■¤■¤■¤■

                *🌷ప్రతినిత్యం🌷*

        *_గోమాతను 🐄 పూజించండి_* 

        *_గోమాతను 🐄 సంరక్షించండి_*

           

   *ఓం శ్రీ దత్తాత్రేయ నమః*

🌹🪷🌹🛕🌹🌷🪷🌷🌹

*సర్వే జనాః సుఖినోభవంతు... లోకాఃసమస్తాః సుఖినో భవంతు!* 

<><><><><><><><><><><><><>

        🌷 *సేకరణ*🌷

      🌹🌿🌹🌹🌿🌹

        *న్యాయపతి వేంకట*

       *లక్ష్మీ నరసింహా రావు*

      🌷🍃🌹🌹🍃🌷

🌹🌷🌹🌷🌹🌷🌷🌹

కార్తీకపురాణం

 🕉️🌹🌷🪔🛕🪔🌷🌹🕉️

*బృహస్పతివారం తేదీ 12 నవంబరు 2026*

           *🕉️కార్తీకపురాణం🕉️*             

           *మూడవ అధ్యాయం*   

               

*కార్తీక మాస  స్నాన మహిమ*

*బ్రహ్మ రాక్షసులకు ముక్తి కలుగుట*```

“జనక మహరాజా! కార్తీక మాసమున యే ఒక్క చిన్న దానము చేసిననూ, అది గొప్ప ప్రభావము గలదై వారికి సకలైశ్వర్యములు కలుగుటయే గాక మరణానంతరము శివ సాన్నిధ్యమును చేరుదురు. కానీ, కొంత మంది ఆస్థిరములైన భోగ భాగ్య ములు విడువలేక, కార్తీక స్నానములు చేయక, అవినీతి పరులై, భ్రష్టులై సంచరించి కడకు క్షుద్ర జన్మలు అనగా కోడి, కుక్క, పిల్లిగా జన్మింతురు..

అధమము కార్తీక మాస శుక్ల పౌర్ణమి రోజు అయిననూ స్నాన దాన జప తపాదులు చేయక పోవుట వలన అనేక చండాలాది జన్మ లెత్తి కడకు బ్రహ్మరాక్షసిగా పుట్టెదరు. దీనిని గురించి నాకు తెలిసిన యితిహాసమొకటి  వినిపించెదను. సపరివారముగా శ్రద్దగా ఆలకింపుము..

```

*బ్రహ్మ రాక్షసులకు ముక్తి కలుగుట*```

ఈ భరత ఖండ మందలి దక్షిణ ప్రాంతమున ఒకానొక గ్రామములో మహా విద్వాంసుడు, తపఃశాలి, జ్ఞానశాలి, సత్య వ్యాక్య పరిపాలకుడు అగు  ‘తత్వనిష్టుడు' అను బ్రాహ్మణుడొక  డుండెను. ఒక నాడా  బ్రాహ్మణుడు తీర్ధ యాత్రాసక్తుడై  అఖండ గోదావరికి బయలుదేరును. ఆ తీర్ధ సమీపమున ఒక మహా వట వృక్షంబు పై భయంకర ముఖములతోను, దీర్ఘ  కేశములతోను, బలిష్టంబులైన కోరలతోను, నల్లని బాన పొట్టలతోను, చూచువారుకి అతి భయంకర రూపములతో ముగ్గురు బ్రహ్మరాక్షసులు నివసించుచూ, ఆ దారిన పోవు బాట సారులను బెదిరించి వారిని భక్షించుచు ఆ ప్రాంత మంతయు భయకంపితము చెయుచుండిరి. తీర్ధ యాత్రకై  బయలుదేరి అఖండ గోదావరి పుణ్య క్షేత్రమున పితృ దేవతలకు పిండ ప్రదానము చేయుటకు వచ్చుచున్న విప్రుడు అ వృక్షము చెంతకు చేరుసరికి యథా ప్రకారము బ్రహ్మ రాక్షసులు క్రిందకు దిగి అతనిని చంపబోవు సమయమున,బ్రాహ్మణుడు ఆ భయంకర రూపములను చూచి గజ గజ వణుకుచూ యేమియు తోచక నారాయణ స్తోత్రం బిగ్గరగా పఠించుచు 'ప్రభో ! ఆర్త త్రాణ పరాయణా! అనాధ రక్షక! ఆపదలోనున్న గజేంద్రుని, నిండు సభలో అవమానాలపాలగుచున్న మహాసాధ్వి ద్రౌపదిని, నాడు బాలుడగు ప్రహ్లాదుని రక్షించిన విధముగానే - ఈ పిశాచములు బారినుండి నన్ను రక్షించు తండ్రీ!’  అని వేడుకొనగా, ఆ ప్రార్ధనలు విన్న బ్రహ్మ రాక్షసులకు జ్ఞానోదయం కలిగి 'మహానుభావా! 

మీ నోటినుండి వచ్చిన శ్రీమన్నారాయణ స్తుతి విని మాకు జ్ఞానోదయం అయినది మమ్ము రక్షింపుడు' యని ప్రాధేయపడిరి. 

వారి మాటలకు విప్రుడు ధైర్యం తెచ్చుకొని 'ఓయీ! మీరెవరు? ఎందులకు మీకీ రాక్షస రూపంబులు కలిగెను? మీ వృత్తాంతము  తెలుపుడు' అని పలుకగా వారు ‘విప్ర పుంగవా! మీరు పూజ్యులు, ధర్మాత్ములు, వ్రతనిష్టాపరులు, మీ దర్శన భాగ్యం వలన మాకు పూర్వ జన్మమందలి కొంత జ్ఞానము కలిగినది. ఇక నుండి మీకు మా వలన యే ఆపద కలగదు' అని అభయమిచ్చి, అందొక  బ్రహ్మ రాక్షసుడు తన వృత్తాంతము ఈవిధముగా చెప్పసాగెను.. ‘నాది ద్రవిడ దేశం!  బ్రాహ్మణుడను. నేను మహా పండితుడనని గర్వము గలవాడనై యుంటిని. న్యాయాన్యాయ విచక్షణలు మాని పశువునై ప్రవర్తించితిని, బాటసారుల వద్ద, అమాయకపు గ్రామస్తుల వద్ద దౌర్జన్యంగా దానం లాగుకొనుచు, దుర్వ్యసనాలతో భార్య పుత్రాదులను సుఖపెట్టక, పండితులను అవమానపరచుచు, లుబ్దుడనై లోక  కంటకుడిగ నుంటిని.

ఇట్లుండగా ఒకానొక పండితుడు కార్తీక మాస వ్రతమును యథావిధిగా నాచరించి భూత తృప్తి కొరకు బ్రాహ్మణ సమర్పణ చేయు తలంపుతో పదార్ధ సంపాదన నిమిత్తము దగ్గరున్న నగరమునకు బయలుదేరి తిరుగు ప్రయాణములో మా ఇంటికి అతిథిగా వచ్చేను. వచ్చిన పండితుని నేను దూషించి, కొట్టి అతని వద్ద ఉన్న ధనము, వస్తువులు తీసుకొని ఇంటినుండి గెంటి వేచితిని. అందులకు ఆ విప్రునకు కోపము వచ్చి 'ఓరి నీచుడా! అన్యక్రాంతముగ డబ్బు కూడా బెట్టినది చాలక, మంచి చెడ్డలు తెలియక, తోటి బ్రాహ్మణుడని గూడా ఆలోచించక కొట్టి తిట్టి వస్తు సామాగ్రిని దోచుకొంటివి, నివు రాక్షసుడవై పుట్టి నరభక్షకుడవై నిర్మానుష్య ప్రదేశాములలో నుందువు గాక!’ అని శపించుటచే నాకీ రాక్షస రూపము కలిగినది. బ్రహ్మాస్త్రమునైన తప్పించుకొనవచ్చును కానీ బ్రాహ్మణ శాపమును తప్పించలేము గదా! కాన నా అపరాధము క్షమింపుమని వారిని ప్రార్దించితిని. 

అందులకతడు దయతలచి ‘ఓయీ! గోదావరి క్షేత్రమందొక వట వృక్షము గలదు. నీవందు నివసించుటచే ఒక బ్రాహ్మణుడి వలన పునర్జన్మ నొందుదువు గాక'  అని వెడలిపోయాను. ఆనాటి నుండి నేని రాక్షస స్వరుపమున నరభక్షణము చేయుచుంటిని. కాన, ఓ విప్రోతమా! నన్ను నా కుటుంబము వారిని రక్షింపుమ’ని మొదటి రాక్షసుడు తన వృత్తాంతమును జెప్పెను.

*ఇక రెండవ రాక్షసుడు- 'ఓ ద్విజోత్తమా! నేను కూడా పూర్వ జన్మలో బ్రాహ్మణుడనే. నేను నీచుల సహవాసముచేసి తల్లితండ్రులను బాధించి వారికి తిండి పెట్టక మాడ్చి  అన్నమో రామచంద్రాయనునటులచేసి, వారి యెదుటనే నా భార్య బిడ్డలతో పంచభక్ష్య పరమన్నములతో భుజించుచుండెడివాడను. నేను యెట్టి దానధర్మములు చేసి ఎరుగను, నా బంధువులను కూడా హింసించి వారి ధనం అపహరించి రాక్షసుని వలె ప్రవర్తించితిని. కావున, నాకీ రాక్షసత్వము కలిగెను. నన్నీపాపపంకిలము నుండి ఉద్ధరింపుము' అని బ్రాహ్మణుని పాదములపై పడి పరిపరివిధముల వేడుకొనెను.

*మూడవ రాక్షసుడు కూడా తన వృత్తాంతమును యిటుల తెలియ జేసెను.. 'మహాశయా! నేనొక సంపన్న కుటుంబములో పుట్టిన బ్రాహ్మణుడను. నేను విష్ణు  ఆలయములో అర్చకునిగా నుంటిని. స్నానమైనను చేయక, కట్టుబట్టలతో దేవాలయములో తిరుగుచుండెడివాడను భగవంతునికి ధూప దీప నైవేద్యము లైనను అర్పించక, భక్తులు గొనితెచ్చిన సంభావమును  నా వుంపుడు గత్తెకు అందజేయుచు మద్యం మాంసము సేవించుచు పాపకార్యములు  చేసినందున నా మరణానంతరము ఈ రూపము ధరించితిని, కావున నన్ను కూడా పాప విముక్తిని కావింపు'మని ప్రార్ధించెను.    

ఓ జనక మహారాజా! తపోనిష్టుడగు ఆ విప్రుడు పిశాచములు దీనాలపము లాలకించి 'ఓ బ్రహ్మ రాక్షసులరా! భయపడకుము. మీరు పూర్వ జన్మలో చేసిన ఘోర క్రుథ్యంబులవల్ల మీకీ రూపములు కలిగెను. నా వెంట రండు మీకు విముక్తిని కలిగింతును' అని, వారినోదార్చి తనతో గొనిపోయి ఆ మువ్వురి చేత విముక్తి సంకల్పము చెప్పించి తనే స్వయముగా గోదావరిలో స్నానమాచరించి స్నాన పుణ్య ఫలమును ముగ్గురు బ్రహ్మ రాక్షసులకు ధారపోయగా వారి వారి రాక్షస రూపములు పోయి దివ్య రూపములు ధరించి వైకుంఠమునకేగిరి. 

కార్తిక మాసములో గోదావరి స్నానమాచరించినచో హరిహరాదులు సంతృప్తి నొంది, వారికీ సకలైశ్వర్యములు ప్రసాదించుదురు. 

అందువలన, ప్రయత్నించి అయినా సరే కార్తీక స్నానాలను ఆచరించాలి.```

*ఇట్లు స్కాంద పురాణాంతర్గత, వశిష్ట ప్రోక్త కార్తిక మహాత్య మందలి మూడవ   అధ్యాయము _మూడవ రోజు పారాయణము సమాప్తము.*

```

*🕉️ఓం నమః శివాయ🙏*

             🌷🙏🌷

   *🕉️🌹సేకరణ🕉️🌹*

    🙏*న్యాయపతి*🙏 

       *నరసింహారావు*

  ఈ రోజు పంచాంగం 12.11.2026 Thursday

స్వస్తి శ్రీ చాంద్రమాన పరాభవ నామ సంవత్సరః దక్షిణాయనం శరదృతువు కార్తీక మాస శుక్ల పక్ష తృతీయ తిథి బృహస్పతి వాసర జ్యేష్ఠ నక్షత్రం సుకర్మ యోగః గరజి కరణం.

రాహుకాలం : మధ్యాహ్నం 01:30 నుండి 03:00 వరకు.

 

యమగండం: ఉదయం 06:00 నుండి 07:30 వరకు.  

శ్రాద్ధ కర్మ తిథి : తృతీయ.

 

నమస్కారః , శుభోదయం

గురువారం రాశి ఫలితాలు

 శ్రీ మాత్రేనమః 🙏

శ్రీ గురుభ్యోనమః 🙏

12-11-2026 గురువారం రాశి ఫలితాలు

మేషం

ఉద్యోగస్థులు అధికారుల ఆగ్రహానికి గురికావలసి వస్తుంది. చేపట్టిన పనులు మందకోడిగా సాగుతాయి. దూర ప్రయాణ సూచనలున్నవి. వృత్తి వ్యాపారాలు అంతంత మాత్రంగా సాగుతాయి. ఆధ్యాత్మిక చింతన పెరుగుతుంది. కుటుంబ సభ్యులతో ఏర్పడిన వివాదాలు కొంత మానసికంగా బాధిస్తాయి.

---------------------------------------

వృషభం

బంధువుల నుంచి విలువైన సమాచారం సేకరిస్తారు. ఆర్ధిక ఇబ్బందులు ఉన్నప్పటికీ అవసరానికి  ధన సహాయం అందుతుంది. ఉద్యోగమున సహోద్యోగులతో మాటపట్టింపులు తొలగుతాయి. నూతన ప్రోత్సాహకాలు అందుతాయి. ఇంటాబయట మీ మాటకు విలువ పెరుగుతుంది.     

---------------------------------------

మిధునం

వ్యాపారాలలో ఆకస్మిక లాభాలు పొందుతారు. నూతన కార్యక్రమాలకు శ్రీకారం చుడతారు. సంఘంలో ప్రముఖులతో పరిచయాలు విస్తృతమౌతాయి.   విలువైన, వస్త్ర, ఆభరణాలను కొనుగోలు చేస్తారు. ఉద్యోగమున పదోన్నతులు పెరుగుతాయి. ముఖ్యమైన పనులలో ఆశించిన విజయం సాధిస్తారు.

---------------------------------------

కర్కాటకం

ఉద్యోగులకు అధికారుల ఆదరణ లభిస్తుంది. చేపట్టిన పనులు జాప్యం కలిగిన నిదానంగా పూర్తిచేస్తారు. వృత్తి, వ్యాపారాలలో ఏర్పడిన సమస్యలు  సర్దుమణుగుతాయి. గృహమున సంతాన వివాహ ప్రయత్నాలు వేగవంతం చేస్తారు.  ఆర్థిక పరిస్థితి అంతంత మాత్రంగా ఉన్నా అవసరాలు తీరుతాయి.

---------------------------------------

సింహం

సోదరులతో మాటపట్టింపులుంటాయి. చేపట్టిన కార్యక్రమాలు  సకాలంలో పూర్తిచేస్తారు. వృత్తి వ్యాపార విషయాలలో జీవితభాగస్వామి సలహాలు తీసుకోవడం మంచిది. ఉద్యోగాలలో శ్రమకు తగిన గుర్తింపు లభిస్తుంది.   నిరుద్యోగ ప్రయత్నాలు కలసివస్తాయి.           

---------------------------------------

కన్య

సంతాన విద్యా విషయాలలో శుభవార్తలు అందుతాయి. బంధువులతో ఏర్పడిన వివాదాలు సమసిపోతాయి. ఆర్ధిక సమస్యల నుంచి కొంతవరకు బయటపడతారు. ఆర్థికంగా కొంత చికాకులు తప్పవు. గృహనిర్మాణ ఆలోచనలు ఆచరణలో పెడతారు. ఉద్యోగమున బాధ్యతలు పెరిగినా సమర్థవంతంగా నిర్వహిస్తారు.               

---------------------------------------

తుల

నూతన వ్యాపారాలకు శ్రీకారం చుడతారు. నిరుద్యోగులకు నూతన అవకాశాలు లభిస్తాయి. ఉద్యోగమున అనుకూల వాతావరణం ఉంటుంది.  విలువైన గృహోపకరణాలు కొనుగోలు చేస్తారు. కుటుంబ సభ్యులతో వివాదాలు  రాజీ అవుతాయి. సంఘంలో పెద్దలతో పరిచయాలు ఉత్సాహాన్నిస్తాయి.

---------------------------------------

వృశ్చికం

ఆర్ధిక లావాదేవీలు లాభసాటిగా సాగుతాయి. చిన్ననాటి మిత్రులతో కలిసి విందు వినోదాలలో పాల్గొంటారు. ఉద్యోగులకు నూతన ప్రోత్సాహకాలు  అందుతాయి. చేపట్టిన పనులలో విజయం సాధిస్తారు. సంఘంలో  ప్రముఖుల నుంచి ఊహించని ఆహ్వానాలు అందుతాయి. వృత్తి, వ్యాపారాలలో ఆశించిన పురోగతి  సాధిస్తారు.

---------------------------------------

ధనస్సు

దూరపు బంధువులను కలుసుకుంటారు. ఇతరులతో వివాదాలకు దూరంగా ఉండటం మంచిది. దీర్ఘకాలిక ఋణాలు కొంతవరకు తీరుస్తారు. దూర ప్రయాణాలు కలసివస్తాయి. వ్యాపార విషయంలో నిర్లక్ష్యం చెయ్యడం మంచిది కాదు. ఉద్యోగులకు పని ఒత్తిడి నుండి ఉపశమనం కలుగుతుంది. ఆరోగ్య విషయంలో జాగ్రత్తగా వ్యవహరించాలి.

---------------------------------------

మకరం

వ్యాపారాలలో స్వల్ప లాభాలు పొందుతారు. ముఖ్యమైన పనులలో  తొందరపాటు పనిచేయదు. ఉద్యోగులకు పనిభారం పెరిగినా సమయానికి పనులు  పూర్తిచేస్తారు. ఆర్ధిక పరిస్థితి  కొంత అనుకూలంగా ఉంటుంది. విద్యార్థులకు నూతన విద్యపై ఆసక్తి పెరుగుతుంది. కొన్ని వ్యవహారాలలో జీవిత భాగస్వామి సలహాలు తీసుకుని ముందుకు సాగడం మంచిది.

---------------------------------------

కుంభం

నూతన వ్యాపార ప్రారంభానికి ఇతరుల సహాయం అందుతుంది. సంఘంలో ప్రముఖుల పరిచయాలు పెరుగుతాయి. గృహనిర్మాణ ఆలోచనలు ఆచరణలో పెడతారు. విలువైన వస్త్ర, ఆభరణాలు కొనుగోలు చేస్తారు. దూరప్రాంతాల వారి నుంచి అందిన సమాచారం కొంత ఆనందం కలిగిస్తుంది. స్థిరాస్తి వివాదాలు పరిష్కారమౌతాయి.   

--------------------------------------- 

మీనం

 

ఉద్యోగమున పురోగతి సాధిస్తారు. ఆర్ధిక పరిస్థితి అనుకూలంగా ఉంటుంది. నిరుద్యోగులుకు ఉద్యోగావకాశాలు అందుతాయి. చేపట్టిన పనులు అప్రయత్నంగా పూర్తిచేస్తారు. వృత్తి, వ్యాపారాలలో ఆశించిన లాభాలు పొందుతారు. మిత్రులతో కలిసి విందువినోదాది కార్యక్రమాలలో పాల్గొంటారు. మొండి బాకీలు వసూలవుతాయి. 

---------------------------------------