ఒత్తిడి

 ఒత్తిడి..

సాధారణ జీవితం గడిపే వారికి అంటే ఉదయం లేచి తన పని తాను చేసుకొని తర్వాత తన కార్యాలు ఏవైతే ఉన్నాయో ఆఫీసు ఇతర పనులు చేసుకుంటూ ఎవరు ఏది అడిగినా ఇదిగో నేను ఫలానా ఈ టైంలో ఎక్కడున్నాను ఇది చేస్తున్నాను ఈ టైం లో ఇది జరిగింది అని ఉన్నది ఉన్నట్టు బతకడం సాధారణ జీవితం వీరికి అనారోగ్య సూచనలు చాలా తక్కువ

కొందరు ఉంటారు వారు చీటికిమాటికి అవసరం ఉన్నా లేకున్నా అబద్ధం చెప్పేస్తారు పలానా కారణం అంటూ ఏదీ ఉండదు కానీ అబద్ధం చెప్పేస్తారు చాలా తేలిక చాలా తేలికగా అబద్ధాలు చెబుతారు చెబుతున్నామని ఆలోచన కూడా లేకుండా అవలీలగా అబద్ధాలు చెప్పేస్తారు నిజాలు లోపల ఉండి పోవడం మూలాన జాలన్నీ తొక్కబడి లోలోన ఒత్తిడి పెరిగిపోయి దేహంలో ఉన్న రకరకాల అవయవాలపై ఒత్తిడి పెరిగి లేనిపోని సమస్యలన్నీ అక్కడ క్రియేట్ అవుతున్నాయి దీనివల్ల తీవ్రమైన అనారోగ్య సమస్యలు చుట్టుముట్టేస్తున్నాయి బీపీలు షుగర్లు వీటి ఫలితంగానే దీర్ఘకాలిక రోగాలు గుండె జబ్బులు కిడ్నీ సమస్యలు ఊపిరితిత్తుల సమస్యలు వంటి అనేక అనారోగ్యాలు చుట్టుముట్టి హాస్పిటల్స్ చుట్టూ తిరుగుతున్నారు. 

ఇదంతా కేవలం నిజాన్ని దాచి పెట్టి అబద్ధాలు చెప్పి కాలం గడపడం వల్ల. మోసం చేయాలి అనే ఆలోచన వచ్చినప్పుడే ఈ అబద్ధాలు ఎక్కువవుతాయి ఇవి ఎక్కువైనప్పుడు ఆరోగ్యం మందగిస్తుంది. చిన్న లాజిక్. ఇవన్నీ ఏదో జన్మలో చేసుకున్న కర్మలు కాదు ఈ జన్మలో మనం అబద్ధం ఆడటం వల్ల మోసాలు చేయడం వల్ల వస్తున్న సమస్యలు. ఒక చిన్న ఉదాహరణ చెప్తాను.

ఇంట్లో ఏదో పనిలో మీరు ఉన్నారు. అంతలో ఒక ఫోన్ కాల్ వచ్చింది మీరు పనిలో ఉండటం వల్ల మీ పిల్లలకి లేదా పిల్లాడికి లేదా బాబు పాప కి ఇంట్లో లేను తర్వాత ఫోన్ చేస్తాను అని చెప్పిస్తారు. వాస్తవానికి ఈ అబద్ధం వల్ల ఎవరికి ఇబ్బంది లేదు అయితే ఇది మీ పిల్లల చిన్నవాళ్ళు కావడంతో అది అబద్దమా నిజమా వాళ్ళకి తెలీదు దీన్నే వాళ్ళు ఫాలో అవుతారు తెలియకుండా. రేపు ఏదైనా అవసరం వచ్చినప్పుడు తెలియకుండానే అబద్ధాలు చెప్పేస్తారు మీ ఆడిన చిన్న అబద్ధం వాళ్ల లైఫ్ స్టైల్ చేంజ్ చేసేస్తుంది. వాళ్ళు అలా మారటానికి ఆరోజు మీరు ఆడిన అబద్ధం. వీళ్ళ జీవితాన్ని మార్చేస్తుంది. 

చాలా సింపుల్ ఒక చిన్న అబద్ధం ఎవరికి ఇబ్బంది కలగని అబద్ధమే ఇంత ప్రభావం చూపితే మరి మనం చేసే మోసాలు కావాలని చెప్పే అబద్ధాలు మన జీవితం ఎంత ప్రభావం చేయాలి ఆలోచించండి మీకు అర్థమవుతుంది. ఈ ఒత్తిడికి మూల కారణం ఇదే.

జై శ్రీ రామ్ 

కంచర్ల వెంకట రమణ