🌹🌹🌹🌹🌷🌷🌷🌹🌹🌹🌹
. *🌹చారిత్రాత్మక కథాస్రవంతి🌹*
. ♦️ *ఆర్య చాణక్య*♦️
*పార్ట్ - 125*
🔴 *రాజనీతి సూత్రాణి - తృతీయ అధ్యాయం* :
📕 *సర్వసాధారణ నీతులు* : 📕
1. బాలాదపి యుక్తమర్థం శృణుయాత్
(బాలుడు చెప్పినా మంచి విషయం వినాలి.)
2. నత్యమప్యశ్రద్దేయం న వదేత్
(నిజమే అయినా వినేవాళ్ళు నమ్మరనే సందేహం ఉన్నప్పుడు అది వాళ్ళకి చెప్పకపోవడమే మంచిది.)
3. నాల్పదోషాద్భహుగుణా స్త్యజ్యంతే
(చాలా మంచి గుణాలు ఉన్నవాళ్ళని ఒక చిన్న దోషం ఉన్నంత మాత్రాన విడిచి పెట్టకూడదు.)
4. విపశ్చిత్స్వపి సులభా దోషాః
(మహాపండితులలో కూడా కొన్ని లోపాలు ఉండవచ్చు.)
5. నాస్తి రత్న మఖనింతమ్
(ఖండించని రత్నం ఉండదు. ఎంతటి వాళ్ళకైనా కొన్ని కష్టాలు తప్పవు.)
6. మర్యాదాతీతం న కాచిదపి విశ్వసేత్
(అవధులు దాటిన విషయం ఎన్నడూ నమ్మకూడదు. మర్యాద లేనివాడిని ఎన్నడూ నమ్మకూడదు.)
7. అప్రియే కృతం ప్రియమపి ద్వేష్యం భవతి (అప్రియుడికి ఏదైనా ప్రియమైనది చేసినా దాన్ని అతడు ద్వేషిస్తాడు.)
8. నమన్యపి తులాకోటిః కూపోదకక్షయంకరోతి (ఘటీయంత్రానికీ (బావిలోనుంచి నీళ్ళు తోడడానికి కుండలు కట్టిన చక్రానికి) సంబంధించిన చివరి భాగం వంగుతున్నా నూతిలోని నీళ్ళన్నీ తోడేస్తుంది.)
9. సతాం మతం నాతిక్రామేత్
(సత్పురుషుల అభిప్రాయం కాదనకూడదు.)
10. గుణవదాశ్రయాన్నిర్గుణోపి గుణీ భవతి (గుణవంతుణ్ణి ఆశ్రయించడం వల్ల గుణవిహీనుడు కూడా గుణవంతుడు అవుతాడు.)
11. క్షీరాశ్రితం జలం క్షీరమేవ భవతి
(పాలను ఆశ్రయించిన నీరు పాలే అవుతుంది.)
12. మృత్పినే పి పాటలిపుష్పం స్వగంధముత్పాదాయతి
(పాటలిపుష్పం మట్టిముద్దలోనికి కూడా తన సువాసనను సంక్రమింపచేస్తుంది.)
13. రజత కనకసంగావత్ కనకం భవతి
(బంగారంతో కలిసిన వెండి కూడా బంగారం అవుతుంది.)
14. ఉపకర్తర్యపకర్తు మిచ్చత్యబుథః
(తెలివి తక్కువవాడు ఉపకారం చేసినవాడికి కూడా అపకారం చెయ్యాలని అనుకొంటాడు.)
15. న పాపకర్మణా మాకృశభయమ్
(పాపం చేసేవాళ్ళకి ఇతరులు తిడతారనే భయం ఉండదు.)
16. ఉత్సాహవతం శత్రవో పి వశీభవంతి (ఉత్సాహవంతులకి శత్రువులు కూడా వశం అవుతారు.)
17. విక్రమధనా హి రాజానః
(రాజులకి పరాక్రమమే ధనం.)
18. నాస్త్యలసస్య ఐహికమాముష్మికం వా
(సోమరికి ఐహికమూ లేదు, పారలౌకికమూ లేదు.)
19. నిరుత్సాహాదైవం పతతి
(నిరుత్సాహపడితే దైవం కూడా వ్యతిరేకిస్తుంది.)
20. మత్సార్థీన జాలముపయాజ్వార్థం
(చేపలు పట్టేవాని వలె వలపన్ని ధనం సంపాదించాలి.)
21. అవిశ్వస్తేషు విశ్వాసో న కర్తవ్య
(తన మీద నమ్మకం లేనివాళ్ళని నమ్మకూడదు.)
22. విషం విషమేవ సర్వకాలమ్
(విషం ఏనాటికీ విషమే.)
23. అర్ధసమాదానే వైరిణాం సంగ ఏవ న కర్తవ్య (ధనం సేకరించేటప్పుడు శత్రువులతో సంబంధమే పెట్టుకోకూడదు.)
24. అర్థసిద్దౌ వైరిణం న విశ్వసేత్
(కార్యసిద్ధి విషయంలో శత్రువును నమ్మకూడదు.)
25. అర్ధాధీన ఏవ నియతసంబంద
(ఇద్దరి మధ్య ఒక నిశ్చితమైన సంబంధం ఉన్నదంటే అది ఏదో ఒక ప్రయోజనం యొక్క మూలంగా ఏర్పడుతుంది.)
26. శత్రోరపి సుతః సఖా రక్షిఇతవ్య
(శత్రువు కుమారుడైన స్నేహితుడైతే వాడ్ని రక్షించాలి.)
27. యావచ్చత్రో శ్చిద్రం పశ్యతి తావద్దస్తేన వా స్కందేన వా సంవాహ్యచిద్రేతు ప్రహరేత్
(శత్రువులో ఉన్న లోపం కనబడేవరకు వాడ్ని చేతులమీద కాని, భుజాలమీద కాని మోయ్యాలి. లోపం కనబడగానే వాడిమీద దెబ్బతీయాలి.)
28. ఆత్మచ్చిద్రం న ప్రకాశయేత్
(తన లోపాలను బయట పడనీయకూడదు.)
29. చిత్ర ప్రహారిణ శత్రవో పి
(శత్రువులు కూడా ఏవో లోపాలు కనబడినప్పుడే దెబ్బతీస్తారు.)
30. హస్తగతమపి శత్రుం న విశ్వసేత్
(చేతికి చిక్కినా శత్రువును నమ్మకూడదు.)
31. స్వజనస్య దుర్వంత్తిం వారయేత్
(తన వాళ్ళలో ఉన్న చెడ్డ నడవడికను నివారించాలి.)
32. స్వజనావమానో పి మనస్వినాం దుఃఖమావహతి
(తనవాళ్ళకి అవమానం జరిగినా ఆత్మాభిమానవంతులు బాధపడతారు.)
33. ఏకాంగదోష పురుషమపసాదయతి
(ఒక్క అవయవ దోషం కూడా మనిషిని కృంగదీస్తుంది.)
34. శత్రుం జయతి సువృత్తతా
(సచ్చరిత్ర శత్రువును జయిస్తుంది - శత్రువుల నుండి కూడా మెప్పును తెస్తుంది.)
35. నికృతిప్రియా నీచాః
(అపకారం చేయడమే నీచులకు ఇష్టం.)
36. నీచస్య మతిర్న దాతవ్యా
(నీచుడికి సలహాలు ఇవ్వకూడదు.)
37. నీచేషు విశ్వాషో న కర్తవ్య
(నీచుల్ని నమ్మకూడదు.)
38. సుపూజితో పి దుర్జనః పీడయత్యేవ
(దుర్జనుడ్ని ఎంత గౌరవించినా పీడించడం మానడు.)
39. చందనాదీనపి దావో గ్నిర్ధహత్యేవ
(దావాగ్ని చందనవృక్షాదులను కూడా కాల్చి తీరుతుంది.)
40. కదాపి కమిపి పురుషం న బాధేత
(ఎప్పుడూ, ఎవర్నీ అవమానించకూడదు.)
41. క్షంతవ్యమితి పురుషం న బాధేత
(క్షమించడమే యుక్తం; అందుచేత ఎవర్నీ బాధించకూడదు.)
42. భర్తధికం రహస్యుక్తం వక్తుమిచ్చన్యంతబుద్దయః (తెలివితక్కువవాళ్ళు ప్రభువు రహస్యంగా చెప్పిన విషయాన్ని అదీ ఇదీ కలిపి నలుగురికీ చెప్పడానికి ప్రయత్నం చేస్తుంటారు.)
43. అనురాగస్తు ఫలేన సూచ్యతే
(ఎంత అనురాగం ఉందో ఫలాన్ని పట్టి తెలుస్తుంది.)
44. ఆజ్ఞాఫలమైశ్వర్మమ్
(ఐశ్వర్యం ఉన్నందుకు ప్రయోజనం అధికారం చెలాయించడం.)
45. దాతవ్యమపి బాలిశః పరిక్లేశేన దాస్యతి (మూర్ఖుడు ఇవ్వవలసినది కూడా ఎంతో కష్టం మీద ఇస్తాడు.)
46. మహదైశ్వర్యం ప్రాప్యాపి అధృతిమాన్ వినశ్యతి (ధైర్యం లేనివాడు, చిత్తస్థైర్యం లేనివాడు గొప్ప ఐశ్వర్యం లభించినా కూడా నశిస్తాడు.)
47. నాస్త్యధృతే రైహికమాముష్మికం వా
(చిత్తస్ధైర్యం లేనివానికి ఐహికమూ లేదు, ఆముష్మికమూ లేదు.)
48. న దుర్జనైః సహ సంసర్గ కర్తవ్య
(దుర్జనుల సహవాసం చెయ్యకూడదు.)
49. శౌండహస్తగతం పయో ప్యవమన్యతే జనః
(కల్లు అమ్మేవాడి చేతిలో ఉన్న పాలను కూడా మనుష్యులు నిరాకరిస్తారు.)
50. కార్యసంకటేష్వర్ధవ్యవసయినీ బుద్దిః
(పనులలో కష్టాలు ఏర్పడినప్పుడు విషయార్ధారణ చేయగలిగిందే బుద్ధి.)
51. మితభోజనమ్ స్వాస్థ్యమ్
(మితంగా భుజించడమే ఆరోగ్యం.)
52. పథ్యమప్యపథ్యాజీర్నే నాశ్నీయత్
(హితమైన పదార్థాన్ని అజీర్ణంగా ఉన్నప్పుడు తినకూడదు.)
53. జీర్ణభోజినం వ్యాధిర్నోపర్పతి
(తిన్నది జీర్ణమైన తర్వాతనే మళ్ళీ భుజించేవాడి దగ్గరికి రోగాలు రావు.)
54. జీర్ణశరీర వర్ధమానం వ్యాధిం నోపేక్షేత
(శరీరంలో జీర్ణమైన తర్వాత వార్ధక్యంలో వచ్చిన వ్యాధిని ఉపేక్ష చేయకూడదు.)
55. అజీర్నే భోజనం దుఃఖమ్
(అజీర్ణంగా ఉన్నప్పుడు భోజనం చేయడం దుఃఖహేతువు.)
56. శత్రోరపి విశిష్యతే వ్యాధి
(శత్రువుని మించినది వ్యాధి.)
57. దానం నిధానమనుగామి
(దానం అనేది కూడా వచ్చే నిధి.)
58. పటుతరే పి తృష్ణాపరే సులభమతిసంధానమ్ (ఎంత తెలివైనవాడైనా దురాశ కలవాడ్ని మోసగించడం సులభం.)
59. తృష్ణయా మతిశ్చాద్యతే
(దురాశ ఆలోచనాశక్తిని కప్పివేస్తుంది.)
60. కార్యబహుత్వే బహుఫలమాయతికం కుర్యాత్ (చాలా కార్యాలున్నప్పుడు ఎక్కువ ఫలాన్ని ఇచ్చేపనీ, భవిష్యత్తులో లాభకరమైన పనీ చెయ్యాలి.)
61. స్వయమేవాస్కన్నం కార్యం నిరీక్షేత (చెడిపోయిన పనిని తానే చక్కదిద్దుకోవాలి. లేదా తానే పని చెడిపోకుండా చక్కదిద్దుకోవాలి.)
62. మూర్ఖేసు సాహసం నియతమ్
(మూర్ఖులలో సాహసం తప్పకుండా ఉంటుంది.)
63. ముర్ఖేసు వివాదో న కర్తవ్య
(మూర్ఖులతో వాగ్వాదం పెట్టుకోకూడదు.)
64. మూర్ఖేషు మూర్ఖవదేవ కథయేత్
(మూర్ఖులతో మూర్ఖుడులాగే మాట్లాడాలి.)
65. ఆయసైరాయసం భేధ్యమ్
(ఇనుపదానిని ఇనుపదానితోనే చేదించాలి.)
66. నాస్త్యధీమతః సఖా
(తెలివితక్కువవాడికి స్నేహితుడు ఉండడు.)
(ఇంకా ఉంది)...🙏
సేకరణ:- మన ఆత్మీయ సభ్యులు శ్రీ కె వి రమణ మూర్తిగారి వాట్సాప్ పోస్ట్.
🎄🌲🪻🎄🌲🪻🎄🌲🪻🎄
👉 *రేపటి తరానికి బతుకు, భద్రత లతోపాటు భారతీయత కూడా నేర్పండి.*
🌺🌹🌺🌹🌺🌹🌺🌹🌺🌹
కామెంట్‌లు లేవు:
కామెంట్‌ను పోస్ట్ చేయండి