ప్రాచీన భారతీయుల
ఆయుర్వేద వైద్య పరిజ్ఞానం
చెత్తకుప్పలో వేయాల్సిందేమీ కాదు..
వందల శతాబ్దాలుగా
ఆ అనుభవ జ్ఞానం
ఇంకా కళ్లెదుట బతికే ఉంది...
* నోటి పండ్లు ఊడిపోయినా
ముక్కు, చెవులు తెగిపోయినా
లోపం కలగకుండా అతికించారు
* మానవ, జంతు
మృత కళేబరాలను
వేర్వేరు భాగాలుగా
కోసి పరీక్షించారు...
సుశ్రుత సంహితలో ఇదంతా
నమోదై ఉంది..
* ఆరు జాతుల జలగలను
పేర్కొంటూ క్రిమిదష్ట భాగాన్ని
ఎలా బాగు చేయవచ్చో ఉంది..
* గ్యాంగ్రీన్ వగైరా ఏవైనా..
కుళ్లిన భాగాలను తప్పనిసరై
ఆ భాగాన్ని తొలగించి
శరీరాన్ని కాపాడాలనే
స్పృహ వారికుంది..అంతేకాదు
తొలగించిన కాళ్లకు
ఇనుప, కర్రలతో
కృత్రిమ అవయవాలను
డిజైన్ చేశారు..
* వైద్య చికిత్సలో మూలికలనేగాక..
పాము గరళాన్ని, లోహాలను,
గంధకీ, నత్రకి, ఉదజహరిత ఆమ్లాలను సైతం ప్రయోగించారు
14వ శతాబ్దం వచ్చేవరకూ
ఔషధాల్లో లోహ, రసాయనాలను ఉపయోగించడం
యురోపియన్లకు తెలియదు..
క్రీ.పూ. కు ముందే
ఈ వైద్య విజ్ఞానం
భారతీయులకు తెలుసు..
ఇలా ఎన్నెన్నో Hindu Superiority గ్రంథంలో
సాక్షాధాలతో ఉన్నాయి...
ఈ మాటలు రాసిన
పరిశోధకులంతా విదేశీయులే..
మిత్రుడు 'తెలుగువాడు శ్రీనివాసు' ఆ పుస్తకం లింక్
ఇచ్చాడు.. తెలుసుకోవాలనే
జిజ్ఞాస ఉంటే
అందులో చదువుకోండి..
ఒరిజినల్ గ్రంథం 1906 లో
పబ్లిష్ అయింది..
సెకండ్ ఎడీషన్
వచ్చిందో.. లేదో తెలియదు
తెలుగు అనువాదం మాత్రం
1930 లో వచ్చింది..
మలి ముద్రణ కాలేదని కచ్చితంగా చెప్పగలను..
ఓ వైద్యశాస్త్రమే కాదు
అనేకంగా సంస్కృత గ్రంథాలు
క్రీ.శ. 6వ శతాబ్దం
మొదలుకుని అరబ్బీలోకి
తర్జుమా అవుతూ వచ్చాయి
నేరుగా సంస్కృతం
నుంచికాక...అరబ్బీ నుంచి
ఆంగ్లానికి అనువాదమయ్యాయి
ఈ పుస్తకంలో విదేశీ పండితుల
పిండీకృత భావమేమంటే..
" వైద్యం అనే శాస్త్ర అవగాహన భారత దేశంలో పుట్టింది..
ఆ వైద్యవిజ్ఞానం మొదట
అరబ్బులకు పరిచయమై..
అక్కడి నుంచి అది
యూరప్ కు చేరింది.."
ముక్తాయింపుగా
ఓ మూడు మాటలు..
ఆయుర్వేదం 'గుడ్డు' అయితే
అలోపతి రెక్కల పక్షే...
పిల్లొచ్చి గుడ్డును వెక్కిరించడం
ఓ సామెతకాదు 'పక్షి' నిజం..
మనలోమాట...
అలోపతి మందుల కంపెనీలతో
పోలిస్తే...ఆయుర్వేద ఫార్మా
మార్కెట్ తక్కువేం కాదు..
భారతీయ విజ్ఞానం అంతా
నాన్ సెన్స్..నాన్ సైన్స్
పాతచింతకాయ పచ్చడని
అనేవాళ్లు..అనుకునే వాళ్లు
ఈ గోడమీద వాదించ వచ్చు
కాకపోతే.. వైద్య శాస్త్రాల
చరిత్ర..
ఆ పరిజ్ఞానం లేకుండా..
రాస్తే చర్చ ముందుకు సాగదు..
కామెంట్‌లు లేవు:
కామెంట్‌ను పోస్ట్ చేయండి