*రక్షాబంధన శుభాకాంక్షలతో...*
ఉ॥
అన్నకు చెల్లి రక్షగట్టు మరి యా భగినిం దను రక్షసేయగా
నన్నయె రక్షయై నిలచు నన్నిట దానుగ జన్మమంతటన్
బన్నములందు నాదుకొన పాడిని దప్పక గాచుటందునన్
క్రొన్ననదాల్చె డీరమటు కోటి ముదమ్ములు బూయ నిత్యమై
సీ॥
కష్టసుఖములందు గాచుకొనెడు స్ఫూర్తి
ప్రేమ బంచుకొనెడు ప్రియగుణమ్ము
నార్థికాంశములందు నాదుకొనెడు నీతి
యండదండల నొసగు నతుల చిత్త
మమ్మనాన్నల యందు కమ్మని భక్తియున్
బాధ్యత మరువని భావజాల
మిహపరచింతనా సహజాతగుణములు
తోడునీడగనుండు దూరదృష్టి
గీ॥
చేతిలో చెయ్యి పెనవేసి చేదువిధము
లన్న చెల్లెళ్ళ యనుబంధ మెన్నదగునె
రక్షగట్టెడు పున్నమి శ్రావణాన
చూచు వారలె ధన్యులు సుమ్ము ధరణి
*~శ్రీశర్మద*
కామెంట్‌లు లేవు:
కామెంట్‌ను పోస్ట్ చేయండి