నర్మదా మాత
(పుష్కరముల సందర్భమున )
''అమరకంటకము" న నావిర్భవించియున్
బ్రవహించె నర్మద పశ్చిమముకు
"నౌషంగబాదు"లో నతి విశాలంబయ్యు
కన్నుల పండువై కానుపించె
"మాహేశ్వరము" వద్ద మహితమ్ముగా నుండి
పుణ్య మజ్జనముకు స్ఫూర్తి నిచ్చె
రమ్య"ఓంకారేశ్వర" గిరిసానువులలో
పరమేశు పావన పదము లంటె
దివ్య "భృగుకచ్ఛపము" చెంత తీర్థమయ్యు
కలసె "నర్మదామాత" తా కడలి యందు,
భరతభూమిని ప్రవహించి భక్త జనుల
కాత్మ యైనట్టి "నర్మద" కంజలింతు.
✍️గోపాలుని మధుసూదన రావు 🙏
కామెంట్‌లు లేవు:
కామెంట్‌ను పోస్ట్ చేయండి