ఆంధ్రభాషోపాధ్యాయుని మనోవేదన
సీ.
భాషానురక్తితో బద్యము బోధింప
నెంచగ రసమును నెఱుగ లేని
శిష్యగణము జూ‌సి శిరమదెంతో నొచ్చె
గద్య బోధను జేసి గణుతి కెక్క
దలచగ భావపు దారిద్ర్యమది దోచె
శబ్దసౌష్ఠవముతో శాస్త్ర బోధ
జేతుమన్న సరిగా జెవికి నెక్కించుకో
గల్గిన వారును గరువయితిరి
తే.గీ.
తెలుగు భాషను బోధింప దలకు మించె
గా నకట వింత పోకడ గాలమాయె
గురువుల చదువులెల్లను గుంట బెట్టి
నట్లు శిష్యోపయుక్తము నంద కుండె
😞😢😭
✍️యస్.కె.చక్రవర్తి
కామెంట్‌లు లేవు:
కామెంట్‌ను పోస్ట్ చేయండి