జానుతెనుఁగు విన్నపముు !

 శు భో ద యం🙏

జానుతెనుఁగు విన్నపముు !

బలుపొడతోలు సీరయును బాపసరుల్  గిరుపారుకన్ను, వెన్నెలతల, చేదుకుత్తుకయు,బన్నిన వేలుపుటేఱు, వల్గుపూ

సలుగల ఱేని లెంకనని జానుతెనుంగున విన్నవించెదన్

వలపు మదిందల్ిర్ప బసవా!బసవా! వృషాధిపా!

పాల్కురికి సోమన- వృషాధిపశతకము;

తొలి శతకకర్తగా పేరందిన శివకవి పాల్కురికి సోమన కవీంద్రుడు రచించిన వృషాధిపశతకంలోనిది పైపద్యరత్నం!

     పై పద్యానికోప్రత్యేకత ఉంది.జానుతెనుగులో(వ్యవహారభాషలో)వ్రాయబడటం.మహాకవులరచనలు గ్రాంధికభాషకు(వ్యాకరణ సంస్కారమందినభాష)పట్టంగట్టగా శివకవులు మాత్రం నాటి వ్యవహారమైన తెనుగు బాసకు జానుతెనుగను పేరిడి దానిలోనే రచనలుగుప్పించి,రసజ్ఙులను మెప్పించి,తమదేశాభిమానమును మాతృభాషాభిమానమును వెల్లడించినారు.

వారే శివకవులు.వారిప్రయోగములకే శివకవి ప్రయోగములనుఖ్యాతి.

ప్రస్తుతము:

అర్ధములు:-

బలుపొడతోలుసీర-అనేక మచ్చలుగల చర్మాంబరము.

పాపసరులు-సర్పభూషణములు;

కిరుపాఱు-జ్వలించు;

వెన్నెలతల-తలపై వెన్నెలకురియు చందమామ;

చేదుకుత్తుక-విషపూరితమైనకంఠము;

బన్నిన-కదలకుండగట్టిన;.

వేల్పుటేఱు-గంగ;

నల్గుపూసలు-పుర్రెలనుపూసలహారముగల;

ఱేని-రాజుయొక్క;

లెంకనని-సేవకుడనని;

తరువాత సుబోధకమే!

పద్యమునందలి పదములు (ఒక్క వృషాధిపా!"-యనునదిదక్క) తక్కినవి దేశ్యములే!

భావము:వ్యాఘ్రాంబరధారియు,సర్పభూషణుడును,అగ్నినేత్రముగాగలవాడును.చంద్రధారియు, నీలగళుడును,కపాలమాలాధారియు, నగు నాపరమేశ్వరుని సేవకుడనని ప్రేమనిండిన మదితో విన్నవింతును.అని భావము.

         

                             స్వస్తి

!🌷🌷🌷💐🌷🌷💐💐💐💐💐🙏🙏🙏🌷💐💐💐