శ్రవణము చేసిన తర్వాతనే

 శ్లోకం:☝️

*శ్రుత్వా ధర్మం విజానాతి*

 *శ్రుత్వా త్యజతి దుర్మతిమ్ ।*

*శ్రుత్వా జ్ఞానమవాప్నోతి*

 *శ్రుత్వా మోక్షమవాప్నుయాత్ ॥*

  - చాణక్యనీతి

భావం: ఈ శ్లోకంలో ఉపనిషత్తులో చెప్పిన *శ్రోతవ్యో మంతవ్యో నిదిధ్యాసితవ్యః'* అనే సాధనములలో *శ్రవణము* యెక్క ప్రాధాన్యతను చెప్పుచున్నాడు చాణక్యుడు.

ఒక వ్యక్తికి వేద శాస్త్రములను శ్రవణము చేసిన తర్వాతనే ధర్మం బోధపడుతుంది. జ్ఞానుల మాటలు విన్న తర్వాతే తప్పుడు ఆలోచనలను వదిలివేస్తాడు. గ్రంధాలను అధ్యయనం చేయడం లేక వినటం ద్వారా జ్ఞానం లభిస్తుంది. తుదకు వేదాంత శ్రవణము ద్వారానే మోక్షం కూడా లభిస్తుంది.🙏