పనులను కష్టం బనుచును

*కం*

పనులను కష్టం బనుచును

పనిచేయుట మానుకన్న పనిలో నెపుడున్

అనువగు సౌలభ్యమెరిగి

పనిమంతులుగా నెగడుట బాధ్యత సుజనా.

*భావం*:-- ఓ సుజనా! పనులు కష్టం గా ఉన్నాయంటూ మానివేయడం కన్నా ఆ పనిలో సౌలభ్యాన్ని తెలుసుకుని పనులు చేస్తూ పనిమంతులుగా వర్ధిల్లడం మన బాధ్యత.

*సందేశం*:-- ప్రతీ పనిలో నూ ఖచ్చితంగా ఒక సులభమార్గం ఉంటుంది, అది తెలుసుకోవడానికి ప్రయత్నించి పనిమంతులుగా వర్ధిల్లవలెను.

*** *కొంపెల్ల శ్రీనివాస శర్మ*

*కం*

దశవిధ రిపు సంహారము

దశహర పర్వంబునందు దర్శించదగున్.

దశగుణకర విజయదశమి

దిశదెల్పును కనకదుర్గ దీవెన సుజనా.

*అందరికీ విజయదశమి శుభాకాంక్షలు*

*** *కొంపెల్ల శ్రీనివాస శర్మ*