శివానందలహారీ
మనస్తే పాదాబ్జే నివసతు వచస్తోత్రఫణితౌ
కర శ్చాభ్యర్చాయాం శ్రుతీ రపి కథాకర్ణనవిధౌ
తవ ధ్యానే బుద్ధి ర్నయనయుగళం మూర్తి విభవే
పరగ్రంథాన్ కై ర్వా పరమ శివ జానే పరమతః
సీ. భవ్యమౌ భవదీయ పాదాబ్జములయందు
నిరతంబు నా మది నిలుచు గాక !
పావనంబగు నీదు ప్రార్థనా శ్లోకముల్
వాక్కులో నిరతంబు వఱలు గాక !
పూతాత్మతో నీదు పూజ సల్పుటకునై
యుభయ కరంబులు నుండు గాక !
నిగమ బోధితమైన నీ కథా మధురిమల్
వీనులు నిరతంబు వినును గాక !
నీ ధ్యాన మందునే నిరతంబు నా బుద్ధి
నిలకడ తోడను నిలుచు గాక !
దివ్యమౌ నీ మూర్తి తిలకించు తపనతో
మన్నేత్ర యుగ్మమ్ము మసలు గాక !
తే. ఇంతకంటెను వేఱగు నెఱుక తెలియ
నిచ్చగించను ఫాలాక్ష ! యెన్నడేని
నాదు సర్వేంద్రియములతో నీదు సేవ
సల్పు మది నిమ్ము శంకరా ! చాలు నదియె
గోపాలుని మధుసూదనరావు శర్మ
కామెంట్‌లు లేవు:
కామెంట్‌ను పోస్ట్ చేయండి