వరలక్ష్మీ మాత

 🙏వరలక్ష్మీ మాత 🙏

హరికిన్ బట్టపు దేవివి

సిరిసంపద లిచ్చు మాత ! శ్రితజనవల్లీ !

కరుణను జూడుము నిరతము

వరలక్ష్మీ మాత ! నీకు వందనమమ్మా! 01

నిరుపేదగు బ్రాహ్మణికిని

సిరిసంపద లీయ దలచి శ్రీశంకరులే

కరుణకు నిను ప్రార్థించెను 

వరలక్ష్మీ మాత ! నీకు వందనమమ్మా! 02

హరినురమును వీడియు నీ

నరులను గాపాడ నీవు నారాయణి వై 

కరవీరపురము నుంటివి

వరలక్ష్మీ మాత ! నీకు వందనమమ్మా! 03

నరపతి జనకుని యింటను

ధరణిని చీల్చంగ బుట్టి దశరథసూనున్

 బరిణయమాడిన సీతా! 

వరలక్ష్మీ మాత ! నీకు వందనమమ్మా! 04

నరపతి యాకాశ నృపతి 

ధర కర్షణ చేయు వేళ దుహితగ కల్గీ

సిరివాసుని పెండ్లాడిన 

వరలక్ష్మీ మాత ! నీకు వందనమమ్మా! 05

కరు లిరు వైపుల నిలచియు

విరులను వెదజల్లుచుండ వేడుక తోడన్

సిరులను నిచ్చెడు తల్లీ 

వరలక్ష్మీ మాత ! నీకు వందనమమ్మా! 06

సుర లసురులు సుధ కొఱకును

తరియించగ కడలి బుట్టి తామర యందున్

హరి నురమున నిలచిన యో

వరలక్ష్మీ మాత ! నీకు వందనమమ్మా! 07

✍️గోపాలుని మధుసూదనరావు🙏