దండం_దశగుణం_భవేత్

 *దండం_దశగుణం_భవేత్*

 అన్న వాక్యానికి, నేడర్ధాన్ని  మార్చేశారు.

దండిస్తేకాని పనిజరగదు అనే సందర్భంలో *"దండం దశగుణం భవేత్"* అంటారు నేటి సమాజంలో - కానీ ఆ వాక్యం అసలు అర్థం అదికాదు...

అసలు అర్థాన్ని *అర్చకగ్రంధనిధి* లోని ఈ క్రింది శ్లోకం తెలియ జేస్తుంది.

శ్లోll విశ్వామిత్రాహి  పశుషు

కర్దమేషు జలేషు చ

అంధే తమసి వార్ధక్యే

దండం దశగుణం భవేత్

ఇది శ్లోకం మరి దీనిలోని అర్థం -

1. వి - పక్షులు,

2. శ్వా - కుక్కలు,

3. అమిత్ర - మిత్రులుకానివారు (శత్రువులు),

4. అహి - పాములు,

5. పశు - పశువులు,

6. కర్దమేషు - బురదలో,

7. జలేషు - నీటిలో,

8. అంధే - గుడ్డితనంలో,

9.తమసి - చీకటిలో,

10. వార్ధక్యే - ముసలితవనంలో

దండం - కర్ర,

దశగుణం - 10 గుణాలను, భవేత్ - కలిగిస్తుంది.

అంటే

కర్ర పక్షులను, కుక్కలను, శత్రువులను, పాములను, పశువులను అదుపు చేయడానికి,

బురదలోను, నీటిలోను, గ్రుడ్డితనంలోను, చీకటిలోను, ముసలితనంలోను ఆసరాగా ఉంటుంది.

కావున కర్ర ఈ పది రకాలుగా ఉపయోగపడుతుంది - అని భావం

           .