సుభాషితమ్

           _*సుభాషితమ్*_

 𝕝𝕝శ్లో𝕝𝕝

*మృతంశరీర ముత్సృజ్య*

*కాష్ఠలోష్టసమంక్షితౌ*

*విముఖా బాంధవా యాంతి*

*ధర్మస్త్వేకోనుగఛ్ఛతి*

                        ~మనుస్మృతి

కూర్మ-గరుడ-పురాణాదులలోఅక్కడక్కడ ధర్మ విషయములు ప్రస్తుతి వచ్చినపుడు ధర్మ మహిమను తెలుపుట కొరకు వ్యాసుల వారు పైశ్లోకమును.....పదేపదే ఉటంకించినారు

*చచ్చిన వ్యక్తి శరీరమును ఒక కర్ర ముక్కగాను మట్టిగడ్డగానో భావించి.. అనగా కాల్చివేసి లేదా మట్టిగోతిలో పూడ్చిపెట్టి బంధువులందరు మొగములను నింటి వైపుకు ద్రిప్పుకొని వెళ్ళిపోదురు. ఆ వ్యక్తి వెంట నెవ్వరును రారు. ఒక్క "ధర్మము అనగా పుణ్యం" మాత్రం సంస్కార రూపంలో అతని జీవాత్మకంటుకొని.. వెంట వచ్చి యతనికి స్వర్గాది సుఖములను కలిగించును*.

: *శ్రీ సూక్తము-14*

*ఆర్ద్రాం యః కరిణీం యష్టిం సువర్ణాం హేమమాలినీమ్౹*

*సూర్యాం హిరణ్యయీం లక్ష్మీం జాతవేదో మమావః౹*

తా॥

ఓ అగ్నీ! తడుపబడిన శరీరము కలదియు, చేతియందు బెత్తము కలదియు, దండస్వరూపమైనదియు, శుభకరవర్ణము కలదియు, సువర్ణమాలికలు ధరించినదియు, సూర్యునివలె ప్రకాశించునదియు, పవిత్రస్వరూపము కలదియు నగు లక్ష్మిని నాకుకొఱకు పిలువుము.

 .          *శ్రీ శంకర ఉవాచ*

         *గురువు ~ శిష్యుడు*

    (నిన్నటి దానికి కొనసాగింపు)

4. ఆర్పరాని ఈ సంసారదవానల పీడితుడను, దౌర్భాగ్యవాత ప్రకంపితుడను, భయభీతుడను, శరణాపన్నుడను ఐన నన్ను రక్షింపుము. నాకు అభయదానము నొసగు వారు మరి లేరు.