పిల్లలకు నేర్పినచో

 **

*కం*

ఓర్పున సంస్కారంబుల

నేర్పినచో పిల్లలటుల నేరిచి నెగడున్.

నేర్పకనే చెడు బుధ్ధులు

కూర్పుగ చిన్నారుల మది కూడును సుజనా.

*భావం*:-- ఓ సుజనా! ఓపిక తో సంస్కారములను పిల్లలకు నేర్పినచో అవి నేర్చుకొని పిల్లలు వర్ధిల్లును(బాగుపడును). ఏమీ నేర్పకపోతే పిల్లల మనస్సులకు చెడ్డ బుధ్ధులు వాటంతట అవే వచ్చి చేరును.

*సందేశం*:-- పిల్లలకు మంచి సంస్కృతీ సంప్రదాయాలు నేర్పకపోతే చెడులక్షణాలు పొంది వారు చెడిపోయే ప్రమాదం ఉంటుంది.

*** *కొంపెల్ల శ్రీనివాస శర్మ*