*31- భజగోవిందం / మోహముద్గర*
🍇🍇🍇🍇🍇🍇🍇🍇🍇🍇🍇🍇
*భజగోవిందం శ్లోకం:-29*
*అర్థమనర్థం భావయ నిత్యం నాస్తి తతః సుఖలేశః సత్యమ్|*
*పుత్రాదపి ధనభాజాం భీతిః సర్వత్రైషా విహితారీతిః॥ భజ ॥ 29.*
*ప్రతి॥* నిత్యం = ఎల్లప్పుడూ; అర్థం = ద్రవ్యము; అనర్థం = దుఃఖ కరమైనదని; భావయ = తెలిసికో: (ఎందుకనంటే) తతః = దాని నుంచి; సుఖలేశః = కించిత్తు సుఖం కూడ; నాస్తి= లేదు (ఇది); సత్యమ్ = సత్యమైనది; పుత్రాదపి = పుత్రుడి నుంచి కూడ; ధనభాజాం = ధనముకలిగిన వానికి; భీతిః = భయమే ( (దాపురిస్తోంది); సర్వత్ర = అన్నిచోట్లకూడ; ఏషా = ఈ; రీతిః = విధము; విహితా = శాసించబడే వున్నది.
*భావం:-*
ద్రవ్యమనేది దుఃఖాన్నిచ్చేదని ఎల్లప్పుడూ జ్ఞాపకం పెట్టుకో. దాని నుంచి కించిత్తుకూడ సుఖం వుండ దన్నమాట సత్యం. ధనం కలిగిన వానికి తన స్వంత కుమారుడి నుంచీ కూడ భయమనేది కలుగు తూనే వుంటుంది. అన్నిచోట్లా కూడ ఈ ధనం నడిచే పద్ధతే అలాంటిది.
*వివరణ:-*
వెనుకటి శ్లోకంలో బోధకుడు చెప్పినట్లు మనలోని నికృష్టమైన స్వభావాలు మహత్తర బలమైనవై మనం వాటిని జయించలేనివే అయితే వేదాంతమూ తత్సంబంధమై ఊహలు కూడ వట్టి స్వప్న తుల్యములన్నమాట. భయంకరమైన నల్లమందు మగతలో చూచే భ్రమాత్మక దృశ్యాలు మాత్రమే ననాల్సి వుంటుంది. ఏ శాస్త్రవేత్తైనా ఎదుట నున్న పరిస్థితులను చూస్తాడు. అవి ఎలా గోచరిస్తుంటే అలా వాటిని గ్రహిస్తాడు. ఆ తరువాత ప్రపంచాన్ని వాటిదృష్ట్యా అభివృద్ధిలోకి తేవటం ఎలాగా అనీ, జీవితమునకు వాటినుప యోగింపజేయటం ఎలా అని ఆలోచిస్తాడు. అందుకనే యీ శ్లోకంలో రెండు విషయాలను గూర్చి ముచ్చటించారు. అందరికీ తెలిసినవే. ధనందాని పరి ణామం.
ఆలోచన చేయగలిగిన ప్రతి మనిషి జీవితం ఉన్న విధంగానే వుండి పోటంతో తృప్తి పడడు. దుఃఖాన్నిచ్చే దేదయితే వుందో దాన్ని పగలగొట్టి తీసి పారేసి తిరిగి మళ్ళీ ఒక సుఖాల దేవాలయం కట్టెయ్యాలని ప్రయత్నిస్తాడు. కాని మాయవంటిదేదో యీ డబ్బు విషయంలో బాగా గోచరిస్తుంది. డబ్బు అనేది యేదైన కొనటానికి- పొందటానికి తగును గాక, అంత మాత్రమైన విలువే దానికిచ్చి నట్లయితే దిగులు లేదు. కాని దానికి అంతే విలువనిచ్చి వూరుకొనలేము గదా! డబ్బు అనేది మనుష్యుని వల్లనే కనిపెట్టబడినదైనా గాని మనిషినే అది ఒక బానిసగా చేస్తోంది. ఈనాడు డబ్బే తెలివిలేని మనుష్యుల్ని పాలించి ఆడిస్తోంది! ఇక్కడ గురువు శిష్యులకు ద్రవ్యం దుఃఖకరమైనదన్న విషయం నిరంతరం చింతించవలసినదని బోధిస్తున్నారు. ధనం కొఱకు మొత్తం జీవితమంతా వ్యర్థం చేయటమవుతోంది! పై చెప్పిన విధంగా నిరంతరం చింతిస్తుంటే ఒకానొక నాటికి ఆ డబ్బు యొక్క వశీకరణశక్తి అంతరిస్తుంది. దాని వశంలో పడి పోయిన వారిలో, ప్రేమ రాహిత్యము, ఇతర్ల నసహ్యించుకొనటము, నికృష్టమైన పశుతుల్యమైన అట్టడుగు భావాలు డబ్బుపిచ్చి అన్నీ ప్రబలుతాయి.
చిత్రము! డబ్బు మనని క్షణంలో విచిత్రంగా మార్చేస్తుంది! నీకు ఏమీ లేనప్పుడు కొంత డబ్బు సంపాదించాలని బాధపడతావు. అది సంపాదించి పెట్టుకున్నప్పు డు అంతకంటే ఎక్కువ కలిగిన వారిని చూచి అసూయ పడతావు. తక్కువ గలిగిన వారి ఎదుట మహాగర్వపడతావు. పోనీ యింకా కొంచెం డబ్బు గడించావనుకో-ఈ అసూయ యీ గర్వం తగ్గుతవా ? తగ్గవు సరికదా గర్వం శక్తి మంతమయినవై వూరుకొంటవి. పైగా చాల అసంగతమైన అనుమానాలు నీ బుర్రలో రేకెత్తుతయి డబ్బులేనివాళ్ళంతా నిన్ను మోసం చేసి నీ డబ్బు కాజెయ్యాలను కొంటున్నారని నీవనుకొంటావు. నిన్ను బంధిపోటు చేశెయ్యాలని వాళ్ళనుకున్న దనుకొంటావు. వాళ్ళంటే యెన్నో భయాలు నీ అంతరాంతరాల్లో లేసి నానా చీకాకు పడుతూ వుంటావు.
“అర్థం” అనేది క్షేమమయిందికాదు. అపవిత్రుడైనవాడు ధనవంతుడయితే అతడి కుమారునినుంచీ కూడ అతడు భయపడుతూనే వుంటాడు. అని ఆచార్య శంకరులు అంటున్నారు. అందుకనే నీమనుస్సు కోణాల్లో ఎక్కడయినాసరె ఈ సంగతి నిరంతరం దాచిపెట్టుకో - ఏమనంటే- డబ్బు దుఃఖకర మైనటువంటిది అనే విషం డబ్బును తగినంతమేర వుంచుకో. ఉపయోగించేసెయిదాన్ని, డబ్బే నిన్ను ఉప యోగించుకొనే స్థితిలో వుండకు. డబ్బుకోసం నౌకరీ చేయకు. జీవనం కోసం మాత్రమే నౌకరీ చెయ్యమని ధ్వని. డబ్బును సంపాదించి నీ అధీనంలో వుంచుకొంటేనీకుపయోగించేదిగా చూసుకొంటే- అది సమంజస మైనదే. ఆ డబ్బు అనేది నున్న ఆడించి వేస్తుంటే అదే నిన్ను తన అధీనంలో పెట్టుకొంటే అది ఒకశాపంగా తెలుసుకో. నీకది సుఖలేశమైనా యివ్వది. ఇది సత్యమైన మాట డబ్బు యొక్క పద్ధతే అంత.
*సశేషం*
🫑🫑🫑🫑🫑🫑🫑🫑🫑🫑🫑🫑
కామెంట్‌లు లేవు:
కామెంట్‌ను పోస్ట్ చేయండి