రామాయణమ్ 343
...
కామముప్రకోపించి ఆలోచన చెడి ఏమేమో మాటలాడుతున్న రావణుని మాటలు వింటున్నాడు కుంభకర్ణుడు .
ఆయన అసంబద్ధ ప్రలాపనలు రుచించలేదు కుంభకర్ణునకు .
.
అందుకే అన్నతో," మహారాజా నీవు సీతను ఎత్తుకు వచ్చుటకు పూర్వమే ఈ పరిషత్తును సమావేశపరచి సలహా సంప్రదింపులు చేసిన ఎడల సబబుగా నుండెడిది!
.
రావణా ! ఏ రాజు న్యాయాన్ని అనుసరిస్తాడో అతనికి పశ్చాత్తాపము చెందవలసిన సమయము రాదు .
.
నీతి ఏదో ,ఏది నీతికాదో తెలియని వాడే వెనుకచేయవలసిన పనులు ముందు ముందు చేయవలసిన పనులు వెనుక చేయుచుండును.
.
నీవు సరిగా ఆలోచించకుండా ఈ పనికి ఒడిగట్టినావు ,
రామునితో ఉన్న సీత కాలకూటవిషమునిండినమాంసము ,ఆ మాంసము భుజించవలెనని నీకేల ఇచ్ఛ కలిగినది!
.
నీ అదృష్టము!!
రాముని కంట నీవుబడలేదు !
.
సరి !!
అయినదేమో అయినది !
నీ శత్రువులు నా శత్రువులే వారిని యమపురికి సాగనంపి నీకు చింతలేకుండగ చేసెదను.
.
శత్రువును చంపి నీతిని అవినీతిని సమము చేసెదను ! నీవు నీ భార్యలతో సుఖముగా నుండుము "".
.
నీవు అనాలోచితముగా చేసితివి అని పలికిన కుంభకర్ణుని మాటలు విన్న రావణుని ముఖము కోపముతో జేవురించినది...
.
వూటుకూరు జానకిరామారావు
కామెంట్‌లు లేవు:
కామెంట్‌ను పోస్ట్ చేయండి