వేమన పద్యం

 🌹 *వేమన పద్యం - 27*🌹

           (శ్రీ హరిప్రియ గోష్ఠి నుండి)

            సేకరణ : డాక్టర్ తిరుమల నీరజ

            (15.2.23)

    *ఒరుని చెఱచెద మని ఉల్లమం దెంతురు*

     *తమదు చేటెఱుగని ధరణి నరులు*

*తమ్ము చెఱచు వాడు దైవంబు లేడొకో?*

*విశ్వదాభిరామ! వినుర వేమ!*

తాత్పర్యం

ఇతరులకు హాని కలిగించా లనుకుంటే, తమకు హాని తప్పదు. ఈ నిజం మూర్ఖులకు తెలియదు. ఒకరిని చెడగొట్టా లనుకుంటే, దేవుడు వారినే చెడకొడతాడు.

"చెరపకురా చెడేవు" అనే నానుడి లోక ప్రసిద్ధం. మానవుల బలహీనతలను అంచనా వేయటంలో వేమనకు వేమనే సాటి. సాధారణంగా లోకంలో కొందరు నిరంతరం ఇతరుల హాని కోరుతుంటారు. ఇతరుల వల్ల తమకు ఎలాటి అపకారమూ కలుగక పోయినా, ఈ దుశ్చింత - చెడు తలపు - మానరు. నిష్కారణంగా మంచి వారికి హాని తల పెట్టే వారిని భగవంతుడు శిక్షించి తీరుతాడు - అనే సంగతిని మొహమాటం లేకుండా చెప్పాడు వేమన. ఎందరో వేమనను -విప్లవ వాది, నాస్తికుడు" అంటారు కాని, నిశితంగా పరిశీలిస్తే, ఆయన భావాలలో ఆస్తికత కూడా సమానంగా కనిపిస్తుంది. దుర్మార్గులకు భగవంతుని చేతిలో తప్పకుండా శిక్ష పడి తీరుతుంది అనేది సారాంశం.

                         🌹🙏🌹