విష్ణు సహస్రనామ స్తోత్రము*

 ☸️☸️☸️☸️☸️☸️☸️☸️☸️

 *విష్ణు సహస్రనామ స్తోత్రము*

           *రోజూ ఒక శ్లోకం*

*అర్థం, తాత్పర్యం, ఆడియోతో*

☸️☸️☸️☸️☸️☸️☸️☸️☸️

*శ్లోకం (12)*

*వసుర్వసుమనాః సత్యః*

*సమాత్మాసమ్మితః సమః ।*

*అమోఘః పుణ్డరీకాక్షో*

*వృషకర్మా వృషాకృతిః ॥* 

*ప్రతి పదార్థం:~*

*105) వసుః - సర్వ భూతములయందు వశించువాడు; సమస్త భూతములు తనయందు గలవాడు;*

*106) వసుమనాః - పరిశుద్ధమైన మనస్సు గలవాడు.*

*107) సత్యః - సత్య స్వరూపుడు, నిజమైనది, మూడు కాలములలో నుండునది, నాశనము లేనిది;*

*108) సమాత్మా - సర్వప్రాణుల యందు సమముగా వర్తించువాడు.*

*109) సమ్మితః - భక్తులకు చేరువై భక్తాధీనుడైనవాడు.*

(అసమ్మితః ---

పరిచ్చేదింపబడజాలనివాడు;

అంత్యము, హద్దు లేనివాడు)

*110) సమః - అన్నింటియందును సమభావముగలవాడు;*

*111) అమోఘః - భక్తుల స్తుతులను ఆలకించి ఫలముల నొసగువాడు.*

*112) పుణ్డరీకాక్షః - పద్మనయునుడు, తామరపూవు వంటి కన్నులు గలవాడు;*

*113) వృషకర్మా - ధర్మకార్యములు నిర్వర్తించువాడు.*

*114) వృషాకృతిః -ధర్మమే తన స్వరూపముగా గలవాడు, మూర్తీభవించిన ధర్మ స్వరూపుడు*

*తాత్పర్యం :~*

 

*సమస్త భూతములును తనయందే గలవాడును. శ్రేష్ఠమైన మనసు కలవాడును, సర్వ కాలములందు వుండువాడును. నాశ రహితుడును, వికార రహితుడై అన్నిటి యందును సముడై యున్నవాడును, తామరపువ్వు వంటి నేత్రములు కలవాడును, ధర్మమే ఆకారముగా కలవాడును. మూర్తీభవించిన ధర్మస్వరూపుడును అగు శ్రీమన్నారాయణుడికి శిరస్సు వంచి వందనం మొనర్చుచున్నాను*

☸️☸️☸️☸️☸️☸️☸️☸️☸️

*(ఏరోజుకా రోజు ఇచ్చిన శ్లోకం  కంఠస్థం వచ్చేదాకా మననం చేద్దాం)*

*సూచన: కృత్తిక నక్షత్రం 4వ పాదం జాతకులు పై 12వ శ్లోకమును నిత్యం కనీసం 11 పర్యాయములు పఠించడం ద్వారా వారు సకల శుభాలను పొందగలరు.*

☸️☸️☸️☸️☸️☸️☸️☸️☸️

*ఓం నమో నారాయణాయ!*

*ఓం నమః శివాయ!!*

☸️☸️☸️☸️☸️☸️☸️☸️☸️

*క్రొత్తగా నేర్చుకుంటున్న వారి ఉపయుక్తంగా ఉంటుందని పై శ్లోకం ఆడియో దిగువనీయబడింది. వినండి*👇