🌹🌹🍃🍃🌹🌹🍃🍃🌹🌹
. *🌹సౌందర్యలహరి🌹*
*శ్లోకం - 42*
🌷🪷🌷🪷🌷🪷🌷🪷🌷🪷
*గతైర్మాణిక్యత్వం గగనమణిభి స్సాన్ద్రఘటితం*
*కిరీటం తే హైమం హిమగిరి సుతే కీర్తయతి యః |*
*స నీడేయచ్ఛాయాచ్ఛురణ శబలం చన్ద్రశకలం*
*ధను శ్శౌనాసీరం కిమితి న నిబధ్నాతి ధిషణామ్ ‖*
దేవతల శరీరములు మాంసమయములు కావు. మంత్రమయములు, మంత్రస్వరూపములు. అందువలన వారి అవయవ వర్ణన లౌకిక దృష్టితో చూడరాదు. ఈ శ్లోకం నుండి చెప్పబడిన అమ్మవారి రూప వర్ణన మంత్ర చైతన్యము.
ఈ వర్ణన సాధకుడిని జీవభావం నుండి దైవభావంలోకి అక్కడ నుండి క్రమంగా పరమాత్మ భావనలోకి తీసుకువెళ్ళడానికి ఉపయోగపడుతుంది.
నిజానికి ఒక్కొక్క అవయవము ఒక్కొక్క దేవతా రూపము.
ఇప్పుడు చిదగ్నికుండం నుండి ఉద్భవించిన అమ్మవారి వర్ణన శిరస్సుతో ప్రారంభిస్తున్నారు.
గతైర్మాణిక్యత్వం గగనమణిభి స్సాన్ద్రఘటితం = అమ్మవారి కిరీటం గగన మణిభిః
ఆకాశపు మణులతో అంటే ద్వాదశాదిత్యులను మణులుగా పొదిగి స్సాన్ద్రఘటితం
చిక్కగా ఎడము లేకుండా పొదిగారట ఆ స్వర్ణ కిరీటంలో. *కురువింద మణి శ్రేణీ కనత్కోటీరమండితా* అని అమ్మవారి నామం.
స నీడేయచ్ఛాయాచ్ఛురణ = ఒక గూడు వలె వచ్చిన కిరీటం పైన
చంద్రశకలం = చంద్రవంక
శ్శౌనాసీరం ధనుః = ఇంద్రధనుస్సు వలె కనబడుతున్నదట ఆ చంద్రవంక.
ఎందువలన?
చంద్రుడు హిమరూపుడు తేమ కలిగినవాడు. ఆ కిరీటపు మణుల కాంతి ఈ నెలవంకలో ప్రసరించి ఆ విధంగా సప్తవర్ణశోభితంగా కనబడుతున్నదట.
*సహస్రదళ పద్మస్ధా సర్వవర్ణోపశోభితా*.
కిమితి న నిబధ్నాతి ధిషణామ్ = బుద్ధిమంతులైన కవులు ఈ దృశ్యమును అవలోకించి చంద్రకళను ఇంద్రధనుస్సుగా తమ కావ్యములలో ఎందుకు నిబద్ధించరు? తప్పకుండా అలా వర్ణిస్తారు అని భావం.
ఈ శ్లోకంలో చెప్పబడ్డ మంత్రం *శ్రీ హేమ కిరీటాయ సహస్రాదిత్య తేజసే నమః*
🙏🏻 *శ్రీమాత్రే నమః*🙏🏻
*సేకరణ:- శ్రీ కె వి రమణ మూర్తిగారి వాట్సాప్ పోస్ట్*
🌺🌹🌺🌹🌺🌹🌺🌹🌺🌹
కామెంట్‌లు లేవు:
కామెంట్‌ను పోస్ట్ చేయండి