☸️☸️☸️☸️☸️☸️☸️☸️☸️
*విష్ణు సహస్రనామ స్తోత్రము*
*రోజూ ఒక శ్లోకం*
*అర్థం, తాత్పర్యం, ఆడియోతో*
☸️☸️☸️☸️☸️☸️☸️☸️☸️
*శ్లోకం (14)*
*సర్వగః సర్వ విద్భానుః*
*విష్వక్సేనో జనార్దనః ।*
*వేదో వేదవిదవ్యంగో*
*వేదాంగో వేదవిత్కవిః ॥*
*ప్రతి పదార్థం:~*
*124) సర్వగః - సర్వత్ర వ్యాపించియున్నవాడు, అన్ని చోట్లా ప్రవేశించు వాడు;*
*125) సర్వవిత్ - సర్వము తెలిసినవాడు.*
*సర్వవిద్భానుః --- (శంకరాచార్యులు ఒకే నామముగా పరిగణించిరి) సర్వము తెలిసి, అవిరామముగ, అవికారముగ ప్రకాశించేవాడు.*
*126) భానుః - ప్రకాశించువాడు.*
*127) విష్వక్సేనః - విశ్వాన్ని రక్షించేందుకు సైన్యాధిపతిగా వ్యవహరించే వాడు, అసురుల సేనలను నిర్జించినవాడు.*
*128) జనార్దనః - దుష్ట శక్తుల బారినుండి సజ్జనులను రక్షించువాడు;*
*129) వేదః - మోక్షదాయకమైన జ్ఞానమును ప్రసాదించు వేదము తన స్వరూపముగా గలవాడు, వేదమూర్తి.*
*130) వేదవిత్ - వేదములను సంపూర్ణముగా నెరిగినవాడు;*
*131) అవ్యంగః - ఏ కొరతయు, ఏ లోపము లేనివాడు.*
*132) వేదాఞ్గః - వేదములనే శరీరఅంగములుగా కలిగినవాడు.*
*133) వేదవిత్ - వేదపరమైన ధర్మమునెరిగినవాడు.*
*134) కవిః -సర్వద్రష్ట యైనవాడు, సూక్ష్మ దృష్టి కలిగిన వాడు; అన్నింటినీ చూచువాడు.*
*భావం:~*
*సర్వత్ర వ్యాపించియున్నవాడును, సర్వము తెలిసినవాడును, అసురుల సేనలను నిర్జించిన వాడును, దుష్ట శక్తుల బారినుండి సజ్జనులను రక్షించువాడు; మోక్షదాయకమైన జ్ఞానమును ప్రసాదించు వేదము తన స్వరూపముగా గలవాడును, వేదములను సంపూర్ణముగా నెరిగినవాడును, పంచేంద్రియాలకు అతీతుడును, వేదాలను శరీర భాగాలుగా కలిగి ఉన్నవాడును, వేదపరమైన ధర్మమునెరిగినవాడును, సర్వమును చూసేవాడును అగు శ్రీమన్నారాయణుడికి శిరస్సు వంచి వందనం మొనర్చుచున్నాను*
☸️☸️☸️☸️☸️☸️☸️☸️☸️
*(ఏరోజుకా రోజు ఇచ్చిన శ్లోకం కంఠస్థం వచ్చేదాకా మననం చేద్దాం)*
*సూచన: రోహిణి 2వ పాదం జాతకులు పై 14వ శ్లోకమును నిత్యం కనీసం 11 పర్యాయములు పఠించడం ద్వారా వారు సకల శుభాలను పొందగలరు.*
☸️☸️☸️☸️☸️☸️☸️☸️☸️
*ఓం నమో నారాయణాయ!*
*ఓం నమః శివాయ!!*
☸️☸️☸️☸️☸️☸️☸️☸️☸️
*క్రొత్తగా నేర్చుకుంటున్న వారి ఉపయుక్తంగా ఉంటుందని పై శ్లోకం ఆడియో దిగువనీయబడింది. వినండి*👇
కామెంట్‌లు లేవు:
కామెంట్‌ను పోస్ట్ చేయండి