జనకుని విద్యల యందున

 *2040*

*కం*

జనకుని విద్యల యందున

తనయులు వర్ధిల్లగలుగు తప్పక నెపుడున్.

తనయులకిడు సిరులందున

తన విద్యయె గొప్ప ధనము ధరణిన సుజనా.

*భావం*:-- ఓ సుజనా! తన విద్యలలో తన పిల్లలు తప్పకుండా వర్ధిల్లగలరు. తన పిల్లలకు తండ్రి ఇచ్చే సంపదలలో తన విద్యయే అత్యంత గొప్పది.

*సందర్భం*:-- నేటి సమాజం లో తండ్రి యొక్క విద్యకాకుండా మరో విద్యలలో తన పిల్లలు రాణించాలని కోరుకునే తల్లిదండ్రులు ఎక్కువ మంది ఉన్నారు. అందువలన నే ఎన్నో కష్టాలు పడి 10% కూడా సరైన విద్యా ప్రగతి పిల్లలకు లభించడం లేదు. మార్కులకోసమే విద్యాసంస్థలు ఉన్నాయి గానీ విద్యాభ్యాసానికి కాదు. తండ్రి విద్య ఒక్క టే తనయులకు రక్షణ కాగా ఆ ఒక్క విద్యమాత్రమే పిల్లల కు నేర్పకపోవడమే పెద్ద సమస్య గా మారింది.

*** *కొంపెల్ల శ్రీనివాస శర్మ*