వరమౌ లోకహితార్థ

 మ.వరమౌ లోకహితార్థ దీక్షలవి సంభావింప నేకాగ్రతన్

తరియింపం జను పాప పంకిలపు నంతస్తాప దౌర్గత్య దు

ర్భర దారిద్ర్యపు వేదనల్ హితమతిన్ వర్ధిష్ణులం గొల్వ నె

త్తరి మేలుం దగఁ గూర్చ నెంచుట మహద్భాగ్యంబునౌ భారతీ!౹౹25 

శా.నేరారోపిత శిక్షయే వినుతమౌ నిత్యార్థ సంసిధ్ధిగన్

భారమ్మయ్యెడు చండ పాశమె ఘన స్వాతంత్ర్య రోచిస్సుగన్

కారాగార నివాసమే విదిత సత్కార్యాళి ప్రాప్తింగనన్ 

పోరాటమ్మును జేసినట్టి మణులన్ పూజించెదన్ భారతీ!౹౹ 26