🕉️🕉️🕉️🕉️🕉️🕉️🕉️🕉️🕉️🕉️🕉️
_"శ్రీపాద రాజం శరణం ప్రపద్యే"_
*🌸బ్రహ్మర్షి శ్రీ దేవరియా బాబా - 2 వ భాగం🌸*
_*"బ్రహ్మర్షి శ్రీ దేవరాహా బాబాతో భారత తొలి రాష్ట్రపతి"*_
ఆ పిల్లవానికి 🤵🏻సుమారు 10 - 15 సంవత్సరములుండి ఉండవచ్చు. వారి తాతగారు🥸 వాడిని ఒక బాబా దగ్గరకు తీసుకొని వెళ్తున్నారు. మార్గమధ్యంలో ఆ బాలుడు తాతగారితో - _"తాతగారూ...! మీరు ఈ బాబాను ఎప్పటి నుండి ఎరుగుదురు ?"_ అని ప్రశ్నించాడు. తాతగారు నవ్వుతూ _"నేను నీ వయసులో ఉన్నప్పటి నుండి"_ అని పలికారు. _"బాబా దగ్గరకు మీరు ఎందుకు వెళ్తున్నారు ?"_ మళ్ళీ బాలుడు తాతగారిని ప్రశ్నించాడు. ఆయనను చూసినంతనే నాకు ఎంతో ఆనందంగా ఉంటుంది. వారి మాటలు వింటుంటే నా మనస్సు ఎంతో శాంతి పొందుతుంది అని తాత మళ్ళీ సమాధానం ఇచ్చాడు. ఇంతలో ఇరువురూ బాబా దగ్గరకు చేరారు. బాబా, తాతగారు ఏవో కబుర్లు చెప్పుకుంటున్నారు. ఆ పిల్లవాడు కొద్దిసేపు వారి మాటలు విని, అంతలోనే చపలత్వం కారణంగా ఆ ఆశ్రమంలో ఉన్న చెట్లూచేమల మధ్య ఆడుతూ 🏃🏻♂️పాడుతూ తన సమయం గడిపేవాడు. వాడిని చూచి తాతగారు మందలించే వారు. తాత తన మనవడిని మందలిస్తూ ఉంటే బాబా ఆ తాతతో - *"నాయనా ! వీడు గొప్ప సంస్కారవంతుడు. వీడికి నా ఆశీర్వాదం పూర్తిగా ఉన్నది"* అని అంటూ ఆ పిల్లవాడితో నవ్వుతూ _*"అరే..! నీవు 🤴🏻 రాజువురా"*_ అంటూ ఆశీర్వదించారు. ఆ పిల్లవాడు భవిష్యత్తులో భారతదేశ రాష్ట్రపతి అయ్యాడు. ఆ పిల్లవాడు రాష్ట్రపతి అయిన తర్వాత మళ్లీ బాబా దగ్గరకు వెళ్ళాడు. బాబా నవ్వుతూ మళ్ళీ *"అరే..! నీవు రాజువురా"* అని పలికారు. వినయవంతుడు, ఆధ్యాత్మిక సంపన్నుడైన ఆ రాష్ట్రపతి బాబా పాద పద్మములకు 🙏👣🙏 నమస్కరించి - *"బాబా..! ధూళికణము ఆకాశములోనికి ఎగురుతుంది. ఇది దాని గొప్పతనము కాదు. వాయుదేవుని కృపతో దానికి ఆ అదృష్టం పట్టింది. మీ ఆశీర్వాద ఫలం వల్లనే నేను ఇంతవాడిని కాగలిగాను."* అని అన్నాడు. ఈ మాటలు అన్నది మరెవరో కాదు... _"భారతదేశ తొలి రాష్ట్రపతి డాక్టర్ బాబు రాజేంద్ర ప్రసాద్."_ పై విషయమును ఆయనే స్వయంగా తన గ్రంథము _"ఆటో (ఆత్మకథ) బయోగ్రఫీ ఆఫ్ డాక్టర్ రాజేంద్రప్రసాద్"_ లో వివరించారు. _*"ఆ బాబాయే దేవరాహా బాబా."*_🙏
*అవధూత చింతన శ్రీ గురుదేవ దత్త*
🕉️🕉️🕉️🕉️🕉️🕉️🕉️🕉️🕉️🕉️🕉️
కామెంట్‌లు లేవు:
కామెంట్‌ను పోస్ట్ చేయండి