మగాన్నై పుట్టాక

 రచన : పూదత్తు కృష్ణమోహన్ 

శీర్షిక : మగాన్నై పుట్టాక 

తేది : 19-11- 2022

పురుషుల దినోత్సవ సందర్భాన

మగ పుట్టుక పుట్టాక 

జీవిత గమనంలోని 

గతాన్ని జ్ఞాపకం చేసుకున్నాక 

పుట్టడం తోనే మగపిల్లాడు 

అని పండుగ చేస్కుని 

ఆపై మగాడిపై సమాజం 

కుటుంబం ఉపాధ్యాయుల 

ఆరల్లు , ఆంక్షలు , ఆర్దర్లూ 

మగ పిల్లాడివి అంటూ 

భయపడడానికి కూడా 

అవకాశమివ్వక భయపెట్టిన 

అమ్మానాన్నలు 

బాధ కల్గినా ఏడవడానికీ 

ఛాన్స్ ఇవ్వక అమ్మాయిల్లా 

ఏదుస్తారా అని 

మా గుండెల మెమొరీ కార్డ్ ను 

బాధలమయం చేసీ 

మగాడివి బయట తిరగాలి 

అంటూ మెచ్చుకుంటూనే 

బండెడు చాకిరీ చేయించీ 

చదువుల్లో మాత్రం ఆడ పిల్లలతో 

పోల్చేస్తూ 

వాళ్ళను జూసైనా సిగ్గు దెచ్చుకో 

అని మా ఆత్మాభిమానాన్ని 

ఆసాంతం కాల్చేస్తూ 

బాల్యం నుండే బంధనాలు వేసీ 

మమ్ముల పుస్తకాల పురుగులను జేసీ 

ఉద్యోగం పురుష లక్షణం అని 

బాకాలూది బ్యాగూ లగేజీ సర్దేసి 

ఇంటి నుండి వెలివేసాక 

సరదాలన్నీ వదిలేసీ 

పోటీ పరీక్షల పని బట్టి 

ఉద్యోగం సాధించాకైనా 

మాపై ఇక మీ వత్తిల్లు 

తగ్గుతాయని సంబర పడ్డాం 

కానీ మూణ్ణాళ్ళ ముచ్చటయింది

కొందరేమో ఇక పెళ్ళి జేస్కోని 

వంశం నిలబెట్టమనీ 

కొందరేమో అప్పుడే పెళ్ళేంటి 

మినిమమ్ పదేల్లైనా సంపాదించు 

పది పైసలు వేనకేసుకొని 

ఆపై పెళ్ళి జేసుకోమని 

అప్పుడే పెళ్ళాం తో కులుకుదామనే 

అమ్మా అయ్యల జూస్కోవాని 

ఆశల పూలపై నిప్పులు పోసీ 

ఆపై కొంత కాలానికి పెళ్ళి జేసీ 

పిల్లలకై తొందర తొందర జేసీ 

ఇక మా జీవితాల్ని ఆడవాళ్ళకు 

అంకితం జేసీ 

షాపింగ్లు మ్యాచింగ్ లు 

చీరలు సారెలు పండుగలు పబ్బాలూ అని 

పర్మినెంట్గా ఫిక్సింగ్ జేసీ 

చంటి పిల్లల బాగోగులు మేమూ 

చూడాల్సిందేనని బ్రెయిన్లు వాషింగ్ జేసీ 

డైపర్లతో డైటింగ్ చేస్తూ 

లాలి పాటలు పాడుతూ 

సంసార భారాన్ని గుండెల 

నిండా మోసేస్తూ 

కొడుకుగా అన్నగా భర్తగా తండ్రిగా 

ఉద్యోగిగా మిత్రునిగా 

ఆకాశంలో సగం కాదు 

బాధ్యతల్లో బ్రహ్మాండమై 

సంపాదనలో ఒళ్ళంతా హూనమై 

ఆరోగ్యంతో సమరం చేస్తూ 

పిల్లల భవితకోసం మా కోర్కెలన్నిటికీ 

మంగళం పాడీ

సమస్త మానవాళి సంక్షేమం కోసం 

వెలుగుతున్న భూలోక సూర్యుడు 

మగాడు ! 

అవును మగాడు మగాడే 

పంటి బిగువున బాధ దాచెడి వాడు 

సమస్యల సునామీని గుండెల్లోనే 

బంధించిన బాహుబలి 

ఆడాళ్ళకు సమానంగా 

పిల్లల బాధ్యత మోస్తున్న 

11వ అవతారి 

కావలసినంత గుర్తింపు దొరకని 

అమాయకపు అబ్బురం 

 ' మగాడు ' 

ఇక నైనా మగాడి గొప్ప తనాన్ని 

పొగడక పోయినా 

కనీసం గుర్తిస్తారని ఆశిస్తూ . . 

 *మీ పూదత్తు కృష్ణమోహన్* 

 *సైకాలజిస్ట్ , స్కూల్ అసిస్టెంట్* *తెలుగు జి పఉప* *ఘనపూర్*