# శివామృతలహరి శతకంలోని ఒక పద్యం;

శివామృతలహరి శతకం

 కీ.శే.శ్రీ.చిల్లర కృష్ణమూర్తి గారు వ్రాసిన
 # శివామృతలహరి శతకంలోని ఒక పద్యం;
మ||
కవి గంటమ్మున కమ్రగాయకుని మేల్కంఠాన నాట్యాంగనా
నవలావణ్యశుభాంగ భంగిమల విన్యాసమ్మునన్:బండలన్
సపురుంజౌరుచు బొమ్మలన్ మలచు స్వేచ్ఛాశిల్పికైసేతలన్
శివ ! నీ రూపమె తొంగిచూచినదయా! శ్రీ సిద్ధలింగేశ్వరా !
భావం;
మంచి కవిత్వం వ్రాసే కవుల కలం లోనూ,శ్రావ్యమైన సంగీతం ఆలపించే గాయకుడి కంఠం లోనూ,
అద్భుతంగా నాట్యం చేసే నర్తకి ప్రతి భంగిమలో నూ, బండలని అద్భుతమైన బొమ్మలుగా మలిచే ఉలిని పట్టిన శిల్పి యొక్క చేతులతోనూ,
నువ్వే కదయ్యా దాగి ఉంటావు.
అంటే ప్రతి కళా రూపాల్లో నీ రూపమే తొంగి చూస్తూ ఉంటుంది కదాయ్యా శివా! శ్రీ సిద్ధ లింగేశ్వరా!