శ్రీ ఆదిశంకరాచార్య విరచితం

 🔱🔱⚜️⚜️🔱🔱⚜️⚜️🔱🔱

.      *శివానందలహరీ – శ్లోకం – 25*

.        శ్రీ ఆదిశంకరాచార్య విరచితం

🔱🔱⚜️⚜️🔱🔱⚜️⚜️🔱🔱

*స్తవైర్బ్రహ్మాదీనాం జయజయవచోభుర్నియమినాం*

*గణానాం కేళీభి ర్మదకలమహోక్షస్య కకుది*

*స్థితం నూలగ్రీవం త్రినయనముమాశ్లిష్టవపుషం*

*కదాత్వాం పశ్యేయం కరధృతమృగం ఖండపరశుమ్!!*

స్తోత్ర పాఠములతో బ్రహ్మాదులూ, జయజయ ధ్వనులతో మహర్షులూ, క్రీడా వినోదాలతో ప్రమథగణములూ నిన్ను సేవిస్తుండగా, అది ౘూసి సంతోషంతో ఱంకె వేస్తున్న వృషభము అనగా నందీశ్వరునిమూపురము పై కూర్చున్న వాడవునూ, నల్లని కంఠము గల వాడవునూ, మూడు కన్నులు కల వాడవునూ, పార్వతిచే ఆలింగితమైన దేహము కలవాడవునూ, లేడిని చేతితో పట్టుకొన్నవాడవునూ, ఖండింపబడిన పరశువు అనే ఆయుధమును ధరించిన వాడవునూ అయిన నిన్ను ( శివుని) సందర్శించే భాగ్యము నాకు ఎప్పుడు లభిస్తుందో కదా

*సేకరణ:- శ్రీ కె వి రమణ మూర్తిగారి వాట్సాప్ పోస్ట్.*

🔱🔱⚜️⚜️🔱🔱⚜️⚜️🔱🔱