నీవిచ్చు శక్తిని నీకె సమర్పించు
కథనము తెలిపెను కౌశికుండు
నిన్నుపొందుటదియె నిజమైన ముదమని
సీతమ్మ తలచెను చిత్తమందు
నీవిడు భాగ్యము నీకె యుపకరించ
సుగ్రీవుడందించె సూత్రమిలను
నీపైన భక్తియే నిజమగు శక్తిగా
సాధించి చూపె కేసరిసుతుడు
నన్నునీకర్పించి మసలుటన్నదొకటె
తెలియవలెనను సత్యము తెలిసికొంటి
పూర్ణ విధుభాస కోదాడు పురనివాస
పాపనిష్కాస రఘునాథ పరమపురుష
కామెంట్లు లేవు:
కామెంట్ను పోస్ట్ చేయండి