పద్యములు

 . *పద్యములు*

ఉ౹౹ తుండము నేక దంతమును దోరపు బొజ్జయు వామహస్తమున్

       మెండుగ మ్రోయుగజ్జలును మెల్లని చూపులు మందహాసమున్ 

       కొండొక గుజ్జురూపమున గోరిన విద్యలకెల్ల నొజ్జయై 

       యుండెడి పార్వతీతనయ ఓయి గణాధిప నీకు మ్రొక్కెదన్

ఉ౹౹ తొలుత నవిఘ్నమస్తనుచు, ధూర్జటినందన నీకు మ్రొక్కెదన్

ఫలితము సేయుమయ్య, నిను ప్రార్థనచేసెద నేకదంత మా

వలపలి చేత గంటమున వాక్కుననెప్పుడుఁ బాయకుండు మీ

          తలపున నిన్ను వేడెదను దైవగణాధిప లోకనాయకా.

కం౹౹ తలచితి నే గణనాథుని తలచితి నే విఘ్నపతినిఁ దలచిన పనిగా

        తలచితి నే హేరంబుని తలచితి నా విఘ్నములు తొలగుట కొఱకున్.

కం౹౹ అటుకులు కొబ్బరిపలుకులు చిటిబెల్లము నానుఁబ్రాలు చెరకురసంబున్

       నిటలాక్షు నగ్రసుతునకు బటుతరముగ విందుచేసి ప్రార్థింతు మదిన్.

కం౹౹ గారెలుబూరెలు పూర్ణపు

బూరెలు నుండ్రాళ్ళు లడ్డు పులిహోరయుమే... 

       పూరీలు పాయసము లిం

పారగ నర్పించి కొల్తు నంచితభక్తిన్.

卐卐卐卐卐卐卐卐卐卐卐卐卐卐卐卐卐卐卐卐

. *వినాయక పంచరత్నములు*

సామజానన నీ మహాత్మ్యము - సన్నుతింపగ విందురా

వేమరుం గొనియాడు వారల - వింతగా మది నెంతురా

ప్రేమమీరగ సాధుదేవర -వేల్పు నీవని గందురా

కామితార్థ ఫలప్రదాయక - కంచుతేరు వినాయకా.

నీ మహాత్మ్యము లెల్ల ధరలో-నిత్యమై వెలుగొందురా

ఓ మహాత్మక భావపోషక - ఒప్పు మూషిక వాహన

వామయంచక పుత్రతామర - వాసవాది సురార్చిత

కామితార్థ ఫలప్రదాయక - కంచుతేరు వినాయకా.

తూర్యభేరులు మ్రోగ భక్తిని తొల్త నిత్తును పువ్వులన్

ఆర్యులందరు దెత్తు‌రప్పుడు - అంబుజానన వారలన్

కోటిసూర్యులకాంతివెల్గుచు-కోరు కోర్కెల దీర్చుదేవర

కార్యసిద్ధి పలప్రదాయక - కంచుతేరు వినాయకా.

ఝాముఝామున నాను బియ్యము - చాల కొబ్బరికాయలన్

కోమలాంగులు దెత్తురప్పుడు - కోటిమోదక పూర్ణముల్ 

నా మనోహరమైన చక్కెర - నీకు నేనెటులిత్తురా

కామితార్థ పలప్రదాయక - కంచుతేరు వినాయకా.

రాజపూజిత రాజశేఖర - రాజరాజ మనోహరా

భూమిపాలక భోగిభూషణ - భూరికీర్తిదనాయకా 

నా మనోహర కామ్యదాయక నాథనాథ వినాయకా

కామితార్థ పలప్రదాయక - కంచుతేరు వినాయకా.

卐卐卐卐卐卐卐卐卐卐卐卐卐卐卐卐卐卐卐卐

*శ్రీ మహా గణేశ పంచ రత్నం* 

ముదా కరాత్త మోదకం సదా విముక్తి సాధకం ।

కళాధరావతంసకం విలాసిలోక రక్షకం ।

అనాయకైక నాయకం వినాశితేభ దైత్యకం ।

నతాశుభాశు నాశకం నమామి తం వినాయకం ॥ 1 ॥

నతేతరాతి భీకరం నవోదితార్క భాస్వరం ।

నమత్సురారి నిర్జరం నతాధికాపదుద్ఢరం ।

సురేశ్వరం నిధీశ్వరం గజేశ్వరం గణేశ్వరం ।

మహేశ్వరం తమాశ్రయే పరాత్పరం నిరంతరం ॥ 2 ॥

సమస్త లోక శంకరం నిరస్త దైత్య కుంజరం ।

దరేతరోదరం వరం వరేభ వక్త్రమక్షరం ।

కృపాకరం క్షమాకరం ముదాకరం యశస్కరం ।

మనస్కరం నమస్కృతాం నమస్కరోమి భాస్వరం ॥ 3 ॥

అకించనార్తి మార్జనం చిరంతనోక్తి భాజనం ।

పురారి పూర్వ నందనం సురారి గర్వ చర్వణం ।

ప్రపంచ నాశ భీషణం ధనంజయాది భూషణం ।

కపోల దానవారణం భజే పురాణ వారణం ॥ 4 ॥

నితాంత కాంతి దంత కాంతి మంత కాంతి కాత్మజం ।

అచింత్య రూపమంత హీన మంతరాయ కృంతనం ।

హృదంతరే నిరంతరం వసంతమేవ యోగినాం ।

తమేకదంతమేవ తం విచింతయామి సంతతం ॥ 5 ॥

మహాగణేశ పంచరత్నమాదరేణ యోఽన్వహం ।

ప్రజల్పతి ప్రభాతకే హృది స్మరన్ గణేశ్వరం ।

అరోగతామదోషతాం సుసాహితీం సుపుత్రతాం ।

సమాహితాయు రష్టభూతి మభ్యుపైతి సోఽచిరాత్ ॥

卐卐卐卐卐卐卐卐卐卐卐卐卐卐卐卐卐卐卐卐

. *విఘ్నేశ్వరుని మంగళహారతులు*

శ్రీ శంభుతనయునకు సిద్ధి గణనాథునకు వాసిగల దేవతావంద్యునకును

ఆసరస విద్యలకు ఆదిగురువైనట్టి భూసురోత్తమ లోకపూజ్యునకును

౹౹జయమంగళం నిత్యశుభమంగళం౹౹

నేరేడు మారేడు నెలవంక మామిడి దూర్వార చెంగల్వ ఉత్తరేణు ౹

వేఱువేఱుగ దెచ్చి వేడ్కతో పూజింతు పర్వమున దేవ గణపతికి నిపుడు ౹౹జయమంగళం౹౹

సురుచిరముగ భాద్రపద శుద్ధ చవితియందు పొసగ సజ్జనులచే పూజగొల్తు ౹

శశిచూడరాకున్న జేకొంటి నొక వ్రతము ౹ పర్వమున దేవగణపతికి నిపుడు ౹౹జయమంగళం౹౹

పానకము వడపప్పు పనస మామిడి పండ్లు దానిమ్మ ఖర్జూర ద్రాక్ష పండ్లు

తేనెతో మాగిన తియ్య మామిడి పండ్లు మాకు బుద్ధి నిచ్చు గణపతికి నిపుడు ౹౹జయమంగళం౹౹

ఓ బొజ్జ గణపయ్య నీ బంటు నేనయ్య ఉండ్రాళ్ల మీదికి దండుపంపు ౹

కమ్మని నెయ్యియు కడుముద్ద పప్పును బొజ్జ విరుగగ తినుచు పొరలుకొనుచు ౹౹జయమంగళం౹౹

వెండి పళ్ళెరములో వేయివేల ముత్యాలు కొండలుగ నీలములు కలియబోసి ౹

మెండుగను హారములు మెడనిండ వేసుకొని దండిగా నీకిత్తు ధవళారతి ౹౹జయమంగళం౹౹

పువ్వులను నినుగొల్తు పుష్పాల నినుగొల్తు గంధాల నినుగొల్తు కస్తూరిని ౹

ఎప్పుడూ నినుగొల్తు ఏకచిత్తంబున పర్వమున దేవగణపతికి నిపుడు. ౹౹జయమంగళం౹౹                  

ఏకదంతంబును ఎల్ల గజవదనంబు జాగయిన తొండంబు వలపుకడుపు ౹

జోకయిన మూషికము సొరిది నెక్కాడుచును భవ్యుడగు దేవగణపతికి నిపుడు ౹౹జయమంగళం౹౹ 

మంగళము మంగళము మార్తాండతేజునకు మంగళము సర్వఙ్ఞ వందితునకు

మంగళము ముల్లోక మహిత సంచారునకు మంగళము దేవగణపతికి నిపుడు ౹౹జయమంగళం౹౹ 

బంగారు చెంబుతో గంగోదకము తెచ్చి సంగతిగ శివునకు జలకమార్చి ౹

మల్లెపువ్వులు దెచ్చి మురహరుని పూజింతు రంగైన నా ప్రాణలింగమునకు ౹౹జయమంగళం౹౹ 

పట్టుచీరలు మంచి పాడిపంటలు గల్గి గట్టిగా కనకములు కరులు హరులు ౹

యిష్టసంపదలిచ్చి యేలిన స్వామికి పట్టభద్రుని దేవగణపతికి నిపుడు ౹౹జయమంగళం౹౹

ముక్కంటి తనయుడని ముదముతో నేనును చక్కనైన వస్తు సమితి గూర్చి

నిక్కముగ మనమును నీయందె నేనిల్పి ఎక్కుడ(వ)గు పూజ లాలింపజేతు ౹౹జయమంగళం౹౹

మల్లెలా మొల్లలా మంచి సంపెంగలా చల్లనైన గంధసారములను ౹

ఉల్లమలరగ మంచి ఉత్తమపు పూజలు కొల్లలుగ నేజేతు కోరి విఘ్నేశ ౹౹జయమంగళం౹౹ 

దేవాదిదేవునకు దేవతారాధ్యునకు దేవేంద్రవంద్యునకు దేవునకును ౹

దేవతలు మిముగొల్చి తెలిసి పూజింతురు భవ్యుడగు దేవగణపతికి నిపుడు ౹౹జయమంగళం౹౹

చెంగల్వ చేమంతి చెలరేగి గన్నేరు తామరలు తంగేడు తరచుగాను ౹

పుష్పజాతులు తెచ్చి పూజింతు నేనెపుడు బహుబుద్ధి గణపతికి బాగుగాను ౹౹జయమంగళం౹౹

మారేడు మామిడి మాదీఫలంబులు ఖర్జూర పనసలును కదళికములు ౹

నేరెడు నెలవంక(ది) టెంకాయ తేనెయు బాగుగా(చాలగా) నిచ్చెదరు చనువుతోను ౹౹జయమంగళం౹౹

ఓ బొజ్జ గణపతి ఓర్పుతో రక్షించి కాచి మమ్మేలు మీ కరుణతోను ౹

మాపాలగలవని మహిమీద నెల్లపుడు కొనియాడుచుందుము కోర్కెలీడేర(కోర్కెదీర) ౹౹జయమంగళం౹౹

. *౹౹జయమంగళం నిత్య శుభమంగళం౹౹*

卐卐卐卐卐卐卐卐卐卐卐卐卐卐卐卐卐卐卐

శ్రీ గణపతి తత్వం అంతరార్థం*

 🙏🙏🙏#శ్రీ గణపతి తత్వం అంతరార్థం*

*‘తలచితినే గణనాథుని తలచితినే విఘ్నపతిని దలచిన పనిగా దలచితినే హేరంభుని దలచిన నా విఘ్నములును తొలగుట కొరకున్

’ ప్రాచీన కాలం నుండీ నేటి వరకు ప్రతి పనికీ వినాయకుడి ననుసరించి ‘ఆదౌ నిర్విఘ్న పరిసమాప్యర్థం గణపతి పూజాం కరిష్యే’ అని చెపుతూ విఘ్నాలను తొలగించమని కార్యసిద్ధి కోసం ‘ఆదౌ పూజ్యో గణాధిపః’ గణపతిని మొదటగా ఆరాధించడం జరుగుతుంది.*

వినాయకుడు రెండు రూపాలలో ఉంటాడు. విఘ్నాలు కలుగజేసేవాడు, విఘ్నాలను తొలగించేవాడు. ఏదైనా పనిమీద వెళ్ళునపుడు దాని ఫలితం మనకు మంచిది కాకపోతే మనకు విఘ్నాలు కలుగజేస్తాడు. సత్ఫలితం అయితే విఘ్నాలు తొలగిస్తాడు. ఇది మనం గుర్తుంచుకోవాలి.

*వినాయకుడు ఆది అంతం లేని ఆనందమయ తత్త్వమూర్తి. అకుంఠిత దీక్షతో భక్తిప్రపత్తులతో కొలవాలేగాని, కోరిన కోరికలను సకల సౌభాగ్యాలను ప్రసాదించే సిద్ధి దేవత.

గణపతి శబ్ద బ్రహ్మ స్వరూపం.

ఓంకార ప్రణవ నాద స్వరూపుడు మహా గణపతి. నామ మంత్రాలకు ముందు ‘ఓం’కారము ఎలా ఉంటుందో అలాగే అన్ని శుభ కార్యాలకి ముందు గణపతి పూజ తప్పక ఉంటుంది.*

*గణపతి పుట్టుక: జ్యోతిషశాస్త్ర అన్వయం ‘గ’ అంటే బుద్ధి, ‘ణ’ అంటే జ్ఞానం. గణాధిపతి అయిన విఘ్నేశ్వరుడు బుద్ధిని ప్రసాదిస్తే, సిద్ధి ప్రాప్తిస్తుంది. భాద్రపద శుక్ల చవితినాడు వినాయకుడు ఆవిర్భవించాడు. భద్రమైన పదం భాద్రపదం. శ్రేయస్కరమైన స్థానం. ఏమిటది? జీవిత గమ్యమైన మోక్షం. శుక్లమైన తేజోరూపం. చతుర్థి అనగా చవితి. జాగ్రత్, స్వప్న, సుషుప్తులనే మూడవస్థలనూ దాటిన తరువాతది నాల్గవది - తురీయావస్థ.నిర్వికల్ప సమాధి.

 ఆయన నక్షత్రం హస్త. హస్తా నక్షత్రం కన్యారాశిలో ఉంటుంది. రాశ్యాధిపతి బుధుడు. విజ్ఞానప్రదాత. మేషరాశి మొదటి రాశి. మేషరాశి నుంచి ఆరవ రాశి - కన్యారాశి. ఈ షష్టమ (ఆరవ) భావం, శతృ ఋణ రణ రోగములను తెలియజేస్తుంది.* 

*మనిషి ఆధ్యాత్మిక ప్రగతికి, లౌకిక ప్రగతికి ఏర్పడే విఘ్నాలను విశదపరుస్తుందీ భావం. ఆ షష్ట్భావంతో (హస్తా నక్షత్రం,కన్యారాశి) చంద్రుడుండగా ఆవిర్భవించిన విఘ్నేశ్వరుడు, చవితి నాడు పుట్టిన వినాయకుడు ఈ నాలుగు రకములయిన విఘ్నాలను తొలగిస్తానని అభయమిస్తున్నాడు.*

*కన్యారాశికి సప్తమ రాశి మీనరాశి. మీనరాశి కాలరాశి చక్రంలో పన్నెండవ రాశి. అంటే వ్యయ రాశి. మేష రాశికి వ్యయ రాశి పనె్నండవ భావం వ్యయాన్ని, బంధనాన్ని, అజ్ఞాత శత్రువుల్ని తెలియజేస్తుంది. ఇక్కడ శత్రువులంటే అంతశ్శత్రువులు.* *అరిషడ్వర్గములు - కామ క్రోధ లోభ మోహ మద మాత్సర్యములు (ఆరు). ఇవి మానవుని ప్రగతికి విఘ్నాలు కలిగించేవి. హస్తా నక్షత్రం, కన్యారాశిలో ఉన్న చంద్రుడు సప్తమ దృష్టితో నేరుగా మీనరాశిని వీక్షిస్తున్నాడు. కనుక వాటిని తొలగించి జీవితాన్ని సుఖమయం సుసంపన్నం చేసి,లౌకిక, అలౌకిక, ఆధ్యాత్మిక ఆనందాన్నిచ్చి, మోక్షగతిని ప్రసాదించేవాడు వినాయకుడని జ్యోతిష శాస్త్ర అన్వయం

.పత్రిపూజ, ఉండ్రాళ్ల నివేదనలోని ఆంతర్యం వినాయకుని నక్షత్రం ‘హస్త’ అని చెప్పుకున్నాం గదా.* *హస్తా నక్షత్రానికి అధిపతి చంద్రుడు. నవగ్రహములకు నవధాన్యములు, నవరత్నములు చెప్పబడ్డాయి. చంద్రుని తెల్లనివాడు - వినాయకుడు శుక్లాంబరధరుడు.*

*నవధాన్యాలలో చంద్రునికి బియ్యం. అందుకే బియ్యాన్ని భిన్నం చేసి, చంద్ర నక్షత్రమైన హస్తా నక్షత్రంలో ఆవిర్భవించిన వినాయకునికి, ఉండ్రాళ్లు నివేదన చేయటంలోగల ఆంతర్యమిదే. వినాయకునిది కన్యారాశి అని చెప్పుకున్నాం గదా. కన్యారాశికి అధిపతి బుధుడు కదా. బుధునికి నవరత్నములలో ‘పచ్చ’ రాయి- ఎమరాల్డ్ గ్రీన్ అనగా ఆకుపచ్చ రంగు. అందుకే వినాయక చవితి రోజున విఘ్నేశ్వరుని, ఆకుపచ్చ రంగులో ఉన్న పత్రితో పూజ చేస్తారు. సంతుష్టు డవుతాడు స్వామి.*

*గరికపూజ ప్రీతిపాత్రం ఎందుకు?వినాయకునికి గరిక పూజ అంటే ప్రీతి అంటారు. వినాయక చవితినాడే గాక, ప్రతిరోజూ విఘ్నేశ్వరాలయాలలో, గరికతో స్వామిని అర్చిస్తారు.పూజాద్రవ్యములలో గరికను కూడా జత చేసి సమర్పిస్తారు భక్తులు. దీనికి జానపదులు చెప్పుకునే కథ ఒకటి ఉంది. పార్వతీ పరమేశ్వరులు పాచికలాడుతున్నారు.న్యాయ నిర్ణేతగా నందీశ్వరుణ్ణి ఎంపిక చేశారు. ఈశ్వరుడే గెలిచాడని నంది తీర్పు చెప్పాడు.అయితే ఆ తరువాత అమ్మతో నిజం చెప్పాడు. ‘ఈశ్వరుడు నాకు ప్రభువు. ఆయనే నా ప్రాణం. అందుకే ఆయన గెలిచినట్లు చెప్పాను. అయినా ఆయన అర్ధనారీశ్వరుడు గదమ్మా మీరిద్దరూ ఒకటే’ అన్నాడు.*

 *‘నందీ! నీవు నయం కాని వ్యాధితో బాధపడతావు’ అని శపించి, నంది దీనావస్థను చూచి జాలి చెంది, ‘నందీ! నా కుమారుడైన గణనాథుని పుట్టిన రోజున నీకు ఇష్టమైన పదార్థాన్ని అర్పితం చెయ్యి. అతను అనుగ్రహంతో నీకు శాపవిమోచనం కలుగుతుంది’ అని సెలవిచ్చింది, పార్వతీదేవి. నంది తన కిష్టమైన గరికను గణపతికి అర్పించాడు. అతనికి శాపవిముక్తి లభించింది. ఇది వినాయక పూజలో గరిక ప్రాధాన్యత.*

*‘సహస్ర పరమా దేవీ శతమూలా శతాంకురా సర్వగం హరతుమే పాపం దూర్వా దుస్వప్న నాశినీ’ సకల కల్మషములను తొలగించే సర్వశ్రేష్ఠమైన ఓషధి. లెక్కకు మించిన కణుపులు, చిగుళ్లు కలగి దుష్ట తలంపుల ప్రభావమును తొలగించు శక్తిగల పరమాత్మ స్వరూపమైన దూర్వాయుగ్మము. మనలోని మాలిన్యాన్ని తొలగిస్తుంది, అని ‘దూర్వాసూక్తము’ పేర్కొన్నది.*

 *దూర్వాయుగ్మం అంటే గరిక. అందుకే గణపతిని గరికతో అర్చిస్తే సర్వశుభాలను ప్రసాదిస్తాడు. మనోమాలిన్యాలను తొలగిస్తాడు.‘గజ’ శబ్దార్థము వశ - శివ, హింస - సింహ, పశ్యకః - కశ్యపః అని వర్ణ వ్యత్యాసముతో మార్పు కలుగుతుంది.ఇదొక వ్యాకరణ శాస్త్ర ప్రక్రియ. ఆ విధంగా, జగ - గజ అని మారుతుంది. కనుక గజాననుడంటే ‘జగణాననుడు’ అని అర్థం. జగత్తే ముఖంగా గలవాడు. గ: లయము, జ- జన్మ. కనుక గజమనగా సృష్టి స్థితి లయములు గల జగత్తు అని అర్థము. ‘గ’ అంటే జ్ఞానము ‘జ’ అంటే పుట్టినది. గజమంటే జ్ఞానము వలన పుట్టిన మోక్షమని అర్థము.*

 *‘జ్ఞానదేవత కైవల్యము’ కనుక గజముఖము, గజాననుని ముఖ దర్శనము శుభప్రదము, జ్ఞానప్రదము, మోక్షప్రదము. సృష్టికి ముందు ‘ఓం’ అని ధ్వని వినవచ్చింది. అది గజాకారముగా పరిణమించింది. కనుక గజమనగా ఓంకార ధ్వని. ఓంకారము గజ నాదము అనగా హస్తినాదము.‘అశ్వపూర్వాం రథమధ్వాం హస్తినాద ప్రబోధినీమ్’ ఇంద్రియములనే గుర్రములచే పూన్చబడిన దేహము అనే రథము మధ్యలోనున్న చైతన్యమూర్తి. చిచ్ఛక్తి - పరదేవత నిరంతరము హస్తినాదముచే అనగా గజ నాదముచే -ఓంకార నాదముచే మేలుకొలువబడుచున్నది. ఇది ‘గజ’ శబ్దానికి శ్రీసూక్త మంత్రానికి సమన్వయం. అదే వినాయక చవితికి స్ఫూర్తి.‘ఆననము’ అనగా ప్రాణనము అనగా జీవకము అని అర్థము.* 

*గజమంటే జగత్తు కనుక, జగత్తుకే ప్రాణము గజాననుడు. గజాననుడనగా సృష్టి, స్థితి, లయ కారకుడని అర్థం. అందుకే మొదటిగా గజాననుని పూజ విధింపబడింది. సకల ప్రపంచమునకు ప్రాణదేవత - గజాననుడు. ప్రాణనాథుడే గణనాథుడు, నిఖిల ప్రాణి గణనాథుడు - గుణగణములు కలవాడు - గుణగణ నాథుడు.గణపతి - లలితా పరమేశ్వరి ‘శాంతిః స్వస్తిమతీ కాంతిః నందినీ విఘ్ననాశినీ’ అన్నది లలితా సహస్ర నామం. లలితాదేవి విఘ్నములను, అవిద్యను నశింపజేస్తుంది. కనుక ‘విఘ్ననాశినీ’ అని పేరు గల్గింది. మరి గణపతి కదా విఘ్నములను లేకుండా చేసేవాడు? దీనినిబట్టి, లలితాదేవి గణపతి స్వరూపిణి, గణపతి లలితా స్వరూపుడు అని తెలుస్తుంది. లలితా గణపతులకు అభేదం. విష్ణు సహస్ర నామములలో గణపతి: ఏకదంతుడు ఏకదం - అంతా ఒక్కటే. రెండవది లేదు అని ఏకత్వ బుద్ధిని అనుగ్రహించు ఆ ఏకదంతుని ఉపాసించాలి ‘అనేకదం’ - ఉపాసకులకు భక్తులకు అనేకములనిచ్చు,తం- గణేశుని, అనేక దంతం- ప్రళయ కాలంలో అనేకములను హరించు గణపతిని ఉపాసించాలి అని అర్థములున్నాయి. ‘ఏకః నైకః నవః కః కిం’ విష్ణు సహస్ర నామముల భావమే ఏకదః అనేకదః’ అని చెప్పారు.*

*గజాననుని రూపం: ఆధ్యాత్మికత మోక్ష సిద్ధికి వక్రమైన ఆటంకములను అరిషడ్వర్గములను (కామక్రోధములు) నశింపజేసి,చిత్తైకాగ్రత నొసగి, స్వస్వరూప సంధానతతో జీవబ్రహ్మైక్య స్థితిని అనుగ్రహించేవాడు వక్రతుండుడు.*

 *మూలాధార క్షేత్ర స్థితుడు. మూలాధారి. లంబోదరం - బ్రహ్మాండానికి సంకేతం. విఘ్నేశ్వరుని చేతిలోని పాశ అంకుశాలు - రాగద్వేషాలను నియంత్రించే సాధనాలు. గణపతికి ప్రియమైన భక్ష్యం - మోదకం. ఆనందాన్నిచ్చేది. మొదకం ఆయన కృపాకటాక్షములలో ఆనందం లభిస్తుంది. నాగయజ్ఞోపవీతం - కుండలినీ శక్తికి సంకేతం. మానవుడు క్రోధాన్ని విడిచి, అనురాగాన్ని అభివృద్ధి చేసికొని శాంతి సహజీవనంతో, సంపూర్ణ శరణాగతితో భగవంతుని యందు ప్రేమభావనా భక్తిని పెంపొందించుకొని, జీవితాన్ని చరితార్థత నొందించుకోవాలని సూచించే ఆయుధదారుడు విఘ్నేశ్వరుడు.*

*‘యుక్తాహార విహారస్య’ అన్నారు గీతాచార్యుడు. ఆహార నిద్రాదులు అన్నమయ కోశమునకు సంబంధించినవి. తమోగుణానికి నిదర్శనము. ‘బ్రతుకుట ఆహారం కోసమే’ అనుకునే తిండిపోతులు తమోగుణాన్ని చంపుకోలేరు.* *అటువంటి వారి గూర్చి ఇతరులు జాలి పడటం, మనసులోనైనా పరిహసించటం సహజం. యోగి అయిన వాడు యుక్తాహార విహారాదులతో, తమోగుణాన్ని జయించి సత్వ గుణ సంపన్నుడై, త్రిగుణాతీతుడై, కుండలినీ యోగసిద్ధుడై ఆనందమయ స్థితిని పొంది చరితార్థుడు కావాలని తన శరీరాకృతి, నాగయజ్ఞోపవీతంతో తెలియజేసి, హెచ్చరించేవాడు - బొజ్జ గణపయ్య.*

*మూషిక వాహనం: అంతరార్థం మూషికం (ఎలుక) వాసనామయ జంతువు.తినుబండారాల వాసననుబట్టి అది ఆ ప్రదేశానికి చేరుకుంటుంది. బోనులో చిక్కుకుంటుంది. ఆ విధంగానే మనిషి జన్మాంతర వాసనల వల్ల ఈ ప్రాకృతిక జీవితంలో చిక్కుకొని చెడు మార్గాలు పడతాడు. మూషిక వాహనుడుగా వాసనలను అనగా కోరికలను అణగద్రొక్కేవాడు - వినాయకుడు.అంతేకాదు అహంకారానికి చిహ్నం - ఎలుక (మూషికం) అహంకారం బుద్ధిమంతుల్ని పతనం చెందిస్తుంది.*

*బుద్ధిపతి అయిన మహాగణపతి దీనిని మలిచి జయించి సద్వినియగం చేస్తాడు. మూషిక వాహనుడైన గణపతి సమృద్ధినిస్తాడు.వినాయక చవితి పండుగనాడు ఉదయానే్న మంగళ స్నానములు (తలంటు) ఆచరించి, మట్టి విఘ్నేశ్వరుని పత్రి పుష్పములతో పూజించి, తమ పాఠ్యపుస్తకాలన్నిటినీ వినాయకుని ముందు పెట్టి, శ్రద్ధ్భాక్తులతో అర్చించి, సద్బుద్ధి, విజ్ఞానాన్ని ప్రసాదించమని ప్రార్థన చేస్తారు విద్యార్థులు. లక్ష్మీదేవి మూలాధార నిలయం. గణపతి కూడా మూలాధార నిలయుడు. తొలుతగా లక్ష్మీ పత్రార్చన సర్వకార్య సిద్ధిప్రదము. సకల ఐశ్వర్యప్రదం. కనుకనే తన సంగీత రూపకమునకు ఆదిలో శ్రీగణపతిని ‘శ్రీ గణపతిని సేవింపరారే శ్రీత మానవులారా’ అని ప్రార్థనా రూపమైన మంగళమును పలికాడు నాద ముని శ్రీ త్యాగరాజస్వామి.*

*ముత్తుస్వామి దీక్షితులు

 మహా గణపతి కీర్తనలు వినాయక చవితి రోజున ముఖ్యంగా ముత్తుస్వామి దీక్షితుల వారి ముఖ్యమైన కీర్తన, విశేష ప్రాచుర్యం పొందినది, హంసధ్వని రాగ కీర్తన ‘వాతాపి గణపతిం భజేహం వారణాస్యం వరప్రదం. వీతరాగిణం, వినుత యోగినం విశ్వకారణం విఘ్నవారణం...’ తప్పక జ్ఞప్తి చేసికొని పాడుకోవాలి. కనీసం చదువుకోవాలి.*

 *గణపతి పూజలో ఇది ఒక భాగం అవ్వాలి. ఆ మహనీయుడు కీర్తనలు అందించాడు. మహాగణపతిం మనసా స్మరామి, వశిష్ఠ వాసుదేవాం నందిత’ నాటరాగ కీర్తన, గజాననము తం గణేశ్వరం భజాను సతతం సురేశ్వరం ఇత్యాదులు వినాయక చవితికి స్ఫూర్తినిచ్చే ఆణిముత్యాలు.*

*‘శుక్లాంబరధరం విష్ణుం శశివర్ణం చతుర్భుజము...’ శుక్లమైన అంబరం అంటే పరిశుద్ధ జ్ఞానం. అది అంబరం లాగా సర్వవ్యాపకం. దానినే ఒక వస్త్రంలాగా ధరించాడాయన. దాన్ని మనకు ప్రసాదించాలంటే శశివర్ణుడౌతాడు. శశి అంటే చంద్రుడు.*

*చంద్రుడంటే మనస్సు. మనోభూమికకు దిగి వచ్చి బోధిస్తాడు మనకు ఆచార్యుడు. బోధించే స్థోమత ఎలా వచ్చిందాయనకు. చతుర్భుజం. ధర్మ, జ్ఞాన, వైరాగ్వైశ్వర్యాలనే సిద్ధి చతుష్టయ ముందాయనకు. వాటిని నిత్యమూ అనుభవించే మహనీయుడు కనుకనే ప్రసన్న వదనం. తనకు ప్రసన్నమైన శివశక్తి సామరస్య రూపమైన ఏ జ్ఞానముందో, దాన్ని మనకు ‘వదనం’ అంటే బోధించగలడు. ఆ బోధనందుకుంటే అదే మనకు సర్వవిఘ్నోపశాంతయే. సకల విఘ్నాలను సాధన మార్గంలో కలగకుండా తొలగజేస్తుంది.*

*అహంకారమును దరికి రానీయక, భూతదయ గాలికి, స్వార్థరహితంగా త్యాగబుద్ధితో, అమృతమైన మనస్సుతో సర్వమానవ సౌభ్రాతతతో విశ్వమానవ కళ్యాణాన్ని వీక్షించే వారి విఘ్నాలను నేను తొలగిస్తానని చెప్తున్నాడు మహాగణపతి.*

*గణపతి సాక్షాత్‌ పరబ్రహ్మ స్వరూపం.*

*గణం అంటే సమూహం. గణాలతో నిండి వున్న ఈ సమస్త విశ్వానికి అధిపతి గణపతి. అలాగే, అహంకారానికి ప్రతీక అయిన ‘ఎలుక‘ను శాసించి వాహనంగా చేసుకున్న గణపతిని, మహా గణపతి, హరిద్రా గణపతి, స్వర్ణ గణపతి, ఉచ్చిష్ట గణపతి, సంతాన గణపతి, నవనీత గణపతి అని 6 రూపాల్లో పూజిస్తారు.*

 *‘గణపతి అథర్వ శీర్షం ’ ఆయన్ని పరబ్రహ్మగా చెపుతుంది. ‘నమస్తే గణపతయే... నీ ముందు అహంకార రహితమైన నా మనస్సును సమర్పిస్తున్నాను. హే గణపతీ! ఏదైతే సనాతనమో, ఏదైతే ఆది అంత్యాలు లేనిదో, అనిర్వచనీయమో, భావానికీ శబ్దానికీ అతీతమైందో ‘అది‘ నీవే అయి ఉన్నావు. అన్నింటికీ కర్తవు, ధరించే వానివి, లయం చేసుకునే వానివి నీవే. నీవే బ్రహ్మమూ, సత్యానివీ. నీకు నమస్కరిస్తున్నాను. సకల వాక్సంబంధిత శక్తివి, జ్ఞానమూర్తివి, ఆనంద మయునివి నీవే. పరబ్రహ్మం, శాశ్వతమైన వానివి నీవే. ప్రత్యక్ష పరబ్రహ్మవూ నీవే. నీవే జ్ఞానానివి, నీవే విజ్ఞానానివి’ అంటున్నది ‘గణపతి అథర్వ శీర్షోపనిషత్తు’.*

*మంత్రశాస్త్రంలో వినాయకుణ్ణి మూలాధారచక్ర అధిష్ఠాన దేవత అని అంటారు. మూలాధారంలో సుషుమ్న నాడి మూడుచుట్టలు చుట్టుకొని పైన పడగ కప్పుకొని ఉన్న పాములాగ ఉంటుంది. యోగాభ్యాసంతో సుషుమ్న నాడిని మేలు కొల్పగలిగితే, స్వాధిష్టానం, మణిపూరం, అనాహతం, ఆజ్ఞాచక్రం, సహస్రారం అనే షట్‌ చక్రాల ద్వారా ఆత్మను బ్రహ్మరంధ్రం చేర్చి బ్రహ్మ కపాల విస్ఫోటనంతో ప్రకృతిని దాటి పరమాత్మను చేరే యోగ ప్రక్రియ జరుగుతుంది.*

*సుషుమ్న నాడి పక్కన ఇడ, పింగళ అని రెండు నాడులు అనుసరించుకుంటూ ఉంటాయి. నిరంతరం సుషుమ్న వీటితో కలిసే పయనిస్తుంది. ఇడ అంటే జ్ఞానము, పింగళ అంటే కార్యసిద్ధి అలాగే ఇడ అంటే సిద్ధి, పింగళ అంటే బుద్ధి. మూలాధారం గణపతి, గణపతికి సిద్ధి, బుద్ధి భార్యలనడంలోని అంతరార్థం ఇదే.* 

*అనగా గణపతి అంటే అష్టచక్ర గణములకు అధిపతి. గణపతి అంటే పదకొండు ఇంద్రియ గణములకు అధిపతి. పంచ తన్మాత్రలు, పంచ భూతాలు, పంచ విషయాలు, అహంకారం, మహాతత్త్వం, ప్రకృతి అనే 18గణములకు అధిపతి గణపతి.*

 *మన శరీరంలో ఉండే హస్తములు,పాదములు, జాను, జంఘ, ఊరు, కటి, ఉదర, హృదయ, కంఠ, ఆశ్య, ఫాల, శిర అను ద్వాదశ అయవయ గణములకు అధిపతి మన గణనాథుడు.*

 *అందుకే విఘ్నేశ్వరుడు విఘ్నాలను తొలగించడమే కాక విఘ్నాలకు కారణమైన వాటిని పోగొడతాడు. కార్యసిద్ధి కలిగించి తద్వారా సంతోషాన్ని కలిగించే పుణ్యాన్ని ప్రసాదిస్తాడు. పాపాలు తొలిగితే మంచి బుద్ధి కలుగుతుంది. మంచి బుద్ధి అనగా శాశ్వతమైనదాన్ని పొందాలనుకోవడం. అనగా పరమాత్మను కోరుకోవడం. సంసారం, సిరిసంపదలు, భోగభాగ్యాలు ఇవన్నీ అశాశ్వతం.*కావున గణపతి శాశ్వతమైన వాటి గురించి జ్ఞానాన్ని, అశ్వాశ్వతమైన వాటి మీద వైరాగ్యాన్ని కలిగించి భక్తిని కలిగిస్తాడు. భక్తి, జ్ఞానము, వైరాగ్యము అనగా సుషుమ్న, ఇడ, పింగళ. అంటే సుషుమ్న నాడి గణపతి ఇడ నాడి సిద్ధి, పింగళ నాడి బుద్ధి. ఇది గణపతి తత్త్వం     

 సమర్పణ  

మారేపల్లి ఉదయ భాస్కర శర్మ

Panchaag

 

అదే ధర్మం.

 🕉️🕉️ *హరిః ఓమ్, Odde Sivakesavam. హరిః ఓమ్. [Courtesy: Prahlad Marupaka] హరిః ఓమ్*.🕉️🕉️🕉️

❤️🙏🌹 *చివరకు మిగిలేది ఏది❓* 🌹❤️ ⬇️ :

💐💐💐💐💐💐

 🕳️ *ఒక మనిషి చనిపోయాడు. దేహంలోంచి ఆత్మ బయటకు* *వచ్చింది. చుట్టూ చూశాడు. చేతిలో పెట్టెతో దేవుడు తన దగ్గరకు వచ్చాడు. చనిపోయిన మనిషికీ భగవంతుడుకి మధ్య సంభాషణ ఇలా 👇సాగింది.* 

♦️ *దేవుడు: మానవా..నీ శరీరం పడిపోయింది. ఇక ఈ జన్మ ముగిసింది. నాతో పద.* 

🕳️ *మనిషి: అయ్యో ఇంత త్వరగానా? నేను భవిష్యత్తు గురించి ఎన్నో కలలు కన్నాను స్వామీ!* 

♦️ *దేవుడు: తప్పదు నాయనా! నీవు నాతో రావాల్సిన సమయం వచ్చింది. నడు.* 

🕳️ *మనిషి: నాకోసం తెచ్చిన ఆ పెట్టె ఇటివ్వండి. ఏం తెచ్చారో చూస్తాను* 

♦️ *దేవుడు: నీకు చెందినవి ఉన్నాయి.* 

🕳️ *మనిషి: నావా? అంటే నా బట్టలు, డబ్బులు, భూమి పత్రాలు అవా?* 

♦️ *దేవుడు: అవెప్పటికీ నీవి కావు. అవన్నీ భూమివే. అక్కడే ఉంటాయి* 

🕳️ *మనిషి: పోనీ నా జ్ఞాపకాలున్నాయా దాన్లో?* 

♦️ *దేవుడు: కాదు. జ్ఞాపకాలనేవి కాలానికి చెందినవి. కాలగర్భంలోకి వెళ్లిపోతాయి* 

🕳️ *మనిషి: అయితే నా ప్రతిభ, ప్రజ్ఞ ఉండి ఉంటాయి* !

♦️ *దేవుడు: అవి పరిస్థితులవి నీవి కావు* 

🕳️ *మనిషి: నా స్నేహితులున్నారా అందులో?* 

♦️ *దేవుడు: వారు కేవలం నీతో కొద్ది దూరం కలిసి వచ్చే తోటి ప్రయాణికులు మాత్రమే* 

🕳️ *మనిషి: హూం..నా భార్య, బిడ్డలునా?* 

♦️ *దేవుడు: వారు నీతో కలిసి ఒక నాటకంలో పాల్గొన్న పాత్రధారులు* 

🕳️ *మనిషి: అయితే నీవద్ద ఉన్న పెట్టెలో నా శరీరం ఉండుండాలి* !

♦️ *దేవుడు: తప్పు. నీ శరీరం థూళికి చెందినది. మట్టిలో పడుతుంది.* 

🕳️ *మనిషి: స్వామీ అయితే నా ఆత్మా?* 

♦️ *దేవుడు: ఆత్మ నీదెలా అవుతుంది. అది నాది.* 

🕳️ *మనిషి: ఆ పెట్టె ఇటివ్వు స్వామి అని తీసుకుని తెరిచి చూశాడు. కళ్లలో నీళ్లు సుడులు తిరిగాయి. ఆపెట్టె ఖాళీగా ఉంది.* 

 🕉️*మనిషి కాలం చెస్తే తనతో తీసుకువచ్చేది ఏదీ ఉండదు అని చెప్పేందుకే దేవుడు ఈ ఖాళీ పెట్టె తెచ్చాడని అర్థం అయింది. బతికున్నంత కాలం* *నా వాళ్లు, అవన్నీ నావే, ఇవన్నీ నాకే అని ఆశతో, ఆరాటంతో పరుగులు పెడుతూ పరమాత్మ స్మరణ మరిచాను అని దుఖిఃతుడయ్యాడు* .

🕳️ *మనిషి: స్వామీ చివరగా అడుగుతు న్నాను. నాది అనేది ఏమైనా ఉందా అసలు?* 

♦️ *దేవుడు: ఉంది. నీవు జీవించినంత కాలం ప్రతి క్షణం నీదే.* 

 ✅*ఆ క్షణాల్లో నీవు ఆర్జించే మంచి, చెడు యొక్క పర్యవసానాలు నీకే చెందుతాయి* .

 ✅*అందుకే ప్రతిక్షణం మంచిని *పంచాలి, పెంచాలి, ✅భగవన్మామం స్మరించాలి.* 

 ✅*పశ్చాత్తాపులను క్షమించాలి.* 

✅ *తోటివారి నుంచి మనకి సంక్రమించే చెడును విసర్జించాలి, ✅మానవసేవ- మాధవసేవలను గుర్తించి జీవించాలి.*🙏🌹🕉️🕉️🕉️🕉️🕉️🕉️🕉️🕉️🕉️🕉️🕉️🕉️ సర్వం శ్రీమన్నారాయణ అర్పణమస్తు 🍎🍎

[8/27, 15:12] sivakesavamo: హరిః ఓమ్, Odde Sivakesavam. హరిః ఓమ్. 

♦️ఒరులేయవి యొన రించిన -నరవర! యప్రియము, దన మనంబున కగు, దా నొరులకు, నవి సేయ కునికి ,పరాయణము - పరమ ధర్మపథముల కెల్లన్. 

🌹భావము : "ఇతరులు ఏ పని చేస్తే మనకు బాధ కలుగు తుందో, ఆ పని ఇతరుల విషయం లో,మనంచేయగూడదు". 

               అదే ధర్మం.

🌹ఈ పై ధర్మం పాటిస్తే: నరుడు -నారాయణు డు, మానవుడు - మాధవుడు, జీవుడు - శివుడు - ఔతాడు.

🕉️ 

కరుణశ్రీ జంధ్యాల పాపయ్యశాస్త్రి గారు వినాయక స్వామిపై వ్రాసిన ఈ పద్యాలు

 కరుణశ్రీ జంధ్యాల పాపయ్యశాస్త్రి గారు వినాయక స్వామిపై వ్రాసిన ఈ పద్యాలు పిల్లలకు తప్పనిసరిగా నేర్పించాల్సిన పద్యాలలోనివి.

 

ఎలుకగుర్రము మీద నీరేడు భువనాలు

పరువెత్తి వచ్చిన పందెకాడు

ముల్లోకముల నేలు ముక్కంటి యింటిలో

పెత్తన మ్మొనరించు పెద్దకొడుకు

“నల్లమామా” యంచు నారాయణుని పరి

యాచకాలాడు మేనల్లుకుర్ర

వడకు గుబ్బలి రాచవారిబిడ్డ భవాని

నూరేండ్లు నోచిన నోముపంట

అమరులం దగ్రతాంబూల మందు మేటి

ఆరుమోముల జగజెట్టి అన్నగారు

విఘ్నదేవుడు వాహ్యాళి వెడలివచ్చె

ఆంధ్రవిద్యార్థి! లెమ్ము జోహారు లిడగ!!

తిలకమ్ముగా దిద్ది తీర్చిన పూప జా

బిలి రేక లేత వెన్నెలలు గాయ

చిరుబొజ్జ జీరాడు చికిలి కుచ్చెల చెంగు

మురిపెంపు పాదాల ముద్దుగొనగ

జలతారు పూలకుచ్చుల వల్లెవాటుతో

త్రాచు జందెములు దోబూచులాడ

కొలుచు ముప్పదిమూడు కోట్ల దేవతలపై

చల్లని చూపులు వెల్లివిరియ

గౌరికొమరుడు కొలువు సింగారమయ్యె

జాగుచేసినచో లేచి సాగునేమో

తమ్ముడా! రమ్ము స్వామి పాదములు బట్ట

చెల్లెలా! తెమ్ము పువ్వుల పళ్ళెరమ్ము

కొలుచు వారలకు ముంగొంగు బంగారమ్ము

పిలుచువారల కెల్ల ప్రియసఖుండు

సేవించువారికి చేతి చింతామణి

భావించు వారికి పట్టుగొమ్మ

“దాసోహ” మనువారి దగ్గర చుట్టమ్ము

దోసి లొగ్గినవారి తోడునీడ

ఆశ్రయించిన వారి కానంద మందార

మర్థించు వారల కమృతలహరి

జాలిపేగులవాడు – లోకాల కాది

దేవుడే మన పార్వతీదేవి కొడుకు!

చిట్టెలుకనెక్కి; నేడు విచ్చేసినాడు

అక్కరో! అర్ఘ్యపాత్ర మిట్లందుకొనవె.

లడ్డు జిలేబి హల్వాలె యక్కరలేదు

బియ్యపుండ్రాళ్ళకే చెయ్యి చాచు

వలిపంపు పట్టు దువ్వలువలె పనిలేదు

పసుపు గోచీకె సంబ్రాలుపడును

ముడుపు మూటల పెట్టుబడి పట్టుదల లేదు

పొట్టిగుంజిళ్ళకే పొంగిపోవు

కల్కి తురాయికై తగాదా లేదు

గరిక పూజకె తలకాయ నొగ్గు

పంచకళ్యాణికై యల్కపాన్పు లేదు

ఎలుకతత్తడికె బుజా లెగురవైచు

పంచభక్ష్య ఫలహార కించ లేదు

పచ్చి వడపప్పె తిను వట్టి పిచ్చితండ్రి.

కుడుము లర్పించు పిల్లభక్తులకు నెల్ల

యిడుమలం దించి కలుము లందించు చేయి;

పార్వతీబాయి ముద్దులబ్బాయి చేయి

తెలుగు బిడ్డల భాగ్యాలు దిద్దుగాక!

వినాయకాయ 🐘 సందేశం*

 *వినాయకాయ 🐘 సందేశం*

వినాయకుడినే విఘ్నరాజు , విఘ్నహంత్రి, విఘ్నపతి అని కూడా పిలుస్తారు. మనకే విఘ్నాలు ఎందుకు వస్తాయి? ఈ విషయాలలో ఎన్నింటినో వినాయకుడు , తన శరీర రూపం ద్వారానే మానవజాతి కి సమాధానం చెప్పారు.

*🐘చెవులు* - ఇతరులు తన గురించి ఏమి మాట్లాడుకుంటున్నారో , ఇతరుల గురుంచి అనవసరమైన విషయాలు వినాలనే అభిలాష కలిగి చెవులు అప్పగించి వినేవాళ్ళకు విఘ్నాలు తప్పవు అని చెప్పడానికే పెద్ద చెవులు వినాయకుడివి.

*🐁🐀ఎలుక వాహనం - 🐘ఏనుగు శరీరం* :- ఎలుక అంత చిన్న విషయాన్ని , ఏనుగంత పెద్దది చేసి ఆలోచించడం వల్ల విఘ్నాలు తప్పవు అని ఇక్కడ సందేశం. ఇతరుల విషయాలలో లేదా తన సొంత విషయాలలో ఉండవలసిన దానికన్నా అధికంగా పరిగణించడం వలన విఘ్నాలు తప్పవు. పెద్దలు దీనినే గోటితో పోయేదాన్ని గొడ్డలి దాకా తేవడం అని సామెత పెద్దలు చెప్పారు.

*🐘వినాయకుని అవస్థ - 🌙🌚చంద్ర పరిహాసం* :- చంద్రుడుని వేదాంగం అయిన జ్యోతిష్య శాస్త్రంలో మనస్సుకి/మానసిక స్థితికి కారకుడిగా వర్ణించారు. ఇక్కడ నడవలేక నడుస్తున్న స్థూలకాయుడైన వినాయకుడు అంటే స్థూలంగా అందరికి కనబడే , అర్థమైయ్యే శరీర అవస్థలు మరియూ ఆర్ధిక వ్యవస్థలు అని అర్ధం. ఎవరైతే ఇతరుల శరీర సౌందర్యాన్ని , అనారోగ్యాలని , ఆర్ధిక పరిస్థుతులని విమర్శిస్తారో వారికి విఘ్నాలు తప్పవు అని చెప్పడమే ఇందులోని సూక్ష్మం.

*🐘గణపతికే ప్రథమ పూజ?*

నీలోని ఇంద్రియములనే గుంపునే గణములు అంటారు. వీటికి పతి(నాయకుడు) మనస్సు/బుద్ధి/ఆత్మ . గణపతి అంటే నీలోని ఇంద్రియములనే గుంపుకి నాయకుడి నీ మనస్సు/బుద్ధి/ ఆత్మ అని అర్ధం. గణపతికే ప్రథమ పూజ అని అనడంలో అర్ధం ఏమిటంటే ఇతరులను నీవు విమర్శించే ముందు నిన్ను నీవు (నీ మనస్సుని) ఆత్మపరిశీలన చేసుకోవడమే.

ఇలా చెప్పుకుంటూ పోతే మనకు కలిగే విఘ్నాలకు మనమే కారణమని మనకు తెలియచెప్పడమే మన వినాయక వ్రత కల్పం యొక్క ఉద్దేశ్యం. 

🐘గణపతి అంటే మనము ఈ విషయలోలురు కాకుండా చేయగల బుద్ధిశక్తి అన్నమాట. ఆ గణపతి మీ అందరికీ చక్కటి బుద్ధిని ప్రసాదించాలని తద్వారా మీరు తలపెట్టిన పనులలో విజయాలు చేకూరాలని, మీరు, మీ కుటుంబ సభ్యులందరూ సుఖసంతోషాలని పొందాలని మనస్పూర్తిగా కోరుకుంటూ.... ఈ పండుగ ద్వారా 🕉️హిందు, ☪️ముస్లిం, ✝️క్రిస్టియన్, ☸️జైన, 🪯సిక్కు, ☮️✡️🔯🕎☯️☦️🛐 తదితర మతసామరస్యం భారతదేశంలో వెల్లివిరియాలని ఆ భగవంతున్ని సదా ప్రార్థిస్తూ... మీకు, మీ కుటుంబ సభ్యులకు

*వినాయక 🐘 చవితి శుభాకాంక్షలు*

*శిరిపురపు శ్రీధర్ శర్మ* 

 🔥రాష్ట్ర అధ్యక్షులు🔥 

*బ్రాహ్మణ చైతన్య వేదిక*

గణపతులు108 రూపాలలో

 *108 రూపాలలో మహా గణపతులు*

1. ఏకాక్షర గణపతి

ప్రాతర్భజామ్య్భయదం ఖలు భక్త శోక

దావానలం గణ్విభుం వరకుంజరాస్యమ్

అజ్ఞాన కానన వినాశన హవ్యవాహం

ఉత్సాహ వర్ధనమహం సుతమీశ్వరస్య

2. మహా గణపతి

భిభ్రాణోబ్జక బీజాపూరక కదా దంతేక్షు బాణైస్సమం

భిభ్రాణో మణికుంభశాలి కణిశం పాశంచ వక్ర్తాంచితం

గౌరంగ్యారుచి రారవిందయుతయా దేవ్యాసనాధాంతిక:

శోణాంగ శ్శుభమాతనోతుభవతాం నిత్యం గణేశో మహాన్

3. బాల గణపతి

కరస్ధ కదళీచూత పనసేక్షు కపిత్ధకం

బాలసూర్యప్రభందేవం వందే బాలగణాధిపం

4. తరుణ గణపతి

పాశాంకుశాపూస కపిత్ధ జంబూ

ఫలం తిలాం చేక్షు మపిసవ హసై:

ధత్తే సదాయ స్తరుణారుణాంభ:

పాయాత్సయుష్మాన్ తరుణో గణేశ:

5. విఘ్నరాజ గణపతి

విఘ్నరాజావతారశ్చ శేషవాహన ఉచ్చతే 

మమతాసుర సంహర్తా విష్ణు బ్రహ్మేతివాచక:

6. సిద్ది గణపతి

ఏకదంతం చతుర్హస్తం పాశాంకుశ ధారిణమ్

అభయంచవరదం హసైర్ద దానమూషకధ్వజమ్

7. బుద్ధి గణపతి

త్రయీమయాఖిలం బుద్ధిధాత్రే

బుద్ధి ప్రదీపాయ సురాధిపాయ |

నిత్యాయ సత్యాయచ నిత్యబుద్ధే

నిత్యం నిరీహాయ నమోస్తు నిత్యమ్ ||

8. లక్ష్మీ గణపతి

బిభ్రాణశ్శుక బీజపూర కమలం మాణిక్య కుంభాంకుశాన్

పాశం కల్పలతాంచ బాణకలికా ప్రోత్సస్సరో నిస్సర:

శ్యామో రక్త సరోరుహేణ సహితో దేవీ చ యస్యాంతికే

గౌరాంగో వరదాన హస్తకమలో లక్ష్మీగణేశో మహాన్

9. సంతాన లక్ష్మీ గణపతి

శరణం భవదేవేశ సంతతిం సుదృఢాంకురు |

భవిష్యంతియే పుత్రామత్కులే గణనాయక: ||

10. దుర్గా గణపతి

తప్తకాంచన సంకాశం శ్చాష్ట్ట్ట మహత్తను: |

దీప్తాంకుశం శరం చాక్షం దంతం దక్షే వహన్కరై: ||

11. సర్వశక్తి గణపతి

ఆలింగ్య దేవీం హరితాం నిషణ్ణాం

పరస్పరాశ్లిష్టకటీ నివేశం

సంధ్యారుణం పాశసృణీం వహస్తం 

భయాపహం శక్తి గణేశ మీఢే

12. విరివిరి గణపతి

సుసిద్ధాదం భక్తిజనస్యదేవ సకామిదా మామిహ సౌఖ్యదంతం |

అకా మికాగాం భవబంధహరం గజాననం భక్తియుతం భజామ ||

13. క్షిప్ర గణపతి

దంతం కల్పలతా పాశ రత్నకుంభోప శోభితం

బంధూక కమనీయాంగం ధ్యాయేత్ క్షిప్ర వినాయకం

14. హేరంబ గణపతి

అభయ వరద హస్త: పాశదంతాక్షమాల:

పరశుమధ త్రిశీర్షం ముద్గరం మోదకం చ

విదధతు నరసింహ: పంచమాతంగ వక్త్ర:

కనక రుచిర వర్ణ: పాతు హేరమ్బ నామా

15. నిధి గణపతి

విచిత్ర రత్నై: ఖచితం సువర్ణ సమ్బూతకంగుహ్యమయా ప్రదత్తమం |

తధాంగులీష్పంగులికం గణేశ చిత్తేన సంశోభయ తత్పరేశ

16. వక్రతుండ గణపతి

స్వర్ణవర్ణ చతుర్బాహుం | పాశాంకుశధరం విభుం |

ఆమ్రపాత్ర స్వదంతంచ | శక్తియుతం విచింతయేత్

17. నవనీత గణపతి

దానాయ నానావిధ రూపకాంస్తే గృహాణ దత్తాన్మనసామయావై|

పదార్ధ భూతాన్ స్థిర జంగమాంశ్చ హేరమ్నమాం తారయ మోహభావాత్ ||

18. ఉచ్ఛిష్గ్ట గణపతి

లీలాబ్జం దాడిమం వీణాశాలి గుంజాక్ష సూత్రకం

దధ దుచ్ఛిష్ట నామాయం గణేశ: పాతు మేచక:

19. హరిద్రా గణపతి

హరిద్రాభం చతుర్బాహుం హరిద్రా వదనం ప్రభుమ్

పాశాంకుశధరం దేవం మోదకం దంతమేవచ

భక్తాభయ ప్రదాతాం వందే విఘ్న వినాశనమ్

20. మోదక గణపతి

నాదబిందు కళాత్మకం వరనారదాది సుపూజితం |

మోదక ఫలదాయకం ప్రమోదవదన వినాయకం ||

21.మేధా గణపతి

సకలభాగ్య వశంకరం వర సాధు సజ్జన సంహితం 

అఖిలదేవ ప్రదాయకం మమ ఆత్మరక్ష వినాయకం

22.మోహన గణపతి

రక్ష రక్ష గణాధ్యక్ష రక్షత్రైలోక్య రక్షక 

భక్తానాం అభయంకర్తా త్రాతాభవ భవార్ణవాన్

23.త్రైలోక్య మోహన గణపతి

గదా బీజాపూరే ధను: శూలచక్రే సరోజతృలే

పాశాధాన్య ప్రదంతారి కరై: సందధానం

స్వశుండాగ్ర రాజం | మణి కుంభ

మంగాధి రూఢం స పత్న్యా ||

24. వీర గణపతి

భేతాళ శక్తి శరకార్ముక ఖేటఖడ్గ

ఖట్వాంగ ముద్గర గధాంకుశ ముద్వహస్తం

వీరం గణేశ మరుణం సతతం స్మరామి

25. ద్విజ గణపతి

యం పుస్తకాక్ష గుణ దండకమండలు

శ్రీవిద్యోతమాన కరభూషణమిందు వర్ణం

స్తంబేర మానన చతుష్టయ శోభమానం

త్వాం య: స్మరే ద్ద్విజ గణాధిపతే సధన్య: ||

26. ఋణవిమోచన గణపతి

సృష్ట్యా బ్రహ్మణా సమ్యక్ పూజిత: ఫలసిద్ధయే

సదైవ పార్వతీపుత్ర: ఋణనాశం కరోతుమే

27. సంకష్టహర గణపతి

ప్రణమ్య శిరసాదేవం గౌరీపుత్రం వినాయకం

భక్తావాసం స్మరేన్నిత్యంమాయుష్కారమార్ధ సిద్ధయే

28. గురు గణపతి 

ప్రవరం సర్వదేవానాం సిద్ధినాం యోగినాం గురుం |

సర్వస్వరూపం సర్వేశం జ్ఞానరాశి స్వరూపిణమ్ ||

అవ్యక్తమక్షరం నిత్యంసత్యమాత్మ స్వరూపిణం |

వాయుతుల్యంచ నిర్లిప్తం చాక్షతం సర్వసాక్షిణం ||

29. స్వర్ణ గణపతి 

వందే వందారుమందార, మిందు భూషణ నందనం |

అమందానంద సందోహ, బంధురం సింధురాననమ్ ||

30. అర్క గణపతి 

మూషారూఢం లంబసూత్రం సర్పయజ్ఞోపవీతినల|

విషాణం పాష కమలం మోదకంచ కరైధృతం ||

31. కుక్షి గణపతి 

సరోజన్మన భూషాణాం భరణోజ్వలహస్త తన్వ్యా సమా

లింగితాంగాం | కరీంద్రాననాం చంద్ర చూడం త్రినేత్రం రక్తకాంతిం భజేత్తం ||

32. పుష్టి గణపతి 

ఏకదంతం మహాకాయం లంబోదరం గజాననం |

విఘ్ననాశకరం దేవం హేరంబం ప్రణమామ్యహం ||

33. వామన గణపతి 

లంబోదరం మహావీర్యం నాగయజ్ఞోపశోభితం |

అర్ధచంద్రధరం దేవం విఘ్నప్యూహం వినాశనం ||

34. యోగ గణపతి 

యోగరూఢో యోగ పట్టాభిరామో

బాలార్కభశ్చేంద్ర నీలాంశుకాఢ్య:

పాశాక్ష్వక్షాన్ యోగదండం దధానో

పాయాన్నిత్యం యోగ విఘ్నేశ్వరో న:

35. నృత్య గణపతి 

పాశాంకుశాపూప కుఠార దన్త చంచత్కరం వచరుతరాంగుళీయం

పీతప్

రభం కల్పతరో రధస్ధం భజామి నృత్తైక పదం గణేశం

https://chat.whatsapp.com/DeLzrnizFTsI0UEat5HQjM?mode=ac_t

36. దూర్వా గణపతి 

దూర్వాంకురాన్వై మనసా ప్రదత్తాం స్త్రిపంచపత్రైర్యుతకాంశ్చ స్నిగ్ధాన్ |

గృహాణ విఘ్నేశ్వర సంఖ్యయా త్వం హీనాంశ్చ సర్వోపరి వక్రతుండ ||

37. అభీష్టవరద గణపతి

నమస్తే వేద విదుషే నమస్తే వేద కారిణే |

కమన్యం శరణం యామ: కోను న: స్వాద్భయాపహ: ||

38. లంబోదర గణపతి 

లంబోదరావతారో వైక్రోధాసుర నిబర్హణ:

శక్తిబ్రహ్మ ఖగ: సద్యత్ తస్యధారక ఉచ్యతౌ ||

39.విద్యా గణపతి 

భక్త ప్రియాయ దేవాయ నమో జ్ణాన స్వరూపిణే |

నమో విశ్వస్యకర్త్రేతే నమస్తత్పాలకాయచ ||

40. సరస్వతీ గణపతి 

వాగీశాద్యా స్సుమనస: సర్వార్ధానాముపక్రమే

యంనత్వాకృత కృత్వాస్స్యు: తం నమామి గజాననమ్ ||

41. సంపత్ గణపతి 

పక్వచూత ఫలపుష్ప మంజరీచేక్షుదండ తిలమోదకైస్సహ

ఉద్వహన్ పరశుమస్తుతే నమ: శ్రీ సమృద్ధియత హేమపింగళ:

42. సూర్య గణపతి 

హిరణ్యగర్భం జగదీశితారరమృషిం పురాణం మండలస్థం |

గజాననం యం ప్రవిశన్తిసంతస్తత్కాలయోగైస్త మహం ప్రపద్యే ||

43. విజయ గణపతి 

శంఖేక్షు చాప కుసుమేఘ కుఠారదంత

పాశాంకుశై: కళమమంజరికా సనైధై:

పాణిస్థితై: పరిసమావృత భూషణ శ్రీ:

44. పంచముఖ గణపతి 

గణేశాయ ధామ్నే పరేశాయ తుభ్యం సదానంద రూపాయ సర్వార్తిగాయ|

అపారస్వరూపాయ దేవాధిదేవ నమస్తే ప్రభో భక్త సంరక్షకాయ ||

45. నీలకంఠ గణపతి 

వినాయకం నాయకమౌక్తికం త్రయీ హారావళే రావళితం భుజంగమై: |

పినాకిజం నాకిజనేడ్య మంహసాం నివారణం వారణ్వక్త్ర మాశ్రయే ||

46. గాయత్రి గణపతి 

యజ్ఞోపవీతం త్రిగుణస్వరూపం సౌవర్ణమేవం హ్యహినాధ భూతం |

భావేనదత్తం గణనాథతత్వం గృహాణ భక్తోద్దృతి కారణాయ ||

47. చింతామణి గణపతి 

కల్పద్రుమాధ: స్థితకామధేయం |

చింతామణిం దక్షిణపాణి శుండమ్ |

బిభ్రాణ మత్యద్భుత చిత్రరూపం |

య: పూజయేత్తస్య సమస్త సిద్ధి: ||

48. ఏకదంత గణపతి 

అగజానన పద్మార్కమ్ గజానన మహర్నిశం

అనేక దం తం భక్తానాం ఏకదంతం ఉపాస్మహే

49. వికట గణపతి 

వికటోనామ విఖ్యాత: కామాసుర విదాహక: |

మయూర వాహనశ్చాయం సౌరబ్రహ్మధర: స్మ్రత: ||

50. వరద గణపతి 

వరదాభయ హస్తాయ నమ: పరశుధారిణే |

నమస్తే సృణిహస్తాయ నాభివిశేషాయతే నమ: ||

51. వశ్య గణపతి 

విఘ్నేశ వీర్యాణి విచిత్రకాణి వన్దే జనైర్మాగధకై: స్మృతాని |

శ్రుత్వాసమత్తిష్ఠ గజానన త్వం బ్రహ్మేజగన్మంగళకం కురుష్వ ||

52. కుల గణపతి 

శుండావిభూషార్థమనన్తఖేలిన్ సువర్ణజం కంచుకమాగృహేంణ |

రత్నైశ్చయుక్తం మనసామయాయ ద్ధతం ప్రభోతత్సఫలం కురుష్వ ||

53. కుబేర గణపతి 

రత్నై: సువర్ణేన కృతాని గృహాణచత్వారి మయాప్రకల్ప్య |

సమ్భూషయ త్వం కటకాని నాథ చతుర్భుజేషు వ్యాజ విఘ్నహారిన్ |

54. రత్నగర్భ గణపతి 

హేరంబతే రత్నసువర్ణయుక్తే సునూపుర మంజీరకే తథైవ|

సు కింకిణీ నాద యుతే సుబుద్ధ్యా సుపాదయో: శోభమయే ప్రదత్తే ||

55. కుమార గణపతి 

మాత్రే పిత్రేచ సర్వేషాం హేరంబాయ నమో నమ:

అనాదయేచ విఘ్నేశ విఘ్నకర్తే నమోనమ:

56. సర్వసిద్ధి గణపతి 

పరంధామ పరంబ్రహ్మ పరేశం పరమేశ్వరం |

విఘ్నవిఘ్నకరం శాంతం పుష్టం కాంతమనంతకం |

సురాసురేంద్ర్యై: సిద్ధేంద్ర్యై: స్తుతం స్తౌమి పరాత్పరం |

సురపద్మచినేశంచ గణేశం మంగళాయనం ||

57. భక్త గణపతి 

నారికేళామ్ర కదళీ గుడ పాయస ధారిణం

శరచ్ఛశాంక సదృశం భజే భక్తగణాధిపమ్

58. విఘ్న గణపతి 

పాశాంకుశం ధరన్నామ ఫలాశీ చాఖవాహన:

విఘ్నం నిహస్తు న: సర్వ రక్తవర్ణో వినాయక:

59. ఊర్ధ్వ గణపతి 

కల్హారిశాలి కణిశేక్షుక చాపబాణ,

దంత ప్రరోహ కబర: కనకోజ్జ్వలాంగ:,

ఆలింగనోద్యత కర: తటిదాభకట్యా

దేయాత్స శతృభయ మూర్థ్వ గణేశ్వరస్తే

60. వర గణపతి 

నమస్తుభ్యం గణేశాయ నమస్తే విఘ్ననాశన

ఈప్సితం మేం వరం దేహి పరత్రా చ పరాంగతిమ్

61. త్ర్యక్ష్యర గణపతి 

సర్వవిఘ్నహరం దేవం, సర్వవిఘ్నవివర్జితం

సర్వసిద్ధి ప్రదాతారం, వందేహం గణనాయకమ్

62. క్షిప్రప్రసాద గణపతి 

యక్షకిన్నర గంధర్వ సిద్ధవిద్యా ధరైస్సదా

స్తూయమానం మహాబాహుం వందే హం గణనాయకమ్

63. సృష్టి గణపతి 

ప్రాతర్నమామి చతురానన వన్ద్యమానం

ఇచ్ఛానుకూలమఖిలం చ వరం దదానమ్

తం తుందిలం ద్విరసనాధిప యజ్ఞసూత్రం

పుత్రం విలాస చతురం శివయో: శివాయ

64. ఉద్దండ గణపతి 

ప్రాత:స్మరామి గణనాథమనాథ బంధుం

సిందూరపూర పరిశోభితగండయుగ్మం

ఉద్ధండవిఘ్న పరిఖండన చండదండం

అఖండలాది సురనాయక బృందవంద్యమ్

65. డుండి గణపతి 

అక్షమాలాం కుఠారంచ రత్నపాత్ర స్వదంతకమ్

ధతైకరైర్విఘ్నరాజో డుంఢినామా మదేస్తున:

66.ద్విముఖ గణపతి 

స్వదంత పాశాంకుశ రత్నపాత్రం కరైర్దదానో హరినీలగాత్ర:

రత్నాంశుకో రత్న కిరీటమాలీ భూత్యై సదామే ద్విముఖో గణేశ:

67. త్రిముఖ గణపతి 

శ్రీమత్తీక్షణ శిఖాం కుశాక్ష వరదాన్ దక్షే దదానం కరై:

పాశాంచామృత పూర్ణకుంభమయం వామే దదానోముదా

పీఠే స్వర్ణమయారవింద విలసత్సత్కర్ణికాభాసురే

స్వాసీనస్త్రిముఖ: పరశురుచిరో నాగనన: పాతున:

68. సింహ గణపతి 

వీణాం కల్పలతా మరించ వరదం దక్షేవిధత్తేకరై:

వేణే తామరసం చ రత్న కలశం సన్మంజరీం చా భయం

శుండాదండలసన్ మృగేంద్ర వందన: శంఖేందు గౌర: శుభో

దీప్యద్రత్న నిభాంకుశో గణపతి: పాయా దపాయాత్సన:

69. గజానన గణపతి 

సదా సుఖానందమయం జలేచ సముద్రేన ఇక్షురసే నివాసం|

ద్వంద్వ స్థయానేనచ నాళరూపం గజాన

నం భక్తియుతం భజామ||

70. మహోదర గణపతి 

మహోదర ఇతిఖ్యాతో జ్ఞానబ్రహ్మ ప్రకాశక:

మోహాసుర నిహంతావై ఆఖువాహన ఏవచ ||

71. భువన గణపతి 

విశ్వమూలాయ భవ్యాయ విశ్వసృష్టికరాయతే |

నమో నమస్తే సత్యాయ సత్య పూర్ణాయ శుండినే ||

72. ధూమ్రవర్ణ గణపతి 

ధూమ్రవర్ణావతారశ్చాభి మానాసుర నాశక:

ఆఖువాహన ఏవాసౌ శివాత్మేతి స ఉచ్యతౌ

73. శ్వేతార్క గణపతి 

ఓం నమో గణపతయే శ్వేతార్క గణపతయే

శ్వేతార్కమూలనివాసాయ

వాసుదేవ ప్రియాయ, దక్ష ప్రజాపతి రక్షకాయ

సూర్యవరదాయ కుమారగురవే

74. ఆధార గణపతి 

నాదం బాలసహస్ర భాను సదృశం నాగేంద్ర

వక్త్రాన్వితం | హస్తాభ్యాం చషకం పవిత్ర కలశం

హస్యంచ వృత్తాండవం | నానా చిత్రవిచిత్రయన్

పరగురుం ఆధార విద్యా స్థితిం | ఓంకార

ప్రణవాకృతిం గణపతిం నిత్యం భజేహం ప్రభో ||

75. భూతరోగ నివారణ గణపతి 

ఏకదంతం చతుర్హస్తం బిభ్రాణ పాశమంకుశం |

అభయం వరదం సాస్మృర్భధానం మూషిక ధ్వజం |

76. ప్రసన్న విఘ్నహర గణపతి 

ఏకదంతం శూర్పకర్ణం గజవక్త్రం చతుర్భుజం |

పాశాంకుశధరం దేవం ధ్యాయేత్ సిద్ధి వినాయకం ||

77. ద్వాదశభుజవీర గణపతి 

సురేంద్రనేన్యం హ్యసురై: సుసేవ్యం సమానభావన విరాజయంతం|

అనంతబాహుం మూషక ధ్వజం తం గజాననం భక్తియుతం భజామ: ||

78. వశీకర గణపతి 

బీజాపూరగదేక్షుకార్ములసచ్చక్రోబ్జ పాశోత్పల|

వ్రీహ్యగ్రస్వ విషాణ రత్న కలశప్రోద్యత్కరాంభోరుహ: ||

ధ్యేయోవల్లభయా సపద్మకరయాశ్లిష్టోజ్వల- ద్భూషయ

విశ్వోత్పత్తి విపత్తి సంస్తుతికరో విఘ్నో విశిష్టార్ధద: ||

79. అఘౌర గణపతి 

గజవదనమంచింత్యం తీక్ష్ణదంష్టృం త్రినేత్రం

బృహదుదరమశేషం భూతరాజం పురాణం

అమరవరసుపూజ్యం రక్తవర్ణం సురేశం |

పశుపతి సుతమీశం విఘ్నరాజం నమామి ||

80. విషహర గణపతి 

నాగాననే నాగకృతోత్తరీయే క్రీడారతే, దేవకుమార సంఘై: |

త్వయిక్షణం కాలగతిం విహాయతౌ ప్రాపతు కన్దుకతామినేన్దూ ||

81. భర్గ గణపతి 

బాలార్కకోటి ద్యుతి మప్రమేయం

బాలేందు రేఖా కలితోత్తమాజ్ఞమ్ |

భ్రమద్ద్విరేపావృత గణ్డభాగం భజే భవానీతనయం గణేశమ్ ||

82. సర్వ సమ్మోహన గణపతి 

స్వాంకస్థితాయానిజవల్లభయాముఖామ్భుజాలోకేన లోలనేత్రం |

స్మేరాననాస్యం మదవైభవేన రుద్ధం భజే విశ్వవిమోహనంతం ||

83. ఐశ్వర్య గణపతి 

సహస్ర శీర్షం మనసా మయా త్వం దత్తం కిరీటంతు సువర్ణజంవై |

అనేకరత్నై: ఖచితం గృహాణ బ్రహ్మేశతే మస్తక శోభనాయ ||

84. మాయావల్లభ గణపతి 

సంసారార్ణవ పారేచ మాయాపోతే సుదుర్లభే |

కర్ణధార స్వరూపంచ భక్తానుగ్రహకారకం |

వరం వరేణ్యం వరదం వరదానామపి ఈశ్వరం |

సిద్ధం సిద్ధి స్వరూపంచ సిద్ధిదం సిద్ధి సాధనమ్ ||

85. సౌభాగ్య గణపతి 

తతో హరిద్రామచిరంగులాలం సిన్ధూరకం తేపరికల్పయామి |

సువాసితం వస్తు సువాస భూతై: గృహాణ బ్రహ్మేశ్వర శోభనార్థమ్ ||

86. గౌరి గణపతి 

విఘ్నేశ్వరాయ వరదాయ సురప్రియాయ |

లంబోదరాయ సకలాయ జగద్ధితాయ |

నాగాసనాయ కృతియజ్ఞ విభూషితాయ |

గౌరీసుతాయ గణనాథ నమో నమస్తే ||

87. ప్రళయంకర్త గణపతి 

అకాలమేవ ప్రళయ: కథం లబ్ధో జనైరయం |

హా ! గజానన దేవేశ: హాహా విఘ్న హరావ్యయ ||

88. స్కంద గణపతి 

కుమార భుక్తౌ పునరాత్మహేతో: పయోధరే పర్వతరాజ పుత్ర్యా|

ప్రక్షాళయంతం కరశీ కరేణ మౌగ్ధ్యేనతం నాగముఖం భజామి ||

89. మృత్యుంజయ గణపతి 

సరాగలోకదుర్లభం విరాగిలోక పూజితం

సురాసురైర్నమస్కృతం జరాప మృత్యునాశకం ||

90. అశ్వ గణపతి 

రాజోపచారాన్వి విధాన్గృహాణ హస్త్యశ్వఛత్రాధికమాద రాద్వై |

చిత్తేన దత్తాన్గణనాధడుణ్డే హ్యపార సంఖ్యాన్ స్థిరజంగమాంస్తే ||

91. ఓంకార గణపతి 

వందే గణేశం భుజగేంద్ర భూషణం సమస్త భక్తాళికృతాతితోషణం

విశ్వం భరా సంస్థితలోక రక్షణం మదీయ పాపౌఘతమస్సు పూషణమ్ ||

92. బ్రహ్మవిద్యా గణపతి 

బ్రహ్మేభ్యో బ్రహ్మదాత్రేచ గజానన నమోస్తుతే |

ఆదిపూజ్యాయ జ్యేష్ఠాయ జ్యేష్ఠరాజాయతే నమ: ||

93. శివ అవతార గణపతి 

విఘ్నానాం పతయే తుభ్యం నమో విఘ్న నివారణ |

సర్వాంతర్యామిణే తుభ్యాం నమస్సర్వప్రియంకర ||

94. ఆపద గణపతి 

ఓమ్ నమో విఘ్నరాజాయ సర్వసౌఖ్య ప్రదాయినే |

దుష్టారిష్ట వినాశాయ పరాయ పరమాత్మనే ||

95. జ్ఞాన గణపతి 

గుణాతీతమౌనం చిదానంద రూపం |

చిదాభాసకం సర్వగం జ్ఞాన గమ్యం |

ముని శ్రేష్ఠమాకాశ రూపం పరేశం |

పరబ్రహ్మ రూపం గణేశం భజేమ ||

96. సౌమ్య గణపతి 

నమస్తే గణనాధాయ గణానాం పతయే నమ: |

భక్తి ప్రియాయ దేవేశ భక్తేభ్యో సుఖదాయక ||

97. మహాసిద్ధి గణపతి 

గజవక్త్రం సురశ్రేష్ఠ కర్ణచామర భూషితం |

పాశాంకుశ ధరం దేవం వందే హం గణనాయకం ||

98. గణపతి 

సిందూరాస్త్రినేత్ర: పృథుతర జదరో హస్త పద్మం

దదానం | దంతం పాశాంకుశేష్ట్వానురుతర

విలసద్విజ పూరాభిరామం | బాలేందు ఖ్యాతిమౌళి

కరిపతి వదాన దాన పూర్ణార్థ గంధో | భోగేంద్రై

భూషితాంగోర్జేత్ గణపతిం రక్తస్త్రాంగరాగ: ||

99. కార్యసిద్ధి గణపతి 

యతోబుద్ధి రజ్ఞాననాశో ముముక్షో: |

యత స్సంపదోభక్త సంతోషదాస్సు: |

యతో విఘ్ననాశయత: కార్యసిద్ధి: |

సదాతం గణేశం నమామో భజామ: ||

100. భద్ర గణపతి 

అనామయాయ సర్వాయ సర్వపూజ్యాయతే నమ:

సుగుణాయ నమస్తుభ్యం బ్రహ్మణే నిర్గుణాయచ ||

101. సులభ గణపతి 

వందే గజేంద్రవదనం – వామాంకారూఢ వల్లభాశ్లిష్టం

కుంకుమపరాగశోణం – క్వులయినీ జారకోరకా పీడమ్ ||

102. నింబ గణపతి

విఘ్నహర్తే స్వభక్తానాం లంబోదర నమోస్తుతే |

త్వాదేయ భక్తియోగేన యోగీశాం శాంతిమాగతా: ||

103. శుక్ల గణపతి 

అంతరాయ తిమిరోపశాంతయే

శాంతపావనమచింత్య వైభవం |

తంనరం వపుషికుంజరం ముఖే

మన్మహే కిమపి తుందిలంమహ: ||

104. విష్ణు గణపతి

శుక్లాంబరధరం విష్ణుం శశివర్ణం చతుర్భుజం

ప్రసన్న వదనం ధ్యాయేత్ సర్వవిఘ్నోపశాంతయే

105. ముక్తి గణపతి

పాశాంకుశౌ భగ్నరథం త్వభీష్టం కరైర్దధానం కరరన్ద్రముక్తై: |

ముక్తాఫలాభై: పృథుశీకరౌఘై: సిఙ్చన్తమఙ్గం శివయోర్భజామి ||

106. సుముఖ గణపతి

ఏకదంతాయ శుద్ధాయ సుముఖాయ నమోనమ: |

ప్రసన్న జనపాలాయ ప్రణతార్తివినాశినే ||

107. సర్వ గణపతి

చతు: పదార్థా వివిధ ప్రకాశాస్త్త వివ హస్తా: సచతుర్భుజం |

అనాథనాథాంచ మహోదరంచ గజాననం భక్తియుతం భజామ:

108. సిద్ధిబుద్ధి గణపతి

సత్పద్మరాగ మణివర్ణ శరీరకాంతి:

శ్రీ సిద్ధిబుద్ధి పరిచర్చిత కుంకుమశ్రీ:

వక్షస్థలే వలయితాతి మనోజ్ఞ శుణ్డో

విఘ్నం మామపహర సిద్ధి వినాయకత్వమ్ ||

వినాయక వ్రతకల్పము

 

వినాయక వ్రతకల్పము

శ్రీరస్తు శుభమస్తు

వినాయక వ్రతకల్పము

శ్లో ||

శుక్లాంబరధరం విఘ్నం శశివర్ణం చతుర్భుజమ్

ప్రసన్నవదనం ధ్యాయే శృశ్య మిన్నాపశాంతయే.

సుముఖశ్చైకదంతశ్చ కపిలో గజకర్ణకం లంబోదరశ్చ వికటో నిన్నురాజో గణాధిపం ధూమకేతు ర్గణాధ్యక్షః ఫాలచంద్రో గజావనికి వక్రతుండ సర్పకర్ణో హేరంబ స్కందపూర్వజం షోడశైతాని నామాని యః పఠేచ్ఛ్పణు యాదపి || విద్యారంభే వివాహేచ ప్రవేశే నిర్గమే తదా! సంగ్రామే సర్వకార్యేషు విఘ్నస్తన్య నజాయతే! అభీప్సితార్ధసిధ్యర్థం పూజితో యస్సురైరపి! సర్వవిఘ్న చ్చిదే తస్మై! శ్రీగణాధిపతయేనమః!'

శుభతిదౌ శోభనముహూర్తే అద్యబ్రహ్మణః ద్వితీయపరార్థే శ్వేత వరాహకల్పే వైవస్వతమవ్వంతరే కలియుగే ప్రధమపాదే బంబూద్వీపే భరతవర్షే భరతఖండే మేరో దక్షిణదిగ్భాగే శ్రీశైలస్య ఈశాన్య ప్రదేశే, కృష్ణా గోదావర్యోః మధ్యదేశే గృహే అస్మిన్ వర్తమాన వ్యావహారిక చాంద్రమానేన సంవత్సరే దక్షిూ యసేవర్షర్తో భాద్రపదమాసే శుక్లపడే చతుర్ద్వాం- వాసరే శుభనక్షత్రే శుభయోగ శుభకరణ ఏవం గుణ పోషణ విశిష్టాయాం అస్యాం శుభతిధౌ శ్రీమాన్ గోఈ నామధేయః- శ్రీమతః గోత్రస్య నా నుధేయస్య ధర్మపత్నీ సమేతస్య మమోపాత్తదురితక్షయద్వారా అస్మాకం సహకుటుంబానాం క్షేమస్థయిర్య విజయ అభయ ఆయురారోగ్య ఐశ్వర్యాభివృధ్యర్ధం ధర్మార్థ కామ మోక్ష చతుర్విధ ఫలపురుషార్ధ సిద్ధ్యర్థం. సకల విద్యాప్రాస్త్యర్థం పుత్ర పౌత్రాభివృధ్యర్థం - ఇష్ట కామ్యార్థ సిధ్యర్థం మనోవాంఛాసల పిచ్చ్యర్ధం- సమప్త-దురితోపశాంత్యర్ధం - సమస్త మంగళా వాస్త్యర్థం - వర్షేవర్షే ప్రయుక్త వరసిద్ధి వినాయక దేవతాముద్దిశ్య వరసిద్ది వినాయక దేవతా ప్రీత్యర్థం కల్పోక్త ప్రకారేణ యావచ్ఛక్తి ధ్యానావాహనాది షోడశోపచార పూజాం కరోషిణి ఆదంగ కలశ పూజాం కలిప్యే!! కలశం గంధపుష్పాక్షతైరభ్యర్చ్య! తప్యోపరి హస్తరినిధాయ- కలశస్యముఖే విష్ణుః కంటే గుద్రస్సమాశ్రితం మూలే రక్రస్థితో బ్రహ్మ మధ్మమాతృ గణాఫ్రికా! కుజౌతు ఎగతా సర్వే సప్త ద్వీపా వసుంధరా! ఋగ్వేదోధ యుజార్వేద స్సామవేదో హ్యధర్వణ్యంగైక్చ హితా స్పర్వేకలశాంబు సమాశ్రిలాక ఆయాంతు దేవపూజార్ధం దురితక్షయ రకానికి గంగేత యమువేవైన గోదావరి సరస్వతి! నర్మదే సింధు కావేరీ జలేస్మిన్ సన్నిధిం కురు కలశోదకేవ దేవ మాత్మానం పూజా ద్రవ్యాజిన సంప్రాత్య!!

4

15

శ్రీకృష్ణునిపైబడి తరచుచు, రఖంబుల గ్రుచ్చుము, కోరలం కొరుకుచు ఘోరముగ యుద్ధముచేయు కృష్ణుండును వానిం బడద్రోసి వృక్షముల నేతను, రాళ్ళచేతను తుదకు ముష్ఠి ఘాతములచేతను రాత్రింబవళ్ళు యిరువది ఎనిమిది దినంబులు యుద్ధమొనర్ప లాంబవంతుడ క్షీణబలుండై, దేహంబెల్ల నొచ్చి భీతి చెందుచు తన బలంబు హరింపజేసిన పురుషుడు రావణ సంహరి యగు శ్రీరామచంద్రునిగోదలచి అంజలిఘటించి, - దేవా! భక్తజన రక్షకా! నిన్ను త్రేతాయుగమున రావణాది దుష్టరాక్షస సంహరణార్ధమై అవతరించి భక్తజనులను పాలించిన శ్రీరామచంద్రునిగా నెజంగితి. ఆ కాలంబున నాయందలి వాత్సల్య ముచే నన్ను వరంబు కోరుకొమ్మని ఆజ్ఞ యొసంగి నాబుద్ధిమాంద్యంబున మీతో ద్వంద్వ యుష్షయి జేయవలెనని కోరుకొంటిని, కాలాంతరమున నది జరుగగల దీని సెలవిచ్చితిరి.. అది మొదలు మీ నామస్మరణ చేయును అనేక వత్సరములు గడువుచు నిట నుండ నిపుడు. తాము ఈ నివాసమునకు దయచేసి నా కోరిక నెరవేర్చితిరి. నా శరీరమంతయు శ్రీ దిలమయ్యె, ప్రాణములు కడబట్టే, జీవితేచ్ఛ నశించె. నన్ను క్షమించి కాపాడుము. నీకన్న వేరు దిక్కులేదు అనుచు భీతిచే పరిపరివిధముల ప్రార్ధింప శ్రీకృష్ణుడు దయాళుండై జాంబవంతుని శరీరమంతయు తన హస్తంబుచే నిమిరి భల్లూకేశ్వరా! శమంతకమణి నాసంగుము వేవేగెద నని దెల్పనతడు శ్రీకృష్ణునికి మణి సహితముగా తన కుమార్తె భుగు బాంబవతిని కానుకగా వొసంగె అంత తన ఆలస్యమునకు పరితపించుచున్న బంధుమిత్ర సైన్యముల కానందంబు కలిగించి కన్యారత్నముతోను, మణితోడు శ్రీకృష్ణుడు పురరిబుజేశీ సత్రాజిత్తును రావించి పిన్న పెద్దలను జేర్చి యా వృత్తాంతమును చెప్పి శమంతకమణి యొసంగిన నా సత్రాజిత్తు అయ్యో, లేని పోని చింతమోతీ జోషంబునకు బాల్పడితి” నని విచారించి మణిసహితముగా తన కూతురగు పత్యభామను గైకొమ్మనిన, మణి వలదని మరల నొసంగెను అంత శ్రీకృష్ణుడు. శుభముహూర్తమున జాంబవతీ సత్యభామలను పరిణయంబాడ, నచ్చటికి వచ్చిన సేవాడులు మునులు స్తుతించి మీరు సమర్థులు గనుక నీలాపనిందలు బావుకొంటిరి; మాకేమి గతి, యని బ్రార్ధింప శ్రీకృష్ణుడు దయాళుడై, బాద్రపదశుద్ధ చతుర్దిని గణపతిని యథావిథి పూజించీ ఈ శమంతకమణి కథను విని, అక్షతలు శిరంబున దాల్చువారికి అవాడు ప్రమాదంబున చంద్రదర్శనమగుటచే వచ్చు నీలాపనింధలు పొందకుండుగాక! వలని అమతీయ దేవాదులు సంతసించి తమ నివాసంబుల కరిగి ప్రతి సంవత్సరమును నాక్రపతప శతుర్షియందు దేవతలు, మహార్షులు, మానవులు తమతమ విభవము అది గణపతిని పూజించి అభీష్టసిద్ధిగాంచుచు సుఖంబుగా నుండిరని శౌనకాదిమునులకు సూతుడు తినిపించి వారిని వీడ్కొని నిజాశ్రమంబున కరిగె

సర్వేజనా స్సుఖినో భవంతు

వినాయక వ్రత కల్పము

వినాయక వ్రత కల్పము

 https://drive.google.com/file/d/1VTgr9IIbPylqxatx-S-Lkus94q-H9_Od/view?usp=drivesdk

వినాయకచవితి

 * 🕉️

*వినాయకచవితి పండుగ శుభాకాంక్షలు*

కం.

విద్యాబుద్ధుల నడుగగ 

సద్యోవరముగ నొసగెడి చవితిగణేశా! 

పాద్యముతోమొదలిడి నిన్ 

వాద్యాంతముగా గొలిచెద వందనమిదిగో 

కం.

వరదాయక గణనాథా! 

విరిదండల పత్రితోడ వేనామములతో 

పరిపరివిధముల గొలుతురు 

కరిముఖుడౌ నిన్ను భక్తి కాశ్యపి నందున్ 

కం.

ఆకుల పూజల జేసియు

నీకై యుండ్రాళ్ళ నిడగ నిజమగు తృప్తిన్ 

మాకై వరముల నొసగే 

యో కరిముఖదేవర జయ మో గణనాథా!

కం.

కరుణను జూడవె తండ్రీ! 

వరముల నీయవె తగువిధి బాసట వగుమా! 

చిరమగు సుబుద్ధి సిద్ధుల 

కరముగ నొసగుమ గణేశ! కామితవరదా! 

*~శ్రీశర్మద*

ఫైబర్ ఫుడ్!*

 ;

🍀🌺🍀🌺🍀🌺🍀🌺🍀🌺🍀🍇M.A.35.

*మన ఆరోగ్యం…!

                 *ఫైబర్ ఫుడ్!*

                ➖➖➖✍️

*#ఆరోగ్యానికి మేలు చేసే ఫైబర్ ఫుడ్"!*

```

*మన శరీరం ఎటువంటి అనారోగ్యాల బారిన పడకుండా ఆరోగ్యంగా ఉండాలంటే సమతుల్యమైన ఆహారం ఎంతో అవసరం.

*సమతుల్యమైన ఆహారం అంటే ఏమిటి? 

*శరీరానికి కావాల్సిన పోషకాలు అన్నీ కలగలిపి ఉన్న ఆహారాన్ని తీసుకోవడమే సమతుల్య ఆహారం. 

*విటమిన్స్, మినరల్స్, ప్రొటీన్స్, ఫైబర్ వంటివి శరీరానికి కావలసినంత తీసుకున్నట్టు అయితే ఆరోగ్యంగా ఉంటారు. 

*అయితే ఆరోగ్యానికి ఎంతగానో మేలు చేసే ఫైబర్ రిచ్ ఫుడ్స్ గురించి మనం ఇప్పుడు చూద్దాం...

*కొన్ని పండ్లు తొక్క తీసి తినాల్సిందే కానీ, కొన్నింటిని నేరుగా తినవచ్చు. ఐనా చాలామంది వాటిని తొక్క తీసే తింటారు.

*అలాగే పప్పులను పొట్టు తీయకుండా వాడితే చాలా ప్రయోజానాలు ఉంటాయి.

*పండ్లు, కూరగాయల తొక్కలో, పొట్టు తీయని పప్పులో అత్యధిక శాతం ఫైబర్లుంటాయి. ఈ ఫైబర్లు శరీరానికి ఎంతో ఉపయోగాపడతాయి. దీనివల్ల మలబద్దకం, తత్సంబంధిత సమస్యలు కూడా దరిచేరవు.

*ముఖ్యంగా యాపిల్ పండు తొక్కలో సోల్యుబుల్ ఫైబర్ ఉంటుంది. ఇది బ్లడ్ కొలెస్ట్రాల్ ను, బ్లడ్ షుగర్ ను తగ్గించడానికి బాగా దోహదపడుతుంది. యాంటీ కేన్సర్ ప్రభావం సైతం దీనిలో ఉంది. పైన చర్మం తీసిన దానికన్నా పూర్తిగా తొక్కతో సహా తినడం వల్ల కేన్సర్ సెల్స్ పై ప్రభావం చూపగలదని అనేక పరిశోధనల ద్వారా తేలింది.

*రెండు లీటర్ల ఆరెంజ్ జ్యూస్ లో ఉండే విటమిన్ ‘సి’ ఒక ఎర్రని యాపిల్ పండు తొక్కలో ఉంటుందని పరిశోధనల ద్వారా వెల్లడి అయ్యింది.

*అదేవిధంగా బంగాళాదుంపల తొక్కలో, మినపపొట్టులో అత్యధిక శాతం ఫైబర్, ఐరన్, పొటాషియం, విటమిన్ - బి పుష్కలంగా లభిస్తాయి. యాంటి ఆక్సిడెంట్లు సైతం సమృద్దిగా ఇందులో ఉంటాయి. 

చేదుగా ఉండే సిట్రస్ పండ్ల తొక్కలో కూడా యాంటీ ఆక్సిడెంట్లు బాగా ఉంటాయి. ఊపిరితిత్తుల సమస్యలకు ఇవి బాగా పనిచేస్తాయి.

*నిమ్మ, నారింజ కాయలు తొక్కలను నేరుగా తినడం సాధ్యం కాదు. కాబట్టి తొక్కకు అంటుకుని లోపలి వైపు ఉండే పల్చని పొరను వంటకాలలో జోడించినా లేక టీ నీళ్ళలో తొక్కలను వేడి చేసి కాచి అవి తాగినా మంచి ఫలితం కనిపిస్తుంది.✍️```

. *సర్వం శ్రీకృష్ణార్పణమస్తు*

                       🌷🙏🌷```

 🙏లోకా సమస్తా సుఖినోభవన్తు!🙏```

🍀🌺🍀🌺🍀🌺🍀🌺🍀🌺🍀

*రేపటి తరానికి బతుకు, భద్రత లతోపాటు భారతీయత కూడా నేర్పండి.*

                     ➖▪️➖

మంగళవారం🍁* *🌹26 ఆగస్టు 2025🌹* *దృగ్గణిత పంచాంగం*

 *卐ॐ ఓం శ్రీ 🌹గురుభ్యోనమః ॐ卐*      

     *🍁మంగళవారం🍁*

   *🌹26 ఆగస్టు 2025🌹*  

     *దృగ్గణిత పంచాంగం* 

                  

*స్వస్తి శ్రీ విశ్వావసు నామ సంవత్సరం* 

*దక్షిణాయనం - వర్షఋతౌః*

*భాద్రపద మాసం - శుక్లపక్షం*

*తిథి  : తదియ* మ 01.54 వరకు ఉపరి *చవితి*

*వారం    : మంగళవారం* ( భౌమవాసరే )

*నక్షత్రం   : హస్త* పూర్తిగా రోజంతా రాత్రితో సహా

*యోగం : సాధ్య* మ 12.09 వరకు ఉపరి *శుభ*

*కరణం  : గరజి* మ 01.54 *వణజి* రా 02.46 ఉపరి *భద్ర*

*సాధారణ శుభ సమయాలు:* 

 *మ 12.00 - 01.00 సా 05.00 - 06.00*

అమృత కాలం  : *రా 11.30 - 01.15*

అభిజిత్ కాలం  : *ప 11.44 - 12.34*

*వర్జ్యం      : మ 01.01 - 02.46*

*దుర్ముహూర్తం  : ఉ 08.24 - 09.14 రా 11.00 - 11.46*

*రాహు కాలం   : మ 03.17 - 04.51*

గుళికకాళం       : *మ 12.09 - 01.43*

యమగండం     : *ఉ 09.01 - 10.35*

సూర్యరాశి : *సింహం*             

చంద్రరాశి : *కన్య*

సూర్యోదయం :*ఉ 06.01* 

సూర్యాస్తమయం :*సా 06.34*

*ప్రయాణశూల   : ఉత్తర దిక్కుకు పనికిరాదు*

*వైదిక విషయాలు:*

ప్రాతః కాలం          :  *ఉ 05.53 - 08.24*

సంగవ కాలం         :     *08.24 - 10.54*

మధ్యాహ్న కాలం    :     *10.54 - 01.25*

అపరాహ్న కాలం    : *మ 01.25 - 03.55*

*ఆబ్ధికం తిధి         : తిథి శూన్యం*

సాయంకాలం        :*సా 03.55 - 06.25*

ప్రదోష కాలం         :  *సా 06.25 - 08.43*

రాత్రి కాలం           :*రా 08.43 - 11.46*

నిశీధి కాలం          :*రా 11.46 - 12.32*

బ్రాహ్మీ ముహూర్తం :*తె 04.22 - 05.07*

******************************

         *🌷ప్రతినిత్యం🌷*

        *_గోమాతను 🐄 పూజించండి_* 

        *_గోమాతను 🐄 సంరక్షించండి_*

*🍁శ్రీఆంజనేయ స్తుతి🍁*

*నమో నిఖిలారక్షాకరం*

*రుద్రా రూపం*

*నమో మారుతిమ్* 

*రామ దూతం నమామి*

             🍁 *ఓం శ్రీ*🍁

🌹 *ఆంజనేయాయ నమః*🌹

🍁🪷🌹🛕🌹🌷🪷🌷🍁

*సర్వే జనాః సజ్జనో భవంతు !*

*సర్వే సజ్జనా స్వజనో భవంతు !!*

*సర్వే స్వజనా సుకృతో భవంతు !*

*సర్వే సుకృత జనః సుఖినో భవంతు !!*

<><><><><><><><><><><><><><>        

          🌷 *సేకరణ*🌷

      🌹🌿🍁🍁🌿🌹

        *న్యాయపతి వేంకట*

       *లక్ష్మీ నరసింహా రావు*

      🌷🍃🍁🍁🍃🌷

 🌹🌷🍁🍁🍁🍁🌷🌹

రమణ చెప్పిన బాపు కథ!

 💥రమణ చెప్పిన బాపు కథ!

బాపుగురించి చెప్పాలంటే రమణ గురించి, రమణ గురించి చెప్పాలంటే బాపూ గురించి చెప్పక తప్పదు. వారి స్నేహబంధం అంత దృఢమైనది.

ఇద్దరి జీవితాలూ గోదారి ఒడ్డునే మొదలైనా మద్రాసులో వారి బంధం గట్టిపడింది.

సినిమా ఆఫీసుల చుట్టూ తిరిగిన రోజులూ, పస్తులతో పడుకున్న రోజులూ, మిత్రులతో సరదా సంభాషణలూ, మధ్య మధ్యలో కొంటె బొమ్మలూ, హిట్లు, ఫెయిల్యూర్లు... ఇలా ఒకటేమిటి వారి జీవితాలను తరచి చూస్తే ఎన్నో సంగతులు.

తమ మధ్య చోటుచేసుకున్న ఎన్నెన్నో సంగతులనూ, అప్పటి సందర్భాలనూ రమణగారు తన "కోతి కొమ్మచ్చి"లో గుదిగుచ్చారు.

ముఖ్యంగా తన ప్రియ నేస్తం బాపు గురించి చెప్పిన కొన్ని ఆసక్తికరమైన అంశాలు... ముళ్ళపూడివారి మాటల్లోనే..

💥ఇడ్లీ కన్నా పచ్చడే బాగుంది!

ఓసారి చిన్న కథ రాసి ప్రభ ఆఫీసుకు వెళ్ళాను. ఎడిటర్ విశ్వంగారికి ఇచ్చి కూర్చున్నాను.

"ఇక మీరు వెళ్లవచ్చు. బాగుంటే దినపత్రికలో ప్రకటన వస్తుంది" అన్నారు విశ్వంగారు.

"చిన్న కథేనండి... కొంచెం చదివి ఇప్పుడే చెప్పేస్తే... అన్నాను నేను.

ఆయన చురుక్కున చూశారు.

చేతిలోని పుస్తకంలో దాచిన బాపు బొమ్మతీసి బల్లమీద పెట్టాను. ‘‘మా ఫ్రెండ్ బాపు – బొమ్మ కూడా వేశాడు. ఫ్రీ’’ అన్నాను.

"అక్కర్లేదు, మాకు ఆర్టిస్టులున్నారు. బయటవాళ్లవి తీసుకోం’’ అంటూనే ఆయన బాపు వేసిన బొమ్మని ఓ క్షణం సేపు చూశారు.

ఏమనుకున్నారో గానీ, పక్కనే ఉన్న నా కథను చూసి చదవసాగారు. రెండు నిమిషాల్లో కథ చదివేశారు. 

బాపు బొమ్మను మళ్లీ ఓసారి చూశారు.

"ఇడ్లీకన్నా పచ్చడే బాగుంది" వేస్తాను లెండి’’ అన్నారు.

ముప్పావలా పెట్టి ఫుల్‌ మీల్స్ తిన్నంత బలం వచ్చేసింది.

ఈ ఇడ్లీ కన్నా పచ్చడి బాగుండటం జోక్‌లా అనిపించినా – తర్వాత అది చిరసత్యమై, స్థిరసత్యమై నిలబడింది.

తర్వాత నేను గోప్ఫ రైటర్నయిపోయి ఎన్ని గొప్ప కథలు రాసినా – బాపు గొప్పన్నర బొమ్మలు వేసేవాడు.

అప్పుడు నేననుకునేవాడిని – ఇడ్లీ కన్నా పచ్చడే బాగుందని.

(సేకరణ)👆

_ఆగష్టు 26, 2025_* 🌝

  🌞 *_ఆగష్టు 26, 2025_* 🌝

*శ్రీ విశ్వావసు నామ సంవత్సరం*

*దక్షిణాయణం*

*వర్ష ఋతువు*

*భాద్రపద మాసం*

*శుక్ల పక్షం*

తిథి: *తదియ* మ12.36

వారం: *భౌమవాసరే*

(మంగళవారం)

నక్షత్రం : *హస్త*

మర్నాడు తె5.46 వరకు

యోగం: *సాధ్యం* మ1.14

కరణం: *గరజి* మ12.36

&

*వణిజ* రా1.18

వర్జ్యం: *మ1.00-2.45*

దుర్ముహూర్తము: *ఉ8.17-9.07*

&

*రా10.53-11.39*

అమృతకాలం: *రా11.19-1.02*

రాహుకాలం: *మ3.00-4.30*

యమగండం: *ఉ9.00-10.30*

సూర్యరాశి: *సింహం*

చంద్రరాశి: *కన్య*

సూర్యోదయం: *5.48*

సూర్యాస్తమయం: *6.17*

           *లోకాః సమస్తాః*

           *సుఖినోభవంతు*

  *సర్వే జనాః సుఖినోభవంతు*

🙏 *మాస్టర్ నమస్కారమ్స్* 🙏

   🪷🇮🇳🚩🙏🚩🇮🇳🪷

   🕉🕉 *_శుభమస్తు_* 🕉🕉

పరహితము

 *శ్రీగురుభ్యోనమః*🙏

పరహితము లేక సేవ యందు స్వార్ధపూరిత భావము చోటు చేసుకున్నచో, నీటి యందు సుడి వలె కామ శరీరమున ఒక సుడి ఏర్పడును. సత్కర్మా చరణము చేయుచు, ధనము, కీర్తి, పలుకుబడి, అనుయాయులు, సౌకర్యములు పెరుగుచుండగా వానియందు ఆసక్తికి లోనైన వారందరును సుడిలో పడినవారే. కాలము సుడిలో వీరందరును క్రమముగా అదృశ్యమగుట తధ్యము. లక్షలాది సద్భావములు, సత్కర్మలు ఇట్లే నశించినవి.

పరమగురువులు ఈ విషయమును ఎక్కువ గమనించు చుందురు. సాధకుని మనోతత్త్వమును పరిశీలించి, హితకార్యము పెంపొందించుట యందే లగ్నమై దీక్షగా పన్నెండు సంవత్సరములు సత్కార్యములు ఆచరించు సాధకుని పరమగురువులు స్ఫూర్తితో నడిపించుటకు సంకల్పింతురు.

*Master K.P.K.🙏*

నవ గోపికా సంఘము