కమలాక్షు నర్చించు కరములు కరములు:

 ☸️☸️☸️☸️☸️☸️☸️☸️☸️

*కమలాక్షు నర్చించు కరములు కరములు:*

*శ్రీనాథు వర్ణించు జిహ్వ జిహ్వ*

*సురరక్షకుని చూచు చూడ్కులు చూడ్కులు:*

*శేషశాయికి మ్రొక్కు శిరము శిరము*

*విష్ణునాకర్ణించు వీనులు వీనులు:*

*మధువైరి తవిలిన మనము మనము:*

*భగవంతు వలగొను పదములు పదములు।*

*పురుషోత్తముని మీది బుద్ధి బుద్ధి!!*

*భావము:~*

*తండ్రీ! కమలాలవంటి కన్నులున్న ఆ స్వామిని పూజించే చేతులే నిజమైన చేతులు. లక్ష్మీపతి అయిన నారాయణుని గుణగణాలను కొనియాడే నాలుకయే నాలుక. దేవతలను కాపాడే ప్రభువును చూచే చూపులే చూపులు. ఆదిశేషుని పాన్పుగా చేసికొన్న వైకుంఠనాథునికి మ్రొక్కే తలయే తల. విష్ణువును గూర్చి వినే శీలం కల చెవులే చెవులు. మధువును మట్టుపెట్టిన మాధవుని అంటిపెట్టుకొని ఉండే మనస్సే మనస్సు. భగవంతునకు ప్రదక్షిణం చేసే పాదాలే పాదాలు. పురుషోత్తమునిపై నిశ్చలంగా నెలకొని ఉన్న బుద్ధియే బుద్ధి. ఆయన దేవులందరకు దేవుడు. అట్టివానిని భావించే దినమే దినము. చక్రం చేతబట్టి దుష్టసంహారం చేసే స్వామిని తెలియజెప్పే చదువే నిజమైన చదువు. ఈ సర్వభూమికీ అధినాయకుడైన మహాప్రభువును బోధించే గురువే గురువు. శ్రద్ధగా వినవయ్యా! హరిని చేరుకో నాయనా అని ఉపదేశంచేసే తండ్రియే తండ్రి.*

*ఓం నమో నారాయణాయ:*

☸️☸️☸️☸️☸️☸️☸️☸️☸️